តាមដានជាមួយយើង៖ Million Times

ការលើកឡើងនេះ ស្របពេលដែលស្ពាននេះ នឹងបើកជូនប្រជាពលរដ្ឋធ្វើដំណើរឆ្លងកាត់ជាអចិន្ត្រៃយ៍ ចាប់ពីថ្ងៃទី១ ខែមេសា ឆ្នាំ២០២៦តទៅ។

តាមរយៈទំព័រហ្វេសប៊ុករបស់ខ្លួន លោក វ៉ាង វិនពីន បានសរសេរថា «ខ្ញុំទន្ទឹងរង់ចាំ គម្រោងស្ពានមិត្តភាពកម្ពុជា-ចិន មេគង្គក្រចេះ នឹងបើកដំណើរការជាផ្លូវការ ហើយចូលរួមចំណែកយ៉ាងវិជ្ជមានក្នុងការលើកកម្ពស់ការអភិវឌ្ឍសេដ្ឋកិច្ចកម្ពុជា និងការធ្វើឱ្យជីវភាពរស់នៅរបស់ប្រជាពលរដ្ឋកាន់តែងាយស្រួល»។

ចំណែកឯកឧត្ដម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងដែរថា​ គម្រោងសាងសង់ស្ពានមិត្តភាពកម្ពុជា-ចិន មេគង្គក្រចេះ សម្រេចបាន ៩៨,៤៤%ហើយ នឹងបើកជូនប្រជាពលរដ្ឋឆ្លងកាត់ចាប់ពីថ្ងៃទី១ ខែមេសា ឆ្នាំ២០២៦តទៅ។

ឯកឧត្ដម បានបន្តថា ស្ពានមិត្តភាពកម្ពុជា-ចិន មេគង្គក្រចេះ និងហេដ្ឋារចនាសម្ព័ន្ធតភ្ជាប់ ជាគម្រោងយុទ្ធសាស្រ្តមួយដ៏សំខាន់សម្រាប់ការតភ្ជាប់ទំនាក់ទំនង និងជាក្តីសង្ឃឹមរវាងប្រជាពលរដ្ឋដែលរស់នៅត្រើយខាងកើត និងប្រជាពលរដ្ឋដែលរស់នៅត្រើយខាងលិច ទាំងការតភ្ជាប់តំបន់ដាច់ស្រយាលនៅភូមិភាគឦសាន មកកាន់ទីប្រជុំជនតភ្ជាប់ពីខេត្តក្រចេះ ទៅខេត្តកំពង់ធំ ដែលមានភាពប្រទាក់ក្រឡាគ្នាជាមួយផ្លូវជាតិសំខាន់ៗ នៃបណ្តាខេត្តដទៃទៀត។

គម្រោងសាងសង់ស្ពានមិត្តភាពកម្ពុជា-ចិន មេគង្គក្រចេះ និងកំណាត់ផ្លូវតភ្ជាប់ ត្រូវបានប្រើប្រាស់ឥណទានសម្បទានពីរដ្ឋាភិបាលចិនប្រមាណជាង ១១៤លានដុល្លារ និងសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន(WACC) បានប្រារព្ធពិធីបើកការដ្ឋាននៅថ្ងៃទី២ ខែមករា ឆ្នាំ២០២៣កន្លងទៅនេះ៕

អត្ថបទ៖ វីរៈ រូបភាព៖ ឯកឧត្ដម ផន រឹម

The post ទូតចិន៖ ស្ពានមិត្តភាពកម្ពុជា-ចិន មេគង្គក្រចេះ នឹងរួមចំណែកលើកកម្ពស់ការអភិវឌ្ឍសេដ្ឋកិច្ចកម្ពុជា appeared first on Millions times.

