តាមដានជាមួយយើង៖ Million Times

ទីភ្នាក់ងារព័ត៌មាន Reuters បានឲ្យដឹងថា ការពន្យារពេលសារនេះ លោក Trump ចេញបញ្ជាទុកពេលឲ្យក្រុមហ៊ុន TikTok រហូតដល់ថ្ងៃទី១៧ ខែកញ្ញា ដើម្បីស្វែងរកម្ចាស់ក្រុមហ៊ុនថ្មីនៅអាមេរិក។

ក្រុមហ៊ុន TikTok បានកោតសរសើរចំពោះការសម្រេចចិត្តរបស់លោក Trump និងបានអះអាងថា ពួកគេនឹងធ្វើការយ៉ាងជិតស្និទ្ធជាមួយសេតវិមាន ដើម្បីពន្លឿនកិច្ចការងារដែលចាំបាច់។

គួរជម្រាបដែរថា រដ្ឋបាលលោក Donald Trump ចាត់ទុកថា ការលក់ក្រុមហ៊ុន TikTok ទាំងមូល ឬសិទ្ធកាន់កាប់ ៥០% ឲ្យទៅក្រុមហ៊ុនអាមេរិក គឺមានសារៈសំខាន់ជាខ្លាំង ដ្បិតកន្លងមកលោក Trump ធ្លាប់អះអាងថា បើសិនរដ្ឋាភិបាលចិនជួយសម្រួលដល់បញ្ហាមួយនេះ លោកនឹងបន្ធូរបន្ថយការទារពន្ធគយភ្លាមៗ៕

អត្ថបទ៖ Luffy រូបភាព៖ TechCrunch

The post Trump ពន្យារពេលកំណត់លើកទី៣ ក្នុងការបញ្ជាឲ្យ TikTok លក់ក្រុមហ៊ុន appeared first on Millions times.

តាមដានជាមួយយើង៖ Million Times

សារព័ត៌មាន AFP បានចុះផ្សាយថា នាយករដ្ឋមន្ត្រីអង់គ្លេស លោក Keir Starmer បានបង្ហាញក្ដីសោមនស្សរីករាយជាខ្លាំង ចំពោះដំណឹងនៃការបណ្ដាក់ទុនបន្ថែមរបស់ក្រុមហ៊ុន TikTok ។

TikTok ត្រៀមចាក់លុយបន្ថែមជិត ២០០លានដុល្លារ ដើម្បីសាងសង់ការិយាល័យថ្មីនៅទីក្រុងឡុងដ៍ ដែលនឹងត្រៀមបើកដំណើរការនៅឆ្នាំក្រោយនេះ។

គួរជម្រាបបន្តិចថា អង់គ្លេសគឺជាប្រទេសដែលមានអត្រាអ្នកប្រើប្រាស់កម្មវិធី TikTok ច្រើនបំផុត នៅក្នុងតំបន់អឺរ៉ុប ច្រើនជាង ១៥លាននាក់ និងបានជាប់រហស្សនាមថា «សហគមន៍អ្នកប្រើប្រាស់ TikTok ធំបំផុតនៅអឺរ៉ុប»៕

អត្ថបទ៖ Luffy រូបភាព៖ Investopedia

The post TikTok ត្រៀមបង្កើនដើមទុនវិនិយោគ នៅចក្រភពអង់គ្លេស appeared first on Millions times.

តាមដានជាមួយយើង៖ Million Times

TikTok បានប្រាប់ទីភ្នាក់ងារព័ត៌មាន AFP ថា ពួកគេនឹងធ្វើការប្ដឹងឧទ្ធរណ៍ចំពោះការសម្រេចចិត្តរបស់ទីក្រុងប្រ៊ុចសែល ហើយអះអាងថា ក្រុមហ៊ុនមិនដែលទទួលបានសំណូមពរពីអាជ្ញាធរចិន ក្នុងការចូលឆែកទិន្នន័យអ្នកប្រើប្រាស់កម្មវិធី TikTok ឡើយ។

នេះគឺជាការផាកពិន័យធំបំផុតលើកទី២ ដែល EU បានដាក់ទៅលើក្រុមហ៊ុន TikTok ដោយកាលពីឆ្នាំ២០២៣ ពួកគេពិន័យ TikTok ចំនួន ៣៤៥លានអឺរ៉ូ ជុំវិញការល្មើសច្បាប់របស់តំបន់អឺរ៉ុប ពាក់ព័ន្ធនឹងករណីរក្សាទុកទិន្នន័យកុមារ។

