តាមដានជាមួយយើង៖ Million Times

ការបង្ហាញការគាំទ្របែបនេះ បន្ទាប់ពីសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី២៣ ខែមេសា ក្នុងកិច្ចប្រជុំពេញអង្គគណៈរដ្ឋមន្ត្រី បានណែនាំឱ្យអនុវត្តឱ្យបានម៉ត់ចត់ និងគ្មានការលើកលែងចំពោះករណី Scam Online។

តាមរយៈគណនីហ្វេសប៊ុក នៅព្រឹកថ្ងៃទី២៤ ខែមេសានេះ អ្នកឧកញ៉ា លឹម ហេង បានសរសេរថា អ្នកឧកញ៉ា គាំទ្រសម្តេចនាយករដ្ឋមន្ត្រីលុបបំបាត់ឈ្មួញ និងអ្នកគប់គិតល្បែងខុសច្បាប់ឱ្យអស់ពីសង្គមកម្ពុជា។

អ្នកឧកញ៉ាអនុប្រធានសភាពាណិជ្ជកម្ម បានបន្ថែមថា ឃុំ-សង្កាត់ មានសុវត្ថិភាពទើបធានាបាននូវការអភិវឌ្ឍសេដ្ឋកិច្ចជាតិ។ តាមសំណេរនៅលើហ្វេសប៊ុកដដែលនេះ អ្នកឧកញ៉ា លឹម ហេង ក៏បានថ្កោលទោសចំពោះពួកចោទកម្ពុជាថា ជា Scambodia ផងដែរ។

ក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃព្រហស្បត្តិ៍ សម្ដេចនាយករដ្ឋមន្ត្រី បានកោតសរសើរ និងថ្លែងអំណរគុណដល់អាជ្ញាធរមានសមត្ថកិច្ច និងកងកម្លាំងគ្រប់លំដាប់ថ្នាក់ ដែលបានធ្វើការងារយ៉ាងសកម្ម ក្នុងការបង្ក្រាបការឆបោកតាមប្រព័ន្ធបច្ចេកវិទ្យា (Scam Online) ដោយសម្រេចបានលទ្ធផលធំៗជាច្រើន។

ប្រមុខរាជរដ្ឋាភិបាល ក៏បានដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់ បន្តការបង្ក្រាបបទល្មើសនេះ ដោយគ្មានបង្អង់ដៃឡើយ។

សម្តេចធិបតី បានបញ្ជាក់ថា ច្បាប់មានហើយ ដូច្នេះត្រូវតែអនុវត្តឱ្យបានម៉ត់ចត់ និងឱ្យមានប្រសិទ្ធភាពដោយមិនបន្ធូរដៃ និងដោយគ្មាន ការលើកលែងឡើយ ពោលគឺមិនបញ្ឈប់ត្រឹមពិធីបុណ្យចូលឆ្នាំខ្មែរប្រពៃណីជាតិនេះ ដូចដែលមានមតិមួយចំនួន បានលើកឡើងនោះឡើយ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post អ្នកឧកញ៉ា លឹម ហេង គាំទ្របទបញ្ជានាយករដ្ឋមន្ត្រីឱ្យបន្តបង្ក្រាបបទល្មើស Scam Online appeared first on Millions times.

តាមដានជាមួយយើង៖ Million Times

កាលពីយប់ថ្ងៃទី ៨ ខែតុលា សម្ដេចតេជោ ហ៊ុន សែន បានបង្ហោះសារនៅលើទំព័រហ្វេសប៊ុកថា «ខ្ញុំសូមស្នើរាជរដ្ឋាភិបាល និងអាជ្ញាធរគ្រប់លំដាប់ថ្នាក់កំចាត់ចោលមន្ត្រី និងឈ្មួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន»។

