តាមដានជាមួយយើង៖ Million Times

កាលពីឆ្នាំ២០២៥ តំបន់សេដ្ឋកិច្ចពិសេសមួយនេះ បានកត់ត្រាចំណូលសរុបចំនួនទឹកប្រាក់ ៤១,២ លានដុល្លារអាមេរិក និងប្រាក់ចំណេញសុទ្ធចំនួន ៨,១លានដុល្លារអាមេរិក ដែលស្មើនឹងអត្រាផលចំណេញសុទ្ធ ១៩,៧% ដ៏ល្អប្រសើរ។

ចំពោះនិន្នាការកើនឡើង នេះឆ្លុះបញ្ចាំងពីការពង្រីកសមត្ថភាពផលិតកម្មជាបន្តបន្ទាប់ និងការពង្រឹងសកម្មភាពខ្សែសង្វាក់ផ្គត់ផ្គង់នៅក្នុងតំបន់។ នេះបើតាមការបង្ហោះនៅលើហ្វេសប៊ុក Royal Group Phnom Penh SEZ កាលពីថ្ងៃទី២៤ ខែមីនាកន្លងទៅនេះ។

RGPPSEZ នៅតែជាអ្នករួមចំណែកដ៏សំខាន់មួយ ចំពោះការបង្កើតឱកាសការងារ និងការអភិវឌ្ឍសេដ្ឋកិច្ចសង្គម នៅក្នុងប្រទេសកម្ពុជា។ គិតត្រឹមខែកុម្ភៈ ឆ្នាំ២០២៦ តំបន់សេដ្ឋកិច្ចពិសេស បា​នផ្តល់ឱកាសការងារដល់កម្មករ-កម្មការិនីចំនួន ៥៥ ៩៣៥នាក់ ដែលគាំទ្រដល់ជីវភាពរស់នៅ និងរួមចំណែកដល់ការអភិវឌ្ឍកម្លាំងពលកម្មជំនាញ។

អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក បានមានប្រសាសន៍ថា ការរីកចម្រើនជាបន្តបន្ទាប់ និងប្រតិបត្តិការឈានទៅមុខជាលំដាប់របស់ RGPPSEZ គឺបានឆ្លុះបញ្ចាំងពីទំនុកចិត្តដែលតំបន់សេដ្ឋកិច្ចពិសេសរបស់លោក បានទទួលពីវិនិយោគិន និងការខិតខំប្រឹងប្រែងរបស់ភាគីពាក់ព័ន្ធទាំងអស់ នៅក្នុងតំបន់នេះ។

ក្នុងនាមជាអ្នកជំនួញមួយរូប អ្នកឧកញ៉ា គិត ម៉េង មោទនភាពជាខ្លាំងក្នុងការចូលរួមចំណែកដល់ការអភិវឌ្ឍសេដ្ឋកិច្ចរបស់ប្រទេសកម្ពុជា ដោយការគាំទ្រដល់ការពង្រីកវិស័យឧស្សាហកម្ម កំណើនពាណិជ្ជកម្ម និងការបង្កើតឱកាសការងារ។

ដោយសម្លឹងទៅមុខជានិច្ច អ្នកឧកញ៉ា បានប្តេជ្ញាចិត្តក្នុងការកែលម្អហេដ្ឋារចនាសម្ព័ន្ធរបស់ខ្លួនបន្ថែមទៀត ពង្រឹងគុណភាព សេវាកម្ម និងទាក់ទាញការវិនិយោគ ដែលមានតម្លៃបន្ថែមខ្ពស់៕

អត្ថបទ៖ វីរៈ រូបភាព៖ Royal Group Phnom Penh SEZ

second...

x

The post ២ខែដើមឆ្នាំ តំបន់សេដ្ឋកិច្ចពិសេសរ៉ូយ៉ាល់ គ្រុប នាំចេញបានជាង ៣០០លានដុល្លារ កើនឡើងជិត១៤% appeared first on Millions times.

ការលើកទឹកចិត្តនេះ ត្រូវបានធ្វើឡើង នៅថ្ងៃទី១៩ ខែកុម្ភៈ ឆ្នាំ២០២៦ នាឱកាសឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជាបានទទួលជួបពិភាក្សាការងារជាមួយគណៈប្រតិភូក្រុមហ៊ុន IDECGROUP ASIA ដឹកនាំដោយលោក Francois MAGNIER អគ្គនាយកក្រុមហ៊ុន។

តាមដានជាមួយយើង៖ Million Times

សូមបញ្ជាក់ជូនថា៖ ក្រុមហ៊ុន IDECGROUP ASIA បង្កើតឡើងដោយការរួមសហការរវាងក្រុមហ៊ុន GROUPE IDEC និងក្រុមហ៊ុន ARCHETYPE GROUP ដែលមានកម្មវត្ថុអាជីវកម្មក្នុងការរចនាប្លង់សាងសង់ និងផ្តល់សេវាសាងសង់, ការផ្តល់ដំណោះស្រាយថាមពល, ឧស្សាហកម្មបៃតង, ភស្តុភារកម្ម។ល។ គោលបំណងនៃការជួបពិភាក្សានាពេលនេះគឺដើម្បីស្វែងរកកាលានុវត្តភាពវិនិយោគនៅកម្ពុជាក្នុងវិស័យដែលមានសក្តានុពលមួយចំនួន។

