គឹម ចាន់ណា Archives - Millions times

អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២

Vin Chang — Mon, 25 May 2026 10:09:58 +0000

ថ្មីៗនេះអ្នកឧកញ៉ា លាង ម៉េង និងភរិយាគឺលោកស្រី គឹម ចាន់ណា បានទៅចូលរួមអបអរសាទរកូនស្រីពៅ ដែលទើបបញ្ចប់ការសិក្សានៅ North Bridge International School។ ដោយកូនស្រីពៅរបស់សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស មានឈ្មោះថា អ៊ឹង វីនីកា។

តាមដានជាមួយយើង៖ Million Times

មិនត្រឹមតែមានវត្តមាន អ្នកឧកញ៉ា លាង ម៉េង និងភរិយាប៉ុណ្ណោះទេ លោកអ្នកឧកញ៉ា ភាព ហៀក ក៏បានទៅផ្ដល់កម្លាំងចិត្តដល់ចៅស្រីដ៏ស្រស់ស្អាតរបស់ខ្លួនដែរ។ ក្រោយកម្មវិធីចប់រួចរាល់អ្នកទាំង ៤ ក៏បានថតរូបជាអនុស្សាវរីយ៍ជុំគ្នា នាគ្នាបញ្ចប់ការសិក្សានោះ។

លោកស្រី គឹម ចាន់ណា បានជូនពរកូនស្រីបណ្ដូលចិត្តយ៉ាងមានអត្ថន័យថា “សូមអបអរសាទរដល់កូនតូចរបស់ម៉ាក់ @vinika.u !!! ម៉ាក់មានមោទនភាពចំពោះកូនខ្លាំងណាស់ដែលសម្រេចបានជំហានដំបូងក្នុងព្រឹត្តិការណ៍ដ៏សំខាន់នេះនៃជីវិតរបស់កូន សូមជូនពរឱ្យកូនមាន សុភមង្គល ជោគជ័យ និងដំណើរដ៏ស្រស់ស្អាតនៅខាងមុខ។ ស្រលាញ់កូនជានិច្ច”។

គួរបញ្ជាក់ថា កាលពីឆ្នាំ ២០២៥ កន្លងទៅ ប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស អ្នកឧកញ៉ា លាង ម៉េង និងគ្រួសារបានទៅអបអរកូនប្រុសទី៣ អ៊ឹង ប្រីយ៉ាន ដែលបញ្ចប់ការសិក្សានៅអាមេរិក និងបានត្រឡប់មកជួយការងារក្រុមហ៊ុនឪពុកម្ដាយខ្លួន។

មកទល់ពេលនេះ ជីប ម៉ុង គ្រុប ពោរពេញទៅដោយ Young CEO ដែលសុទ្ធសឹងជាកូនចៅ និងជាធនធានជំនាន់ក្រោយទទួលបានការអប់រំ ចំណេះដឹងល្អមកពីក្រៅប្រទេស៕

អត្ថបទ៖ឆដា, រូបភាព៖ channakim99

The post អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២ appeared first on Millions times.

Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ

Vin Chang — Wed, 13 May 2026 07:19:23 +0000

នាថ្ងៃមង្គលការកូនប្រុសលោក ម៉ឹង មករា រដ្ឋលេខាធិការទីស្តីការគណៈរដ្ឋមន្ត្រី និងលោកស្រី ជា ជុតិម៉ា កាលពីពេលថ្មីៗនេះក៏មានវត្តមានអ្នកឧកញ៉ា លាង ម៉េង និងភរិយា គឺលោកស្រី គឹម ចាន់ណា ចូលរួមជាចាស់ទុំ ក្នុងនាមជាអ្នកដន្លងដែរ។

តាមដានជាមួយយើង៖ Million Times

រយៈពេល ២ ថ្ងៃនៃកម្មវិធីអាពាហ៍ពិពាហ៍កូនប្រុសដន្លងនោះ លោកស្រី គឹម ចាន់ណា បានគ្រងឈុតសម្លៀកបំពាក់បុរាណដែលជាប្រពៃណីខ្មែរជាច្រើន ដោយផ្លាស់ប្ដូរទៅតាមពិធីនីមួយៗ។ សម្រាប់ពេលរាត្រី ភរិយាអ្នកឧកញ៉ា លាង ម៉េង បានជ្រើសរើសរ៉ូបបែបសម័យវិញម្ដង។

