ការជំរុញដល់មន្រ្តីរបស់លោកធ្វើឡើងក្នុងពេលដឹកនាំកិច្ចប្រជុំកំណត់នីតិវិធីការងាររួមក្នុងក្របខ័ណ្ឌបំពេញភារកិច្ចរបស់អនុគណៈកម្មាធិការវិនិយោគខេត្ត ដើម្បីដើម្បីបង្ករលក្ខណៈងាយស្រួលក្នុងការស្នើសុំវិនិយោគ និងទាក់ទាញអ្នកវិនិយោគឲ្យបានកាន់តែច្រើនចូលមកវិនិយោគក្នុងខេត្តកណ្ដាល នៅថ្ងៃទី១៩ ខែកុម្ភៈ ឆ្នាំ២០២៥។

តាមដានជាមួយយើង៖ Million Times

លោក គួច ចំរើន បានបញ្ជាក់ថា ភារកិច្ចសំខាន់របស់យើងនៅពេលនេះ គឺត្រូវខិតខំធ្វើការងារនេះឲ្យកាន់តែល្អប្រសើរឡើងបន្ថែមទៀត ប្រកបដោយយកចិត្តទុកដាក់ និងការទទួលខុសត្រូវខ្ពស់ ត្រូវបង្កលក្ខណៈងាយស្រួលដល់អ្នកមកស្នើសុំការវិនិយោគក្នុងខេត្តឲ្យបានកាន់តែងាយស្រួលឡើង ដើម្បីបង្កើតការងារឲ្យកាន់តែច្រើន សម្រាប់ផលប្រយោជន៍ប្រជាពលរដ្ឋក្នុងខេត្ត។

យោងតាមរបាយការណ៍របស់អនុគណៈកម្មាធិការវិនិយោគខេត្តកណ្តាល បានឲ្យដឹងថា គម្រោងវិនិយោគ ក្នុងសមត្ថកិច្ចក្រុមប្រឹក្សាអភិវឌ្ឍន៍កម្ពុជាក្នុងឆ្នាំ២០២៤ មានសំណើគម្រោងបង្កើតរោងចក្រ សរុបចំនួន ៣៣រោងចក្រ។ ក្នុងឆ្នាំ២០២៥ មានសំណើគម្រោងបង្កើតរោងចក្រ សរុបចំនួន ៦រោងចក្រ។

ចំពោះគម្រោងវិនិយោគ ក្នុងសមត្ថកិច្ច អនុគណៈកម្មាធិការវិនិយោគខេត្តកណ្តាល ក្នុងឆ្នាំ២០២៤ មានសំណើគម្រោងបង្កើតរោងចក្រ សរុបចំនួន ០៧គម្រោង។ ក្នុងឆ្នាំ២០២៥ មានគម្រោងបង្កើតរោងចក្រសរុបចំនួន ០៥គម្រោង៕

អត្ថបទ៖ សាងតេជៈ រូបភាព៖ រដ្ឋបាលខេត្តកណ្តាល

The post លោក គួច ចំរើន ប្រាប់ឲ្យមន្រ្តីត្រូវបង្កលក្ខណៈងាយស្រួលដល់អ្នកមកស្នើសុំការវិនិយោគក្នុងខេត្តកណ្តាល appeared first on Millions times.

ក្នុងទិវាជាតិប្រយុទ្ធប្រឆាំងអំពើជួញដូរមនុស្ស ១២ឆ្នូ លើកទី ១៨ ក្រោមប្រធានបទ “កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល” កាលថ្ងៃទី២៤ ខែធ្នូ នៅសាលាស្រុកស្អាង លោក គួច ចំរើន អភិបាលខេត្តកណ្ដាល បានលើកឡើងថា កម្ចីអនឡាញគឺពិតជាគ្រោះថ្នាក់ណាស់ សម្រាប់បងប្អូនប្រជាពលរដ្ឋ ព្រោះថាកម្ចីអនឡាញនេះ មានការខ្ចីពីមួយទៅមួយបន្តគ្នា ហើយចំនួននៃការជំពាក់មានការកើនឡើងទ្វេដង ដូច្នេះប្រសិនបើប្រជាពលរដ្ឋណា មានការជំពាក់កម្ចីអនឡាញ សូមធ្វើការរាយការណ៍មកអាជ្ញាធរមូលដ្ឋាន ឬរាយការណ៍មកលោកផ្ទាល់ ដើម្បីឱ្យអាជ្ញាធរមានមូលដ្ឋានក្នុងការពិនិត្យ និងសម្របសម្រួល ជៀសវាងបំណុលអនឡាញមានការកើនឡើងឥតឈប់ឈរ ដែលធ្វើឱ្យបងប្អូនប្រជាពលរដ្ឋប្រឈមនឹងការគិតខ្លី ឬអាចឈានដល់ការបញ្ចប់ជីវិតជាដើម។