នៅក្នុងកិច្ចពិភាក្សា ឯកឧត្តមអគ្គលេខាធិការបានជំរុញលើកទឹកចិត្តឱ្យក្រុមហ៊ុនវិនិយោគបង្កើតតំបន់សេដ្ឋកិច្ចពិសេសដោយផ្តោតលើកន្សោមឧស្សាហកម្មជាក់លាក់ណាមួយ ហើយក្រុមហ៊ុនអាចមានលទ្ធភាពរៀបចំហេដ្ឋារចនាសម្ព័ន្ធដោយប្រើប្រាស់នូវជំនាញក្នុងការសាងសង់របស់ក្រុមហ៊ុនស្រាប់ព្រមទាំងអាចផ្តល់សេវាសាងសង់រោងចក្រជូនដល់អតិថិជនដែលបណ្តាក់ទុនវិនិយោគក្នុងតំបន់របស់ខ្លួន។

បន្ថែមលើនេះ ឯកឧត្តមអគ្គលេខាធិការក៏បានលើកឡើងនូវវិស័យមួយចំនួនដែលមានសក្តានុពល ដូចជា ការកែច្នៃស្រូវ ការកែច្នៃស្វាយចន្ទី ការកែច្នៃជ័រកៅស៊ូ ឧស្សាហកម្មឈើដាំ។ល។ ដើម្បីឱ្យក្រុមហ៊ុនពិនិត្យលទ្ធភាពធ្វើការបណ្តាក់ទុនវិនិយោគទាញយកអត្ថប្រយោជន៍ជាអតិបរមាពីវិស័យទាំងនេះ៕

អត្ថបទ៖ ប៊ី

second...

x

The post CDC លើកទឹកចិត្តឱ្យវិនិយោគិន បង្កើតតំបន់សេដ្ឋកិច្ចពិសេសផ្តោតលើកន្សោមឧស្សាហកម្ម appeared first on Millions times.

កិច្ចប្រជុំច្រកចេញ-ចូលតែមួយនេះ ត្រូវបានឡើងកាលថ្ងៃទី១២ ខែវិច្ឆិកា ឆ្នាំ២០២៥ ក្រោមអធិបតីភាពឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងមានការអញ្ជើញចូលរួមពីសំណាក់តំណាងក្រសួង-ស្ថាប័ន និងរដ្ឋបាលខេត្តពាក់ព័ន្ធ។

ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា គម្រោងវិនិយោគបង្កើតតំបន់សេដ្ឋកិច្ចពិសេសទាំងនេះ មានទុនវិនិយោគសរុបប្រមាណ ១៩៥ លានដុល្លារអាម៉េរិក នឹងក្លាយជាកម្លាំងចលករយ៉ាងសំខាន់ក្នុងការស្រូបយកគម្រោងវិនិយោគមកបណ្តាក់ទុននៅក្នុងតំបន់សេដ្ឋកិច្ចពិសេសទាំងនេះ, ព្រមទាំងអាចបង្កើតការងារលើកកម្ពស់ជីវភាពរស់នៅរបស់ប្រជាពលរដ្ឋ, បង្កើនផលិតផលក្នុងស្រុក, បង្កើនការនាំចេញទៅកាន់ទីផ្សារអន្តរជាតិ ជាពិសេសចូលរួមចំណែកជំរុញកំណើនសេដ្ឋកិច្ចជាតិ ។

តាមដានជាមួយយើង៖ Million Times

គម្រោងវិនិយោគបង្កើតតំបន់សេដ្ឋកិច្ចពិសេសទាំងពីរនេះ មានទីតាំងស្ថិតនៅស្រុកជុំគីរី ខេត្តកំពត និងក្រុងច្បារមន ខេត្តកំពង់ស្ពឺ។

គួរបញ្ជាក់ថា តំបន់សេដ្ឋកិច្ចពិសេសដែលទទួលបានការអនុម័តដោយក្រុមប្រឹក្សាអភិវឌ្ឍន៍កម្ពុជា គិតត្រឹមឆមាសទី១ ឆ្នាំ​២០២៥ មានចំនួន ៥៧ តំបន់សេដ្ឋកិច្ចពិសេស និងកំពុងដំណើរការមានចំនួន ៣២ តំបន់ ក្នុងនោះ ២៧ តំបន់ បានបង្កើតជារដ្ឋបាលតំបន់សេដ្ឋកិច្ចពិសេស និងត្រូវការជាចាំបាច់នូវមន្រ្តីរាជការដើម្បីបម្រើការងារបន្ថែមទៀត​។ ការនាំចេញផលិតផលពីតំបន់សេដ្ឋកិច្ចពិសេសមានរហូតដល់ ២៣% ទៅ ២៥% នៃការនាំចេញសរុបរបស់កម្ពុជាលើទីផ្សារពិភពលោកក្នុងរវាងឆ្នាំ ២០២២ ដល់ ២០២៤ កន្លងទៅ។

