វីឡាគន្ធ ត្រូវបានសាងសង់ឡើងជាគេហដ្ឋានបែបលំហែយ៉ាងប្រណិត ដោយបានបង្ហាញពីភាពរឹងមាំ ស្តុកស្តម្ភ ស៊ីវិល័យ និងការរស់នៅប្រកបដោយផាសុកភាព និងឧត្តមភាព។ 

តាមដានជាមួយយើង៖ Million Times

ការរចនាផ្នែកខាងក្រៅ និងខាងក្នុង ត្រូវបានសិក្សាយ៉ាងច្បាស់ពីបរិបទនៃការរស់សម័យទំនើប នាពេលបច្ចុប្បន្ន ដើម្បីអោយការរស់នៅរបស់លោកអ្នកពេញលេញដោយភាពរីករាយ និងកក់ក្តៅក្នុងលំនៅឋានមួយនេះ។

កាន់តែពិសេសជាងនេះ ក្នុងគម្រោង ខេខេ ដឹរេស៊ីដិន ៥៩៨ មានផ្សារទំនើបបែបសហគមន៍ អគារខ្ពស់សហគមន៍ ខុនដូរ និងអគារពាណិជ្ជកម្មដែលផ្តល់អោយការរស់នៅកាន់តែមានភាពងាយស្រួល និងសំបូរបែប។

វីឡាគន្ធមាន៖

– ទំហំដី  ៖ ១១ម៉ែត្រ x ២១ម៉ែត្រ

– ទំហំអគារ​​​       ​​ ៖ ៧ម៉ែត្រ x ១២ម៉ែត្រ 

– កម្ពស់អគារ     ៖ ជាន់ផ្ទាល់ដី / ជាន់ទី១ / ជាន់ទី២

– ចំណតរថយន្ត  ៖ ២ ទៅ ៣

– លំហខាងក្រោយ និង ចំហៀងផ្ទះ ៖ ២ម៉ែត្រ

សូមអញ្ជើញមកកាន់ការិយាល័យលក់ ដើម្បីទទួលបានព័ត៌មានលំអិត និងមានការបញ្ចុះតម្លៃយ៉ាងច្រើនសន្ធឹកសន្ធាប់ភ្លាមៗ ឬទំនាក់ទំនងមកកាន់ផ្នែកលក់ឥលូវនេះ៖ 017 456 242  / 086 456 242

ទីតាំងគម្រោងស្ថិតតាមបណ្តោយផ្លូវ 598 ដែលមានចង្ងាយត្រឹមតែ 3នាទី ពីសកលវិទ្យាល័យ AUPP (American University of Phnom Penh) 5នាទី ពីផ្សារ AEON Sen Sok និង 6នាទី ពីផ្សារ Makro និង ផ្សារ Global House ។

សូមទស្សនាវីដេអូខាងក្រោម៖

The post ឡូយមេស…!!! ខេខេ ដឹរេស៊ីដិន ៥៩៨ ម៉ូតផ្ទះវីឡាគន្ធ ម៉ូឌែលថ្មីបែបទំនើប និងទាក់ទាញបំផុតស្ថិតនៅផ្លូវជា សុផារ៉ា appeared first on Millions times.

តាមដានជាមួយយើង៖ Million Times

លោក សាយ សំអាល់ លើទំព័រហ្វេសប៊ុកបានលើកឡើងថា កិច្ចសហការដ៏ល្អរវាងក្រសួងរៀបចំដែនដី នគរូបនីយកម្ម និងសំណង់ និងក្រុមហ៊ុន បុរី ពិភពថ្មី ស្របនឹងរាជរដ្ឋាភិបាលបានដាក់ចេញនូវគោលនយោបាយស្តីពីលំនៅដ្ឋានជូនបងប្អូនប្រជាជនកម្ពុជា ហើយខាងវិស័យឯកជនក៏បានឆ្លើយតបប្រកបដោយប្រសិទ្ធភាពខ្ពស់ ដែលបានសាងសង់លំនៅដ្ឋានមានតម្លៃសមរម្យ សក្ត័សមទៅនឹងសមត្ថភាពសេដ្ឋកិច្ចបុគ្គល ឬគ្រួសាររបស់បងប្អូនប្រជាជនកម្ពុជា ដែលអាចមានលទ្ធភាពក្លាយជាម្ចាស់កម្មសិទ្ធិលើលំនៅដ្ឋានបានដោយខ្លួនឯង។

