នេះបើយោងតាមលើកឡើងរបស់ ឯកឧត្តម ឡៅ ទិព្ទសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ក្នុងពិធីបើកសម្ពោធ “ពិព័រណ៌អន្តរជាតិស្តីពីផលិតផលឧស្សាហកម្មសំណង់ សម្រាប់ផ្គត់ផ្គង់សម្ភារៈសំណង់ និងឧស្សាហកម្មយានយន្ត ឆ្នាំ២០២៥” នៅថ្ងៃទី ១៤ ខែតុលា ឆ្នាំ ២០២៥។

ឯកឧត្តម ឡៅ ទិព្ទសីហា បានបញ្ជាក់ថា ក្នុងរយៈពេល ៧ ខែឆ្នាំ ២០២៥ ទាំងសមត្ថកិច្ចថ្នាក់ជាតិ និងសមត្ថកិច្ចថ្នាក់រាជធានីខេត្ត បានផ្តល់លិខិតអនុញ្ញាតសាងសង់ចំនួន ២,៤៣៥ គម្រោង មានផ្ទៃក្រឡាសំណង់ ១២,៤៧ លានម៉ែត្រការ៉េ មានតម្លៃប៉ាន់ស្មានទុនវិនិយោគប្រមាណ ៤,៩៣ ពាន់លានដុល្លារ។

បើធៀបនឹងរយៈពេល ៧ ខែដូចគ្នាឆ្នាំ ២០២៤ ដែលមានចំនួន ១,៩០៤ គម្រោង មានផ្ទៃក្រឡាសំណង់ ៧,៣ ម៉ែត្រការ៉េ មានតម្លៃប៉ាន់ស្មានទុនវិនិយោគប្រមាណ ៣,០៨ ពាន់លានដុល្លារ គឺមានការកើនឡើងទុនវិនិយោគ គួរឱ្យកត់សម្គាល់។

ដោយឡែក ក្នុងរយៈពេល ៧ ខែឆ្នាំ ២០២៥ មានអ្នកវិនិយោគបរទេស បានដាក់ទុវិនិយោគលើគម្រោងសាងសង់ថ្មីចំនួន ១១៤ គម្រោង មានផ្ទៃក្រឡាសំណង់សរុប ៣,៤៥ លានម៉ែត្រការ៉េ និងមានតម្លៃសរុបប្រមាណ ១,២៩ ពាន់លានដុល្លារ (USD)។

តាមដានជាមួយយើង៖ Million Times

ដោយវិស័យសំណង់មានការពាក់ព័ន្ធនឹងក្រុមហ៊ុនសិក្សាគម្រោងប្លង់និងសាងសង់ បច្ចុប្បន្នក្រសួងបានចុះបញ្ជីក្រុមហ៊ុនសាងសង់ និងសិក្សាគម្រោងប្លង់នៅមានសុពលភាពចំនួន ៩៧៣ ក្នុងនោះក្នុងនោះសហគ្រាសក្រុមហ៊ុនក្នុង ស្រុកចំនួន ៥៩៨ និងក្រុមហ៊ុនបរទេស ៣៧៥ និងបានចុះបញ្ជីដល់រូបវ័ន្តបុគ្គលសិក្សាគម្រោងប្លង់ ដែលនៅមានសុពលភាពចំនួន ៣៣៤ នាក់ ក្នុងនោះស្ថាបត្យករចំនួន ១៣៦រូប និងវិស្វករចំនួន ១៩៨ រូប។

នាឱកាសនោះដែរ ឯកឧត្តម ឡៅ ទិព្ទសីហា បានថ្លែងថា ជារួម ការរៀបចំវេទិកានេះ បានផ្តល់នូវកាលានុវត្តភាព និងជាកម្លាំងចលករថ្មីមួយថែមទៀត ក្នុងការជំរុញការអភិវឌ្ឍវិស័យសំណង់ ដីធ្លី និងលំនៅឋាន និងវិស័យយានយន្តនៅកម្ពុជាឱ្យកាន់តែល្អប្រសើរឡើង និងជាសញ្ញាមួយនៃការទាក់ទាញនិងកៀរគរអ្នកវិនិយោគទុនក្នុងស្រុក និងក្រៅស្រុកក្នុងការមកធ្វើការបណ្តាក់ទុនវិនិយោគលើវិស័យសំណង់ ដីធ្លី និងលំនៅឋាន និងវិស័យយានយន្តនៅកម្ពុជា។

ឯកឧត្តម មានប្រសាសន៍បន្តថា ៖«ទន្ទឹមនឹងការរីកលូតលាស់នៃសេដ្ឋកិច្ចជាតិ កំណើននៃការវិនិយោគលើហេដ្ឋារចនាសម្ព័ន្ធ សេវាកម្មគ្រប់ផ្នែក នៃវិស័យសំណង់ និងវិស័យយានយន្តក្នុងប្រទេស កម្ពុជានឹងទទួលបានការអភិវឌ្ឍ និងរីកចំរើនយ៉ាងធំធេងក្នុងរយៈពេលដ៏ខ្លីខាងមុខ»៕

អត្ថបទ៖ ប៊ី

The post វិស័យសំណង់នៅកម្ពុជា ទទួលបានគម្រោងសាងសង់ជាង ២,៤០០ តម្លៃជិត ៥ ពាន់លានដុល្លារ appeared first on Millions times.

