មង្គលការ Archives - Millions times

ស្អាតណាស់ ទិដ្ឋភាពពេលរាត្រីនៃមង្គលការកូនស្រីឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍

Vin Chang — Tue, 12 May 2026 07:02:16 +0000

កម្មវិធីមង្គលការកូនស្រី រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងកូនប្រុស រដ្ឋលេខាធិការទីស្តីការគណៈរដ្ឋមន្ត្រី បានរៀបចំរយៈពេល ២ថ្ងៃ តាំងពីថ្ងៃ ១០ និងថ្ងៃ ១១ ខែឧសភា ឆ្នាំ ២០២៦ ដោយមានការអញ្ជើញចូលរួមពីសំណាក់ពីឥស្សរជន ថ្នាក់ដឹកនាំ អ្នកឧកញ៉ាៗ ព្រមទាំងច្រើនរូប។

តាមដានជាមួយយើង៖ Million Times

មង្គលការរយៈពេល ២ ថ្ងៃនៃគ្រួសារមន្ត្រីរាជការ ២ រូប នោះគឺកូនប្រុសឯកឧត្តម ម៉ឹង មករា រដ្ឋលេខាធិការទីស្តីការគណៈរដ្ឋមន្ត្រី និងស្រី ជា ជុតិម៉ា ដោយកូនកំលោះនាម ផន សុផានិត និងកូនក្រមុំ ជា អាំងជូឡា ត្រូវជាកូនស្រី ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងលោកស្រី សុខ លី។ ពិធីមង្គលនេះដែរ មានការចូលរួមពីភ្ញៀវគ្រប់ជាន់ថ្នាក់ ហើយទិដ្ឋភាពនាពេលរាត្រីវិញ រឹតតែពិសេសនិងស្រស់ស្អាតមែនទែន។

អត្ថបទ៖ឆដា, រូបភាព៖ The ring wedding cambodia

The post ស្អាតណាស់ ទិដ្ឋភាពពេលរាត្រីនៃមង្គលការកូនស្រីឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ appeared first on Millions times.

មង្គលការគ្រួសារអ្នករាជការ ២ មានការចូលរួមពីសំណាក់ថ្នាក់ដឹកនាំជាន់ខ្ពស់ ឥស្សរជន និងអ្នកជំនួញ

Vin Chang — Mon, 11 May 2026 09:39:42 +0000

មង្គលការរយៈពេល ២ ថ្ងៃនៃគ្រួសារមន្ត្រីរាជការ ២ រូប នោះគឺកូនប្រុសលោក ម៉ឹង មករា រដ្ឋលេខាធិការទីស្តីការគណៈរដ្ឋមន្ត្រី និងស្រី ជា ជុតិម៉ា ដោយកូនកំលោះនាម ផន សុផានិត និងកូនក្រមុំ ជា អាំងជូឡា ត្រូវជាកូនស្រី លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងលោកស្រី សុខ លី។

តាមដានជាមួយយើង៖ Million Times

វត្តមានថ្នាក់ដឹកនាំសំខាន់ៗ ដូចជាសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, សម្ដេចវិបុលសេនាភក្តី សាយ ឈុំ, សម្ដេចក្រឡាហោម ស ខេង សម្ដេចកិត្តិសង្គហបណ្ឌិត ម៉ែន សំអន,សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា, ឧបនាយករដ្ឋមន្ត្រី ស សុខា, ឧបនាយករដ្ឋមន្ត្រី នេត សាវឿន លោកអ្នកឧកញ៉ា ភាព ហៀក អ្នកឧកញ៉ា លាង ម៉េង ឧកញ៉ា លី ឆេង ព្រមទាំងឯកឧត្តម លោកជំទាវ អ្នកមុខអ្នកការ និងភ្ញៀវកិត្តិយសជាច្រើនរូបទៀត។