ការស្នើយ៉ាងដូច្នេះ ដោយសារតែមានជនឆ្លៀតឱកាសមួយចំនួន នៅតែបន្តនាំទំនិញថៃចូលមកកម្ពុជា ទោះបីជាប្រទេសទាំងពីរ បានបិទច្រកព្រំដែន ចាប់តាំងពីចុងខែមិថុនាមក។ សម្ដេចប្រធានព្រឹទ្ធសភា បានលើកឡើងថា ប្រសិនបើ សម្ដេចនៅធ្វើជានាយករដ្ឋមន្ត្រីដូចពេលមុន សម្ដេចមិនបាច់និយាយភាសានេះទេ គឺចេញបញ្ជាចាប់ខ្លួន ឬដកចេញពីមន្ត្រីតែម្តង ប៉ុន្តែសូមកុំគិតថា (ឆ្មាមិននៅកណ្តុរឡើងរាជ្យឲ្យសោះ)។

តាមរយៈគណនីហ្វេសប៊ុករបស់ខ្លួន នៅព្រឹកថ្ងៃទី ៩ ខែតុលានេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបង្ហោះថា «ដល់ពេលត្រូវអនុវត្តច្បាប់ចំពោះឈ្មួញខិលខូច និងមន្ត្រីគប់គិតបំផ្លាញ សុខភាព និងសេដ្ឋកិច្ចជាតិខ្មែរហើយ!»។ អ្នកឧកញ៉ារូបនេះ ក៏បានបង្ហាញការគាំទ្រចំពោះការស្នើរបស់សម្ដេចប្រធានព្រឹទ្ធសភាកម្ពុជា ដែលស្នើឱ្យរាជរដ្ឋាភិបាល ក៏ដូចជាអាជ្ញាធរគ្រប់លំដាប់ថ្នាក់កំចាត់មន្ត្រី និងឈ្មួញដែលនៅបន្តលួចនាំទំនិញថៃចូលមកកម្ពុជាតាមផ្លូវគោក ផងដែរ។

ចំណែកឯលោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជ បណ្ឌិត្យសភាកម្ពុជា ក៏លើកឡើងដែរថា «មែនទែនទៅ មន្ត្រី និងឈ្មួញបែបហ្នឹងក្បត់ទំនុកចិត្តសម្តេចរាប់សិបឆ្នាំមកហើយ ពួកគេមានបាននឹងអំពើក្បត់បែបនេះច្រើនណាស់។ បើយើងអាចកម្ចាត់មន្ត្រី និងឈ្មួញបែបនេះបានមែន ស្រុកយើងនឹងកាន់តែរីកចម្រើន ហើយរាជរដ្ឋាភិបាល ក៏នឹងទទួលបានពរជ័យពីទេវតា និងប្រជាជនផងដែរ»។

គួររំលឹកថា យោធាថៃបានបិទច្រកព្រំដែនជាមួយកម្ពុជា ដោយឯកតោភាគីដោយភាគី ចាប់តាំងពីថ្ងៃទី ២៣ ខែមិថុនា ឆ្នាំ ២០២៥មក បន្ទាប់ពីប្រទេសទាំងពីរមានជម្លោះព្រំដែនជាមួយគ្នាជាថ្មី ចាប់ពីចុងខែឧសភា ឆ្នាំ ២០២៥មក៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post អ្នកឧកញ៉ា លឹម ហេង គាំទ្រការស្នើរបស់សម្ដេចតេជោ ឱ្យរដ្ឋាភិបាលកំចាត់មន្ត្រី និងឈ្មួញដែលនៅបន្តលួចនាំទំនិញថៃចូលមកកម្ពុជា appeared first on Millions times.

នៅលើបណ្តាញសង្គមផ្ទាល់ខ្លួនបន្ទាប់ពីចូលរួមដឹកនាំកិច្ចប្រជុំក្រុមការងារផ្នែកឯកជន ក្រុម “ត” “ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ” នៃវេទិការាជរដ្ឋាភិបាល-ផ្នែកឯកជន នៅរសៀលថ្ងៃពុធ ទី០៥ ខែមីនា អ្នកឧកញ៉ា លឹម ហេង បានលើកឡើងដោយអំពាវនាវយ៉ាងដូច្នេះថា «អ្នករកស៊ី បើជួបបញ្ហាការលំបាកជាមួយអាជ្ញាធរដែនដី ប៉ូលិស ឬកងរាជអាវុធហត្ថថ្នាក់ខេត្ត អាចមករកសភាពាណិជ្ជកម្មតាមបណ្តារាជធានីខេត្ត ដើម្បីជួយសម្រួលដោះស្រាយជូន តាមរយៈយន្តការរាជរដ្ឋាភិបាល ផ្នែកឯកជន..»។

