Ravy Try, Author at Millions times

កូនស្រីបណ្ដូលចិត្តទាំងទ្វេនៃលោកអ្នកឧកញ៉ា ភាព ហៀក ស្រ្តីអ្នកជំនួញវ័យក្មេងពូកែទាំងការងារ និង Fashion

Ravy Try — Thu, 13 Aug 2026 09:22:20 +0000

លោកស្រី លី សុខចេង និងលោកស្រី លី សុខឆេង ដែលជាកូនស្រីបណ្ដូលចិត្តទាំងទ្វេរបស់លោកអ្នកឧកញ៉ា ភាព ហៀក និងជាមនុស្សសំខាន់មិនអាចខ្វះបាននៅក្នុង ជីប ម៉ុង គ្រុបផងដែរ។

តាមដានជាមួយយើង៖ Million Times

សហគ្រិនស្ត្រីវ័យក្មេងទាំង ២ រូបរបស់លោកអ្នកឧកញ៉ា ភាព ហៀក មិនត្រូវតែកាន់ការងារធំក្នុងក្រុមហ៊ុនប៉ុណ្ណោះទេ។ កូនស្រីទាំងទ្វេក៏មិនខុសពីអ្នកម្ដាយ ពូកែគ្រប់សព្វបែបយ៉ាងដូចអ្នកមានគុណ ពិសេសការស្លៀកពាក់មិនឲ្យចាញ់គេ។

នាថ្ងៃកម្មវិធីក្មួយស្រី អ៊ឹង វីនីកា កូនស្រីពៅអ្នកឧកញ៉ា លាង ម៉េងនិងលោកស្រី គឹម ចាន់ណា ឃើញថា លោកស្រី លី សុខចេង និងលោកស្រី លី សុខឆេង បានរៀបចំតុបតែងខ្លួនយ៉ាងស្រស់ស្អាតម្នាក់មួយបែប ដោយម្នាក់បែបស្រគត់ស្រគំ ហើយម្នាក់ទៀតបែបឆើតឆាយ។

ក្នុងនោះ លោកស្រី លី សុខឆេង អគ្គនាយិកាក្រុមហ៊ុន ជីប ម៉ុង រីថែល និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង បានជ្រើសរើសឈុតពណ៌ស្រាល។ ចំណែកលោកស្រី លី សុខចេង បានជ្រើសរើសឈុតពណ៌ត្នោត និងជាប្រេន SELF-PORTRAIT rhinestone high-neck maxi។

ចំណែកកាបូបវិញ លោកស្រី សុខឆេង កាន់ Louis Vuitton Himalayan Louis ខ្ទង់ម៉ឺនដុល្លារ ហើយលោកស្រី សុខឆេង កាន់កាបូប Bottega Veneta knot clutch satin/ python emerald green។

អត្ថបទ៖ ឆដា, រូបភាព៖ Bong Joy

The post កូនស្រីបណ្ដូលចិត្តទាំងទ្វេនៃលោកអ្នកឧកញ៉ា ភាព ហៀក ស្រ្តីអ្នកជំនួញវ័យក្មេងពូកែទាំងការងារ និង Fashion appeared first on Millions times.

ឧកញ៉ា ណូ សុភា មិនទម្លាក់ដៃក្នុងការចូលរួមសង្គមជាតិ ពេលនេះកំពុងរៀបចំថវិកាជាង ១ សែនដុល្លារ កសាងសាលា

Ravy Try — Tue, 07 Jul 2026 10:11:04 +0000

មុននេះបន្តិចសេដ្ឋិនី សុភាព បុត្រឈរ បានឲ្យដឹងថាកំពុងរៀបចំថវិកាជាង ១សែនដុល្លារ ដើម្បីចូលរួមចំណែកក្នុងវិស័យអប់រំនៅស្រុកខ្មែរដោយកសាងសាលារៀនឲ្យក្មេងៗ ដើម្បីទទួលបានការសិក្សា។