តាមដានជាមួយយើង៖ Million Times

ការណែនាំនេះ ស្របពេលដែលឯកឧត្តមរដ្ឋមន្ត្រី ថោ ជេដ្ឋា ដោយមានការចូលរួមពីឯកឧត្តម វ៉ី សំណាង អភិបាលខេត្តតាកែវ បានអញ្ជើញចុះពិនិត្យជាក់ស្តែងផលប៉ះពាល់ នៅទីតាំងសាង សង់របងថ្មជាប់មាត់ស្ទឹងស្លាគូប្រវែង ១១៩ម៉ែត្រ ដែលបានរក្សាទុកចំណីមាត់ស្ទឹងខ្លីខុសពីច្បាប់កំណត់ ស្ថិតក្នុងភូមិត្រពាំងពោធិ៍ ឃុំជាងទង ស្រុកត្រាំកក់ ខេត្តតាកែវ នាព្រឹកថ្ងៃទី ១៣ ខែតុលា ឆ្នាំ ២០២៥នេះ។

ក្នុងការចុះត្រួតពិនិត្យនេះ ឯកឧត្តម ថោ ជេដ្ឋា ដែលជាប្រធានគណៈកម្មាធិការជាតិគ្រប់គ្រងអាងទន្លេផងនោះ បានដាក់ចេញវិធានការ ដោយណែនាំឱ្យក្រុមហ៊ុនរុះរើសំណង់របងបេតុងប្រវែង ១១៩ម៉ែត្រ ដែលបានសង់កៀកនឹងមាត់ស្ទឹង ថយមកខាងក្រោយដោយរក្សាទុកគម្លាត ៣០ម៉ែត្រ ពីមាត់ច្រាំងស្ទឹង ទៅតាមច្បាប់កំណត់ ក្នុងរយៈពេល១៤ថ្ងៃ។

ការអនុវត្តការរុះរើរបងនេះ គឺស្ថិតក្រោមការត្រួតពិនិត្យយ៉ាងយកចិត្តទុកដាក់ ពីក្រុមការងារលេខាធិការដ្ឋានគណៈកម្មាធិការជាតិគ្រប់គ្រងអាងទន្លេ ព្រមទាំងមេធាវីប្រចាំក្រសួង ដោយសហការជាមួយរដ្ឋបាលស្រុកត្រាំកក់ មន្ទីរ និងការិយាល័យជំនាញ និងតំណាងក្រុមហ៊ុន។

ក្រសួងធនធានទឹក និងឧតុនិយម បានឱ្យដឹងថា បើតាមមាត្រា៨ នៃអនុក្រឹត្យ ស្តីពី ការគ្រប់គ្រងអាងទន្លេ ដីចំណីមាត់ច្រាំង និងឆ្នេរនៃតំបន់អាងទន្លេ ត្រូវកំណត់ចម្ងាយដូចតទៅ៖

ទី១) ឆ្នេរ និងពាមសមុទ្រ ចម្ងាយ ១០០(មួយរយ)ម៉ែត្រគិតពីមាត់ឆ្នេរនិងមាត់ពាម(ពេលទឹកជោរអតិបរមា)

ទី២) ទន្លេ ចម្ងាយ៥០(ហាសិប)ម៉ែត្រ គិតពីមាត់ច្រាំងទន្លេ

ទី៣) ស្ទឹង ចម្ងាយ៣០(សាមសិប)ម៉ែត្រ គិតពីមាត់ច្រាំងស្ទឹង

ទី៤) ព្រែក ចម្ងាយ២០(ម្ភៃ)ម៉ែត្រ គិតពីមាត់ច្រាំងព្រែក

ទី៥) អូរ ចម្ងាយ១០(ដប់)ម៉ែត្រ គិតពីមាត់ច្រាំងអូរ

ទី៦) ប្រឡាយមេ ចម្ងាយ១០(ដប់)ម៉ែត្រគិតពីជើងទេរភ្លឺប្រឡាយផ្នែកខាងក្រៅ

ទី៧) ប្រឡាយរង ចម្ងាយ៥(ប្រាំ)ម៉ែត្រ គិតពីជើងទេរភ្លឺប្រឡាយផ្នែកខាងក្រៅ

ទី៨) ប្រឡាយស្រោចស្រព ចម្ងាយ៣(បី)ម៉ែត្រ គិតពីជើងទេរភ្លឺប្រឡាយផ្នែកខាងក្រៅ

ទី៩) អាងទឹក ចម្ងាយ១០០(មួយរយ)ម៉ែត្រគិតពីក្រិតកម្ពស់ទឹកអតិបរមាដែលបានតម្កល់នៅក្នុងអាងទឹក

ទី១០) បឹងបួ ចម្ងាយ៥០(ហាសិប)ម៉ែត្រគិតពីក្រិតកម្ពស់ទឹកអតិបរមាដែលបានតម្កល់នៅក្នុងអាងទឹក និង

ទី១១) ទំនប់អាងទឹក ចម្ងាយ២០(ម្ភៃ)ម៉ែត្រ គិតពីជើងទេរផ្នែកខាងក្រោមទំនប់អាងទឹកដែលមានកម្ពស់តិចជាង៤(បួន)ម៉ែត្រ។ ចម្ងាយ១០០(មួយរយ)ម៉ែត្រ គិតពីជើងទេរផ្នែកខាងក្រោមទំនប់អាងទឹកដែលមានកម្ពស់ពី៤(បួន)ម៉ែត្រទៅ៨(ប្រាំបី)ម៉ែត្រ។ ក្នុងករណីទំនប់ដែលមានកម្ពស់លើសពី៨(ប្រាំបី)ម៉ែត្រឡើងទៅត្រូវបានកំណត់អនុក្រឹត្យដោយឡែក៕

អត្ថបទ៖ វីរៈ រូបភាព៖ ក្រសួងធនធានទឹក និងឧតុនិយម

The post រដ្ឋមន្ត្រី ថោ ជេដ្ឋា ទុកពេល ១៤ថ្ងៃ ឱ្យក្រុមហ៊ុនសាងសង់របងថ្មជាប់មាត់ស្ទឹងស្លាគូនៅខេត្តតាកែវ រុះរើសំណង់នោះប្រវែង ១១៩ម៉ែត្រ appeared first on Millions times.