សម្រាប់ក្នុងរយៈពេល ១០ ខែនៃ ឆ្នាំ២០២៥នេះ ក្រុមប្រឹក្សាអភិវឌ្ឍន៍កិម្ពុជា​ បានសម្រេចុះបញ្ជីគម្រោងវិនិយោគចំនួន ៥៧៥ គម្រោង ក្នុងទំហំទុនវិនិយោគសរុបប្រមាណ ៩,២ ពាន់លានដុល្លារអាម៉េរិក គឺគម្រោងវិនិយោគមានការកើនឡើងចំនួន ២២៩ គម្រោង ស្មើនឹងប្រមាណ ៦៦% ខណៈទុនវិនិយោគមានការកើនឡើងប្រមាណជិត ៣,៧ ពាន់លានដុល្លារអាម៉េរិក ស្មើនឹងប្រមាណ ៦៧% បើប្រៀបធៀបនឹងរយៈពេលដូចគ្នាក្នុងឆ្នាំ២០២៤ ដែលមានគម្រោងវិនិយោគត្រឹមតែ ៣៤៦ គម្រោង ក្នុងទំហំទុនវិនិយោគប្រមាណ ៥,៥ ពាន់លានដុល្លារអាម៉េរិក។

ជាការកត់សម្គាល់ត្រឹមតែរយៈ ពេល ១០ ខែ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគលើសការចុះបញ្ជីគម្រោងវិនិយោគពេញមួយឆ្នាំ២០២៤ រហូតដល់ទៅ ១៦១ គម្រោង៕

second...

x

The post តំបន់សេដ្ឋកិច្ចពិសេស ២ នឹងចាក់បញ្ចូលទុនជិត ២០០ លានដុល្លារនៅខេត្តកំពត និងកំពង់ស្ពឺ appeared first on Millions times.

តាមដានជាមួយយើង៖ Million Times

ឯកឧត្តម ស៊ឹម វីរៈ ប្រធានលេខាធិការដ្ឋាន ក.វ.ឦសាន នៅថ្ងៃទី១១ ខែវិច្ឆិកានេះ បានដឹកនាំក្រុមការងារ ចុះពិនិត្យស្ថានភាពវិនិយោគ នៅក្នុងតំបន់សេដ្ឋកិច្ចពិសេស យូ ប៊ី អ៊ី ស្នួល ដោយមានការចូលរួមពីតំណាងក្រុមប្រឹក្សាអភិវឌ្ឍន៍កម្ពុជា តំណាងរដ្ឋបាលខេត្ត និងមន្ទីរជំនាញពាក់ព័ន្ធ។

ទីតាំងតំបន់សេដ្ឋកិច្ចពិសេសនេះ មានចំងាយប្រមាណ ៥គីឡូម៉ែត្រ ពីច្រកអន្តរជាតិត្រពាំងស្រែ ដែលជាច្រកអន្តរជាតិសំខាន់ជាយុទ្ធសាស្ត្រមួយ ក្នុងប្រព័ន្ធដឹកជញ្ជូន និងពាណិជ្ជកម្ម នៅក្នុងតំបន់ភូមិភាគឦសាន។ ទុនវិនិយោគរបស់ក្រុមហ៊ុនអភិវឌ្ឍន៍មានទំហំ ២០០លានដុល្លារ ហើយគិតមកទល់បច្ចុប្បន្នទំហំទុនវិនិយោគ ដែលបានចូលមកបណ្តាក់ទុននៅតំបន់សេដ្ឋកិច្ចពិសេសនេះ មានទំហំ ៥៩៥,៣លានដុល្លារ និងបានផ្តល់ការងារដល់កម្មករសរុបចំនួន ២០១៤នាក់។

ការនាំចេញពីតំបន់សេដ្ឋកិច្ចពិសេសនេះ កាលពីឆ្នាំ២០២៤ មានទំហំ ៧៩,៦លានដុល្លារ ហើយបច្ចុប្បន្ន គិតត្រឹមរយៈពេល ១០ខែ ឆ្នាំ២០២៥ ការនាំចេញបានហក់ឡើងដល់ចំនួនជាង ១០០លានដុល្លារ ដោយមានទីផ្សារនាំចេញសំខាន់ៗដូចជា​៖ សហរដ្ឋអាមេរិក ប្រេស៊ីល ចិន សហភាពអឺរ៉ុប តួកគី ម៉ិកស៊ិក រុស្សី អាហ្វ្រិកខាងត្បូង ឥណ្ឌា និង ឥណ្ឌូនេស៊ី ជាដើម។

