តាមដានជាមួយយើង៖ Million Times

ឯកឧត្ដម បានឱ្យដឹងនៅថ្ងៃទី២៨ ខែមីនានេះថា ផ្លាកសញ្ញាដែលត្រូវដំឡើងមានចំនួន ៩៨១ទីតាំង ដើម្បីលើកកម្ពស់សុវត្ថិភាពចរាចរណ៍។ ចំណែកឯក្រុមហ៊ុន រ៉ូយ៉ាល់រ៉េលវេ ក៏បានធ្វើសារអប់រំសុវត្ថិភាពចរាចរណ៍ផ្លូវដែកជាច្រើន និងបានផ្សព្វផ្សាយជាបន្តបន្ទាប់ផងដែរ។

គួរឱ្យដឹងថា ដើម្បីបញ្ចៀសការបុកប៉ះ គ្រោះថា្នក់ផ្សេងៗ និងការងារសុវត្ថិភាពចរាចរណ៍តាមផ្លូវដែក ក្រសួងសាធារណការ និងដឹកជញ្ជូន បានដាក់ចេញនូវវិធានការមួយចំនួនដូចជា៖ ក្រុមហ៊ុន រ៉ូយ៉ាល់រ៉េលវេ បង្កើនការដាក់ឆ្មាំរបារនៅតាមទីតាំងចំណុចប្រសព្វ ដោយជ្រើសរើសបន្ថែមនូវប្រជាជនមូលដ្ឋាន ជាពិសេសប្រជាការពារ ដើម្បីផ្ដល់សញ្ញា បិទផ្លូវ និងសម្របសម្រួលចរាចរណ៍នៅពេលមានរថភ្លើងធ្វើដំណើរឆ្លងកាត់។

បន្ថែមលើនេះ ក្រុមហ៊ុន រ៉ូយ៉ាល់រ៉េល ត្រូវពិនិត្យឡើងវិញលើចម្ងាយដែលត្រូវបំពាក់ផ្លាកសញ្ញា នៅតាមបណ្តោយផ្លូវដែក ដើម្បីឱ្យអ្នកបើកបររថភ្លើងអាចមានពេលវេលាស៊ីផ្លេ ផ្តល់សញ្ញាបានយូរជាងមុន មុននឹងធ្វើដំណើរមកដល់ទីតាំងចំណុចប្រសព្វ ហើយអ្នកប្រើប្រាស់ផ្លូវថ្នល់ឆាប់បានដឹង និងបង្កើនការប្រុងប្រយ័ត្ន ព្រមទាំងមានពេលវេលាគ្រប់គ្រាន់ក្នុងការឈប់ ដើម្បីឱ្យរថភ្លើងឆ្លងកាត់។

ចំណែកក្រសួងសាធារណការ និងដឹកជញ្ជូន បានចាត់វិធានការភ្លាមៗក្នុងការលើកផ្លាកសញ្ញាព្រមានលើផ្លូវថ្នល់បន្ថែមឱ្យបានច្រើនជាងមុន អំពីផ្លូវរថភ្លើងឆ្លងកាត់នៅតាមទីតាំងចំណុចប្រសព្វសំខាន់ៗ ដើម្បីផ្ដល់សញ្ញា និងជូនដំណឹងដល់អ្នកធ្វើដំណើរតាមដងផ្លូវថ្នល់ ឱ្យមានការប្រុងប្រយ័ត្នខ្ពស់។

ជាមួយគ្នានេះដែរ ក្រុមហ៊ុន រ៉ូយ៉ាល់រ៉េល ត្រូវសហការជិតស្និទ្ធជាមួយនាយកដ្ឋានផ្លូវដែក នៃក្រសួងសាធារណការ និងដឹកជញ្ជួន ដើម្បីបន្តធ្វើយុទ្ធនាការផ្សព្វផ្សាយ និងបង្កើនការអប់រំដល់ប្រជាជនទូទៅក្នុងការគោរពផ្លាកសញ្ញាព្រមាន និងបង្កើនការប្រុងប្រយ័ត្ននៅតាមផ្លូវដែលមានរថភ្លើងឆ្លងកាត់៕

អត្ថបទ៖ វីរៈ រូបភាព៖ ឯកឧត្ដម ផន រឹម

second...

x

The post ក្រសួងសាធារណការ បញ្ចប់ការដំឡើងផ្លាកសញ្ញាចរាចរណ៍ផ្លូវដែក ២ខ្សែ ជិត ១ពាន់ទីតាំង appeared first on Millions times.

