ប្រធានាធិបតីរុស្ស៊ី លោក Vladimir Putin បានជួបជាមួយរដ្ឋមន្ត្រីការបរទេសចិន លោក Wang Yi នៅទីក្រុងមូស្គូ កាលពីថ្ងៃអង្គារ ដោយប្រាប់ថា លោកកំពុងទន្ទឹងរង់ចាំស្វាគមន៍លោក Xi នៅខែក្រោយ។ លោក Putin ថា មានកម្មវិធីសម្បូរបែប និងរៀបចំបានល្អ កំពុងរង់ចាំលោក Xi ក្នុងអំឡុងពេលទស្សនកិច្ចរបស់លោក ក្នុងឱកាសនៃទិវាជ័យជម្នះរបស់រុស្ស៊ី។ 

តាមដានជាមួយយើង៖ Million Times

«វានឹងក្លាយជាដំណើរទស្សនកិច្ចផ្លូវការមួយ… គាត់នឹងក្លាយជាភ្ញៀវកិត្តិយសដ៏សំខាន់របស់យើង ហើយយើងនឹងមានឱកាសនិយាយអំពីស្ថានភាពបច្ចុប្បន្ននៃទំនាក់ទំនងទ្វេភាគីរបស់យើង និងដើម្បីពិភាក្សាអំពីកិច្ចសហប្រតិបត្តិការរបស់យើងលើវេទិកាពហុភាគីផងដែរ»។ លោក Putin ថ្លែងអះអាងប្រាប់ប្រមុខការទូតចិនលោក Wang ។

លោក Putin បន្ថែមថា រុស្ស៊ី និងចិនគួរតែបន្តបញ្ជូនសញ្ញាដ៏រឹងមាំទៅកាន់ពិភពលោកអំពីការពង្រឹងកិច្ចសហប្រតិបត្តិការជាយុទ្ធសាស្រ្ត នៅចំពោះមុខស្ថានការណ៍អន្តរជាតិដែលប្រែប្រួល។ 

ទីភ្នាក់ងារសារព័ត៌មានរុស្ស៊ី RIA Novosti បានរាយការណ៍ថា លោក Wang Yi បានប្រាប់មេដឹកនាំរុស្ស៊ីថា ការត្រៀមរៀបចំកំពុងដំណើរការសម្រាប់ដំណើររបស់លោក Xi ដែលនឹងផ្តល់កម្លាំងចិត្តថ្មីដល់ការអភិវឌ្ឍន៍ទំនាក់ទំនង។ លោកថា ការសម្របសម្រួលយុទ្ធសាស្ត្រ និងការជឿទុកចិត្តខាងនយោបាយបានធ្វើឱ្យស៊ីជម្រៅរវាងប្រទេសជិតខាង។

លោក Wang បានសង្កត់ធ្ងន់ថា៖ «កិច្ច​សហប្រតិបត្តិការ​រវាង​រុស្ស៊ី​និង​ចិន​មិន​ដែល​សំដៅ​ប្រឆាំង​ភាគី​ទី​បី​ឡើយ ហើយ​វា​មិន​អត់​ឱន​ចំពោះ​ការ​ជ្រៀត​ជ្រែក​ពី​ខាង​ក្រៅ​ឡើយ។ ទំនាក់ទំនងចិន-រុស្ស៊ីនឹងមិនឈរនៅស្ងៀមទេ ប៉ុន្តែនឹងកាន់តែទូលំទូលាយ។ មិត្តភាពរបស់យើងមិនផ្តោតលើបច្ចុប្បន្នទេ ប៉ុន្តែមើលទៅអនាគតដ៏វែងឆ្ងាយ»។

ដំណើរទស្សនកិច្ចរបស់លោក Wang ទៅកាន់ទីក្រុងមូស្គូ ធ្វើឡើងចំពេលមានការរំពឹងទុកកាន់តែខ្លាំងឡើងថា ភាពរអាក់រអួលក្នុងទំនាក់ទំនងរុស្ស៊ី-អាមេរិក នាពេលថ្មីៗនេះ អាចជាសញ្ញាបង្ហាញពីកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ដើម្បីជំរុញឱ្យមានជម្លោះរវាងទីក្រុងម៉ូស្គូ និងទីក្រុងប៉េកាំង។

