តាមដានជាមួយយើង៖ Million Times

ការិយាល័យរបស់លោក Biden បានប្រាប់សារព័ត៌មាន Reuters ថា អតីតមេដឹកនាំអាមេរិកវ័យ ៨២ឆ្នាំរូបនេះ មានអាការៈមិនស្រួលពាក់ព័ន្ធជាមួយការបត់ជើងតូច ដោយឧស្សាហ៍ស្ទះតម្រងនោម ហើយទើបតែថ្មីៗនេះប៉ុណ្ណោះដែលដឹងថា លោកកើតមានជំងឺមហារីកក្រពេញប្រូស្តាតធ្ងន់ធ្ងរ។

បច្ចុប្បន្នគ្រួសាររបស់លោក Biden កំពុងពិភាក្សាជាមួយក្រុមគ្រូពេទ្យ ពីជម្រើសនៃការព្យាបាលជំងឺ ដោយសារលោកមានវ័យចាស់ជរា ដូច្នេះត្រូវតែពិនិត្យឲ្យហ្មត់ចត់ អំពីផែនការព្យាបាលជំងឺដ៏កាចសាហាវនេះ។

ទោះជាយ៉ាងណា បន្ទាប់ពីការវិនិច្ឆ័យលទ្ធផលរួចរាល់ គ្រូពេទ្យបានប្រាប់គ្រួសារលោក Biden ថា ថ្វីបើតាមអាការៈអ្នកជំងឺមើលទៅដូចជាធ្ងន់ធ្ងរ ប៉ុន្តែស្ថានភាពជំងឺរបស់លោក Biden គឺនៅស្ថិតក្នុងដំណាក់កាលគ្រប់គ្រងបាន ដូច្នេះបើទទួលការព្យាបាលទាន់ពេល លោកមានសង្ឃឹមខ្ពស់ក្នុងការជាសះស្បើយពីជំងឺមួយនេះ៕

អត្ថបទ៖ Luffy រូបភាព៖ Reuters

The post អតីតប្រធានាធិបតីអាមេរិក Joe Biden ពិនិត្យឃើញមានជំងឺមហារីកក្រពេញប្រូស្តាតធ្ងន់ធ្ងរ appeared first on Millions times.

តាមដានជាមួយយើង៖ Million Times

សារព័ត៌មាន NBC News បានរាយការណ៍ថា រយៈពេលជាង ៣ខែមកនេះ លោក Trump បានហៅឈ្មោះឌឺដងលោក Biden មិនតិចជាង ៥៨០ដងឡើយ នៅពេលលោកថ្លែងសន្ទរកថា ឬផ្ដល់បទសម្ភាសន៍តាមទីសាធារណៈ។

នេះមានន័យថា ចាប់តាំងពីលោក Trump ក្លាយជាប្រធានាធិបតីអាណត្តិទី២ លោកបានហៅឈ្មោះលោក Biden ជាមធ្យម ៦ដងក្នុងមួយថ្ងៃ ហើយក្នុងរយៈពេល ៥០ថ្ងៃដំបូង លោក Trump ហៅឈ្មោះលោក Biden ច្រើនជាងនិយាយពាក្យថា «អាមេរិក» ទៅទៀត។

ការណ៍នេះសបញ្ជាក់ថា ទោះជាលោក Donald Trump ទទួលជ័យជម្នះក្នុងការបោះឆ្នោតប្រធានាធិបតីក្ដី ប៉ុន្តែលោកនៅតែព្យាយាមផ្ចាញ់ផ្ចាលអតីតមេដឹកនាំ Joe Biden គ្រប់ពេលដែលលោកអាចធ្វើបាន៕

អត្ថបទ៖ Luffy រូបភាព៖ Reuters

The post តាំងពីឡើងកាន់តំណែងប្រធានាធិបតីអាមេរិក Trump ឌឺដងលោក Biden មិនក្រោម ៥៨០ដងឡើយ appeared first on Millions times.