ថ្លែងក្នុងសិក្ខាសាលានាពេលថ្មីៗនេះ លោក សាយ សំអាល់ រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់  មានប្រសាសន៍ថា ដើម្បីយើងទាំងអស់គ្នាទទួលបាននូវគុណភាព សុវត្ថិភាព និងសោភ័ណភាពសំណង់ យើងត្រូវផ្តើមចេញពីការគិតគូរជាប្រព័ន្ធអេកូឡូស៊ី។

តាមដានជាមួយយើង៖ Million Times

លោកថា ជាបឋម គឺត្រូវផ្តើមគិតពីការរៀបចំដែនដី និងនគរូបនីយកម្ម ដើម្បីឈានទៅកំណត់តំបន់អភិរក្ស តំបន់កសិកម្ម តំបន់ពាណិជ្ជកម្ម តំបន់សេដ្ឋកិច្ចពិសេស និងតំបន់លំនៅឋានរបស់ប្រជាជនកម្ពុជា។ 

លោកបន្តថា ចំពោះកិច្ចការនគរូបនីយកម្មនៃទីប្រជុំជន ចាំបាច់គឺត្រូវផ្តើមចេញពីការឯកភាពគ្នារវាងក្រសួងរៀបចំដែនដី នគរូបនីយកម្ម និងសំណង់ ដៃគូសហការ អ្នកប្រកបវិជ្ជាជីវៈក្នុងអាជីពសំណង់ ជាមូលដ្ឋាន មុននឹងចាប់ផ្តើមគិតគូរពីការរៀបចំក្របខណ្ឌច្បាប់, បទដ្ឋានសំណង់ ការគ្រប់គ្រង និងយន្តការគ្រប់គ្រងសំណង់ ការបង្កើនគុណភាព និងការផ្តល់សេវាសាធាណៈ ការធានានូវគុណភាព និងសុវត្ថិភាពសំណង់ ការប្រើប្រាស់បរិក្ខារ និងសំភារសំណង់ ការតាមដាន និងគ្រប់គ្រប់សំណង់ដែលមានស្ថានភាពគ្រោះថ្នាក់ ជាដើម។ 

ទាំងអស់នោះ គឺដើម្បីសំដៅធានាឱ្យមាននិរន្តភាព សម្រាប់ដំណើរការឧស្សាហកម្មនានា ក្នុងគោលបំណងលើកស្ទួយស្ថាបត្យកម្មខ្មែរនាសហសម័យកម្ពុជា រួមមាន៖ ឧស្សាហកម្មគ្រឿងផ្គុំសំណង់ ឧស្សាហកម្មគ្រឿងលម្អផ្ទះ ឧស្សាហកម្មគ្រឿងសង្ហារឹម ឧស្សាហកម្មអចលនទ្រព្យ ឧស្សាហកម្មធនាគារ និងហិរញ្ញវត្ថុក្នុងសង្គមជាដើម៕

អត្ថបទ៖ សាងតេជៈ រូបភាព៖ ក្រសួងរៀបចំដែនដី

The post លោក សាយ សំអាល់៖ ដើម្បីទទួលបានគុណភាព សុវត្ថិភាព និងសោភ័ណភាពសំណង់ យើងត្រូវផ្តើមចេញពីការគិតគូរជាប្រព័ន្ធអេកូឡូស៊ី appeared first on Millions times.

ការចេញមុខអំពាវនាវរបស់ក្រសួងរៀបចំដែនដី ក្រោយកើតមានឧបទ្ទវហេតុធ្លាក់កន្រ្តកយោងនៅការដ្ឋានសាងសង់អគារពាណិជ្ជកម្ម ប្លុកB របស់ក្រុមហ៊ុន អូវើស៊ី ខេមបូឌាបណ្តាឲ្យកម្មករចំនួន ៥នាក់បានបាត់បង់ជីវិតភ្លាមៗ ខណ្ឌ៧មករា រាជធានីភ្នំពេញ។

តាមរយៈសេចក្តីជូនដំណឹងរបស់ខ្លួននៅថ្ងៃទី៨ ខែវិច្ឆិកានេះ ក្រសួងរៀបចំដែនដី បានឲ្យដឹងថា ក្រោយចុះស្រាវជ្រាវ និងធ្វើកោសល្យវិច្ឆ័យរកឃើញថា មូលហេតុនៃឧបទ្ទវហេតុនេះ គឺបណ្តាលមកពីក្រុមជាងជុសជួលកន្រ្តយោងដែលជាប់គាំង ពុំបានគោរពតាមវិធានប្រព័ន្ធសុវត្ថិភាពស្វ័យប្រវត្តិកន្រ្តកយោង។

ដើម្បីធានាគុណភាព និងសុវត្ថិភាពសំណង់ និងបង្ការគ្រោះថ្នាក់ជាយថាហេតុនៅពេលដំណើរការសាងសង់ ម្ចាស់សំណង់ និងក្រុមហ៊ុនសាងសង់ទាំងអស់ ត្រូវមានក្រុមហ៊ុនត្រួតពិនិត្យ និងបញ្ជាក់សំណង់ដែលមានអាជ្ញាបណ្ណត្រឹមត្រូវ ដើម្បីធ្វើការត្រួតពិនិត្យ និងបញ្ជាក់ការងារសាងសង់របស់ខ្លួនស្របតាមលក្ខខណ្ឌនៃការ អនុវត្តការងារសាងសង់ ដែលមានចែងក្នុងច្បាប់ស្តីពីសំណង់ និងអនុក្រឹត្យលេខ ២២៥ អនក្រ.បក ចុះថ្ងៃទី៣០ ខែធ្នូ ឆ្នាំ២០២០ ស្តីពីលក្ខខណ្ឌនិងនីតិវិធីនៃការត្រួតពិនិត្យនិងបញ្ជាក់សំណង់ និងត្រូវមានបុគ្គលទទួលខុសត្រូវ ផ្នែកសុវត្ថិភាពការដ្ឋានសំណង់ជាប្រចាំ៕

អត្ថបទ និងរូបភាព៖ សេដ្ឋានី 

The post ក្រសួងរៀបចំដែនដីតម្រូវឲ្យម្ចាស់សំណង់ និងអ្នកម៉ៅការសាងសង់ ត្រូវមានក្រុមហ៊ុនត្រួតពិនិត្យត្រឹមត្រូវ appeared first on Millions times.

