តាមដានជាមួយយើង៖ Million Times

លោក Miller បាននិយាយថា «ក្រោមការដឹកនាំរបស់ប្រធានាធិបតី Trump ពួកយើងបានកំណត់គោលដៅ ក្នុងការតាមចាប់ខ្លួនជនអន្តោប្រវេសន៍ឲ្យបានយ៉ាងតិច ៣ ០០០នាក់ក្នុងមួយថ្ងៃ ដើម្បីពន្លឿនការសម្រេចវិធានការអាទិភាពរបស់យើង»។

គួរជម្រាបដែរថា ក្នុងរយៈពេល ១០០ថ្ងៃដំបូងក្នុងការកាន់តំណែងរបស់លោក Trump នាយកដ្ឋានអនុវត្តច្បាប់អន្តោប្រវេសន៍ និងគយ (ICE) បានចាប់ខ្លួនជនអន្តោប្រវេសន៍ខុសច្បាប់ចំនួន ៦៦ ៤៦៣នាក់ និងបានបញ្ជូនពួកគេចេញទៅប្រទេសកំណើតច្រើនជាង ៦០ ០០០នាក់ហើយ៕

អត្ថបទ៖ Luffy រូបភាព៖ NBC

The post រដ្ឋបាល Trump ដាក់គោលដៅធំ តាមចាប់ខ្លួនជនអន្តោប្រវេសន៍ខុសច្បាប់មួយថ្ងៃ ៣០០០នាក់ appeared first on Millions times.

តាមដានជាមួយយើង៖ Million Times

លោក Peters បានអះអាងថា រដ្ឋបាល Trump ចំណាយប្រហែល ១០០ ០០០ដុល្លារក្នុងមួយថ្ងៃ សម្រាប់ការឃុំខ្លួនជនអន្តោប្រវេសន៍ខុសច្បាប់ម្នាក់នៅទីនោះ ខណៈការចំណាយនេះមានខ្ទង់ច្រើនលើសលុប បើធៀបនឹងការឃុំខ្លួនពួកគេនៅអាមេរិកផ្ទាល់ ពោលការឃុំខ្លួននៅអាមេរិកចំណាយប្រហែល ១៦៥ដុល្លារប៉ុណ្ណោះក្នុងមួយថ្ងៃ។

អាជ្ញាធរអាមេរិកបញ្ជាក់ថា បច្ចុប្បន្នជនអន្តោប្រវេសន៍ខុសច្បាប់នៅមូលដ្ឋានទ័ពជើងទឹក Guantanamo Bay មានចំនួនសរុបប្រហែល ៧០នាក់ ដែលមានន័យថា រដ្ឋបាលលោក Trump ត្រូវចំណាយទឹកប្រាក់ប្រហែល ៧លានដុល្លារជារៀងរាល់ថ្ងៃ ដើម្បីឃុំខ្លួនពួកគេនៅទីនោះ។

សមាជិកព្រឺទ្ធសភាអាមេរិកបានចោទប្រកាន់លើនាយកដ្ឋានសន្តិសុខមាតុភូមិ ជុំវិញការចំណាយដ៏ខ្ជះខ្ជាយនេះ ចំពេលសេតវិមានដាក់សំណើសុំកញ្ចប់ថវិកាបន្ថែម ៤៤ពាន់លានដុល្លារ ដើម្បីពន្លឿនវិធានការបណ្ដេញជនអន្តោប្រវេសន៍ខុសច្បាប់នៅអាមេរិក៕

អត្ថបទ៖ Luffy រូបភាព៖ Aljazeera

The post សមាជិកព្រឹទ្ធសភាអាមេរិក៖ រដ្ឋបាល Trump ចាយលុយ ១០០ ០០០ដុល្លារក្នុងមួយថ្ងៃ ដើម្បីឃុំខ្លួនជនអន្តោប្រវេសន៍ម្នាក់ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន BBC បានរាយការណ៍ថា ផែនការថ្មីនេះត្រូវបានប្រកាសឡើង ក្រោយលោក Trump បង្ហើបពីគំនិតផ្ដួចផ្ដើមជួយចេញថ្លៃធ្វើដំណើរ និងលើកលែងទោស ចំពោះជនអន្តោប្រវេសន៍ណា ដែលស្ម័គ្រចិត្តត្រឡប់ទៅស្រុកកំណើតដោយខ្លួនឯង។