គួរជម្រាបបន្តិចថា ក្រុមហ៊ុនចិន TikTok នេះ កំពុងជួបព្យុះភ្លៀងធំបំផុតមិនធ្លាប់មាន ដោយរងការផាកពិន័យធ្ងន់ធ្ងរពីអឺរ៉ុប ចំពេលប្រតិបត្តិការនៅអាមេរិកប្រឈមនឹងការបិទអាជីវកម្ម ពោលប្រធានាធិបតី Donald Trump បង្ខំឲ្យក្រុមហ៊ុននេះលក់ភាគហ៊ុនយ៉ាងតិច ៥០% ឬទាំងស្រុង បើសិនជាចង់បន្តអាជីវកម្មនៅអាមេរិកទៀត៕

អត្ថបទ៖ Luffy រូបភាព៖ AP

The post TikTok រងការផាកពិន័យពី EU ៦០០លានដុល្លារ ជុំវិញការផ្ទេរទិន្នន័យទៅចិន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Nikkei ចុះផ្សាយថា TikTok កំពុងរៀបចំជ្រើសរើសអ្នកលក់លើផ្លេតហ្វមរបស់ខ្លួន ដែលមានឈ្មោះថា TikTok Shop ដែលអនុញ្ញាតឲ្យអ្នកប្រើប្រាស់ អាចផ្សាយបន្តផ្ទាល់លក់ផលិតផលផ្សេងៗ ដើម្បីទទួលបានប្រាក់កម្រៃជើងសារ។

គួររំលឹកបន្តិចថា មួយរយៈចុងក្រោយ TikTok បានព្យាយាមពង្រីកសក្ដានុពលរបស់ខ្លួននៅពាសពេញពិភពលោក ពោលកាលពីខែមុន ចាប់ផ្ដើមដាក់ដំណើរការ TikTok Shop នៅបារាំង អាល្លឺម៉ង់ និងអ៊ីតាលី ជាមួយគោលដៅពង្រីកខ្លួនកាន់តែធំនៅទីផ្សារអឺរ៉ុប។

ការចាប់ផ្ដើមហក់ចូលក្នុងទីផ្សារប្រទេសជាច្រើនរបស់ TikTok បានកើតឡើង បន្ទាប់ពីស្ថានភាពរបស់ក្រុមហ៊ុននៅអាមេរិក ហាក់មិនទាន់មានស្ថិរភាពត្រឹមត្រូវ ពោលអាចនឹងប្រឈមនឹងការបិទទ្វារភ្លាមៗ បើសិនជា TikTok មិនព្រមលក់ ឬអាចស្វែងរកអ្នកទិញភាគហ៊ុនពាក់កណ្ដាលបាន៕

អត្ថបទ៖ Luffy រូបភាព៖ SCMP

The post TikTok ត្រៀមខ្លួនប្រឡូកក្នុងទីផ្សារពាណិជ្ជកម្មអេឡិចត្រូនិកនៅជប៉ុន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន CBS News បានចុះផ្សាយថា កិច្ចប្រជុំដែលត្រៀមធ្វើឡើងនៅក្នុងការិយាល័យពងក្រពើ នឹងមានការចូលរួមពីអនុប្រធានាធិបតី JD Vance រដ្ឋមន្ត្រីក្រសួងពាណិជ្ជកម្ម Howard Lutnick ទីប្រឹក្សាសន្តិសុខជាតិ Mike Waltsz និងប្រធាននាយកដ្ឋានស៊ើបការណ៍ជាតិ Tulsi Gabbard។

កាលពីខែមុន លោក Trump ធ្លាប់បានបង្ហើបថាមានក្រុមហ៊ុនអាមេរិកចំនួន៤ ចាប់អារម្មណ៍ចង់ទិញកម្មវិធី TikTok ហើយថ្មីៗនេះលោកបញ្ជាក់ម្ដងទៀតថា កិច្ចព្រមព្រៀងទិញលក់ TikTok នឹងសម្រេចបានមុនពេលកំណត់ ពោលគឺថ្ងៃទី០៥ ខែមេសា។

