អ្នកឧកញ៉ា សំ សុខនឿន Archives - Millions times

អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី

Vin Chang — Fri, 08 May 2026 03:17:45 +0000

កាលពីពេលថ្មីៗនេះអ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី ដែលកម្មវិធីធ្វើឡើងនៅប្រទេសម៉ាឡេស៊ី។

តាមដានជាមួយយើង៖ Million Times

ការប្រកាសតែងតាំងអ្នកឧកញ៉ាវ័យក្មេង សំ សុខនឿន ជាទីប្រឹក្សាកិត្តិយស នៃសមាគមពាណិជ្ជកម្មកម្ពុជា-ម៉ាឡេស៊ី បន្ទាប់ពីមានអនុស្សរណៈនៃការយោគយល់គ្នា (MoU) រវាងសមាគមពាណិជ្ជកម្មម៉ាឡេស៊ី-កម្ពុជា (MCBA) និងសហព័ន្ធសមាគមសហគ្រាសធុនតូច និងមធ្យមនៃកម្ពុជា (FASMEC)។ ក្រៅពីអ្នកឧកញ៉ាវ័យក្មេង សំ សុខនឿន ក៏មានឥស្សរជនជាន់ខ្ពស់របស់កម្ពុជា ៣ រូបផ្សេងរបស់ប្រទេសកម្ពុជា ត្រូវបានតែងតាំងក្នុងតួនាទីផ្សេងៗគ្នា។

ក្នុងនោះ ក៏មាន Dato’ (ឧកញ៉ា), Dato’ Sri (អ្នកឧកញ៉ា) និង Tan Sri (លោកអ្នកឧកញ៉ា) របស់ម៉ាឡេស៊ីជាង ១០ រូបបន្ថែមទៀត ត្រូវបានផ្ដល់កិត្តិយសផ្សេងៗគ្នានាឱកាសចុះ MOU កាលពីថ្ងៃ៥ ខែឧសភា ឆ្នាំ ២០២៦ កន្លងទៅ នៅទីក្រុងកូឡាឡាំពួរ ប្រទេសម៉ាឡេស៊ី។

លោក Datuk Seri Ricky Yaw ប្រធានស្ថាបនិក MCBA បានមានប្រសាសន៍ថា ភាពជាដៃគូនេះ មានគោលបំណងបង្កើតវេទិកាមួយ ផ្តល់នូវតម្លៃដែលអាចវាស់វែងបានដល់អាជីវកម្មនានានៅទូទាំងប្រទេសម៉ាឡេស៊ី កម្ពុជា និងតំបន់អាស៊ានទាំងមូល។

គួរបញ្ជាក់ថា បច្ចុប្បន្នប្រទេសម៉ាឡេស៊ី និងកម្ពុជា កំពុងបង្កើនកិច្ចសហប្រតិបត្តិការអាជីវកម្ម ពង្រីកឱកាសនៅទូទាំងអាស៊ាន និងជំរុញភាពជាដៃគូឆ្លងដែនពាណិជ្ជកម្ម និងការវិនិយោគ៕

អត្ថបទ៖ឆដា, រូបភាព៖ ផ្ដល់ឲ្យ

The post អបអរសាទរ! អ្នកឧកញ៉ាវ័យក្មេង សំ សុខនឿន ត្រូវបានតែងតាំងជាទីប្រឹក្សាកិត្តិយសនៃសមាគមពាណិជ្ជកម្មកម្ពុជា-ម៉ាឡេស៊ី នៅប្រទេសម៉ាឡេស៊ី appeared first on Millions times.

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព

Vin Chang — Mon, 04 May 2026 06:39:35 +0000

វិស័យអចលនទ្រព្យដីធ្លី បានជួយដល់ប្រជាពលរដ្ឋខ្មែរជាច្រើននាពេលកន្លងមក ហើយក្នុងនោះវិនិយោគិនមានទាំងខ្មែរ និងបរទេស។ នេះបើយោងតាមការលើកឡើងរបស់អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន នៅលើបណ្ដាញសង្គម។

តាមដានជាមួយយើង៖ Million Times

ជារឿយៗអ្នកឧកញ៉ាវ័យក្មេង សំ សុខនឿន តែងតែចែករំលែកពីការទិញលក់ដីធ្លី ដើម្បីចំណេញប្រាក់កម្រៃខ្លះ។ អ្នកឧកញ៉ាវ័យក្មេង សំ សុខនឿន បានឲ្យដឹងថា នៅកម្ពុជាមានអ្នកវិនិយោគដីធ្លីយ៉ាងច្រើន មិនថាអ្នកវិនិយោគខ្មែរ ឬអ្នកវិនិយោគពីក្រៅប្រទេសនោះទេ បានក្លាយជាអ្នកមានធូរធារ តាមរយៈដីធ្លីនេះឯង។

លោកបានបន្ថែមទៀតថា ស្របពេលជាមួយគ្នានេះ ក៏មានអ្នកខ្លះផុងខ្លួនខាតបង់ ជាប់គាំង ដោយសារតែដីធ្លីនោះដែរ នោះដោយសារការវិនិយោគ ឬទិញតាមគ្នា ទិញដោយគ្មានជំនាញ ជាពិសេស ទិញដីមិនបានដី ឬមិនទាន់បានដី ទិញផ្ទះមិនបានផ្ទះ ឬមិនទាន់បានផ្ទះ ដាក់លុយវិនិយោគយកការប្រាក់ខ្ពស់ដែលជារូបភាពបន្លំជាការវិនិយោគដីធ្លី-ល-។

