នៅ ស៊ីនិត Archives - Millions times

វិស្វករ នៅ ស៊ីនិត ប្រកាន់ខ្ជាប់ការសាងសង់ផ្ទះជូនអតិថិជនក្នុងស្ដង់ដារតែ១ មិនបែងចែកសំណង់តូចឬធំឡើយ

Vin Chang — Tue, 07 Oct 2025 07:33:14 +0000

វិស្វករ នៅ ស៊ីនិត ជាម្ចាស់ក្រុមហ៊ុនម៉ៅការសាងសង់លំនៅឋាន មួយ ដែលទទួលបានទំនុកចិត្តពីអតិថិជនគ្រប់បណ្ដាខេត្ត/រាជធានី។ ទម្រាំបង្កើតបានក្រុមហ៊ុន វិស្វករដែលមានស្រុកកំណើតនៅកំពង់ឆ្នាំងរូបនេះ តស៊ូ ពុះពារគ្រប់សព្វបែបយ៉ាង ទើបអាចសាងកេរ្តិ៍ឈ្មោះក្នុងវិស័យម៉ៅការសាងសង់នេះបាន។

តាមដានជាមួយយើង៖ Million Times

លោក នៅ ស៊ីនិត ជាកូនអ្នកស្រុកស្រែជនបទ ដូចនេះហើយទើបការម៉ៅការសាងសង់ជូនអតិថិជន លោកបានគិតគូរល្អិតល្អន់ ដើម្បីតម្រូវចិត្តម្ចាស់សំណងនីមួយៗ ព្រោះថាការចំណាយប្រាក់លើ ទ្រព្យដែលជាផ្ទះនេះរឿងសំខាន់បំផុត។ព្រោះផ្ទះជាកន្លែងជ្រកបាំងខ្យល់ បាំងភ្លៀង កន្លែងផ្ដល់ភាពកក់ក្ដៅ និងផ្ដល់ស្នាមញញឹមដល់សមាជិកគ្រួសារ ដូច្នេះហើយការសាងសង់ផ្ទះឲ្យអតិថិជនម្នាក់ៗ លោកទាមទារឲ្យក្រុមការងារធ្វើដោយផ្ចិតផ្ចង់ អត់ធ្មត់ និងធ្វើតាមស្តង់ដារបច្ចេកទេសសំណង់។

ក្រុមហ៊ុនរបស់វិស្វករ នៅ ស៊ីនិត ទទួលម៉ៅការសាងសង់គ្រប់ទំហំ ដោយឌីហ្សាញ និងសាងសង់ផ្ទាល់តែម្ដង។ ជិត១០ ឆ្នាំមកនេះក្រុមហ៊ុនលោកបានសាងសង់ផ្ទះ មិនក្រោម ៥០០គំរោងឡើយ។ ចំពោះតម្លៃដែលលោកទទួលម៉ៅសាងសង់ ត្រូវបានអ្នកជំនួញក្នុងវិស័យម៉ៅការសាងសង់សរសើរថា គុណភាពល្អ និងតម្លៃសមរម្យ។

ជិត១០ ឆ្នាំក្នុងវិស័យសំណង់នេះវិស្វករ នៅ ស៊ីនិត បានបញ្ជាក់ថា កន្លងមកលោកសាងសង់ផ្ទះជូនអតិថិជនគឺក្នុងស្តង់ដារតែមួយ មិនប្រកាន់គំរោងធំធ្វើប្រិតប្រៀង ហើយគំរោងតូចធ្វើឲ្យតែបានៗឡើយ ដោយលោកសង្កត់ធ្ងន់ថា អតិថិជនដែលជាវសេវាកម្មពីក្រុមហ៊ុនលោក ត្រូវតែទទួលបានសំណង់មានគុណភាពល្អដូចៗគ្នា។

អ្នកខេត្តកំពង់ឆ្នាំងរូបនេះ បានឲ្យនិយមន័យនៃភាពជោគជ័យនៃអាជីវកម្ម មាន ៣គឺ: ទី១ម្ចាស់អាជីវកម្មត្រូវតែចំណេញ, ទី២ ត្រូវតែទទួលបានកិត្តិយស ភាពថ្លៃថ្នូរ ហើយទី៣ ភ្ញៀវធ្វើផ្ទះដោយក្រុមហ៊ុនលោក ត្រូវទទួលបានផ្ទះស្អាត មានគុណភាព និងទទួលបានការសរសើរពីអ្នកភូមិផងរបងជាមួយគ្នា៕

អត្ថបទ៖ ឆដា, រូបភាព៖ Panha Rith

The post វិស្វករ នៅ ស៊ីនិត ប្រកាន់ខ្ជាប់ការសាងសង់ផ្ទះជូនអតិថិជនក្នុងស្ដង់ដារតែ១ មិនបែងចែកសំណង់តូចឬធំឡើយ appeared first on Millions times.