គួរជម្រាបដែរថា TikTok កំពុងប្រឈមនឹងការបិទអាជីវកម្មទាំងស្រុងនៅអាមេរិក បើសិនជាពួកគេរឹងទទឹង មិនព្រមលក់កម្មវិធីយ៉ាងហោចណាស់ ៥០% ទៅឲ្យបុគ្គល ឬក្រុមហ៊ុនមិនមែនជាជនជាតិចិន។ ប្រធានាធិបតី Donald Trump អះអាងថា លោកមានសុទិដ្ឋិនិយម ចំពោះការសម្រេចចិត្តរបស់ TikTok ជុំវិញការលក់សិទ្ធគ្រប់គ្រងកម្មវិធី ៥០% ទៅឲ្យជនជាតិអាមេរិក បើទោះជាកន្លងមក TikTok ធ្លាប់ប្រកាសថា ពួកគេសុខចិត្តបិទអាជីវកម្ម ក៏មិនលក់ក្រុមហ៊ុនដែរ៕

អត្ថបទ៖ Luffy រូបភាព៖ BBC

The post សេតវិមានបើកកិច្ចប្រជុំមួយ កំណត់ជោគវាសនា TikTok នៅអាមេរិក appeared first on Millions times.

នៅយប់ថ្ងៃទី០១ ខែមេសានេះតាមរយៈលិខិតមួយទំព័រប្រកាសលើបណ្តាញសង្គម Facebook ក្រសួងការពារជាតិ បានបញ្ជាក់ថា បុគ្គលឈ្មោះ ឈាវ មុន្និន មានឋានន្តរស័ក្តិថ្នាក់ឧត្តមសេនីយ៍ត្រី នៃក្រសួងការពារជាតិ បង្ហោះវិដេអូលើបណ្តាញ TikTok ឲ្យធ្វើឲ្យប៉ះពាល់កិត្តិយស សេចក្តីថ្លៃថ្នូរ របស់ក្រសួងការពារជាតិ និងកងយោធពលខេមរភូមិន្ទទាំងមូល។

តាមដានជាមួយយើង៖ Million Times

ដើម្បីធានាការអនុវត្តឱ្យបានម៉ឺងម៉ាត់នូវបទវិន័យ ក៏ដូចជាការរក្សាឱ្យបាននូវក្រមសីលធម៌វិជ្ជាជីវៈរបស់កងទ័ព រដ្ឋមន្តីក្រសួងការពារជាតិ លោក ទៀ សីហា បានសម្រេចចាត់តាំងឱ្យអង្គភាពជំនាញរៀបចំបង្កើតក្រុមប្រឹក្សាវិន័យ ក្នុងគោលបំណង ធ្វើការពិនិត្យ និងវាយតម្លៃនូវរាល់ទង្វើទាំងឡាយដែលបុគ្គលខាងលើនេះបានប្រព្រឹត្តខុសឆ្គង ដើម្បីដាក់ទណ្ឌកម្មឱ្យស្របទៅនឹងច្បាប់ ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ។

លោក ឈាវ មុន្និន ត្រូវ​បាន​គេ​ដឹង​ថា ​​ជា​ម្ចាស់​ហាង​ពេជ្រ​មួយ​កន្លែង​ឈ្មោះ​ថា ហាងមាសពេជ្រ មុន្និន ១៦៨ និងជា​អគ្គនាយក​ក្រុមហ៊ុន​អចលនទ្រព្យ មុន្និន ១៦៨។ លោក មុន្និន ទទួលបានគោរមងារឧកញ៉ា នៅថ្ងៃទី១៩ ខែធ្នូ ឆ្នាំ២០២២៕

អត្ថបទ៖ សាងតេជៈ រូបភាព៖ បណ្តាញសង្គម

The post រដ្ឋមន្រ្តី ទៀ សីហា ឲ្យដាក់ទណ្ឌកម្មឧត្តមសេនីយ៍ត្រី ឈាវ មុន្និន មានងារឧកញ៉ា លេង TikTok ធ្វើឲ្យប៉ះពាល់កិត្តិយសក្រសួងការពារជាតិ appeared first on Millions times.

