តាមដានជាមួយយើង៖ Million Times

ចាប់ពី​ថ្ងៃ ១៣ ដល់ថ្ងៃទី១៩ ខែ​មេសា ឆ្នាំ ២០២៦ កន្លង​ទៅ សម្រាប់​តែ​អាកាសយានដ្ឋាន​អន្តរជាតិ​តេជោ​មួយ បាន​ទទួល​អ្នក​ដំណើរ​អន្តរជាតិ​ចេញ​ចូល​មាន​ជាង ១០ ម៉ឺននាក់ ជន​បរទេស​ជាង ៣៤ ០០០នាក់ ក្នុង​នោះ អ្នក​ដំណើរ​អន្តរជាតិ​ធ្វើ​ដំណើរ​ចូល មាន​ប្រមាណ​ជាង ៥ ម៉ឺននាក់ ជន​បរទេស​ជាង ៣ ម៉ឺននាក់ និង​ចំនួន​កើន​ឡើង​បើ​ប្រៀបធៀប​សប្ដាហ៍​ធម្មតា​ដែល​មិន​មាន​ព្រឹត្តិការណ៍​បុណ្យជាតិ។ នេះ​ជា​របាយការណ៍​របស់​អគ្គនាយកដ្ឋាន​អន្តោប្រវេសន៍​នៃ​ក្រសួង​មហា​ផ្ទៃ។

ចាប់ពី​ថ្ងៃ ១៤ ដល់​ថ្ងៃ ១៦ ខែ​មេសា ឆ្នាំ ២០២៦ សម្រាប់​តែ​អាកាសយានដ្ឋាន​អន្តរជាតិ​តេជោ​មួយ បាន​ទទួល​បាន​ជើងហោះ​ហើរ​ចេញ​សរុប​មាន​ប្រមាណ​ជិត ៣៥០ ជើង សរុប​អ្នក​ដំណើរ​ប្រមាណ​ជិត ៤ ម៉ឺននាក់៕

អត្ថបទ៖ឆដា,រូបភាព៖ Techo International Airport

second...

x

The post ១សប្ដាហ៍ក្នុងឱកាសចូលឆ្នាំថ្មី អាកាសយានដ្ឋានអន្តរជាតិតេជោ ទទួលអ្នកដំណើរអន្តរជាតិចេញ-ចូលជាង ១០ម៉ឺននាក់ appeared first on Millions times.

នៅព្រឹកថ្ងៃអាទិត្យ ខែមីនា សម្តេចព្រះមហាសុមេធាធិបតី អំ លីមហេង សម្ដេចព្រះសង្ឃនាយកនៃគណៈមហានិកាយ និមន្តទតទីតាំងតម្កល់ព្រះពុទ្ធបដិមានៅអាកាសយានដ្ឋានអន្តរជាតិតេជោ សម្រាប់ជាទីគោរពសក្ការៈបូជារបស់បណ្តាពុទ្ធបរិស័ទជាតិ និងអន្តរជាតិធ្វើដំណើការឆ្លងកាត់នៅទីនោះ។

តាមដានជាមួយយើង៖ Million Times

ការយាងពីសម្តេច អំ លីមហេង តបតាមការនិមន្តរបស់មហាសេដ្ឋី ពុង ឃាវសែ ម្ចាស់គម្រោង និងទទួលបដិសណ្ឋារកិច្ចធ្វើបទបង្ហាញដោយផ្ទាល់របស់លោកឧកញ៉ា ឆារស៍ វ៉ាន់​។ 

គណៈសង្ឃនាយកនៃកម្ពុជា បានបញ្ជាក់ថា ការកសាងទីតម្កល់ព្រះពុទ្ធបដិមា ដើម្បីបង្ហាញពី រចនាបទ វប្បធម៌ និងការលើកតម្កើងព្រះពុទ្ធសាសនា ជាសាសនារបស់រដ្ឋ ទៅកាន់ភ្ញៀវជាតិ និងអន្តរជាតិ​ ដែល​គ្រោង​បេីកដំណេីរនាពេលឆាប់ៗខាងមុខនេះ។

សូមជម្រាបថា អាកាសយានដ្ឋានអន្តរជាតិតេជោ សម្រេចការសាងសង់បានចំនួន ៩៥% និងចំណាយទឹកប្រាក់អស់ ១៦០០លានដុល្លារគិតត្រឹមថ្ងៃទី២១ ខែមីនានេះ ហើយគ្រោងនឹងបើកដំណើរការក្នុងខែកក្កដា ឆ្នាំ២០២៥ខាងមុខនេះ។