លោក វ៉ាង វិនពីន (WANG WENBIN) ឯកអគ្គរដ្ឋទូតចិនប្រចាំកម្ពុជា បានបញ្ជាក់ថា ប្រទេសទាំងពីរបានខិតខំប្រឹងប្រែង ដើម្បីបង្កើតឡើងនូវរោងចក្រដំឡើងរថយន្ត BYD ជាលទ្ធផលសំខាន់ ជានិមិត្តរូប និងជាគម្រោងផលិតកម្មរថយន្តក្នុងការពន្លឿនវិស័យឧស្សាហកម្ម និងកិច្ចសហប្រតិបត្តិការច្រករបៀងសេដ្ឋកិច្ចរវាងចិន កម្ពុជា។ លោកថា ក្រុមហ៊ុន BYD បាននាំយកបច្ចេកវិទ្យាទំនើប និងមានបទពិសោធន៍នៃឧស្សាហកម្មពាក់ព័ន្ធនានា និងការជួយបណ្តុះបណ្តាលកម្មករកម្ពុជា ដើម្បីជំរុញកំណើនសេដ្ឋកិច្ចនាពេលអនាគត។ 

តាមដានជាមួយយើង៖ Million Times

លោកបន្តថា នេះជាគម្រោងផលិតយានជំនិះស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងការចូលរួមកាត់បន្ថយឧស្ម័នកាបូន និងធ្វើឱ្យកាន់តែប្រសើរឡើងប្រកបដោយគុណភាពខ្ពស់។ ចំពោះមូលហេតុដែលក្រុមហ៊ុន BYD ជ្រើសរើសកម្ពុជា បង្កើតរោងចក្រដំឡើងរថយន្តនាពេលនេះ លោក វ៉ាង វិនពីន អះអាងថា ជាគំរូមិត្តភាព និងកិច្ចសហប្រតិបត្តិការមិត្តភាពដែកថែបរយៈពេល ៧០ឆ្នាំមកហើយ អាចនិយាយបានថា ជាមិត្តភាពដែកថែបមិនអាចបំបែកបាន។ 

លោកថ្លែងថា ចិន និងកម្ពុជា បានជម្រុញមិត្តភាពដែកថែប និងកសាងសហគមន៍ជោគវាសនារួមចិន កម្ពុជា ដោយពន្លឿនច្រករបៀងឧស្សាហកម្មរវាងភាគីទាំងពីរ ហើយការបើកការដ្ឋានសាងសង់រោងចក្រដំឡើងរថយន្ត BYD នាពេលនេះ ស្របពេលដែល ប្រធានាធិបតីចិន អញ្ជើញមកបំពេញទស្សនៈកិច្ចផ្លូវរដ្ឋមកកាន់កម្ពុជា កាលពីថ្ងៃទី១៧-១៨ ខែមេសាកន្លងមកនេះ នាំមកនូវអ្នកវិនិយោគចិនមកកាន់កម្ពុជា ជាពិសេសមកកាន់ខេត្តព្រះសីហនុ៕

អត្ថបទ៖ សាងតេជៈ រូបភាព៖ CDC 

The post ទូតចិន៖ BYD បង្កើតរោងចក្រដំឡើងរថយន្តនៅកម្ពុជា ជាលទ្ធផលសំខាន់ ជានិមិត្តរូបមិត្តភាពដែកថែប appeared first on Millions times.

លោក វ៉ាង វិនពិន ឯកអគ្គរដ្ឋទូតចិនប្រចាំកម្ពុជា ក្នុងវេទិកាសហប្រតិបត្តិការសេដ្ឋកិច្ចឌីជីថល ចិន–កម្ពុជា ឆ្នាំ២០២៤ និងពិធីសម្ពោធសមាគមឧស្សាហកម្មសេដ្ឋកិច្ចឌីជីថល ចិន–កម្ពុជា កាលថ្ងៃទី៤ ខែវិច្ឆិកា ឆ្នាំ២០២៤ បានលើកឡើងថា ក្រុមហ៊ុនចិនដែលវិនិយោគនៅកម្ពុជា កំពុងតែបញ្ចេញអស់សមត្ថភាពរបស់ខ្លួន ដែលមានឧត្តមភាពខាងបច្ចេកវិទ្យា ជំរុញដាក់ឱ្យអនុវត្ត និងប្រើប្រាស់បច្ចេកវិទ្យាបញ្ញាសិប្បនិម្មិត (AI) បច្ចេកវិទ្យាក្លោដ (Cloud Technology) និងការទូទាត់ប្រាក់ចល័ត។ល។ ដែលជាបច្ចេកវិទ្យាបែបថ្មីនៅគ្រប់មុខរបរ និងវិស័យនៅកម្ពុជា ជួយប្រទេសកម្ពុជាក្នុងការលើកកម្ពស់កម្រិតបច្ចេកវិទ្យាឌីជីថល និងសម្រេចបានបរិវត្តកម្មឌីជីថល (Digital Transformation) ជាបន្តបន្ទាប់។