គួរឱ្យដឹងដែរថា តំបន់សេដ្ឋកិច្ចពិសេសនេះ មានក្រុមហ៊ុនកំពុងដំណើរការ ចំនួន ៥ ៖ ១.ក្រុមហ៊ុន Newbustar (Cambodia) Tire Co.,Ltd. (ផលិតសំបកកង់យានយន្ត), ២. ក្រុមហ៊ុន HKZQ Energy and Technology Co.,Ltd. (ផលិតចំហាយទឹកនិងខ្យល់ក្តៅ), ៣. ក្រុមហ៊ុន Firemax (Cambodia)Tires Co.,Ltd. (ផលិតសំបកកង់យានយន្ត), ៤. ក្រុមហ៊ុន Yaokun (Cambodia) Mold Co.,Ltd. (ផលិតពុម្ពសំបកកង់យានយន្ត), និង ៥. ក្រុមហ៊ុន Zhongqi Photovoltaic Technology (Cambodia)Co., Ltd. (ផ្គុំនិងតម្លើងបន្ទះសូឡា)៕

អត្ថបទ៖ វីរៈ រូបភាព៖ ក.វ.ឦសាន

second...

x

The post ១០ខែ ឆ្នាំនេះ តំបន់សេដ្ឋកិច្ចពិសេសមួយនៅខេត្តក្រចេះ នាំចេញបានជាង ១០០លានដុល្លារ appeared first on Millions times.

តាមដានជាមួយយើង៖ Million Times

លោក ម៉ាង ស៊ីណេត បានលើកឡើងថា ក្នុងរយៈពេលកន្លងមក វិស័យឧស្សាហកម្មខេត្តព្រះសីហនុ មានការរីកចំរើនខ្លាំង ក្រោមការជ្រោមជ្រែងពីរដ្ឋាភិបាលចិន ក្រោមគំនិតផ្តួចផ្តើម ខ្សែក្រវ៉ាត់ និងផ្លូវ។ ជាក់ស្តែងក្នុងឆ្នាំ២០២៥នេះ តំបន់សេដ្ឋកិច្ចពិសេសក្រុងព្រះសីហនុ ទទួលបានក្រុមហ៊ុនវិនិយោគចំនួន២០០ ដែលជាសមិទ្ធផលលេចធ្លោក្នុងបដិវត្តឧស្សាហកម្មក្នុងរយៈពេល៩ឆ្នាំ។

លោកបន្តលើកឡើងរៀបរាប់ពីសក្តានុពលនានាដែលបានលេចរូបរាងឡើងប្រកបដោយផ្លែផ្កា ក្នុងនោះមានផ្លូវទឹក ផ្លូវគោក ផ្លូវដែក ផ្លូវអាកាស ជាពិសេសផ្លូវល្បឿនលឿនភ្នំពេញ-ព្រះសីហនុ សាងសង់ឡើងដោយក្រុមហ៊ុនចិន។ លោកបន្ថែមទៀតថា នៅឆ្នាំ២០៣០ កំពង់ផែស្វយ័តក្រុងព្រះសីហនុ នឹងអាចឲ្យនាវាធ្វើចរាចរណ៍នៅលើពិភពលោកអាចចូលចតបាន ខណៈបច្ចុប្បន្នកំពុងសាងសង់ជា៣ដំណាក់កាលមានជំរៅទឹករហូតដល់ ១៧,៥០ម៉ែត្រ។

លោក ស៊ូ គុនលីន អភិបាលខេត្តជាំងស៊ូ បានរម្លឹកថា កាលពីឆ្នាំ២០២២ លោកបានទទួលអភិបាលខេត្តព្រះសីហនុ នៅខេត្តជាំងស៊ូ ដែលពេលនោះសម្រេចបានក្រុមហ៊ុន១០០ ហើយថ្ងៃនេះមានក្រុមហ៊ុន ២០០វិនិយោគ នៅតំបន់សេដ្ឋកិច្ចពិសេសក្រុងព្រះសីហនុ។

លោកបានបញ្ជាក់ថា ខេត្តជាំងស៊ូ ជាប់សមុទ្រភាគខាងកើត នៃប្រទេសចិន ប្រជាជនជាង៨៥លាននាក់ មានសេដ្ឋកិច្ចមានការរីកចម្រើន ហើយដំណើទស្សនកិច្ចនាពេលនេះ ក្នុងគោលបំណងអនុវត្តនូវកិច្ចសហប្រតិបត្តិការលើគម្រោងវិនិយោគតំបន់សេដ្ឋកិច្ចពិសេសក្រុងព្រះសីហនុ ព្រោះគម្រោងតំបន់សេដ្ឋកិច្ចក្រុងព្រះសីហនុ ជាគម្រោងកិច្ចសហប្រតិបត្តិការរវាងចិន-កម្ពុជា តាមរយៈគោលនយោបាយខ្សែក្រវ៉ាត់ និងផ្លូវ ហើយតំបន់សេដ្ឋកិច្ចពិសេសក្រុងព្រះសីហនុ ទទួលបានក្រុមហ៊ុនចំនួន២០០។ ទន្ទឹមគ្នានេះ លោកសង្ឃឹមថា នឹងទទួលបានក្រុមហ៊ុនពី៣០០ ទៅ៤០០ នៅថ្ងៃខាងមុខ៕

អត្ថបទ៖ ពិសិដ្ឋ រូបភាព៖ រដ្ឋបាលខេត្តព្រះសីហនុ

second...

x

The post វិស័យឧស្សាហកម្មខេត្តព្រះសីហនុ មានការរីកចំរើនខ្លាំង ក្រោមការជ្រោមជ្រែងពីចិន appeared first on Millions times.

