តាមដានជាមួយយើង៖ Million Times

វេទិកាឆ្នាំនេះ មានការចូលរួមពីថ្នាក់ដឹកនាំមកពីទូទាំងតំបន់ ក្រោមប្រធានបទ “ការបញ្ចេញសក្តានុពលរបស់អាស៊ាន តាមរយៈការច្នៃប្រឌិត រួមបញ្ចូល និងកំណើនប្រកបដោយចីរភាព”។ ពិធីនេះបានប្រារព្ធឡើងក្រោមអធិបតីភាពនៃថ្នាក់ដឹកនាំជាន់ខ្ពស់ រួមមាននាយករដ្ឋមន្ត្រីវៀតណាម លោក Pham Minh Chinh នាយករដ្ឋមន្ត្រីថៃ លោកស្រី Paetongtarn Shinawatra នាយករដ្ឋមន្រ្តី និងទេសរដ្ឋមន្ត្រី លោក សុខ ស៊ីផាណា តំណាងសម្តេច ហ៊ុន ម៉ាណែត។ 

ក្នុងឱកាសនៃកិច្ចប្រជុំថ្នាក់តំបន់នេះ លោកអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលនៃក្រុមហ៊ុន អូស៊ីអាយស៊ី ត្រូវបានផ្តល់កិត្តិយសដោយពានរង្វាន់ “សហគ្រិនឆ្នើមអាស៊ាន” និងក្រុមហ៊ុន អូស៊ីអាយស៊ី ទទួលបានពានរង្វាន់ “ឧត្តមភាពធុរកិច្ចអាស៊ាន” ។ ក្រុមហ៊ុន OCIC គូសបញ្ជាក់ថា ការទទួលស្គាល់ទាំងនេះមិនត្រឹមតែឆ្លុះបញ្ចាំងពីភាពជាអ្នកដឹកនាំធុរកិច្ចច្រើនទស្សវត្សប៉ុណ្ណោះទេ ប៉ុន្តែថែមទាំងបញ្ជាក់ពីស្មារតីនៃកិច្ចសហការដែលបន្តរួមចំណែកដល់វិស័យឯកជនរបស់កម្ពុជា។​

លោក Thierry Tea អនុប្រធានក្រុមហ៊ុន អូស៊ីអាយស៊ី បានតំណាងឡើងទទួលពានរង្វាន់ទាំងនេះ និងលោកបានទទួលពានរង្វាន់ “ASEAN Rising Star Award” ដែលតំណាងឱ្យភាពជាអ្នកដឹកនាំជំនាន់ថ្មីនៅក្រុមហ៊ុន អូស៊ីអាយស៊ី ដែលបន្តជំរុញដោយការប្តេជ្ញាចិត្តដល់គោលបំណង ការច្នៃប្រឌិត និងការចូលរួមក្នុងការបង្កើនអត្ថប្រយោជន៍រយៈពេលវែងសម្រាប់សហគមន៍។​

The post សេដ្ឋី ពុង ឃាវសែ ទទួលបានពានរង្វាន់«សហគ្រិនឆ្នើមអាស៊ាន» នៅទីក្រុងកូឡាឡាំពួរ appeared first on Millions times.

តាមដានជាមួយយើង៖ Million Times

ជាមួយ​នឹង​បទ​ពិសោធន៍​រយៈពេល ២៣ឆ្នាំ ក្នុង​វិស័យ​អភិវឌ្ឍ​អចលនទ្រព្យ និង​ហេដ្ឋារចនាសម្ពន្ធ​ លោក ទូច សំណាង បាន​គ្រប់គ្រង​ការ​អភិវឌ្ឍ​គម្រោង​សំខាន់​ៗច្រើន​​របស់ OCIC រួមមាន ទីក្រុងKoh Pich -កោះពេជ្រ, ទីក្រុង​អូឡាំព្យា The Olympia City, ស្ពាន​នរា,ទីក្រុងនរា Norea City និង​គម្រោង​ស្ពាន​អាកាស​ច្រើន​ទៀត ដូចជា​ស្ពាន​អាកាស​មរតក​តេជោ។