គួររំលឹកបន្តិចថា អគ្គនាយកដ្ឋានអន្តោប្រវេសន៍ និងគយ (ICE) ដែលជាភ្នាក់ងាររង ក្នុងការដោះស្រាយចម្បងជាមួយបញ្ហាអន្តោប្រវេសន៍ខុសច្បាប់ បច្ចុប្បន្នមានបុគ្គលិកច្រើនជាង ២១ ០០០នាក់ និងកំពុងស្វែងរកកម្លាំងបន្ថែមទៀត។

គោលនយោបាយបណ្ដេញជនអន្តោប្រវេសន៍ខុសច្បាប់ចេញពីអាមេរិក គឺជាអាទិភាពទីមួយសម្រាប់រដ្ឋបាលលោក Trump ដែលមានបំណងសម្រេចឲ្យបាននៅក្នុងអាណត្តិដឹកនាំទី២ ដ្បិតលោកអះអាងថា ជនអន្តោប្រវេសន៍ខុសច្បាប់ទាំងនោះ កំពុងរស់នៅលើកម្លាំងញើសឈាម និងដណ្ដើមការងាររបស់ជនជាតិអាមេរិក៕

អត្ថបទ៖ Luffy រូបភាព៖ BBC

The post Trump ប្រកាសរើសបុគ្គលិកថែម ២០ ០០០នាក់ ដើម្បីពន្លឿនវិធានការបណ្ដេញជនអន្តោប្រវេសន៍ appeared first on Millions times.

តាមដានជាមួយយើង៖ Million Times

នាយកដ្ឋានសន្តិសុខមាតុភូមិបានឲ្យដឹងថា ជនភៀសខ្លួនខុសច្បាប់នៅអាមេរិក ដែលព្រមចាកចេញទៅប្រទេសកំណើតតាមសម្រួល នឹងទទួលបានការឧបត្ថម្ភជាច្រើនពីរដ្ឋាភិបាល។ ពួកគេអាចទាក់ទងមកកាន់អាជ្ញាធរ តាមរយៈកម្មវិធី CBP Home ដោយគ្រាន់តែជូនដំណឹងពីផែនការនៃការវិលទៅប្រទេសកំណើត នោះនឹងទទួលបានទឹកប្រាក់ ១០០០ដុល្លារ រួមទាំងថ្លៃធ្វើដំណើរថែមទៀត។

ជនភៀសខ្លួនដែលស្ម័គ្រចិត្តត្រឡប់ទៅប្រទេសកំណើតដោយខ្លួនឯង នឹងមិនត្រូវជាប់ទោសឃុំឃាំង ឬស្ថិតក្នុងបញ្ជីខ្មៅរបស់អាមេរិកឡើយ បើទោះជាពួកគេរស់នៅអាមេរិកដោយខុសច្បាប់ក្ដី។

នាយកដ្ឋានសន្តិសុខមាតុភូមិសង្កត់ធ្ងន់ថា ជនអន្តោប្រវេសន៍ខុសច្បាប់ទាំងនោះ គួរតែប្រញាប់ស្ម័គ្រចិត្តទទួលយកសំណើរបស់រដ្ឋាភិបាល ដ្បិតបើសិនជាអាជ្ញាធរឃាត់ខ្លួនពួកគេបាន និងដាក់ឈ្មោះក្នុងបញ្ជីខ្មៅ ពួកគេត្រូវបង់ប្រាក់រហូតដល់ ១៧ ១២១ដុល្លារក្នុងម្នាក់។