តាមដានជាមួយយើង៖ Million Times

ក្នុងនាមអនុសហប្រធានទី១ ក្រុមការងារ “ត” ផ្នែកឯកជន បានបន្តដឹកនាំពិគ្រោះ ពិនិត្យ ពិភាក្សា នូវបញ្ហាប្រឈមដែលជាកង្វល់របស់ផ្នែកឯកជន ជាពិសេសទទួលយកនូវបញ្ហាប្រឈមដែលកើតមានឡើងនៅតាមបណ្តាររាជធានី ខេត្តក្រុងដែលលើកឡើងដោយតំណាងសភាពាណិជ្ជកម្មរាជធានីខេត្ត ពាក់ព័ន្ធនឹងវិស័យរដ្ឋបាលដែនដី សន្តិសុខ និងសណ្តាប់ធ្នាប់សាធារណៈ ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងមហាផ្ទៃ នាពេលឆាប់ៗខាងមុខនេះ។ 

បើតាមសភាពាណិជ្ជកម្មកម្ពុជា កិច្ចប្រជុំបានដំណើរការពិនិត្យពិភាក្សាទៅលើបញ្ហាប្រឈមរបស់ផ្នែកឯកជនរួមមាន៖ កិច្ចសហប្រតិបត្តិការការងាររវាងសភាពាណិជ្ជកម្មរាជធានីខេត្ត និងអាជ្ញាធរដែនដី។ បញ្ហាមន្ត្រីអនុវត្តច្បាប់នៅតាមមាត់ច្រក។ បញ្ហាដ្រូនកសិកម្ម។ ការមិនបង្ករលក្ខណៈងាយស្រួលដល់អ្នកវិនិយោគនៅតាមបណ្តារខេត្តក្រុង។ បញ្ហានៃការចូលរួមរបស់តំណាងសភាពាណិជ្ជកម្មរាជធានីខេត្តក្នុងសកម្មភាពសេដ្ឋកិច្ច និងវិនិយោគ រួមនិងបញ្ហាប្រឈមមួយចំនួនទៀតផងដែរ៕

អត្ថបទ៖ សាងតេជៈ រូបភាព៖ សភាពាណិជ្ជកម្មកម្ពុជា

second...

x

The post អ្នកឧកញ៉ា លឹម ហេង អំពាវនាវដល់អ្នករកស៊ីដែលជួបបញ្ហាជាមួយអាជ្ញាធរ សូមមករកសភាពាណិជ្ជកម្មកម្ពុជា appeared first on Millions times.

ក្នុងសេចក្ដីប្រកាសព័ត៌មានក្រុមប្រឹក្សាអភិវឌ្ឍន៍កម្ពុជា CDC បានឲ្យដឹងថា គម្រោងថ្មី និងគម្រោងពង្រីកផលិតកម្មចំនួន ១៩០គម្រោង បើធៀបនឹងរយៈពេលដូចគា្ននៅឆ្នាំ២០២៣ ការអនុម័តគម្រោងវិនិយោគមានការកើនឡើងចំនួន ៧៧គម្រោង ខណៈទុនវិនិយោគមានការកើនឡើងគួរឱ្យកត់សម្គាល់ដល់ទៅប្រមាណជាង ២ពាន់លានដុល្លារអាម៉េរិក។

តាមដានជាមួយយើង៖ Million Times

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា និងជាទីប្រឹក្សាផ្ទាល់សម្តេច ហ៊ុន ម៉ាណែត នាយករដ្ឋមន្រ្តី បានថ្លែងប្រាប់គេហទំព័រ Million Times តាមរយៈតេឡេក្រាមឲ្យដឹងថា ជាមោទកភាពរបស់យើងដែលបានឃើញកំណើននៃការចុះបញ្ជីនៅក្រុមប្រឹក្សាអភិវឌ្ឍន៍កម្ពុជា ក្នុងនោះវិស័យដែលបាននាំមុខគេលេចធ្លោ គឺវិស័យកម្មន្តសាលមិនមែនកាត់ដេរ កសិ-ឧស្សាហកម្ម កែច្នៃ រ៉ែ គ្រឿងអេឡិចត្រូនិច និងហេដ្ឋារចនាសម្ព័ន្ធផ្សេងៗ។ ទន្ទឹមនឹងនេះ អ្នកឧកញ៉ាក៏បានកត់សម្គាល់ពីគំណើនក្នុងវិស័យយានយន្ត ដែលឃើញមានវិនិយោគិនមកបើករោងចក្រដំឡើងរថយន្តផងដែរ។