លោកបន្តថា ការបង្កើតសមាគមឧស្សាហកម្មសេដ្ឋកិច្ចឌីជីថល ចិន-កម្ពុជា គឺចំពេលវេលាដែលត្រឹមត្រូវ បង្ហាញយ៉ាងកាន់តែច្បាស់អំពីការផ្តល់សារៈសំខាន់កាន់តែខ្លាំងទៅលើកិច្ចសហប្រតិបត្តិការលើវិស័យសេដ្ឋកិច្ចឌីជីថលរវាងប្រទេសចិននិងកម្ពុជា ទាំងពីរ គឺជំហ៊ានដល់សំខាន់ការលើកកម្ពស់គុណភាព និងបង្កើនឋានៈ (Upgrade) កិច្ចសហប្រតិបត្តិការរវាងចិន-កម្ពុជា នឹងបង្កើតបានជាទស្សនៈវិស័យកាន់តែធំទូលំទូលាយ សម្រាប់ការអភិវឌ្ឍទំនាក់ទំនងសេដ្ឋកិច្ច ពាណិជ្ជកម្មរវាងចិន-កម្ពុជាប្រកបដោយចីរភាព ហើយក៏នឹងចាក់បញ្ចូលថាមពលកាន់តែខ្លាំងក្លាដល់កម្ពុជា ក្នុងការសម្រេចបាននូវបរិវត្ត កម្មឌីជីថល និងការអភិវឌ្ឍខ្លាំងក្លា។

ជាមួយគ្នានេះ លោកទូតចិនបានជំរុញដល់សមាគមឧស្សាហកម្មសេដ្ឋកិច្ចឌីជីថលចិន-កម្ពុជា បញ្ចេញឱ្យអស់តួនាទីជាស្ពានភ្ជាប់ទំនាក់ទន់ និងការដឹកនាំសកម្មក្នុងការជំរុញការផ្លាស់ប្តូរកិច្ចសហប្រតិបត្តិការលើវិស័យសេដ្ឋកិច្ចឌីជីថលរវាងប្រទេសចិននិងកម្ពុជា ដឹកនាំសហគ្រាសដែលជាសមាជិកឱ្យជីកកកាយឱ្យអស់កាលានុវត្តភាពសេដ្ឋកិច្ចឌីជីថលកម្ពុជា អភិវឌ្ឍទីផ្សារថ្មីនៃមុខរបរឌីជីថល សម្រេចបានការផ្តល់ផលប្រយោជន៍ឱ្យគ្នាទៅវិញទៅមក និងឈ្នះ-ឈ្នះរវាងចិន-កម្ពុជា៕

អត្ថបទ៖ សេដ្ឋានី រូបភាព៖ ទូតចិន

The post ចិន ប្តេជ្ញាជួយកម្ពុជាលើកកម្ពស់កម្រិតបច្ចេកវិទ្យាឌីជីថល និងសម្រេចបានបរិវត្តកម្មឌីជីថល appeared first on Millions times.

នាពេលថ្មីៗនេះ លោក វ៉ាង វិនប៊ិន ចូលព្រះបរមរាជវាំងថ្វាយសារតាំងចំពោះព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ ព្រមទាំងបានបញ្ជាក់ពីចំណងមិត្តភាពប្រពៃណីរវាងចិននិងកម្ពុជា នឹងត្រូវបានអភិវឌ្ឍន៍កាន់តែរឹងមាំបន្ថែមទៀតនាពេលឣនាគត។ ទន្ទឹមនឹងនោះលោកក៏បានចូលជួបសម្ដែងការគួរសមជាមួយសម្ដេច ហ៊ុន សែន ប្រធានព្រឹទ្ធសភា។ លោកបានចាត់ទុក សម្ដេច ហ៊ុន​ សែន ជាមិត្តចាស់ មិត្តល្អរបស់ប្រជាជនចិន ក៏ជាអ្នកនយោបាយដែលមានបទពិសោធន៍ច្រើន។ លោកថ្លែងថា៖ «ខ្ញុំរៀនសូត្រច្រើនពីសម្ដេចតេជោអំពីការអភិវឌ្ឍទំនាក់ទំនងចិននិងកម្ពុជា។ ខ្ញុំមានជំនឿនិងជឿជាក់យ៉ាងមុតមាំថា មិត្តភាពដែកថែបចិននិងកម្ពុជាមុខជានឹងឆ្ពោះទៅដល់កម្រិតថ្មីមួយទៀត»។