ការវិនិយោគដីធ្លីជាការវិនិយោគរយៈពេលវែង ដោយមិនអាចត្រឹមរយៈពេល ២ ឬ ៣ឆ្នាំ ក្លាយជាអ្នកមានដោយសារដីធ្លីបាននោះទេ។ ក្បួនមួយក្នុងចំណោមក្បួនជាច្រើនដែលគេតែងប្រើ ហើយទទួលបានជោគជ័យ គឺត្រូវមានចំណូលនឹងធឹងពីជំនួញ ឬការងាររបស់អ្នក ហើយលុយសល់ពីផលចំណេញ ចាំយកទៅវិនិយោគ ឬទិញទុករយៈពេលវែង និងដីធ្លីដែលគួរទិញ គឺគួរទិញនៅក្រុងភ្នំពេញ ឬទិញនៅជាយក្រុងភ្នំពេញ។ នៅកម្ពុជាក្បួននេះត្រូវបានអនុវត្តដោយ អ្នកធ្វើការរាជការ និងអ្នកជំនួញធំៗ៕

អត្ថបទ៖ ឆដា, រូបភាព៖ ផ្ដល់ឲ្យ

The post អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព appeared first on Millions times.

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា

Vin Chang — Sat, 02 May 2026 09:05:42 +0000

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បានបរិច្ចាគថវិកា ២ ៥០០ ដុល្លារជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

តាមដានជាមួយយើង៖ Million Times

អ្នកឧកញ៉ា សំ សុខនឿន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា តែងតែចូលរួមក្នុងការងារមនុស្សធម៌។ ក្នុងនាមជាអ្នកជំនួញម្នាក់ អ្នកឧកញ៉ាវ័យក្មេង និងជាស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech រូបនេះធ្លាប់បានលើកឡើងថា ការចូលរួមក្នុងការងារមនុស្សធម៌ និងការងារសង្គម ជារឿងចាំបាច់ដែលត្រូវតែធ្វើ។

កន្លងមកបើទោះជាមានភាពមមាញឹកក្នុងមុខជំនួញយ៉ាងណា អ្នកឧកញ៉ាដែលមានប្រភពមកពីក្រូចឆ្មាររូបនេះ មិនដែលខកខានឡើយក្នុងការបរិច្ចាគថវិកា ដើម្បីជួយដល់អង្គការ និងស្ថាប័នជាច្រើន។

កាកបាទក្រហមកម្ពុជា បានអំពាវនាវចំពោះ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។

ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

កាកបាទក្រហមកម្ពុជា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួស និងពលីក្នុងសមរភូមិ៕

អត្ថបទ៖ ឆដា, រូបភាព៖ Dr. Sam Soknoeun

The post អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា appeared first on Millions times.

អ្នកឧកញ៉ាវ័យក្មេង សំ សុខនឿន ដឹកនាំគណៈប្រតិភូក្រុមហ៊ុនបច្ចេកវិទ្យា Haier Haitech និង KH Haitech ជួបពិភាក្សាការងារជាមួយថ្នាក់ដឹកនាំនៃមូលនិធិអភិវឌ្ឍន៍ជំនាញ

Vin Chang — Wed, 08 Apr 2026 07:23:51 +0000

អ្នកឧកញ៉ាវ័យក្មេង សំ សុខនឿន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា ដឹកនាំគណៈប្រតិភូក្រុមហ៊ុនបច្ចេកវិទ្យា Haier Haitech និង KH Haitech ចូលជួបពិភាក្សាការងារជាមួយថ្នាក់ដឹកនាំមូលនិធិអភិវឌ្ឍន៍ជំនាញ។

តាមដានជាមួយយើង៖ Million Times

កាលពីថ្ងៃ ៦ ខែមករា ឆ្នាំ ២០២៦ អ្នកឧកញ៉ា សំ សុខនឿន សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងជាអគ្គនាយកក្រុមហ៊ុន KH Haitech បានដឹកនាំគណៈប្រតិភូ នៃក្រុមហ៊ុនបច្ចេកវិទ្យា Haier Haitech និង KH Haitech ចូលជួបពិភាក្សាការងារជាមួយ ឯកឧត្ដម គី សុខគីម នាយកប្រតិបត្តិមូលនិធិអភិវឌ្ឍន៍ជំនាញ (SDF) លើកិច្ចសហការអភិវឌ្ឍធនធានមនុស្សសម្រាប់គម្រោងវិនិយោគថ្មីក្នុងការបង្កើតរោងចក្រផលិតឧបករណ៍បច្ចេកវិទ្យានៅកម្ពុជា និងការពង្រីកទៅកាន់ការផលិតឧបករណ៍អេឡិចត្រូនិកនានាដែលមានតម្រូវការក្នុងទីផ្សារនាពេលអនាគត។