ទោះជាបែបក្តី អ្នកឧកញ៉ាអនុប្រធានសភាពាណិជ្ជកម្មរូបនេះ ក៏បានគូសបញ្ជាក់ថា រាជរដ្ឋាភិបាលកម្ពុជា បានធ្វើការកែទម្រង់ស៊ីជម្រៅផ្នែកសេដ្ឋកិច្ច និងដាក់ចេញគោលនយោបាយថ្មីៗ ដើម្បីទាក់ទាញការវិនិយោគបន្ថែម ពិសេសនោះ វេទិការាជរដ្ឋាភិបាល-ផ្នែកឯកជន ដើម្បីចូលរួមគាំពារ ដោះស្រាយការលំបាករបស់អ្នកវិនិយោគ ដែលទាំងនេះ អ្នកឧកញ៉ាមើលឃើញថា ធ្វើឲ្យអ្នកវិនិយោគមានទំនុកចិត្តមកលើកម្ពុជាប្រកបដោយភាពជឿជាក់ មិនមានការរំខានពីមន្ត្រីខិលខូចដែលបង្កការលំបាកជាដើម។

អ្នកឧកញ៉ាគូសបញ្ជាក់បន្ថែមថា នាយករដ្ឋមន្រ្តីថ្មីអាណត្តិទី៧នេះ បាននឹងកំពុងយកចិត្តដាក់យ៉ាងខ្លាំងជាមួយវេទិការាជរដ្ឋាភិបាល-វិស័យឯកជន ដើម្បីជួយជំរុញកំណើនសេដ្ឋកិច្ចជាតិប្រកបដោយប្រសិទ្ធភាព។ វេទិការាជរដ្ឋាភិបាល-ផ្នែកឯកជននេះ ផ្តល់ឱកាសឱ្យផ្នែកឯកជន លើកឡើងនូវបញ្ហាប្រឈម និងសំណូមពរជូនរាជរដ្ឋាភិបាលពិនិត្យ និងចាត់វិធាន ការសមស្របដើម្បីដោះស្រាយ ហើយរាល់ការសម្រេចនៅក្នុងវេទិកានេះ ត្រូវបានចាត់ទុកជាការសម្រេចរបស់គណៈរដ្ឋមន្ត្រី៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចធិបតី

second...

x

The post អ្នកឧកញ៉ា លឹម ហេង៖ ការធ្វើការកែទម្រង់ស៊ីជម្រៅផ្នែកសេដ្ឋកិច្ច និងគោលនយោបាយថ្មី ទប់ស្កាត់ការរំខានពីមន្ត្រីខិលខូច appeared first on Millions times.

ការបង្ហាញគាំទ្រ និងស្នើបែបនេះ គឺបន្ទាប់ពីធនាគារជាតិនៃកម្ពុជា​ កាលពីថ្ងៃទី ២១ ខែកក្កដា បានណែនាំឲ្យសាខាធនាគារពាណិជ្ជខេត្តសៀមរាប ទទួលយកប្រាក់ដុល្លារអាមេរិកចាស់ ឬប្រឡាក់ ដោយមិនទាមទារកម្រៃសេវាពីអតិថិជនឡើយ លើកលែងតែក្រដាសនោះជាប្រាក់ក្លែងក្លាយ។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ប្រាប់ Millions times ថា ក្នុងនាមសភាពាណិជ្ជកម្ម លោកគាំទ្រការផ្ដល់អនុសាសន៍របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលឲ្យធនាគារជាតិនៃកម្ពុជា និងធនាគារពាណិជ្ជនៅខេត្តសៀមរាប ទទួលយកប្រាក់ដុល្លារចាស់ ឬប្រឡាក់ ដោយមិនទាមទារកម្រៃសេវាពីអតិថិជនឡើយ។