តាមដានជាមួយយើង៖ Million Times

នៅព្រឹកថ្ងៃចន្ទទី២២ កក្កដានេះ លោក វ៉ាង វិនប៊ិន បានចូលជួមសម្តែងការគួរសមជាមួយនាយករដ្ឋមន្រ្តី សម្តេច ហ៊ុន ម៉ាណែត ព្រមទាំងប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ​និងប្រកបដោយផ្លែផ្កាបន្ថែមទៀត។ ក្នុងឱកាសជំនួបនោះសម្ដេចបានសម្ដែងនូវការស្វាគមន៍ និងអបអរសាទរចំពោះលោក វ៉ាង វិនប៊ិន ដែលត្រូវបានតែងតាំងជាឯកអគ្គរដ្ឋទូតចិនប្រចាំកម្ពុជា។ សម្ដេចជឿជាក់ថា ក្នុងបេសកកម្មការទូតរបស់លោកទំនាក់ទំនង និងកិច្ចសហប្រតិបត្តិការកម្ពុជា-ចិន នឹងកាន់តែត្រូវបានពង្រឹង និងពង្រីកបន្ថែមទៀត។

សម្រាប់លោកឯកអគ្គរដ្ឋទូតថ្មីរូបនេះ បានសម្តែងនូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការសម្រេចបាននូវសមិទ្ធផលថ្មីៗបន្ថែមទៀតជូនប្រជាជន និងប្រទេសកម្ពុជា។ លោកក៏ជឿជាក់ថា ក្រោមការដឹកនាំប្រកបដោយភាពឈ្លាសវៃរបស់សម្ដេចកម្ពុជានឹងមានការអភិវឌ្ឍរីកចម្រើនខ្លាំងក្លាបន្ថែមទៀត ហើយជីវភាពរបស់ប្រជាជនកម្ពុជានឹងត្រូវបានលើកកម្ពស់បន្ថែមទៀតផងដែរ។ ជាមួយគ្នានេះលោកបានប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ​ និងប្រកបដោយផ្លែផ្កាបន្ថែមទៀត។

សូមជម្រាបជូនថា ក្នុងជំនួបដដែលនោះ សម្ដេចនាយករដ្ឋមន្រ្តី និងលោកឯកអគ្គរដ្ឋទូតចិន ក៏បានសម្ដែងនូវការពេញចិត្ត និងបានវាយតម្លៃខ្ពស់ចំពោះទំនាក់ទំនងដ៏យូរលង់ និងរឹងមាំរវាងប្រទេសទាំងពីរ ព្រមទាំងបានផ្លាស់ប្ដូរយោបល់ និងពិភាក្សាអំពីការបន្តជំរុញការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំលើគ្រប់វិស័យ ដែលរួមមាន ជាអាទិ៍៖ វិស័យការពារជាតិ និងសន្តិសុខ, វិស័យថាមពល, វិស័យទេសចរណ៍, ការតភ្ជាប់រវាងប្រជាជន និងប្រជាជន, វិស័យសេដ្ឋកិច្ច និងពាណិជ្ជកម្ម, វិស័យកសិកម្ម, និងកិច្ចសហប្រតិបត្តិការច្រករបៀងឧស្សាហកម្ម និងបច្ចេកវិទ្យា និងច្រករបៀងមច្ឆា និងអង្ករ ៕

អត្ថបទ៖​ សាង តេជៈ រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តីជឿជាក់ថា ក្នុងបេសកកម្មការទូតរបស់លោក វ៉ាង វិនប៊ិន ទំនាក់ទំនងកម្ពុជា-ចិន នឹងកាន់តែត្រូវបានពង្រឹង និងពង្រីកបន្ថែមទៀត appeared first on Millions times.