គម្រោង​ទាំង​នេះ​បាន​ជំរុញ​កំណើន​សហគមន៍ ផ្ដល់​ភាព​ងាយ​ស្រួល​បន្ថែម សម្រាប់​អ្នក​រស់នៅ និង​អ្នក​ធ្វើ​ដំណើរ ព្រម​ទាំង​ពង្រឹង​ការ​តភ្ជាប់​នៅ​រាជធានី​ភ្នំពេញ។ លើស​ពី​នេះ​លោក ទូច សំណាង ក៏​បាន​ចូល​រួម​បង្កើត​គំនិត​ផ្ដួចផ្ដើម សម្រាប់​សហគមន៍​ស្អាត ៦ ដង ក្នុង​ឆ្នាំ​មុន និង​កម្មវិធី​រត់​នៅ​ទីក្រុង​រណប​ជ្រោយ​ចង្វារ Chroy Changvar Satellite City។

គំនិត​ផ្ដួចផ្ដើម​ទាំង​នេះ មាន​គោល​បំណង​លើក​កម្ពស់​និរន្តរភាព និង​ការ​ចូលរួម​ពី​សហគមន៍ ដើម្បី​យក​ឲ្យ​កន្លែង​សាធារណៈ​កាន់តែ​ប្រសើរ សម្រាប់​ការ​ប្រើប្រាស់​រួម​របស់​ប្រជាជន​ទាំងអស់។

តាមរយៈ​គម្រោង​សំខាន់​ៗ និង​ការ​ចូលរួម​ជាមួយ​សហគមន៍ អគ្គនាយក​រង​ក្រុមហ៊ុន អូស៊ី​អាយស៊ី និង​ក្រុម​ការងារ​កំពុង​អភិវឌ្ឍ​មិន​ត្រឹមតែ​ទីក្រុង​ទំនើប​ប៉ុណ្ណោះ​ទេ ប៉ុន្តែ​សហគមន៍​ប្រកប​ដោយ​សុភមង្គល សម្រាប់​ប្រជាជន​បច្ចុប្បន្ន និង​អនាគត៕

អត្ថបទ៖ មេរ៉ា, OCIC 

The post មកស្គាល់អគ្គនាយករងក្រុមហ៊ុន អូស៊ី​អាយស៊ី ដែលមានបទពិសោធន៍ ជាង២០ ឆ្នាំ ក្នុងវិស័យអភិវឌ្ឍអចលនទ្រព្យ appeared first on Millions times.

ក្នុងពេលទទួលស្វាគមន៍គណៈប្រតិភូ ធនាគារជាតិនៃកម្ពុជា រួមជាមួយនឹងគណៈប្រតិភូជាន់ខ្ពស់វិនិយោគិននៃស្ថាប័នល្បីៗ និងតំណាងពីធនាគារកម្ពុជា តៃវ៉ាន់ និងថៃ មកកាន់អាកាសយានដ្ឋានអន្តរជាតិតេជោ (TIA) ថ្មីៗនេះ លោក ពុង ឃាវសែ ប្រធានក្រុមប្រឹក្សាភិបាលក្រុមហ៊ុន អូស៊ីអាយស៊ី មានប្រសាសន៍ថា ​អាកាសយានដ្ឋានអន្តរជាតិតេជោមានតួនាទីយ៉ាងសំខាន់ក្នុងការដើរតួជាច្រកទ្វារថ្មីសម្រាប់ប្រទេសកម្ពុជា ក្នុងការតភ្ជាប់ទៅកាន់សហគមន៍អន្តរជាតិ។

តាមដានជាមួយយើង៖ Million Times

លោកកត់សម្គាល់ថា ដំណើរទស្សនកិច្ចនេះបង្ហាញពីសារៈសំខាន់ជាយុទ្ធសាស្ត្រ​នៃអាកាសយានដ្ឋានអន្តរជាតិតេជោក្នុងការរួមចំណែកដល់ការអភិវឌ្ឍសេដ្ឋកិច្ច និងហេដ្ឋារចនាសម្ព័ន្ធរបស់កម្ពុជា។