សម្រាប់ខ្លឹមសារសំខាន់ៗនៃជំនួបពិភាក្សាដ៏មានអត្ថន័យនេះ រួមមាន៖

ការជំរុញផលិតកម្មក្នុងស្រុក៖ ការត្រៀមលក្ខណៈបណ្ដុះបណ្ដាលកម្លាំងពលកម្មជំនាញ ដើម្បីគាំទ្រដល់ផែនការបង្កើតរោងចក្រដំឡើងឧបករណ៍បច្ចេកវិទ្យា និងថេប្លេត (Tablets) របស់ក្រុមហ៊ុន KH Haitech នៅកម្ពុជា។
ការគាំទ្របច្ចេកទេសកម្រិតសកល៖ គម្រោងនេះមានការសហការយ៉ាងជិតស្និទ្ធជាមួយក្រុមហ៊ុនអន្តរជាតិ Haier Group ដើម្បីនាំយកបច្ចេកវិទ្យា និងស្តង់ដាផលិតកម្មកម្រិតពិភពលោកមកកាន់កម្ពុជា។
កសាងកម្លាំងពលកម្មនាពេលអនាគត៖ រៀបចំអភិវឌ្ឍកម្លាំងពលកម្មកម្ពុជាឲ្យមានជំនាញបច្ចេកទេសទាំងកម្រិតមធ្យម និងកម្រិតខ្ពស់ ដើម្បីធានាបាននូវខ្សែច្រវាក់ផលិតកម្មពេញលេញដែលស្របតាមតម្រូវការឧស្សាហកម្មឌីជីថល និងថាមពលស្អាត។

តាមរយៈកិច្ចពិភាក្សានេះ បានបង្ហាញពីការកើនឡើងនៃទំនុកចិត្តពីវិនិយោគិនអន្តរជាតិមកលើកម្ពុជា ហើយ SDF នឹងបន្តដើរតួនាទីយ៉ាងសំខាន់ក្នុងការភ្ជាប់ទំនាក់ទំនងរវាងក្រុមហ៊ុន ជាមួយគ្រឹះស្ថានបណ្ដុះបណ្ដាល ដើម្បីរៀបចំកម្មវិធីបណ្តុះបណ្តាល ឆ្លើយតបត្រូវនឹងតម្រូវការពិតប្រាកដរបស់រោងចក្រ-សហគ្រាស៕

អត្ថបទ៖ ឆដា, រូបភាព៖ សមាគមឧកញ៉ាកម្ពុជា

The post អ្នកឧកញ៉ាវ័យក្មេង សំ សុខនឿន ដឹកនាំគណៈប្រតិភូក្រុមហ៊ុនបច្ចេកវិទ្យា Haier Haitech និង KH Haitech ជួបពិភាក្សាការងារជាមួយថ្នាក់ដឹកនាំនៃមូលនិធិអភិវឌ្ឍន៍ជំនាញ appeared first on Millions times.

សិស្សនិស្សិតច្រើន ចាប់អារម្មណ៍ថេប្លែត «K Haitech» របស់អ្នកឧកញ៉ាវ័យក្មេង សំ សុខនឿន នៅទិវាជាតិ វិទ្យាសាស្រ្ត បច្ចេកវិទ្យា និងនវានុវត្តន៍លើកទី៤

Vin Chang — Sat, 28 Mar 2026 03:01:09 +0000

«ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» លើកទី៤ បានកំពុងទាក់ចិត្តមហាជន ពិសេសសិស្សានុសិស្ស និងនិស្សិតជាច្រើនឲ្យមកទស្សនា ក៏ដូចជាស្វែងយល់ពីបច្ចេកវិទ្យាថ្មីៗ ដែលជួយដល់កិច្ចការសាលា និងវិស័យបច្ចេកវិទ្យានាពេលបច្ចុប្បន្ន។

តាមដានជាមួយយើង៖ Million Times

នាថ្ងៃទី២ «ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» លើកទី៤ នេះដែរ ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន បានចូលរួមដាក់តាំងបង្ហាញ ថេប្លេត (Tablet) «K Haitech» របស់ខ្លួន នៅទិវាជាតិ វិទ្យាសាស្រ្ត បច្ចេកវិទ្យា និងនវានុវត្តន៍លើកទី៤ ឆ្នាំ២០២៦ រយៈពេល៣ថ្ងៃ គឺ ថ្ងៃទី២៦ ២៧ និង២៨ ខែមីនា ឆ្នាំ២០២៦ នៅមណ្ឌលសន្និបាត និងពិពណ៌កោះពេជ្រ។ ក្នុងឱកាសនោះដែរ សិស្សជាច្រើនតាមបណ្ដាសាលានានាសុទ្ធតែបានចាប់អារម្មណ៍មកលើ ថេប្លេត (Tablet) «K Haitech» របស់អ្នកឧកញ៉ាវ័យក្មេង សំ សុខនឿន ទាំងអស់ ដោយបាននាំគ្នាតេស្ដសាកល្បង និងប្រើប្រាស់កម្មវិធីនានា។

ជាមួយស្នាមញញឹមរបស់សិស្សានុសិស្សដែលបានធ្វើតេស្ដនោះ អាចបានសន្និដ្ឋានបានច្បាស់ថា ថេប្លេត «K Haitech» របស់អ្នកឧកញ៉ាវ័យក្មេង សំ សុខនឿន ពិតជាប្រើប្រាស់បានល្អ និងសមស្របសម្រាប់ការសិក្សារបស់សិស្សានុសិស្ស និស្សិតនៅកម្ពុជាហើយ។

ដោយនេះជាសញ្ញាល្អបំផុតរបស់កម្ពុជា ព្រោះពេលនេះមានក្រុមហ៊ុនកូនខ្មែរ អាចបង្កើត ថេប្លេត (Tablet) សម្រាប់ប្រើប្រាស់ក្នុងស្រុកបាន ជួយសម្រួលច្រើនដល់អ្នកប្រើប្រាស់ ជាពិសេសសិស្សានុសិស្សដែលមានតម្រូវការស្រាប់។