អ្នកឧកញ៉ា លឹម ហេង ចាត់ទុកចំណាត់ការនេះជាការបង្កភាពងាយស្រួល ក្នុងការចរាចរណ៍សាច់ប្រាក់នៅក្នុងប្រទេសកម្ពុជា។ ប៉ុន្តែអ្នកជំនួញចាស់វស្សារូបនេះ មានចម្ងល់ថា ហេតុអ្វីបានជាការទទួលយកប្រាក់ដុល្លារចាស់ ឬប្រឡាក់ ដោយមិនកាត់ទឹកនោះ អនុវត្តតែនៅក្នុងខេត្តសៀមរាប? ចុះអ្វីហេតុមិនព្រមអនុវត្តនៅបណ្ដារាជធានី-ខេត្តផ្សេងទៀត?

អនុប្រធានសភាពាណិជ្ជកម្មកម្ពុជា លើកឡើងដែរថា កន្លងមក មានប្រជាពលរដ្ឋ និងអាជីវករជាច្រើននាក់ បាន ខាតបង់ថវិកាមួយចំនួន ដោយសារតែការដូរប្រាក់ដុល្លារចាស់ ឬប្រឡាក់។ «ឃើញថា កន្លងមកនេះ ប្រជាពលរដ្ឋ ទាំងអាជីវករ ​មានការខាតបង់ច្រើន ដែលគាត់ទទួលក្រដាសប្រាក់ដុល្លារនោះ ដែលមានប្រឡាក់ ឬមិនប្រយ័ត្នរហែកតិចតួចនោះ គឺធ្វើឲ្យគាត់ខាតបង់ថវិការបស់គាត់ តាមរយៈការដូរដោយគេកាត់អត្រា កាត់ភាគរយ ឬហៅថា កាត់ទឹក»។ នេះបើតាមអ្នកឧកញ៉ា លឹម ហេង ដដែល។

អ្នកឧកញ៉ារូបនេះ បន្ថែមដោយស្នើឲ្យមានការអនុវត្តជាទូទៅ សម្រាប់ការទទួលយកប្រាក់ដុល្លារចាស់ ឬប្រឡាក់ ដោយមិនទាមទារកម្រៃសេវានេះ នៅរាជធានី-ខេត្តទូទាំងប្រទេសកម្ពុជាតែម្ដង។ តែយ៉ាងណាក៏ដោយ បើតាមប្រភពព័ត៌មាន គឺបានបង្ហើបឲ្យដឹងថា ជាជំហានដំបូងការទទួលយកប្រាក់ដុល្លារចាស់ ឬប្រឡាក់ ដោយមិនទាម ទារកម្រៃសេវា គឺចាប់ផ្ដើមនៅខេត្តសៀមរាបសិន តែប្រសិនបើអនុវត្តនេះមិនប៉ះពាល់ដល់ចរន្តសាច់ប្រាក់ ឬក៏សេដ្ឋកិច្ចជាតិទេនោះ គឺនឹងអនុវត្តនៅបណ្ដារាជធានី-ខេត្ត ដែលមានសក្ដានុពលផ្សេងទៀត។

តាមរយៈសារព័ត៌មាន Millions times ដែរ អ្នកឧកញ៉ា លឹម ហេង ក៏បានលើកយោបល់ដល់ក្រសួង-ស្ថាប័នពាក់ព័ន្ធ គួរតែចេញសេចក្ដីណែនាំមួយ ដោយកំណត់ថា ការទូទាត់ប្រាក់ក្រោម ១០០ដុល្លារ ត្រូវទូទាត់ជាប្រាក់ រៀល ហើយលើសពី ១០០ដុល្លារឡើងទៅ អាចទូទាត់ជាប្រាក់ដុល្លារក៏បាន ប្រាក់រៀលក៏បាន ដែលនេះជាការលើកកម្ពស់ការប្រើប្រាស់ប្រាក់រៀល។