ដើម្បីបញ្ចៀសការបុកប៉ះ គ្រោះថា្នក់ផ្សេងៗ និងការងារសុវត្ថិភាពចរាចរណ៍តាមផ្លូវដែក ក្រសួងបានដាក់វិធានការចំនួន ៣ ដូចខាងក្រោម៖

វិធានការបន្ទាន់ទី ១៖ ការដាក់របារ និងការបំពាក់ហេដ្ឋារចនាសម្ព័ន្ធការពារសុវត្ថិភាព៖

តាមដានជាមួយយើង៖ Million Times

ក្រុមហ៊ុនRoyal railway Cambodia(RRC) បង្កើនការដាក់ឆ្មាំរបារនៅតាមទីតាំងចំណុចប្រសព្វ ដោយជ្រើសរើសបន្ថែមនូវប្រជាជនមូលដ្ឋាន ជាពិសេសប្រជាការពារ(តាមការណែនាំរបស់ សម្ដេចធិបតី) ដើម្បីផ្ដល់សញ្ញា បិទផ្លូវ និងសម្របសម្រួលចរាចរណ៍ នៅពេលមានរថភ្លើងធ្វើដំណើរឆ្លងកាត់ ហើយក្រុមហ៊ុនជាអ្នកទទួលបន្ទុកផ្ដល់ថវិកាឧបត្ថម្ភលើកទឹកចិត្ត។

ក្រុមហ៊ុន RRC និងនាយកដ្ឋានផ្លូវដែករបស់ក្រសួងសាធារណការ និងដឹកជញ្ជូន បានរួមគ្នាចុះត្រួតពិនិត្យ វាយតម្លៃឡើងវិញ និងប្រមូលទិន្នន័យទីតាំងផ្លូវប្រសព្ទសំខាន់ៗ ហើយក្រុមហ៊ុនបានបំពាក់របារបន្ថែមដែលទាញដោយមនុស្ស ឬរបារស្វ័យប្រវត្តិ នៅតាមទីតាំងសំខាន់ៗ ដែលមិនទាន់មានរបារ និងផ្លាស់ប្តូរដោយបំពាក់របារវែងជាងមុន សម្រាប់ទីតាំងដែលមានរបារខ្លី។

ចំពោះទីតាំងដែលមិនសូវមានចរាចរណ៍ឆ្លងកាត់ច្រើន នឹងមិនមានការបំពាក់របារទេ តែបានដាក់ផ្លាកសញ្ញាព្រមាន និងឆ្នាំផ្តល់សញ្ជា ស្របទៅតាមការអនុវត្តជាអន្តរជាតិនៅតាមបណ្តាប្រទេសដទៃ។

ក្រសួងសាធារណការ និងដឹកជញ្ជូន តាមដានត្រួតពិនិត្យការអនុវត្តការងាររបស់ក្រុមហ៊ុនRRCឱ្យបានដិតដល់បំផុត។

វិធានការបន្ទាន់ទី ២៖ ការបំពាក់ផ្លាកសញ្ញាចរាចរណ៍៖

ក្រុមហ៊ុន RRC បានពិនិត្យឡើងវិញលើចម្ងាយដែលត្រូវបំពាក់ផ្លាកសញ្ញានៅតាមបណ្តោយផ្លូវដែក ដើម្បីឱ្យអ្នកបើកបររថភ្លើងអាចមានពេលវេលាស៊ីផ្លេផ្តល់សញ្ញាបានយូរជាងមុន មុននឹងធ្វើដំណើរមកដល់ទីតាំងចំណុចប្រសព្វ ហើយអ្នកប្រើប្រាស់ផ្លូវថ្នល់ឆាប់បានដឹង និងបង្កើនការប្រុងប្រយ័ត្ន ព្រមទាំងមានពេលវេលាគ្រប់គ្រាន់ក្នុងការឈប់ ដើម្បីឱ្យរថភ្លើងឆ្លងកាត់។

ក្រសួងសាធារណការ និងដឹកជញ្ជូន ចាត់វិធានការភ្លាមៗក្នុងការលើកផ្លាកសញ្ញាព្រមានលើផ្លូវថ្នល់បន្ថែមឱ្យបានច្រើនជាងមុនអំពីផ្លូវរថភ្លើងឆ្លងកាត់នៅតាមទីតាំងចំណុចប្រសព្វសំខាន់ៗ ដើម្បីផ្ដល់សញ្ញា និងជូនដំណឹងដល់អ្នកធ្វើដំណើរតាមដងផ្លូវថ្នល់ឱ្យមានការប្រុងប្រយ័ត្នខ្ពស់។

ចំពោះទីតាំងផ្លូវមួយចំនួនដែលស្ថិតនៅក្រោមសមត្ថកិច្ចគ្រប់គ្រងរបស់ក្រសួងអភិវឌ្ឍន៍ជនបទ និងរដ្ឋបាលខេត្ត ជាកម្មវត្ថុនៃការពិភាក្សា និងសហការបន្ថែមទៀតរវាងក្រសួងសាធារណការ និងដឹកជញ្ជួន ជាមួយក្រសួងអភិវឌ្ឍន៍ជនបទ និងរដ្ឋបាលខេត្តផ្ទាល់។

វិធានការបន្ទាន់ទី៣៖ ការអប់រំផ្សព្វផ្សាយ៖

ក្រុមហ៊ុន RRC បានសហការជិតស្និទ្ធជាមួយនាយកដ្ឋានផ្លូវដែក នៃក្រសួងសាធារណការ និងដឹកជញ្ជួន ដើម្បីបន្តធ្វើយុទ្ធនាការផ្សព្វផ្សាយ និងបង្កើនការអប់រំដល់ប្រជាជនទូទៅក្នុងការគោរពផ្លាកសញ្ញាព្រមាន និងបង្កើនការប្រុងប្រយ័ត្ននៅតាមផ្លូវដែលមានរថភ្លើងឆ្លងកាត់។

