តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ការធ្លាក់ចុះដ៏អាក្រក់មិនធ្លាប់មាន លើទីផ្សារហ៊ុន S&P 500 នេះ បណ្ដាលមកពីការប្រកាសរបស់ប្រធានាធិបតី Donald Trump ជុំវិញវិធានការទារពន្ធសងសឹកទ្រង់ទ្រាយធំ ចំពោះបណ្ដាប្រទេសជាច្រើនទូទាំងពិភពលោក។

ពេលបិទផ្សារជួញដូរប្រចាំថ្ងៃ ហាងឆេងតម្លៃភាគហ៊ុនលើផ្សារ S&P 500 បានធ្លាក់រហូតដល់ជិត ៥% ដោយសារវិនិយោគិនជាច្រើនសម្រុកលក់ភាគហ៊ុន បន្ទាប់ពីមានភាពភ័យខ្លាច នៃការកើតមានសង្គ្រាមពាណិជ្ជកម្មខ្នាតយក្ស ដែលធ្វើឲ្យតម្លៃហ៊ុននៃក្រុមហ៊ុនអាមេរិកជាច្រើន ដាំក្បាលចុះព្រមៗគ្នា៕

អត្ថបទ៖ Luffy រូបភាព៖ Reuters

The post ផ្សារហ៊ុនអាមេរិក S&P 500 ជួបការខាតបង់មិនធ្លាប់មាន មួយថ្ងៃខាតលុយ ២,៤ទ្រីលានដុល្លារ appeared first on Millions times.

តាមដានជាមួយយើង៖ Million Times

ការព្រួយបារម្ភរបស់អ្នកជំនួញទាំងនោះ បានធ្វើឲ្យស្ថានភាពផ្សារហ៊ុននៅអាមេរិកចលាចលខ្លាំងផងដែរ ដោយកាលពីខែមុនទីផ្សារជួញដូរភាគហ៊ុន S&P 500 បានរបូតលុយរហូតដល់ ៤ទ្រីលានដុល្លារ ដោយសារក្រុមវិនិយោគិនសម្រុកលក់ភាគហ៊ុនរបស់ពួកគេ។ នេះបើតាមការចុះផ្សាយពីទីភ្នាក់ងារព័ត៌មាន Reuters។

ស្ថានភាពផ្សារហ៊ុននៅអាមេរិក នៅតែបន្តធ្លាក់ចុះនៅក្នុងសប្ដាហ៍នេះ ដោយកាលពីថ្ងៃចន្ទ ទី១០ ខែមីនា សន្ទស្សន៍ភាគហ៊ុននៅលើផ្សារ S&P 500 បានធ្លាក់ដល់ ២,៧% ជាការធ្លាក់ចុះខ្លាំងបំផុតប្រចាំថ្ងៃ ខណៈលើផ្សារហ៊ុន Nasdaq Composite វិញ បានដាំក្បាលចុះដល់ទៅ ៤% ជាចំណុចអាក្រក់បំផុតប្រចាំថ្ងៃ ចាប់តាំងពីខែកញ្ញា ឆ្នាំ២០២២។

ការណ៍ដែលធ្វើឲ្យទីផ្សារហ៊ុនអាមេរិកធ្លាក់ចុះខ្លាំងបែបនេះ គឺដោយសារក្រុមវិនិយោគិនសម្រុកលក់ភាគហ៊ុនរៀងៗខ្លួន ព្រោះខ្លាចការផ្ទុះនូវសង្គ្រាមពាណិជ្ជកម្ម ដែលអាចនឹងធ្វើឲ្យពួកគេខាតបង់ច្រើនជាងនេះ ដូច្នេះទើបសម្រេចលក់ភាគហ៊ុន បង្វិលជាលុយសុទ្ធ ឬទិញមាសទុកមួយរយៈសិន។

គួរជម្រាបដែរថា វិធានការទារពន្ធគយបន្ថែមរបស់លោក Donald Trump ត្រូវបានអះអាងថា ធ្វើឡើងដើម្បីផលប្រយោជន៍ជនជាតិអាមេរិក និងបង្កើនកំណើនសេដ្ឋកិច្ចជាតិ ប៉ុន្តែជាមួយគ្នា វាក៏ទំនងអាចបង្កាត់ភ្លើងសង្គ្រាមពាណិជ្ជកម្ម ជាមួយបណ្ដាប្រទេសមួយចំនួន តាមរយៈការទារពន្ធគយសងសឹកទៅវិញទៅមកផងដែរ៕