តាមដានជាមួយយើង៖ Million Times

លោក សុខ ណាទី រៀបរាប់​ពីទីតាំង​ភូមិសាស្រ្ត​​​នៃ​តំបន់​សេដ្ឋកិច្ច​ស្ទឹងអាវ មានហេដ្ឋារចនាសម្ព័ន្ធស្រាប់ដូចជា មានផ្លូវបេតុងរួចស្រាប់តភ្ជាប់ពីស្ទឹងហាវ រហូតដល់ផ្លូវជាតិលេខ៤។ ចំណែកចម្ងាយផ្លូវ​ត្រឹមតែ ៤ គីឡូម៉ែត្រ​ពី​ផ្លូវ​ល្បឿនលឿន និងមានផ្លូវរថភ្លើងដែលរត់ជាប់នឹងព្រំប្រទល់​តំបន់សេដ្ឋកិច្ច​នេះ​តែ​ម្ដង ហើយ​ការ​ភ្ជាប់​ផ្លូវ​គមនាគមន៍​គឺ​បាន​យ៉ាង​ល្អ។

អ្នក​តំណាង​ក្រុមហ៊ុន អ៊ែតវូត អីនវេសមីន គ្រុប ឯ.ក បាន​បន្ត​ទៀត​ថា ចំណែក​កំពង់ផែ​វិញ​ រឹតតែ​ពិសេស​ទៅទៀត ដោយសារ​ទីតាំង​តំបន់​សេដ្ឋកិច្ច​ពិសេស​​នៅ​ស្ទឹងហាវផ្នែក​ខាង​ក្រោយ ជាប់​​នឹង​​កំពង់ផែ​តែម្ដង ហើយ​ពេលនេះ​កំពុង​ធ្វើការ​ទំនាក់ទំង​ជាមួយ​ដៃគូ​សហការ​អន្តរជាតិ​នៅ​អា​ស៊ី​ ដើម្បី​ចុះ​ធ្វើការ​សិក្សា​លម្អិត អំពី​លទ្ធភាព​នៃ​អាជីវកម្មកំពង់ផែ។

ចំពោះ​គម្រោង​អភិវឌ្ឍន៍​តំបន់​សេដ្ឋកិច្ច​ពិសេស​ស្ទឹងហាវ​វិញ ក្រុមហ៊ុន អ៊ែតវូត ធ្វើការ​សិក្សា​លទ្ធភាព​អាជីវកម្ម​ និង​គម្រោងការ​អភិវឌ្ឍន៍​ជាមួយ​ក្រុមហ៊ុន​ចិនមួយ ហើយការសិក្សានោះនឹងបញ្ចប់នៅពេលឆាប់ៗខាងមុខនេះ។ ក្រោយ​ពេល​បញ្ចប់​​ក្រុមហ៊ុន​នឹង​​ធ្វើ​ការ​​ផ្សព្វផ្សាយ និង​ព្យាយាម​ទាក់ទាញវិនិយោគិនបរទេស ដើម្បីមកធ្វើការសាងសង់រោងចក្រសហគ្រាសនានា នៅក្នុងតំបន់សេដ្ឋកិច្ចពិសេសនេះ៕

second...

x

The post តំបន់សេដ្ឋកិច្ចពិសេសស្ទឹងហាវ ទីតាំងភូមិសាស្រ្តល្អ ចំណុចសំខាន់ មានកំពង់ផែនៅពីក្រោយតែម្ដង appeared first on Millions times.

រោងចក្រដែលបើកដំណើរការនាពេលនេះ មានឈ្មោះថា ក្រុមហ៊ុន Metal Jewelry Cambodia ក្រោមការវិនិយោគពីក្រុមហ៊ុនបារាំង International Metal and Jewelry Co., Ltd ដែលទទួលបានគោលការណ៍អនុញ្ញាឱ្យវិនិយោគបង្កើតរោងចក្រុមប្រឹក្សាអភិវឌ្ឍន៍កម្ពុជា CDC កាលពីខែមិថុនា ឆ្នាំ២០២៣ ក្នុងទំហំទឹកប្រាក់​ប្រ​មាណ ៩​លាន​ដុល្លារ​។

