កាលពីម្សិលមិញមានមង្គលការលំដាប់អភិជនមួយគូទៀតហើយ ដោយកូនក្រមុំនាម តែ សូដាណេ ជាកូនស្រីសេដ្ឋី ត្រាំង លី ប្រធានក្រុមប្រឹក្សាភិបាល និងជាស្ថាបនិកសាលា CIA First International School Cambodia Language Academy និងក្រុមហ៊ុន GA General Engineering។
Million Times 
កូនស្រីសេដ្ឋី ត្រាំង លី ម្ចាស់សាលា CIA First International School និងក្រុមហ៊ុនវិនិយោគលើវិស័យអប់រំ ចំណេះទូទៅ មជ្ឈមណ្ឌលភាសាអង់គ្លេស ការផ្គត់ផ្គង់ម៉ាស៊ីនត្រជាក់ គ្រឿងបរិក្ខារ និងប្រព័ន្ធបឺតខ្យល់ ជាមួយកំលោះរូបសង្ហានាម អ៊ាង រិទ្ធី។
មង្គលការដែលពោរពេញទៅដោយប្រណីតភាពទាំងសាមីម្ចាស់កម្មវិធី ភ្ញៀវកិត្តិយស និងការរៀបចំពោរពេញទៅដោយផ្កាស្រស់ និងក្បាច់បុរាណខ្មែរ នរណាៗឃើញហើយក៏ស្ងើចសរសើរដែរ។ កម្មវិធីដ៏ធំនាចុងឆ្នាំ ២០២៥ នេះក៏មានការចូលរួមពីសំណាក់ប្រមុខរាជរដ្ឋាភិបាល, មន្ត្រីរាជការ និងអ្នកជំនួញធំៗលំដាប់ប្រទេស។
កូនកំលោះសង្ហា និងកូនក្រមុំដ៏ស្រស់សោភា បានតុបតែងខ្លួនក្នុងឈុតបុរាណខ្មែរយ៉ាងអស្ចារ្យ អមដោយគ្រឿងអលង្ការដ៏ភ្លឺចិញ្ចាច។ ចំណែកភ្ញៀវប្រុសស្រីវ័យក្មេងរបស់កូនកំលោះកូនក្រមុំវិញក៏តុបតែងរាងកាយ ផាត់មុខស្អាតៗរៀងខ្លួនផងដែរ។
សម្រាប់ពិធីអាពាហ៍ពិពាហ៍កូនស្រីប្រធានក្រុមប្រឹក្សាភិបាល និងជាស្ថាបនិកសាលា CIA First International School ហើយក៏ជាសមាជិកក្រុមប្រឹក្សាភិបាលនៃសមាគមឧកញ៉ាកម្ពុជារូបនោះ រៀបចំឡើងយ៉ាងអធិកអធមតាមប្រពៃណីខ្មែរ នៅមជ្ឈមណ្ឌល ដឺព្រេមៀ សេនធឺរ សែនសុខ កាលពីថ្ងៃទី១៩ ខែតុលា ឆ្នាំ២០២៥៕
អត្ថបទ៖ឆដា, រូបភាព៖ One Memory