ថ្លែងប្រាប់អ្នកសារព័ត៌មានមកពី ៥៦ស្ថាប័នធ្វើដំណើរទស្សនកិច្ចទៅកាន់ព្រលានយន្តហោះអន្តរជាតិតេជោ កាលពីសប្តាហ៍មុន ឧកញ៉ា ឆារស៍ វ៉ាន់ បានលើកឡើងថា ក្រៅពីចម្លាក់បដិមាចំនួន ២០០ នៅបរិវេណ អាកាសយានដ្ឋាន អន្តរជាតិតេជោ បច្ចុប្បន្នក្រុមហ៊ុនកំពុងរៀបចំដាក់បដិមាព្រះពុទ្ធដ៏ធំមួយ បន្ទាប់ពីនិមន្តសម្ដេចសង្ឃរាជ អំ លឹមហេង យាងទតទីតាំងដាក់បដិមាព្រះពុទ្ធ នៅអាកាសយានដ្ឋានអន្តរជាតិតេជោ។

លោកបានបញ្ជាក់ថា អាកាសយានដ្ឋានមានទំហំធំជាងគេនៅក្នុងប្រទេសកម្ពុជា ដែលបានសាងសង់ឡើងយ៉ាងប្រណីត និងគិតគូរគ្រប់ជ្រុងជ្រោយ អំពី បរិស្ថាន ដែលមានលក្ខណៈបៃតង និងមានភាពច្នៃប្រឌិតតូចៗ ដែលធ្វើឡើងឲ្យមានភាពទាក់ទាញជាពិសេសបានបង្ហាញអំពីវប្បធម៌ខ្មែរតាមរយៈ រូបចម្លាក់ ផ្ទះបុរាណ ភូមិវប្បធម៌ជាដើម។

លើសពីនេះ អាកាសយានដ្ឋាននឹងរៀបចំផ្លាស់ប្ដូរភូមិវប្បធម៌ពីខេត្តសៀមរាប មកដាក់ក្នុងអាកាសយានដ្ឋានអន្តរជាតិតេជោ ក្នុងគោលបំណងបង្កើតបរិយាកាសល្អសម្រាប់អ្នកដំណើរដែលរង់ចាំ ក៏ដូចជាភ្ញៀវទេសចរអាចចូលលេងកម្សាន្ត និងស្វែងយល់អំពីវប្បធម៌ អរិយធម៌របស់ប្រទេសកម្ពុជា៕

អត្ថបទ៖ ពិសិដ្ឋ រូបភាព៖ ផេកគណសង្ឃនាយក

second...

x

The post មហាសេដ្ឋី ពុង ឃាវសែ និមន្តសម្ដេចព្រះសង្ឃនាយក ទតទីតាំងរៀបចំដំឡើងបដិមាព្រះពុទ្ធដ៏ធំក្នុងព្រលានថ្មីតេជោ appeared first on Millions times.

តាមដានជាមួយយើង៖ Million Times

​CNN ​បាន​គាស់​កកាយ​ពី​ស្ថាបត្យកម្ម​ធំ​ៗ ​និង​ពិសេស​ៗ​រហូត​ដល់ ​១១ ​នៅ​លើ​លោក​ ដែល​កំពុង​សាងសង់ ហើយអាច​រួច​រាល់​ក្នុង​ឆ្នាំ ២០២៥ ​នេះ។ ​ក្នុង​នោះកាសយានដ្ឋាន​អន្តរជាតិតេជោ គឺ​ជា​អាកាស​យាន​ដ្ឋាន​ Greenfield ដែលមានផ្ទៃដីសរុប ២ ៦០០ ហិកតា ស្ថិតនៅចម្ងាយ ១៩ គីឡូម៉ែត្រ ពី​រាជ​ធានី​ភ្នំ​ពេញ។ ថវិកា​វិនិយោគ​សម្រាប់​ដំណាក់​កាល​ទី​១ ​គឺ ​១ ៥០០​ លាន​ដុល្លារ ដោយ​មិន​រាប់​បញ្ចូល​ដី​ព្រលាន​យន្ត​ហោះ។ អាកាស​យានដ្ឋាន​អន្តរជាតិ​តេជោ ជា​ប្រភេទ​ 4F គឺប្រភេទព្រលាន​យន្តហោះធំ ដែល​អាច​នឹង​ស្រូប​យក និង​ទទួល​បាន​ការហោះហើរពីឆ្ងាយឆ្លងទ្វីប​បាន​។

ប្រភព​ដដែល​បាន​រាយការណ៍​បន្ថែម​ថា ​គម្រោង​អាកាសយានដ្ឋាន​តេជោ គ្រោង​​​បើក​ដំណើរការ​នៅ​ខែ​កក្កដា​ ឆ្នាំ​ ២០២៥ ​ខាង​មុខ​នេះ ​ដោយ​មាន​សមត្ថភាព​ទទួល​បាន​អ្នក​ដំណើរ​ប្រចាំ​ឆ្នាំ​ក្នុង​ដំណាក់​កាល​ដំបូង​ចំនួន​ ១៣​ លាន​នាក់។ ខណៈបច្ចុប្បន្ននេះ គម្រោងសាងសង់ សម្រេចបានប្រហែលជាង ៩០%។