ការចុះបំពេញការងារលើកដំបូងរបស់លោក គឺបានរួមដំណើរជាមួយលោក លឹម ស៊ីដេនីន រដ្ឋលេខាធិការ ក្រសួងសាធារណការ និងដឹកជញ្ជូន ពិនិត្យទីតាំងសម្រាប់ត្រៀមរៀបចំពិធីប្រសិទ្ធនាមឈ្មោះផ្លូវ មហាវិថី ស៊ី ជីនពីង។

តាមដានជាមួយយើង៖ Million Times

ក្នុងពេលមកដល់កម្ពុជា កាលពីយប់ថ្ងៃសុក្រសប្ដាហ៍មុន លោក Wang Wenbin បានធ្វើដំណើរមហាវិថីស៊ីជីនពីង មហាវិថីសម្ដេចតេជោ ហ៊ុន សែន មហាវិថីព្រះសីហនុ មហាវិថីម៉ៅសេទុង មុនទៅដល់ស្ថានទូតចិនប្រចាំនៅកម្ពុជា។

លោក Wang Wenbin បានបង្ហោះសារនៅលើហ្វេសប៊ុកថា លោក នឹងសហការជាមួយភាគីពាក់ព័ន្ធក្នុងប្រទេសកម្ពុជា ដើម្បីបន្តមរតកនៃចំណងមិត្តភាពរវាងចិន-កម្ពុជា ជំរុញកិច្ចសហប្រតិបត្តិការផ្ដល់ផលប្រយោជន៍ទៅវិញទៅមក ​ឲ្យទទួលបាននូវសមិទ្ធផលផ្លែផ្កាកាន់តែច្រើន និងផ្តល់ប្រយោជន៍ជូដល់ប្រជាជន នៃប្រទេសទាំងពីរ។  

ក្រសួងសាធារណការ និងដឹកជញ្ជូន បានឲ្យដឹងនៅថ្ងៃទី ១១ ខែកក្កដានេះថា ការចុះពិនិត្យនេះ ក្នុងគោលបំណងដើម្បីពិនិត្យមើលទីតាំងបង្គោលផ្លាកឈ្មោះផ្លូវ “មហាវិថី ស៊ី ជីនពីង” ដែលកំពុងសាងសង់ដោយពន្លឿនការងារឲ្យបានទាន់ពេលវេលា និងរៀបចំសណ្តាប់ធ្នាប់នៅទីតាំងប្រារព្ធពិធីឲ្យបានរៀបរយ រៀបចំចរាចរណ៍ ព្រមធ្វើឲ្យសម្ពោធនេះប្រព្រឹត្តទៅដោយជោគជ័យ។

បើតាមក្រសួងសាធារណការ ពិធីប្រសិទ្ធនាមឈ្មោះផ្លូវនេះ គ្រោងប្រព្រឹត្តទៅនៅថ្ងៃទី ១៩ ខែកក្កដាខាងមុខ ក្រោមអធិបតីភាពលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា ក្នុងឱកាសអបអរសាទរខួបអនុស្សាវរីយ៍លើកទី ៦៦ នៃការបង្កើតទំនាក់ទំនងការទូតរវាងកម្ពុជា-ចិន។

ពិធីប្រសិទ្ធនាមឈ្មោះផ្លូវ មហាវិថី ស៊ី ជីនពីង នឹងប្រារព្ធឡើងនៅក្នុងភូមិសាស្ត្រ ភូមិជម្ពូវ័ន ២ សង្កាត់ចោមចៅ ៣ ខណ្ឌពោធិ៍សែនជ័យ រាជធានីភ្នំពេញ ស្ថិតនៅចំណុចរង្វង់មូល ក្បែរផ្លូវជាតិលេខ ៤៕

អត្ថបទ៖​ វីរៈ រូបភាព៖ ក្រសួងសាធារណការ និងដឹកជញ្ជូន

The post លោក Wang Wenbin ចុះបំពេញការងារជាលើកដំបូង បន្ទាប់ពីមកដល់ប្រទេសកម្ពុជារយៈពេល ៧ថ្ងៃ appeared first on Millions times.