សម្រាប់មង្គលការដ៏អស្ចារ្យនៃត្រកូលមន្រ្តីរាជការទាំង ២ បានរៀបចំឡើងយ៉ាងអធិកអធមនៅមជ្ឈមណ្ឌល OCIC ដែលបានរៀបចំតុបតែងពណ៌មាសយ៉ាងភ្លឺចិញ្ចាច ស័ក្ដិសមឋានៈ តួនាទីនៃវង្សត្រកូលរបស់កូនកំលោះកូនក្រមុំ៕

អត្ថបទ៖ឆដា, រូបភាព៖ The ring wedding cambodia

The post មង្គលការគ្រួសារអ្នករាជការ ២ មានការចូលរួមពីសំណាក់ថ្នាក់ដឹកនាំជាន់ខ្ពស់ ឥស្សរជន និងអ្នកជំនួញ appeared first on Millions times.

ឈុតទទួលផ្កាស្លាពណ៌ទឹកប្រាក់កូនអ្នកអភិជនគូនេះ សមជាមួយស្បែកជើង Jimmy Choo

Vin Chang — Thu, 26 Mar 2026 10:01:27 +0000

ឈុតមង្គលការទទួលផ្កាស្លាពេលព្រឹករបស់ អ៊ឹង ស៊ីវឈីនស៊ី និងស្វាមី លីម ហ្វីលីប ដែលជាកូនប្រុសស្រីនៃត្រកូលអភិជន ២ ទទួលបានការចាប់អារម្មណ៍ច្រើន ក៏ព្រោះតែជាពណ៌ប្លែកកម្រមានអ្នកប្រើ។

តាមដានជាមួយយើង៖ Million Times

ឈុតស្បៃពណ៌ទឹកប្រាក់ គឺជាពណ៌កម្រក្នុងការយកយកគ្រងលើកូនកំលោះកូនក្រមុំ ដើម្បីទទួលភ្ញៀវពេលព្រឹកយ៉ាងស្រស់ស្អាត សមរម្យខ្លាំងមែនទែន ហើយអ្វីដែលកាន់តែមើលទៅល្អអស់ទាស់ជាមួយស្បែកជើង Jimmy Choo Crystal Covered Pointy Toe Pumps ពណ៌ទឹកប្រាក់។

កន្លងមកមិនថាមង្គលការធម្មតា ឬក្នុងត្រកូលអ្នកល្បីនោះទេ កម្មវិធីទទួលផ្កាស្លា ឬហៅម្យ៉ាងទៀតបានថា កម្មវិធីហែរជំនូន ភាគច្រើនកូនក្រមុំ និងកូនកំលោះក្រងពណ៌ទឹកមាស ឬពណ៌ទឹកក្រូច និងផ្កាឈូកជាដើម។

សម្រាប់ឈុតស្បៃពណ៌ទឹកប្រាក់របស់ក្រមុំ អ៊ឹង ស៊ីវឈីនស៊ី ជាកូនស្រីបណ្ដូលចិត្តអ្នកឧកញ៉ា អ្នកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdingsនិងស្វាមី លីម ហ្វីលីប កូនប្រុសច្បងឧកញ៉ា ចាប មួយហុង ពិតជាស្រស់ និងប្រណីតខ្លាំង។ ដោយអមជាមួយគ្រឿងអលង្ការ និងទ្រង់គ្រឿងពណ៌ទឹកប្រាក់ទាំងអស់។

ក្នុងនោះសូម្បីស្បែកជើងកែងក៏ពណ៌ទឹកប្រាក់ដែលជាប្រេន Jimmy Choo តម្លៃ ៤ ៩០០ ដុល្លារដែលម៉ូដនោះ Inspired មកពីរឿង “Cinderella”។ មិនត្រឹមតែកូនកំលោះកូនក្រមុំឡើយដោយគ្រងឈុតពណ៌ទឹកប្រាក់ពេលព្រឹកអ្នកដឹកដៃកូនកំលោះ និងកូនក្រមុំ ព្រមទាំងក្រុមគ្រួសារសុទ្ធតែជ្រើសពណ៌នេះដូចគ្នា៕

អត្ថបទ៖ ឆដា, រូបភាព៖ The ring wedding cambodia

The post ឈុតទទួលផ្កាស្លាពណ៌ទឹកប្រាក់កូនអ្នកអភិជនគូនេះ សមជាមួយស្បែកជើង Jimmy Choo appeared first on Millions times.