ក្នុងអំឡុងពេលពិភាក្សាជាមួយសមភាគីលោក Sergey Lavrov រដ្ឋមន្ត្រីក្រសួងការបរទេសរុស្សុី លោក Wang Yi បាននិយាយថា ប្រទេសចិនបានត្រៀមខ្លួនរួចជាស្រេច ដើម្បីធ្វើការយ៉ាងជិតស្និទ្ធជាមួយរុស្ស៊ី ដើម្បីបង្កើតសណ្តាប់ធ្នាប់ពិភពលោកពហុប៉ូល។

លោក Wang បាននិយាយថា «នៅឆ្នាំនេះ ប្រធានាធិបតី Xi និងប្រធានាធិបតី Putin មានទំនាក់ទំនងជាយុទ្ធសាស្រ្តពីរដង ដោយបានដឹកនាំទំនាក់ទំនងចិន-រុស្ស៊ីឱ្យឆ្ពោះទៅមុខយ៉ាងម៉ឺងម៉ាត់ [ចំពេលមានការផ្លាស់ប្តូរដែលមិនធ្លាប់មានពីមុនមក និងមានភាពចលាចលនៅក្នុងទិដ្ឋភាពពិភពលោក]»។ លោកបានបន្តថា ប្រទេសចិនមានឆន្ទៈក្នុងការធ្វើការជាមួយប្រទេសរុស្ស៊ីដើម្បីបំពេញនូវការទទួលខុសត្រូវពិសេសក្នុងនាមជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ លុបបំបាត់ការជ្រៀតជ្រែក ប្រកាន់ខ្ជាប់នូវមាគ៌ាត្រឹមត្រូវ និងលើកកម្ពស់សណ្តាប់ធ្នាប់ពិភពលោកពហុប៉ូល។

លោក Lavrov នៅក្នុងសុន្ទរកថាបើកបានសាទរទំនាក់ទំនងរបស់រុស្ស៊ីជាមួយប្រទេសចិនថាជា ភាតរភាពប្រវត្តិសាស្ត្រ។ លោកថ្លែងថា «ថ្ងៃនេះ ជាមួយមិត្តរបស់ខ្ញុំ ខ្ញុំក៏សុខចិត្ត … ពង្រឹងការសម្របសម្រួលជាយុទ្ធសាស្រ្តរបស់យើង។ ខ្ញុំជឿថា ដំណើរទស្សនកិច្ចនេះនឹងរៀបចំយើងយ៉ាងពេញលេញសម្រាប់ការផ្លាស់ប្តូរកម្រិតខ្ពស់របស់យើងនៅឆ្នាំនេះ»។

លោកបន្ថែមថា ទំនាក់ទំនងគឺស្ថិតនៅក្នុងកម្រិតខ្ពស់ដែលមិនធ្លាប់មានពីមុនមក ដោយលោកបានសន្យាថានឹងមានការសម្របសម្រួលកាន់តែជិតស្និទ្ធជាមួយទីក្រុងប៉េកាំងតាមរយៈវេទិកាពហុភាគីដូចជា Brics និងអង្គការសហប្រតិបត្តិការសៀងហៃ ដើម្បីបង្កើត «សណ្តាប់ធ្នាប់ពិភពលោកពហុប៉ូលប្រជាធិបតេយ្យកាន់តែច្រើន»៕

អត្ថបទ៖ សារ៉ាយ រូបភាព៖ EPA-EFE

The post ចិន​ និង​រុស្ស៊ី​សម្លឹង​មើល​អនាគតដ៏វែងឆ្ងាយនៃទំនាក់ទំនងជាយុទ្ធសាស្រ្ត រួមគ្នារក្សាសណ្តាប់ធ្នាប់ពិភពលោកពហុប៉ូល appeared first on Millions times.