តាមដានជាមួយយើង៖ Million Times

ជាការពិតណាស់អគ្គនាយិកាក្រុមហ៊ុន AG Bottcher និងជាសមាជិកសមាគមឧកញ៉ាកម្ពុជារូបនេះបានចូលរួមជួយដល់ប្រជាពលរដ្ឋខ្មែរជាច្រើន។ មិនតែប៉ុណ្ណោះឧកញ៉ា ណូ សុភា ក៏បានចូលរួមយ៉ាងសកម្មក្នុងវិស័យជាច្រើនមិនថាសុខាភិបាល និងវិស័យការពារជាតិនាពេលកន្លងមក គ្រាកន្លងមក។

ថ្មីៗនេះភរិយាលោក Udo Böttcher ដែលជាស្ថាបនិកក្រុមហ៊ុន Böttcher AG បានចូលរួមក្នុងវិស័យអប់រំបន្តទៀត ដោយមានគម្រោងក្នុងការសាងសង់សាលារៀនតាមតំបន់ផ្សេងៗ ដោយចំណាយទឹកប្រាក់ ១២០ ០០០ អឺរ៉ូ និងស្មើប្រមាណ១៣៧ ១០៧ ដុល្លារ។

អគ្គនាយិកា ក្រុមហ៊ុន AG Bottcher បានបញ្ជាក់ថា បច្ចុប្បន្ន ខ្លួន និងក្រុមគ្រួសារ កំពុងរៀបចំគម្រោងថវិកាប្រមាណ ១២០ ០០០ អឺរ៉ូ (មួយសែនពីរម៉ឺនអឺរ៉ូ) សម្រាប់ការសាងសង់ និងអភិវឌ្ឍន៍សាលារៀននៅតាមតំបន់ផ្សេងៗ។

តាមរយៈរូបភាពមួយចំនួនបានបង្ហាញឲ្យឃើញគម្រោងអាគារសិក្សារបស់សាលារៀនមួយស្ថិតនៅក្នុងខេត្តក្រចេះ ហើយកំពុងស្ថិតក្នុងដំណើរការសាងសង់។ គម្រោងមួយចំនួនបានចាប់ផ្ដើម ខណៈគម្រោងមួយចំនួនទៀតកំពុងស្ថិតក្នុងដំណាក់កាលរៀបចំ និងអនុវត្តជាបន្តបន្ទាប់។

ភរិយាលោក Udo Böttcherបន្ថែមជាចុងក្រោយថា នឹងបន្តជួយទៅតាមសមត្ថភាព ដើម្បីឲ្យកុមារកាន់តែច្រើនមានឱកាសទទួលបានការអប់រំល្អ និងមានអនាគតភ្លឺស្វាង៕

អត្ថបទ៖ ឆដា, រូបភាព៖ Sophea Böttcher

The post ឧកញ៉ា ណូ សុភា មិនទម្លាក់ដៃក្នុងការចូលរួមសង្គមជាតិ ពេលនេះកំពុងរៀបចំថវិកាជាង ១ សែនដុល្លារ កសាងសាលា appeared first on Millions times.

រដ្ឋមន្រ្តីក្រសួងរ៉ែ ណែនាំមន្ត្រីអគ្គិសនី មិនយកលុយថ្លៃតភ្លើងដល់អតិថិជន ដែលស្នើកម្លាំង ២០ អំពែចុះ

Ravy Try — Fri, 13 Feb 2026 02:14:44 +0000

កាលពីពេលថ្មីៗនេះ រដ្ឋមន្រ្តីក្រសួងរ៉ែ និងថាមពល លោក កែវ រតនៈ បានណែនាំឲ្យអាជ្ញាធរអគ្គិសនីលើកលែងថ្លៃតភ្ជាប់ចរន្ត (មិនយកលុយថ្លៃតភ្លើង) ឲ្យអតិថិជនលំនៅឋាន ដែលស្នើកម្លាំងពី ៥អំពែ, ១០អំពែ និង ២០អំពែ ១ហ្វា ចាប់ពីថ្ងៃទី១ ខែមីនា ឆ្នាំ២០២៦តទៅ និងកាត់បន្ថយពេលវេលាតភ្ជាប់ ដើម្បីជួយសម្រួលការភ្ជាប់ចរន្តថ្មីដល់ពលរដ្ឋឲ្យបានឆាប់រហ័ស។