ជាមួយ​នឹង​ទម្រង់​ដែល​ត្រូវ​បាន​បំផុស​គំនិត​ដោយ​ការ​រចនា​បែប​ប្រពៃណី​របស់​ខ្មែរ​ ដំបូល​ចំណត​របស់​ស្ថានីយ​ត្រូវ​បាន​គាំទ្រ​ដោយ​ “ដើមឈើ” ​រចនា​សម្ព័ន្ធ​ជា​បន្ត​បន្ទាប់​ (ដើម​ឈើ​ពិត​នឹង​កើន​ឡើង​តាម​ចន្លោះ​កណ្តាល​ដ៏​ធំ​ផង​ដែរ)។ ដំបូល​នឹង​រចនា​តាម​ក្រឡា​ចត្រង្គ​របស់​រចនា​សម្ព័ន្ធ​ដែល​ត្រង​ពន្លឺ​ថ្ងៃ ​និង​បំភ្លឺ​ផ្នែក​ខាង​ក្នុង​ដែល​ពោរពេញ​ដោយ​រុក្ខជាតិ​បៃតង​ត្រូ​ពិច ខណៈ​ពេល​ដែល​អ្នក​ដំណើរ​នឹង​ទៅ​ដល់​ច្រក​ទ្វារ​របស់​ពួកគេ​តាម​រយៈ​ស្លាប​ពីរ​ដែល​មាន​រាង​ដូច​ខ្យល់។ ទាំងនេះ​ជាការរៀបរាប់​របស់សារព័ត៌មានអាមេរិក​លំដាប់ពិភពលោក CNN៕

អត្ថបទ៖ មេរ៉ា៖ រូបភាព៖ CNN

second...

x

The post កំពុង​ល្បី CNN ​ចុះ​ផ្សាយ​អាកាសយានដ្ឋាន​អន្ដរជាតិ​តេជោ ​ជា​ស្ថាបត្យកម្ម​ធំ​បំផុត​មួយ​នៅ​អាស៊ី​ appeared first on Millions times.

នៅថ្ងៃពុធនេះ លោក ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បើកកិច្ចប្រជុំ និងចុះត្រួតពិនិត្យវឌ្ឍនភាពនៃគម្រោងសាងសង់អាកាសយានដ្ឋានអន្ដរជាតិតេជោ ដំណាក់កាលទី១ ដើម្បីត្រៀមខ្លួនបញ្ចប់ការងារ និងបើកដំណើរការនៅឆ្នាំក្រោយ។ លោក ឆារស៍ វ៉ាន់ នាយកគ្រប់គ្រងក្រុមហ៊ុន CAIC បានថ្លែងប្រាប់ក្រុមអ្នកសារព័ត៌មាន ក្រោយបញ្ចប់កិច្ចប្រជុំថា «នៅក្នុងកិច្ចប្រជុំថ្ងៃនេះ លោក ម៉ៅ ហាវណ្ណាល់ បានកំណត់ក្នុងការបើកដំណើរការ អាកាសយានដ្ឋានអន្ដរជាតិតេជោ នៅក្នុងខែកក្កដា ឆ្នាំ២០២៥»។

តាមដានជាមួយយើង៖ Million Times

លោកថ្លែងថា រាល់ដំណើរការសាងសង់អាកាសយានដ្ឋានអន្តរជាតិតេជោ គឺដំណើរការទៅតាមផែនការ ដោយនៅសល់តែបញ្ហាតិចតួចតែប៉ុណ្ណោះ ដើម្បីត្រៀមរៀបចំបន្ដក្នុងការបញ្ចប់ការងារសាងសង់នៅឆ្នាំ២០២៥។

គម្រោងសាងសង់អាកាសយាន្តដ្ឋានអន្តរជាតិតេជោ ត្រូវបានរាជរដ្ឋាភិបាលបានផ្តល់សិទ្ធិឱ្យក្រុមហ៊ុន CAIC ដែលជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា និងក្រុមហ៊ុន OCIC សាងសង់ និងអភិវឌ្ឍអាកាសយានដ្ឋានអន្តរជាតិតេជោ ​លើផ្ទៃដីទំហំ ២ ៦០០ហិចតា ស្ថិតនៅចម្ងាយប្រមាណជាង ២០គីឡូម៉ែត្រពីភាគខាងត្បូងភ្នំពេញ។ គម្រោងនេះគ្រោងចាយសម្រាប់ដំណាក់កាលទី១ ប្រមាណ ១៥០០លានដុល្លារ ដោយប្រើប្រាស់កម្លាំងបុគ្គលិក កម្មករចំនួនសរុប ៣,៧៤០នាក់។ 