មង្គលការរយៈពេល ២ថ្ងៃ របស់កូនស្រីប្រធានអគ្គនាយកក្រុមហ៊ុន ING Holdings ស្អាតអស្ចារ្យ

Vin Chang — Mon, 23 Mar 2026 07:38:44 +0000

កាលពីចុងសប្ដាហ៍មុនអ្នកឧកញ៉ា អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings បានរៀបចំកម្មវិធីមង្គលការឲ្យកូនស្រីយ៉ាងអធិកអធម ដោយមានវត្តមានភ្ញៀវកិត្តិយសទាំងក្នុងជួរមន្ត្រីរាជការ និងអ្នកជំនួញធំៗប្រចាំស្រុកខ្មែរ។

តាមដានជាមួយយើង៖ Million Times

មង្គលការកូនប្រុសស្រីនៃត្រកូលអភិជនទាំង ២ បានរៀបចំកម្មវិធីយ៉ាងប្រណីតឥតខ្ចោះស័ក្ដិសមជាអ្នកមានមុខមាត់ក្នុងសង្គម និងជាត្រកូលអ្នកជំនួញធំ។ សម្រាប់កម្មវិធីមង្គលការរវាងកូនស្រីប្រធានអគ្គនាយកក្រុមហ៊ុន ING Holdings អ្នកឧកញ៉ា អ៊ឹង ប៊ុនហ៊ូវ និងឧកញ៉ា ចាប មួយហុង បានតុបតែងឡើងដោយផ្កាស្រស់ជាច្រើនប្រៀបដូចឋានសួគ៌លើដី។

មិនត្រឹមតែរៀបចំតុបតែងឡើងដោយផ្កាស្រស់ឡើយ កូនកំលោះ និងកូនក្រមុំក៏បានលម្អបន្ថែមដោយចម្លាក់អប្សរា ដែលបញ្ជាក់អត្តសញ្ញាណខ្មែរយ៉ាងច្បាស់ដល់ភ្ញៀវជាតិ និងអន្តរជាតិ ដែលបានអញ្ជើញឲ្យពរជ័យសិរីមង្គលដល់គូស្វាមីភរិយាថ្មីថ្មោង។

ងាកមកដល់កម្មវិធីពេលល្ងាចជាការជប់លៀងវិញ ឃើញថាកូនក្រមុំ អ៊ឹង ស៊ីវឈីនស៊ី និងស្វាមី លីម ហ្វីលីប បានជ្រើសរើសឈុតសម្លៀកបំពាក់បែបបស្ចិមប្រទេស ខុសពីកម្មវិធីបុរាណ ត្រូវប្រើប្រពៃណីខ្មែរទាំងអស់៕

អត្ថបទ៖ឆដា, រូបភាព៖ The ring wedding cambodia

The post មង្គលការរយៈពេល ២ថ្ងៃ របស់កូនស្រីប្រធានអគ្គនាយកក្រុមហ៊ុន ING Holdings ស្អាតអស្ចារ្យ appeared first on Millions times.

ក្រោយភ្ជាប់ពាក្យជាងកន្លះឆ្នាំកូនស្រីថៅកែទូរទស្សន៍ថោន បានចូលរោងជ័យជាមួយកូនកំលោះអ្នក ឧកញ៉ា ឡេង ហួរ

Vin Chang — Mon, 02 Mar 2026 05:03:17 +0000

កូនក្រមុំថៅកែទូរទស្សន៍ថោន នាម វ៉ា ដាណា និងកូនកំលោះអ្នកឧកញ៉ា ឡេង ហួរ ឈ្មោះ ឡេង ស្រ៊ួយហាក់ បានដឹកដៃគ្នាចូលរោងមង្គលជ័យ ក្រោមស្នូលទះដៃអបអរសាទរ ពីញាតិមិត្តប្រុសស្រីទាំងសងខាងកាលពីចុងខែកុម្ភៈកន្លងទៅថ្មីៗនេះ។