អ្នកឧកញ៉ា ហុង ពីវ នៅប៉ុន្មានថ្ងៃកន្លងទៅនេះបានកំពុងចាប់ផ្តើមប្រកាសពីការវិនិយោគខុនដូរតម្លៃសមរម្យ ចាប់ពី ១ ៧ ៨៨៨ដុល្លារឡើង ហើយការបង់រំលោះត្រឹមតែ ១៥៩ដុល្លារប៉ុណ្ណោះ ស្ថិតនៅលើមហាវិថី ឌីប៉ុក ជិតតំបន់ ផ្សារអ៊ីនអនសុខ ខណ្ឌសែនសុខ រាជធានីភ្នំពេញ។ នេះបើតាមវីដេអូផ្សព្វផ្សាយរបស់បុរីពិភពថ្មីដែលមានការចូលរួមបង្ហាញដោយអ្នកឧកញ៉ា ហុង ពីវ និងកូនស្រីផ្ទាល់របស់លោក៕

អត្ថបទ៖ សាងតេជៈ រូបភាព៖ ផេកលោកសាយ សំអាល់

The post រដ្ឋមន្រ្តីរៀបចំដែនដីចុះពិនិត្យគម្រោងវិនិយោគខុនដូថ្មីតម្លៃសមរម្យរបស់មហាសេដ្ឋី ហុង ពីវ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Bloomberg បានចុះផ្សាយនាថ្ងៃទី១៧ ខែមករាថា គណៈកម្មការ Doral City បានយល់ព្រមឲ្យក្រុមហ៊ុនរបស់ប្រធានាធិបតីជាប់ឆ្នោតអាមេរិក សង់អគារខុនដូកម្ពស់ ២០ជាន់ ចំនួន ៥អគារ នៅរមណីយដ្ឋាន Trump National Doral។

ក្រុមហ៊ុន Trump Organization បានដាក់សំណើចំពោះគម្រោងមួយនេះ តាំងពីឆ្នាំ២០២២ តែទើបទទួលបានការយល់ព្រមប៉ុន្មានថ្ងៃ មុនពេលលោក Trump ក្លាយជាប្រធានាធិបតី។ គម្រោងខុនដូនេះ នឹងមានបន្ទប់ស្នាក់នៅ ១ ៥០០បន្ទប់ បន្ទប់បែបសណ្ឋាគារ ៤៧០បន្ទប់ និងមានកន្លែងទំនេរទុកជួលធ្វើពាណិជ្ជកម្មទំហំ ១៣ ១៦០ម៉ែត្រការ៉េថែមទៀត។

រមណីយដ្ឋានរបស់ក្រុមហ៊ុនលោក Trump ដែលមានតម្លៃ ៣៥០លានដុល្លារ ត្រូវបានរំពឹងថា នឹងកើនតម្លៃកប់ពពក ពេលគម្រោងខុនដូមួយនេះបញ្ចប់រួចរាល់ ស្របពេលប្រភពជិតស្និទ្ធមួយទម្លាយថា ខុនដូមួយបន្ទប់នឹងមានតម្លៃចាប់ពី ២លានដុល្លារឡើងទៅ៕

អត្ថបទ៖ Luffy រូបភាព៖ Trump Organization

The post ក្រុមហ៊ុនលោក Trump ទទួលបានការអនុញ្ញាត សាងសង់គម្រោងខុនដូតម្លៃ ៣ពាន់លានដុល្លារ appeared first on Millions times.