សារព័ត៌មាន Xinhua បានផ្សាយថា លោក Putin និយាយថា ឆ្នាំ២០២៥​ ជា​ខួប​៨០ឆ្នាំ​នៃ​ជ័យជម្នះ​របស់​សហភាព​សូវៀត​ក្នុងសង្គ្រាមការពារ​ជាតិដ៏អស្ចារ្យ ​ហើយរំពឹងថា ភាគី​ចិន​នឹង​មក​​ចូលរួម​សកម្មភាព​រំលឹក​ខួប​រុស្ស៊ី ​ដើម្បី​រួមគ្នា​អបអរសាទរ​ជ័យជំនះ​ក្នុង​ការ​ប្រយុទ្ធប្រឆាំង​នឹង​ហ្វាស៊ីសនិយម​របស់​ពួក​ណាស៊ី​ និងយោធានិយមរបស់ជប៉ុន។

តាមដានជាមួយយើង៖ Million Times

លោក Putin បន្ថែមថា ភាគីរុស្ស៊ីរីករាយ​ចាត់​ទុក​រឿង​នេះ​ជា​កាលានុវត្តភាព​មួយ ដើម្បីជំរុញ​ឱ្យ​ទំនាក់ទំនងភាពជា​ដៃគូ​សហការ​និង​សម្របសម្រួល​ជា​យុទ្ធសាស្ត្រ​គ្រប់ជ្រុងជ្រោយ​រវាង​រុស្ស៊ី​ និង​ចិន​ឡើង​ដល់​កម្រិត​ថ្មី​។​ ប្រឈមមុខ​នឹង​ស្ថានការណ៍​អន្តរជាតិ​ដ៏​រង្គោះ​រង្គើ​ រុស្ស៊ីនិងចិន​គួរតែ​បន្ត​បញ្ចេញសញ្ញា​មានកម្លាំង​ផ្នែក​ការ​បង្កើន​សហប្រតិបត្តិការយុទ្ធសាស្ត្រ​ទៅកាន់ពិភពលោក​។

ជាការឆ្លើយតប​ លោក​ WangYi សមាជិកការិយាល័យ​នយោបាយនៃគណៈកម្មាធិការមជ្ឈិមបក្ស​កុម្មុយនីស្តចិន​ និង​ជារដ្ឋមន្ត្រីក្រសួងការបរទេស​ បាន​លើកឡើងថា​ ​កិច្ចសហប្រតិបត្តិការ​រវាង​ប្រទេស​ចិន​ និង​រុស្ស៊ី​ មិន​ដែល​​សំដៅ​ចំពោះ​ភាគីទី៣​ ណាមួយឡើយ ​ហើយក៏មិន​ត្រូវ​រង​ការ​រំខាន​ពី​កម្លាំង​ខាងក្រៅដែរ។​ លោកថា ទំនាក់ទំនង​រវាងចិន និង​រុស្ស៊ី​នឹង​មិន​ស្ថិត​នៅ​តែ​មួ​កន្លែង​នោះទេ ​តែ​គឺ​វិវឌ្ឍ​កាន់​តែ​ទូលំទូលាយ​។

លោកបន្ថែមថា ភាគីចិន​ និងរុស្ស៊ី​បាន​​គាំទ្រ​ទៅវិញ​ទៅមក​លើ​តារាងពេលវេលា​ស្តីពី​ការ​រៀបចំ​សកម្មភាព​រំលឹក​ “ខួប​៨០ឆ្នាំ”​ លើកនេះ​ ជឿជាក់ថា​ ​ការ​ប្រាស្រ័យទាក់ទង​សំខាន់​របស់​ប្រមុខរដ្ឋនៃ​ប្រទេសទាំង២​ក្នុងឆ្នាំនេះ​នឹង​ចារទំព័រ​​ថ្មី​នៃទំនាក់ទំនង​ចិន-រុស្ស៊ី៕

អត្ថបទ៖ សារ៉ាយ រូបភាព៖ Xinhua

The post ប្រមុខការទូតចិន ជួបប្រធានាធិបតីរុស្សុីនៅវិមានក្រឹមឡាំង appeared first on Millions times.