សមាគមអ្នកសាងសង់កម្ពុជា បានឲ្យដឹងថា កម្មវិធីចែករំលែកគន្លឹះជោគជ័យក្នុងវិស័យអចលនទ្រព្យ នឹងទទួលបានការចែករំលែកពីរសំណាក់មហាសេដ្ឋី ពុង ឃាវសែ សេដ្ឋី វ៉ាន់ ឆាស៍ ដែលជាអ្នកអភិវឌ្ឍន៍ជោគជ័យក្នុងវិស័យអចលនទ្រព្យដ៏ល្បីល្បាញ។

លើសពីនេះក៏មានវត្តមានឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ ដែលលោកនឹងផ្តល់សុន្ទរកថាគន្លឹះនៃការអភិវឌ្ឍន៍ និងការវិនិយោគលើវិស័យសំណង់នៅកម្ពុជា។ ចំណែកឯលោក ឃួង ស្រេង អភិបាលរាជធានីភ្នំពេញនឹងមានចំណាប់អារម្មណ៍អំពីការអភិវឌ្ឍន៍ និងទិសដៅសម្រាប់អភិវឌ្ឍន៍អចលនវត្ថុនៅរាជធានីភ្នំពេញ។

បើតាមសមាគមអ្នកសាងសង់កម្ពុជា ការចូលរួមសន្និបាតស្តីពីគន្លឹះជោគជ័យសម្រាប់ការវិនិយោគ និងការអភិវឌ្ឍន៍សំណង់ និងអចលនទ្រព្យនៅកម្ពុជា នឹងធ្វើឡើងរយៈពេល ៣ថ្ងៃគឺនៅថ្ងៃទី៥ ដល់ថ្ងៃទី៧ ខែធ្នូ ឆ្នាំ២០២៤ ដោយឥតគិតថ្លៃ ស្ថិតនៅមជ្ឈមណ្ឌលសន្និបាត និងពិព័រណ៍កោះពេជ្រ៕

អត្ថបទ៖ សេដ្ឋានី រូបភាព៖ CCA

The post មហាសេដ្ឋី និងមន្រ្តីជាន់ខ្ពស់ ៤រូបនឹងឡើងឆាកចែករំលែកគន្លឹះជោគជ័យការវិនិយោគ និងអភិវឌ្ឍន៍សំណង់អចលនទ្រព្យនៅកម្ពុជា appeared first on Millions times.

ក្រសួង បានឲ្យដឹងថា នៅថ្ងៃទី ១០ ខែមិថុនានេះ លោក ឈុន ពុទ្ឋារិទ្ឋ អគ្គនាយកនៃអគ្គនាយកដ្ឋាន​កិច្ចការបច្ចេកទេសនៃក្រសួងធនធានទឹក និងឧតុនិយម បានអញ្ជើញចុះពិនិត្យវឌ្ឍនភាពការងារ​កសាងច្រាំងទន្លេ​ និង​វាយតម្លៃ​បញ្ចប់សុពលភាព ​គម្រោង​ការពារច្រាំង​ទន្លេនិង​ព្រែក​ ក្នុងភូមិសាស្ត្រខេត្តកណ្តាល។

តាមដានជាមួយយើង៖ Million Times

​ក្រុមការងារ បានចុះពិនិត្យ​គម្រោងការពារច្រាំងទន្លេ និងព្រែក ចំនួន ៣ទីតាំង៖ ទី១. គម្រោង​ការពារច្រាំងទន្លេមេគង្គប្រវែង ២៣០ម៉ែត្រ ស្ថិតនៅភូមិរការកោង ឃុំរការកោង ១ ស្រុកមុខកំពូល ក្រោយចប់ធានាគុណភាព រយ:ពេល ១២ខែ ទី២. គម្រោងការពារច្រាំងព្រែកត្នោតប្រវែង ២៤០ ម៉ែត្រ ស្ថិតនៅភូមិតាខ្មៅ ១ សង្កាត់តាខ្មៅ ក្រុងតាខ្មៅ ខេត្តកណ្តាល ក្រោយបញ្ចប់សុពលភាពរយ:ពេល ១២ខែ ទី៣. គម្រោងការពារច្រាំងព្រែកកុយប្រវែង ១៥០ម៉ែត្រ ស្ថិតនៅភូមិព្រែកផ្តៅ ឃុំរកាកោង១ ស្រុកមុខកំពូល ខេត្តកណ្តាល ក្រោយបញ្ចប់សុពលភាពរយ:ពេល១២ខែ។

តាមក្រសួងធនធានទឹក គម្រោងទាំង ៣ ទីតាំងខាងលើ គឺរក្សាគុណភាពបានល្អដដែល។ ចំណែកវឌ្ឍនភាពការងារសាងសង់សំណង់ការពារ​ច្រាំងទន្លេបាសាក់ប្រវែង ១ ២០០ម៉ែត្រ ស្ថិតក្នុងភូមិសាស្ត្រសង្កាត់ព្រែកជ្រៃ ក្រុងសំពៅពូន​ ខេត្តកណ្តាល គិតមកដល់ថ្ងៃទី ៦ ខែមិថុនា ឆ្នាំ​ ២០២៤​ សម្រេចបានប្រមាណ ៩០ភាគរយហើយ ដែលគ្រោងនឹងបញ្ចប់ការសាងសង់ក្នុងបំណាច់ខែសីហា ឆ្នាំ ២០២៤ខាងមុខនេះ។

