តាមដានជាមួយយើង៖ Million Times

មុនចាកចេញទៅសហរដ្ឋអាមេរិក លោក ស៊ុន ចាន់ថុល ក៏បានមានប្រសាសន៏ថា បន្ទាប់ពីពិភាក្សាការងារតាមរយៈប្រព័ន្ធវីដេអូ(Zoom)រួចមក លោកមិនប្រាកដថាតឹងឬក៏ធូជាងមុននោះទេ បើគេមិនចង់ចរចារជាមួយកម្ពុជា ខាងភាគីអាមេរិកក៏គេមិនហៅកម្ពុជាទៅចរចានោះដែរ។ តាមពិតកម្ពុជា ស្ថិតក្នុងចំណោមប្រទេស ១៨ ទៅ២០ដំបូង ដែលត្រូវបានអនុញ្ញាតឱ្យចូលរួមក្នុងការចរចារពន្ធដោយផ្ទាល់ ប្រទេសគេនិងប្រទេសយើង មានឆន្ទះរាងខ្លួនក្នុងការចរចានេះ។

លោក ស៊ុន ចាន់ថុល ក៏បានបន្ថែមទៀតថា សម្រាប់សហរដ្ឋអាមេរិកគេយល់ណាស់ ដោយគេទទួលស្គាល់អំណាចនៃការបញ្ជារទិញនៅកម្ពុជាយើងមានកម្រិត ខណៈកម្ពុជានាំចេញទៅអាមេរិក ១២ពាន់លាន ចំណែកអាមេរិកនាំចូល៣០០លានដុល្លាក្នុងមួយឆ្នាំ ហើយសម្រាប់ការទៅលើកនេះ ក្នុងន័យ ចរចារ ការពារ ដើម្បីផលប្រយោជន៏កម្ពុជា។

 សម្រាប់ការចូលរួមក្នុងការចរចារពន្ធដោយផ្ទាល់នេះ លោក ស៊ុន ចាន់ថុល មានសង្ឃឹម ១០០ភាគរយ បើគ្មានសង្ឃឹមលោកក៏មិនចេញទៅដែរ ព្រោះលោកបានត្រៀមរួចរាល់ក្នុងការចរចារនេះ៕

អត្ថបទ៖ មោលី , រូបភាព ៖ Chanthol Sun

The post កិច្ចចរចារបញ្ហាពន្ធគយកម្ពុជានិងអាមេរិក ចាប់ផ្តើមថ្ងៃនេះ សង្ឃឹមទទួលផ្លែផ្កាល្អសងខាង appeared first on Millions times.

លោក Trump បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃសុក្រថា “Karoline Leavitt បានធ្វើការងារដ៏អស្ចារ្យជាអ្នកនាំពាក្យយុទ្ធនាការឃោសនាបោះឆ្នោតជាប្រវត្តិសាស្ត្ររបស់ខ្ញុំ ហើយខ្ញុំរីករាយក្នុងការប្រកាសថានាងនឹងបម្រើការជាអ្នកនាំពាក្យសេតវិមាន” ។

លោកនិយាយថា “Karoline គឺឆ្លាត ស្វិតស្វាញ និងបានបង្ហាញថាជាអ្នកប្រាស្រ័យទាក់ទងប្រកបដោយប្រសិទ្ធភាពខ្ពស់។ ខ្ញុំមានទំនុកចិត្តបំផុតថានាងនឹងពូកែនៅលើវេទិកា ហើយជួយបញ្ជូនសាររបស់យើងទៅកាន់ប្រជាជនអាមេរិក ដូចដែលយើងធ្វើឱ្យអាមេរិកអស្ចារ្យម្តងទៀត” ។

នាង Leavitt មានអាយុ ២៧ឆ្នាំនឹងក្លាយជាអ្នកនាំពាក្យសេតវិមានដែលក្មេងជាងគេក្នុងប្រវត្តិសាស្ត្រសហរដ្ឋអាមេរិក។ នាង Leavitt បានបម្រើការជាលេខាធិការសារព័ត៌មានជាតិនៃយុទ្ធនាការនេះ ដោយបានប្រមូលផ្តុំការគាំទ្រលោក Trump ខណៈពេលដែលនាងធ្វើការជាអ្នកការពារសម្តីដ៏កាចសាហាវរបស់លោក Trump ចំពេលមានការវាយប្រហារផ្នែកនយោបាយពីយុទ្ធនាការ Harris និងគណបក្សប្រជាធិបតេយ្យ៕