តាមដានជាមួយយើង៖ Million Times

លោក Trump បាននិយាយថា ការលើកឡើងរបស់លោក Putin កំពុងដើរខុសពីគោលដៅ នៃកិច្ចខិតខំបញ្ចប់សង្គ្រាមនៅអ៊ុយក្រែន ដែលអាមេរិកព្យាយាមសម្របសម្រួល ហើយបើសិនជាលោកយល់ឃើញថា កិច្ចព្រមព្រៀងនេះមិនអាចសម្រេចបាន ដោយសារតែកំហុសរបស់លោក Putin នោះអាមេរិកនឹងដាក់ទណ្ឌកម្មពន្ធគយ ដោយតំឡើងពន្ធចន្លោះពី ២៥% ទៅ ៥០% ចំពោះការនាំចេញប្រេងរបស់រុស្ស៊ី។

ក្នុងករណីធ្ងន់ធ្ងរជាងនេះ មេដឹកនាំអាមេរិកគំរាមទៀតថា បើសិនជាមានប្រទេសណាហ៊ានទិញប្រេងពីរុស្ស៊ី នោះពួកគេមិនអាចរកស៊ីជាមួយអាមេរិកបានជាដាច់ខាត។

គួរជម្រាបដែរថា ប្រធានាធិបតីអាមេរិក Donald Trump អះអាងថា លោកនឹងព្យាយាមបញ្ចប់សង្គ្រាម រវាងរុស្ស៊ី និងអ៊ុយក្រែនឲ្យបានកាន់តែឆាប់ ខណៈកន្លងមករដ្ឋបាលរបស់លោកបានជួបជាមួយភាគីទាំងសងខាង ដើម្បីរៀបចំកិច្ចព្រមព្រៀងបញ្ចប់សង្គ្រាម និងបច្ចុប្បន្នកំពុងរង់ចាំការចរចាផ្ទាល់ រវាងមេដឹកនាំរុស្ស៊ី និងអ៊ុយក្រែន៕

អត្ថបទ៖ Luffy រូបភាព៖ NBC

The post Trump ខឹងខ្លាំងជាមួយ Putin ជុំវិញការរិះគន់មេដឹកនាំអ៊ុយក្រែន និងគំរាមដាក់ទណ្ឌកម្មពន្ធគយលើរុស្ស៊ី appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មានរុស្ស៊ីបានរាយការណ៍ថា លោក Putin បានលើកឡើងបែបនេះអំឡុងពេលចូលរួមកម្មវិធីមួយ នៅទីក្រុង Murmansk ហើយមេដឹកនាំរូបនេះជឿជាក់ថា ប្រធានាធិបតីអាមេរិក Donald Trump ក៏មានបំណងចង់ពន្លឿនការបញ្ចប់សង្គ្រាមដូចគ្នា។

សំណើរបង្កើតរដ្ឋបាលបណ្ដោះអាសន្ន សម្រាប់រៀបចំការបោះឆ្នោតជ្រើសរើសមេដឹកនាំអ៊ុយក្រែន របស់លោក Putin ធ្វើឡើងដើម្បីដោះស្រាយនូវបញ្ហាចម្បង ដែលកន្លងមករដ្ឋាភិបាលរុស្ស៊ីតែងតែអះអាងថា រដ្ឋបាលរបស់ប្រធានាធិបតី Volodymyr Zelensky មិនមែនជាដៃគូចរចាស្របច្បាប់ឡើយ ដ្បិតបើតាមច្បាប់ លោក Zelensky អស់សិទ្ធអំណាចជាប្រធានាធិបតី តាំងពីខែឧសភា ឆ្នាំ២០២៤ម៉្លេះ។

គួរជម្រាបដែរថា លោក Zelensky ត្រូវផុតអាណត្តិដឹកនាំអ៊ុយក្រែន តាំងពីខែឧសភា ឆ្នាំ២០២៤ ប៉ុន្តែក្រោយរុស្ស៊ីបើកការវាយប្រហារកាលពីខែកុម្ភៈ ឆ្នាំ២០២២ មេដឹកនាំអ៊ុយក្រែនរូបនេះបានប្រកាសច្បាប់អាជ្ញាសឹក ដែលធ្វើឲ្យការរៀបចំបោះឆ្នោតជ្រើសរើសប្រធានាធិបតីថ្មី ត្រូវបានពន្យារពេលរហូតមកទល់សព្វថ្ងៃ៕

អត្ថបទ៖ Luffy រូបភាព៖ Yahoo

The post ប្រធានាធិបតី Putin ស្នើឲ្យបង្កើតរដ្ឋបាលបណ្ដោះអាសន្នសម្រាប់អ៊ុយក្រែន ដើម្បីដោះស្រាយបញ្ហាសង្គ្រាម appeared first on Millions times.