ចំពោះការផ្សព្វផ្សាយនេះ ក្រុមហ៊ុនក៏បានស្នើសុំការសហការ និងចូលរួមយ៉ាងសកម្មពីអាជ្ញាធរមូលដ្ឋានផងដែរ ដើម្បីធានាបាននូវប្រសិទ្ធភាពខ្ពស់ក្នុងការអប់រំណែនាំ។

បន្ថែមលើនេះ ក្រសួងសាធារណការ និងដឹកជញ្ចូន បានផ្ញើលិខិតណែនាំទៅគ្រប់ក្រុមហ៊ុនដឹកជញ្ជូន និងភ្នាក់ងារទេសចរណ៍ ដើម្បីអប់រំអ្នកបើកបររថយន្តឱ្យមានការប្រុងប្រយ័ត្នខ្ពស់ និងគោរពផ្លាកសញ្ញាចរាចរណ៍ឱ្យបានខ្ជាប់ខ្ជួន៕

អត្ថបទ៖ ប៊ី

second...

x

The post ក្រសួង ដាក់ចេញនូវវិធានការបន្ទាន់ ដើម្បីបញ្ចៀសការបុកប៉ះ គ្រោះថា្នក់ផ្សេងៗ និងការងារសុវត្ថិភាពចរាចរណ៍តាមផ្លូវដែក appeared first on Millions times.

តាមដានជាមួយយើង៖ Million Times

រ៉ូយ៉ាល់ រេលវេ បានឱ្យដឹងថា ក្បាលម៉ាស៊ីនទាំងនេះបានមកដល់ និងដាក់ចុះពីកាប៉ាល់ដោយជោគជ័យនៅថ្ងៃទី៣០ ខែធ្នូ ឆ្នាំ២០២៥ ហើយការនាំចូលបន្ថែមនេះ នឹងជួយជាផ្នែកមួយយ៉ាងធំដើម្បីជំរុញបន្ថែមនូវសមត្ថភាពសេវាកម្មរបស់ក្រុមហ៊ុន ក្នុងការបំពេញតម្រូវការសេវាកម្មផ្នែកដឹកជញ្ជូន និងសេវាកម្មអ្នកដំណើរដែលកំពុងកើនឡើង ក៏ដូចជាសម្រួលដល់ការដឹកជញ្ជូនទំនិញឱ្យកាន់តែរលូន និងមានប្រសិទ្ធភាពខ្ពស់សម្រាប់អាជីវកម្មទូទាំងប្រទេស។

បើតាមក្រុមហ៊ុននេះ មុននឹងដាក់ឱ្យដំណើរការសេវាកម្ម ក្បាលម៉ាស៊ីនទាំងនេះចាំបាច់ត្រូវឆ្លងកាត់ការត្រួតពិនិត្យយ៉ាងជាក់លាក់ និងល្អិតល្អន់ទៅលើប្រព័ន្ធហ្រ្វាំង និងប្រព័ន្ធសុវត្ថិភាពផ្សេងៗ ដើម្បីធានាជូននូវសុវត្ថិភាព និងប្រសិទ្ធភាពមុននឹងបម្រើសេវាកម្មជូនដល់អតិថិជន។

ជាមួយគ្នានេះ ក្រុមហ៊ុន រ៉ូយ៉ាល់ រេលវេ បានអះអាងថា ខ្លួនមានចក្ខុវិស័យខ្ពស់ក្នុងការធ្វើទំនើបកម្មជាច្រើនទៀត ដើម្បីផ្តល់ជូននូវការកែលម្អគុណភាពសេវាកម្ម និងដើម្បីជួយជំរុញដល់ការអភិវឌ្ឍរចនាសម្ពន្ធ័កំណើនសេដ្ឋកិច្ចនៃវិស័យដឹកជញ្ជូនរបស់កម្ពុជា ព្រមទាំងស្របតាមចក្ខុវិស័យរបស់រាជរដ្ឋាភិបាល ក្នុងការអភិវឌ្ឍផ្លូវដែកកម្ពុជា ឱ្យកាន់តែប្រសើរឡើងនាពេលអនាគត។

បន្ថែមលើនេះ រ៉ូយ៉ាល់ រេលវេ ក៏បានអំណរគុណដល់អតិថិជនទាំងអស់ ក៏ដូចជាដៃគូសហការ និងកិច្ចសហប្រតិបត្តិការ ដែលតែងតែជឿជាក់គាំទ្រសេវាកម្មរបស់ខ្លួន ហើយក្រុមហ៊ុននឹងនៅតែបន្តប្តេជ្ញាចិត្តក្នុងការផ្តល់នូវសេវាកម្មឱ្យកាន់តែល្អ ជូនដល់អតិថិជនទាំងអស់ និងចូលរួមចំណែកក្នុងការអភិវឌ្ឍហេដ្ឋារចនាសម្ព័ន្ធ និងសេដ្ឋកិច្ចរបស់ប្រទេសកម្ពុជា៕

អត្ថបទ៖ វីរៈ រូបភាព៖ រ៉ូយ៉ាល់ រេលវេ​

second...

x

The post ក្រុមហ៊ុនអ្នកឧកញ៉ា គិត ម៉េង នាំចូលក្បាលម៉ាស៊ីនរថភ្លើង ៣គ្រឿងទៀត ដើម្បីបង្កើនសមត្ថភាពបម្រើសេវាកម្ម appeared first on Millions times.