តាមរយៈការចុះផ្សាយពីទីភ្នាក់ងារព័ត៌មាន CNN បានឲ្យដឹងថា បងប្អូនប្រុសស្រីរួមទាំងសមាជិកគ្រួសាររបស់លោក Biden មានឈ្មោះនៅក្នុងលិខិតលើកលែងទោសមួយនោះ។

តាមដានជាមួយយើង៖ Million Times

លោក Biden បាននិយាយនៅក្នុងសេចក្ដីថ្លែងការណ៍មួយថា «សមាជិកគ្រួសាររបស់ខ្ញុំ ទទួលបានការគំរាមកំហែងឥតឈប់ឈរ ដោយសារតែខ្ញុំ។ សកម្មភាពទាំងអស់នោះ គឺជាការលាបពណ៌ពីក្រុមមនុស្សអាក្រក់ ហើយខ្ញុំជឿថា បើខ្ញុំសំងំស្ងៀមមិនអើពើ ពួកគេនឹងនៅតែញ៉ាំញីគ្រួសាររបស់ខ្ញុំ»។

គួររំលឹកបន្តិចថា នេះគឺជាការចេញលិខិតលើកលែងទោសលើកទី២ សម្រាប់សមាជិកគ្រួសារលោក Biden ពោលកាលពីខែមុន លោកទើបនឹងចេញលិខិតលើកលែងទោសកូនប្រុស Hunter Biden ដែលរងការចោទប្រកាន់ពីបទកាន់កាប់អាវុធខុសច្បាប់ និងខកខានបង់ពន្ធ៕

អត្ថបទ៖ Luffy រូបភាព៖ RT

The post មុនអស់អំណាច លោក Biden ចេញលិខិតលើកលែងទោសសម្រាប់សមាជិកគ្រួសារទាំងអស់ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន AP បានរាយការណ៍ថា វិមានជាតិថ្មីចំនួន២នោះ គឺមានឈ្មោះថា Chuckwalla National Monument មានទីតាំងស្ថិតនៅភាគខាងត្បូងរដ្ឋកាលីហ្វ័រញ៉ា ក្បែរឧទ្យានជាតិ Joshua Tree និងមួយទៀតគឺ Sáttítla Highlands National Monument ស្ថិតនៅភាគខាងជើងរដ្ឋកាលីហ្វ័រញ៉ា។

វិមានជាតិថ្មីចំនួន២នេះ បង្កើតឡើងដើម្បីឧទ្ទិសដឹងគុណ ចំពោះជនជាតិដើមអាមេរិក ដែលបានការពារដែនដី និងវាលខ្សាច់ធម្មជាតិ ពីការជីករុករកប្រេង និងឧស្ម័ន។

ការបង្កើតវិមានជាតិទាំងនេះ គឺធ្វើឡើងដើម្បីស្របតាមកិច្ចខិតខំប្រឹងប្រែងរបស់រដ្ឋបាលលោកបៃដិន ដែលមានចក្ខុវិស័យអភិរក្សដែនដី និងដែនទឹកអាមេរិក ឲ្យបាន ៣០% នៅត្រឹមឆ្នាំ២០៣០ ពោលថ្មីៗនេះលោក បៃដិន ក៏បានចេញសេចក្ដីប្រកាសហាមឃាត់ការឃួងយកប្រេង និងឧស្ម័ន តាមឈូងសមុទ្រអាមេរិក រួមបញ្ចូលទាំងរដ្ឋកាលីហ្វ័រញ៉ាផងដែរ៕

អត្ថបទ៖ Luffy រូបភាព៖ AP

The post ប្រធានាធិបតីអាមេរិកចុះហត្ថលេខាបង្កើតវិមានជាតិថ្មីចំនួន២ នៅរដ្ឋកាលីហ្វ័រញ៉ា appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ចំនួនសិស្សនិស្សិត ដែលត្រូវបានរដ្ឋបាលលោកបៃដិន ផ្ដល់ឱកាស និងលុបចោលបំណុលទាំងអស់ មានចំនួនលើសពី ៥លាននាក់ហើយ ក្នុងរយៈពេល ៤ឆ្នាំមកនេះ។

រយៈពេល ៤ឆ្នាំមកនេះ បំណុលនិស្សិតដែលត្រូវបានរដ្ឋបាលលោកបៃដិន ប្រកាសលុបចោល គឺមានចំនួនសរុបប្រហែល ១៨៣,៦ពាន់លានដុល្លារ ខណៈនិស្សិតអាមេរិកទាំងនោះ ភាគច្រើនគឺជាជនពិការ បុគ្គលិកសាធារណៈ និងធ្លាប់ត្រូវបានសាលាបោកប្រាស់ឲ្យជំពាក់បំណុល៕

អត្ថបទ៖ Luffy រូបភាព៖ Reuters

The post ប្រធានាធិបតីអាមេរិក លុបចោលបំណុលសិស្សនិស្សិត ៥លាននាក់ appeared first on Millions times.