តាមដានជាមួយយើង៖ Million Times

ម្ចាស់ភាគហ៊ុនរបស់ក្រុមហ៊ុន Metal Jewelry Cambodia គឺជាក្រុមហ៊ុនមួយក្នុងចំណោមក្រុមហ៊ុនផលិតគ្រឿងអលង្ការនិងគ្រឿងលម្អដែលជាម៉ាកល្បី និងប្រណិតរបស់បារាំង (French Luxury Group)។

លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានលើកឡើងថា ការបណ្តាក់ទុនវិនិយោគរបស់ក្រុមហ៊ុននៅកម្ពុជាជាសក្ខីភាពមួយសបញ្ជាក់យ៉ាងច្បាស់ថា កម្ពុជាមានកម្លាំងពលកម្មដ៏មានសក្តានុពល និងមានបរិយាកាសធុរកិច្ចប្រកដោយភាពអំណោយផល។ លោកថា វត្តមានរបស់ក្រុមហ៊ុន មិនត្រឹមតែអាចជួយជំរុញសេដ្ឋកិច្ច និងចូលរួមបង្កើតការងារដែលមានបន្ថែមតម្លៃខ្ពស់ប៉ុណ្ណោះទេ ប៉ុន្តែថែមទាំងរួមចំណែកដល់ការអភិវឌ្ឍឧស្សាហកម្មគ្រឿងអលង្ការរបស់របស់កម្ពុជា តាមរយៈការនាំមកនូវបច្ចេកវិទ្យាខ្ពស់ និងសិល្បៈហត្ថកម្មកម្រិតស្តង់ដារពិភពលោក មកកាន់កម្ពុជាយើងផងដែរ។

លោកបន្តថា ការជ្រើសរើសបោះទីតាំងវិនិយោគក្នុងតំបន់សេដ្ឋកិច្ចពិសេសរ៉ូយ៉ាល់គ្រុប ភ្នំពេញ របស់ក្រុមហ៊ុន Metal Jewelry Cambodia ជាការសម្រេចចិត្តប្រកបដោយភាពវៃឆ្លាត និងមានលក្ខណៈជាយុទ្ធសាស្ត្រ ព្រោះក្រុមហ៊ុនមិនត្រឹមតែអាចទទួលបាននូវអត្ថប្រយោជន៍ ពីកញ្ចប់លើកទឹកចិត្តដែលមានភាពទាក់ទាញប៉ុណ្ណោះទេ ប៉ុន្តែក៏នឹងទទួលបាននូវកិច្ចសម្រួលនីតិវិធីរដ្ឋបាលដែលមានភាពរហ័សងាយស្រួល, ប្រព័ន្ធបណ្តាញអគ្គិសនីដែលអាចជឿទុកចិត្តបាន, បណ្តាញដឹកជញ្ជូនដ៏មានប្រសិទ្ធភាព និងបរិក្ខារភស្តុភារកម្មទំនើបៗ ដែលអាចជួយឱ្យប្រតិបត្តិការអាជីវកម្មរបស់ក្រុមហ៊ុនសម្រេចបាននូវប្រសិទ្ធផល និងប្រាក់ចំណេញខ្ពស់ផងដែរ៕

អត្ថបទ៖ សេដ្ឋានី រូបភាព៖ CDC

second...

x

The post ក្រុមហ៊ុនបារាំង បើកដំណើរការរោងចក្រផលិត និងបង្គុំគ្រឿងអលង្ការ និងគ្រឿងលម្អរ តម្លៃ ៩លានដុល្លារ appeared first on Millions times.

លោក ម៉ាង ស៊ីណេត បានលើកឡើងថា ក្នុងចំណោមរោងចក្រចំនួន ២៧០នោះ មាននៅតំបន់សេដ្ឋកិច្ចពិសេសចំនួន ៥ ដែលមានចំនួន ២១៥រោងចក្រ និងមានកម្មករជាង ៣៨.០០០នាក់ ហើយនៅក្រៅតំបន់មានចំនួន ៥៥រោងចក្រជាមួយកម្លាំងពលកម្មប្រមាណជាង ៥០.០០០នាក់។

តាមដានជាមួយយើង៖ Million Times

ជាមួយគ្នានោះនៅក្នុងខេត្តព្រះសីហនុ ក៏មានវិស័យសហគ្រាសធុនតូច និងមធ្យម (SME) ប្រមាណ ១២.០០០សហគ្រាស ដែលមានទុនវិនិយោគប្រហែលជាង ៣០លានដុល្លារអាមេរិកផងដែរ។