តាមដានជាមួយយើង៖ Million Times

កាលពីថ្ងៃ ២៥ ខែឧសភា ឆ្នាំ ២០២៥ ថៅកែផលិតកម្មថោន និងអ្នកឧកញ៉ា ឡេង ហួរ បានរៀបចំពិធីភ្ជាប់ពាក្យរហូតមកដល់ថ្ងៃរៀបការ មានរយៈពេលជាងកន្លះឆ្នាំ។ មកដល់ថ្ងៃកម្មវិធីមង្គលការលោក វ៉ា សុធា និងអ្នកឧកញ៉ា ឡេង ហួរ បានរៀបចំយ៉ាងអធិកអធមរវាងកូនកំលោះ ឡេង ស្រ៊ួយហាក់ ដ៏ស្រស់សង្ហា និងកូនក្រមុំ វ៉ា ដាណា ដ៏ស្រស់សោភា។

កម្មវិធីមង្គលជ័យនៃត្រកូលអភិជនទាំង ២ បានរៀបចំឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារកាលពីថ្ងៃ ២៨ ខែកុម្ភៈ កន្លងទៅ ដោយមានការអញ្ជើញចូលរួមពីសំណាក់អ្នកជំនួញធំៗ និងមន្ត្រីអ្នកមុខអ្នកការជាច្រើនរូប។

ងាកទៅមើលសម្រស់ម្ដាយឪពុកកូនកំលោះ និងកូនក្រមុំ និងសាច់ញាតិឯណោះវិញ ក៏រៀបចំខ្លួន និងសម្លៀកបំពាក់ប្រពៃណី កាបូបស្បែកជើង រួមទាំងគ្រឿងអលង្ការយ៉ាងស្រស់ស្អាត ល្អប្រណីត។

ក្នុងរោងកម្មវិធីដ៏ធំរបស់គ្រួសារអ្នកជំនួញទាំង ២ មានការតុបតែងថ្មី ប្លែកពីរោងអភិជនដទៃ ដោយផ្ដោតបែបជាព្រៃព្រឹក្សាជាជាងផ្កាស្រស់ អមដោយផ្ទាំងភ្នំ។ ចំណែកកូនកំលោះកូនក្រមុំ ត្រូវបានសម្អាងរៀបចំយ៉ាងស្រស់ស្អាតទាំង ២ តែម្ដង៕

អត្ថបទ៖ ឆដា, រូបភាព៖ One Memory

The post ក្រោយភ្ជាប់ពាក្យជាងកន្លះឆ្នាំកូនស្រីថៅកែទូរទស្សន៍ថោន បានចូលរោងជ័យជាមួយកូនកំលោះអ្នក ឧកញ៉ា ឡេង ហួរ appeared first on Millions times.

គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់

Vin Chang — Mon, 23 Feb 2026 08:07:41 +0000

ថ្មីៗនេះមង្គលការនៅក្នុងសង្គមខ្មែរដែលល្បីខ្លាំងចំពោះការបំផុតគំនិតបែបបុរាណកាលរបស់កូនប្រុសឯកឧត្ដម សុខ ចិន្តាសោភា និងលោកជំទាវ ទន់ ឯកសូហ្វី នាម សុខ សេរីឧត្តម និងកូនក្រមុំនាម លី សូវុន ដារីតា ជាបុត្រីឧកញ៉ា សៅ សេងហាក់ ព្រមទាំងលោកជំទាវ រស់ តារ៉ា ទទួលបានការកោតសរសើរពេញបណ្ដាញសង្គម។