ក្នុងនោះការងារសម្រេចបានរួមមាន៖​ ទី១. ការងាររៀបបាវការពារចរន្តទឹកបុក ហូរច្រោះដីផ្នែកខាងក្រោមសម្រេចបាន ១០០ភាគរយ ទី២. ការងារបុកស្ពាន់ផាយសម្រេចបាន ១០០ភាគរយ ទី៣. ​ការងារបុកស៊ីតផាយសម្រេចបាន ១០០ភាគរយ ទី៤. ការងារបេតុងអាមេសម្រេចបាន ៨០ភាគរយ ទី៥. ការងាររៀបប្រព័ន្ធដោះទឹកក្រោមដីសម្រេច​បាន ៨០ភាគរយ ទី៦. ការងារបំពេញដីសម្រេចបាន ៩៨ភាគរយ និង​ទី៧. ការងារបន្ទាប់នឹងរៀបចំថ្មមុខសំណង់៕

អត្ថបទ៖ វីរៈ រូបភាព៖ ក្រសួងធនធានទឹក

The post សំណង់ការពារ​ច្រាំងទន្លេបាសាក់ប្រវែង ១ ២០០ម៉ែត្រ ក្នុងសង្កាត់ព្រែកជ្រៃ សម្រេច​បាន ៩០ភាគរយហើយ appeared first on Millions times.

ដើម្បីជំរុញការងារនេះសមាគមអ្នកអភិវឌ្ឍន៍លំនៅឋានកម្ពុជា ដែលបណ្តុំដោយក្រុមវិនិយោគិនធំៗ បានបើកកិច្ចប្រជុំពិភាក្សាអំពីការអនុវត្តច្បាប់ពន្ធដារ និងបញ្ហាប្រឈមលើវិស័យសំណង់នៅកម្ពុជា ដោយបានដាក់ចេញផែនការសំខាន់ៗជាច្រើនចំណុច។

បើតាមសមាគមអ្នកអភិវឌ្ឍន៍លំនៅដ្ឋានកម្ពុជា កិច្ចប្រជុំនេះដើម្បីពិភាក្សា និងរបាយការណ៍វឌ្ឍនភាពវិស័សំណង់នៅកម្ពុជា ជាពិសេសការអនុវត្តន៍ច្បាប់ពន្ធនិងបញ្ហាប្រឈមនានាក្នុងការអភិវឌ្ឍន៍គំរោងបុរី សំណង់ខុនដូ របស់សមាជិក សមាជិកសមាគម។

ដើម្បីជម្រុញវិស័យសំណង់នៅកម្ពុជាក្នុងឆ្នាំ២០២៤ សមាគមអ្នកអភិវឌ្ឍលំនៅឋានកម្ពុជាបានកំណត់គោលដៅនិងដាក់ចេញនូវផែនការសំខាន់ៗជាច្រើនរួមមាន៖ បន្តពង្រឹងកិត្យានុភាព តួនាទីដ៏សំខាន់របស់សមាគមដល់អ្នកអភិវឌ្ឍវិស័យសំណង់ក្នុងនិងក្រៅប្រទេស។ បន្តពង្រឹងអនុវត្តប្រកបដោយសកម្មជាចម្បងនិងអាទិភាពដោយប្រសិទ្ធិភាពរួមជាមួយសមិទ្ធិផលថ្មីៗ។ បន្តលើកកម្ពស់យន្តការភាពជាដៃគូជាមួយរាជរដ្ឋាភិបាលនិងផ្នែកឯកជនរបស់សមាគមជាមួយស្ថាប័នពាក់ព័ន្ធផ្សេងៗដើម្បីជម្រុញល្បឿននៃការអភិវឌ្ឍវិស័យសំណង់នៅកម្ពុជា។ បន្តចូលរួមសហការជាមួយរាជរដ្ឋាភិបាលស្របតាមគោលនយោបាយលើកកម្ពស់កម្រិតជីវភាពប្រជាជនមានចំណូលទាប និងចំណូលមធ្យមតាមរយៈការផ្គត់ផ្គង់លំនៅឋានតម្លៃទាបនៃគម្រោងអភិវឌ្ឍ។

ទន្ទឹមនេះ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា បានអះអាងថា ស្ថានភាពវិស័យអចលនទ្រព្យ និងសំណង់ជារួម បានបង្ហាញពីស្ថានភាពល្អប្រសើរឡើងវិញជាបណ្ដើរៗហើយ បើទោះបីជាវានៅមានកម្រិតបើធៀបនឹងអំឡុងមុនពេលផ្ទុះរាលដាលកូវីដ១៩យ៉ាងណាក្ដី៕

អត្ថបទ៖ នារតី
រូបភាព៖ សមាគមអ្នកអភិវឌ្ឍលំនៅឋានកម្ពុជា

The post សមាគមអ្នកអភិវឌ្ឍលំនៅឋានកម្ពុជាដាក់ផែនការស្តារវិស័យអចលនទ្រព្យនិងសំណង់វិលរកសភាពល្អវិញ appeared first on Millions times.

