នៅឆ្នាំនេះ លោកស្រី អ៊ឹមផាន វណ្ណឌី អគ្គនាយិកាក្រុមហ៊ុនផលិត និងលក់គ្រឿងអលង្ការ CBVH មិនបានចូលរួមកម្មវិធីក៏ពិតមែន តែក៏មិនភ្លេចចូលរួមឧបត្ថម្ភដល់សិល្បករខ្មែរ ដែលមានវត្តមាននៅទីនោះឡើយ។
Million Times 
បើទោះមិនបានចូលរួម តែលោកស្រីបានផ្ដល់គ្រឿងអលង្ការដល់សិល្បករ កុយ អេនណា ដែលមានឈ្មោះថា “រំដួលស្នេហ៍” ដ៏ភ្លឺចិញ្ចាចដែលជាក្បូរក្បាច់របស់ខ្មែរ និងធ្វើឡើងដោយកូនខ្មែរតែម្ដង។ ការបង្ហាញគ្រឿងអលង្ការ «រំដួលអប្សរអង្គរ» នៅលើឆាកអន្តរជាតិនៅទីក្រុងកាន ប្រទេសបារាំងលើកទី ៧៩ ពិតជាអស្ចារ្យណាស់។
ក្រុមហ៊ុនគ្រឿងអលង្ការ CBVH មានឱកាសបានបង្ហាញវត្តមានសាជាថ្មីជាមួយឈុតគ្រឿងអលង្ការ «រំដួលអប្សរអង្គរ» ដែលជាការរចនា និងបង្កើតថ្មីមួយរបស់ CBVH ដោយបានរចនាឡើងយកលំនាំតាម សុរងកនាងអប្សរ រួមផ្សំជាមួយផ្ការំដួលដែលជាផ្កាតំណាងឲ្យប្រទេសកម្ពុជាទៅកាន់ឆាកអន្តរជាតិនៅទីក្រុងកាន ប្រទេសបារាំង។
គួរបញ្ជាក់ផងដែរថា កាលពីឆ្នាំ ២០២៥ លោកស្រី អ៊ឹមផាន វណ្ណឌី ក៏បានចូលរួមដើរលើកម្រាលព្រំក្រហមមហោស្រពភាពយន្តកាន ដោយប្រើប្រាស់គ្រឿងអលង្ការដែលមានឈ្មោះថា «រំដួលស្នេហ៍»។
គួរបញ្ជាក់ផងដែរថា អគ្គនាយិកាក្រុមហ៊ុនផលិត និងលក់គ្រឿងអលង្ការ CBVH លោកស្រី អ៊ឹមផាន វណ្ណឌី ជាស្ត្រីអភិជន និងមានចំណេះដឹងខ្ពង់ខ្ពស់។ មិនតែប៉ុណ្ណោះក៏ជាមនុស្សមានសមានចិត្តល្អខ្លាំង ជួយដល់សង្គម៕
អត្ថបទ៖ ឆដា, រូបភាព៖ CBVH