ជាមួយគ្នានេះលោកបានអំពាវនាវឱ្យបងប្អូនប្រជាពលរដ្ឋ សូមឈប់ធ្វើការខ្ចីលុយពីជនជាតិឥណ្ឌា(លុយរាប់) ហើយក្នុងករណីដែលនៅមានប្រជាពលរដ្ឋមានការខ្ចីលុយពីជនជាតិឥណ្ឌា សូមធ្វើការរាយការណ៍មកអាជ្ញាធរមូលដ្ឋាន ឬរាយការណ៍មកលោកផ្ទាល់ផងដែរ។

លោកបញ្ជាក់ថា ការខ្ចីរបស់ជនជាតិឥណ្ឌានេះមានការប្រាក់ថ្លៃ ហើយមិនមានច្បាប់អនុញ្ញាតឡើយ។ ហើយការខ្ចីនេះ មានរយៈពេលកាន់តែយូរទៅ បំណុលរបស់យើងកាន់តែកើនឡើងឥតឈប់ឈរ ដែលធ្វើឲ្យយើងសងពួកគេមិនចេះអស់។ ដូច្នេះប្រសិនបើមានប្រជាពលរដ្ឋណាបានខ្ចីពីជនជាតិឥណ្ឌា សូមរាយការណ៍មកអាជ្ញាធរមូលដ្ឋាន ឬរាយការណ៍មកលោកផ្ទាល់ ដើម្បីធ្វើការពិនិត្យ និងសម្របសម្រួលជូនបងប្អូនកុំឱ្យមានការជំពាក់កាន់តែច្រើនជាងនេះបន្ថែមទៀត៕

អត្ថបទ៖ សាងតេជៈ រូបភាព៖ រដ្ឋបាលខេត្តកណ្តាល

The post ពលរដ្ឋដែលជំពាក់កម្ចីអនឡាញ និងលុយរាប សូមរាយការណ៍ផ្ទាល់មកលោក គួច ចំរើន ដើម្បីធ្វើការពិនិត្យនិងសម្របសម្រួល appeared first on Millions times.

ការប្រកាសចាប់ផ្តើមសាងសង់អគារសាលាខេត្តថ្មី គឺធ្វើឡើងប៉ុន្មានខែប៉ុណ្ណោះបន្ទាប់ពីផ្លាស់ប្តូរអភិបាលខេត្ត ក្នុងនោះលោក គួច ចំរើន អភិបាលខេត្តព្រះសីហនុ មកកាន់តំណែងជំនួសលោក គង់ សោភ័ណ្ឌ ដែលត្រូវបានដំឡើងឋានៈមកជារដ្ឋលេខាធិការក្រសួងមហាផ្ទៃ។

តាមដានជាមួយយើង៖ Million Times

បើតាមរដ្ឋបាលខេត្តកណ្តាល ដោយអគារសាលាខេត្តបច្ចុប្បន្នមានសភាពចាស់ទ្រុឌទ្រោម មិនអាចបំពេញការងារ និងផ្តល់សេវាជូនប្រជាពលរដ្ឋបានយូរអង្វែង ទើបរដ្ឋបាលខេត្តកណ្តាលនឹងចាប់ផ្តើមវាយអគារសាលាខេត្តចាស់ចោល ចាប់ពីថ្ងៃទី១ ខែតុលាឆ្នាំ២០២៤តទៅ។ 

ដើម្បីឱ្យការសាងសង់ទទួលបានជោគជ័យតាមការគ្រោងទុក ក្រុមហ៊ុនសាងសង់នឹងរុះរើអគារ សាលាខេត្តបច្ចុប្បន្ន ដើម្បីបើកការដ្ឋានសាងសង់អគារសាលាខេត្តថ្មីឆាប់ៗ នាពេលខាងមុខនេះ។ ដូចនេះ ទីចាត់ការ និងអង្គភាព ចំណុះរដ្ឋបាលខេត្ត នឹងធ្វើការផ្លាស់ប្តូរជាបណ្តោះអាសន្ន៕

អត្ថបទ៖ សាងតេជៈ រូបភាព៖ រដ្ឋបាលខេត្តកណ្តាល

The post ចូលកាន់តំណែងបានប៉ុន្មានខែ លោក គួច ចំរើន រុះរើអគាររដ្ឋបាលខេត្តចាស់ ធ្វើថ្មីធំសម្បើម appeared first on Millions times.

ករណីវិវាទនេះ ត្រូវបានលោក គួច ចំរើន ប្រជុំសម្រុះសម្រួលករណីវិវាទការទិញលក់ផ្ទះល្វែងរវាងប្រជាពលរដ្ឋ ជាមួយក្រុមហ៊ុនរបស់លោក ស្រី សុធារិទ្ធ ស្ថិតនៅឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។ ជាលទ្ធផលករណីនេះត្រូវបានបញ្ចប់ដោយមានការយោគយល់គ្នាទៅវិញទៅមកផ្អែកលើបទដ្ឋាគតិយុត្ត និងគោលការណ៍ឈ្នះឈ្នះ ទាំងអស់គ្នា ប្រកបដោយស្នាមញញឹម និងភាពស្និតស្នាលបំផុត។