ក្រៅពីសិស្សនិស្សិតជាច្រើនចាប់អារម្មណ៍ ថ្នាក់ដឹកនាំស្ថាប័នធំៗទាំងអស់ក៏បង្ហាញពីការគាំទ្រ និងពេញចិត្តពេលបានឃើញ ចាប់ប៉ះ និងធ្វើតេស្តផលិតផល «K Haitech» របស់ក្រុមហ៊ុន KH Haitech ដែលល្បីតាំងពីដើមឆ្នាំ ២០២៦ មកហើយនោះ។

សូមបញ្ជាក់ថា Tablet ខ្មែរ «K Haitech» របស់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន ជាក្រុមហ៊ុនបង្កើតឡើងដោយមានការចូលរួមជាមួយក្រុមហ៊ុនអន្តរជាតិ Haitech បុត្រសម្ព័ន្ធក្រុមហ៊ុនខ្នាតយក្សមួយ គឺ Haier Group កំពុងទទួលបានការចាប់អារម្មណ៍ខ្លាំង៕

អត្ថបទ៖ ឆដា, រូបភាព៖ ផ្ដល់ឲ្យ

The post សិស្សនិស្សិតច្រើន ចាប់អារម្មណ៍ថេប្លែត «K Haitech» របស់អ្នកឧកញ៉ាវ័យក្មេង សំ សុខនឿន នៅទិវាជាតិ វិទ្យាសាស្រ្ត បច្ចេកវិទ្យា និងនវានុវត្តន៍លើកទី៤ appeared first on Millions times.

អ្នកឧកញ៉ាវ័យក្មេង សំ សុខនឿន អះអាងថា Tablet ខ្មែរ «K Haitech» នឹងមានរោងចក្របង្គំ នៅកម្ពុជាឆាប់ៗនេះ

Vin Chang — Sat, 14 Mar 2026 04:30:32 +0000

Tablet ខ្មែរ «K Haitech» របស់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន ដែលជាក្រុមហ៊ុនបង្កេីតឡើងដោយមានការចូលរួមជាមួយក្រុមហ៊ុន អន្តរជាតិ Haitech បុត្រសម្ព័ន្ធក្រុមហ៊ុន ខ្នាតយក្សមួយ គឺ Haier Group កំពុងទទួលបានការចាប់អារម្មណ៍ខ្លាំង ក្រោយបង្ហាញវត្តមានប៉ុន្មានដង ក្នុងកម្មវិធីកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ ក្រោមមូលបទ “ការផ្លាស់ប្ដូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម” និង ក្នុងមហាសន្និបាតបូកសរុបលទ្ធផលការងារឆ្នាំ ២០២៥ និងលើកទិសដៅការងារឆ្នាំ ២០២៦។

តាមដានជាមួយយើង៖ Million Times

ជារឿងដ៏គួរឲ្យមានមោទនភាពមួយ ដែលក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន បានបញ្ចេញរូបរាង Tablet ខ្មែរ ដែលអាចទទួលបានការគាំទ្រពីសំណាក់ថ្នាក់ដឹកនាំកំពូលៗកម្ពុជាស្ញប់ស្ញែងនឹងផលិតផលជាស្នាដៃកូនខ្មែរ ថែមទាំងជំរុញឲ្យមានរោងចក្រនៅកម្ពុជាថែមទៀតផង។

អ្នកឧកញ៉ាវ័យក្មេង សំ សុខនឿន បានបង្ហើបឲ្យដឹងតាំងពីប៉ុន្មានខែមុនមកថា ក្រុមហ៊ុន KH Haitech មានគម្រោងបើករោងចក្របង្គំ ២ បន្ថែមទៀត ដោយមាន១ក្នុងនោះ គឺរោងចក្របង្គំ Tablets យីហោខ្មែរ «K Haitech» កម្រិតស្តង់ដារអន្តរជាតិ។

សហស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech អ្នកឧកញ៉ា សំ សុខនឿន បានបញ្ជាក់ថា ការកសាងរោងចក្រនឹងចេញជារូបរាងនាពេលឆាប់ៗខាងមុខ ហេីយក្រុមហ៊ុន KH Haitech កំពុងបន្តនីតិវិធី និងដំណេីរការឯកសារផ្សេងៗដូចជា ការចុះកម្មសិទ្ធិបញ្ហា, ចុះយកវិញ្ញាបនបត្រសុវត្ថិភាព និងស្តង់ដារផលិតផល, សុំច្បាប់សាងសង់រោងចក្រ និងចង់ក្រងស្នេីសុំទៅស្ថាប័នដែលពាក់ព័ន្ធ។ ជាពិសេសក្រុមហ៊ុន KH Haitech កំពុងរៀបចំ Showroom សម្រាប់ Tablet «K Haitech» នៅផ្សារទំនេីប «The Point Community Mall» ដែលគ្រោងនឹងរួចរាល់នៅ២ខែខាងមុខនេះ។

ជាក់ស្ដែងមួយរយៈនេះអ្នកឧកញ៉ាវ័យក្មេងរូបនេះ តែងតែមានការវិភាគធ្វើដំណើរទៅប្រទេស ដើម្បីជួបពិភាក្សាការងារ និងជំរុញការបង្កើតរោងចក្របង្គំ Tablet ខ្មែរ «K Haitech» បានកាន់តែលឿនតាមដែលអាចធ្វើទៅបាន ដូចកាលលោកបង្ហើបបញ្ចេញផលិតផលគ្រឿងអេឡិចត្រូនិកដូច្នេះដែរ៕

អត្ថបទ៖ ឆដា, រូបភាព៖ ផ្ដល់ឲ្យ

The post អ្នកឧកញ៉ាវ័យក្មេង សំ សុខនឿន អះអាងថា Tablet ខ្មែរ «K Haitech» នឹងមានរោងចក្របង្គំ នៅកម្ពុជាឆាប់ៗនេះ appeared first on Millions times.