តាមដានជាមួយយើង៖ Million Times

សារព័ត៌មាន Reuters បានរាយការណ៍ថា ដំណើរទស្សនកិច្ចឥតព្រាងទុករបស់លោក Putin ទៅកាន់មូលដ្ឋានទ័ព ត្រូវបានធ្វើឡើងបន្ទាប់ពីអាមេរិកសំណូមពរឲ្យថ្នាក់ដឹកនាំរុស្ស៊ីរូបនេះ ពិចារណាលើបទឈប់បាញ់រយៈពេល ៣០ថ្ងៃ ជាមួយអ៊ុយក្រែន។

គួររំលឹកបន្តិចថា កាលពីថ្ងៃទី០៦ ខែសីហាឆ្នាំមុន កងទ័ពអ៊ុយក្រែនបានលបវាយឆ្មក់ និងដណ្ដើមបានទឹកដីមួយចំណែករបស់រុស្ស៊ី ប៉ុន្តែស្ថានភាពទ័ពអ៊ុយក្រែននៅពេលនេះ ហាក់កំពុងចាញ់ប្រៀបរុស្ស៊ីខ្លាំង ដែលធ្វើឲ្យឲ្យរុស្ស៊ីកំពុងវាយបកដណ្ដើមទឹកដីមកវិញជាបណ្ដើរៗ។

អគ្គសេនាធិការរបស់រុស្ស៊ី លោក Valery Gerasimov បានរាយការណ៍ប្រាប់លោក Putin ថា កងកម្លាំងរុស្ស៊ីបានវាយបណ្ដេញកងទ័ពអ៊ុយក្រែន ចេញពីដែនដីរបស់ខ្លួនប្រហែល ៨៦% និងដណ្ដើមបានទីតាំង ២៤កន្លែង អ្នកទោសជាង ៤០០នាក់ និងដែនដី ២៥៩គីឡូម៉ែត្រការ៉េ រយៈពេល ៥ថ្ងៃចុងក្រោយ ខណៈសរុបដែនដីដែលរុស្ស៊ីដណ្ដើមបានពីអ៊ុយក្រែនវិញ គឺមានទំហំ ១ ១០០គីឡូម៉ែត្រការ៉េហើយ៕

អត្ថបទ៖ Luffy រូបភាព៖ Kremlin

The post ក្នុងដំណើរទស្សនកិច្ចដ៏កម្រ Putin បញ្ជាឲ្យបណ្ដេញកងទ័ពអ៊ុយក្រែនឲ្យអស់ពីទឹកដីរុស្ស៊ី appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា លោក Putin បានចាត់ទុកកិច្ចប្រជុំមួយនេះមានសារៈសំខាន់ខ្លាំង ដោយអះអាងថា វាគឺជាទុនបម្រុងយុទ្ធសាស្ត្រដ៏សំខាន់ សម្រាប់ការប្រកួតប្រជែង និងការអភិវឌ្ឍន៍សេដ្ឋកិច្ចនាពេលអនាគតរបស់រុស្ស៊ី។

ក្នុងកិច្ចប្រជុំនោះផងដែរ ប្រធានាធិបតីរុស្ស៊ីក៏បានបង្ហើបពីគម្រោងថ្នាក់ជាតិមួយ មានឈ្មោះថា «សម្ភារៈ និងគីមីសាស្ត្រថ្មី» ដែលចាប់ផ្ដើមនៅក្នុងឆ្នាំនេះ ក្នុងគោលបំណងលើកកម្ពស់វិស័យឧស្សាហកម្មក្នុងស្រុក ដើម្បីផលិតសម្ភារៈថ្មីៗ។