អត្ថបទ៖ សារ៉ាយ រូបភាព៖ Fox News

The post ប្រវត្តិសាស្រ្តអាមេរិកតែងតាំងស្រ្តីវ័យ ២៧ឆ្នាំធ្វេីជាអ្នកនាំពាក្យរបស់សេតវិមានក្នុងរដ្ឋបាល Trump appeared first on Millions times.

តាមដានជាមួយយើង៖ Million Times

សារព័ត៌មាន BBC បានចុះផ្សាយថា Teixeira យល់ព្រមសារភាពទោសកំហុសចំពោះការរក្សាទុក និងបញ្ជូនព័ត៌មានការពារជាតិដោយចេតនាកាលពីខែមីនា។ អំឡុងពេលធ្វើការនៅបន្ទាយការពារដែនអាកាស យុវជនរូបនេះបានលួចរក្សាទុកទិន្នន័យសំខាន់ៗដូចជា ផែនទី រូបភាពផ្កាយរណប និងព័ត៌មានពាក់ព័ន្ធនឹងសម្ព័ន្ធមិត្ត ក៏ដូចជាសង្គ្រាមជាដើម។

ក្នុងឯកសារសំខាន់ៗទាំងនោះ ក៏មានជាប់ពាក់ព័ន្ធនឹងការធ្វើសង្គ្រាមនៅអ៊ុយក្រែន ដែលជាព័ត៌មានសំងាត់បំផុតមួយផងដែរ ហើយយុវជនម្នាក់នេះ បានបង្ហោះឯកសារអស់ទាំងនោះ ទៅក្នុងផ្លេតហ្វមអនឡាញដ៏ពេញនិយមមួយ និងត្រូវបានចែករំលែកពាសពេញប្រព័ន្ធអ៊ីនធឺណិត៕

អត្ថបទ៖ Luffy រូបភាព៖ Independence

The post អាមេរិកកាត់ទោសយុវជនម្នាក់ ជាប់ពន្ធនាគារ ១៥ឆ្នាំពីបទបញ្ចេញឯកសារសំងាត់រដ្ឋាភិបាល appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា កាលពីខែធ្នូ ឆ្នាំ២០២៣ ប្រទេសសូម៉ាលី ទទួលបានកម្មវិធីលើកលែងបំណុលពីក្រុមប្រទេសធំៗ ក្នុងទំហំទឹកប្រាក់ ៤,៥ពាន់លានដុល្លារ ខណៈការលុបចោលបំណុលរបស់អាមេរិកសារនេះ គឺជាការលុបចោលបំណុលច្រើនបំផុត។

បំណុលទាំងនោះ ប្រទេសសូម៉ាលីបានខ្ចីពីសហរដ្ឋអាមេរិក ដើម្បីយកមកអភិវឌ្ឍន៍ប្រទេស ទាំងផ្នែកសេដ្ឋកិច្ច សន្តិសុខសង្គម និងផ្នែកមនុស្សធម៌។

សូមជម្រាបដែរថា ប្រទេសសូម៉ាលី គឺជាប្រទេសក្រីក្របំផុតមួយលើពិភពលោក ដោយមានបំណុលសឹងស្មើ ៧០% នៃ GDP សរុប៕

អត្ថបទ៖ Luffy រូបភាព៖ Bloomberg

The post អាមេរិកលុបចោលបំណុលជាង ១ពាន់លានដុល្លារ ពីប្រទេសសូម៉ាលី appeared first on Millions times.