Presidential Medal of Freedom ជា​មេដាយ​កិត្តិយស​ដែល​បង្កើតឡើង​តាំងពី​ឆ្នាំ​១៩៦៣​មក សម្រាប់​ផ្តល់​ជូនទៅ​ឲ្យ​ជន​ស៊ីវិល​អាមេរិក​រូប​ណា​ដែល​បង្កើត​ភាពលេច​ធ្លោ​ជាងគេ​បំផុត​។

តាមដានជាមួយយើង៖ Million Times

លោកស្រី Hillary Clinton

អតីតរដ្ឋមន្ត្រីការបរទេសលោកស្រី Hillary Clinton, អ្នកប្រជាធិបតេយ្យ​លោក George Soros និង​លោក Denzel Washington ដែលជា​អ្នកដឹកនាំ​សម្តែង​ ត្រូវ​បានលោក Biden ប្រធានាធិបតីផុតអាណត្តិ​ផ្តល់​មេដាយកិត្តិយស​ខ្ពស់បំផុត​សម្រាប់​ជន​ស៊ីវិល​អាមេរិក។ នេះបើតាមការចុះផ្សាយដោយ BBC ។

លោក Joe Biden បានថ្លែងថា៖ «សម្រាប់ពេលវេលាចុងក្រោយក្នុងនាមជាប្រធានាធិបតី ខ្ញុំមានកិត្តិយសប្រគល់មេដាយសេរីភាព ដែលជាកិត្តិយសជនស៊ីវិលខ្ពស់បំផុតរបស់ប្រទេសយើង លើក្រុមមនុស្សអស្ចារ្យដែលបានលះបង់ការខិតខំប្រឹងប្រែងដ៏ពិសិដ្ឋរបស់ពួកគេ ដើម្បីរៀបចំវប្បធម៌ និងបុព្វហេតុរបស់អាមេរិក»។

ក្រៅពីឥស្សរជនល្បីៗខាងលើ មេដាយចំនួន ៤ទៀតត្រូវបានផ្តល់ទៅលោក George W. Romney អភិបាលរដ្ឋ Michigan និងជាលេខាផ្នែកអភិវឌ្ឍន៍លំនៅដ្ឋាន និងទីក្រុង,អតីតអគ្គមេធាវី និងព្រឹទ្ធសភា លោក Robert F. Kennedy, លោក Ash Carter អតីតលេខាធិការការពារជាតិ និងលោកស្រី Fannie Lou Hamer ដែលបានបង្កើតគណបក្ស Mississippi Freedom Democratic Party ។

គួររំលឹកថា អតីត​ប្រធានាធិបតី​អាមេរិកលោក Barack Obama ក្នុង​ឆ្នាំ​២០១៧ ក៏​ធ្លាប់​ផ្តល់​មេដាយ​នេះ​ដល់​ប្រធានាធិបតី​អាមេរិក Joe Biden ផងដែរ​៕

លោក Alex Soros ក្នុងនាមឪពុករបស់គាត់លោក George Soros

អ្នកដឹកនាំ ផលិតករ និងតារាសម្តែង Denzel Washington

The post លោកស្រី Hillary Clinton និងឥស្សរជនឆ្នើមច្រើនរូបឈ្នះមេដាយកិត្តិយសខ្ពស់បំផុតសម្រាប់ជនស៊ីវិលអាមេរិក appeared first on Millions times.