មេដឹកនាំមហាអំណាចនុយក្លេអ៊ែរក៏បានសង្កត់ធ្ងន់ថា គម្រោងនេះនឹងបង្កើតវដ្តពេញលេញនៃឧស្សាហកម្មលោហធាតុកម្រ ចាប់ពីការទាញយក រហូតដល់ការផលិតទំនិញបច្ចេកវិទ្យាខ្ពស់ ជំរុញទិន្នផលយ៉ាងសំខាន់ សម្រាប់ប្រទេសរុស្ស៊ី៕

អត្ថបទ៖ Luffy រូបភាព៖ Investing

The post ប្រធានាធិបតីរុស្ស៊ីបើកកិច្ចប្រជុំដ៏កម្រ ពិភាក្សាពីការបង្កើនផលិតកម្មនៃរ៉ែធម្មជាតិក្នុងស្រុក appeared first on Millions times.

តាមដានជាមួយយើង៖ Million Times

មន្ត្រីចិនបានដាក់សំណើទៅកាន់ក្រុមការងារលោក Trump តាមរយៈអន្តរការី ដើម្បីរៀបចំកិច្ចប្រជុំរវាងលោក នឹងមេដឹកនាំរុស្ស៊ី ដើម្បីជួយសម្រួលដល់កិច្ចខិតខំប្រឹងប្រែងរក្សាសន្តិភាព។

កន្លងមកលោក Trump តែងតែអះអាងថា លោកមានសមត្ថភាពបញ្ចប់សង្គ្រាមនៅអ៊ុយក្រែន ត្រឹមរយៈពេល ២៤ម៉ោងប៉ុណ្ណោះ ប៉ុន្តែចាប់តាំងពីឡើងអង្គុយមេដឹកនាំអាមេរិក លោកមិនទាន់បង្ហាញពីផែនការបញ្ចប់សង្គ្រាមតាមរបៀបណាឡើយ។

យ៉ាងណាថ្មីៗនេះ ស្រាប់តែផ្ទុះព័ត៌មានថា មេដឹកនាំអាមេរិក គ្រោងជួបជាមួយលោក Putin ឆាប់ៗ ខណៈបញ្ហាសង្គ្រាមនៅអ៊ុយក្រែន នឹងក្លាយជាប្រធានបទក្ដៅ សម្រាប់លើកមកជជែកគ្នាក្នុងជំនួបមួយនោះ។

វិមានក្រឹមឡាំងក៏បានអះអាងដែរថា លោក Putin និងលោក Trump ពិតជាបានព្រមព្រៀងជួបគ្នាមែន ខណៈប្រធានាធិបតីរុស្ស៊ីអញ្ជើញមេដឹកនាំអាមេរិក បំពេញទស្សនកិច្ចនៅទីក្រុងមូស្គូ ប៉ុន្តែលោក Trump ស្នើឲ្យមានការជួបគ្នានៅប្រទេសអារ៉ាប៊ីសាអូឌីត៕

អត្ថបទ៖ Luffy រូបភាព៖ Brookings Institution

The post ចិនស្ម័គ្រចិត្តរៀបចំតុមូល សម្រាប់ជំនួបរវាងលោក Putin និង Trump ដើម្បីបញ្ចប់សង្គ្រាមអ៊ុយក្រែន appeared first on Millions times.

នៅក្នុងបទអត្ថាធិប្បាយដំបូងរបស់លោក Putin ចាប់តាំងពីលោក Trump បានចេញសារគំរាមកំហែងដល់សេដ្ឋកិច្ចប្រទេសរុស្ស៊ី ប្រសិនបើប្រទេសនេះបរាជ័យក្នុងការបញ្ចប់សង្រ្គាមនៅអ៊ុយក្រែននោះ លោក Putin បានបន្ទន់ឥរិយាបថល្អចំពោះប្រធានាធិបតីអាមេរិក។

តាមដានជាមួយយើង៖ Million Times

លោក Putin បានប្រាប់ទូរទស្សន៍រដ្ឋរុស្ស៊ីថា «យើងជឿជាក់លើសេចក្តីថ្លែងការណ៍របស់ប្រធានាធិបតីបច្ចុប្បន្នអំពីការត្រៀមខ្លួនរបស់គាត់ដើម្បីធ្វើការជាមួយគ្នា។ យើងតែងតែបើកចំហចំពោះរឿងនេះ ហើយត្រៀមខ្លួនសម្រាប់ការចរចា។ វា​ជា​ការ​ប្រសើរ​សម្រាប់​យើង​ក្នុង​ការ​ជួប​គ្នា ដោយ​ផ្អែក​លើ​ភាព​ពិត​ដើម្បី​និយាយ​ដោយ​ស្ងប់ស្ងាត់»។

