ដោយអនុវត្តតាមអនុស្សរណៈនៃការយោគយល់ ដែលបានចុះហត្ថលេខាក្នុងអំឡុងដំណើរទស្សនកិច្ចផ្លូវរដ្ឋរបស់ប្រធានាធិបតី ស៊ី ជីនពីង នៅកម្ពុជា កាលពីខែមេសា ឆ្នាំ២០២៥ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងឯកឧត្តម លូ វិន រដ្ឋមន្ត្រីស្ថាប័នរដ្ឋសម្រាប់បញ្ញត្តិទីផ្សាររបស់ប្រទេសចិន បានជួបពិភាក្សា ការងារ ដើម្បីពង្រឹងកិច្ចសហប្រតិបត្តិការលើវិស័យមាត្រាសាស្ត្រ និងហេដ្ឋារចនាសម្ព័ន្ធគុណភាព។
វិនិយោគិនចិនមកពីសហគ្រាសចំនួន ២១ បានស្វែងយល់អំពីសក្ដានុពលវិនិយោគនៅកម្ពុជា ពិសេសផ្តោតលើវិស័យនានា ដូចជា អប់រំ សុខាភិបាល ភោជនីយដ្ឋាន ភេសជ្ជៈ ប្រព័ន្ធផ្សព្វផ្សាយ និងសម្ភារៈ និងបរិក្ខាសំណង់ ជាដើម។
ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម (គណៈកម្មការទី២) នៃរដ្ឋសភា ឯកឧត្តម ឈាង វុន បានបើកប្រជុំ និងពិភាក្សា លើសេចក្ដីព្រាងច្បាប់ចំនួន ២ ជាមួយតំណាងរដ្ឋាភិបាល ដឹកនាំដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងសហការី នៅវិមានរដ្ឋសភា
សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានប្រកាសប្រឆាំងដាច់ខាតក្នុងការស្នើណាក៏ដោយចំពោះការសុំបើកច្រកព្រំដែនកម្ពុជា-ថៃឡើងវិញ ក្រោមហេតុផលថា ការបើកព្រំដែននេះ កូនសោរ គឺនៅលើដៃថៃ។
អាជ្ញាធរខេត្តកណ្ដាល និងមន្ទីរជំនាញ ចែកប័ណ្ណកម្មសិទ្ធិដីធ្លី ឬវិញ្ញាបនបត្រសម្គាល់ម្ចាស់អចលនវត្ថុចំនួន ១១,៣៣២ ប័ណ្ណ ជូនប្រជាពលរដ្ឋចំនួន ១០ ភូមិ ក្នុងនោះរួមមាន ភូមិលើ ភូមិស្វាយជ្រុំ ភូមិបារាជ ក្នុងសង្កាត់ស្វាយជ្រុំ ភូមិព្រែកតាកូវ ភូមិ ព្រែកល្វា និងភូមិព្រែកបង្កង ក្នុងសង្កាត់ព្រែកតាកូវ និងភូមិជ្រោយខ្សាច់ ភូមិបាក់ដាវលើ ភូមិបាក់ដាវក្រោម ភូមិព្រែកជ្រូក ស្ថិតក្នុងសង្កាត់បាក់ជាវ ក្រុងអរិយក្សត្រ។
ចំនួនអ្នកសេដ្ឋកិច្ចក្រៅប្រព័ន្ធដែលបានចុះឈ្មោះរួចហើយ បានកើនដល់ជាង២០ម៉ឺននាក់នៅទូទាំងប្រទេស ខណៈយុទ្ធនាការផ្សព្វផ្សាយនិងជំរុញការចុះឈ្មោះ ត្រូវបានបន្តរៀបចំឡើងនៅខេត្តតាកែវ ដែលមានអ្នកសេដ្ឋកិច្ចក្រៅប្រព័ន្ធចូលរួមប្រមាណ ៣ ពាន់នាក់ ក្រោមកិច្ចសហការជាមួយសមាគមសហព័ន្ធយុវជនសេដ្ឋកិច្ចកម្ពុជា។
អ្នកជំនាញសកលផ្នែកវិស័យសេមីកុងដាក់ទ័រ (semiconductor) អ្នកសិក្សាស្រាវជ្រាវ មន្ត្រីរដ្ឋាភិបាល និងដៃគូឧស្សាហកម្ម បានពិភាក្សាដើម្បីចាប់ផ្តើមរៀបចំ “ផែនទីបង្ហាញផ្លូវស្វ័យប្រវត្តិកម្មសម្រាប់ការរចនាអេឡិចត្រូនិកកម្ពុជា” ដែលជាជំហានដ៏សំខាន់មួយឆ្ពោះទៅគោលដៅកសាងប្រព័ន្ធអេកូឡូស៊ីបច្ចេកវិទ្យាកម្រិតខ្ពស់នៅកម្ពុជា។
គិតត្រឹមត្រីមាសទី ៣ ឆ្នាំ ២០២៥ នេះ កម្ចីអចលនទ្រព្យនៅកម្ពុជា នៅតែមានលើសពីពាក់កណ្តាលនៃសមតុល្យឥណទានលក្ខណៈបុគ្គលសម្រាប់ប្រើប្រាស់ផ្ទាល់ខ្លួនសរុប ពោលគឺមានទំហំប្រាក់ជិត ៨ ពាន់លានដុល្លារ។
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានរៀបចំ “កិច្ចប្រជុំច្រកចេញ-ចូលតែមួយ” ដើម្បីពិនិត្យពិភាក្សាលើគម្រោងស្នើសុំបង្កើតតំបន់សេដ្ឋកិច្ចពិសេសចំនួន ២ ដែលនឹងចាក់បញ្ចូលទុនវិនិយោគសរុបប្រមាណជិត ២០០ លានដុល្លារអាម៉េរិក ទៅខេត្តកំពត និងកំពង់ស្ពឺ។
គណៈកម្មាធិការប្រកួតប្រជែងកម្ពុជា (CCC) និងគណៈកម្មាធិការប្រកួតប្រជែងហុងកុង(HKCC) ចុះអនុស្សរណៈនៃការយោគយល់គ្នា (MoU) លើការអនុវត្តគោលនយោបាយ និងច្បាប់ស្តីពីការប្រកួតប្រជែង ក្នុងគោលដៅពង្រឹងសមត្ថភាពស្ថាប័ន និងស្របតាមឧត្តមានុវត្តល្អៗរបស់អន្តរជាតិ។