ការដើរចូលសេតវិមានសាជាថ្មីនាពេលខាងមុខរបស់ Trump ដែលបានរិះគន់ម្តងហើយម្តងទៀតអំពីជំនួយសម្រាប់អ៊ុយក្រែន បានធ្វើឱ្យមានការសង្ស័យលើការគាំទ្ររបស់អាមេរិកដែលកំពុងបន្តក្នុងកម្រិតស្រដៀងគ្នាដូចនៅស្ថិតក្រោមរដ្ឋបាលលោក Biden ដែលផុតអាណត្តិ។

តាមដានជាមួយយើង៖ Million Times

ជាមួយនឹងការស្បថរបស់ Trump ក្នុងរយៈពេលត្រឹមតែ ៣សប្តាហ៍ទៀតប៉ុណ្ណោះ ពេលវេលាមានកំណត់នៅតែមានសម្រាប់ជំនួយរាប់ពាន់លានដុល្លារក្នុងការផ្តល់ជំនួយដែលត្រូវបានអនុញ្ញាតរួចហើយ។ លោក Biden បាននិយាយក្នុងសេចក្តីថ្លែងការណ៍មួយថា “ថ្ងៃនេះ ខ្ញុំមានមោទនភាពក្នុងការប្រកាសជំនួយសន្តិសុខជិត ២.៥ ពាន់លានដុល្លារសម្រាប់អ៊ុយក្រែន ខណៈដែលប្រជាជនអ៊ុយក្រែនបន្តការពារឯករាជ្យភាព និងសេរីភាពរបស់ពួកគេពីការឈ្លានពានរបស់រុស្ស៊ី”។

កញ្ចប់នេះរួមបញ្ចូលទាំងការកាត់បន្ថយយោធាចំនួន ១.២៥ ពាន់លានដុល្លារ ដែលអនុញ្ញាតឱ្យមន្ទីរបញ្ចកោណ យកអាវុធពីឃ្លាំងរបស់សហរដ្ឋអាមេរិក ហើយបញ្ជូនទៅកាន់សមរភូមិយ៉ាងឆាប់រហ័ស។ ទឹកប្រាក់បន្ថែមចំនួន ១.២២ ពាន់លានដុល្លារនឹងត្រូវបានផ្តល់មូលនិធិតាមរយៈគំនិតផ្តួចផ្តើមជំនួយសន្តិសុខអ៊ុយក្រែន ដែលឧបករណ៍យោធាត្រូវបានទិញពីឧស្សាហកម្មការពារជាតិ ឬដៃគូ។

ការកាត់បន្ថយចុងក្រោយនេះរួមមាន យន្តហោះគ្មានមនុស្សបើក គ្រាប់រំសេវសម្រាប់ប្រព័ន្ធរ៉ុក្កែត កាំភ្លើងធំចល័តខ្ពស់ (HIMARS) កាំជ្រួចដើរដោយអុបទិក ប្រព័ន្ធអាវុធប្រឆាំងរថក្រោះ គ្រាប់បែកពីអាកាស និងគ្រឿងបន្លាស់ជាដើម។ នេះបើយោងតាមក្រសួងការបរទេសសហរដ្ឋអាមេរិក។

ជាមួយគ្នានេះ ក្រសួងរតនាគារបានប្រកាសពីការផ្តល់ជំនួយថវិកាផ្ទាល់ចំនួន ៣.៤ ពាន់លានដុល្លារសម្រាប់អ៊ុយក្រែនផងដែរ។ លោក Biden បាននិយាយថា រដ្ឋបាលរបស់លោក ឥឡូវនេះបានបែងចែកប្រាក់ជំនួយអ៊ុយក្រែនទាំងអស់ដែលសមស្របដោយសភានៅនិទាឃរដូវឆ្នាំនេះបន្ទាប់ពីការចរចារដ៏លំបាក។

លោកប្រធានាធិបតីនិយាយថា លោកបានបញ្ជាឱ្យរដ្ឋបាលរបស់លោកបន្តបញ្ជូនជំនួយយោធាដល់អ៊ុយក្រែនតាមដែលអាចធ្វើទៅបាន រួមទាំងឧបករណ៍ចាស់ៗរបស់សហរដ្ឋអាមេរិក ហើយប្រញាប់ប្រញាល់ទៅកាន់សមរភូមិ ខណៈដែលអ៊ុយក្រែនបាត់បង់ទឹកដីទៅឱ្យកងទ័ពរុស្ស៊ីដែលបានឈ្លានពានកាលពីខែកុម្ភៈ ឆ្នាំ២០២២។