លោកបញ្ជាក់ថា ដោយមានសហការជាមួយដៃគូលំដាប់ពិភពលោកដូចជា Foster and Partners, Heerim Architects និង Changi Airports International ឥឡូវនេះដំណើរការសាងសង់របស់អាកាសយានដ្ឋានអន្តរជាតិតេជោជិតដល់ដំណាក់កាលបញ្ចប់ហើយ។ ​អាកាសយាន្តដ្ឋាន​នេះ​នឹង​រួចរាល់​សម្រាប់​កា​រដាក់​ឲ្យ​ប្រតិបត្តិការ​នៅ​ចុង​ខែកុម្ភៈ​ឆ្នាំ២០២៥​។​

លោកថ្លែងថា៖ ​ «បច្ចុប្បន្ន​ការ​សាងសង់​សម្រេច​បាន​៧​៨​ ​ភាគរយ​ជាមួយនឹង​ការ​វិនិយោគ​សរុប​ចំនួន​១​,​១​៣​ ​ពាន់​លាន​ដុល្លារ​ដែល​ក្នុង​នោះ​៣​៤​០​,​៥​ ​លាន​ដុល្លារ​ត្រូវ​បាន​រៃ​អង្គាស​តាមរយៈ​ការ​ចេញ​មូលបត្រ​បំណុល​ដល់​ស្ថាប័ន​ហិរញ្ញវត្ថុ​ក្នុងស្រុក​ ​ក្រុមហ៊ុន​ធានា​រ៉ាប់រង​ ​សាជីវកម្ម​ ​និង​បុគ្គល​»។​

ទន្ទឹមនឹងនេះលោកក៏បានបញ្ជាក់ពី​តួនាទី​ដ៏​សំខាន់​ដែល​អាកាសយានដ្ឋាន​អន្តរជាតិ​តេជោ​នឹង​ដើរ​តួនាទី​ជា​ច្រក​ទ្វារ​ថ្មី​របស់​កម្ពុជា​ ​ដោយ​ក្រុមហ៊ុនទន្ទឹង​រង់ចាំ​កិច្ច​សហការ​បន្ត​ ​និង​ស្វាគមន៍​ការ​វិនិយោគ​មូលបត្រ​បំណុល​អាកាសយាន្តដ្ឋាន​ថ្មី​ពី​ធនាគារ​ផ្សេងៗ​គ្នា​ ​ខណៈ​ដែល​គម្រោង​នេះ​ជិត​បញ្ចប់​។​

គួរឲ្យដឹងផងដែរថា អាកាសយានដ្ឋាន​អន្តរជាតិ​តេជោ ​​ត្រូវ​បាន​ចាត់​ថ្នាក់​ជាលំដាប់​ថ្នាក់​4​F​ ​ហើយ​ត្រូវ​បាន​អភិវឌ្ឍ​ជា​បី​ដំណាក់កាលដែល​លាតសន្ធឹង​លើ​ផ្ទៃដី​សរុប​ ​២​.​៦​០​០​ ​ហិច​តា​ ​ស្ថិតនៅ​ចម្ងាយ​១​៩​ ​គីឡូម៉ែត្រ​ពី​រាជធានី​ភ្នំពេញ​។​ ​អាកាសយាន្តដ្ឋាន​នេះ​គ្រោងចំណាយ​ថវិកា​សម្រាប់​ដំណាក់កាល​ទី​១​ ​គឺ​១​,​៥​ ​ពាន់​លាន​ដុល្លារ​ ​ដោយ​មិន​រាប់បញ្ចូល​តម្លៃ​ដី​ធ្លា​៕

អត្ថបទ៖ សេដ្ឋានី រូបភាព៖​ OCIC

The post លោក ពុង​ ឃាវសែ៖ អាកាសយានដ្ឋានអន្តរជាតិតេជោមានតួនាទីយ៉ាងសំខាន់ក្នុងការដើរតួជាច្រកទ្វារថ្មីសម្រាប់ប្រទេសកម្ពុជា appeared first on Millions times.