ត្រង់ចំណុចនេះ អនុប្រធានសភាពាណិជ្ជកម្មកម្ពុជា បានបញ្ជាក់ថា «នេះជាផលចំណេញរបស់ប្រជាពលរដ្ឋខ្មែរយើង ចៀសវាងការយកដុល្លារមក ត្រូវបានគេកាត់ទឹក មិនថាតែក្រដាស ១០០ទេ ក្រដាស ១០ ក្រដាស ២០ ក្រដាស ៥០ក៏ដោយ បើសិនជាយើងជូនដំណឹងឲ្យគាត់ទូទាត់ជាប្រាក់រៀល ក្រោម ១០០ចុះ គាត់នឹងលែងយកហើយប្រាក់ដុល្លារ ដល់អញ្ចឹងវាជាការលើកតម្កើងនៃប្រាក់រៀលរបស់យើង»។

នៅក្នុងការណែនាំដដែល ធនាគារជាតិនៃកម្ពុជា ក៏បានបញ្ជាក់ថា ចំពោះករណីក្រដាសប្រាក់ដុល្លារចាស់ខ្លាំង ដែលគិតថា មិនគួរបន្តឲ្យចរាចរនៅលើទីផ្សារបាន ធនាគារពាណិជ្ជនៅ ក្នុងខេត្តសៀមរាប ត្រូវបញ្ជូនបន្តទៅប្តូរយកក្រដាសប្រាក់ថ្មី នៅសាខាធនាគារជាតិខេត្តសៀមរាប ដោយពុំមានគិតកម្រៃសេវា និងពុំចាំបាច់រង់ចាំផ្ញើទៅទីស្នាក់ការកណ្តាល របស់ធនាគារពាណិជ្ជនៅរាជធានីភ្នំពេញ នោះទេ៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

second...

x

The post អ្នកឧកញ៉ា លឹម ហេង ស្នើឲ្យមានការអនុវត្តការទទួលយកប្រាក់ដុល្លារចាស់ ឬប្រឡាក់មិនកាត់ទឹក នៅរាជធានី-ខេត្តផ្សេងទៀត   appeared first on Millions times.

នៅក្នុងសេចក្ដីសម្រេចនេះ បានឲ្យដឹងថា ត្រូវបានបង្កើតក្រុមការងារចំពោះកិច្ច អនុវត្តសម្របសម្រួលក្រុមការងារទាំង ១៦ផ្នែកឯកជន នៃវេទិការាជរដ្ឋាភិបាល-ផ្នែកឯកជន ដើម្បីតាមដាន និងវាយតម្លៃវឌ្ឍនភាពនៃការអនុវត្តតាមក្រុមការងារនីមួយៗ ដែលបានដាក់ចេញតាមរយៈសេចក្តីសម្រេចទទួលស្គាល់សមាសភាពផ្លូវការ របស់ផ្នែកឯកជន របស់រាជរដ្ឋាភិបាល សម្រាប់វេទិការាជរដ្ឋាភិបាល-ផ្នែកឯកជនរបស់សភាពាណិជ្ជកម្មកម្ពុជា។

តាមដានជាមួយយើង៖ Million Times

សមាសភាពនៃក្រុមការងារចំពោះកិច្ចអនុវត្តសម្របសម្រួលក្រុមការងារទាំង ១៦ផ្នែកឯកជន រួមមាន៖ អ្នកឧកញ៉ាលឹម ហេង អនុប្រធានសភាពាណិជ្ជកម្មកម្ពុជា និងជាអ្នកសម្របសម្រួលក្រុមការងារទាំង ១៦ផ្នែកឯកជន ជាប្រធាន, ឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុ ជាអនុប្រធានប្រចាំការ, លោកបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា ជាអនុប្រធាន, ឧកញ៉ា គួច ផេង អនុប្រធានសភាពាណិជ្ជកម្មកម្ពុជា ជាអនុប្រធាន, ឧកញ៉ា លឹម សុជាតិ អនុប្រធានសភាពាណិជ្ជកម្មកម្ពុជា ជាអនុប្រធាន។ ក្រៅពីនេះ ក៏មានសមាជិកចំនួន ៣រូប និងលេខាធិការ ១រូប ផងដែរ។