វិស្វករ នៅ ស៊ីនិត បង្ហើប ៣ ចំណុច ទោះកាលៈទេសៈណា ក៏នៅតែមានអតិថិជន

Vin Chang — Mon, 31 Mar 2025 06:34:08 +0000

វិស្វករ នៅ ស៊ីនិត ដែលមានក្រុមហ៊ុនម៉ៅការសំណង់ធំ ព្រមទាំងមានកេរ្តិ៍ឈ្មោះបោះសំឡេងថាជាក្រុមហ៊ុនមានទំនួលខុសត្រូវខ្ពស់ គុណភាពសំណង់រឹងមាំល្អ សមស្របតាមមាត្រដ្ឋាន។ អ្វីដែល ធ្វើឲ្យអតិថិជនជាប់ចិត្ត គឺទាំងម៉ូដផ្ទះ លោក នៅ ស៊ីនិត ជាអ្នកឌីហ្សាញ និងសាងសង់ដោយផ្ទាល់ ជាលទ្ធផលផ្ទះធ្វើរួចទាំងស្អាត គួរឲ្យចង់រស់នៅ តម្លៃក៏សមរម្យ។

តាមដានជាមួយយើង៖ Million Times

ក្នុងទីផ្សារសេរី និងមានការប្រកួតប្រជែង វិស្វករ នៅ ស៊ីនិត បានបង្ហើបពីបញ្ហាប្រឈមមួយចំនួន ព្រោះការរកស៊ីដេញជើងគ្នា មានការនិយាយបំផ្លើសពីសំណង់ក្រុមហ៊ុននេះ ឬក្រុមហ៊ុននោះ តែវិស្វករ និងជាអ្នកម៉ៅការសំណង់រូបនេះ នៅតែអាចឈរជើងបានរឹងមាំ ក្នុងវិស័យសំណង់។

លោក នៅ ស៊ីនិត មិនត្រឹមតែមានបច្ចេកទេសខ្ពស់ក្នុងការកសាងផ្ទះជូនអតិថិជនឡើយ តែថៅកែម៉ៅការសំណងរូបនេះក៏មានសច្ចភាពក្នុងនាមជាអាជីវករផងដែរ។ ស្ថាបនិក Rung Moam Construction បានរៀបរាប់ថា ទោះបីជាក្នុងសម័យនេះមនុស្សខូច មានច្រើនក៏ដោយ ប៉ុន្តែក្រុមហ៊ុនលោកនៅតែចម្រាញ់បានភ្ញៀវល្អៗដដែល។ ក្នុងនោះមានដូចជា៖

– វិធីចម្រាញ់ភ្ញៀវ

– វិធីរៀបចំខ្លួនឲ្យក្លាយជាអ្នកម៉ៅការសាងសង់ដ៏ល្អ

– ក្បួនខ្នាត និងបច្ចេកទេសនៃការសាងសង់សំណង់ឲ្យមានគុណភាព

ប៉ុន្មានចំណុចខាងលើនេះ គឺមាននៅក្នុងសៀវភៅរបស់លោកបាននិពន្ធឡើងពីបទពិសោធន៍ជាក់ស្ដែងដែលបានជួបនៅក្នុងការដ្ឋានផ្ទាល់តែម្ដង មកចងក្រងទុកចែកចាយចំណេះដឹងដល់អ្នករកស៊ី និងអ្នករៀនសូត្រទុកជាបទសពិសោធន៍។

ស្ថាបនិក Rung Moam Construction បានលើកឡើងថា ពាក្យសម្ដីថ្លៃស្មើនឹងកិច្ចសន្យា ដែលនោះមានតាំងពីជំនាន់ចាស់ៗឪពុកលោកមកម្ល៉េះ៕

អត្ថបទ៖ មេរ៉ា, រូបភាព៖ Panha Rith

The post វិស្វករ នៅ ស៊ីនិត បង្ហើប ៣ ចំណុច ទោះកាលៈទេសៈណា ក៏នៅតែមានអតិថិជន appeared first on Millions times.