ជំនួបនេះរៀបចំឡើងក្នុងគោលបំណងដើម្បីពិនិត្យពិភាក្សាលើរបាយការណ៍ និងលទ្ធផលនៃការស្រាវជ្រាវផែនការបណ្តាញផ្លូវដែកនៅកម្ពុជា ដែលធ្វើឡើងដោយ ក្រុមហ៊ុនសាជីវកម្មរចនាផ្លូវដែក នៃប្រទេសចិន (China Railway Design Corporation – CRDC)។

ក្រសួងសាធារណការ បានបញ្ជក់ថា ការអភិវឌ្ឍវិស័យផ្លូវដែកនៅកម្ពុជា គឺជាចក្ខុវិស័យអាទិភាពរបស់រាជរដ្ឋាភិបាល នីតិកាលទី៧នេះ ដើម្បីជំរុញកំណើនសេដ្ឋកិច្ចជាតិ។

តាមដានជាមួយយើង៖ Million Times

គួរបញ្ជាក់ផងដែរថា កម្ពុជាត្រូវការទុនវិនិយោគប្រមាណ ១០ ពាន់លានដុល្លារ ដើម្បីអភិវឌ្ឍផ្លូវដែកផ្តោតលើការស្តារ និងលើកកម្ពស់ផ្លូវដែកបច្ចុប្បន្ន។ នេះបើយោងតាមរបាយការណ៍វឌ្ឍនភាពប្រចាំឆមាសទី១ ឆ្នាំ២០២៥ ស្តីពីការអនុវត្តផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ចេញផ្សាយកាលពីថ្មីៗនេះ។

របាយការណ៍បានបញ្ជាក់ថា ៖«ការអភិវឌ្ឍផ្លូវដែកផ្តោតលើការស្តារ និងលើកកម្ពស់ផ្លូវដែកបច្ចុប្បន្ន (ភាគខាងជើង និងភាគ ខាងត្បូង) ទៅជាផ្លូវដែកល្បឿនលឿន ព្រមទាំងគិតគូរផ្លូវថ្មី (គន្លង និងខ្សែរថភ្លើងថ្មី)។ គម្រោងដឹកជញ្ជូន ផ្លូវដែកសរុបមានចំនួន ៨ គម្រោង ដែលគ្រោងនឹងចំណាយថវិកាសរុបចំនួន ១០ ០១០ លានដុល្លារអាមេរិក ដែលក្នុងនោះមានគម្រោងរយៈពេលខ្លីនិងមធ្យមចំនួន ៤ គម្រោង (២០២៣-២០២៧) ស្មើនឹងទឹកប្រាក់ ៣ ៨០០លានដុល្លារអាម៉េរិក និងគម្រោងរយៈពេលវែងចំនួន ៤ គម្រោង (២០២៨-២០៣៣) ស្មើនឹងទឹកប្រាក់ ៦ ២១០លានដុល្លារអាម៉េរិក»។

គិតត្រឹមឆ្នាំ២០២៤ គម្រោងផ្លូវដែកភាគច្រើនស្ថិតក្នុងដំណាក់កាលសិក្សា ដោយគម្រោង លើកកម្រិតសមត្ថភាពផ្លូវដែកពីភ្នំពេញ-ប៉ោយប៉ែត កំពុងស្ថិតនៅក្នុងការសិក្សាដោយនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន, ក្រុមហ៊ុន CRBC, និង ក្រុមហ៊ុន Royal Railway។

ដោយឡែក គម្រោងកសាងផ្លូវដែកថ្មីតភ្ជាប់៖ (១) ភ្នំពេញ-អាកាសយានដ្ឋានអន្តរជាតិតេជោ (ក្រុងតាខ្មៅ ខេត្តកណ្តាល) និងសៀមរាប-អាកាសយានដ្ឋានអន្តរជាតិសៀមរាបអង្គរ (ស្រុកសូទ្រនិគម ខេត្ត សៀមរាប) ក៏កំពុងស្ថិតក្នុងដំណាក់កាលសិក្សា ដោយសហការជាមួយ China Metro៕

អត្ថបទ៖ ប៊ី

second...

x

The post រដ្ឋាភិបាលជំរុញការអភិវឌ្ឍផ្លូវដែក ដើម្បីរួមចំណែកដល់កំណើនសេដ្ឋកិច្ចជាតិ appeared first on Millions times.