ក្រុមហ៊ុន KH Haitech ចូលរួមឧបត្ថម្ភធំជា Diamond Sponsor ក្នុង «កិច្ចប្រជុំកំពូលធុរកិច្ចអាស៊ាន-កម្ពុជា 2026»

Vin Chang — Tue, 10 Mar 2026 09:32:59 +0000

ជារឿងដ៏គួរឲ្យមានមោទនភាពមួយ ដែល Tablets ខ្មែរ «K Haitech» របស់ក្រុមហ៊ុន KH Haitech បានចូលរួមឧបត្ថម្ភធំ Diamond Sponsor សម្រាប់ «កិច្ចប្រជុំកំពូលធុរកិច្ចអាស៊ាន-កម្ពុជា 2026» កាលពីថ្ងៃ ៣ និង ៤ ខែមីនា ឆ្នាំ ២០២៧ កន្លងទៅនេះ។

តាមដានជាមួយយើង៖ Million Times

បើទោះជា «K Haitech» របស់ក្រុមហ៊ុន KH Haitech នោះទើបតែបង្កើតឡើងក៏ពិតមែន តែដោយសារស្ថាបនិកគឺអ្នកឧកញ៉ាវ័យក្មេង សំ សុខនឿន ដែលបានខិតខំប្រឹងប្រែងក្នុងការនាំយកអ្នកជំនាញពីក្រុមហ៊ុនអន្តរជាតិមកបង្ហាត់បង្ហាញ។

កិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ នេះមានការចូលរួមពីបណ្ដាក្រុមហ៊ុនជាតិ និងអន្តរជាតិ សរុប ៣០៦ ក្រុមហ៊ុន និងធុរជនជាតិ និងអន្តរជាតិជិត ៧០០នាក់។ វេទិកានេះនឹងផ្ដល់នូវឱកាស សម្រាប់ការផ្គូផ្គងអាជីវកម្មយ៉ាងទូលំទូលាយ លើកកម្ពស់ការយល់ដឹងគ្នាទៅវិញទៅមកកាន់តែស៊ីជម្រៅ និងពង្រឹងភាពជាដៃគូសហការក្នុងតំបន់។ ក្នុងឱកាសនោះដែរ ក្រុមហ៊ុន KH Haitech របស់អ្នកឧកញ៉ាវ័យក្មេងដែលមកពីត្បូងឃ្មុំរូបនេះ ក៏មានវត្តមានដូចគ្នា ត្បិតអីក្រុមហ៊ុនមួយនេះកំពុងកសាងកេរ្តិ៍ឈ្មោះខ្លួនឯង មិនថាតែក្នុងស្រុកនោះទេ ពោលគឺលើឆាកអន្តរជាតិផងដែរ។

នៅក្នុងព្រឹត្តិការណ៍នោះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចាប់អារម្មណ៍ និងសាទរចំពោះសមិទ្ធផលរបស់ក្រុមហ៊ុនកូនខ្មែរ KH Haitech របស់អ្នកឧកញ៉ាវ័យក្មេង សំ សុខនឿន ក្រោយពីដាក់តាំងបង្ហាញក្នុងកម្មវិធីកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ ២០២៦ ក្រោមមូលបទ “ការផ្លាស់ប្ដូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម”។

ដោយសារតែមានការរីកចម្រើនទៅមុខពីមួយថ្ងៃទៅមួយថ្ងៃ ទើបបានជាក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន ទទួលបានជោគជ័យខ្លាំង ដែលមានថ្នាក់ដឹកនាំកំពូលៗជាច្រើនសុទ្ធតែបានចាប់អារម្មណ៍ និងកោតសរសើរយីហោខ្មែរមួយនេះ។ ជាក់ស្ដែង សម្ដេចធិបតី ហ៊ុន ម៉ាណែត គ្រាន់តែដើរឆ្លងកាត់បន្តិចក៏ ចាប់ចិត្តលើ Tablet ដែលជាគំរូស្នាដៃកូនខ្មែរនេះភ្លាម។ សម្ដេច បានមើល និងកាន់ផ្ទាល់ដៃតែម្ដង ជាមួយស្នាមញញឹមពេញចិត្ត ហើយថែមទាំងលើកទឹកចិត្តឲ្យមាន Tablets ខ្មែរ «K Haitech» ក្នុងការបង្កើតរោងចក្របង្គំបានកាន់តែឆាប់រហ័សនៅកម្ពុជា៕

អត្ថបទ៖ឆដា, រូបភាព៖ ផ្ដល់ឲ្យ

The post ក្រុមហ៊ុន KH Haitech ចូលរួមឧបត្ថម្ភធំជា Diamond Sponsor ក្នុង «កិច្ចប្រជុំកំពូលធុរកិច្ចអាស៊ាន-កម្ពុជា 2026» appeared first on Millions times.