សម្រាប់ទីផ្សារវិស័យអចលនទ្រព្យ និងសំណង់នៅកម្ពុជាស្ទើរតែទាំងស្រុងបានជួបរងវិបត្តិ ក្នុងនោះក៏មានគម្រោងខ្លះជាប់គាំងផ្អាកដំណើរការ ហើយគម្រោងនៅបន្តដំណើរការទាំងត្រដាត់ត្រដួស ប៉ុន្តែក៏មានគម្រោងមួយចំនួនបានបិទបញ្ចប់ការសាងសង់របស់ខ្លួនផងដែរ។ នេះជាការមើលឃើញរបស់ក្រុមអ្នកជំនាញអចលនទ្រព្យប្រាប់គេហទំព័រ «មីលានថាមស៍»។

លោកបន្តថា បញ្ហាទាំងអស់នេះរាជរដ្ឋាភិបាលកម្ពុជា ក៏បានដាក់ចេញនូវយុទ្ធសាស្រ្ត និងគោលនយោបាយជាច្រើនដើម្បីបន្តចូលរួមដោះស្រាយបញ្ហាជាប់គាំងទាំងអស់នោះលើវិស័យអចលនទ្រព្យ និងសំណង់។ លើសពីនេះ បញ្ហាអគារជាប់គាំងនៅខេត្តព្រះសីហនុ រាជរដ្ឋាភិបាលបានផ្តល់ការលើកទឹកចិត្តជាកញ្ចប់ដើម្បីជំរុញការដោះស្រាយ ដោយបច្ចប្បន្នឃើញថា មានដំណោះស្រាយបណ្តើរៗហើយ។

តាមដានជាមួយយើង៖ Million Times

អគារខ្ពស់ៗកំពុងឈរជ្រោងនៅខេត្តព្រះសីហនុ

លោកបន្ថែមថា ភ្នំពេញដែលជាតំបន់ប៉ូលសេដ្ឋកិច្ចដ៏សំខាន់របស់កម្ពុជានៅប៉ុន្មានឆ្នាំចុងក្រោយនេះមានអគារខ្ពស់ៗជាច្រើនបានស្នើសុំវិនិយោគ ហើយរដ្ឋាភិបាលក៏បានអនុម័តយល់ព្រម។ លោកថ្លែងថា អគារខ្ពស់ៗចាប់ពី៥ជាន់ឡើងទៅកំពុងជួបវិបត្តិដោយខ្លះផ្អាកដំណើរ ឬដំណើរការដែរប៉ុន្តែអូសបន្លាយពេលសាងសង់ដោយបញ្ហាហិរញ្ញវត្ថុ។

លោកថ្លែងថា៖ «ខ្ញុំឃើញគម្រោងវិនិយោគអគារខុនដូរ ឬអគារពាណិជ្ជកម្មដែលតម្លៃចាប់ពី៦០លានដុល្លារឡើងទៅកំពុងជួបវិបត្តិដោយមួយចំនួនផ្អាកដំណើរការ ឬសាងសង់យឺតជាងផែនការដែលបានគ្រោងទុក»។

ទោះជាបែបនេះក្តី ក្រុមអ្នកជំនាញក្នុងវិស័យអចលនទ្រព្យកម្ពុជាជឿជាក់ថា ទីផ្សារអចលនទ្រព្យកម្ពុជានៅឆ្នាំ២០២៤នេះ នឹងមានភាពល្អប្រសើរជាងឆ្នាំមុន ក្រោយរំពឹងការកើនឡើងនៃសេដ្ឋកិច្ចរបស់កម្ពុជា តាមរយៈការទទួលបានវិនិយោគិនបរទេសចូលមកបណ្តាក់ទុនវិនិយោគនៅកម្ពុជាលើវិស័យសក្កានុពលមួយចំនួន។

អគារនៅម្តុំបឹងត្របែករាជធានីភ្នំពេញ

ក្នុងពិធីសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់សមាគមអ្នកអភិវឌ្ឍន៍លំនៅឋានកម្ពុជា កាលពីដើមខែមេសា ឆ្នាំ២០២៤កន្លងទៅ អ្នកឧកញ៉ា លី ហួរ បានថ្លែងថា បញ្ហាវិបត្តិសេដ្ឋកិច្ចធ្លាក់ចុះជាសកល កត្តារីករាលដាលជំងឺឆ្លងកូវីដ១៩ សង្គ្រាមរវាងប្រទេសរុស្ស៊ី-អ៊ុយក្រែន និងថ្មីៗមានសង្គ្រាមរវាងក្រុមហាម៉ាស-ប៉ាឡេស្ទីន ព្រមទាំងមានការបែងចែកប្លុកសេដ្ឋកិច្ចតំបន់ផងនោះធ្វើឲ្យប៉ះពាល់ដល់វិស័យអចលនទ្រព្យទាំងមូលស្ទើរតែធ្លាក់ដល់សូន្យ។

អ្នកឧកញ៉ាគូសបញ្ជាក់ថា កត្តាទាំងនេះបានជះឥទ្ធិផលដល់សេដ្ឋកិច្ចកម្ពុជាទាំងមូលផងដែរ ជាពិសេសធ្វើឲ្យប៉ះពាល់ដល់វិស័យអចលនទ្រព្យ ធ្វើឲ្យវិស័យនេះទាំងមូលស្ទើរតែធ្លាក់ដល់សូន្យ។