លោកនិយាយ​ថា ខណៈ​អ៊ុយក្រែន​ឈាន​ចូល​ដល់​រដូវរងា មន្ទីរ​ប៉ង់តាហ្គោន​កំពុង​ចែកចាយ​កាំភ្លើង​ធំ គ្រាប់​រ៉ុក្កែត និង​រថពាសដែក។

លោក Antony Blinken រដ្ឋមន្រ្តីក្រសួងការបរទេសអាមេរិក បាននិយាយថា “សហរដ្ឋអាមេរិក និងប្រទេសជាង ៥០ ឈររួបរួមគ្នាដើម្បីធានាថា អ៊ុយក្រែនមានសមត្ថភាពដើម្បីការពារខ្លួនប្រឆាំងនឹងការឈ្លានពានរបស់រុស្ស៊ី” ។

ប្រធានាធិបតីអ៊ុយក្រែន Volodymyr Zelensky បាននិយាយថា ជំនួយនេះបានកើតឡើងក្នុងពេលដ៏សំខាន់មួយ នៅពេលដែលរុស្ស៊ីបង្កើនការវាយប្រហាររបស់ខ្លួន។ មេដឹកនាំអ៊ុយក្រែនក៏បានអំពាវនាវឱ្យលោកខាងលិចរបស់ទីក្រុង Kyiv បន្តជំរុញការការពារប្រទេសរបស់លោក ក្នុងគោលបំណងធានាឱ្យមានបញ្ចប់ជម្លោះនៅឆ្នាំក្រោយ។

លោក Zelensky បាននិយាយនៅក្នុងការបង្ហោះប្រព័ន្ធផ្សព្វផ្សាយសង្គមថា “យើងត្រូវបន្តឆ្ពោះទៅរកសន្តិភាពតាមរយៈកម្លាំងដើម្បីសម្រេចបាននូវគោលដៅរួមរបស់យើងនៃសន្តិភាពនៅឆ្នាំ២០២៥ ដែលជាគោលដៅចូលរួមដោយអ៊ុយក្រែន និងដៃគូទាំងអស់” ។

គួរឲ្យដឹងថា ជំនួយចុងក្រោយបំផុតរបស់សហរដ្ឋអាមេរិកសម្រាប់អ៊ុយក្រែន ធ្វើឡើងបន្ទាប់ពីការប្រកាសមួយនៅដើមខែនៃកញ្ចប់ប្រាក់ជិត ១ពាន់លានដុល្លារសម្រាប់យន្តហោះគ្មានមនុស្សបើក គ្រាប់រំសេវ និងឧបករណ៍។

រដ្ឋបាល Biden ដែលកំពុងចាកចេញកំពុងធ្វើការដើម្បីទទួលបានជំនួយច្រើនតាមតែអាចធ្វើទៅបានដល់អ៊ុយក្រែន មុនពេល Trump ចូលកាន់តំណែងនៅថ្ងៃទី២០ ខែមករា។ លោក Trump តែងតែនិយាយសរសើរប្រធានាធិបតីរុស្ស៊ី លោក វ្ល៉ាឌីមៀ ពូទីន ហើយអះអាងថា ខ្លួនគាត់ផ្ទាល់អាចបញ្ចប់សង្រ្គាមក្នុងមួយថ្ងៃ។ នេះបានជំរុញឱ្យមានការភ័យខ្លាចថា សហរដ្ឋអាមេរិកនឹងដាក់លក្ខខណ្ឌបញ្ចប់សង្គ្រាមដែលកំណត់ដោយរុស្ស៊ី៕

អត្ថបទ៖ សារ៉ាយ រូបភាព៖ Reuters

The post មុន Trump ដើរចូលសេតវិមាន Biden ប្រកាសផ្តល់ជំនួយយោធាជិត ៦ពាន់លានដុល្លារឲ្យអ៊ុយក្រែន appeared first on Millions times.