ដោយឡែក តំបន់សេដ្ឋកិច្ចពិសេសមានចំនួន ១៣ ក្នុងនោះមានតែ ៥ប៉ុណ្ណោះកំពុងដំណើរការ ក្រៅពីនេះស្ថិតក្នុងដំ​ណាក់កាលអភិវឌ្ឍន៍។ បើតាមលោកអភិបាលខេត្តព្រះសីហនុ ក្នុងចំ​ណោមទាំង ៥នោះរួមមាម៖ ទី១ តំបន់សេដ្ឋកិច្ចខេត្តព្រះសីហនុ ចំនួន ១៨០រោងចក្រ និងកម្មករជាង ២.៥០០នាក់។ ទី២ តំបន់សេដ្ឋកិច្ចពិសេសស្វ័យតក្រុងព្រះសីហនុ មានចំនួន ២រោងចក្រ ។ ទី ៣ តំបន់សេដ្ឋកិច្ចពិសេស ជាជាំង នៅស្រុកព្រៃនប់មាន ២៦រោងចក្រ និងមានកម្មករជិត ៩.០០០នាក់។ ទី៤ តំបន់សេដ្ឋកិច្ចពិសេស ហ្គែនបូកគោ មានរោងចក្រចំនួន ៣ ជាមួយកម្មករជិត ២.០០០នាក់ និងទី ៥ តំបន់សេដ្ឋកិច្ច ខេមបូឌា ស៊ីណូមេឡូលីត។

ទន្ទឹមនឹងនោះ លោក ម៉ាង ស៊ីណេត ក៏បានលើកទឹកចិត្តដល់អ្នកវិនិយោគទាំងអស់គ្រប់ជាតិសាសន៍ដែលមានទុនក្រោម ១លានដុល្លារមកវិនិយោគនៅខេត្តព្រះសីហនុ ហើយវិនិយោគទៅលើអ្វីដែលស្របនឹងតម្រូវការនាពេលបច្ចុប្បន្ន។ លោកថ្លែងថា «អ្នកធំ គេស្ទូចយកអ្នកធំតាមស្តង់ដារខ្ពស់ ប្រសិនបើយើងមានទុនល្មមកម្រិតណាមួយយើងក៏អាចទាក់ម៉ូយយកអ្នកដែលអាចសមស្របនឹងយើងបានដែរ ព្រោះប្រជាជនយើងនៅទូទាំងប្រទេសមានកម្រិតជីវភាពផ្សេងៗគ្នា »។

លោកថ្លែងបញ្ជាក់ថា ក្នុងនាមរដ្ឋបាលខេត្តព្រះសីហនុ លោកពិតជាស្វាគមន៍អ្នកវិនិយោគទាំងអស់ ទោះចាប់អារម្មណ៍វិិនិយោគក្រោម ៥លានដុល្លារ ក្រោម ១លានដុល្លារក៏លោកទទួលស្វាគមន៍ដែរមកវិនិយោគនៅខេត្តព្រះសីហនុ៕

អត្ថបទ៖ សេដ្ឋានី រូបភាព៖ ក្រសួងមហាផ្ទៃ

second...

x

The post ខេត្តព្រះសីហនុ មានរោងចក្រចំនួន ២៧០រោងចក្រ ដែលមានទុនវិនិយោគប្រមាណ ២.៦០០លានដុល្លារ appeared first on Millions times.

ក្រុមហ៊ុននេះ មានឈ្មោះថា Golden Port SEZ Development Co., Ltd.។ កាលពីថ្ងៃទី ២៩ ខែកក្កដា លោក កាំង ឡេង ប្រធានក្រុមប្រឹក្សាភិបាលនៃក្រុមហ៊ុនមួយនេះ បានជួបជាមួយលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។

តាមដានជាមួយយើង៖ Million Times

ក្នុងជំនួបនេះ លោក កាំង ឡេង បានធ្វើបង្ហាញអំពីគម្រោងបង្កើតតំបន់សេដ្ឋកិច្ចពិសេសរបស់ក្រុមហ៊ុន ដែលក្នុងដំណាក់កាលដំបូងក្នុងទំហំផ្ទៃដីប្រមាណ ២៧០ហិកតា ស្ថិតនៅតាមបណ្តោយផ្លូវល្បឿនលឿនភ្នំពេញ-ក្រុងព្រះសីហនុ ក្នុងខេត្តព្រះសីហនុ។

លោក ជា វុទ្ធី បានអបអរសាទរចំពោះគម្រោងវិនិយោគបង្កើត តំបន់សេដ្ឋកិច្ចពិសេសរបស់ក្រុមហ៊ុន ដែលនឹងចូលរួមចំណែកធ្វើពិពិធកម្មឧស្សាហកម្មកម្ពុជា។ ក្នុងនោះដែរ លោកបានបញ្ជាក់ថា គណៈកម្មាធិការវិនិយោគកម្ពុជា រង់ចាំដោយក្តីរីករាយក្នុងការផ្តល់កិច្ច សម្រួលគ្រប់បែបយ៉ាងជូនក្រុមហ៊ុន។

នៅក្នុងជំនួបដដែលនេះ មន្ត្រីជំនាញ បានធ្វើបទបង្ហាញអំពីការអភិវឌ្ឍ តំបន់សេដ្ឋកិច្ចពិសេសនៅកម្ពុជា និងនីតិវិធីចុះបញ្ជីវិនិយោគបង្កើតតំបន់សេដ្ឋកិច្ចពិសេស ជូនគណៈប្រតិភូឲ្យកាន់តែយល់ច្បាស់ពីស្ថានភាព នៃបរិយា កាសវិនិយោគបច្ចុប្បន្ននៅកម្ពុជា និងភាពសាមញ្ញនៃនីតិវិធីស្នើសុំ វិនិយោគបង្កើតតំបន់សេដ្ឋកិច្ចពិសេស៕

អត្ថបទ៖វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា  

second...

x

The post ក្រុមហ៊ុនមួយ ត្រៀមដីទំហំ ២៧០ហិកតា បង្កើតតំបន់សេដ្ឋកិច្ចពិសេស appeared first on Millions times.

