តាមដានជាមួយយើង៖ Million Times

ក្រោយរកស៊ីខាតឡុងចុងបែបនេះ ក្រុមហ៊ុន Nissan បានប្រកាសពីផែនការសន្សំសំចៃថ្មី ដោយត្រៀមបិទរោងចក្រចំនួន ៧កន្លែងត្រឹមខែមីនា ឆ្នាំ២០២៨ ខណៈបច្ចុប្បន្នឈ្មោះរោងចក្រទាំងនោះ មិនទាន់ត្រូវបានបង្ហើបឲ្យដឹងនៅឡើយ។

យោងតាមប្រភពដឹងពីព័ត៌មានខាងលើបានបង្ហើបប្រាប់ Reuters ថា បច្ចុប្បន្ន Nissan កំពុងពិចារណាបិទរោងចក្រចំនួន ២កន្លែងនៅប្រទេសជប៉ុន ខណៈរោងចក្រចំនួន ៥ទៀត គឺនៅក្នុងប្រទេសអាហ្វ្រិកខាងត្បូង អាហ្សង់ទីន ឥណ្ឌា និងម៉ិកស៊ិក។

គួរជម្រាបដែរថា មួយរយៈចុងក្រោយ Nissan រងទុក្ខលំបាកជាខ្លាំង ដោយបាត់បង់តំណែងនៅលើទីផ្សាររថយន្តសកល ការឡើងថ្លៃគ្រឿងបន្លាស់ ការធ្លាក់ចុះនៃចំនួនលក់ រួមទាំងការកើនឡើងនៃគូប្រជែងជាដើម បានធ្វើឲ្យក្រុមហ៊ុនជប៉ុននេះ រងនូវការខាតបង់យ៉ាងសម្បើម៕

អត្ថបទ៖ Luffy រូបភាព៖ Uniplan

The post Nissan ត្រៀមបិទរោងចក្រ ៧កន្លែងទូទាំងសកលលោក ក្រោយរកស៊ីខាតឡុងចុង appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា ក្រុមហ៊ុន Nissan កំពុងត្រៀមបណ្ដេញបុគ្គលិកជាសកល រហូតដល់ ១៥% ឬប្រហែល ២០ ០០០នាក់ និងថែមទាំងព្រមានអំពីផលប៉ះពាល់ធ្ងន់ធ្ងរ ដល់ស្ថានភាពហិរញ្ញវត្ថុក្រុមហ៊ុន ដោយសារតែបញ្ហាពន្ធគយអាមេរិក។

ការខាតបង់របស់ Nissan ឆ្នាំនេះត្រូវបានចាត់ទុកជាការខូចខាតអាក្រក់បំផុតរបស់ក្រុមហ៊ុន ក្នុងរយៈពេល ២ទសវត្សចុងក្រោយ ពោលចំណូលអាក្រក់បំផុតរបស់ Nissan គឺការខាតបង់ប្រចាំឆ្នាំសារពើពន្ធ ១៩៩៩ និង២០០០ ដែលខាតជាង ៥ពាន់លានដុល្លារ។

ទន្ទឹមនឹងការខាតបង់ដ៏សម្បើមនេះ Nissan បានបង្ហើបថា នៅក្នុងឆ្នាំ២០២៥ ក្រុមហ៊ុនមិនរំពឹងទទួលបានប្រាក់ចំណេញនោះឡើយ ពោលសង្ឃឹមត្រឹមរកចំណូលបានរួចខ្លួន ឬខាតតិចតួចប៉ុណ្ណោះ៕

អត្ថបទ៖ Luffy រូបភាព៖ NikkeiAsia

The post Nissan ខាតចំណូលប្រចាំឆ្នាំជាង ៤ពាន់លានដុល្លារ និងត្រៀមកាត់បន្ថយបុគ្គលិកជាង ២ម៉ឺននាក់ appeared first on Millions times.

តាមដានជាមួយយើង៖ Million Times

លោក Stephen Ma ប្រធានក្រុមហ៊ុន Nissan ប្រចាំប្រទេសចិនបានឲ្យដឹងថា ប៉ុន្មានឆ្នាំមកនេះ អត្រាលក់រថយន្តរបស់ពួកគេនៅទូទាំងសកលលោកមានកំណើនយឺត ប៉ុន្តែចំពោះទីផ្សាររថយន្តនៅចិនកំពុងរីកចម្រើនខ្លាំង ដូច្នេះត្រូវតែចាប់យកឱកាសប្រកួតប្រជែងមួយនេះ។