អ្នកម៉ៅការសំណង់ នៅ ស៊ីនិត សរសើរអតិថិជនខ្លួន ស៊ូធ្វើការលំបាកលំបិន ហើយខ្ចីបុលគេបង្គ្រប់ធ្វើផ្ទះជូនអ្នកមានគុណ

Vin Chang — Mon, 10 Feb 2025 04:12:40 +0000

វិស្វករ នៅ ស៊ីនិត និងជាអ្នកម៉ៅការសំណង់ដ៏ល្បីឈ្មោះមួយរូប បានទម្លាយឲ្យដឹងពីការតស៊ូរបស់អតិថិជនខ្លួន ដែលសុខចិត្តមកធ្វើការយ៉ាងលំបាកលំបិននៅរាជធានីភ្នំពេញ និងខ្ចីបុលគេបន្ថែម ដើម្បីបង្គ្រប់ប្រាក់ ធ្វើផ្ទះជូនអ្នកមានគុណនៅស្រុកកំណើត។

តាមដានជាមួយយើង៖ Million Times

លោក នៅ ស៊ីនិត បានសរសើរពីភាពកតញ្ញូរបស់អតិថិជនខ្លួន ខិតខំធ្វើយ៉ាងណាឲ្យអ្នកមានគុណ បានសោយសុខនៅវ័យចាស់ជរា។ អ្នកម៉ៅការសំណង់រូបនេះ បានបង្ហោះរូបភាព និងពាក្យពេចន៍ចាក់ដោតវែងអន្លាយពីការចេះដឹងគុណរបស់កូនប្រុសស្រី ត្រូវជាអតិថិជនខ្លួនយ៉ាងដូច្នេះថា “កតញ្ញូណាស់បងប្រុសបងស្រី សុខចិត្តមកធ្វើការយ៉ាងលំបាកនៅភ្នំពេញ ហើយថែមទាំងខ្ចីលុយធនាគារធ្វើផ្ទះជូនអ្នកមានគុណ អោយបានផ្ទះថ្មផ្ទះវីឡាជូនឪពុកម្តាយដែលមនវ័យចាស់ជរានៅឯស្រុកកំណើតអោយពួកគាត់សប្បាយចិត្ត និងរីករាយបំផុត មើលតែមុខលោកតាទៅដឹងហើយថាគាត់សប្បាយចិត្ត និងរីករាយប៉ុនណា“។

ម៉ូដផ្ទះដែលវិស្វករ នៅ ស៊ីនិត ធ្វើជូនអតិថិជនមានតម្លៃតែ ២ ម៉ឺនដុល្លារប៉ុណ្ណោះ ម៉ៅដាច់ទាំងសម្ភារៈ និងកម្លាំងពលកម្ម មាន២ បន្ទប់គេង ១ បន្ទប់ទឹក បន្ទប់ទទួលភ្ញៀវ ហើយក៏អាចច្នៃដាក់ផ្ទះបាយខាងក្នុងក៏បានដែរ ប្រសិនបើអតិថិជនចង់បាន។ លោកបានបញ្ជាក់យ៉ាងច្បាស់ថា ទោះផ្ទះនេះតូចហើយមានតម្លៃទាបក៏ពិតមែន ប៉ុន្តែគុណភាពសំណង់ និងសម្ភារៈប្រើប្រាស់ គឺនៅតែស្តង់ដារតែមួយជាមួយវីឡាផ្សេងៗដែលបានសាងសង់កន្លងមក។

វិស្វករ ស៊ីនិត ក៏បានបន្ថែមយ៉ាងជឿជាក់ថា កូនដែលមានទឹកចិត្តកតញ្ញូចំពោះអ្នកមានគុណដូចនេះ តែងតែធ្វើការរកស៊ីរីកចម្រើន មានបានលឿនណាស់ ព្រោះខ្លួនលោកផ្ទាល់ក៏បាន និងកំពុងធ្វើរឿងនេះ ជូនអ្នកមានគុណរហូតមកដែរ។