តាមដានជាមួយយើង៖ Million Times

មង្គលការកូនអភិជនគូនេះ ត្រូវបានគេលើកឡើងថា ដូចកាលរៀបចំកូនដង្ខៅ កាលពីរាប់រយឆ្នាំមុន។ ដោយសារតែគ្រឿងសង្ហារិមបែបបុរាណខ្មែរពណ៌ធម្មជាតិក្រម៉ៅៗ តុ ទូ កៅអី ហឹប ជាច្រើន គឺគំនិតកូនក្រមុំ លី សូវុន ដារីតា ហើយសម្ភារភាគច្រើនលើសលប់ទៀតសោត ក៏ជាកម្មសិទ្ធិរបស់គ្រួសារឧកញ៉ា សៅ សេងហាក់ ផ្ទាល់ផងដែរ។

មង្គលការត្រកូលអភិជនជាន់ខ្ពស់គូនេះ ប្រៀបដូចជាផ្ទាំងទស្សនីយភាពសិល្បៈបុរាណមួយដែលឆ្លុះបញ្ចាំងឲ្យឃើញពីទិដ្ឋភាពពិតនៅក្នុងពិធីមង្គលការនាសម័យបុរាណ ហើយក៏អាចក្លាយជាឯកសារប្រវត្តិសាស្ត្រមួយសម្រាប់មនុស្សជំនាន់ក្រោយបានស្វែងយល់ទៀតផង។

ក្រៅពីការតុបតែងបុរាណចំហើយនោះ បន្លែផ្លែឈើសម្រាប់ហែរជំនូនក៏សុទ្ធសឹងជារបស់ក្នុងស្រុក ហើយផ្លែឈើខ្លះទៀតសឹងតែគ្មានអ្នកស្គាល់ដូចជាក្រូចម្រាមដៃព្រះជាដើម។

មង្គលការកូនស្រីរបស់ឧកញ៉ា សៅ លាងហាក់ ជាមួយកូនប្រុសឯកឧត្ដម សុខ ចិន្តាសោភា ខុសប្លែកពីរោងការដែលពោរពេញទៅដោយផ្កាស្រស់ដែលនាំចូលពីបរទេស តែបែរជានាំយកស្លឹកត្នោត ផ្កាក្រដាស ដើមចេក និងដើមឈើក្នុងព្រៃខ្មែរ មកបន្ថែមសម្រស់ក្នុងរោងការ៕

អត្ថបទ៖ ឆដា, រូបភាព៖ FAST films&photography

The post គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់ appeared first on Millions times.

សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត

Vin Chang — Fri, 20 Feb 2026 10:04:28 +0000

អគ្គនាយកទឹកស្ព្រីងប្រូវីដា អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ជាស្វាមីភរិយា ដែលតែងបណ្ដើរគ្នាត្រសង ចូលរួមកម្មវិធីពិសេសរបស់មិត្តសម្លាញ់ តាំងពីអ្នកទាំង ២ រៀបអាពាហ៍ពិពាហ៍មកម្ល៉េះ។

តាមដានជាមួយយើង៖ Million Times

ម្សិលមិញសេដ្ឋីវ័យក្មេង អ៊ឹង ស៊ីវឈន់ និងព្រះនាង សូរិយា បានចូលរួមកម្មវិធីចូលរោងការរបស់មិត្តសម្លាញ់នៅThe Premiere Sen Sok ដោយការបង្ហាញខ្លួនថ្ងៃទី១ ព្រះនាង សូរិយា បានរៀបចំកាយាធម្មតា តែស្អាតអស្ចារ្យក្នុងឈុតប្រពៃណីខ្មែរ។

ព្រះនាង នរោត្តម ពង្ស់សូរិយា គ្រងសំពត់បត់ច្នៃពីផាមួង និងអាវពាក់ពណ៌សាច់ គ្រប់ដោយស្បៃពណ៌ខ្មៅ សមនឹងកាបូបដៃ Hermès Mini Kelly – Mauve Sylvestre តម្លៃជាង ៣ ម៉ឺនដុល្លារ។

ភរិយាសេដ្ឋីវ័យក្មេង អ៊ឹង ស៊ីវឈន់ ព្រះនាង ពង្ស់សូរិយា តែងតែលេចធ្លោមិនថាគ្រប់ពេលចូលរួមក្នុងកម្មវិធីពិសេសណាមួយ។ ដូចនេះមង្គលការមិត្តសម្លាញ់របស់ទ្រង់ ដែលកូនកំលោះគឺជាកូនប្រុសឯកឧត្តម សុខ ចិន្តាសោភា និងកូនក្រមុំជាកូនស្រីបណ្ដូលចិត្តឧកញ៉ា សៅ សេងហាក់៕

អត្ថបទ៖ឆដា, រូបភាព៖ Mey Hoar, Soriya Norodom និង Seav Chhuon Ing

The post សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត appeared first on Millions times.

ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់

Vin Chang — Fri, 20 Feb 2026 09:13:04 +0000

មង្គលការថ្ងៃទី ២ របស់កូនប្រុសឯកឧត្ដម សុខ ចិន្តាសោភាដែលបានចង់មេត្រីជាមួយកូនស្រីឧកញ៉ា សៅ សេងហាក់ មានការចូលរួមពីសំណាក់បុគ្គលល្បីៗលំដាប់ប្រទេស ព្រមទាំងអ្នកជំនួញតូចធំជាច្រើនរូប។

តាមដានជាមួយយើង៖ Million Times

ក្នុងចំណោមភ្ញៀវកិត្តិយសជាច្រើនរួមមានទាំងសម្ដេចតេជោ ហ៊ុន សែន, លោកអ្នកឧកញ៉ា ភាព ហៀក, ឯកឧត្ដម ខៀវ កាញ៉ារិទ្ធ, ឧកញ៉ា កែវ មុំ, អ្នកឧកញ៉ា សៀ ឬទ្ធី, អ្នកឧកញ៉ា ម៉ុង ឫទ្ធី និងអ្នកមុខអ្នកការមន្ត្រីរាជការតូចធំជាច្រើនរូបទៀត។

ក្នុងកម្មវិធី The Premiere Sen Sok របស់ប្រុសឯកឧត្ដម សុខ ចិន្តាសោភា និងកូនស្រីឧកញ៉ា សៅ សេងហាក់ ហាក់មានភាពប្លែកពីមង្គលការអភិជនដទៃក្នុងការរៀបចំតុបតែងផ្កាផ្សេងៗ ហើយសម្លៀកបំពាក់កូនកំលោះកូនក្រមុំក៏មើលទៅស្អាតបាត រម្យទម។

កម្មវិធីមង្គលកូនអ្នកមុខអ្នកការនេះ ទទួលបានការចាប់អារម្មណ៍ខ្លាំងពីសំណាក់មហាជន ព្រោះមើលទៅដូចរៀបចំក្នុងបឹង មានឈូក រុក្ខជាតិលើទឹក តែមិនមែនជាផ្កាស្រស់ថ្លៃៗ ដូនកូនសេដ្ឋីដទៃ៕

អត្ថបទ៖ ឆដា៖ រូបភាព៖ Kanharith Khieu, ឯកឧត្តមបណ្ឌិត ម៉ុង ឫទ្ធី

The post ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់ appeared first on Millions times.

ឈុតកូនក្រមុំដ៏ស្រស់ស្អាតរបស់កូនស្រីចៅហ្វាយខេត្តប៉ៃលិន នារាត្រីមង្គលការ ជាម៉ាកយីហោដ៏អស្ចារ្យ

Vin Chang — Mon, 02 Feb 2026 07:20:07 +0000

កាលពីចុងខែមករា ឆ្នាំ ២០២៦ កន្លងទៅអភិបាលខេត្តប៉ៃលិនលោកស្រី បាន ស្រីមុំ បានរៀបចំមង្គលការឲ្យកូនស្រីដ៏ស្រស់ស្អាត ជាមួយកូនកំលោះជាជនបរទេស យ៉ាងគគ្រឹកគគ្រេងនៅរាជធានីភ្នំពេញ។