លោក វ៉ាង វិនធៀង ឯកអគ្គរដ្ឋទូតចិន និងលោក ផាទ្រីក មើហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានចប់អាណត្តិរៀងៗខ្លួនក្នុងខែឧសភា ហើយមុនចាកចេញលោកទូតទាំងពីរសុទ្ធតែមានជំនួបលាថ្នាក់នាំជាន់ខ្ពស់ និងមន្ដ្រីកម្ពុជា។

ដើម្បីពង្រីក និងពង្រីងការទូតរបស់ខ្លួនក្នុងតំបន់ ប្រទេសចិនបានបញ្ជូនអតីត​អ្នក​នាំពាក្យ​ក្រសួង​ការ​បទេស​លោក​ Wang Wenbin​ មកកាន់តំណែងឯកអគ្គ​រដ្ឋទូត​ចិន​ថ្មី​ប្រចាំ​កម្ពុជា ​ស្របពេល​ដែល​សហ​រដ្ឋ​អាមេរិក​ក៏​នឹង​ត្រៀម​ចាត់តាំង​ឯកអគ្គ​រដ្ឋទូត​ថ្មី​គឺលោក Robert Forden ក្នុង​ពេល​ដ៏​ឆាប់​ខាង​មុខ​នេះ។

តាមដានជាមួយយើង៖ Million Times

លោក Wang Wenbin មានវ័យ ៥៣ឆ្នាំបានបម្រើការក្នុងបេសកកម្មការទូតអស់រយៈពេលជាង ៣០ឆ្នាំមកហើយក្នុងផ្នែកផែនការគោលនយោបាយ និងកិច្ចការនៃប្រទេសអាហ្វ្រិក។ លោក Wang បានបម្រើការជាអ្នកនាំពាក្យទី ៣២ នៃក្រសួងការបរទេសចិន ពីខែកក្កដា ឆ្នាំ២០២០ ដល់ខែឧសភា ឆ្នាំ២០២៤។

ចំណែកប្រមុខទូតថ្មីឯណេះវិញ លោក Robert Forden ​ជា​សមាជិក​នៃ​ផ្នែក​កិច្ចការ​បរទេស​ជាន់​ខ្ពស់​ដែល​មាន​ឋានៈ​ជា​ទីប្រឹក្សា​យោបល់​របស់​រដ្ឋមន្ត្រី។​ បច្ចុប្បន្ន​នេះ លោក​កំពុង​បំពេញ​តួនាទី​ជា​ទីប្រឹក្សា​ជាន់​ខ្ពស់​នៅ​ការិយាល័យ​ កិច្ចការ​អាស៊ី​ខាង​កើត និង​ប៉ាស៊ី​ហ្វិក​នៃ​ក្រសួង​ការបរទេស​អាមេរិក។

 អត្ថបទ៖ សាង តេជៈ រូបភាព៖ បណ្តាញសង្គម

The post ប្រទេសមហាអំណាចពីរ តែងតាំងទូតថ្មីនៅកម្ពុជាសុទ្ធតែជើងខ្លាំងថ្វីមាត់ appeared first on Millions times.

ក្នុងជំនួបទាំងនោះថ្នាក់ដឹកនាំកម្ពុជា សុទ្ធតែបានគូសបញ្ជាក់ពីការលើកកម្ពស់ទំនាក់ទំនងរវាងប្រទេសទាំងពីរក្នុងអំឡុងពេលអាណត្តិការទូតរបស់លោក Wang Wentian និងថា ទំនាក់ទំនងកម្ពុជា-ចិនបានបន្តដំណើរកម្រិតខ្ពស់ក្នុងរយៈពេលប៉ុន្មានឆ្នាំចុងក្រោយនេះ។

តាមដានជាមួយយើង៖ Million Times

នាឱកាសជួបជាមួយឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ឯកអគ្គរដ្ឋទូតចិន បានរម្លឹកពីដំណើរវិវឌ្ឍន៍នៃទំនាក់ទំនងចិន-កម្ពុជា បានសង្កត់ធ្ងន់ថា ភាគីចិនតែងចាត់ទុកកម្ពុជាជាភាគីអាទិភាពសម្រាប់ទំនាក់ទំនងការទូតប្រទេសជិតខាង និងរីករាយសហការជាមួយភាគីកម្ពុជា ដើម្បីអនុវត្តកុងសុងស៊ីសសំខាន់ៗដែលថ្នាក់ដឹកនាំនៃប្រទេសទាំងពីរកំណត់ជូនបង្កើនការជឿទុកចិត្តគ្នាទៅវិញទៅមកលើផ្នែកនយោបាយ ជំរុញកិច្ចសហប្រតិបត្តិការជាក់ស្តែងកាន់តែស៊ីជម្រៅ ពង្រឹងទំនាក់ទំនងមនុស្សសាស្រ្ត ជំរុញការកសាងសហគមន៍វាសនារួមរវាងចិននិងកម្ពុជាក្នុងយុគសម័យថ្មីឱ្យទទួលបានសមិទ្ធផលផ្លែផ្កាកាន់តែច្រើន បន្តផ្តល់ផលប្រយោជន៍ជូនដល់ប្រទេសនិងប្រជាជនទាំងពីរ បង្កើតគំរូសម្រាប់ការកសាងសហគមន៍វាសនារួមសម្រាប់មនុស្សជាតិ។