របាយការណ៍បានបញ្ជាក់ថា ៖«ការអភិវឌ្ឍផ្លូវដែកផ្តោតលើការស្តារ និងលើកកម្ពស់ផ្លូវដែកបច្ចុប្បន្ន (ភាគខាងជើង និងភាគ ខាងត្បូង) ទៅជាផ្លូវដែកល្បឿនលឿន ព្រមទាំងគិតគូរផ្លូវថ្មី (គន្លង និងខ្សែរថភ្លើងថ្មី)។ គម្រោងដឹកជញ្ជូន ផ្លូវដែកសរុបមានចំនួន ៨ គម្រោង ដែលគ្រោងនឹងចំណាយថវិកាសរុបចំនួន ១០ ០១០ លានដុល្លារអាមេរិក ដែលក្នុងនោះមានគម្រោងរយៈពេលខ្លីនិងមធ្យមចំនួន ៤ គម្រោង (២០២៣-២០២៧) ស្មើនឹងទឹកប្រាក់ ៣ ៨០០លានដុល្លារអាមេរិក និងគម្រោងរយៈពេលវែងចំនួន ៤ គម្រោង (២០២៨-២០៣៣) ស្មើនឹងទឹកប្រាក់ ៦ ២១០លានដុល្លារអាមេរិក»។

តាមដានជាមួយយើង៖ Million Times

គិតត្រឹមឆ្នាំ២០២៤ គម្រោងផ្លូវដែកភាគច្រើនស្ថិតក្នុងដំណាក់កាលសិក្សា ដោយគម្រោង លើកកម្រិតសមត្ថភាពផ្លូវដែកពីភ្នំពេញ-ប៉ោយប៉ែត កំពុងស្ថិតនៅក្នុងការសិក្សាដោយនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន, ក្រុមហ៊ុន CRBC, និង ក្រុមហ៊ុន Royal Railway។

ដោយឡែក គម្រោងកសាងផ្លូវដែកថ្មីតភ្ជាប់៖ (១) ភ្នំពេញ-អាកាសយានដ្ឋានអន្តរជាតិតេជោ (ក្រុងតាខ្មៅ ខេត្តកណ្តាល) និងសៀមរាប-អាកាសយានដ្ឋានអន្តរជាតិសៀមរាបអង្គរ (ស្រុកសូទ្រនិគម ខេត្ត សៀមរាប) ក៏កំពុងស្ថិតក្នុងដំណាក់កាលសិក្សា ដោយសហការជាមួយ China Metro។

ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា ក្រសួងក្នុងនាមជាសេនាធិការរបស់រាជរដ្ឋាភិបាល បានចាប់ផ្តើមអនុវត្ត “ផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣” ប្រកបដោយប្រសិទ្ធភាព និងការទទួលខុសត្រូវ ព្រមទាំងទទួលបានលទ្ធផល ជាទីគាប់ចិត្ត។

ឯកឧត្តម បានថ្លែងបន្តថា ឆ្លើយតបទៅនឹងយុទ្ធសាស្ត្របញ្ចកោណដំណាក់កាលទី១ ផែនការមេគ្រប់ជ្រុងជ្រោយ បានដាក់ចេញនូវចក្ខុវិស័យរយៈពេលវែងគឺ៖ “បន្តកែលម្អ និងអភិវឌ្ឍប្រព័ន្ធដឹកជញ្ជូន និងឡូជីស្លឹក ដោយផ្តោតលើការជំរុញការកសាងហេដ្ឋារចនាសម្ព័ន្ធរូបវន្ត និងអរូបវន្ត ឆ្ពោះទៅរកការអភិវឌ្ឍប្រព័ន្ធ ដឹកជញ្ជូនអន្តរមធ្យោបាយ មានការតភ្ជាប់ខ្ពស់ និងភាពប្រទាក់ក្រឡាទាំងក្នុងផ្ទៃប្រទេស និងជាមួយតំបន់ ដែលនឹងបន្តរួមចំណែកជំរុញ និងទ្រទ្រង់កំណើនសេដ្ឋកិច្ចជាតិ ព្រមទាំងបំពេញសេចក្តីត្រូវការ សង្គម-សេដ្ឋកិច្ចប្រកបដោយចីរភាព និងបរិយាប័ន្ន”៕

អត្ថបទ៖ ប៊ី

second...

x

The post កម្ពុជាត្រូវការទុនប្រមាណ ១០ ពាន់លានដុល្លារ ដើម្បីស្តារ និងលើកកម្ពស់ផ្លូវដែក appeared first on Millions times.