តាមដានជាមួយយើង៖ Million Times

បើទោះជាកម្មវិធីត្រូវបានបញ្ចប់យ៉ាងស្រស់ស្អាតក្រោមក្រសែភ្នែកភ្ញៀវជាតិអន្តរជាតិជាច្រើនក៏ពិតមែន តែសម្រស់កូនក្រមុំនៅពេលរាត្រីនៅតែធ្វើឲ្យមហាជនចងចាំ ពីទិដ្ឋភាពនាថ្ងៃមង្គលការកូនចៅអ្នកមុខអ្នកការរូបនោះ។

ក្រោយរៀបចំកិច្ចបែបប្រពៃណីចប់សព្វគ្រប់ កូនក្រមុំ ឈាន ចាស្មីន នារាត្រីពិសេសបានក្រងរ៉ូបវែងបែបជនជាតិអឺរ៉ុបដ៏ស្រស់ស្អាត ទាំងមនុស្សនិងឈុត។ ឈុតរ៉ូបកូនក្រមុំសវែងអន្លាយរបស់កូនស្រីចៅហ្វាយខេត្តប៉ៃលិនជា Collection របស់ House of Luxe Bridal Atelier ដែលជាហាងដ៏ល្បី។

សម្រាប់តម្លៃរបស់ House of Luxe Bridal Atelier ដែលកូនស្រីចៅហ្វាយខេត្តប៉ៃលិនស្លៀកនាថ្ងៃមង្គលការ សម្រាប់កម្មវិធីជប់លៀងពេលល្ងាចនោះ ពិតជាស្រស់ស្អាត ស័ក្ដិសមនឹងឋានៈមុខមាត់ក្នុងសង្គមនៃគ្រួសារខាងកូនក្រមុំ។ House of Luxe Bridal Atelier គឺជាហាងរ៉ូបអាពាហ៍ពិពាហ៍ប្រណីត នៅក្នុងទីក្រុងម៉ៃអាមី។

សម្រាប់តម្លៃមិនទាន់ត្រូវបាន House of Luxe Bridal Atelier បញ្ចេញ ឲ្យដឹងឡើយ តែឈុតដែលកូនក្រមុំអភិបាលខេត្តប៉ៃលិនលោកស្រី បាន ស្រីមុំ គ្រងនាពេលរាត្រីនោះ ទើបចេញថ្មីបំផុត សម្រាប់កម្មវិធី La Premiere Bridal Trunk Show ដែលមានការប្រមូលផ្ដុំថ្មីនារដូវស្លឹកឈើជ្រុះ/រដូវរងា ឆ្នាំ ២០២៦៕

អត្ថបទ៖ ឆដា, រូបភាព៖ One Memory

The post ឈុតកូនក្រមុំដ៏ស្រស់ស្អាតរបស់កូនស្រីចៅហ្វាយខេត្តប៉ៃលិន នារាត្រីមង្គលការ ជាម៉ាកយីហោដ៏អស្ចារ្យ appeared first on Millions times.

កូនស្រីចៅហ្វាយខេត្តប៉ៃលិន បាន ស្រីមុំ រៀបចំមង្គលការដ៏ធំនៅភ្នំពេញ

Vin Chang — Thu, 29 Jan 2026 04:00:23 +0000

លោកស្រី បាន ស្រីមុំ អភិបាលខេត្តប៉ៃលិន បានរៀបចំមង្គលការកូនស្រីយ៉ាងអធិកអធម នៅភ្នំពេញនៅអាគារ OCIC កាលពីម្សិលមិញថ្ងៃ ២៨ ខែមករា ឆ្នាំ ២០២៦។

តាមដានជាមួយយើង៖ Million Times

មង្គលការកូនស្រីចៅហ្វាយខេត្តប៉ៃលិន ដោយកូនក្រមុំនាម ឈាន ចាស្មីន និងកូនកំលោះជាជនបរទេសឈ្មោះ ឃឺត ភីបភល។ មង្គលការដ៏ធំនេះ មានការអញ្ជើញចូលរួមពីសំណាក់មន្រ្តីរាជការ និងអ្នកជំនួញធំៗប្រចាំស្រុកខ្មែរ។