សារព័ត៌មាន BBC បានឲ្យដឹងថា លោក Jimmy Carter មាន​អាយុ​វែង​ជាង​គេបំផុតសម្រាប់បុគ្គលដែលធ្លាប់កាន់ដំណែងប្រធានាធិបតី​​ក្នុង​ប្រវត្តិសាស្ត្រ​ បាន​ទទួល​មរណភាព​នារសៀល​ថ្ងៃ​អាទិត្យ​នៅ​គេហដ្ឋាន​របស់​លោក​ក្នុង​ទីក្រុង Plains រដ្ឋ Georgia។

តាមដានជាមួយយើង៖ Million Times

លោក Carter ជាកូនកសិករដាំសណ្តែកដី ដែលក្លាយជាប្រធានាធិបតីអាមេរិកអំឡុងនៅឆ្នាំ១៩៧៧។ បន្ទាប់ពីចាកចេញពីសេតវិមានតាមរយៈការងារមនុស្សធម៌លោកទទួលបានរង្វាន់ណូបែលសន្តិភាព។

លោក Biden និង Trump បានសរសេរក្នុងសៀវភៅកំណត់ត្រាសារំលែកទុក្ខយ៉ាងដូច្នេះថា «Carter ជាបុរសដែលមានគោលការណ៍ និងជំនឿ»។ ចំណែកឯលោក Trump បានសរសេរថា «ជនជាតិអាមេរិកទាំងអស់ជំពាក់គុណ និងដឹងគុណ Carter»។

ប្រធានាធិបតី Biden និងជំទាវទីមួយ Jill Biden បាននិយាយនៅក្នុងសេចក្តីថ្លែងការណ៍មួយថា «ថ្ងៃនេះ អាមេរិក និងពិភពលោកបានបាត់បង់មេដឹកនាំវិសាមញ្ញ រដ្ឋបុរស និងមនុស្សធម៌»។ ទន្ទឹមជាមួយគ្នានេះ លោកបានផ្ញើសារទៅកាន់យុវជនទាំងអស់នៅក្នុងជាតិនេះ និងសម្រាប់នរណាដែលស្វែងរកអត្ថន័យនៃជីវិតដែលមានគោលបំណង និងអត្ថន័យជីវិតល្អ ចូរសិក្សាពីលោក Jimmy Carter ដែលជារដ្ឋបុរសនៃគោលការណ៍ និងជំនឿ។

លោកថា «គាត់​បាន​បង្ហាញ​ថា​ យើង​ជា​ជាតិ​ដ៏​អស្ចារ្យ​ ព្រោះ​យើង​ជា​មនុស្ស​ល្អ សមរម្យ ​កិត្តិយស ក្លាហាន និង​មាន​ចិត្ត​មេត្តា បន្ទាប​ខ្លួន និង​ខ្លាំង»។

បន្ថែមទៀតនោះ លោក Biden បានប្រកាសថា ទិវាកាន់ទុក្ខជាតិនឹងប្រព្រឹត្តទៅនៅថ្ងៃទី៩ ខែមករា ឆ្នាំ២០២៥ ដោយជនជាតិអាមេរិកលើកទឹកចិត្តឱ្យទៅទស្សនាកន្លែងគោរពបូជា ដើម្បីគោរពបូជាដល់អតីតប្រធានាធិបតីរូបនេះ។ លោកក៏បានបញ្ជាឱ្យដាក់ទង់ជាតិនៅពាក់កណ្តាលបង្គោលនៅគ្រប់អគារសាធារណៈ និងយោធារយៈពេល ៣០ថ្ងៃ ដែលជារយៈពេលរួមបញ្ចូលនូវការទទួលស្វាគមន៍ប្រធានាធិបតីជាប់ឆ្នោត Trump ៕

អត្ថបទ៖ សារ៉ាយ រូបភាព៖ BBC

The post Biden និង Trump ដឹកនាំការគោរពដល់អតីតប្រធានាធិបតី Jimmy Carter ទទួលមរណភាពក្នុងជន្មាយុ ១០០ឆ្នាំ appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន Reuters បានរាយការណ៍ថា ដំណើរទស្សនកិច្ចមួយនោះ នឹងចាប់ផ្ដើមពីថ្ងៃទី០៩ រហូតដល់ថ្ងៃទី១២ ខែមករា ហើយលោក Biden ក៏នឹងមានជំនួបជាមួយប្រធានាធិបតីអ៊ីតាលី Sergio Mattarella ផងដែរ។

