លោកស្រី អ៊ុង ពីយ៉ាណេ ស្ថាបនិក នាយក និងនាយកប្រតិបត្តិគ្រឿងថែរក្សាសម្រស់ Nalia Skin។ លោកស្រីក៏ធ្លាប់ត្រូវបានទស្សនាវដ្ដីកំពូលរបស់ពិភពលោក Forbes លើកតម្កើងថាជាសហគ្រិនស្ត្រីគំរូ កាលពីឆ្នាំមុនផងដែរ។
Million Times 
ស្ថិតក្នុងលំដាប់សេដ្ឋិនី និងជាអ្នកជំនួញដែលមានមូលដ្ឋាននៅប្រទេសអូស្ត្រាលី លោកស្រី ពីយ៉ាណេ មានទំនាក់ទំនងជាមួយក្រុមហ៊ុនធំៗ និងផលិតករល្បីៗ រហូតដល់ថ្មីៗនេះ ស្ថាបនិក Nalia Skin បានចូលរួមក្នុងកម្មវិធីមហោស្រពភាពយន្តកាន លើកទី៧៩ នៅប្រទេសបារាំង។
វីដេអូដែលលោកស្រី អ៊ុង ពីយ៉ាណេ ដើរលេងកម្រាលព្រំក្រហមនៅមហោស្រពកាន ធ្វើឲ្យអន្តរជាតិចាប់អារម្មណ៍ខ្លាំង ពិសេសកាណុងកាមេរ៉ារបស់ស្ថាប័នផ្សព្វផ្សាយធំៗរបស់ពិភពលោក។ ស្ថិតក្នុងចំណោមភ្នែកមហាជនស្ត្រីអភិជនរូបនេះ បានគ្រងឈុតពណ៌ផ្កាឈូកអត់ដៃ ជាមួយគ្រឿងគជ់ខ្យងភ្លឺចិញ្ចែងចិញ្ចាច ជះសម្រស់មិនធម្មតា។
អ្នកជំនួញស្ត្រីខ្មែររូបនេះ បានចូលរួមកម្មវិធីចាក់បញ្ចាំងលើកដំបូងនៃរឿង Diamond ផលិតដោយលោក Andy Garcia នៅឆ្នាំនេះ នា Cannes film festival 2026។
គួររឭកផងដែរថា លោកស្រី អ៊ុង ពីយ៉ាណេ គឺជាអ្នកនិពន្ធ និងសហគ្រិនជនជាតិខ្មែរ រស់នៅប្រទេសអូស្ត្រាលី។ មិនតែប៉ុណ្ណោះ អ៊ុង ពីយ៉ាណេ ក៏ជាម្ចាស់ស្នាដៃសៀវភៅ «GOOD GIRL»។
ក្រុមហ៊ុន Nalia Skin របស់លោកស្រី ពីយ៉ាណេ ជាម៉ាកយីហោថែរក្សាសម្រស់ផ្ដោតក្នុងការផ្ដល់ទំនុកចិត្តដល់អ្នកប្រើប្រាស់គ្រប់រូប និងជាវាគ្មិនសិក្ខាសាលា “I AM WORTHY” ដែលជាសិក្ខាសាលានិយាយអំពីការផ្ដល់តម្លៃខ្លួនឯងទាំងក្នុងប្រទេសកម្ពុជា និងអូស្ត្រាលី។ មិនត្រឹមតែប៉ុណ្ណោះ លោកស្រីក៏ជាគ្រូបង្វឹកជីវិតដែលមានវិញ្ញាបនបត្របញ្ជាក់ច្បាស់លាស់ និងជាអ្នកសម្របសម្រួលខាងសមាធិផងដែរ៕
អត្ថបទ៖ ឆដា, រូបភាព៖ Piyané Ung
