ស្ថាបនិក នាយក និងនាយកប្រតិបត្តិគ្រឿងថែរក្សាសម្រស់ Nalia Skin លោកស្រី អ៊ុង ពីយ៉ាណេ បានបង្ហាញវត្តមានចូលរួមកម្មវិធីមហោស្រពភាពយន្តកាន ឆ្នាំ ២០២៦ នេះដោយចូលរួម ៤ ថ្ងៃ។
Million Times 
លោកស្រី អ៊ុង ពីយ៉ាណេ បានធ្វើឲ្យកាមេរ៉ាគ្រប់ប្រទេសដែលមានវត្តមាន ចាំយកព័ត៌មាន និងរូបភាពនៅមហោស្រពភាពយន្តទីក្រុងកាន តម្រង់ទៅកាន់ស្ត្រីខ្មែរ ដែលមានសមត្ថភាព និងទទួលស្គាល់ពីអន្តរជាតិរូបនេះ។
ក្នុងនោះស្ថាប័ន Getty Images ដ៏ល្បីល្បាញ ដែលមានជំនាញចាប់យករូបភាព ដោយគ្មានការកែសម្រួលជាច្រើនសន្លឹក។ ម្ចាស់ផលិតផលថែរក្សាសម្រស់ប្រេន Nalia Skin ក៏ត្រូវបានកាមេរ៉ា Cannes Film Festival បង្ហាញវីដេអូនៃសកម្មភាពរបស់លោកស្រីផងដែរ។
មិនតែប៉ុណ្ណោះម្ចាស់ស្នាដៃសៀវភៅ «GOOD GIRL» ក៏ត្រូវបានទស្សនាវដ្ដី vanity fair របស់អាមេរិកបានចុះផ្សាយដោយដាក់ Caption ថា “អ៊ុង ពីយ៉ាណេ នៅក្នុងពិធីបិទនៅថ្ងៃ ២៣ ខែឧសភា ឆ្នាំ ២០២៦”។
លោកស្រី អ៊ុង ពីយ៉ាណេ ដែលមានដើមកំណើតខ្មែរ និងបើកក្រុមហ៊ុននៅអូស្ត្រាលីរូបនេះ បានចូលរួម ៤ ថ្ងៃ នៃរយៈពេលសរុប ១២ ថ្ងៃ។ ក្នុងនោះអ្នកជំនួញខ្មែរបានជ្រើសរើសឈុតច្នៃឡើងពីស្រុកកំណើត ២ ឈុត ដោយមួយឈុតគឺជាសូត្រខ្មែរ៕
អត្ថបទ៖ ឆដា, រូបភាព៖ Piyané Ung