អ្នកឧកញ៉ាបានសង្កត់ធ្ងន់ថា បច្ចុប្បន្នគម្រោងបុរី ខុនដូ ការលក់មានការធ្លាក់ចុះជាគំហុក ឬលក់ពុំចេញតែម្ដង អតិថិជនពន្យាពេលបង់ប្រាក់ រហូតដល់អតិថិជនមួយចំនួនមិនមានលទ្ធភាព មិនបានបង់ប្រាក់ត្រឡប់មកក្រុមហ៊ុនវិញ ព្រមទាំងទាមទារឲ្យក្រុមហ៊ុនទិញផ្ទះត្រឡប់មកវិញ ធនាគារពាណិជ្ជក៏បានតម្លើងអត្រាការប្រាក់ និងរឹតបន្តឹងការផ្ដល់ឥណទានលំនៅឋានជូនអតិថិជន ផ្អាកផ្តល់ឥណទានលើការវិនិយោគលើវិស័យសំណង់ ក្រសួងស្ថានប័នរដ្ឋ ដែលពាក់ព័ន្ធមានការយឺតយ៉ាវក្នុងការផ្តល់សេវាកម្ម រឹតបន្តឹងលើការអនុវត្តផ្លូវច្បាប់ និងមានការផាកពិន័យជាប្រាក់ដល់ក្រុមហ៊ុនអភិវឌ្ឍន៍ផងដែរ ធ្វើឲ្យក្រុមហ៊ុនមួយចំនួនមានវិបត្តិហិរញ្ញវត្ថុយ៉ាងធ្ងន់ធ្ងរ ក្រុមហ៊ុនមួយចំនួនផ្អាកការសាងសង់ បិទគម្រោងទាំងមូល និងឈានទៅដល់ក្ស័យធនតែម្ដង។

របាយការណ៍សរុបលទ្ធផលការងារឆ្នាំ២០២៣ របស់រដ្ឋបាលរាជធានីភ្នំពេញ ចេញផ្សាយពេលកន្លងទៅ នៅភ្នំពេញមានអគារខ្ពស់ៗចាប់ពី៥ជាន់ឡើងចំនួន ១,៧៧៧អគារ គិតត្រឹមឆ្នាំ២០២៣។ របាយការណ៍ដដែលបានបញ្ជាក់ថា បច្ចុប្បន្នទោះបីសេដ្ឋកិច្ចជាតិត្រូវបានរាំងស្ទះដោយវិបត្តិជាសកល និងភាពមិនច្បាស់លាស់ នៃសេដ្ឋកិច្ចពិភពលោកយ៉ាងណាក្តី ក៏គម្រោងអភិវឌ្ឍន៍ជាច្រើនបាននិងកំពុងដំណើរការសាងសង់ ក្នុងរាជធានីភ្នំពេញ។

របាយការណ៍បានបន្តថា នៅរាជធានីភ្នំពេញអគារខ្ពស់ៗចាប់ពីប្រាំជាន់ឡើងទៅមានចំនួន ១,៧៧៧អគារ និងបានពិនិត្យលើឯកសារស្នើសុំលិខិតអនុញ្ញាតសាងសង់ ក្នុងគម្រោងថ្មីចំនួន៥៣៦គម្រោង លើផ្ទៃក្រឡាសំណង់សរុប២៦៩,១៦៦ម៉ែត្រការ៉េ ដែលមានទំហំទុនវិនិយោគប៉ាន់ស្មានប្រមាណ១៣២លានដុល្លាអាមេរិកបន្ថែមទៀត។

ដើម្បី​បន្ត​ជួយ​គាំទ្រ​ដល់​វិស័យ​សំណង់ និង​អចលនទ្រព្យ​ រដ្ឋាភិបាល​កម្ពុជា​ នីតិកាល​ទី​ ៧ បាន​ប្រកាស​បន្ត​អនុវត្ត​វិធាន​ការ​មួយចំនួន​ពី​រដ្ឋា​ភិបាល ​អាណត្តិ​ទី ៦ ដែល​មាន​ដូច​ជា ​ការ​បន្ត​ពន្យារ​ពេល​ការ​អនុវត្ត​ការ​បង់​ពន្ធ​ជា​កញ្ចប់​ បង្កើន​រយៈ​ពេល​នៃ​ការ​បង់​ពន្ធ​ជា​កញ្ចប់​ បន្ត​ពន្យារ​ពេល​ការ​អនុវត្ត​ពន្ធ​លើ​ចំណេញ​មូលធន​ បន្ត​ការ​លើក​លែង​ពន្ធ​ប្រថាប់​ត្រា​លើ​ការ​ផ្ទេរ​កម្ម​សិទ្ធិ ឬ​សិទ្ធិ​កាន់​កាប់​លំនៅ​ឋាន​តម្លៃ​ស្មើ​ ឬ​ក្រោម ​៧​ ម៉ឺន​ដុល្លារ​ ការ​ស្នើ​ឱ្យ​គ្រឹះ​ស្ថាន​ហិរញ្ញវត្ថុ​ធ្វើ​ការ​រៀបចំ​ឥណទាន​ឡើងវិញ​ ការ​លើក​លែង​ការ​ពិន័យ​ផ្សេងៗ​ និង​ការ​ពន្យារ​ពេល​អនុវត្ត​សេចក្តី​សម្រេច​ស្តី​ពី​កាតព្វ​កិច្ច​ដាក់​របាយ​ការណ៍​ហិរញ្ញវត្ថុ​ជា​ដើម​៕

អត្ថបទ និងរូបភាព៖ សេដ្ឋានី

The post អគារខ្ពស់ៗនៅភ្នំពេញខ្លះផ្អាក ឬដំណើរការប៉ុន្តែអូសបន្លាយពេលសាងសង់ដោយបញ្ហាហិរញ្ញវត្ថុ appeared first on Millions times.