តាមដានជាមួយយើង៖ Million Times

យោងតាមការចុះផ្សាយពីទីភ្នាក់ងារព័ត៌មាន Reuters បានឲ្យដឹងថា លោក Trump បានបញ្ជាក់នៅចំពោះមុខអ្នកសារព័ត៌មានថា បច្ចុប្បន្នមានមនុស្សជាច្រើនកំពុងចង់ទិញ TikTok ហើយលោកជឿជាក់ថា កិច្ចព្រមព្រៀងទិញលក់កម្មវិធីចិនមួយនេះ នឹងទទួលបានជោគជ័យ មុនថ្ងៃកំណត់ត្រឹមថ្ងៃទី០៥ ខែមេសា។

ទោះជាមេដឹកនាំអាមេរិកចេញមុខមកអះអាងបែបនេះក្ដី ប៉ុន្តែមកទល់ពេលនេះលោក Trump មិនទាន់បញ្ចេញសមាសភាព នៃក្រុមហ៊ុន ឬក៏បុគ្គល ដែលមានបំណងចង់ទិញកម្មវិធី TikTok ពីក្រុមហ៊ុនចិន ByteDance នៅឡើយនោះទេ។

គួររំលឹកបន្តិចថា រដ្ឋាភិបាលអាមេរិកបានកំណត់ពេលត្រឹមថ្ងៃទី០៥ ខែមេសា ដើម្បីឲ្យ TikTok ស្វែងរកអ្នកទិញកម្មវិធីទាំងស្រុង ឬយ៉ាងតិច ៥០% ដែលមិនមែនជាជនជាតិចិន ដើម្បីអាចបន្តប្រតិបត្តិការនៅអាមេរិកបាន បើមិនដូច្នោះទេត្រូវបិទប្រតិបត្តិការចោលតែម្ដង៕

អត្ថបទ៖ Luffy រូបភាព៖ Reuters

The post ប្រធានាធិបតី Trump អះអាងថា កិច្ចព្រមព្រៀងទិញលក់ TikTok នឹងសម្រេចបានក្នុងសប្ដាហ៍នេះ appeared first on Millions times.

តាមដានជាមួយយើង៖ Million Times

Bloomberg បានអះអាងថា ទ្រព្យសម្បត្តិរបស់លោក Zhang បានកើនឡើងខ្លាំង រហូតដល់ ១០ពាន់លានដុល្លារ បន្ទាប់ពីតម្លៃហ៊ុននៃក្រុមហ៊ុន ByteDance កើនឡើងខ្ពស់ ក្រោយមានដំណឹងល្អពីទីផ្សារ ពោលក្រុមហ៊ុនកំពូលៗជាច្រើនបានប្រកាសពីការបណ្ដាក់ទុន ជាមួយក្រុមហ៊ុនចិនមួយនេះ រួមមាន BlackRock Inc, Fidelity Investment និង T. Rowe Price Group Inc ជាដើម។

បច្ចុប្បន្ន លោក Zhang មានទ្រព្យសម្បត្តិសរុបប្រហែល ៥៧,៥ពាន់លានដុល្លារ ជាបុគ្គលមានទ្រព្យច្រើនបំផុតនៅប្រទេសចិន និងជាមហាសេដ្ឋីមានបំផុតទី៣ ប្រចាំតំបន់អាស៊ី បន្ទាប់ពីស្ដេចត្រាញ់ឥណ្ឌា Mukesh Ambani និង Gautam Adani។

ថ្វីដ្បិត Bloomberg ចាត់ទុកលោក Zhang Yiming ជាមហាសេដ្ឋីមានបំផុតនៅចិនពិតមែន ប៉ុន្តែបច្ចុប្បន្នមេធំក្រុមហ៊ុន TikTok រូបនេះ កំពុងរស់នៅយ៉ាងសោយសុខក្នុងប្រទេសសិង្ហបុរី ខណៈប្រភពចំណូលធំរបស់លោក គឺបានមកពីចំណែកភាគហ៊ុន ២១% ក្នុងក្រុមហ៊ុនកំពូល ByteDance៕