កម្មវិធីដ៏អស្ចារ្យរបស់គ្រួសារមន្រ្តីធំរូបនេះ ក៏មានភ្ញៀវជាបរទេសច្រើនមកចូលរួមផងដែរ។ មិនថាការរៀបចំតុបតែង និងបដិសណ្ឋារកិច្ចឡើយ លោកស្រី បាន ស្រីមុំ ធ្វើបានយ៉ាងល្អគ្មានកន្លែងទាស់ឡើយ។

កាន់តែពិសេសគឺកូនក្រមុំដ៏ស្រស់សោភា មិនថាស្ថិតក្នុងឈុតបុរាណ និងឈុតសម័យឡើយ សម្រស់ស្រទន់គយគន់មិនចេះជិនណាយឡើយ។ ចំណែកភ្ញៀវកិត្តិយសដែលចូលរួមកម្មវិធីសុទ្ធតែអ្នកមានមុខមាត់ក្នុងកម្មវិធី ដូចនេះហើយម្នាក់ៗទាំងបុរស និងស្រ្តីបានជ្រើសរើសសម្លៀកបំពាក់បែបប្រពៃណីនៅពេលព្រឹក។

នៅក្នុងកម្មវិធីនោះដែរក៏មានការអញ្ជើញចូលរួមពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, ស្រ្តីទី១ លោកជំទាវបណ្ឌិត ពេជ ចន្ទមុន្នី និងបុគ្គលល្បីៗជាច្រើនទៀត៕

អត្ថបទ៖ ឆដា, រូបភាព៖ Sinath Hun, Theara Leang ,Hang Marina និងអ៊ីនធឺណេត

The post កូនស្រីចៅហ្វាយខេត្តប៉ៃលិន បាន ស្រីមុំ រៀបចំមង្គលការដ៏ធំនៅភ្នំពេញ appeared first on Millions times.

មង្គលការ Archives - Millions times

ស្អាត​ណាស់ ទិដ្ឋភាព​ពេល​រាត្រី​នៃ​មង្គល​ការ​កូនស្រី​ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍

មង្គលការគ្រួសារអ្នករាជការ ២ មានការចូលរួមពីសំណាក់​ថ្នាក់ដឹកនាំជាន់ខ្ពស់ ឥស្សរជន និងអ្នកជំនួញ

ឈុតទទួលផ្កាស្លាពណ៌ទឹកប្រាក់កូនអ្នកអភិជនគូនេះ សមជាមួយស្បែកជើង Jimmy Choo

មង្គលការរយៈពេល ២ថ្ងៃ របស់កូនស្រីប្រធានអគ្គនាយកក្រុមហ៊ុន ING Holdings ស្អាតអស្ចារ្យ

ក្រោយភ្ជាប់ពាក្យជាងកន្លះឆ្នាំកូនស្រីថៅកែទូរទស្សន៍ថោន បានចូលរោងជ័យជាមួយកូនកំលោះអ្នក ឧកញ៉ា ឡេង ហួរ

គ្រឿងបុរាណៗតុបតែងក្នុងពិធីមង្គលការអភិជន ជា​គំនិតកូនក្រមុំរបស់ឧកញ៉ា សៅ សេងហាក់

សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត

ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់

ឈុតកូនក្រមុំដ៏ស្រស់ស្អាតរបស់កូនស្រីចៅហ្វាយខេត្តប៉ៃលិន នារាត្រីមង្គលការ ជាម៉ាកយីហោដ៏អស្ចារ្យ

កូនស្រីចៅហ្វាយខេត្តប៉ៃលិន បាន ស្រីមុំ រៀបចំមង្គលការដ៏ធំនៅភ្នំពេញ

ស្អាតណាស់ ទិដ្ឋភាពពេលរាត្រីនៃមង្គលការកូនស្រីឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍

មង្គលការគ្រួសារអ្នករាជការ ២ មានការចូលរួមពីសំណាក់ថ្នាក់ដឹកនាំជាន់ខ្ពស់ ឥស្សរជន និងអ្នកជំនួញ

គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់