ផែនការចាយលុយ ១,៤ពាន់លានដុល្លារ វិនិយោគនៅចិនត្រឹមចុងឆ្នាំ២០២៦ របស់ Nissan ត្រូវបានប្រកាសចំពេលក្រុមហ៊ុន បង្ហើបពីគម្រោងផលិតរថយន្តចំនួន ១០ម៉ូដែលថ្មីៗនៅចិន ដែលត្រៀមនឹងចេញលក់នៅរដូវក្ដៅ ឆ្នាំ២០២៧ ខណៈរថយន្តទាំងនោះគឺប្រើអគ្គិសនីសុទ្ធសាធ។

លោក Ma អះអាងទៀតថា Nissan កំពុងមានបំណងបង្កើតមជ្ឈមណ្ឌលរថយន្តធំបំផុតរបស់ខ្លួននៅចិន ដោយត្រៀមនាំចេញរថយន្តពីនោះ ទៅកាន់បណ្ដាប្រទេសជាច្រើន លើកលែងតែសហរដ្ឋអាមេរិក ដោយសារវិវាទពន្ធគយរវាងប្រទេសទាំង២៕

អត្ថបទ៖ Luffy រូបភាព៖ Bloomberg

The post Nissan ត្រៀមចាយលុយ ១,៤ពាន់លានដុល្លារ បង្កើនការវិនិយោគនៅចិន appeared first on Millions times.

តាមដានជាមួយយើង៖ Million Times

នាយកក្រុមហ៊ុន Nissan កំពុងពិនិត្យមើលលើបេក្ខជនដែលមានសមត្ថភាពគ្រប់គ្រាន់ដើម្បីស្នងតំណែងលោក Uchida ដែលជានាយកប្រតិបត្តិតាំងពីចុងឆ្នាំ២០១៩ មក បើតាម Bloomberg ដកស្រង់សំដីប្រភពដ៏គួរឲ្យទុកចិត្ត។ តំណាងក្រុមហ៊ុន Nissan បានបដិសេធមិនធ្វើអត្ថាធិប្បាយលើព័ត៌មាននេះទេ។

Nissan និង Honda បានបញ្ចប់ការចរចារួមគ្នាដើម្បីបង្កើតក្រុមហ៊ុនរថយន្តតម្លៃ ៦០ ពាន់លានដុល្លារកាលពីដើមខែនេះ។ ប្រភពបាននិយាយថា កិច្ចព្រមព្រៀងដែលក្រុមហ៊ុនផលិតរថយន្តបានពិភាក្សាតាំងពីខែធ្នូ ទីបំផុតត្រូវបានលុបចោលដោយសំណើរបស់ Honda ក្នុងការធ្វើឱ្យ Nissan ក្លាយជាក្រុមហ៊ុនបុត្រសម្ព័ន្ធរបស់ខ្លួន។

សារព័ត៌មាន Reuters បានរាយការណ៍កាលពីខែធ្នូថា លោក Uchida ស្ថិតនៅក្រោមសម្ពាធក្នុងការធ្វើឲ្យសម្រេចនូវការផ្លាស់ប្តូរជាមួយនឹងរយៈពេលប៉ុន្មានខែខាងមុខដែលត្រូវបានគេមើលឃើញថា ជារឿងសំខាន់សម្រាប់លោក និងក្រុមហ៊ុនផលិតរថយន្ត Nissan ៕

អត្ថបទ៖ សាងតេជៈ រូបភាព៖ Nissan

The post Nissan ពិចារណាផ្លាស់ប្តូរ CEO បន្ទាប់ពីបរាជ័យនៃកិច្ចព្រមព្រៀងបញ្ចូលគ្នាជាមួយ Honda appeared first on Millions times.

តាមដានជាមួយយើង៖ Million Times

កាសែត FT បានអះអាងទៀតថា ក្រុមអ្នកជំនួញជប៉ុនបង្ហាញពីផែនការមួយនេះ ក្នុងគោលបំណងចង់ឲ្យក្រុមហ៊ុន Tesla ក្លាយជាវិនិយោគិនយុទ្ធសាស្ត្រមួយនៅជប៉ុន ខណៈពួកគេអះអាងថា Tesla កំពុងព្យាយាមចង់ទិញរោងចក្រក្រុមហ៊ុនរថយន្ត Nissan នៅសហរដ្ឋអាមេរិក។

ទោះជាយ៉ាងណា អ្នកវិភាគទីផ្សារមួយចំនួនបានបង្ហាញទស្សនៈថា Tesla ទំនងមិនទិញរោងចក្រ Nissan នៅអាមេរិកឡើយ ដោយសារចំនួនរោងចក្រផលិតរថយន្តរបស់ Tesla មានច្រើនស្រាប់ ហើយការនាំចេញរបស់ខ្លួនក៏ធ្លាក់ចុះខ្លាំងកាលពីឆ្នាំទៅថែមទៀត។