អត្ថបទ៖ Luffy រូបភាព៖ China Daily

The post ម្ចាស់ក្រុមហ៊ុន TikTok ឡើងកូដខ្លាំង ក្លាយជាកំពូលមហាសេដ្ឋីមានដាច់គេនៅចិន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា មេដឹកនាំអាមេរិកមានជំនឿចិត្តថា បើសិនជារដ្ឋាភិបាលចិន ចេញមុខជួយសម្របសម្រួលបញ្ចុះបញ្ចូលក្រុមហ៊ុន ByteDance លក់កម្មវិធី TikTok នោះកិច្ចព្រមព្រៀងមួយនេះនឹងទទួលបានជោគជ័យក្នុងរយៈពេលដ៏ខ្លីជាមិនខាន។

ក្រុមហ៊ុន ByteDance មានពេលរហូតដល់ថ្ងៃទី០៥ ខែមេសា ដើម្បីស្វែងរកអ្នកទិញកម្មវិធី TikTok ដែលមិនមែនជាជនជាតិចិន ឬត្រូវប្រឈមនឹងការបិទអាជីវកម្មទាំងស្រុងនៅអាមេរិក ប៉ុន្តែកន្លងមកប្រធានាធិបតី Trump ធ្លាប់អះអាងថា បើសិនជា TikTok មិនអាចរកបានអ្នកទិញទាន់ពេលវេលា លោកយល់ព្រមពន្យារពេលបន្ថែមទៀត។

គួរជម្រាបដែរថា លោក Donald Trump បានបញ្ជាឲ្យរដ្ឋបាលរបស់លោកចាត់ទុកការលក់កម្មវិធី TikTok ជាអាទិភាព ហើយថែមទាំងយកការគំរាមពន្ធគយ ជាការចរចាជាមួយចិន ដើម្បីឲ្យមហាអំណាចអាស៊ី សម្របសម្រួលដល់កិច្ចព្រមព្រៀងនេះថែមទៀត៕

អត្ថបទ៖ Luffy រូបភាព៖ Barron’s

The post Trump យល់ព្រមបន្ធូរបន្ថយពន្ធចំពោះចិន ដើម្បីសម្រេចបានកិច្ចព្រមព្រៀង TikTok appeared first on Millions times.

តាមដានជាមួយយើង៖ Million Times

លោក Trump បានបង្ហើបទៀតថា កិច្ចព្រមព្រៀងទិញលក់ក្រុមហ៊ុន TikTok ទំនងនឹងសម្រេចបាននាពេលឆាប់ៗ ហើយបើសិនជាវាត្រូវការពេលច្រើនជាងនេះ នោះលោកនឹងពន្យារពេលបន្ថែម ពីលើការពន្យារពេល ៧៥ថ្ងៃដែលបានដាក់ចេញកាលពីពាក់កណ្ដាលខែមករា ជុំវិញការបិទអាជីវកម្មរបស់ TikTok នៅអាមេរិក។

សូមជម្រាបដែរថា ទោះបីជាលោក Trump បង្ហើបថាមានក្រុមហ៊ុនធំៗចំនួន៤ ចាប់អារម្មណ៍ទិញ TikTok មែន តែប្រធានាធិបតីរូបនេះមិនបានបញ្ជាក់ច្បាស់ពីអត្តសញ្ញាណនៃក្រុមហ៊ុនទាំងនោះឡើយ។

មេដឹកនាំអាមេរិកសង្ឃឹមថា កិច្ចព្រមព្រៀងទិញលក់ TikTok នៅអាមេរិក នឹងសម្រេចបាននាពេលឆាប់ៗ និងទាមទារឲ្យក្រុមហ៊ុនអាមេរិកមានចំណែកភាគហ៊ុនយ៉ាងតិច ៥០% បើសិនជា TikTok មិនព្រមលក់អាជីវកម្មទាំងស្រុង។ លោក Trump អះអាងទៀតថា ការទិញលក់ TikTok ត្រូវការការសម្របសម្រួលខ្លាំងពីភាគីរដ្ឋាភិបាលចិន ហើយលោកក៏បានជជែកជាមួយពួកគេរួចដែរ និងកំពុងរង់ចាំចម្លើយវិញ៕

អត្ថបទ៖ Luffy រូបភាព៖ Reuters

The post ប្រធានាធិបតី Trump បង្ហើបថា មានក្រុមហ៊ុនធំៗចំនួន៤ កំពុងចាប់អារម្មណ៍ចង់ទិញ TikTok appeared first on Millions times.