តាមដានជាមួយយើង៖ Million Times

ផ្អែកតាមការចុះផ្សាយពីគេហទំព័រ Reuters បានបង្ហាញថា ការចំណាយលើអត្រាការប្រាក់ ការចាយវាយលើសលុបទៅលើកម្មវិធីចូលនិវត្តន៍ សន្តិសុខសង្គម ការថែទាំសុខភាព និងយោធា គឺជាដើមចមនៃការកើតមានឱនភាពថវិកាធ្ងន់ធ្ងរបំផុតរបស់រដ្ឋាភិបាលអាមេរិក។

របាយការណ៍ឱនភាពថវិកា ដែលបានបញ្ចប់ត្រឹមថ្ងៃទី៣០ ខែកញ្ញា មានកំណើន ៨% ប្រហែល ១៣៨ពាន់លានដុល្លារ ពីឱនភាពថវិកាឆ្នាំចាស់ដែលមាន ១,៧ទ្រីលានដុល្លារ ហើយវាក៏ជាចំណុចអាក្រក់បំផុតទី៣ ប្រចាំប្រវត្តិសាស្ត្រអាមេរិក បន្ទាប់ពីធ្លាប់មានឱនភាពថវិការហូតដល់ ៣,១ទ្រីលានដុល្លារនៅឆ្នាំ២០២០ និងចំនួន ២,៧ទ្រីលានដុល្លារនៅឆ្នាំ២០២១។

កត្តាជំរុញដ៏ធំបំផុតនៃឱនភាពក្នុងឆ្នាំនេះ គឺការកើនឡើង ២៩% នៃការចំណាយលើការប្រាក់ សម្រាប់បំណុលរតនាគារដល់ ១,១៣ទ្រីលានដុល្លារ ដោយសារការរួមបញ្ចូលគ្នានៃអត្រាការប្រាក់ខ្ពស់ និងបំណុលជាច្រើនទៀតសម្រាប់ហិរញ្ញវត្ថុ។

កត្តាជំរុញមួយទៀតនៃការកើនឡើងការចំណាយ សម្រាប់ឆ្នាំសារពើពន្ធរួមមាន សន្តិសុខសង្គម កើនឡើង ៧% ដល់ ១,៥ទ្រីលានដុល្លារ ការថែទាំសុខភាព កើនឡើង ៤% ដល់ ១,០៥ទ្រីលានដុល្លារ និងកម្មវិធីយោធាកើនឡើង ៦% ដល់ ៨២៦ពាន់លានដុល្លារ៕

អត្ថបទ៖ Luffy រូបភាព៖ Allsides

The post ឱនភាពថវិកាអាមេរិកកើនជិត ២ទ្រីលានដុល្លារ ជាចំណុចខ្ពស់បំផុតទី៣ ក្នុងប្រវត្តិសាស្ត្រ appeared first on Millions times.

បំណុលជាតិរបស់អាមេរិកបានកើនឡើងយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ជាពិសេសក្រោមការដឹកនាំរបស់លោកប្រធានាធិបតី Joe Biden និងអតីតប្រធានាធិបតី Trump បើទោះបីជាមានការសន្យាម្តងហើយម្តងទៀតថានឹងកាត់បន្ថយបំណុល ក្នុងអំឡុងពេលយុទ្ធនាការរកសំឡេងឆ្នោតនៅឆ្នាំ ២០១៦ ក៏ដោយ ។

តាមដានជាមួយយើង៖ Million Times

នៅពេលលោក Trump ធ្លាក់ចេញពីតំណែង បំណុលបានកើនឡើងដល់ ២៧.៧ ពាន់ពាន់លានដុល្លារ ដោយជាងពាក់កណ្តាលនៃបំណុលនេះ គឺជាការខ្ចីបុលទាក់ទងនឹងវិធានការទប់ស្កាត់រោគរាតត្បាតកូវីដ ១៩ ហើយនិន្នាការនេះបានបន្តដល់វេនលោក Biden ដែលមាន ៣៥ ពាន់ពាន់លានដុល្លារនេះតែម្ដង ។

ប្រធានគណៈកម្មាធិការថវិកាជាតិ លោក Jodey Arrington បានដាក់ក្ដីសង្ឃឹមថា ប្រសិនបើលោក Donald Trump ឈ្នះការបោះឆ្នោតនៅខែវិច្ឆិកាខាងមុខមែន គណបក្សសាធារណរដ្ឋនឹងអាចជួយបន្ធូរបន្ថយស្ថានការណ៍បំណុលនេះបាន ។