ក្នុងឱកាសត្រួតពិនិត្យវឌ្ឍនភាពនៃការសាងសង់ព្រលានយន្តហោះអន្តរជាតិតេជោ កាលពីខែមីនាឆ្នាំនេះ សម្តេច ហ៊ុន ម៉ាណែត បានថ្លែងថា សំណង់អាកាសយានដ្ឋានអន្តរជាតិតេជោ ពុំមែនតែជានិមិត្តរូបនៃភាពល្អមើលប៉ុណ្ណោះទេ ប៉ុន្តែគឺបង្ហាញពីការរីកចម្រើនរបស់កម្ពុជា និងការទាក់ទាញភ្ញៀវទេសចរ ពោលគឺជាចលករសម្រាប់ជំរុញកំណើនសេដ្ឋកិច្ចជាតិ និងលើកកម្ពស់ជីវភាពប្រជាជន។

សម្តេចគូសបញ្ជាក់ថា ព្រលានយន្តហោះនេះ ក៏នឹងចូលរួមទាក់ទាញនិងជំរុញវិស័យទេសចរណ៍ឱ្យកាន់តែរីកចម្រើន ដើម្បីបង្កើតការងារ និងបង្កើនចំណូលជូនប្រជាពលរដ្ឋ និងបង្កើនចំណូលថវិកាជាតិផងដែរ។ សម្តេចក៏បានសង្កត់ធ្ងន់ថា វិស័យទេសចរណ៍ បាននិងកំពុងចូលរួមចំណែកយ៉ាងធំធេងសម្រាប់កំណើនសេដ្ឋកិច្ចជាតិ ប៉ុន្តែទន្ទឹមនោះ យើងត្រូវពង្រឹងនិងពង្រីកសេវាកម្មទេសចរណ៍ឱ្យកាន់តែច្រើនថែមទៀតដែលមានគុណភាពដើម្បីឱ្យទេសចរបរទេសស្នាក់នៅយូរអង្វែងនៅក្នុងប្រទេសកម្ពុជា៕

អត្ថបទ៖ សាងតេជៈ រូបភាព៖ រដ្ឋលេខាធិការដ្ឋានអាកាសចរណ៍ស៊ីវិល និងផេកលោក កើត ឆែ

second...

x

The post ច្បាស់ការ! អាកាសយានដ្ឋានអន្តរជាតិតេជោ នឹងបើកដំណើរការ អំឡុងខែកក្កដាឆ្នាំ២០២៥ appeared first on Millions times.

ការចុះត្រួតពិនិត្យវឌ្ឍននៃការភាពសាងសង់នាពេលនេះ ត្រូវបានស្វាគមន៍និងធ្វើបទបង្ហាញដោយលោកអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល CAIC និងអគ្គនាយកក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក(CAIC) ដែលជាអ្នកទទួលបន្ទុកសាងសង់អាកាសយានដ្ឋានថ្មីនេះ ខណៈអាកាសយានដ្ឋានបានចាប់ផ្តើមធ្វើការការហោះហើរសាកល្បងកាលពីខែកញ្ញាកន្លងទៅដើម្បីធ្វើតេស្តឧបករណ៍បច្ចេកទេស។

តាមដានជាមួយយើង៖ Million Times

បើតាមអ្នកគ្រប់គ្រងគម្រោងសាងសង់បានឲ្យដឹងថា គិតត្រឹមដំណាច់ខែសីហា ឆ្នាំ២០២៤ អាកាសយាន្តដ្ឋានអន្តរជាតិតេជោ សម្រេចបានជិត ៨៤% ដោយចំណាយទឹកប្រាក់សរុបអស់ចំនួនប្រមាណ ១២២០លានដុល្លារ ដោយគ្រោងនឹងបញ្ចប់ការសាងសង់ទាំងស្រុងនៅចុងឆ្នាំនេះ ហើយបើគ្មានអ្វីប្រែប្រួលទេនោះ អាកាសយាន្តដ្ឋាននឹងដាក់សម្ពោធជាផ្លូវការនៅក្នុងពាក់កណ្តាលឆ្នាំ២០២៥ខាងមុខ។

ក្រុមហ៊ុនមេ OCIC បញ្ជាក់ថា អាកាសយានដ្ឋានអន្តរជាតិតេជោ​(TIA) កំពុងស្ថិតក្នុងដំណើរការតភ្ជាប់រវាងប្រទេសកម្ពុជាទៅកាន់សហគមន៍អន្តរជាតិ ដោយបានសហការមួយនឹងដៃគូអន្តរជាតិដូចជា Changi Airport International, Heerim Architects & Planners Co., Ltd, និង Lagardère Travel Retail ជាមួយនឹងការរចនាដោយ Foster + Partners។

គួរឲ្យដឹងដែរថា គម្រោងសាងសង់អាកាសយានដ្ឋានអន្តរជាតិតេជោ ក្រោមទឹកប្រាក់វិនិយោគ ១៥០០ លានដុល្លារ ជាគម្រោងចម្រុះរដ្ឋ និងឯកជន ដែលរដ្ឋលេខាធិការដ្ឋានអាកាសចរណ៍ស៊ីវិល មានភាគហ៊ុនវិនិយោគ១០% នៅក្នុងភាគហ៊ុន ១០០%។ អាកាសយានដ្ឋានអន្តរជាតិថ្មីនេះជាប្រភេទ 4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឲ្យធំ និងទំនើបជាងគេនៅតំបន់អាស៊ី៕

អត្ថបទ៖ សេដ្ឋានី រូបភាព៖ OCIC

second...

x

The post អ្នកចម្បាំងចចក Wang Wenbin ចុះពិនិត្យគម្រោងសាងសង់អាកាសយានដ្ឋានអន្តរជាតិតាខ្មៅ appeared first on Millions times.