តាមដានជាមួយយើង៖ Million Times

ការ​ជួប​ពិភាក្សា​នេះ​ធ្វើឡើង​ក្នុង​គោល​បំណង ដើម្បី​សិក្សា​ស្វែង​យល់​បន្ថែម ពី​ឱកាស​វិនិយោគ​លើ​វិស័យ​ហេដ្ឋារចនាសម្ព័ន្ធ​ដឹក​ជញ្ជូន​ផ្លូវ​ដែក និង​គម្រោង​សំខាន់​ៗ​ទាក់ទង​នឹង​ផែនការ​មេ​អភិវឌ្ឍន៍​ផ្លូវ​ដែក​នៅ​កម្ពុជា។

អនុរដ្ឋលេខាធិការ លោក វ៉ាស៊ឹម សុរិយា បាន​លើកឡើង​ពី​បច្ចុប្បន្នភាព​​ខ្សែ​ផ្លូវ​ដែក​ទាំង ២ ខ្សែ​ដែល​មាន​ស្រាប់ នៃ​ការ​អភិវឌ្ឍ​ហេដ្ឋារចនាសម្ព័ន្ធ​ផ្លូវដែក និង​គម្រោង​សំខាន់​ៗ​មួយ​ចំនួន ដែល​ក្រសួង​បាន និង​កំពុង​អនុវត្ត​ជាមួយ​ក្រុមហ៊ុន​ដៃគូ​ក្នុង​ប្រទេស ព្រម​ទាំង​ទិសដៅ​របស់​រាជរដ្ឋាភិបាល​អាណត្តិ​ទី​៧ ក្នុង​ការ​ជំរុញ និង​លើក​កម្រិត​គុណភាព​ផ្លូវ​ទាំងពីរ​ខ្សែ​នេះ​ឲ្យ​មាន​សមត្ថភាព​ស្មើ​គ្នា​ដល់​កម្រិត​ល្បឿន ៨០ គីឡូម៉ែត្រ​ក្នុង​មួយ​ម៉ោង និង​ជំរុញ​នូវ​ការ​ចរចា​បញ្ចប់​កិច្ចសន្យា​សម្បទាន​ផ្លូវដែក​ថ្មី ឲ្យ​បាន​រួចរាល់​ក្នុង​ពេល​ឆាប់​ៗ​នេះ សំដៅ​ចូលរួម​ចំណែក​ដល់​ការ​អភិវឌ្ឍ​សេដ្ឋកិច្ច​កម្ពុជា​ឲ្យ​កាន់តែ​មាន​ការ​រីកចម្រើន​បន្ថែម​ទៀត។

ចំណែក​គណៈប្រតិភូ​ក្រុមហ៊ុន Yunnan Linkun Investment Group Co., LTD បាន​អរគុណ​ថ្នាក់​ដឹក​នាំ​ក្រសួង ដែល​បាន​ផ្ដល់​អនុសាសន៍​ល្អ​ៗ​ដល់​ក្រុមហ៊ុន​ក្នុង​ការ​ស្វែង​យល់​បន្ថែម​ក្នុង​ការ​វិនិយោគ​លើ​ខ្សែ​ផ្លូវដែក​ថ្មី​នៅ​កម្ពុជា ក្នុង​ការ​តភ្ជាប់​ពី​កម្ពុជា​ទៅ​វៀតណាម និង​កម្ពុជា​ទៅ​ឡាវ ជាមួយ​នឹង​ទស្សនាទាន​នៃ​ការ​សិក្សា​បណ្ដាញ​ផ្លូវដែក​ល្បឿន​លឿន​ថ្មី​នៅ​ក្នុង​ប្រទេស​ផងដែរ។

កម្ពុជា​មាន​គម្រោង​ផ្លូវ​ដែក ៨ ដែល​រាជរដ្ឋាភិបាល​កម្ពុជា​បាន​អនុម័ត​ដាក់​បញ្ចូល​ក្នុង​ផែនការ​មេ​គ្រប់​ជ្រុងជ្រោយ​ស្ដី​ពី​ប្រព័ន្ធ​ដឹក​ជញ្ជូន​អន្ត​មធ្យោបាយ និង​ភស្តុភារ​កម្ពុជា​ឆ្នាំ ២០២៣ -២០៣៣ ក្នុង​ចំណោម​ផែនការ​មេ​សរុប​ ១៧៤ គម្រោង៕

អត្ថបទ៖ មេរ៉ា, រូបភាព៖ ក្រសួងសាធារណការ និងដឹកជញ្ជូន

second...

x

The post ក្រុមហ៊ុនចិនចាប់អារម្មណ៍ វិនិយោគខ្សែផ្លូវដែកថ្មី តភ្ជាប់កម្ពុជាទៅវៀតណាម និងកម្ពុជាទៅឡាវ appeared first on Millions times.

ការប្រកាសយ៉ាងដូច្នេះទាក់ទិននឹងបញ្ហាការអភិវឌ្ឍន៍ផ្លូវដែករបស់កម្ពុជា សម្តេច ហ៊ុន ម៉ាណែត បានដាក់ជាគោលការណ៍ កំណត់ឱ្យក្រុមហ៊ុនផ្លូវដែក របស់អ្នកឧកញ៉ា គិត ម៉េង និងក្រសួងសាធារណការនិងដឹកជញ្ជូន ត្រូវធ្វើយ៉ាងណា បញ្ចប់កិច្ចចរចា និងចុះMOU ឱ្យចប់សព្វគ្រប់នៅចុងឆ្នាំនេះ បើពុំដូច្នេះទេ សម្តេចនឹងដកសិទ្ធិពីក្រុមហ៊ុន។