អត្ថបទ៖ Luffy រូបភាព៖ Reuters

The post ផ្សារហ៊ុនអាមេរិកខាតបង់ប្រាក់អស់ ៤ទ្រីលានដុល្លារ ដោយសារគោលនយោបាយពន្ធគយរបស់ Trump appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា និយតករហិរញ្ញវត្ថុកូរ៉េខាងត្បូងបានត្រៀមថវិកាប្រហែល ១០ទ្រីលានវ៉ុន ឬប្រមាណ ៧ពាន់លានដុល្លាររួចស្រេច ក្នុងការចាក់ចូលផ្សារហ៊ុនដើម្បីទប់លំនឹង ខណៈបច្ចុប្បន្នស្ថានភាពផ្សារហ៊ុនកំពុងចលាចល។

តម្លៃភាគហ៊ុនលើផ្សារហ៊ុនកូរ៉េខាងត្បូងនាព្រឹកថ្ងៃពុធ ទី០៤ ខែធ្នូ បានបន្តធ្លាក់ចុះរហូតដល់ ២% ហើយបើគិតតាំងពីដើមឆ្នាំមក វាបានថយចុះប្រហែល ៧% ជាប្រតិបត្តិការអាក្រក់បំផុត សម្រាប់មហាអំណាចសេដ្ឋកិច្ចធំបំផុតទី០៤ នៅអាស៊ីមួយនេះ៕

អត្ថបទ៖ Luffy រូបភាព៖ CNBC

The post និយតករហិរញ្ញវត្ថុកូរ៉េខាងត្បូង ត្រៀមលុយសាគួរ ៧ពាន់លានដុល្លារ ដើម្បីទប់លំនឹងផ្សារហ៊ុន appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា ហាងឆេងភាគហ៊ុនលើផ្សារហ៊ុននៅអាមេរិក មានកំណើនខ្លាំងពីថ្ងៃទី០៦ និងថ្ងៃទី០៧ ខែវិច្ឆិកា ដែលធ្វើឲ្យផ្សារហ៊ុននានាទូទាំងពិភពលោក ក៏មានកំណើនខ្លាំងផងដែរ។

ក្នុងនោះហាងឆេងភាគហ៊ុនលើផ្សារហ៊ុន S&P 500 មានកំណើន ០,៥% ខណៈនៅលើផ្សារហ៊ុន Dow Jones Industrial Average កើន ០,១២% និងនៅ Nasdaq Composite ហក់ដល់ ១,១% ជាចំណុចខ្ពស់បំផុតរបស់ផ្សារហ៊ុនធំៗទាំង ៣នៅសហរដ្ឋអាមេរិក។

ការប្រែប្រួលយ៉ាងឆាប់រហ័សបែបនេះលើផ្សារហ៊ុនអាមេរិក បានឆ្លុះបញ្ចាំងឲ្យឃើញពីឥទ្ធិពលរបស់តួនាទីប្រធានាធិបតីអាមេរិក ចំពោះស្ថានភាពសេដ្ឋកិច្ច ពោលគ្រាន់តែផ្លាស់ប្ដូរមេដឹកនាំភ្លាម ស្ថានភាពសេដ្ឋកិច្ចចាប់ផ្ដើមផ្លាស់ប្ដូរមួយរំពេច៕

អត្ថបទ៖ Luffy រូបភាព៖ Inc Magazine

The post តម្លៃហ៊ុនលើផ្សារហ៊ុនអាមេរិក ឈានដល់ចំណុចបំបែកកំណត់ត្រា ២ថ្ងៃផ្ទួនៗ appeared first on Millions times.