ការចាប់ផ្តើមហោះហើរសាកល្បង ដើម្បីត្រួតពិនិត្យឧបករណ៍បញ្ជាការហោះហើរ និងធ្វើតេស្តឱ្យបានរួចរាល់មុនថ្ងៃដាក់ឱ្យដំណើរការហោះហើរជាផ្លូវការ នៅឆមាសទី១ ឆ្នាំ២០២៥។ ការហោះហើរសាកល្បងនេះ នឹងត្រូវធ្វើឡើងចំនួន ២ដង លើកទី១ មានរយៈពេល៥ថ្ងៃពីថ្ងៃទី០៨ ខែកញ្ញា ដល់ថ្ងៃទី១២ ខែកញ្ញា និងលើកទី២ មានរយៈពេល៦ថ្ងៃ ពីថ្ងៃទី២៣ កញ្ញា ដល់ថ្ងៃទី២៨ ខែកញ្ញា ឆ្នាំ២០២៤។

តាមដានជាមួយយើង៖ Million Times

សារព័ត៌មានក្នុងស្រុកជាច្រើនបានចុះផ្សាយថា គិតត្រឹមដំណាច់ខែសីហា ឆ្នាំ២០២៤ គម្រោងសាងសង់អាកាសយាន្តដ្ឋានអន្តរជាតិតេជោ សម្រេចបានជិត ៨៤% ដោយចំណាយទឹកប្រាក់សរុប អស់ចំនួនប្រមាណ ១២២០លានដុល្លារ ដោយគ្រោងនឹងបញ្ចប់ការសាងសង់ទាំងស្រុង នៅចុងឆ្នាំ២០២៤នេះ។ បន្ទាប់ពីបញ្ចប់ការសាងសង់ នៅចុងឆ្នាំ២០២៤ បើគ្មានអ្វីប្រែប្រួលទេនោះ អាកាសយាន្តដ្ឋានអន្តរជាតិតេជោ នឹងដាក់សម្ពោធជាផ្លូវការនៅក្នុងពាក់កណ្តាល ឆ្នាំ២០២៥។

ជម្រាបជូនថា អាកាសយានដ្ឋានអន្តរជាតិថ្មីនេះ ជាប្រភេទ 4F ដែលអាចទទួលការហោះហើរពីឆ្ងាយឆ្លងទ្វីបនូវប្រភេទយន្តហោះធុនយក្សរហូតដល់ Airbus A380-800 និង យន្តហោះ Boeing 747-800 ចុះចតបាន៕

អត្ថបទ៖ ផល កុសល រូបភាព៖ បណ្តាញសង្គម

second...

x

The post ចាប់ពីថ្ងៃស្អែកទៅអាកាសយានដ្ឋានអន្តរជាតិតេជោ ចាប់ផ្តើមហោះហើរសាកល្បងពីរលើក appeared first on Millions times.

គេហទំព័រ Million Times នៅថ្ងៃនេះ សូមបង្ហាញនូវគម្រោងចំនួន ៣របស់រាជរដ្ឋាភិបាលកម្ពុជាដែលបាននឹងកំពុងសាងសង់សម្រាប់ជម្រុញសេដ្ឋកិច្ចឲ្យកាន់តែខ្លាំងបន្ថែមទៀតក្នុងវិស័យសាធារណការ និងអាកាសចរណ៍។

ខាងក្រោមនេះជាគម្រោងធំៗទាំង ៣របស់កម្ពុជាកំពុងដំណើរការសាងសង់រួមមាន៖

១/ អាកាសយានដ្ឋានអន្តរជាតិតេជោ

តាមដានជាមួយយើង៖ Million Times

គម្រោងអាកាសយានដ្ឋានអន្តរជាតិតេជោ បច្ចុប្បន្នកំពុងតែសាងសង់យ៉ាងមមាញឹកបំផុត ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ សម្រាប់ដំណាក់កាលទី១នេះ គម្រោងនេះគ្រោងនឹងចំណាយថវិកា ១៥០០លានដុល្លារអាមេរិក នឹងដាក់ឱ្យដំណើរការហោះ​ហើរ​​នៅ​ដើម​ឆ្នាំ ២០២៥ ខាងមុខ។​