សូមជម្រាបដែរថា វិធានការបណ្ដេញជនអន្តោប្រវេសន៍ខុសច្បាប់ចេញពីអាមេរិក នៅតែជាអាទិភាពសម្រាប់រដ្ឋបាលលោក Trump ពោលតាំងពីឡើងអង្គុយកៅអីប្រធានាធិបតី មេដឹកនាំអាមេរិករូបនេះបានបណ្ដេញជនភៀសខ្លួនខុសច្បាប់រាប់សែននាក់ ប៉ុន្តែរបាយការណ៍បង្ហាញថា បច្ចុប្បន្នជនអន្តោប្រវេសន៍ខុសច្បាប់កំពុងរស់នៅអាមេរិក មានចំនួនរាប់លាននាក់ឯណោះ។

ដូច្នេះហើយទើបរដ្ឋបាលលោក Trump សម្រេចចិត្តប្រើទាំងធម៌ក្ដៅ និងធម៌ត្រជាក់ ដើម្បីឆាប់សម្រេចបាននូវផែនការលុបបំបាត់ជនភៀសខ្លួនខុសច្បាប់នៅអាមេរិក៕

អត្ថបទ៖ Luffy រូបភាព៖ AFP

The post Trump សុខចិត្តផ្ដល់ប្រាក់ ១ ០០០ដុល្លារ សម្រាប់ជនអន្តោប្រវេសន៍ស្ម័គ្រចិត្តចាកចេញពីអាមេរិក appeared first on Millions times.

តាមដានជាមួយយើង៖ Million Times

សារព័ត៌មាន Reuters បានរាយការណ៍ថា ប្រធានាធិបតី Trump ធ្លាប់បានប្រកាសក្ដែងៗពីគោលបំណងបណ្ដេញជនអន្តោប្រវេសន៍ខុសច្បាប់នៅអាមេរិក ក្នុងចំនួនរាប់សិបលាននាក់ ប៉ុន្តែនៅក្នុងខែដំបូងនៃការកាន់អំណាចរបស់លោក រដ្ឋាភិបាលបានបណ្ដេញជនអន្តោប្រវេសន៍តែ ៣៧ ៦៦០នាក់ ដែលតិចជាងការរំពឹងទុកច្រើន។

ទិន្នន័យដែលទទួលបានទាបជាងការរំពឹងទុកនេះ បានធ្វើឲ្យលោក Caleb Vitello ប្រកាសចុះចេញពីតំណែង ខណៈរដ្ឋមន្ត្រី Noem បាននិយាយថា នាងនឹងតែងតែលោក Todd Lyons មកបន្តតំណែងមួយនេះ ដើម្បីបន្តជម្រុញប្រសិទ្ធភាពអនុវត្តច្បាប់អន្តោប្រវេសន៍ ឲ្យស្របតាមគោលនយោបាយរបស់លោក Trump។

គួរជម្រាបដែរថា ប្រធានាធិបតី Donald Trump បានបញ្ជាយ៉ាង​ម៉ឺងម៉ាត់​ឲ្យមន្ត្រីពាក់ព័ន្ធ អនុវត្តច្បាប់អន្តោប្រវេសន៍ឲ្យបានល្អបំផុត ដើម្បីបណ្ដេញជនអន្តោប្រវេសន៍ខុសច្បាប់ចេញពីសហរដ្ឋអាមេរិកទាំងអស់ បន្ទាប់ពីអះអាងថា ពួកគេគឺបានសំងំរស់នៅកិបកេងកម្លាំងញើសឈាម និងដណ្ដើមផលប្រយោជន៍ជនជាតិអាមេរិក៕

អត្ថបទ៖ Luffy រូបភាព៖ Reuters

The post រដ្ឋមន្ត្រីសន្តិសុខមាតុភូមិអាមេរិកតែងតាំងថ្នាក់ដឹកនាំថ្មី ជម្រុញប្រសិទ្ធភាពការអនុវត្តច្បាប់អន្តោប្រវេសន៍ appeared first on Millions times.