យោងតាមសេចក្ដីជូនដំណឹង ផ្សព្វផ្សាយនៅថ្ងៃសុក្រនេះ និយ័តករអាជីវកម្មអចលនវត្ថុ និងបញ្ចាំ (ន.អ.ប) បានឲ្យដឹងថា មានម្ចាស់គណនីបណ្ដាញសង្គមហ្វេសប៊ុកចំនួន ៤ បាននិងកំពុងធ្វើអាជីវកម្មភ្នាក់ងារអចលនវត្ថុ ដោយគ្មានអាជ្ញាបណ្ណពី ន.អ.ប។

តាមសេចក្ដីជូនដំណឹង គណនីហ្វេសប៊ុកទាំង ៤នោះ រួមមាន៖ ធីអិលអ រៀលធី ឯ.ក, វិនិយោគដី, Elite Realty និង One Real Estate។ និយ័តករអាជីវកម្មអចលនវត្ថុ និងបញ្ចាំ ក៏បានប្រាប់ដល់សាធារណជនគួរបញ្ឈប់ការប្រើប្រាស់សេវាកម្ម ក្នុងការទិញ-លក់ ឬជួល និងចូលរួមអាជីវកម្ម ឬពាក់ព័ន្ធជាមួយនឹងម្ចាស់គណនីហ្វេសប៊ុកទាំង ៤ខាងលើ ដើម្បីជៀសវាងការខាតបង់ផលប្រយោជន៍ណាមួយជាយថាហេតុ។

នៅថ្ងៃទី ១២ ខែកក្កដានេះដែរ និយ័តករអាជីវកម្មអចលនវត្ថុ និងបញ្ចាំ ក៏បានជូនដំណឹងអំពីក្រុមហ៊ុនមួយ ដែលបានិងកំពុងធ្វើអាជីវកម្មអភិវឌ្ឍអគារសហកម្មសិទ្ធិ ដោយគ្មានអាជ្ញាបណ្ណពី ន.អ.ប។ តាមសេចក្ដីជូនដំណឹង ក្រុមហ៊ុននោះ មានឈ្មោះថា សាំស៍ អាប់ អ៊ិនធើណេសិនណល ហើយគម្រោងមានឈ្មោះថា City Gem Condo។

គម្រោងនេះ មានទីតាំងស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ និយ័តករអាជីវកម្មអចលនវត្ថុ និងបញ្ចាំ ក៏បានប្រាប់ដល់សាធារណជនកុំចូលរួមធ្វើអាជីវកម្ម ឬពាក់ព័ន្ធជាមួយនឹងក្រុមហ៊ុនខាងលើ ដែលអាចធ្វើឲ្យប៉ះពាល់ ឬខាតបង់ផលប្រយោជន៍ណាមួយជាយថាហេតុ៕

អត្ថបទ៖ វីរៈ រូបភាព៖ និយ័តករអាជីវកម្មអចលនវត្ថុ និងបញ្ចាំ

តាមដានជាមួយយើង៖ Million Times

The post ហ្វេសប៊ុកធ្វើអាជីវកម្មភ្នាក់ងារអចលនវត្ថុចំនួន ៤ និងគម្រោង Condoមួយ គ្មានអាជ្ញាបណ្ណពីស្ថាប័នជំនាញ   appeared first on Millions times.

ឧកញ៉ាបណ្ឌិត សំ សុខនឿន អគ្គនាយកក្រុមហ៊ុន KW SAM SN Group និងជាអ្នកជំនាញផ្នែកអចលនទ្រព្យ បានប្រាប់ Million Times ថា វិស័យអចលនទ្រព្យនៅកម្ពុជា ស្ថិតក្នុងស្ថានភាពដ៏លំបាក ចាប់តាំងពីចុងឆ្នាំ ២០១៩ មកដល់ឆ្នាំ ២០២៤នេះ ក៏នៅតែមិនទាន់ប្រសើរឡើងនៅឡើយដែរ។ សម្រាប់ការងើបឡើងវិញនៃវិស័យអចលនទ្រព្យ ត្រូវពឹងផ្អែកលើប្រភពពីរ គឺប្រភពខាងក្នុងស្រុក និងប្រភពខាងក្រៅស្រុក ហើយការដាក់ទុនវិនិយោគពីក្រៅប្រទេស លើវិស័យអចលនទ្រព្យនៅកម្ពុជា នៅតែមានការថមថយ។