បើតាមសេចក្ដីសម្រេចដដែល គឺក្រុមការងារចំពោះកិច្ច អនុវត្តសម្របសម្រួលក្រុមការងារទាំង ១៦ផ្នែកឯកជន នៃវេទិការាជរដ្ឋាភិបាល-ផ្នែកឯកជន មានភារកិច្ចតាមដានវឌ្ឍនភាពនៃការអនុវត្តសម្របសម្រួលកិច្ចប្រជុំ នៃក្រុមការងារនីមួយៗផ្នែកឯកជន ដែលបានដាក់ចេញតាមរយៈសេចក្តីសម្រេច ទទួលស្គាល់សមាសភាពផ្លូវការរបស់ផ្នែកឯកជន របស់រាជរដ្ឋាភិបាល សម្រាប់វេទិការាជរដ្ឋាភិបាល-ផ្នែកឯកជន របស់សភាពាណិជ្ជកម្មកម្ពុជា។

ម្យ៉ាងទៀត ត្រូវរៀបចំឯកសារចាំបាច់នានា និងកំណត់នូវយន្តការសម្រាប់តាមដាន និងវាយតម្លៃរបស់ក្រុមការងារ និងធ្វើ ការសហការល្អជាមួយអន្តរក្រសួង-ស្ថាប័ន និងតួអង្គពាក់ព័ន្ធនានា ដែលជាដៃគូសន្ធា តាមសេចក្តីសម្រេច របស់រាជរដ្ឋាភិបាល និងរៀបចំផែនការសកម្មភាពដើម្បីប្រមូលលទ្ធផលការងារ នៃការអនុវត្តរបស់ក្រុមការងារនីមួយៗ ផ្នែកឯកជន ដែលបានរៀបចំកិច្ចប្រជុំហើយ។

បន្ថែមលើនេះ ត្រូវសម្របសម្រួល និងជំរុញការអនុវត្តភារកិច្ចរបស់តួអង្គពាក់ព័ន្ធ រៀងរាល់ ៦ខែម្តង ឬតាមការ ចាំបាច់ ដើម្បីតាមដាន និងវាយតម្លៃវឌ្ឍនភាព ជំរុញសកម្មភាពនៃកិច្ចពិភាក្សាស្វែងរកបញ្ហាប្រឈម ដោះស្រាយបញ្ហាប្រឈម ដាក់ចេញនូវវិធានការ កែតម្រូវ និងវាស់វែងពីកិច្ចខិតខំប្រឹងប្រែង និងវាយតម្លៃប្រសិទ្ធភាពនៃការអនុវត្តវិធានការ របស់សហប្រធានក្រុមការងារនីមួយៗ។

ក្នុងនោះដែរ ត្រូវចូលរួមរាល់កិច្ចប្រជុំតាមក្រុមការងារនីមួយៗផ្នែកឯកជន ជាមួយក្រសួងដែលជាដៃគូសន្ធា ដើម្បីទទួលបាននូវការឆ្លើយតប ដោះស្រាយបំភ្លឺរាល់បញ្ហាកង្វល់ សំណូមពរនានា លើកឡើងដោយវិស័យឯកជនតាមក្រុមការងាររៀបចំរបាយការណ៍លទ្ធផលការងារ ជូនថ្នាក់ដឹកនាំសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង ១៦ ផ្នែកឯកជន នៅរៀងរាល់ដំណាច់ខែឧសភានៃឆ្នាំនីមួយៗ ដើម្បីថ្នាក់ដឹកនាំសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង ១៦ ផ្នែកឯកជនធ្វើរបាយការណ៍ប្រចាំឆមាសជូនរាជរដ្ឋាភិបាល ហើយចូលរួមប្រជុំក្រុមការងារតាមការកោះអញ្ជើញរបស់ប្រធាន ឬអនុប្រធានក្នុងករណីប្រធានអវត្តមាន អនុវត្ត ការងារដែលពាក់ព័ន្ធផ្សេងទៀត តាមការសម្រេចរបស់សភាពាណិជ្ជកម្មកម្ពុជា៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

second...

x

The post អ្នកឧកញ៉ា លឹម ហេង ត្រូវបានចាត់តាំងជាប្រធានក្រុមការងារចំពោះកិច្ច អនុវត្តសម្របសម្រួលក្រុមការងារទាំង ១៦ផ្នែកឯកជន appeared first on Millions times.