ថ្លែងប្រាប់​​តំណាង​​ក្រុមហ៊ុន​អាកាសចរណ៍ជាតិ​និង​អន្តរជាតិ ក្នុង​ដំណើរ​ទស្សនកិច្ចវឌ្ឍនភាពគម្រោងសាងសង់ព្រលាន​យន្តហោះអន្តរជាតិ​តេជោ​តាខ្មៅពេលថ្មីៗនេះ លោក វ៉ាន់ ឆារស៍ បានឲ្យដឹងថា ​ក្រុមហ៊ុន​បាន​បម្រុង​ដី​សម្រាប់​​គម្រោង​សាងសង់​​ផ្លូវ​រថភ្លើង​នាពេលអនាគត ដែលតភ្ជាប់​ពី​ព្រលាន​យន្តហោះ​តេជោ​តាខ្មៅ​មក​រាជធានី​ភ្នំពេញ នៅតាម​បណ្តោយផ្លូវ​ ៦០ ម៉ែត្រ ​​។ 

លោកថ្លែងថា ដោយសារ​គម្រោង​ស្ថិត​នៅ​ក្នុង​ការ​សិក្សាជា​ផែនការ​នៅ​ថ្ងៃ​អនាគត​​ ហើយ​ដំណើរការ​នឹង​ចាប់ផ្តើម​នៅ​ពេល​ណា​អាស្រ័យលើ​រាជរដ្ឋាភិបាល​។ យ៉ាងណាលោកថា ដំណើរការ​សាងសង់​អាចចាប់ផ្តើម ក្រោយ​ពេល​ដែល​​ព្រលាន​យន្តហោះ​តេជោ​តាខ្មៅ​​​បាន​បញ្ចប់​​ និង​ដាក់​ឲ្យ​ដំណើរការ​ពេញលេញ​។

សូមជម្រាបជូនថា រាជរដ្ឋាភិបាលកម្ពុជាកាលពីចុងឆ្នាំ២០២៣កន្លងទៅ បានបង្កើតគណៈកម្មការអន្តរក្រសួង ដើម្បីជំរុញដំណើរការសិក្សាគម្រោង ចំនួន២គឺ ផ្លូវរថភ្លើងធុនស្រាលតភ្ជាប់រាជធានីភ្នំពេញ ទៅព្រលានយន្តហោះថ្មី (នៅក្រុងតាខ្មៅ) និងផ្លូវរថភ្លើងក្រោមដីរាជធានីភ្នំពេញ ។

បើតាមរាជរដ្ឋាភិបាល ផែនការតភ្ជាប់ផ្លូវរថភ្លើងធុនស្រាលនិងផ្លូវរថភ្លើងក្រោមដីមកកាន់រាជធានីភ្នំពេញពីព្រលានយន្តហោះតេជោតាខ្មៅដើម្បីរួមចំណែកពន្លឿនការអភិវឌ្ឍវិស័យដឹកជញ្ជូនអ្នកដំណើរចេញចូលមកកាន់ទីក្រុងនិងកាត់បន្ថយចរាចរណ៍ដែលកំពុងតែមមាញឹកខ្លាំងក្នុងទីក្រុងភ្នំពេញ។

គួរឲ្យដឹងដែរថា ​ដំណើរការ​សាងសង់ព្រលាន​យន្តហោះ​តេជោតាខ្មៅ​លំដាប់ថ្នាក់ 4F សម្រេច​បាន​ជាង ៧៥%ហើយ គិតត្រឹមដើមខែមិថុនា ឆ្នាំ២០២៤នេះ ហើយគ្រោងនឹងបញ្ចប់ការសាងសង និងចាប់ផ្តើមប្រតិបត្តិការហោះហើរនៅឆមាសទី១ ឆ្នាំ២០២៥ខាងមុខ។

អត្ថបទ៖ សេដ្ឋានី

The post ក្រុមហ៊ុន CAIC ត្រៀមដីបម្រុងរួចរាល់ហើយសម្រាប់សាងសង់ផ្លូវរថភ្លើងធុនស្រាល-ក្រោមដីមកភ្នំពេញ appeared first on Millions times.