អស្ចារ្យ! អ្នកឧកញ៉ាវ័យក្មេង សំ សុខនឿន បង្ហើបគម្រោង បើករោងចក្របង្គំ ២ បន្ថែមទៀត

Vin Chang — Thu, 19 Feb 2026 08:04:58 +0000

អ្នកឧកញ៉ាវ័យក្មេង សំ សុខនឿន បានបង្ហើបពីគម្រោងអាជីវកម្មថ្មីបន្ថែមទៀតហើយ ដោយមិនមែនពង្រីកថែម១ ឡើយ តែបង្កើតបន្ថែមរោងចក្រដល់ទៅ ២ ឯណោះ។

តាមដានជាមួយយើង៖ Million Times

ក្នុងនាមជាអ្នកជំនួញម្នាក់ អ្នកឧកញ៉ាវ័យក្មេងរូបនេះ ចាត់ទុកការពង្រីកខ្លួន និងការអភិវឌ្ឍន៍ជាបន្តបន្ទាប់ គឺជារឿងសំខាន់ខ្លាំង។ ដោយកាលពីដើមឆ្នាំ ២០២៦ ថ្មីៗនេះអ្នកឧកញ៉ា សំ សុខនឿន ស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech ទើបបើកបង្ហាញក្រុមហ៊ុនកូនខ្មែរដែលផលិតគ្រឿងអេឡិចត្រូនិកជាច្រើន ដោយមានស្លាកយីហោកូនខ្មែរថា K Haitech។

ក្រុមហ៊ុន KH Haitech របស់អ្នកឧកញ៉ា សំ សុខនឿន បានបញ្ចេញផលិតផលគ្រឿងអេឡិចត្រូនិកទំនើបៗច្រើនប្រភេទ ដែលជួយសម្រួលដល់ជីវភាពប្រចាំថ្ងៃរបស់ប្រជាជន។ KH Haitech ក៏បាននាំយកជំនាញ បច្ចេកវិទ្យា និងបច្ចេកទេស ពីក្រៅប្រទេស មកបណ្ដុះបណ្ដាលកូនខ្មែរ ដើម្បីទទួលបានជំនាញច្បាស់លាស់ និងបង្កើតការងារជាច្រើនក្នុងស្រុក។

មុនបើកបង្ហាញផលិតផល អ្នកឧកញ៉ាវ័យក្មេង សំ សុខនឿន បានបង្ហើបឲ្យដឹងកាន់តែច្បាស់បន្ថែមទៀតថា KH Haitech បាននាំយកបច្ចេកទេស បច្ចេកវិទ្យាពីក្រុមហ៊ុន អន្តរជាតិ Haier Haitech មកផលិតដំឡើងនៅកម្ពុជា។

ក្រោយផលិតផលនៃក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន ដាក់តាំងនៅស្តង់កូនខ្មែរ K Haitech របស់ក្រុមហ៊ុន KH Haiteach ក្នុងមហាសន្និបាតបូកសរុបលទ្ធផលការងារឆ្នាំ ២០២៥ និងលើកទិសដៅការងារឆ្នាំ ២០២៦ នាខែមករាកន្លងទៅ ឥឡូវនេះអ្នកឧកញ៉ាដែលមានដើមកំណើតមកពីស្រុកក្រូចឆ្មាររូបនេះ មានគម្រោងបើករោងចក្រចំនួន ២ បន្ថែមទៀត។

ក្នុងនោះរោងចក្របង្គំ ឬដំឡើង ១ គឺសម្រាប់ Tablet ម៉ាក «K Haitech» និងរោងចក្របង្គំ ឬដំឡើង១ ទៀតសម្រាប់ម៉ាស៊ីនត្រជាក់ ម៉ាក «K Home» របស់ក្រុមហ៊ុន KH Haitech ដោយមានដៃគូអន្តរជាតិ មានបច្ចេកវិទ្យាស្តង់ដារអន្តរជាតិ គឺ Haier Haitech។

នេះបញ្ជាក់យ៉ាងច្បាស់ពីទិសដៅការងារច្បាស់លាស់របស់អ្នកឧកញ៉ាវ័យក្មេង សំ សុខនឿន និងការឈានជើងទៅប្រកួតប្រជែងលើឆាកអន្តរជាតិនៃម៉ាកយីហោកូនខ្មែរ៕

អត្ថបទ៖ ឆដា, រូបភាព៖ ផ្ដល់ឲ្យ

The post អស្ចារ្យ! អ្នកឧកញ៉ាវ័យក្មេង សំ សុខនឿន បង្ហើបគម្រោង បើករោងចក្របង្គំ ២ បន្ថែមទៀត appeared first on Millions times.

រដ្ឋមន្ត្រីក្រសួងពាណិជ្ជកម្ម ទៅទស្សនកិច្ចស្តង់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន

Vin Chang — Fri, 30 Jan 2026 02:59:04 +0000

ជាកិត្តិយស និងការចូលរួមគាំទ្រផលិតផលខ្មែរ រដ្ឋមន្ត្រីក្រសួងពាណិជ្ជកម្ម លោកជំទាវ ចម និម្មល បានទៅទស្សនកិច្ចផ្ទាល់ នៅស្តង់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន។

តាមដានជាមួយយើង៖ Million Times

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម តែងតែមានវត្តមានចូលរួមកម្មវិធីជាប់ជានិច្ច ទាក់ទងទៅនឹងផលិតផលកូនខ្មែរ ក្នុងន័យជួយគាំទ្រផលិតផលជាតិ ជំរុញកម្លាំងសេដ្ឋកិច្ចជាតិ និងជួយឱ្យកូនខ្មែរគ្រប់រូបអាចមានផលិតផលដោយផ្ទាល់ខ្លួនបាន។

