ម្ចាស់ក្រុមហ៊ុន Theara Leang Co.,Ltd លោកស្រី លាង ធារ៉ា ហាក់គ្មានការប្រែប្រួលអ្វីបន្តិចសោះ បើទៅជាមានវ័យជិត៤០ ឆ្នាំ និងជាអ្នកម្ដាយកូនប្រុសស្រី ៣ នាក់ហើយក្ដី។
Million Times 
ដោយឡែកនាពេលថ្មីៗនេះ លោកស្រី ធារ៉ា បានបង្ហាញរូបភាពថ្មី ធ្វើឲ្យប្រិយមិត្តអ្នកគាំទ្រ និងអតិថិជននៃហាងជាច្រើនរបស់ភរិយាឧកញ៉ា ឌី ជោត ភ្ញាក់ផ្អើលថែមទៀត ជាមួយរូបសម្រស់ស្រស់ស្អាត និងរឹតតែក្មេង។
ស្ថិតក្នុងរ៉ូបសាទីនពណ៌ផ្ទៃមេឃរបស់ប្រេន Oía Studios ម្ចាស់ប្រេន T&L ពិតជាស្រស់ស្អាត ជាមួយការតុបតែងខ្លួនបែបយុវវ័យ។ ទឹកមុខស្រទន់ បូករួមជាមួយការរៀបចំខ្លួនបែបសាមញ្ញ តែសម្រស់លោកស្រីចាំងឆ្វាច មិនសមនឹងវ័យសោះឡើយ។
លោកស្រី លាង ធារ៉ា តែងតែត្រូវបានគេកោតសរសើរថា ទោះស្ថិតក្នុងសម្លៀកបំពាក់បុរាណប្រពៃណី និងឈុតសម័យឡើយ ថៅកែគ្រឿងអលង្ការរូបនេះស្អាតខ្លាំង ហើយក៏ស្ត្រីម្នាក់ពូកែលេងម៉ូដសម្លៀកបំពាក់ផងដែរ។
គួរបញ្ជាក់ថា លោកស្រី លាង ធារ៉ា មួយរយៈនេះចូលចិត្តលេងម៉ូដសម្លៀកបំពាក់ច្នៃឡើងពីកំណាត់បែបសាទីន រលោងស្ដើងៗ៕
អត្ថបទ៖ឆដា , រូបភាព៖ T&L Natural