បើនិយាយពីការជ្រើសរើសឈុតរបស់ លោកស្រី គឹម ចាន់ណា គឺថាបែប fashion ពិតៗតែម្ដង ដោយសម្លៀកបំពាក់ស៊ីគ្នានឹងគ្រឿងអលង្ការ និងរូបរាងខ្លួនតែម្ដង។ ដោយរ៉ូបនារាត្រីនោះ គឺជាប្រេន Saiid Kobeisy គឺជាម៉ាកសម្លៀកបំពាក់ប្រណីតដែលមានដើមកំណើតមកពីប្រទេសលីបង់។

រ៉ូបវែងពណ៌ទឹកមាសរបស់ Saiid Kobeisy របស់លោកស្រី មានតម្លៃ ៤ ០៥២ ដុល្លារ និងបន្ថែមដោយគ្រឿងអលង្ការ bulgari ដ៏ប្រណីត ស័ក្ដិសមនឹងឋានៈ មុខមាត់ក្នុងសង្គម។ លោកស្រីបានផាត់មុខបែបធម្មជាតិ តែមើលទៅស្អាត មិនសាំញ៉ាំ ទាក់ភ្នែក។

គួរបញ្ជាក់ផងដែរថា លោកស្រី គឹម ចាន់ណា បើទោះជាមានកូនប្រសាស្រីហើយយ៉ាងណា ក៏សម្រស់ និងរូបរាងនៅតែស្អាតមិនចាញ់ក្មេងឡើយ៕

អត្ថបទ៖ ឆដា, រូបភាព៖ channakim99 និង The Ring

The post Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ appeared first on Millions times.

ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ

Vin Chang — Fri, 05 Dec 2025 04:26:49 +0000

លោកស្រី គឹម ចាន់ណា ភរិយាសេដ្ឋី លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង តែងតែជាទីចាប់អារម្មណ៍ពេលបង្ហាញខ្លួនក្នុងកម្មវិធីមង្គលការលំដាប់អភិជនដូចគ្នា។

តាមដានជាមួយយើង៖ Million Times

នាថ្ងៃមង្គលការកូនស្រីអគ្គនាយកក្រុមហ៊ុន PTC Computer គឺអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ ក៏មានវត្តមានលោកស្រី គឹម ចាន់ណា និងក្រុមគ្រួសារចូលរួមផងដែរ។ ដោយបង្ហាញវត្តមានចូលរួមតាំងពីថ្ងៃទី១ ជាសម្លៀកបំពាក់ប្រពៃណី ហើយរហូតដល់វេលាជប់លៀងបញ្ចប់ល្ងាចថ្ងៃទី ២ នាយិការងជាន់ខ្ពស់ និងជាសមាជិកក្រុមប្រឹក្សាភិបាលក្រុមហ៊ុន ជីប ម៉ុង បានគ្រងឈុតដ៏ស្រស់ស្អាត។

នារាត្រីនោះ លោកស្រី គឹម ចាន់ណា ក៏បានកាន់កាបូបដៃដ៏ម៉ាកដ៏ល្បី និងប្រណីត ហើយក៏ជារបស់កម្រក្នុងពិភពលោក Hermès។ សម្រាប់កាបូប Hermès ដែលភរិយាសេដ្ឋី លាង ម៉េង កាន់មានឈ្មោះថា Hermès Crocodile Niloticus Egee Clutch – Green មានរាងស៊ីឡាំង ប្រវែង ២៥ សង់ទីម៉ែត្រ ដោយមានតម្លៃជាង ១ ម៉ឺនដុល្លារ។

កាបូប Hermès Crocodile Niloticus Egee Clutch តម្លៃចាប់ពី១ ម៉ឺនដុល្លារឡើងទៅ ហើយក៏តម្លៃក៏ប្រែប្រួលទៅតាមពណ៌ដែរ។ គួរបញ្ជាក់ផងដែរថា ភរិយាសេដ្ឋី លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង ជាស្ត្រីដែលទទួលបានការកោតសរសើរខ្លាំងលើការតុបតែងខ្លួន និងជ្រើសរើសសម្លៀកបំពាក់ មិនថាជាពេលធ្វើជំនួញ និងការចូលរួមកម្មវិធីម្ដងៗ គឺថាអស្ចារ្យគ្រប់ពេល។

បើទោះជាមានកូនៗធំទន្ទឹមខ្លួន តែលោកស្រី គឹម ចាន់ណា នៅតែស្រស់ស្អាត រាងស្រឡូនមិនប្រែប្រួលទៅតាមវ័យឡើយ៕

អត្ថបទ៖ ឆដា, រូបភាព៖ Instagram channakim99

The post ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ appeared first on Millions times.

