លោកស្រី អ៊ឹមផាន វណ្ណឌី គឺជាអ្នកជំនួញស្រីដ៏ល្បីលើវិស័យគ្រឿងអលង្ការ ក្នុងស្រុកខ្មែរ ហើយក៏ជាអ្នកមានការងារក្នុងកម្មវិធីសប្បុរសធម៌ជាច្រើនផងដែរ តែបែរជាមិនដែលអួតអាងទ្រព្យសម្បត្តិ។
Million Times 
បើនិយាយដល់ឈុតសម្លៀកបំពាក់វិញ លោកស្រី វណ្ណឌី ជាសហគ្រិនស្រ្តីដែលពូកែក្នុងការរៀបចំ និងជ្រើសរើសឈុតបំផុត គឺសមនឹងកម្មវិធីបំផុត ព្រោះមិនត្រឹមជាប្រេនប៉ុណ្ណោះទេ ថែមទាំងស្រស់ស្អាត សមសួននឹងរូបរាងរបស់អគ្គនាយិកាក្រុមហ៊ុន ជាង បាក់ វណ្ណហុង។
ក្នុងនោះក៏មានឈុតអ្នកជំនួញរបស់ CHANEL ហើយក៏មានឈុតដទៃទៀតដែរ ទាំងពណ៌ និងម៉ូសសក្ដិសមជាអ្នកប្រឡូកក្នុងវិស័យជំនួញច្រើនឆ្នាំ។ ថៅកែស្រីហាងគ្រឿងអលង្ការជាង បាក់ វណ្ណហុង បានបង្ហាញឲ្យស្រ្តីដទៃមើលឃើញពី៏ការថែរក្សាសម្រស់ និងការងារត្រូវដើរទន្ទឹមគ្នា។
មិនតែប៉ុណ្ណោះក្នុងនាមជាស្ត្រីធ្វើការងារលើកស្ទួយស្ត្រីដូចគ្នា ក្រុមហ៊ុនផលិត លក់គ្រឿងអលង្ការ ជាង បាក់ វណ្ណ ហុង តែងតែផ្ដល់ជំនួញ ផ្គត់ផ្គង់ និងផ្ដល់ដំបូន្មានដល់ស្រ្តីជាអ្នកជំនួញ ព្រមទាំងអ្នកជំនាន់ក្រោយនូវរឿងល្អៗជាច្រើន។
អ្វីកាន់តែពិសេស លោកស្រី អ៊ឹមផាន់ វណ្ណឌី បានបង្ហាញពីរឿងដែលអ្នកជំនួញ និងជាភរិយាមួយរូបធ្វើ គឺទំនួលខុសត្រូវចំពោះក្រុមគ្រួសារ ម្ដាយល្អ ភរិយាបវរ ដែលគោរពស្រលាញ់ឲ្យតម្លៃដល់អ្នកផ្ទះ៕
អត្ថបទ៖ ឆដា, រូបភាព៖ Vanndy Imphan