សូមជម្រាបថា ក្នុងរយៈពេល ១២ ខែចុងក្រោយនេះ បំណុលអាមេរិកបានកើនឡើងចំនួន ២.៣៥ ទ្រីលានដុល្លារ ពោលស្មើនឹង ១០៤,៤៩៧ ដុល្លារក្នុងមនុស្សម្នាក់ និង ២៦៦,២៧៥ ដុល្លារក្នុងមួយគ្រួសារ ឬស្មើ ៧៤,៤០១ ដុល្លារក្នុងមួយវិនាទី ៕

បកប្រែ ៖ ទីន

The post បំណុលជាតិអាមេរិកក្រោមការដឹកនាំរបស់ Trump និង Biden ឡើងដល់ ៣៥ ពាន់ពាន់លានដុល្លារ appeared first on Millions times.

លោក Mousa Abu Marzook បានថ្លែងប្រាប់សារព័ត៌មានរុស្ស៊ី Sputnik ថា “អាមរិកគឺជាអ្នកនៅពីក្រោយខ្នងនៃការលួចធ្វើឃាតលើមេដឹកនាំរបស់យើងនៅក្នុងរដ្ឋធានីតេហេរ៉ង់ប្រទេសអ៊ីរ៉ង់ ។ យើងសូមថ្កោលទោសការធ្ចើឃាតនេះថាជា “សកម្មភាពដ៏កំសាក” និងមិនអាចអត់ឱនបាន” ។

ទន្ទឹមនោះ ក្រុមចលនាប្រដាប់អាវុធប៉ាឡេស្ទីនមួយនេះក៏ប្ដេជ្ញានឹងមិនឱ្យអាមេរិក និងអ៊ីស្រាអែលដេកលក់ស្រួលផងដែរ ពោលនឹងបើកការវាយប្រហារសងសឹកដោយមិនចាំមានសំណួរចម្លើយនោះទេ ដើម្បីឱ្យសមនឹងទង្វើរដែលកើតមានឡើងនៅពេលនេះ ។

តាមដានជាមួយយើង៖ Million Times

ការវាយឆ្មក់ធ្វើឃាតលើលោក Ismail Haniyeh កើតមានឡើងក្នុងលំនៅដ្ឋានមួយកន្លែងនៅរដ្ឋធានីតេហេរ៉ង់ ជាទីដែលមេដឹកនាំក្រុមហាម៉ាសរូបនេះចូលរួមពិធីស្បថចូលកាន់តំណែងរបស់លោក Masoud Pezeshkian ជាប្រធានាធិបតីថ្មីរបស់អ៊ីរ៉ង់ ។

បុរសវ័យ ៦២ ឆ្នាំរូបនេះត្រូវបានគេចាត់ទុកថាជាអ្នកសម្របសម្រួលដ៏មានឥទ្ធិពលដើម្បីបញ្ចប់សង្គ្រាមប្រល័យពូជសាសន៍របស់អ៊ីស្រាអែលនៅតំបន់ហ្គាហ្សាដែលរហូតមកដល់ពេលនេះបានអូសបន្លាយពេលជិត ១ ឆ្នាំទៅហើយ ។

ទន្ទឹមនោះ លោក Ismail Haniyeh ក៏​ធ្លាប់​ធ្វើ​ជា​​នាយករដ្ឋមន្ត្រី​ប៉ាឡេស្ទីនផងដែរក្នុង​ឆ្នាំ ​២០០៦ ក្រោយ​ក្រុម​ហាម៉ាស​បាន​ឈ្នះ​ការ​បោះឆ្នោតសកល ប៉ុន្តែនៅឆ្នាំបន្ទាប់ លោកត្រូវបានដកអំណាចវិញ បន្ទាប់ពីសមាជិកក្រុមហាម៉ាសមើលមុខគ្នាមិនចំជាមួយបក្សលោកប្រធានាធិបតី​​ប៉ាឡេស្ទីន​ Mahmoud Abbas ៕

បកប្រែ ៖ ទីន

The post ក្រុមហាម៉ាសថាគ្មានអ្នកណាក្រៅពីអាមេរិកទេដែលបញ្ជាឱ្យអ៊ីស្រាអែលសម្លាប់មេដឹកនាំខ្លួន appeared first on Millions times.