អាកាសយានដ្ឋានអន្តរជាតិតេជោ បានចាប់ផ្តើមដំណើរការសាងសង់នៅឆ្នាំ២០១៩ ​នៅលើ​ទំហំដី ២ ៦០០​ហិកតា ​ដោយប្រើទឹកប្រាក់វិនិយោគចំនួន ១ ៥០០ លានដុល្លារ សាងសង់ដោយក្រុមហ៊ុន OCIC ដែលមាន​​ភូមិសាស្ត្រ​នៅ​ក្នុង​ខេត្តកណ្តាល​ជាប់​ខេត្តតាកែវ និង​មានចម្ងាយ​ប្រមាណ ២០ គីឡូពីរាជធានីភ្នំពេញ។

២/ ផ្លូវល្បឿនលឿនភ្នំពេញ-បាវិត

គម្រោងសាងសង់ផ្លូវល្បឿនលឿនភ្នំពេញ-បាវិត មានចម្ងាយ ១៣៨គីឡូម៉ែត្រ គ្រោងនឹងចំណាយថវិកាសាងសង់ប្រហែលជិត ២ពាន់លានដុល្លារអាមេរិក ដោយប្រើប្រាស់រយៈពេលចំនួន ៤៨ខែ គ្រោងនឹងបញ្ចប់​នៅក្នុង​អំឡុងឆ្នាំ២០២៧។

ផ្លូវល្បឿនលឿនភ្នំពេញ-ក្រុងបាវិត ត្រូវបានបើកការដ្ឋានជាផ្លូវការ នៅថ្ងៃទី០៧ ខែមិថុនា ឆ្នាំ២០២៣ ដែលឆ្លងកាត់ខេត្ត​កណ្តាល ព្រៃវែង ឆ្ពោះទៅកាន់ទីក្រុងបាវិត ជាគម្រោងប្រតិបត្តិការ-ផ្ទេរ (BOT) សាងសង់ដោយក្រុមហ៊ុន China Road and Bridge Corporation (CRBC)។ គម្រោងនេះផ្លូវល្បឿនលឿន នឹងត្រូវតភ្ជាប់ជាមួយគម្រោងផ្លូវល្បឿនលឿនហូជីមិញ-ម៉ុកបៃ របស់ប្រទេសវៀតណាម ដែលរំពឹងថានឹងរួចរាល់ក្នុងពេលដំណាលគ្នា។

៣/ ព្រែកជីកហ្វូណនតេជោ

គម្រោងសាងសង់ព្រែកជីកហ្វូណនតេជោ គឺជាព្រែកជីកប្រវត្តិសាស្ត្រទី១ និងជាការទន្ទឹងរង់ចាំជាយូររបស់ប្រជាជនកម្ពុជា ដោយបានប្រកាសបើកការដ្ឋានសាសង់ជាផ្លូវការនៅថ្ងៃទី៥ ខែសីហា ឆ្នាំ២០២៤ ក្រោមការចូលរួមចុចប៊ូតុងពីនាយករដ្ឋមន្រ្តី សម្តេច ហ៊ុន ម៉ាណែត។

ព្រែកជីកហ្វូណនតេជោ មានប្រវែង ១៨០គីឡូម៉ែត្រ ដែលតភ្ជាប់ទន្លេមេគង្គ (ដៃទន្លេ) ទៅនឹងផ្លូវដឹកជញ្ជូនសមុទ្រ ឆ្លងកាត់ខេត្តចំនួន ៤ រួមមាន ខេត្តកណ្តាល តាកែវ កំពត និងខេត្តកែប។ គម្រោងនេះ គ្រោងចំណាយថវិកាចំនួន ១.៧០០ លានដុល្លាអាមេរិក ក្រោមទម្រង់វិនិយោគ BOT (កិច្ចសន្យាសាងសង់-ធ្វើអាជីវកម្ម-ផ្ទេរ) ដែលភាគហ៊ុនវិស័យឯកជនក្នុងស្រុក មានចំនួនរហូតដល់ទៅ ៥១% នៃថវិកាគម្រោង។

នៅពេលគម្រោងនេះអនុវត្តរួចរាល់ យើងនឹងទទួលបានអត្ថប្រយោជន៍ជាច្រើន ដូចជា កាត់បន្ថយរយៈពេល ចម្ងាយ និងតម្លៃនៃការដឹកជញ្ជូននាពេលបច្ចុប្បន្ន បង្កើតតំបន់ពាណិជ្ជកម្ម និងមជ្ឈមណ្ឌល ភស្តុភារកម្ម អភិវឌ្ឍផែរណបថ្មីៗ ពង្រីកតំបន់អភិវឌ្ឍកសិកម្ម ធារាសាស្ត្រ វារីវប្បកម្ម និងកសិដ្ឋាន ដែលនឹងជួយគាំទ្រ ដល់ប៉ូលសេដ្ឋកិច្ចទី១ និងប៉ូលសេដ្ឋកិច្ចទី៤ របស់កម្ពុជា ព្រមទាំងបង្កើតការងារបន្ថែម, ជំរុញការអភិវឌ្ឍទីក្រុង នគរូបនីយកម្ម ភាពរីកចម្រើនផ្នែកអចលនវត្ថុ និងការវិនិយោគផ្សេងៗ ដែលនេះ គឺជាផលប្រយោជន៍ខ្មែរសុទ្ធសាធ និង ទ្រព្យសម្បត្តិដ៏មហាសាលរបស់ប្រជាជនកម្ពុជា៕