សង្គ្រាមពាក្យសម្តីរវាងមេដឹកនាំទាំងពីរបានផ្ទុះឡើងកាលពីថ្ងៃអាទិត្យ នៅពេលដែលប្រធានាធិបតី Gustavo Petro បានរារាំងយន្តហោះយោធាពីរគ្រឿងដែលដឹកជនអន្តោប្រវេសន៍កូឡុំប៊ីត្រឡប់ពីសហរដ្ឋអាមេរិក។

តាមដានជាមួយយើង៖ Million Times

រដ្ឋបាលថ្មី លោក Donald Trump បានឆ្លើយតបដោយការគំរាមកំហែងថានឹងដាក់ទណ្ឌកម្មពន្ធលើការនាំចេញកូឡុំប៊ីទៅកាន់សហរដ្ឋអាមេរិក។

ដំបូងឡើយ ប្រធានាធិបតី Petro ប្រតិកម្មថា ប្រទេសកូឡុំប៊ីនឹងសងសឹកដោយការដំឡើងពន្ធលើទំនិញរបស់សហរដ្ឋអាមេរិក ប៉ុន្តែសេតវិមានប្រកាសថា កូឡុំប៊ីបានយល់ព្រមទទួលយកជនអន្តោប្រវេសន៍ រួមទាំងអ្នកនៅលើយន្តហោះយោធាអាមេរិកដោយគ្មានដែនកំណត់ ឬពន្យារពេល។ នេះបើតាមការចុះផ្សាយពី BBC News ។

សេតវិមានបានសាទរចំពោះកិច្ចព្រមព្រៀងជាមួយប្រទេសកូឡុំប៊ីថា ជាជ័យជម្នះមួយសម្រាប់វិធីសាស្រ្តដ៏រឹងរូសរបស់លោក Trump បន្ទាប់ពីមេដឹកនាំប្រទេសទាំងពីរបានផ្លាស់ប្តូរការគំរាមកំហែងនៅលើប្រព័ន្ធផ្សព្វផ្សាយសង្គមកាលពីថ្ងៃអាទិត្យ។

អ្នកនាំពាក្យសេតវិមាន លោកស្រី Karoline Leavitt បានសរសេរនៅក្នុងសេចក្តីថ្លែងការណ៍មួយថា “ព្រឹត្តិការណ៍ថ្ងៃនេះបង្ហាញយ៉ាងច្បាស់ដល់ពិភពលោកថាអាមេរិកត្រូវបានគោរពម្តងទៀត” ។ លោកស្រីបន្ថែមថា ពន្ធគយ និងទណ្ឌកម្មដែលរដ្ឋបាល Trump បានគម្រាមដាក់លើប្រទេសកូឡុំប៊ី ប្រសិនបើមិនអនុវត្តតាមនោះ នឹងត្រូវរក្សាទុកត្រៀម និងមិនត្រូវបានចុះហត្ថលេខាទេ លុះត្រាតែកូឡុំប៊ីមិនគោរពកិច្ចព្រមព្រៀងនេះ។

លោកស្រីក៏បាននិយាយផងដែរថា ប្រធានាធិបតី Donald Trump “រំពឹងថាប្រជាជាតិផ្សេងទៀតទាំងអស់នៃពិភពលោកនឹងសហការយ៉ាងពេញលេញក្នុងការទទួលយកការនិរទេសពលរដ្ឋរបស់ពួកគេខុសច្បាប់ដែលមានវត្តមាននៅក្នុងសហរដ្ឋអាមេរិក” ៕

អត្ថបទ៖ សារ៉ាយ រូបភាព៖ US Government / Reuters

The post កូឡុំប៊ី យល់ព្រមទទួលជើងយន្តហោះយោធាដឹកជនអន្តោប្រវេសន៍ពីអាមេរិកដើម្បីបញ្ចៀសសង្គ្រាមពាណិជ្ជកម្ម appeared first on Millions times.