តាមដានជាមួយយើង៖ Million Times

ឧកញ៉ាបណ្ឌិត សំ សុខនឿន បានបន្តថា ទោះបីជាសេដ្ឋកិច្ចក្នុងស្រុកមានកំណើនយ៉ាងណាក្ដី តែប្រភពដែលនាំឲ្យវិស័យអចលនទ្រព្យស្ទុះងើបឡើង ជាពិសេសទីផ្សារខុនដូនោះ គឺជាការវិនិយោគមកពីក្រៅប្រទេស និងការទិញ ពីជនបរទេស។ ទីផ្សារដ៏ធំរបស់ខុនដូ គឺជាជនបរទេស ពីព្រោះជនបរទេសមិនអាចទិញដីធ្លី ឬក៏លំនៅដ្ឋានជាប់ដីបាននោះទេ តែពួកគេអាចទិញខុនដូ ដែលជាប្រភេទសហកម្មសិទ្ធិ។

អគ្គនាយកក្រុមហ៊ុន KW SAM SN Group បានកត់សម្គាល់ថា រយៈពេល ៥ខែ ពោលគឺចាប់ពីខែមករា ដល់ខែឧសភា ឆ្នាំ ២០២៤នេះ ការទិញ-លក់ខុនដូនៅកម្ពុជា មិនទាន់មានភាពល្អប្រសើរនៅឡើយទេ បើប្រៀបធៀបនឹងចលនានៃការទិញ-លក់នៅឆ្នាំ ២០១៩ ដែលធ្វើឲ្យទីផ្សារលក់ខុនដូមានការជាប់គាំងជាខ្លាំង។

លោកថា បរិមាណនៃការសាងសង់លំនៅដ្ឋាន និងខុនដូ ដែលស្ថិតនៅក្នុងតម្លៃមធ្យម និងខ្ពស់ កំពុងមានចំនួនលើសតម្រូវការ។ ដូច្នេះហើយ ត្រូវការពេលវេលាបន្ថែមទៀត ពិសេសការត្រឡប់មកវិញរបស់អ្នកវិនិយោគ និងអ្នកជំនួញ ដែលពួកគេនឹងអាចទិញខុនដូ ឬលំនៅដ្ឋាន ដែលសាងសង់លើសតម្រូវការនោះ។

តែយ៉ាងណាក៏ដោយ អ្នកជំនាញផ្នែកអចលនទ្រព្យរូបនេះ ក៏បានកត់សម្គាល់ឃើញថា ពលរដ្ឋក្នុងស្រុកមួយចំនួន បានចាប់អារម្មណ៍ទិញខុនដូ សម្រាប់ជាលំនៅដ្ឋានរស់នៅ បន្ទាប់ពីអ្នកអភិវឌ្ឍចាប់ផ្ដើមបង្វែរទីផ្សារ មករកអ្នកទិញក្នុងស្រុកវិញ ដោយដាក់លក់ក្នុងតម្លៃទាបជាងមុន។ ដូច្នេះគេអាចសន្និដ្ឋានបានថា ទីផ្សារលំនៅដ្ឋាន និងខុនដូ ដែលមានតម្លៃសមរម្យ នៅតែមានតម្រូវការខ្លះដដែល ខណៈដែលទីផ្សារលំនៅដ្ឋាន និងខុនដូ ដែលមានតម្លៃមធ្យម និងខ្ពស់ គឺមិនសូវមាននោះទេ។

បើតាមអគ្គនាយកក្រុមហ៊ុន KW SAM SN Groupខុនដូនៅកម្ពុជា មានតម្លៃចន្លោះពី ១ ២០០ ទៅ ៣ ៥០០ ដុល្លារ ក្នុង ១ម៉ែត្រការ៉េ ទៅតាមទីផ្សារ និងការរៀបចំរបស់គម្រោងនីមួយៗ។ តម្លៃនេះ បើប្រៀបធៀបនឹងបណ្ដាប្រទេសដទៃ គឺនៅកម្ពុជាខុនដូនូវមានតម្លៃទាបជាងគេនៅឡើយ ដែលនឹងអាចមានតម្រូវការខ្ពស់បន្ថែម នាពេលខាងមុខ៕

អត្ថបទ៖ វីរៈ រូបភាព៖ បណ្ដាញសង្គម

The post អ្នកជំនាញ៖ គិតត្រឹមឆមាសទី ១ ឆ្នាំនេះ ទីផ្សារខុនដូនៅកម្ពុជា មិនទាន់ល្អប្រសើរនៅឡើយទេ appeared first on Millions times.