តាមដានជាមួយយើង៖ Million Times

រដ្ឋមន្រ្តីក្រសួងរ៉ែ និងថាមពល ចេញសេចក្ដីណែនាំដូច្នេះ នៅក្នុងពិធីបើកសន្និបាតបូកសរុបលទ្ធផលការងារឆ្នាំ ២០២៥ និងលើកទិសដៅការងារអនុវត្តសម្រាប់ឆ្នាំ២០២៦ របស់អាជ្ញាធរអគ្គិសនីកម្ពុជា កាលពីព្រឹកថ្ងៃ១២ ខែកុម្ភៈ ឆ្នាំ ២០២៦ កន្លងទៅ។

លោក កែវ រតនៈ ក៏បានលើកឡើងពីវិធានការថ្មី ដោយលោកចង់កាត់បន្ថយការិយាធិបតេយ្យក្នុងការផ្ដល់សេវាទៅកាន់ប្រជាពលរដ្ឋ ដើម្បីផ្តល់ភាពងាយស្រួល ដូច្នេះលោកបានណែនាំឲ្យអាជ្ញាធរអគ្គិសនីចេញបទបញ្ញត្តិមិនឲ្យលើសពីថ្ងៃទី១ ខែមីនា ឆ្នាំ២០២៦។

លោករដ្ឋមន្ត្រីក៏បានប្រាប់ឲ្យកាត់បន្ថយរយៈពេលភ្ជាប់ចរន្តជូនអតិថិជនធុនតូច មានន័យថា ចំពោះអតិថិជនដែលស្នើប្រើប្រាស់កម្លាំងចាប់ពី ១ហ្វា ៦៣ អំពែ ឬ ៣ហ្វា ២០អំពែ គឺត្រូវកាត់បន្ថយមកត្រឹមតែ ៨ ថ្ងៃធ្វើការតែប៉ុណ្ណោះ ទាំងអគ្គិសនីកម្ពុជា និងសេវាករទូទាំងប្រទេស។

គិតមកទល់ពេលនេះភូមិប្រមាណ ៩៩,១ ភាគរយ បានភ្ជាប់ចរន្តអគ្គិសនីពីបណ្តាញជាតិរួចហើយ ខណៈភូមិពុំមានភ្ជាប់ចរន្តពីបណ្ដាញជាតិ ក៏មានការដាក់ពង្រាយប្រព័ន្ធពន្លឺព្រះអាទិត្យ (សូឡា) របស់អគ្គិសនីកម្ពុជា ដើម្បីឲ្យពលរដ្ឋមានអគ្គិសនីប្រើបណ្ដោះអាសន្នផងដែរ ហើយ បើគិតជាលំនៅឋានខ្នងផ្ទះ គឺបានភ្ជាប់ចរន្តអគ្គិសនីពីបណ្ដាញជាតិជិត ៩៦ ភាគរយហើយ៕

អត្ថបទ៖ ឆដា, រូបភាព៖ Ministry of Mines and Energy Cambodia

The post រដ្ឋមន្រ្តីក្រសួងរ៉ែ ណែនាំមន្ត្រីអគ្គិសនី មិនយកលុយថ្លៃតភ្លើងដល់អតិថិជន ដែលស្នើកម្លាំង ២០ អំពែចុះ appeared first on Millions times.

