កាលពី​ថ្មី​ៗ​នេះ​នេះលោកស្រី អ៊ឹមផាន វណ្ណឌី បាន​រៀបចំ​​ពិធី​បើក​សម្ពោធ​ហាង ជាងបាក់ វណ្ណហុង រយៈពេល ២ ថ្ងៃ​ដែល​ទទួល​បាន​ការ​ចាប់អារម្មណ៍​ខ្លាំង​ពី​សំណាក់​អតិថិជន​ដែល​ជា​បុគ្គល​ល្បីល្បាញ​ក្នុង​ប្រទេស​ជាច្រើន​រូប។

ក្រឡេក​ទៅ​មើល​ការ​រៀបចំ​ខ្លួន​របស់​លោកស្រី អ៊ឹមផាន វណ្ណឌី ថៅកែ​ស្រី​ដ៏​ល្បី​ទាំង​សម្រស់ ចំណេះដឹង និង​ភាព​សប្បុរស​នេះ​វិញ ពិតជា​ស័ក្ដិសម​ជា​ម្ចាស់​ហាង​គ្រឿង​អលង្ការ​ស្រី​ជួរ​មុខ​នៃ​ប្រទេស​កម្ពុជា​មែន។

រយៈពេល ២ ថ្ងៃ​នៃ​ការ​សម្ពោធ​ហាង​ថ្មី លោកស្រី វណ្ណឌី បង្ហាញ​ខ្លួន​ជាមួយ​ឈុត​ដ៏​ស្រស់​ស្អាត​នៃ​យីហោ​ថ្មី​ៗ​លំដាប់​ពិភពលោក​ច្រើន​ម៉ូដ។ ក្នុង​នោះ អ្វី​ដែល​គួរឲ្យ​ចាប់អារម្មណ៍​ខ្លាំង គឺ​កាបូប​ដៃ​នៃ​ប្រេន Judith leiber ដែល​ជា​ម៉ាក​សំណព្វ​ចិត្ត​របស់​លោកស្រី សម​នឹង​ឈុត ព្រម​ទាំង​សម្រស់​អគ្គ​នាយិកា​ក្រុមហ៊ុន​គ្រឿងអលង្ការ​ជាង បាក់ វណ្ណហុង តែ​ម្ដង។

លោកស្រី វណ្ណឌី បាន​កាន់​កាបូប​ដៃ​​ប្រេន​ដែល​ចាប់​កំណើត​នៅ​ប្រទេស​ហុងគ្រី ២ ថ្ងៃ​នៃ​កម្មវិធី​សម្ពោធ​ហាង​របស់​ខ្លួន ដោយ​ម៉ូដ​ទី១ ជា Judith Leiber Parrot Clutch មាន​តម្លៃ ៥ ៦៩៥ ដុល្លារ។

ចំណែក​ម៉ូដ Judith Leiber Swan Odette ដែល​កាន់​ថ្ងៃ​ទី ២ វិញ លោកស្រី​បាន​ចំណាយ​ប្រាក់ ៥ ៩៩៥ ដុល្លារ។ គួរ​បញ្ជាក់​ថា លោកស្រី អ៊ឹមផាន វណ្ណឌី មាន​កាបូប​ដៃ​ម៉ាក Judith Leiber ជាច្រើន​ដូចជា Judith leiber Just For You Bow Rainbow Clutch, Judith Leiber Couture Seamless Bouquet Clutch Bag, Judith Leiber Katy Perry Mushroom Clutch និង Judith Leiber Couture Crystal Rose Clutch Bag ជាដើម៕

អត្ថបទ៖ ឆដា, រូបភាព៖ One Memory