អត្ថបទ៖ ផល កុសល រូបភាព៖ បណ្តាញសង្គម

second...

x

The post គម្រោងដ៏ធំមហិមាអស់ទឹកប្រាក់រាប់ពាន់លានដុល្លារទាំង ៣ នឹងលេចវត្តមាននៅកម្ពុជាឆាប់ៗ appeared first on Millions times.

ក្នុងឱកាសនោះ លោកបញ្ជាក់ឱ្យដឹងថា បើតាមការពិនិត្យមូលហេតុដែលព្រែកហូរមានទឹកហូរយឺតគឺដោយសារតែ៖ ទី១)ចាប់ពីព្រែកយាយជាដែលមានមុខទឹកបែកជាពីរ ហូរបានតែមួយច្រក និងមួយច្រកទៀតនៅរាំងស្ទះកំពង់រង់ចាំការដោះស្រាយគោលនយោបាយ ទី២)នៅចុងប្រឡាយព្រែកហូរ ចាប់ពីប្រឡាយលេខ៣ នៅពុំទាន់បានធ្វើការស្ដារ ដោយសារកំពុងរង់ចាំការដោះស្រាយផលប៉ះពាល់។

តាមដានជាមួយយើង៖ Million Times

លោកបានបញ្ជាក់បន្ថែមថា ប្រឡាយភ្ជាប់លេខ៣ ត្រង់ប្រឡាយ៩៦ ស្ថានភាពទឹកហូរបានលឿនគួរសម ចំណែកតំបន់ព្រែកថី ទឹកហូរបានលឿនចេញទៅទន្លេបាសាក់និងបានស្រកពីកម្រិតកម្ពស់ ៥,០៥ម៉ែត្រ មកត្រឹម ៤,៩៥ម៉ែត្រ។

ក្នុងឱកាសចុះពិនិត្យស្ថានភាពទឹកនេះដែរ លោករដ្ឋមន្ត្រីបានបញ្ជាឱ្យកាត់ផ្តាច់ទំនប់ត្រង់ប្រឡាយ៩៤ ដោយមានមុខកាត់ចន្លោះពី១០-២០ម៉ែត្រ និងកាយផ្តាច់បើកមុខទឹកនៅទំនប់៥៤ ស្ថិតក្នុងស្រុកស្អាង ខេត្តកណ្តាល ក្បែរអាកាសយានដ្ឋានថ្មី ចំនួន ៣ទីតាំង ដោយ១ទីតាំងកាយយ៉ាងហោចណាស់ ៣០ម៉ែត្រ ដើម្បីជួយរំដោះទឹកជាបណ្តោះអាសន្ន។

សូមជម្រាបថា កាលពីឆ្នាំកន្លងទៅ ទឹកហូរបែកវាលទៅតំបន់អាកាសយានដ្ឋានអន្តរជាតិតេជោ និងរំដោះបានច្រើន ប៉ុន្តែបច្ចុប្បន្នទឹកពុំអាចហូរចូលអាកាសយានដ្ឋានថ្មីបានទេ គឺទឹកនៅប្រមូលផ្តុំតែក្នុងស្ទឹងមិនហូរបែកវាល ហើយក្នុងករណីពុំមានភ្លៀងបន្ថែម នោះទឹកនឹងបន្តស្រកចុះវិញ៕

អត្ថបទ៖ សាង តេជៈ រូបភាព៖ ក្រសួងធនធានទឹក

second...

x

The post ដើម្បីកុំឲ្យជំនន់ទឹកភ្លៀងហូរចូលលិចតំបន់គម្រោងអាកាសយានដ្ឋានអន្តរជាតិតេជោ រដ្ឋមន្រ្តីបញ្ជាឱ្យកាត់ផ្តាច់ទំនប់ត្រង់ប្រឡាយ៩៤ appeared first on Millions times.