តាមដានជាមួយយើង៖ Million Times

បើតាមរដ្ឋបាលខេត្តកណ្តាល ភាគីទាំងពីរបានយល់ព្រមឯកភាពគ្នាបញ្ចប់ទំនាស់ ដោយឈ្មោះ ឈរ ឈង យល់ព្រមបង់ប្រាក់ចំនួន ១៦,២៥០ដុល្លារអាមេរិក ទៅឱ្យឈ្មោះ ស្រី សុធារិទ្ធ ហើយភាគីឈ្មោះ ស្រី សុធារិទ្ធ យល់ព្រមប្រគល់ សិទ្ធិកាន់កាប់ផ្ទះលេខB3 ជូនឈ្មោះ ឈរ ឈង ដើម្បីគ្រប់គ្រងជាកម្មសិទ្ធិ ដោយការប្រគល់ទទួលប្រាក់ គឺធ្វើតែម្តងគត់ នៅថ្ងៃទី២៣ ខែកញ្ញា ឆ្នាំ២០២៤។

បន្ថែមទៀតនោះ នីតិវិធីបន្ទាប់ត្រូវប្រគល់ភារកិច្ចឲ្យមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ដើម្បីជួយរៀបចំនីតិវិធី ធ្វើបណ្ណកម្មសិទ្ធិជូនម្ចាស់ផ្ទះ។

អត្ថបទ៖ ផល កុសល រូបភាព៖ រដ្ឋបាលខេត្តកណ្តាល

The post ចូលកាន់តំណែងបាន៣ខែ លោក គួច ចំរើន ដោះស្រាយបញ្ចប់ទំនាស់ទិញលក់ផ្ទះដែលអូសបន្លាយពេលជាង៦ឆ្នាំ appeared first on Millions times.

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃចន្ទទី១ ខែកក្កដានេះ បានប្រកាសលោក គួច ចំរើន ចូលកាន់មុខតំណែងជា អភិបាលខេត្តកណ្តាល ជំនួសលោក គង់ សោភ័ណ្ឌ ដែលត្រូវទៅចូលកាន់មុខតំណែងថ្មីជារដ្ឋលេខាធិការក្រសួងមហាផ្ទៃ។ បន្ទាប់ពីចប់ពិធីប្រកាសអភិបាលខេត្ត លោកបានដឹកនាំមន្ត្រីចុះពិនិត្យការដ្ឋានចំនួន២ ទីតាំង ទី១ នៅក្រុងតាខ្មៅ និងទី២ ស្រុកកៀនស្វាយ ដែលជាគម្រោងសាងសង់ហេដ្ឋារចនាសម្ព័ន្ធធារាសាស្រ្ត។

បន្ទាប់ពីដឹកនាំមន្ត្រីចុះពិនិត្យមេីលការដ្ឋានសាងសង់ស្ពានដេីមលាភ​ និងព្រែកហូរ ដែលជាប្រព័ន្ធធារាសាស្រ្តរំដោះទឹកកុំឲ្យមានការលិចលង់រាជធានីភ្នំពេញ និងខេត្តភាគខាងត្បូងរាជធានីភ្នំពេញ​ លោក គួច ចំរើន បន្តអមដំណើរលោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ក្រុមប្រឹក្សាអភិវឌ្ឍន៍កម្ពុជា ត្រួតពិនិត្យទីតាំងបើកការដ្ឋានសាងសង់ព្រែកជីកហ្វូណនតេជោ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល។ គម្រោងនេះរដ្ឋាភិបាលគ្រោងនឹងបើកការដ្ឋាននៅថ្ងៃទី៥ ខែសីហាខាងមុខ។

ក្នុងពិធីប្រកាសចូលកាន់តំណែង លោក គួច ចំរើន បានប្តេជ្ញាថា នឹងខិតខំយកចិត្តទុកដាក់រៀបចំកសាង និងអភិវឌ្ឍន៍លើវិស័យនានាក្នុងខេត្ត កសាងហេដ្ឋារចនាសម្ព័ន្ធផ្លូវថ្នល់ រៀបចំកែលម្អច្រាំងទន្លេ ទឹកស្អាត អគ្គិសនី ការគ្រប់គ្រងសំណល់រឹង-រាវ បន្ទប់ទឹកសាធារណៈ ការរៀបចំសួន ច្បារ ជាពិសេសការរៀបចំកែលំអរសោភ័ណភាព ទីក្រុង និងទីប្រជុំជន ដើម្បីប្រែក្លាយជាទីក្រុងពាណិជ្ជកម្ម ឧស្សាហកម្ម ទេសចរណ៍ ដែល មានគុណភាពបរិស្ថាន និងការរស់នៅប្រកបដោយសុខដុមរមនា៕

អត្ថបទ៖​ សាង តេជៈ រូបភាព៖ រដ្ឋបាលខេត្តកណ្តាល

តាមដានជាមួយយើង៖ Million Times

The post ប៉ុន្មានម៉ោងប្រកាសកាន់តំណែងអភិបាលខេត្តលោក គួច ចំរើន ចាប់ផ្តើមធ្វើការចុះត្រួតពិនិត្យទីតាំងបើកការដ្ឋានប្រព័ន្ធធារាសាស្រ្ត appeared first on Millions times.