លោកស្រី Jane Atherton ប្រធានក្រុមហ៊ុនវិនិយោគ Temasek ប្រចាំនៅអាមេរិកខាងជើងបានប្រាប់ទីភ្នាក់ងារព័ត៌មាន Reuters ថា “ក្រុមហ៊ុនមានចំណាប់អារម្មណ៍បណ្ដាក់ទុននៅសហរដ្ឋអាមេរិក ដោយសារតែក្រុមហ៊ុនមើលឃើញពីលក្ខណៈពិសេសលើផ្នែកជាច្រើនទាក់ទងនឹងបញ្ញាសិប្បនិម្មិត (AI) មជ្ឈមណ្ឌលផ្ទុកទិន្នន័យ និងឧបករណ៍អេឡិចត្រូនិកជាដើម” ។

តាមដានជាមួយយើង៖ Million Times

ទន្ទឹមនោះ ការបណ្ដាក់ទុនវិនិយោគនេះ ក៏ដោយសារតែសេដ្ឋកិច្ចអាមេរិកបានហក់លឿនជាងការរំពឹងទុកប្រមាណជា ១៤.៥ ភាគរយ នៅក្នុងត្រីមាសទី ២ បើទោះបីជាមានបញ្ហាលើអតិផរណា និងអត្រាប្រាក់កម្ចីកើនឡើងខ្ពស់ក៏ដោយ ។

បច្ចុប្បន្នក្រុមហ៊ុន Temasek គ្រប់គ្រងភាគហ៊ុន ២៨៨ ពាន់លានដុល្លារ ដែលផ្តោតលើការវិនិយោគរយៈពេលវែងលើផ្នែកឌីជីថល ជាពិសេសក្រុមហ៊ុនសិង្ហបុរីមួយនេះពឹងផ្អែកលើប្រាក់ចំណូលចេញពីវិស័យបច្ចេកវិទ្យា Megacap ។

សូមជម្រាបថា ក្រុមហ៊ុនសិង្ហបុរី Temasek ក៏កំពុងស្វែងរកការបណ្ដាក់ទុនវិនិយោគបន្ថែមទៀតផងដែរទាំងនៅក្នុងទីផ្សារសាធារណៈ និងឯកជន ដោយសារក្រុមហ៊ុនភាគហ៊ុនឯកជនកាន់តែច្រើនព្យាយាមដកខ្លួនចេញពីទឹកដីនៃសហរដ្ឋអាមេរិក ៕

បកប្រែ ៖ ទីន

The post ក្រុមហ៊ុនដ៏ធំមួយរបស់សិង្ហបុរីគ្រោងបណ្ដាក់ទុនវិនិយោគ ៣០ ពាន់លានដុល្លារនៅអាមេរិក appeared first on Millions times.

ប្រសិនបើគិតទាំងឆ្នាំមុនៗទៀត នេះគឺជាការកើនឡើង ៨ ត្រីមាសជាប់ៗហើយសម្រាប់ប្រទេសមហាអំណាចសេដ្ឋកិច្ចរបស់ពិភពលោកមួយនេះ បើទោះបីជាមានសម្ពាធពីអត្រាការប្រាក់ហក់ឡើងខ្ពស់ជាបន្តបន្ទាប់ក៏ដោយ ។

យោងតាមរបាយការណ៍ដែលចេញផ្សាយដោយនាយកដ្ឋានពាណិជ្ជកម្មបានឲ្យដឹងថា តួលេខ ២.៨ ភាគរយនេះគឺជាកំណើនទ្វេរដង បើប្រៀបធៀបនឹងត្រីមាសដំបូងនៃឆ្នាំ ២០២៤ ដោយមានត្រឹម ១.៤ ភាគរយប៉ុណ្ណោះ ។

តាមដានជាមួយយើង៖ Million Times

ទោះបីជាមានសន្ទុះកើនឡើងក្នុងត្រីមាសមុនក៏ដោយ ប៉ុន្តែសេដ្ឋវិទូព្យាករណ៍ថា សេដ្ឋកិច្ចអាមេរិកនឹងដាំក្បាលចុះវិញប្រមាណ ១.៩ ភាគរយនៅចុងឆ្នាំនេះ ដោយសារភាពមិនច្បាស់ការនៃគោលនយោបាយរបស់មេដឹកនាំថ្មី ។