ដូចនេះហើយវិស្វករដែលល្បីឈ្មោះសាងសង់អាគារ និងផ្ទះជាច្រើនមកហើយនោះ សំណូមពរឲ្យមហាជនទាំងឡាយកតញ្ញូចំពោះឪពុកម្ដាយ ទោះតូចក្ដីធំក្ដី បើចាំដល់ពេលមានលទ្ធភាព វាអាចនឹងហួសពេល ធ្វើឲ្យយើងមានវិប្បដិសារី ដែលមិនបានបំពេញភាពកតញ្ញូជូនពួកគាត់។

ជាចុងក្រោយវិស្វករ នៅ ស៊ីនិត បានបញ្ជាក់ថា ក្រុមហ៊ុនលោមទទួលម៉ៅមិនថាតម្លៃខ្ពស់ ឬទាបប៉ុនណាក៏ទទួលធ្វើសាងសង់ទាំងអស់ដែរ៕

អត្ថបទ៖ មេរ៉ា, រូបភាព, Panha Rith

The post អ្នកម៉ៅការសំណង់ នៅ ស៊ីនិត សរសើរអតិថិជនខ្លួន ស៊ូធ្វើការលំបាកលំបិន ហើយខ្ចីបុលគេបង្គ្រប់ធ្វើផ្ទះជូនអ្នកមានគុណ appeared first on Millions times.

ងាយណាមាន! ត្រឹម ៦ម៉ឺនជាងមិនឈឺក្បាលរង់ចាំទទួលផ្ទះកាន់សោចូលនៅវីឡា ២ជាន់វិស្វករល្បីឈ្មោះម្នាក់សាងសង់

Vin Chang — Sun, 29 Dec 2024 08:09:44 +0000

មនុស្សគ្រប់គ្នា តែងតែមានបំណងប្រាថ្នាចង់បានផ្ទះក្នុងក្ដីស្រមៃរបស់ខ្លួន ម្យ៉ាងបើមានលុយហើយមានផ្ទះស្អាតក្នុងក្តីស្រមៃដែលយើងស្រឡាញ់ពេញចិត្តទៀតជីវិតកាន់តែមានន័យ។

បើយើងងាកមកមើលវិស្វករល្បីឈ្មោះលោក នៅ ស៊ីនិត បច្ចុប្បន្នកំពុងសម្រេចក្តីស្រមៃជូនម្ចាស់ផ្ទះជាច្រើនគ្រួសារនៅទូទាំងប្រទេសកម្ពុជា។ វិស្វកររូបនេះនិយាយពិតធ្វើពិតជូនអតិថិជនច្រើនផ្ទះដែលផ្ដល់ជូននៅបែបផែនរស់នៅទាន់សម័យ។

តាមដានជាមួយយើង៖ Million Times

សម្រាប់លោកអ្នកដែលមានកញ្ចប់លុយ ៦ ៥០០០ដុល្លារមិនពិបាកឈឺក្បាលជាមួយជាង គ្រឿងសំណង់ និងការជ្រើសរើសម៉ូដផ្ទះតាមតម្រូវការ និងការពេញចិត្តរបស់យើង គឺវិស្វករលោក ស៊ីនិត សម្រេចក្តីស្រមៃជូនភ្លាម ពិសេសនោះទទួលបានការប្រឹក្សាជាមួយលោកផ្ទាល់តែម្តង។

ម៉ូដផ្ទះដែលយើងកំពុងមើលនេះជាប្រភេទវីឡា ២ជាន់តម្លៃ ៦ ៥០០០ដុល្លារ ម៉ៅដាច់ទាំងសំភារៈ និងកំលាំងពលកម្មមានបន្ទប់គេង៤ បន្ទប់ទឹក៣ ចង្ក្រានបាយ កន្លែងទទួលភ្ញៀវ និងចំណតឡាន។

សូមទំនាក់ទំនងប្រឹក្សា និងសាងសង់តាមរយៈលេខ 092711165/ 0975769114/ 0964422220 ទទួលសាងសង់25ខេត្តក្រុង ឬទំនាក់ទំនងមកកាន់ផេកផ្ទាល់៖ https://www.facebook.com/share/XukZUQ1xDHWrjVE7/?mibextid=wwXIfr

The post ងាយណាមាន! ត្រឹម ៦ម៉ឺនជាងមិនឈឺក្បាលរង់ចាំទទួលផ្ទះកាន់សោចូលនៅវីឡា ២ជាន់វិស្វករល្បីឈ្មោះម្នាក់សាងសង់ appeared first on Millions times.