ក្នុងពេលទទួលស្វាគមន៍គណៈប្រតិភូ ធនាគារជាតិនៃកម្ពុជា រួមជាមួយនឹងគណៈប្រតិភូជាន់ខ្ពស់វិនិយោគិននៃស្ថាប័នល្បីៗ និងតំណាងពីធនាគារកម្ពុជា តៃវ៉ាន់ និងថៃ មកកាន់អាកាសយានដ្ឋានអន្តរជាតិតេជោ (TIA) ថ្មីៗនេះ លោក ពុង ឃាវសែ ប្រធានក្រុមប្រឹក្សាភិបាលក្រុមហ៊ុន អូស៊ីអាយស៊ី មានប្រសាសន៍ថា ​អាកាសយានដ្ឋានអន្តរជាតិតេជោមានតួនាទីយ៉ាងសំខាន់ក្នុងការដើរតួជាច្រកទ្វារថ្មីសម្រាប់ប្រទេសកម្ពុជា ក្នុងការតភ្ជាប់ទៅកាន់សហគមន៍អន្តរជាតិ។

តាមដានជាមួយយើង៖ Million Times

លោកកត់សម្គាល់ថា ដំណើរទស្សនកិច្ចនេះបង្ហាញពីសារៈសំខាន់ជាយុទ្ធសាស្ត្រ​នៃអាកាសយានដ្ឋានអន្តរជាតិតេជោក្នុងការរួមចំណែកដល់ការអភិវឌ្ឍសេដ្ឋកិច្ច និងហេដ្ឋារចនាសម្ព័ន្ធរបស់កម្ពុជា។

លោកបញ្ជាក់ថា ដោយមានសហការជាមួយដៃគូលំដាប់ពិភពលោកដូចជា Foster and Partners, Heerim Architects និង Changi Airports International ឥឡូវនេះដំណើរការសាងសង់របស់អាកាសយានដ្ឋានអន្តរជាតិតេជោជិតដល់ដំណាក់កាលបញ្ចប់ហើយ។ ​អាកាសយាន្តដ្ឋាន​នេះ​នឹង​រួចរាល់​សម្រាប់​កា​រដាក់​ឲ្យ​ប្រតិបត្តិការ​នៅ​ចុង​ខែកុម្ភៈ​ឆ្នាំ២០២៥​។​

លោកថ្លែងថា៖ ​ «បច្ចុប្បន្ន​ការ​សាងសង់​សម្រេច​បាន​៧​៨​ ​ភាគរយ​ជាមួយនឹង​ការ​វិនិយោគ​សរុប​ចំនួន​១​,​១​៣​ ​ពាន់​លាន​ដុល្លារ​ដែល​ក្នុង​នោះ​៣​៤​០​,​៥​ ​លាន​ដុល្លារ​ត្រូវ​បាន​រៃ​អង្គាស​តាមរយៈ​ការ​ចេញ​មូលបត្រ​បំណុល​ដល់​ស្ថាប័ន​ហិរញ្ញវត្ថុ​ក្នុងស្រុក​ ​ក្រុមហ៊ុន​ធានា​រ៉ាប់រង​ ​សាជីវកម្ម​ ​និង​បុគ្គល​»។​

ទន្ទឹមនឹងនេះលោកក៏បានបញ្ជាក់ពី​តួនាទី​ដ៏​សំខាន់​ដែល​អាកាសយានដ្ឋាន​អន្តរជាតិ​តេជោ​នឹង​ដើរ​តួនាទី​ជា​ច្រក​ទ្វារ​ថ្មី​របស់​កម្ពុជា​ ​ដោយ​ក្រុមហ៊ុនទន្ទឹង​រង់ចាំ​កិច្ច​សហការ​បន្ត​ ​និង​ស្វាគមន៍​ការ​វិនិយោគ​មូលបត្រ​បំណុល​អាកាសយាន្តដ្ឋាន​ថ្មី​ពី​ធនាគារ​ផ្សេងៗ​គ្នា​ ​ខណៈ​ដែល​គម្រោង​នេះ​ជិត​បញ្ចប់​។​

គួរឲ្យដឹងផងដែរថា អាកាសយានដ្ឋាន​អន្តរជាតិ​តេជោ ​​ត្រូវ​បាន​ចាត់​ថ្នាក់​ជាលំដាប់​ថ្នាក់​4​F​ ​ហើយ​ត្រូវ​បាន​អភិវឌ្ឍ​ជា​បី​ដំណាក់កាលដែល​លាតសន្ធឹង​លើ​ផ្ទៃដី​សរុប​ ​២​.​៦​០​០​ ​ហិច​តា​ ​ស្ថិតនៅ​ចម្ងាយ​១​៩​ ​គីឡូម៉ែត្រ​ពី​រាជធានី​ភ្នំពេញ​។​ ​អាកាសយាន្តដ្ឋាន​នេះ​គ្រោងចំណាយ​ថវិកា​សម្រាប់​ដំណាក់កាល​ទី​១​ ​គឺ​១​,​៥​ ​ពាន់​លាន​ដុល្លារ​ ​ដោយ​មិន​រាប់បញ្ចូល​តម្លៃ​ដី​ធ្លា​៕

អត្ថបទ៖ សេដ្ឋានី រូបភាព៖​ OCIC

second...

x

The post លោក ពុង​ ឃាវសែ៖ អាកាសយានដ្ឋានអន្តរជាតិតេជោមានតួនាទីយ៉ាងសំខាន់ក្នុងការដើរតួជាច្រកទ្វារថ្មីសម្រាប់ប្រទេសកម្ពុជា appeared first on Millions times.