ទន្ទឹមនោះ ការព្យាករណ៍ពីការធ្លាក់ចុះសេដ្ឋកិច្ចពីសំណាក់សេដ្ឋវិទូ ក៏ដោយសារតែបច្ចុប្បន្នអាមេរិកនៅតែស្ថិតក្នុងស្ថានភាពស្រពិចស្រពិលពីអត្រាប្រាក់កម្ចីខ្ពស់បំផុតមិនធ្លាប់ក្នុងរយៈពេលជាច្រើនទស្សវត្ស ដែលដាក់ចេញដោយធនាគាកណ្ដាលដើម្បីប្រយុទ្ធប្រឆាំងនឹងអតិផរណាខ្ពស់ ។

សូមជម្រាបថា អាមេរិកបានប៉ះរលាកបញ្ហាអតិផរណាកើនឡើងមិនធ្លាប់មានរហូតដល់ ៩ ភាគរយកាលពីឆ្នាំ ២០២២ ដោយសារតែបញ្ហាវិបត្តិសេដ្ឋកិច្ចសកលដែលកើតចេញពីរោគរាតត្បាតកូវីដ ១៩ និងភ្លើងសង្គ្រាមនៅអ៊ុយក្រែនជាដើម ៕

បកប្រែ ៖ ទីន

The post សេដ្ឋកិច្ចអាមេរិកហក់ឡើង ៨ ត្រីមាសជាប់ៗគ្នា តែសេដ្ឋវិទូថា នឹងដាំក្បាលចុះក្រោមវិញនៅចុងឆ្នាំ appeared first on Millions times.

ប្រភពជិតស្និទ្ធនឹងប្រធានាធិបតីបញ្ជាក់បន្ថែមទៀតថា លោក Biden បានយល់ព្រមឱ្យដាក់អនុប្រធានាធិបតីលោកស្រី Kamala Harris ជាបេក្ខជនតំណាងគណបក្សដើម្បីតតាំងជាមួយលោក Donald Trump បន្ទាប់ពីលោកហាក់ធ្លាក់ប្រជាប្រិយភាព ។

តាមដានជាមួយយើង៖ Million Times

សមាជិកបក្សជាច្រើនមើលឃើញដូចៗគ្នាថា លោកប្រធានាធិបតីវ័យ ៨២ ឆ្នាំរូបនេះកាន់តែទ្រុឌទ្រោម និងមានការនឿយហត់ច្រើន ដូច្នេះលោកប្រហែលជាមិនអាចយកឈ្នះការបោះឆ្នោតលើលោក Trump បាននោះទេ ។

សារព័ត៌មាន Axios ក៏បានរាយការណ៍ផងដែរថា លោក Biden អាចនឹងដកខ្លួនចេញនៅចុងសប្តាហ៍នេះ ខណៈដែលទូរទស្សន៍ NBC បានចុះផ្សាយដោយស្រង់សម្ដីអតីតប្រធានាធិបតីលោក Barack Obama ថា “លោក Biden គួរតែពិចារណាឱ្យបានហ្មត់ចត់អំពីលទ្ធភាពនៃបេក្ខភាពរបស់លោក” ។

សូមជម្រាបថា ប្រជាប្រិយភាព​របស់​លោក Biden ​ធ្លាក់ចុះ​អស់​រយៈ​ពេល​ ៣ សប្តាហ៍​ទៅហើយ ចាប់​តាំង​ពី​ការតតាំងគ្នាក្នុងការ​ជជែក​ដេញ​ដោលតាម​កញ្ចក់​ទូរទស្សន៍ជាមួយ​លោក Trump ។ ពេលនោះលោក Biden ហាក់បង្ហាញភាពចាញ់ច្រាបលើលោក Trump ដោយសារតែកត្តាអាតុ និងកាយសម្បទា​របស់លោក ៕

បកប្រែ ៖ ទីន

The post លោក Biden ទទួលយកមតិយោបល់សមាជិកបក្សឱ្យដកខ្លួនចេញពីបេក្ខភាពប្រធានាធិបតី appeared first on Millions times.