លោក សុខ ចិន្តាសោភា បានវាយតម្លៃខ្ពស់ចំពោះការរួមចំណែកយ៉ាងសំខាន់របស់ឯកអគ្គរដ្ឋទូតចិន លោក Wang Wentian ក្នុងការលើកកម្ពស់ទំនាក់ទំនងរវាងប្រទេសទាំងពីរក្នុងអំឡុងពេលអាណត្តិការទូតរបស់លោក និងថា ទំនាក់ទំនងកម្ពុជា-ចិនបានបន្តដំណើរកម្រិតខ្ពស់ក្នុងរយៈពេលប៉ុន្មានឆ្នាំចុងក្រោយនេះ ហើយការកសាងសហគមន៍វាសនារួមនៃប្រទេសទាំងពីរទទួលបានសមិទ្ធផលជាប្រវត្តិសាស្រ្តយ៉ាងច្រើន ផ្លូវល្បឿនលឿនរាជធានីភ្នំពេញនិងក្រុងព្រះសីហនុ សម្រេចបាន”ក្តីស្រមៃផ្លូវល្បឿនលឿន”សម្រាប់ប្រជាជនកម្ពុជា ពហុកីឡដ្ឋានជាតិមរតកតេជោក្រោមជំនួយរបស់ចិនបានក្លាយជាទីតាំងសម្រាប់កម្ពុជាក្នុងការធ្វើជាម្ចាស់ផ្ទះលើព្រឹត្តិការណ៍ស៊ីហ្គេមឆ្នាំ២០២៣ អំឡុងពេលនៃការរីករាលដាលជំងឺកូវីដ១៩ភាគីចិនបានរួមសុខរួមទុក្ខជាមួយភាគីកម្ពុជាដែលបានធ្វើឱ្យចំណងមិត្តភាពនៃប្រទេសទាំងពីរត្រូវបានចាក់ឫសគល់កាន់តែជ្រាលជ្រៅ។ 

លោកគូសបញ្ជាក់ថា ការគាំទ្ររបស់ចិនមិនត្រឹមតែជួយដល់ការអភិវឌ្ឍន៍សេដ្ឋកិច្ចសង្គមកម្ពុជាយ៉ាងឆាប់រហ័សប៉ុណ្ណោះទេ ក៏បានជួយកម្ពុជាពង្រឹងនយោបាយឯករាជ្យផងដែរ។ ទន្ទឹមនឹងនេះ ភាគីកម្ពុជាប្រកាន់ខ្ជាប់នូវគោលនយោបាយចិនតែមួយ ហើយរីករាយសហការជាមួយភាគីចិនក្នុងការជំរុញកសាងសហគមន៍វាសនារួមរវាងប្រទេសទាំងពីរឱ្យទទួលបានវឌ្ឍនភាពថ្មីៗឥតឈប់ឈរ ធានាបានថាចំណងមិត្តភាពជាប្រពៃណីរវាងកម្ពុជានិងចិនត្រូវបានបន្តពីមួយជំនាន់ទៅមួយជំនាន់ទៀត៕

អត្ថបទ៖ សាង តេជៈ រូបភាព៖ ក្រុមព័ត៌មានសម្តេចតេជោ, សម្តេចធិបតី, រដ្ឋសភា និងក្រសួងការបរទេសកម្ពុជា

The post ថ្នាក់ដឹកនាំកំពូលៗ សុទ្ធតែវាយតម្លៃខ្ពស់ពីបេសកកម្មដ៏សំខាន់លោក វ៉ាង វិនធៀង  ពេលកាន់ដំណែងឯកអគ្គរដ្ឋទូតចិនប្រចាំកម្ពុជា appeared first on Millions times.