ម៉ូដផ្ទះដែលវិស្វករល្បី នៅ ស៊ីនិត ឌីហ្សាញ និងសាងសង់ដោយផ្ទាល់សម្រាប់អតិថិជន ស្អាត គួរឲ្យចង់រស់នៅ

Vin Chang — Tue, 12 Nov 2024 05:47:07 +0000

វិស្វករល្បីឈ្មោះ នៅ ស៊ីនិត មិនត្រឹមតែសាងសង់អាគារធំ ខ្ពស់ៗឡើយ តែសូម្បីតែផ្ទះរបស់អតិថិជនរបស់លោកដែលមើលទៅស្អាតបែបសាមញ្ញៗ ជាច្រើន ក៏លោកជាអ្នកឌីសាញ និងសាងសង់ដោយខ្លួនឯងថែមទៀតផង។

លោក នៅ ស៊ីនិត វិស្វករ និងជាអ្នកម៉ៅការសំណង់ ដែលទទួលបានការទុកចិត្តពីអតិថិជន ព្រោះគុណភាព និងម៉ូដដែលលោកចេញឲ្យភ្ញៀវទាំងស្អាត និងមានតម្លៃសមរម្យទទួលយកបាន។ វិស្វករ រូបនេះទទួលម៉ៅការ និងសាងសង់ផ្ទះគ្រប់ម៉ូដ មិនថាទំហំតូចធំឡើយគឺលោក ធ្វើដោយផ្ចិតផ្ចង់ និងអស់ពីចិត្តជូន។

ចំណុចដែលធ្វើឲ្យអតិថិជនគាំទ្រខ្លាំងចំពោះផ្ទះដែល វិស្វករល្បីឈ្មោះ នៅ ស៊ីនិត គឺម៉ូដនីមួយៗស្អាត ទាន់សម័យខុសពីគេ ហើយក៏មិនចាំបាច់ ខ្វាយខ្វល់បញ្ហាខ្លាចជាងកិបកេងសម្ភារៈសំណង់ឡើយ។ មិនតែប៉ុណ្ណោះមុនចេញជារូបរាងផ្ទះ វិស្វកររូបនេះ តែងតែគូរប្លង់ 3D ឲ្យមើលជាមុន ចុងក្រោយផ្ទះពិត ក្នុងរូបក្នុងប្លង់គំរូមិនខុសគ្នាសោះ។

គ្រប់អតិថិជនដែលទទួលបានផ្ទះហើយ បានផ្ដល់មតិល្អៗ ព្រោះស្រលាញ់ពេញចិត្តនឹងស្នាដៃដែលលោក នៅ ស៊ីនិត រចនាឡើង។ គួរបញ្ជាក់ថាវិស្វករ នៅ ស៊ីនិត ជាវិស្វករមានបទពិសោធន៍ច្រើនក្នុងការសាងសង់អាគារតូចធំ និងជាបុគ្គលខាងផ្នែកស្ថាបត្យកម្មដែលមានឱកាសបានចេញទៅក្រេបជញ្ជក់ចំណេះដឹងផ្សេងៗពីបរទេស។

ខាងក្រោមគឺជាម៉ូដផ្ទះដ៏ស្រស់ស្អាត និងគួរឲ្យចង់រស់នៅ ដែលឌីហ្សាញ និងសាងសង់ដោយលោក នៅ ស៊ីនិត ផ្ទាល់៖

តាមដានជាមួយយើង៖ Million Times

អត្ថបទ៖ មេរ៉ា រូបភាព៖ ផ្តល់ឲ្យ

The post ម៉ូដផ្ទះដែលវិស្វករល្បី នៅ ស៊ីនិត ឌីហ្សាញ និងសាងសង់ដោយផ្ទាល់សម្រាប់អតិថិជន ស្អាត គួរឲ្យចង់រស់នៅ appeared first on Millions times.