វិធានការទាំង ៨នោះរួមមាន៖ ទី១ បន្តពន្យារពេលការអនុវត្តការបង់ពន្ធជាកញ្ចប់តាមដំណាក់កាលរហូតដល់ដំណាច់ឆ្នាំ២០២៤ សម្រាប់ក្រុមហ៊ុនអភិវឌ្ឍន៍បុរីដែលបាននិងកំពុងប្រតិបត្តិការគម្រោងមានអាជ្ញាបណ្ណអាជីវកម្មពីនិយ័តករអាជីវកម្មអចលនវត្ថុនិងបញ្ចាំ។ ទី២ បង្កើតរយៈពេលនៃការបង់ពន្ធជាកញ្ចប់តាមដំណាក់កាលពី១២ខែដល់១៨ខែសម្រាប់ក្រុមហ៊ុនអ្នកអភិវឌ្ឍន៍បុរីដែលបង់ពន្ធតិចជាង ១លានដុល្លារ និងពី២៤ខែដល់៣៦ខែសម្រាប់ក្រុមហ៊ុនអ្នកអភិវឌ្ឍន៍បុរីដែលបង់ពន្ធលើសពី ១លានដុល្លារ។ 

ទី៣ ក្រុមហ៊ុនអភិវឌ្ឍន៍បុរីថ្មី ឬមានគម្រោងដែលមិនទាន់អភិវឌ្ឍបុរីត្រូវបង់ពន្ធស្របតាមនីតិវិធីជាធរមាន (របបពិត) និងត្រូវកាន់បញ្ជីគណនេយ្យឲ្យបានត្រឹមត្រូវ។ ទី៤ បន្តពន្យារពេលអនុវត្តពន្ធលើប្រាក់ចំណេញមូលធន សម្រាប់វិស័យអចលនទ្រព្យរហូតដល់ដំណាច់ឆ្នាំ២០២៤។ ទី៥ បន្តការលើកលែងពន្ធប្រថាប់ត្រាលើការផ្ទេរកម្មសិទ្ធិឬសិទ្ធិកាន់កាប់លំនៅឋានគ្រប់ប្រភេទលក្ខណៈបុរីមានតម្លៃក្រោម ឬស្មើ៧ម៉ឺនដុល្លាររហូតដល់ចំណាច់ឆ្នាំ២០២៤។

តាមដានជាមួយយើង៖ Million Times

ទី៦ លើកទឹកចិត្តនិងស្នើឲ្យគ្រឹះស្ថានធនាគារ និងហិរញ្ញវត្ថុ ធ្វើការរៀបចំឥណទានឡើងវិញតាមលទ្ធភាពផ្អែកលើការស្ម័គ្រចិត្តនិងព្រមព្រៀងរវាងគ្រឹស្ថាន និងក្រុមហ៊ុន។ ទី៧ លើកលែងការផាកពិន័យផ្សេងៗចំពោះគម្រោងអភិវឌ្ឍន៍បុរី ប៉ុន្តែក្រុមហ៊ុនចាំបាច់ត្រូវបំបេញកាតព្វកិច្ចស្របតាមប្រកាសស្តីពីការគ្រប់គ្រងអាជីវកម្មអភិវឌ្ឍន៍អចលនវត្ថុ។  និងទី៨ ពន្យារពេលអនុវត្តរហូតដល់ដំណាច់ឆ្នាំ២០២៣លើសេចក្តីប្រកាសកាលពីខែកក្កដា ឆ្នាំ២០២២ ស្តីពីកាតព្វកិច្ចដាក់របាយការណ៍ហិរញ្ញវត្ថុឲ្យរងសវកម្មឯករាជ្យចេញដោយក្រសួងសេដ្ឋកិច្ច និងហិរញ្ញវត្ថុ៕

អត្ថបទ៖ ផល កុសល រូបភាព៖ លោក កើត ឆែ អភិបាលរងរាជធានីភ្នំពេញ

The post រដ្ឋាភិបាលដាក់ចេញវិធានការចំនួន៨ បន្តពីអាណត្តិទី៦ ដើម្បីបន្តជួយវិស័យសំណង់ និងអចលនទ្រព្យ appeared first on Millions times.

ផ្សារទំនើប ខេ ម៉ល ព្រែកត្នោត (K Mall Prek Thnoat) ​មានចម្ងាយត្រឹមតែប៉ុន្មាននាទីប៉ុណ្ណោះពីមហាវិថីសម្តេច ហ៊ុន សែន និងត្រឹមតែ ១៥នាទីពីអាកាសយានដ្ឋានអន្តរជាតិតេជោ គ្រោងនឹងបើកដំណើរការផ្លូវការ​នាពាក់កណ្តាលឆ្នាំ ២០២៦ខាងមុខនេះជាមួយនឹងដំណាក់កាលដំបូង។

បន្ទាប់ពីទទួលបានជោគជ័យនៃដំណើរការផ្សារទំនើប ខេ ម៉ល វេង ស្រេង (K Mall) ដោយមានអតិថិជនប្រមាណជាង ៦,៣០០នាក់ជារៀងរាល់ថ្ងៃ និងមានដៃគូអាជីវកម្មចំនួន ៣៨រួមមាន ហាងទំនិញ ហាងកាហ្វេ និងភោជនីយដ្ឋានល្បីៗ។

សូមជម្រាបថា ផ្សារ​ទំនើប K Mall គឺជា​គម្រោង​ផ្សារ​ទំនើប​ ពី​ក្រុមហ៊ុន​អភិវឌ្ឍន៍​អចលនទ្រព្យ Urbanland ហើយជាបុត្តសម្ព័ន្ធរបស់ក្រុមហ៊ុន ISI Group ដែលមានពាណិជ្ជកម្មក្នុងវិស័យដូចជា គ្រឿងសំណង់, សំណង់, អចលនទ្រព្យ, បុរី និងផ្សារទំនើបជាដើម៕

អត្ថបទ៖ ស៊ីណាត រូបភាព៖ ផ្សារ ខេ ម៉ល

The post ផ្សារទំនើបរបស់ខ្មែរ K Mall បើកគម្រោងសាងសង់សាខាទី២ មិនឆ្ងាយពីព្រលានយន្តហោះតេជោតាខ្មៅ appeared first on Millions times.