កត្តាមួយទៀតដែលក្រុមអ្នកវិភាគជឿជាក់យ៉ាងមុតមាំថា Tesla នឹងមិនពង្រីករោងចក្រផលិតរថយន្ត គឺដោយសារវិធានការទារពន្ធគយរថយន្ត របស់ប្រធានាធិបតី Donald Trump ដែលគ្រោងដាក់ឲ្យអនុវត្តនាពេលឆាប់ៗខាងមុខ៕

អត្ថបទ៖ Luffy រូបភាព៖ FT/ Daily Sabah

The post អ្នកជំនួញជប៉ុនមួយក្រុមរៀបផែនការអូសទាញ Tesla មកបណ្ដាក់ទុនជាមួយក្រុមហ៊ុន Nissan appeared first on Millions times.

តាមដានជាមួយយើង៖ Million Times

សារព័ត៌មានជប៉ុន Asahi បានរាយការណ៍ថា សេចក្ដីសម្រេចរបស់ថ្នាក់ដឹកនាំ Nissan កើតឡើងបន្ទាប់ពីក្រុមហ៊ុន Honda ដាក់សំណើឲ្យក្រុមហ៊ុនរបស់ខ្លួន ក្លាយជាក្រុមហ៊ុនបុត្រសម្ព័ន្ធ ពេលក្រុមហ៊ុនទាំង២ ក្លាយជាក្រុមហ៊ុនតែមួយ ខណៈសំណើរបស់ Honda ផ្ទុយស្រឡះពីអ្វីដែលក្រុមហ៊ុនទាំង២ ធ្លាប់បាននិយាយគ្នា និងបានធ្វើឲ្យ Nissan ខកចិត្តជាខ្លាំង។

គួររំលឹកបន្តិចថា កាលពីខែធ្នូឆ្នាំទៅ ក្រុមហ៊ុនផលិតរថយន្តខ្នាតយក្សជប៉ុនទាំង២ បានប្រកាសពីគម្រោងការរួមបញ្ចូលក្រុមហ៊ុនតែមួយ ដើម្បីបន្តជំហរយ៉ាងរឹងមាំលើទីផ្សាររថយន្តមានភាពប្រកួតប្រជែងខ្ពស់។ ប៉ុន្តែការពិភាក្សាលើគម្រោងមួយនេះ មានការខ្វែងគំនិតគ្នាជាបន្តបន្ទាប់ រហូតឈានដល់ការបោះបង់វាចោលតែម្ដង។

ក្រុមហ៊ុន Nissan នឹង​ធ្វើ​ការ​សម្រេច​ចិត្ត​ដក​ខ្លួន​ចេញ​ពី​ MOU ជា​ផ្លូវ​ការ​ នៅ​ក្នុង​កិច្ច​ប្រជុំ​ក្រុម​ប្រឹក្សា​ភិបាល​ដែល​នឹង​ត្រូវ​ធ្វើ​ឡើង ​មុន​ពេល​ការ​ប្រកាស​ប្រាក់​ចំណូល​ប្រចាំ​ត្រីមាស​ទីបី​របស់​ក្រុមហ៊ុន​នាសប្តាហ៍​ក្រោយ៕

អត្ថបទ៖ Luffy រូបភាព៖ Reuters

The post មេធំ Nissan ប្រាប់នាយកប្រតិបត្តិ Honda ចំៗថា ចង់លុបចោល MOU ជាមួយគ្នា appeared first on Millions times.

សារព័ត៌មាន Reuters បានចុះផ្សាយថា កិច្ចពិភាក្សារវាងក្រុមហ៊ុនទាំង២ នេះចាប់ផ្ដើមតឹងសរសៃកខ្លាំងមួយរយៈចុងក្រោយ បន្ទាប់ពី Honda ធ្លាប់ប្រកាសថា Nissan នឹងក្លាយជាក្រុមហ៊ុនបុត្រសម្ព័ន្ធ ក្រោយការច្របាច់បញ្ចូលក្រុមហ៊ុនតែមួយ។

តាមដានជាមួយយើង៖ Million Times

សេចក្ដីប្រកាសរបស់ Honda បានធ្វើឲ្យក្រុមហ៊ុន Nissan មានការអាក់អន់ស្រពន់ចិត្ត ដ្បិតវាផ្ទុយស្រឡះពីការចរចាគ្នាដំបូង ដោយធ្លាប់សន្យាថា ក្រោយបញ្ចូលក្រុមហ៊ុនរួមគ្នា Nissan និង Honda នឹងក្លាយជាម្ចាស់អាជីវកម្មស្មើភាព។