ជាក់ស្ដែងនៅថ្ងៃ២៨ ខែមករា ឆ្នាំ ២០២៦ ក្នុងមហាសន្និបាតបូកសរុបលទ្ធផលការងារឆ្នាំ ២០២៥ និងលើកទិសដៅការងារឆ្នាំ ២០២៦ លោកជំទាវ ចម និម្មល បានទៅទស្សនកិច្ចផ្ទាល់តែម្ដង នៅស្តង់យីហោកូនខ្មែរ K Haitech របស់ក្រុមហ៊ុន KH Haiteach របស់អ្នកឧកញ៉ាវ័យក្មេង សំ សុខនឿន ដែលបានតាំងបង្ហាញសម្ភារអេឡិចត្រូនិកទំនើបៗជាច្រើនប្រភេទ។

ក្រុមហ៊ុន KH Haitech ដែលមានគ្រឿងអេឡិចត្រូនិក សម្រាប់ប្រើប្រាស់សំខាន់ៗមានដូចជា ទូរស័ព្ទដៃ ថេប្លែត, លេបថប់ ម៉ាស៊ីនត្រជាក់ ម៉ាស៊ីនបោកគក់, ទូរទឹកកក និងរបស់របរជាច្រើនទៀតដែលសុទ្ធផលិតឡើងតាមស្តង់ដារអន្តរជាតិ មានតម្លៃសមរម្យ ដែលជួយលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា។ លើសពីនេះទៅទៀត KH Haitech នាំយកជំនាញ បច្ចេកវិទ្យា និងបច្ចេកទេស មកបណ្ដុះបណ្ដាលកូនខ្មែរ ដើម្បីទទួលបានជំនាញមួយនេះ និងបង្កើតការងារជាច្រើនក្នុងស្រុកផងដែរ។

លោកជំទាវ ចម និម្មល ក្រោយពីបានមើលផលិតផលរបស់ក្រុមហ៊ុន KH Haitech បានបង្ហាញស្នាមញញឹម ជាការគាំទ្រខ្លាំងចំពោះយីហោកូនខ្មែរមួយនេះ។ ក្នុងនាមជាប្រធានក្រុមហ៊ុនផង អ្នកឧកញ៉ាវ័យក្មេង សំ សុខនឿន ក៏ថ្លែងពីអារម្មណ៍យ៉ាងមោទនភាពថា “ខ្ញុំបាទ សំ សុខនឿន ស្ថាបនិក និងជាប្រធានក្រុមប្រឹក្សាភិបាល នៃក្រុមហ៊ុន KH Haitech ដែលជាក្រុមហ៊ុនរបស់កូនខ្មែរ និងមានស្លាកយីហោកូនខ្មែរ K Haitech សូមគោរពថ្លែងអំណរគុណជូនចំពោះ លោកជំទាវរដ្ឋមន្ត្រីក្រសួងពាណិជ្ជកម្ម ដែលបានផ្ដល់កិត្តិយសមកទស្សនៈកិច្ចស្តង់បង្ហាញផលិតផល K Haitech និងសូមអរគុណចំពោះជំទាវរដ្ឋមន្ត្រី ដែលតែងតែគាំទ្រ និងលើកទឹកចិត្តសហគ្រិនខ្មែរ ក្នុងការបង្កើតផលិតផលខ្មែរ។ លោកជំទាវរដ្ឋមន្ត្រី តែងតែខិតខំប្រឹងប្រែងទាំងពេលវេលា និងកម្លាំងកាយចិត្ត ដើម្បីគាំទ្រផលិតផលខ្មែរដើម្បីផ្គត់ផ្គង់ក្នុងស្រុក និងជំរុញការនាំចេញទៅបរទេស“។

គណៈប្រតិភូដែលបានឃើញពីផលិតផលយ៉ាងច្រើនរបស់ក្រុមហ៊ុន KH Haitech បានបង្ហាញពីភាពភ្ញាក់ផ្អើលដែលអ្នកឧកញ៉ាវ័យក្មេង សំ សុខនឿន អាចសម្រេចបង្កើតចេញសម្ភារទំនើបៗនោះបាន សម្រាប់បម្រើដល់ការរស់នៅរបស់ប្រជាពលរដ្ឋខ្មែរ កាន់តែប្រសើរឡើង៕

អត្ថបទ៖ឆដា, រូបភាព៖ ផ្ដល់ឲ្យ

The post រដ្ឋមន្ត្រីក្រសួងពាណិជ្ជកម្ម ទៅទស្សនកិច្ចស្តង់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន appeared first on Millions times.