បើតាមគណៈកម្មាធិការវិនិយោគកម្ពុជា​  គម្រោងស្នេីសុំបង្កើតតំបន់សេដ្ឋកិច្ចពិសេស​ របស់ក្រុមហ៊ុន Pursat Special Economic Zone Co., Ltd. មានទីតាំងស្ថិតនៅត្រង់គីឡូម៉ែត្រលេខ១៥៤​ ​លេីផ្លូវជាតិលេខ៥ ភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ លើផ្ទៃដីទំហំជាង ១៤០ ហិកតា។

តាមដានជាមួយយើង៖ Million Times

ការចុះពិនិត្យទីតាំងស្នើសុំបង្កើតតំបន់សេដ្ឋកិច្ចពិសេសខាងលើ គណៈកម្មាការអន្តរក្រសួង បានពិនិត្យយ៉ាងម៉ត់ចត់ គ្រប់ជ្រុងជ្រោយ និងបានលើកឡើងនូវកាតព្វកិច្ចដែលក្រុមហ៊ុនត្រូវបំពេញឱ្យសមស្របតាមលក្ខណៈបច្ចេកទេស និងនីតិវិធីច្បាប់ជាធរមាន។

ពាក់ព័ន្ធនឹងការបង្កើតតំបន់សេដ្ឋកិច្ចពិសេសរបស់ក្រុមហ៊ុន Pursat Special Economic Zone Co., Ltd. ក្រុមប្រឹក្សាអភិវឌ្ឍន៍កម្ពុជា មិនទាន់បញ្ជាក់ពីប្រភពវិនិយោគិនដែលមកពីបណ្តាប្រទេសណានោះទេ។ យ៉ាងណាកន្លងមក លោក ស៊ុន ចាន់ថុល ធ្លាប់បានបង្ហើបឲ្យដឹងថា ជប៉ុនត្រៀមបង្កើតតំបន់សេដ្ឋកិច្ចរបស់ខ្លួនស្ថិតនៅខេត្តពោធិ៍សាត់ធ្វើ​ឡើងតាម​គំនិត​ផ្ដួចផ្ដើម​របស់​សម្តេច​ ហ៊ុន ម៉ាណែត ក្នុង​អំឡុង​ដំណើរ​ទស្សនកិច្ច​នៅ​ប្រទេស​​ជប៉ុន។

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី​១​ក្រុម​ប្រឹក្សា​អភិវឌ្ឍ​ន៍​កម្ពុជា​ បញ្ជាក់​ថា ក្រុមហ៊ុន​ មីនីបៀ បាន​ទិញ​ដីចំនួន ៥០ ហិកតា​លើគម្រោង​វិនិយោគ​តំបន់​សេដ្ឋកិច្ច​ពិសេសកម្ពុជា​​-ជប៉ុន​ នៅ​ខេត្ត​ពោធិ៍សាត់ និង​ត្រៀម​បម្រុង​ដី​ជាង ២០០០ ហិកតា​ទៀត​សម្រាប់បន្ត​​អភិវឌ្ឍ​គម្រោង​នេះ។

ទាក់ទង​ការ​ជ្រើសរើស​ខេត្ត​ពោធិ៍សាត់ជាទីតាំង​សម្រាប់​បង្កើត​តំបន់​សេដ្ឋកិច្ច​ពិសេស​ទីមួយ​​របស់​ជប៉ុន លោកថាដោយ​សារ​ខេត្តមាន​ភូមិសាស្រ្តអំណោយផល ជាពិសេស​​មាន​ប្រព័ន្ធ​ដឹកជញ្ជូន​ប្រទាក់ក្រឡា​មាន​ផ្លូវ​ជាតិ​លេខ ៥ ដែល​ទើប​ស្តារ​និង​ពង្រីក រួមទាំង​ផ្លូវ​ដែកតភ្ជាប់​ផង​ដែរ៕

អត្ថបទ៖ សេដ្ឋានី រូបភាព៖ CDC

second...

x

The post គណៈកម្មាធិការវិនិយោគកម្ពុជា​ ចុះពិនិត្យទីតាំងបង្កើតតំបន់សេដ្ឋកិច្ចពិសេសលើផ្ទៃដី ១៤០ហិកតា appeared first on Millions times.