លោកស្រី គឹម ចាន់ថា ភរិយាអ្នកឧកញ៉ា លាង ពៅ នៅតែមានរូបភាពផ្អែមល្ហែម បើទោះជាមានកូនប្រុសស្រីដល់ទៅ ៤ នាក់ហើយក៏ដោយ ក៏នៅតែស្រលាញ់ និងយកចិត្តទុកដាក់ មើលថែគ្នាមិនលែង។
Million Times 
ជាក់ស្ដែងថ្ងៃភ្ជាប់ពាក្យកញ្ញា អ៊ឹង នីខូល កូនស្រីអ្នកឧកញ៉ា លាង ហួង អ្នកអគ្គនាយក ក្រុមហ៊ុន ជីប ម៉ុង លែន លោកស្រី ឈុន គីមឡេង ជាមួយលោក ផន មុតច័ន្ទឧត្តម លោកស្រី គឹម ចាន់ថា បានជ្រើសរើសយកឈុតបុរាណ សំពត់បត់ពណ៌បៃតង ជាគូជាមួយនឹងស្វាមី។
រួមជាមួយគ្រឿងអលង្ការគជ់ខ្យងពណ៌មាស កាបូបដៃ Hermes Matte Alligator Mini Kelly Sellier 20 Malachite, Christian Dior អមដោយគ្រឿងពេជ្រមួយចំនួនទៀតផងដែរ។
គូស្វាមីគំរូ និងជាសេដ្ឋីនៅក្នុងសម្ព័ន្ធ ជីប ម៉ុង អ្នកឧកញ៉ា អ្នកឧកញ៉ា លាង ពៅ ដែលកាន់ជាអគ្គនាយក ក្រុមហ៊ុនស៊ីម៉ងត៍អូដ្ឋ និងស៊ីម៉ងត៍វី តែងតែធ្វើដំណើរជាមួយគ្នាមិនថាទៅធ្វើការ និងចូលរួមក្នុងកម្មវិធីក្រុមហ៊ុន ឬមង្គលការ ដោយអ្នកទាំង ២ តែងតែសរសើរគ្នាមិនដាច់ពីមាត់៕
អត្ថបទ៖ ឆដា, រូបភាព៖ The ring wedding cambodia និង One Memory