តាមដានជាមួយយើង៖ Million Times

តាមរយៈការចុះផ្សាយពីគេហទំព័រ Bloomberg បានបង្ហាញថា កិច្ចព្រមព្រៀងមួយនេះបានលេចចេញជារូបរាង បន្ទាប់ពីមានការអំពាវនាវពីមេដឹកនាំកំពូលចិន លោក ស៊ី ជិនពីង ស្នើឲ្យធនាគារ និងក្រុមហ៊ុនវិនិយោគធំៗជាច្រើន បង្កើនការប្រកួតប្រជែង ជាមួយក្រុមហ៊ុនលោកខាងលិច ដែលកំពុងដណ្ដើមទីផ្សារហ៊ុននៅក្នុងប្រទេសរបស់ខ្លួន។

បើសិនជារដ្ឋាភិបាលយល់ព្រមសំណើច្របាច់បញ្ចូលក្រុមហ៊ុនទាំង២នេះ ក្រុមហ៊ុន Haitong នឹងត្រូវដកខ្លួនពីផ្សារហ៊ុនសៀងហៃ និងហុងកុង ខណៈក្រុមហ៊ុនថ្មី នឹងលេចចេញជារូបរាងក្រោមឈ្មោះថ្មី រចនាសម្ព័ន្ធថ្មី ហើយវានឹងចាប់ផ្ដើមបញ្ចេញភាគហ៊ុនលើផ្សារហ៊ុនអន្តរជាតិធំៗដូចជា ហុងកុង សិង្ហបុរី ញ៉ូវយ៉ក តូក្យូ ម៉ុមបៃ និង London ជាដើម។

អំឡុងពេលរង់ចាំសេចក្ដីសម្រេចពីរដ្ឋាភិបាល ក្រុមហ៊ុន Guotai Junan ក៏កំពុងប្រមែប្រមូលដើមទុនបន្ថែម ដើម្បីត្រៀមសងបំណុលសេសសល់ និងការចំណាយសម្រាប់ការរួមបញ្ចូលក្រុមហ៊ុននេះ តាមរយៈការលក់ភាគហ៊ុននៅក្នុងក្រុមហ៊ុនបុត្រសម្ព័ន្ធ Asset Management Co ប្រហែល ៦២៦លានហ៊ុន ដើម្បីគៀងគរទឹកប្រាក់ជិត ១,៥ពាន់លានដុល្លារផងដែរ៕

The post ក្រុមហ៊ុនចិន២ គ្រោងច្របាច់បញ្ចូលគ្នា ប្រកួតប្រជែងលើផ្សារហ៊ុន ជាមួយក្រុមហ៊ុនលោកខាងលិច appeared first on Millions times.

តាមដានជាមួយយើង៖ Million Times

វត្តមានលើទីផ្សារហ៊ុនឥណ្ឌា របស់ក្រុមហ៊ុន Hyundai គឺជាការលក់ភាគហ៊ុនក្រៅប្រទេសលើកដំបូង ក្រៅពីប្រទេសកូរ៉េខាងត្បូង ខណៈមួយរយៈចុងក្រោយឥណ្ឌា បានស្វាគមន៍ក្រុមហ៊ុនបរទេសជាច្រើន នៅលើទីផ្សារហ៊ុនរបស់ខ្លួន។

ក្រុមហ៊ុន Hyundai នឹងបើកឲ្យមានការដេញថ្លៃលក់ភាគហ៊ុនតម្លៃ ៣ពាន់លានដុល្លារ ពីថ្ងៃទី១៤ ដល់ថ្ងៃទី១៧ ខែតុលា ដោយមានការចូលរួមពីក្រុមហ៊ុន និងស្ថាប័នធំៗប៉ុណ្ណោះ ខណៈអ្នកចូលរួមមិនទាន់ត្រូវបានបង្ហាញអត្តសញ្ញាណនៅឡើយ។

សូមជម្រាបដែរថា ក្រុមហ៊ុន Hyundai គឺជាក្រុមហ៊ុនផលិតរថយន្តធំបំផុតទី២ នៅប្រទេសឥណ្ឌា បន្ទាប់ពីក្រុមហ៊ុន Maruti ខណៈក្រុមហ៊ុនកូរ៉េខាងត្បូងនេះ មានគម្រោងផលិតរថយន្តអគ្គិសនីនាឆ្នាំក្រោយ ជាមួយគោលបំណងដណ្ដើមទីផ្សារប្រទេសឥណ្ឌាឲ្យកាន់តែខ្លាំងថែមទៀត៕

The post ក្រុមហ៊ុនយក្ស Hyundai ត្រៀមបញ្ចេញភាគហ៊ុន ៣ពាន់លានដុល្លារ លើទីផ្សារឥណ្ឌាជាលើកដំបូង appeared first on Millions times.