តាមដានជាមួយយើង៖ Million Times

ក្នុងពេលអញ្ជើញជាអធិបតីពិធីអបអរសាទរខួប២០ឆ្នាំ (១៣ តុលា ២០០៤ – ១៣ តុលា ២០២៤) នៃកម្ពុជាចូលជាសមាជិកអង្គការពាណិជ្ជកម្មពិភពលោក (WTO) កាលពីដើមសប្តាហ៍នេះ សម្តេច ហ៊ុន ម៉ាណែត បានថ្លែងថា រាជរដ្ឋាភិបាល កំពុងកសាងហេដ្ឋារចនាសម្ព័ន្ធដែលជំរុញកំណើនសេដ្ឋកិច្ច និងពាណិជ្ជកម្ម។ ជាក់ស្ដែង រាជរដ្ឋាភិបាលបានដាក់ឱ្យប្រើប្រាស់ជាផ្លូវការនូវកំពង់ផែពហុបំណងកំពត និងចាប់ផ្ដើមបើកការដ្ឋានសាងសង់ព្រែកជីកហ្វូណនតេជោ ដែលនឹងកាត់បន្ថយរយៈពេល ចម្ងាយ និងតម្លៃនៃការដឹកជញ្ជូន បង្កើតតំបន់ពាណិជ្ជកម្ម និងមជ្ឈមណ្ឌលភស្តុភារកម្ម និងអភិវឌ្ឍផែរណបថ្មីៗជាច្រើន។

សម្តេចមានប្រសាសន៍ថា៖ យើងកំពុងតែចរចាដើម្បីធ្វើបន្ថែមទៅលើប្រព័ន្ធហេដ្ឋារចនាសម្ព័ន្ធផ្លូវហាយវ៉េ ហើយក្រៅពីនោះគឺប្រព័ន្ធផ្លូវដែក ដែលជាក់ស្តែងនៅពេលនេះយើងមានផ្លូវដែកមួយចំហៀងពីជើងទៅត្បូង ដែលខ្ញុំបានឱ្យគោលការណ៍រួចហើយដល់ក្រសួងពាក់ព័ន្ធ ជាមួយក្រុមហ៊ុន ដើម្បីធ្វើយ៉ាងណាចរចារឱ្យបានចេញជាការចុះអនុស្សរណៈយោគយល់គ្នា (MoU) ឱ្យបានយ៉ាងយូរនៅចុងឆ្នាំនេះ ពីព្រោះបញ្ហាផ្លូវដែកនេះបានកកស្ទះគាំងរាប់ឆ្នាំមកហើយ ដោយយើងត្រូវពង្រឹងនិងមិនអាចទុកតទៅទៀតបានទេ ហើយទៅថ្ងៃខាងមុខ យើងអាចពិនិត្យលទ្ធភាពរឿងផ្លូវដែកពីភ្នំពេញ ទៅទិសខាងកើតបន្ថែមទៀតដើម្បីភ្ជាប់ ពីព្រោះផ្លូវដែកនេះ វាបានជួយច្រើនក្នុងការដឹកជញ្ជូន និងកាត់បន្ថយការចំណាយ។

សម្តេចថ្លែងបន្តថា “យើងមិនអាចទុកតទៅទៀតទេ ត្រូវពង្រឹង ទៅថ្ងៃមុខយើងអាចពិនិត្យលទ្ធភាព រឿងផ្លូវដែកពីភ្នំពេញ ទៅទិសខាងកើត ដើម្បីភ្ជាប់ ព្រោះវាជួយច្រើន នៅក្នុងការដឹកជញ្ជូន កាត់បន្ថយការចំណាយ អីចឹងសូមអ្នកឧកញ៉ា គិត ម៉េង ហើយខាងឯកឧត្តម ប៉េង ពោធិ៍នា ធ្វើម៉េចចរចាឱ្យចប់ MOU រឿងផ្លូវដែកហ្នឹង ឱ្យចប់ត្រឹមដាច់ឆ្នាំនេះ ដើម្បីយើងចាប់ផ្តើមធ្វើការងារពង្រឹង”។

ទន្ទឹមនឹងនេះ សម្ដេចនាយករដ្ឋមន្ត្រីព្រមានថា “តែចរចាអត់ចប់ ខ្ញុំដកហើយ ចប់មិនល្អឥតខ្ចោះឱ្យតែវាដើរ ចាប់ផ្តើមធ្វើដំណើរទៅ ហើយចាំយើងពង្រឹងទៀត ជាគោលការណ៍ អីចឹងទាំងក្រុមហ៊ុន ទាំងក្រសួង ឃើញបានជជែកហើយ មានឆន្ទៈក្នុងការធ្វើ មិនបាច់យកល្អឥតខ្ចោះនោះទេ យកអ្វីដែលអាចដើរបាន MOU ចាំជជែកគ្នា ពេលក្រោយលម្អិតប៉ុណ្ណា ប៉ុន្តែធ្វើម៉េចឱ្យមានជាឯកភាពជាគោលការណ៍ អាចដំណើរការចាប់ផ្តើម Upgrade ឬជួសជុលម៉េចបាន” ។