ទាក់ទងនឹងបញ្ហាមួយនេះ សារព័ត៌មានជប៉ុន Asahi បានរាយការណ៍ថា ក្រុមប្រឹក្សាភិបាលក្រុមហ៊ុន Nissan នឹងបើកកិច្ចប្រជុំបន្ទាន់មួយ ជជែកពីជំហានបន្ទាប់ទាក់ទងនឹងកិច្ចព្រមព្រៀងជាមួយ Honda។

គួររំលឹកបន្តិចថា កាលពីឆ្នាំទៅ ក្រុមហ៊ុន Honda និង Nissan បានប្រកាសច្របាច់ក្រុមហ៊ុនបញ្ចូលគ្នា ក្នុងគោលបំណងពង្រឹងជំហរក្នុងវិស័យឧស្សាហកម្មយានយន្ត ដែលមានការប្រកួតប្រជែងខ្ពស់ ជាពិសេសគឺគូប្រជែងចិន ក្រុមហ៊ុន BYD។ ដំណឹងនៃការរួមបញ្ចូលក្រុមហ៊ុននេះ បានធ្វើឲ្យភ្ញាក់ផ្អើលជាខ្លាំងក្នុងវិស័យជំនួញ ដ្បិតក្រុមហ៊ុនទាំង២ នេះ គឺជាសុទ្ធជាកំពូលអ្នកផលិតរថយន្តនៅជប៉ុន៕

អត្ថបទ៖ Luffy រូបភាព៖ Reuters

The post កិច្ចព្រមព្រៀងបញ្ចូលក្រុមហ៊ុនរួមគ្នារវាង Nissan និង Honda ទំនងត្រូវលុបចោលវិញ appeared first on Millions times.

តាមដានជាមួយយើង៖ Million Times

CEO ក្រុមហ៊ុន Honda លោក Toshihiro Mibe បាននិយាយនៅក្នុងសន្និសីទសារព័ត៌មានថា ក្រុមហ៊ុនទាំង២ សុទ្ធតែត្រូវការភាពប្រកួតប្រជែងខ្ពស់ ក្នុងការអភិវឌ្ឍន៍បច្ចេកវិទ្យាថ្មីៗសម្រាប់រថយន្តអគ្គិសនី។ កិច្ចព្រមព្រៀងនេះ បង្កើតឡើងដើម្បីចែករំលែកចំណេះដឹង និងធនធានផ្សេងៗ ដើម្បីឈានដល់គោលដៅដែលក្រុមហ៊ុនទាំង២ ចង់បាន។

ក្រុមហ៊ុនទាំង២ នឹងព្រមព្រៀងបង្កើតក្រុមហ៊ុនថ្មីមួយទៀត និងដាក់ក្រុមហ៊ុននោះ ជាក្រុមហ៊ុនមេរបស់ Honda និង Nissan ស្របពេល Honda ដែលជាក្រុមហ៊ុនធំជាង នឹងមានសមាជិកក្រុមប្រឹក្សាភិបាល ច្រើនជាងក្រុមហ៊ុន Nissan។

តាមការសន្និដ្ឋានពី NBC បានឲ្យដឹងថា ក្រោយពេលបញ្ចូលក្រុមហ៊ុនរួមគ្នា ក្រុមហ៊ុនផលិតរថយន្តជប៉ុន នឹងអាចរកចំណូលប្រចាំឆ្នាំ ៣០ទ្រីលានយ៉េន ឬប្រហែល ១៩១,៤ពាន់លានដុល្លារ ជាមួយប្រាក់ចំណេញច្រើនជាង ៣ទ្រីលានយ៉េន ខណៈមូលធនទីផ្សាររបស់ពួកគេ នឹងមានរហូតដល់ ៥៤ពាន់លានដុល្លារឯណោះ។

សូមជម្រាបបន្ថែមថា ការចរចារវាងក្រុមហ៊ុនទាំង២ ត្រូវបានកំណត់បញ្ចប់សព្វគ្រប់ នៅក្នុងខែមិថុនា ឆ្នាំ២០២៥ ខាងមុខ៕

អត្ថបទ៖ Luffy រូបភាព៖ CNBC

The post Honda និង Nissan ចាប់ផ្ដើមបើកកិច្ចចរចាផ្លូវការ បញ្ចូលក្រុមហ៊ុនរួមគ្នាតែមួយ appeared first on Millions times.