ប្រធានាធិបតីអាមេរិក នឹងជជែកជាមួយសម្ដេច Pope Francis អំពីកិច្ចខិតខំប្រឹងប្រែង ដើម្បីជំរុញសន្តិភាពជុំវិញពិភពលោក និងបញ្ហាដែលកំពុងកើតមានជុំវិញពិភពលោក ជាមួយនាយករដ្ឋមន្ត្រី Meloni។

សូមជម្រាបដែរថា ដំណើរទស្សនកិច្ចមួយនេះ នឹងក្លាយជាភារកិច្ចផ្លូវការចុងក្រោយរបស់លោក Biden ក្នុងនាមជាប្រធានាធិបតីអាមេរិក ដ្បិតរូបលោកនឹងត្រូវផ្ទេរតំណែង ទៅកាន់ប្រធានាធិបតីជាប់ឆ្នោត Donald Trump នៅថ្ងៃទី២០ ខែមករា៕

អត្ថបទ៖ Luffy រូបភាព៖ Reuters

The post លោក Biden គ្រោងបំពេញទស្សនកិច្ចផ្លូវការលើកចុងក្រោយទៅអ៊ីតាលី មុនដាច់អាណត្តិដឹកនាំ appeared first on Millions times.

តាមដានជាមួយយើង៖ Million Times

លោក Biden បានថ្លែងនៅក្នុងលិខិតចេញដោយសេតវិមានកាលពីថ្ងៃអាទិត្យថា «ថ្ងៃនេះ ខ្ញុំបានចុះហត្ថលេខាលើការលើកលែងទោសកូនប្រុសរបស់ខ្ញុំ Hunter។ ចាប់តាំងពីថ្ងៃខ្ញុំចូលកាន់តំណែង ខ្ញុំបាននិយាយថា នឹងមិនលូកដៃក្នុងការងារក្រសួងយុត្តិធម៌ឡើយ ហើយខ្ញុំពិតជាគោរពពាក្យសម្ដី ដោយខ្ញុំទ្រាំមើលកូនប្រុសរបស់ខ្ញុំ ត្រូវរងការកាត់ក្ដីទាំងអយុត្តិធម៌ក៏ដោយ»។

មេដឹកនាំអាមេរិកបន្ថែមទៀតថា ករណីកាន់កាប់អាវុធខុសច្បាប់ និងខកខានបង់ពន្ធ មិនមែនជារឿងធំដុំឡើយ ពោលសឹងតែមិនចាំបាច់ឡើងដល់តុលាការ ដោយគ្រាន់តែបង់ប្រាក់ពិន័យនាពេលក្រោយប៉ុណ្ណោះ។ ប៉ុន្តែសម្រាប់ករណីកូនប្រុសរបស់លោក បែរជាមានការតវ៉ាក្ដីដល់រាប់សប្ដាហ៍ ខណៈទង្វើមួយនេះប្រៀបដូចជាការរើសអើងនៅសហរដ្ឋអាមេរិក។

គួររំលឹកបន្តិចថា លោក Hunter Biden ធ្លាប់ទទួលការកាត់ទោសពីបទចេញលិខិតក្លែងបន្លំ និងកាន់កាប់អាវុធខុសច្បាប់កាលពីដើមសប្ដាហ៍មុន ហើយកាលពីខែកញ្ញា កូនប្រុសប្រធានាធិបតីអាមេរិករូបនេះ បានសារភាពថា បានល្មើសច្បាប់ពន្ធសហព័ន្ធ ខកខានបង់ប្រាក់ ១,៤លានដុល្លារ និងបានយកប្រាក់ទាំងនោះទៅចាយវាយលើគ្រឿងញៀន ជប់លៀងផឹកស៊ី ក៏ដូចជាទិញសម្ភារៈនិយមជាច្រើន៕

អត្ថបទ៖ Luffy រូបភាព៖ Reuters

The post ប្រធានាធិបតិអាមេរិក Joe Biden ចុះហត្ថលេខាលើកលែងទោសឲ្យកូនប្រុសរបស់ខ្លួន appeared first on Millions times.