ភរិយាវិស្វករល្បីឈ្មោះម្នាក់ ជីវិតរស់នៅបែបអភិជន មានផ្ទះធំទ្រនំខ្ពស់ ឡាន Mercedes ស៊េរីទំនើប

Vin Chang — Fri, 06 Sep 2024 07:44:19 +0000

ស្រ្តីវ័យក្មេងហាយសូ គាម ឈនណារត្ន ភរិយាលោក នៅ ស៊ីនិត ដែលជាវិស្វករម៉ៅការសំណង់ និងមានកេរ្តិ៍ឈ្មោះល្បាញល្បី ដោយសារស្នាដៃយ៉ាងវិចិត្រប្រកបដោយគុណភាពខ្ពស់នោះ ព្រមទាំងជាបុគ្គលនៅក្នុងវិស័យសំណង់ស៊ីវិលមានកម្រិតជីវភាពល្អលំដាប់អ្នកមានៗនៅក្នុងស្រុកខ្មែរ កំពុងរស់នៅសោកសុខប្រកបដោយសុភមង្គលមានអ្វីគ្រប់យ៉ាងក្នុងក្តីសុបិន។

ក្រឡេកទៅមើលការរស់នៅប្រចាំថ្ងៃគ្រួសារភរិយាលោក នៅ ស៊ីនិត បានរស់នៅក្នុងវីឡាធំស្កឹមស្កៃក្នុងក្រុងភ្នំពេញ។ លោកស្រី និងស្វាមី ព្រមទាំងកូនប្រុស មិនត្រឹមរស់នៅផ្ទះធំទ្រនំខ្ពស់ឡើយ មធ្យោបាយធ្វើដំណើរ ក៏ជាប្រភេទឡាននំនើប Mercedes ស៊េរីខ្ពស់នោះទេ ជារឿយៗអ្នកទាំងពីរតែងជូនដំណើរកូនទៅសិក្សានៅសាលាលំដាប់អភិជនមួយកន្លែងស្ទើររាងរាល់ថ្ងៃ គឺសាលា Northbridge international School Cambodia ដែលប្រមូលផ្ដុំដោយកូនមន្ត្រីថ្នាក់ខ្ពស់ៗ មន្រ្តីទូត និងកូនអ្នកជំនួញ អ្នកមានៗ និងកូនលំដាប់សេដ្ឋីៗ។

តាមដានជាមួយយើង៖ Million Times

អ្នកម្តាយហាសូ គាម ឈនណារត្ន ជាស្រ្តីវ័យក្មេងដ៏ស្រស់ស្អាតឆ្លាត ហៅ Oun Nich រូបនេះត្រូវបានប្រភពមួយបង្ហើបថា ក៏ជាម្ចាស់ NR Fashion Shop ព្រមទាំងជាអ្នកផ្តល់ប្រាក់កម្ចីផងដែរ។

ក្រៅពីការងារអ្នកម៉ៅការសំណង់ដ៏ល្បី និងជាអ្នកផ្តល់ប្រាក់កម្ចី ស្វាមីភរិយាគំរូដ៏ល្អ ពូកែយល់ចិត្តគ្នាមួយគូរនេះ តែងឆ្លៀតជូនកូនដើរកម្សាន្តនៅក្រៅប្រទេស ព្រមទាំទិញរបស់របរប្រេនៗសម្រាប់ការប្រើប្រាស់ប្រចាំថ្ងៃបន្ថែមទៀតផង។

អត្ថបទ៖ គន្ធា រូបភាព៖ បណ្តាញសង្គម Keam Chhorn Naroth

The post ភរិយាវិស្វករល្បីឈ្មោះម្នាក់ ជីវិតរស់នៅបែបអភិជន មានផ្ទះធំទ្រនំខ្ពស់ ឡាន Mercedes ស៊េរីទំនើប appeared first on Millions times.