ក្នុងរយៈពេលប៉ុន្មានថ្ងៃចាប់តាំងពីការឡើងកាន់តំណែងលោក Trump បានអំពាវនាវម្តងហើយម្តងទៀតឱ្យមានការដោះស្រាយយ៉ាងឆាប់រហ័សចំពោះសង្គ្រាមនៅអ៊ុយក្រែន ឥឡូវនេះជិតដល់ឆ្នាំទី៣ ហើយបានបង្ហាញពីការត្រៀមខ្លួនរបស់លោកដើម្បីជួបជាមួយលោក Putinr ភ្លាមៗ៕

អត្ថបទ៖ សារ៉ាយ រូបភាព៖ AP

The post Putin ត្រៀមខ្លួនរួចហើយចរចា​ជាមួយ​Trump បញ្ចប់សង្រ្គាម​នៅអ៊ុយក្រែន appeared first on Millions times.

យោងតាមគេហទំព័រក្រសួងការបរទេសចិន ក្នុងជំនួបនោះលោក Xi បានសង្កត់ធ្ងន់លើការត្រៀមខ្លួនធ្វើការជាមួយលោក Putin ដើម្បីកសាងសមិទ្ធិផលនាពេលកន្លងមក ពង្រឹងភាពជាដៃគូយុទ្ធសាស្ត្រលើគ្រប់ជ្រុងជ្រោយចិន-រុស្ស៊ីនៃការសម្របសម្រួលសម្រាប់យុគសម័យថ្មី នាំមកនូវផលប្រយោជន៍កាន់តែច្រើនដល់ប្រជាជននៃប្រទេសទាំងពីរ។ លើសពីនេះ ជំរុញការអភិវឌ្ឍន៍ និងវិបុលភាពនៃប្រទេសទាំងពីរ និងលើកកម្ពស់តម្លាភាព និងយុត្តិធម៌អន្តរជាតិ។ 

តាមដានជាមួយយើង៖ Million Times

លោកថា ភាគីទាំងពីរគួរតែគាំទ្រគ្នាទៅវិញទៅមកលើបញ្ហាទាក់ទងនឹងផលប្រយោជន៍ស្នូលរបស់គ្នាទៅវិញទៅមក និងរួមគ្នាទប់ទល់នឹងការជ្រៀតជ្រែកក្នុងកិច្ចការផ្ទៃក្នុងដោយកម្លាំងខាងក្រៅ។

លោក Xi បានអំពាវនាវឱ្យភាគីទាំងពីរបង្កើនការទំនាក់ទំនង និងការសម្របសម្រួលលើកិច្ចការអន្តរជាតិ ជាពិសេសនៅអង្គការសហប្រជាជាតិ អង្គការសហប្រតិបត្តិការសៀងហៃ BRICS និងក្របខ័ណ្ឌពហុភាគីផ្សេងទៀត អនុវត្តពហុភាគីនិយមពិត ប្រឆាំងអធិបតេយ្យភាព និងនយោបាយអំណាចរួម។

ក្នុងជំនួបនោះ លោក Putin បាននិយាយថា ទំនាក់ទំនងរុស្ស៊ី-ចិនកំពុងអភិវឌ្ឍយ៉ាងល្អប្រសើរ ដោយកត់សម្គាល់ថាមានវឌ្ឍនភាពលើគ្រប់វិស័យ ហើយជាយុទ្ធសាស្ត្រ គួរឱ្យទុកចិត្ត និងស្ថិរភាព។

