លោកស្រី អួក និមល ឬអ្នកនិយមលេងបណ្ដាញសង្គមស្គាល់ និងហៅថា ម៉ាក់អូនភូ ដែលជាថៅកែផលិតផលថែរក្សាសម្រស់ប្រេន Felix កំពុងតែពពោះកូនទី២ ដែលនេះជាការទន្ទឹងរង់ចាំយ៉ាងយូរផងដែរ។
Million Times 
ក្រោយបង្ហាញពីវត្តមានកូនទី២ ក្នុងផ្ទៃ លោកស្រី និមល បានពាក់នូវនាឡិកាដៃ bulgari ពណ៌ខ្មៅដែលមានតម្លៃថ្លៃ។ ថៅកែឡេ Felix បានបង្ហាញខ្លួនក្នុងឈុតពណ៌ក្រហមឆ្អិនឆ្អៅ និងពាក់នាឡិកាដៃ Serpenti Spiga។
នាឡិកា Serpenti Spiga ជាមួយស្រោមសេរ៉ាមិចពណ៌ខ្មៅ ស៊ុមមាសពណ៌ផ្កាឈូក 18k ជាមួយពេជ្រ មុខនាឡិកាប៉ូលាពណ៌ខ្មៅ និងខ្សែដៃរាងជាវង់ពីរ ធ្វើពីសេរ៉ាមិចពណ៌ខ្មៅ និងធាតុមាសពណ៌ផ្កាឈូក 18k តម្លៃជាង ១ ម៉ឺនដុល្លារ។
សម្រាប់លោកស្រី និមល Felix ជាអ្នកជំនួញស្រីដែលមានភាពជោគជ័យលើវិស័យអនឡាញជិត ១០ ឆ្នាំមកហើយ។ដោយក្រោយជោគជ័យលោកស្រីបានបង្ហាញពីជីវភាពឡូយឆាយ និងប្រើប្រាស់សម្ភារៈប្រេនៗ លានសេរីទំនើប។
និយាយដល់សម្ភារៈទំនើប និងកំពូលរថយន្តលោកស្រី អួក និមល ឡើងទៅបរទេសដើម្បីកុម្ម៉ង់ផ្ទាល់តែម្ដង ហើយបើភូមិគ្រឹះវិញធំស្កឹមស្កៃខ្លាំងតែម្ដង។ ក្នុងវ័យ ៣២ ឆ្នាំថៅកែឡេ Felix ជោគជ័យខ្លាំងទាំងជំនួញ និងជីវិតគ្រួសារ៕
អត្ថបទ៖ ឆដា, រូបភាព៖ Nimol Felix