សម្តេចបន្ថែមថា “ថវិកា យើងមានមួយចំនួន សម្រាប់សិក្សាផ្លូវដែក ប៉ុន្តែយើងចរចា ឱ្យហើយ ចាំដាក់ទៅបើមិនអីចឹងយើងចាយលុយឥតប្រយោជន៍ លើកមុនយើងមាន៣០០លានយ័ន សម្រាប់ត្រៀម ដែលចិនបានផ្តល់ឱ្យជំនួយឥតសំណង សម្រាប់ផ្លូវដែកនេះឯង ប៉ុន្តែដោយសារយើង ចរចាមិនទាន់បាន អីចឹងរៀបអាហ្នឹងមួយ ដើម្បី Upgrade ធ្វើម៉េចអាជើងត្បូងរបស់យើងនឹងកាន់តែប្រសើរ” ៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

second...

x

The post នាយករដ្ឋមន្ត្រីគ្រោងនឹងជិះរថភ្លើងពិនិត្យផ្លូវដែក ក្រោយព្រមានដកការចរចារពីសេដ្ឋី គិត ម៉េង appeared first on Millions times.

នៅថ្ងៃទី ២១ ខែមិថុនានេះ ក្រុមហ៊ុន Royal Railway ដែលជាក្រុមហ៊ុនផ្តល់សេវាកម្មរថភ្លើង និងចរាចរផ្លូវដែកនៅកម្ពុជា បានទទួលស្វាគមន៍ដំណើរទស្សនកិច្ច របស់គណៈប្រតិភូក្រុមហ៊ុន PT Kereta Api Indonesia (Persero) ដែលជាក្រុមហ៊ុនផ្លូវដែកឥណ្ឌូណេស៊ី។

បើតាម Royal Railway ក្នុងដំណើរទស្សនកិច្ចនេះ គឺដើម្បីជំរុញការពិភាក្សាលើកិច្ចសហប្រតិបត្តិការ និងឱកាសសម្រាប់ការអភិវឌ្ឍន៍ផ្លូវដែក នៅក្នុងតំបន់អាស៊ីអាគ្នេយ៍ ជាពិសេសរវាងប្រទេសទាំងពីរ ឥណ្ឌូនេស៊ី-កម្ពុជា នាពេលអនាគត។

តាមដានជាមួយយើង៖ Million Times

នៅថ្ងៃដដែលនេះដែរ គណៈប្រតិភូក្រុមហ៊ុន PT Kereta Api Indonesia (Persero) ក៏បានបន្តជួបពិភាក្សាជាមួយមន្ត្រីជាន់ខ្ពស់ក្រសួងសាធារណការ និងដឹកជញ្ជូន ដើម្បីពិនិត្យលទ្ធភាពក្នុងការបង្កើតកិច្ចសហការរវាងប្រទេសទាំងពីរ កម្ពុជា-ឥណ្ឌូនេស៊ី លើការកសាងហេដ្ឋារចនាសម្ព័ន្ធដឹកជញ្ជូន ឲ្យមានការរីកចម្រើនថែមទៀត។

ប្រតិភូក្រុមហ៊ុន បានបង្ហាញចំណាប់អារម្មណ៍ចំពោះការអភិវឌ្ឍយ៉ាងឆាប់រហ័ស នូវវិស័យហេដ្ឋារចនាសម្ព័ន្ធនៅកម្ពុជា ហើយក៏លើកឡើងអំពីការរៀបចំសន្និសីទ CEO ផ្លូវដែកអាស៊ានលើកទី ៤៤ ដែលគ្រោងធ្វើនៅក្រុងបាន ឌុង ប្រទេសឥណ្ឌូនេស៊ី ក្នុងខែកញ្ញាខាងមុខនេះ។ សន្និសីទនេះ នឹងឱកាសដល់ប្រទេសជាសមាជិកទាំងអស់ បង្ហាញពីទស្សនវិស័យជារួម ក្នុងការតភ្ជាប់ប្រព័ន្ធដឹកជញ្ជូន ជាពិសេសតាមរយៈផ្លូវដែក។

ក្នុងជំនួបនេះលោកស្រី កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានលើកឡើងពីឱកាសលើការវិនិយោគ ព្រមទាំងសក្តានុពលលើវិស័យហេដ្ឋារចនាសម្ព័ន្ធដឹកជញ្ជូន ផ្លូវ ថ្នល់ ស្ពាន ផ្លូវដែក និងវិស័យកំពង់ផែ នៅកម្ពុជា និង “ផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣” ដែលបើកទូលាយ និងស្វាគមន៍រាល់ការចូលរួមពីគ្រប់ភាគីក្នុងការវិនិយោគ៕

អត្ថបទ៖ វីរៈ រូបភាព៖ ក្រុមហ៊ុន Royal Railway

second...

x

The post ក្រុមហ៊ុន Royal Railway ពិភាក្សាជាមួយក្រុមហ៊ុនផ្លូវដែកឥណ្ឌូណេស៊ី លើកិច្ចសហប្រតិបត្តិការអភិវឌ្ឍន៍ផ្លូវដែក appeared first on Millions times.