ប្រពន្ធសេដ្ឋី លាង ម៉េង មកពីគ្រួសារ ជីប ម៉ុង កាន់កាបូបតម្លៃជិត ៧ ម៉ឺនដុល្លារ

Vin Chang — Fri, 08 Nov 2024 09:27:42 +0000

នាថ្ងៃមង្គលការរបស់ម្ចាស់ KYŌ Omakase និងកូនក្រមុំរូបស្រស់ ស្រេង វួចនី ដែលជាអភិជនលំដាប់ប្រទេសទាំងមូលនោះ មិនខុសពីកម្មវិធីកន្លងមកទេទាំងកន្លែងរៀបចំពិធី និងភ្ញៀវដែលចូលរួមសុទ្ធសឹងតែជាមនុស្សលំដាប់ខ្ពស់។

តាមដានជាមួយយើង៖ Million Times

ចំណែកសេដ្ឋីនី គឹម ចាន់ណា ដែលជាភរិយាសហស្ថាបនិក និងប្រធានក្រុមអគ្គនាយក ជីប ម៉ុង ក៏មានវត្តមានក្នុងពិធីមង្គលការដ៏អ៊ឹកធឹកនោះដែរ។ ជាធម្មតាសេដ្ឋីនីរូបនេះ ជាមនុស្សទាន់សម័យ និងមានរសនិយមក្នុងការជ្រើសរើសសម្លៀកបំពាក់ ព្រមទាំងសម្ភារៈតែងខ្លួនបានយ៉ាងសមសួន ថ្លៃថ្នូរក្នុងចំណោមអភិជនជាន់ខ្ពស់ដូចគ្នា។

ក្នុងថ្ងៃមង្គលការ ម្ចាស់ហាងអាហារជប៉ុនដ៏ល្បី KYŌ Omakase លោក ជុន ហ្ស៊ុសតាំង កាលពីពេលថ្មីៗនេះ លោកស្រីបានទាក់ទាញក្រសែភ្នែកឲ្យចាប់អារម្មណ៍លើការតុបតែងខ្លួន។ ទាំងម៉ូដសម្លៀកបំពាក់ និងកាបូបដ៏អស្ចារ្យ Hermès តម្លៃក្បែរខ្ទង់សែនដុល្លារទៅហើយ។

សេដ្ឋីនី គឹម ចាន់ណា បានកាន់កាបូប Kelly Pochette Blue Crocodile តម្លៃ ៦៥ ០០០ ដុល្លារ ដ៏ប្រណីតស្រស់ស្អាត និងជាប្រភេទកាបូបអស្ចារ្យមួយផងដែរ។ Blue Electric Crocodile Kelly Pochette Palladium Hardwareគឺជាកាបូបដែលផលិតឡើងមានកំណត់ ព្រមទាំងគ្មាននៅក្នុងស្ដុកទៀតឡើយ៕

The post ប្រពន្ធសេដ្ឋី លាង ម៉េង មកពីគ្រួសារ ជីប ម៉ុង កាន់កាបូបតម្លៃជិត ៧ ម៉ឺនដុល្លារ appeared first on Millions times.

គឹម ចាន់ណា Archives - Millions times

អ្នកឧកញ៉ា លាង ម៉េង ទៅអបអរកូនស្រីពៅ បញ្ចប់ការសិក្សាថ្នាក់ទី១២

Fashion លោកស្រី គឹម ចាន់ណា នាថ្ងៃមង្គលការកូន​ប្រុសដន្លង ស្អាតទាំងឈុតបុរាណ និងសម័យ

ភរិយាសេដ្ឋី លាង ម៉េង កាន់កាបូបដៃ Hermès តូចមួយ តែតម្លៃថ្លៃមិនចាញ់កាបូបធំៗ

ប្រពន្ធសេដ្ឋី លាង ម៉េង មកពីគ្រួសារ ជីប ម៉ុង កាន់កាបូបតម្លៃជិត ៧ ម៉ឺនដុល្លារ

Fashion លោកស្រី គឹម ចាន់ណា នាថ្ងៃមង្គលការកូនប្រុសដន្លង ស្អាតទាំងឈុតបុរាណ និងសម័យ