វិស្វករល្បីឈ្មោះ នៅ ស៊ីនិត ចង់ឃើញសំណង់អគារខ្ពស់ៗ ប្រសូតឡើងក្រោមស្នាដៃស្ថាបត្យករខ្មែរ ដោយសារការគិតរបស់កូនខ្មែរក៏មិនចាញ់បរទេសទេ

Vin Chang — Thu, 30 May 2024 09:34:57 +0000

លោក នៅ ស៊ីនិត វិស្វករ និងជាអ្នកម៉ៅការសំណង់ល្បីឈ្មោះបានបង្ហាញទស្សនវិស័យថា ទៅថ្ងៃអនាគតលោកចង់ឃើញសំណង់អគារខ្ពស់ៗ និងមជ្ឈមណ្ឌលពាណិជ្ជកម្មជាដើមត្រូវបានប្រសូតឡើងក្រោមស្នាដៃស្ថាបត្យករខ្មែរ ដោយសារការគិតរបស់កូនខ្មែរក៏មិនចាញ់បរទេសទេ។ ជាការកត់សម្គាល់បែបនេះត្រូវបានធ្វើឡើងបន្ទាប់ពីសំណង់អគារខ្ពស់ៗរីកស្គុះស្គាយនៅរាជធានីភ្នំពេញ និងខេត្តព្រះសីហនុ ភាគច្រើនជាស្នាដៃរបស់បរទេស។

ថ្លែងប្រាប់គេហទំព័រ Million Times វិស្វករ នៅ ស៊ីនិត មានប្រសាសន៍ថា វិស័យសំណង់នៅក្នុងប្រទេសកម្ពុជាជាង១០ឆ្នាំចុងក្រោយនេះមានភាពរីកចម្រើនគួរឱ្យកត់សំគាល់។ យើងអាចមើលឃើញសំណង់អគារខ្ពស់ៗ ដែលជាមជ្ឈមណ្ឌលពាណិជ្ជកម្ម រីកស្គុះស្គាយទាំងនៅរាជធានីភ្នំពេញ និងខេត្តព្រះសីហនុ។

តាមដានជាមួយយើង៖ Million Times

លោកថា បើក្រឡេកមួយភ្លែតយើងអាចច្រឡំ នៅបរទេស តែតាមការពិតសំណង់អគារទាំងអស់នេះ ពិតជានៅកម្ពុជាប្រាកដមែន។យ៉ាងណាមិញសំណង់អគារដែលបានសង់រួច ភាគច្រើនត្រូវបានរចនាដោយស្ថាបត្យករបរទេស។ ទន្ទឹមនឹងនេះ លោកបានបង្ហាញទស្សនវិស័យថា «នៅពេលអនាគតខ្ញុំចង់ឃើញសំណង់អគារខ្ពស់ៗចេញប្លង់រចនានិងសាងសង់ឡើងវិស្វករខ្មែរ មានលក្ខណៈប្លែកជាងគេ»។

បើតាមលោក នៅ ស៊ីនិត សំណង់លំនៅឋានទាំងនៅទីក្រុង និងជនបទ លោកកត់សំគាល់ឃើញពីនិន្នាការនៃការអភិវឌ្ឍន៍ និងភាពរីកចម្រើនជាងមុនទាំងគុណភាព និងម៉ូតផ្ទះ។ ថ្លែងថា៖ «ក្តីសុបិនក៏ដូចជាគោលបំណងធំរបស់ខ្ញុំចង់ឃើញវិស័យសំណង់នៅកម្ពុជាមានភាពរីកចម្រើន ។ដើម្បីអាចឱ្យយើងបោះជំហានបានលឿនលុះត្រាមានធនធានមនុស្សពូកែៗ ដោយត្រូវមានជំនាញ និងឯកទេសច្បាស់លាស់។ នៅពេលយើងមានជំនាញច្បាស់លាស់ខ្ញុំយល់ថា ការគិតរបស់កូនខ្មែរ មិនចាញ់បរទេសនោះទេ»។

លោកនបន្តទៀថា «ពេលនេះអ្វីដែលខ្ញុំអាចធ្វើបានគឺការចាប់ផ្ដើមពីខ្លួនយើងម្នាក់ៗត្រូវកសាងភាពជាគំរូ ដោយផ្ដល់ជូនលំនៅឋានមួយប្រកបដោយគុណភាព និងសោភ័ណភាពទៅកាន់អតិថិជន»៕

អត្ថបទ៖ នារតី រូបភាព៖ ផ្តល់ឲ្យ

The post វិស្វករល្បីឈ្មោះ នៅ ស៊ីនិត ចង់ឃើញសំណង់អគារខ្ពស់ៗ ប្រសូតឡើងក្រោមស្នាដៃស្ថាបត្យករខ្មែរ ដោយសារការគិតរបស់កូនខ្មែរក៏មិនចាញ់បរទេសទេ appeared first on Millions times.