ផលិតផលខ្មែរនៃក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន នាំយកបច្ចេកទេស បច្ចេកវិទ្យាពីក្រុមហ៊ុនអន្តរជាតិ Haier Haitech

Vin Chang — Thu, 22 Jan 2026 07:24:21 +0000

ក្នុងការត្រៀមបើកបង្ហាញផលិតផលកូនខ្មែរ KH Haitech មានការសហការគ្នាជាមួយក្រុមហ៊ុនចិន ស្តង់ដារអន្តរជាតិ ពេលនេះអ្នកឧកញ៉ាវ័យក្មេង សំ សុខនឿន បានបង្ហើបឲ្យដឹងកាន់តែច្បាស់បន្ថែមទៀតថា KH Haitech បាននាំយកបច្ចេកទេស បច្ចេកវិទ្យាពីក្រុមហ៊ុន អន្តរជាតិ Haier Haitech មកផលិតដំឡើងនៅកម្ពុជា។

តាមដានជាមួយយើង៖ Million Times

អ្នកឧកញ៉ាវ័យក្មេងរូបនេះ បានបង្កើតនូវប្រេនកូនខ្មែរដ៏ធំមួយ គឺ K Haitech របស់ក្រុមហ៊ុន KH Haitech ដែលមានគ្រឿងអេឡិចត្រូនិក សម្រាប់ប្រើប្រាស់សំខាន់ៗមានដូចជា ទូរស័ព្ទដៃ ថេប្លែត, លេបថប់, ម៉ាស៊ីនត្រជាក់, ម៉ាស៊ីនបោកគក់, ទូរទឹកកក និងរបស់របរជាច្រើនទៀត។

អ្នកឧកញ៉ាវ័យក្មេង រូបនេះ បានអះអាងថា គុណភាពនៃផលិតផលរបស់ KH Haitech ល្អស្តង់ដាអន្តរជាតិ មានតម្លៃសមរម្យ និងជួយលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា។

លេីសពីនេះទៅទៀត KH Haitech នាំយកជំនាញ បច្ចេកវិទ្យា និងបច្ចេកទេស មកបណ្តុះបណ្តាលកូនខ្មែរ ដេីម្បីទទួលបានជំនាញមួយនេះ និងបង្កេីតការងារជាច្រេីនកន្លែងផងដែរ។
គួរបញ្ជាក់ផងដែរថា អ្នកឧកញ៉ាមានដើមកំណើតនៅស្រុកក្រូចឆ្មាររូបនេះ ដើម្បីជួយដល់ជីវភាព និងក៏ជាការលើកកម្ពស់ពលរដ្ឋអាចមានការងារធ្វើ និងទទួលបានសម្ភារល្អ ជួយសម្រួលដល់កររស់នៅកាន់តែប្រសើរ។

K Haitech ជាយីហោខ្មែរ និងផលិតក្នុងស្រុក របស់ក្រុមហ៊ុនកូនខ្មែរ ដែលមានស្ថាបនិក ជាអ្នកឧកញ៉ាវ័យក្មេង សំ សុខនឿន សហការជាមួយដៃគូអន្តរជាតិ នាំយកជំនាញ និងគុណភាពស្តង់ដារមកកាន់កម្ពុជាឆាប់ៗខាងមុខ។

សម្រាប់អ្នកមានចំណាប់អារម្មណ៍ចង់ឈ្វេងយល់ ពី KH Haitech អាចទៅទស្សនានៅស្តង់តាំងបង្ហាញ នៅថ្ងៃ ២៨ ខែមករា ឆ្នាំ ២០២៦ នាមជ្ឈមណ្ឌលសន្និបាត និងពិព័រណ៍កោះពេជ្រ (អគារ ABCDE) រៀបចំដោយសភាពាណិជ្ជកម្មកម្ពុជា៕

អត្ថបទ៖ ឆដា, រូបភាព៖ ផ្ដល់ឲ្យ

The post ផលិតផលខ្មែរនៃក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន នាំយកបច្ចេកទេស បច្ចេកវិទ្យាពីក្រុមហ៊ុនអន្តរជាតិ Haier Haitech appeared first on Millions times.

អ្នកឧកញ៉ា សំ សុខនឿន Archives - Millions times

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមាន​ប្រសិទ្ធភាព

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគ​ថវិកា ២ ៥០០ ដុល្លារ ជូនកាកបាទក្រហមកម្ពុជា

អ្នកឧកញ៉ាវ័យក្មេង សំ សុខនឿន អះអាងថា Tablet ខ្មែរ «K Haitech» នឹងមានរោងចក្របង្គំ នៅកម្ពុជាឆាប់ៗនេះ

ក្រុមហ៊ុន KH Haitech ចូលរួមឧបត្ថម្ភធំជា Diamond Sponsor ក្នុង «កិច្ចប្រជុំកំពូលធុរកិច្ចអាស៊ាន-កម្ពុជា 2026»

អស្ចារ្យ! អ្នកឧកញ៉ាវ័យក្មេង សំ សុខនឿន បង្ហើបគម្រោង បើករោងចក្របង្គំ ២ បន្ថែមទៀត

រដ្ឋមន្ត្រីក្រសួងពាណិជ្ជកម្ម ទៅទស្សនកិច្ចស្តង់ក្រុមហ៊ុន KH Haitech របស់​អ្នក​ឧកញ៉ាវ័យក្មេង សំ សុខនឿន

អ្នកជំនាញអចលនវត្ថុ អ្នកឧកញ៉ាវ័យក្មេង សំ សុខនឿន លើកឡើងពីក្បួនវិនិយោគដីធ្លីមានប្រសិទ្ធភាព

អ្នកឧកញ៉ាវ័យក្មេង សំ សុខនឿន និងលោកជំទាវ សូ រមនា បរិច្ចាគថវិកា ២ ៥០០ ដុល្លារ ជូនកាកបាទក្រហមកម្ពុជា

រដ្ឋមន្ត្រីក្រសួងពាណិជ្ជកម្ម ទៅទស្សនកិច្ចស្តង់ក្រុមហ៊ុន KH Haitech របស់អ្នកឧកញ៉ាវ័យក្មេង សំ សុខនឿន