លោក Trump និយាយកាលពីថ្ងៃអាទិត្យថា វិធានការនេះគឺចាំបាច់ដោយសារតែការសម្រេចចិត្តរបស់ប្រធានាធិបតីកូឡុំប៊ី លោក Gustavo Petro ធ្វើឱ្យខូចសន្តិសុខជាតិនៅក្នុងសហរដ្ឋអាមេរិក។

តាមដានជាមួយយើង៖ Million Times

លោក Trump បានសរសេរលើប្រព័ន្ធផ្សព្វផ្សាយសង្គមថា “វិធានការទាំងនេះគ្រាន់តែជាការចាប់ផ្តើមប៉ុណ្ណោះ” ។ “យើងនឹងមិនអនុញ្ញាតឱ្យរដ្ឋាភិបាលកូឡុំប៊ីរំលោភលើកាតព្វកិច្ចផ្លូវច្បាប់របស់ខ្លួនទាក់ទងនឹងការទទួលយក និងការបញ្ជូនមកវិញនូវឧក្រិដ្ឋជនដែលពួកគេបានបង្ខំឱ្យចូលទៅក្នុងសហរដ្ឋអាមេរិកនោះទេ”។

លោក Gustavo Petro បាននិយាយថា រដ្ឋាភិបាលរបស់លោកនឹងមិនទទួលយកជើងហោះហើរដឹកជនអន្តោប្រវេសន៍ដែលនិរទេសចេញពីសហរដ្ឋអាមេរិកទេ រហូតដល់រដ្ឋបាល Trump ចាត់ទុកពួកគេដោយសេចក្តីថ្លៃថ្នូរ។ លោក Petro បានប្រកាសនៅក្នុងបណ្តាញសង្គម X ចំនួនពីរ ដែលមួយក្នុងនោះមានវីដេអូព័ត៌មានអំពីជនអន្តោប្រវេសន៍ដែលត្រូវបានគេរាយការណ៍ថា បាននិរទេសទៅកាន់ប្រទេសប្រេស៊ីលដោយដើរលើផ្លូវដែក។

លោក Petro បាននិយាយសង្កត់ធ្ងន់ថា “ជនអន្តោប្រវេសន៍មិនមែនជាឧក្រិដ្ឋជនទេ ហើយត្រូវតែត្រូវបានប្រព្រឹត្តដោយសេចក្តីថ្លៃថ្នូរដែលមនុស្សសមនឹងទទួលបាន។ នោះហើយជាមូលហេតុដែលខ្ញុំបានបដិសេធយន្តហោះយោធាអាមេរិកដែលដឹកជនអន្តោប្រវេសន៍កូឡុំប៊ីមកវិញ… ក្នុងយន្តហោះស៊ីវិល ដោយមិនត្រូវបានគេចាត់ទុកដូចជាឧក្រិដ្ឋជនទេ យើងនឹងទទួលបានបងប្អូនជនរួមជាតិរបស់យើង”។

លោក Trump នៅក្នុងថ្ងៃដំបូងក្នុងការិយាល័យប្រធាធិបតី បានប្រកាសចាត់ទុកបញ្ហាអន្តោប្រវេសន៍ខុសច្បាប់ជារឿងអាសន្នសម្រាប់ជាតិ ដោយប្រគល់ភារកិច្ចឱ្យយោធាអាមេរិកចុះជួយការងារសន្តិសុខតាមព្រំដែន ដាក់ចេញនូវបម្រាមទូលំទូលាយលើសិទ្ធិជ្រកកោន និងចាត់វិធានការរឹតបន្តឹងសញ្ជាតិសម្រាប់ក្មេងដែលកើតនៅលើទឹកដីអាមេរិក៕

អត្ថបទ៖ សារ៉ាយ រូបភាព៖ AP

The post Trump បញ្ជាឱ្យដំឡើងពន្ធលើប្រទេសកូឡុំប៊ី ជុំវិញការបដិសេធជើងហោះហើរយោធាអាមេរិកដឹកជនអន្តោរប្រវេសន៍ appeared first on Millions times.