ប្រធានាធិបតីរុស្ស៊ីបានសម្តែងក្តីសង្ឃឹមថា ភាគីទាំងពីរនឹងប្រើប្រាស់ឱ្យបានពេញលេញនូវបណ្តាញផ្លាស់ប្តូរដែលមានស្រាប់ និងធ្វើការដើម្បីវឌ្ឍនភាពថ្មីក្នុងកិច្ចសហប្រតិបត្តិការជាក់ស្តែងលើវិស័យផ្សេងៗ រួមទាំងក្នុងវិស័យសេដ្ឋកិច្ច ពាណិជ្ជកម្ម ការវិនិយោគ ថាមពល លំហអាកាស និងការដឹកជញ្ជូនឆ្លងកាត់ព្រំដែន។

លោកនិយាយថា រុស្ស៊ីនឹងធ្វើការជាមួយចិន ដើម្បីពង្រឹងកិច្ចសហប្រតិបត្តិការក្នុងកិច្ចការពហុភាគី និងដើរតួនាទីវិជ្ជមានសម្រាប់សន្តិភាព និងការអភិវឌ្ឍន៍ពិភពលោក។

ក្នុងជំនួបតាមរយៈវីដេអូអនឡាញនៅដើមឆ្នាំនេះ ប្រធានាធិបតីទាំងពីរក៏បានផ្លាស់ប្តូរទស្សនៈស៊ីជម្រៅលើបញ្ហាអន្តរជាតិ និងតំបន់ដែលមានផលប្រយោជន៍ទៅវិញទៅមក ហើយបានយល់ព្រមរក្សាទំនាក់ទំនងជាយុទ្ធសាស្ត្រនៅឆ្នាំ២០២៥៕

អត្ថបទ៖ សារ៉ាយ រូបភាព៖ ក្រសួងការបរទេសចិន

The post លោក Xi ប្រាប់ Putin គាំទ្រគ្នាទៅវិញទៅមកការពារផលប្រយោជន៍ស្របច្បាប់នៃប្រទេសទាំងពីរ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា បើទោះជាលោក Trump អះអាងថា ជំនួបជាមួយលោក Putin ត្រូវបានរៀបចំរួចរាល់ ក៏ប៉ុន្តែគណបក្សសាធារណរដ្ឋបញ្ជាក់ច្បាស់ថា កាលបរិច្ឆេទជាក់លាក់នៃកិច្ចប្រជុំមួយនោះ មិនទាន់សម្រេចជាផ្លូវការបាននៅឡើយ។

លោក Trump បាននិយាយប្រាប់សមាជិកបក្សសាធារណរដ្ឋនៅភូមិគ្រឹះ Mar-a-Lago របស់លោកថា «ប្រធានាធិបតី Putin ចង់មានជំនួបជាមួយខ្ញុំ ហើយពេលនេះពួកយើងកំពុងរៀបចំវា។ ពួកយើងនឹងជជែកគ្នា ពីផែនការបញ្ចប់សង្គ្រាម ដែលកំពុងបង្កើតភាពរញ៉េរញ៉ៃនៅអ៊ុយក្រែន»។

សូមជម្រាបដែរថា កន្លងមកលោក Donald Trump តែងតែអះអាងក្ដែងៗថា លោកមានសមត្ថភាពអាចបញ្ចប់សង្គ្រាម ដែលអូសបន្លាយអស់រយៈពេល ៣៤ខែនៅអ៊ុយក្រែន តាមរយៈការបញ្ចុះបញ្ចូលមេដឹកនាំរុស្ស៊ី។ បច្ចុប្បន្នក្រុមអ្នកសង្កេតស្ថានភាពនយោបាយ កំពុងរង់ចាំអ៊ុតមើលពីវិធានការបញ្ចប់សង្គ្រាមនៅអ៊ុយក្រែន របស់រដ្ឋបាលលោក Trump ខណៈកន្លងមកអាមេរិកបានជួយជំនួយរាប់រយពាន់លានដុល្លារ លើផ្នែកសព្វាវុធទៅកាន់ប្រទេសសម្ព័ន្ធមិត្តមួយនេះ ក្រោមការបញ្ជាពីប្រធានាធិបតី Joe Biden៕

អត្ថបទ៖ Luffy រូបភាព៖ China Daily

The post Trump ថាជំនួបជាមួយប្រធានាធិបតីរុស្ស៊ីត្រូវបានកំណត់រួចស្រេចហើយ appeared first on Millions times.