ឆ្នាំ ២០២៥ អ្នកដំណើរតាមផ្លូវអាកាសជិត ៧លាននាក់បានធ្វើដំណើរមកកម្ពុជា កើនឡើង ១២%

Ravy Try — Wed, 14 Jan 2026 06:51:38 +0000

កម្ពុជា បានកត់ត្រាអ្នកដំណើរតាមផ្លូវអាកាសប្រមាណជិត ៧ លាននាក់ ក្នុងរយៈពេល ១២ខែ កាលពីឆ្នាំ ២០២៥ ដែលនេះមានការកើនឡើង ១២ ភាគរយ បើប្រៀបធៀបនឹងឆ្នាំ ២០២៤។ នេះបើ យោងតាមរដ្ឋលេខាធិការដ្ឋានអាកាសចរណ៍ស៊ីវិល។

តាមដានជាមួយយើង៖ Million Times

រដ្ឋលេខាធិការ និងជាអ្នកនាំពាក្យរបស់រដ្ឋលេខាធិការដ្ឋានអាកាសចរណ៍ស៊ីវិល លោក ស៊ីន ចាន់សេរីវុត្ថា បានឲ្យដឹងថា ចាប់ពីខែមករា ដល់ធ្នូ ឆ្នាំ ២០២៥ អ្នកដំណើរឆ្លងកាត់អាកាសយានដ្ឋានអន្តរជាតិទាំង៣ របស់កម្ពុជា គឺអាកាសយានដ្ឋានអន្តរជាតិតេជោ, អាកាសយានដ្ឋានអន្តរជាតិសៀមរាបអង្គរ និងអាកាសយានដ្ឋានអន្តរជាតិក្រុងព្រះសីហនុ បានស្វាគមន៍អ្នកដំណើរ ជិត ៧ លាននាក់។

ក្នុងអំឡុងពេលដូចគ្នា ចំនួនជើងហោះហើរចូល-ចេញសរុបមានចំនួនជាង ៦ម៉ឺនជើង កើនឡើង ១១ ភាគរយ ធៀបនឹងឆ្នាំមុន ខណៈដែលបរិមាណដឹកជញ្ជូនតាមផ្លូវអាកាសទ្វេទិសជាង ៩ម៉ឺនតោន កើនឡើង ២១ ភាគរយ។

គួរបញ្ជាក់ថា បច្ចុប្បន្នកម្ពុជាមានក្រុមហ៊ុនអាកាសចរណ៍ ៣៦ក្រុមហ៊ុន ក្នុងនោះ ៤ ជារបស់ក្នុងស្រុក និងអន្តរជាតិ ៣២ ហើយកំពុងតភ្ជាប់ជើងហោះហើរជាមួយ ១៧ ប្រទេស និង ៤៦ ទីក្រុង។ ក្នុងចំណោម ១៧ ប្រទេសនោះ អាកាសចរណ៍កម្ពុជា បានតភ្ជាប់ទៅកាន់ ៨ ប្រទេសក្នុងតំបន់អាស៊ាន, ប្រទេសចិន កូរ៉េខាងត្បូង តំបន់រដ្ឋបាលពិសេសហុងកុង កោះតៃវ៉ាន់ ឥណ្ឌា កាតា អេមីរ៉ាតអារ៉ាប់រួម និងជប៉ុន។

សូមរំលឹកថា កាលពីដើមឆ្នាំ២០២៥ រដ្ឋលេខាធិការដ្ឋានអាកាសចរណ៍ស៊ីវិល បានព្យាករថា ក្នុងឆ្នាំ ២០២៥ ការដឹកជញ្ជូនអ្នកដំណើរតាមផ្លូវអាកាសរបស់កម្ពុជា នឹងទទួលបានប្រមាណ ៧,៥ លាននាក់៕

អត្ថបទ៖ ឆដា, រូបភាព៖អាកាសចរណ៍ស៊ីវិល

The post ឆ្នាំ ២០២៥ អ្នកដំណើរតាមផ្លូវអាកាសជិត ៧លាននាក់បានធ្វើដំណើរមកកម្ពុជា កើនឡើង ១២% appeared first on Millions times.

រដ្ឋមន្ត្រីក្រសួងការងារ ចូលរួមសន្និសីទ «គំនិតផ្តួចផ្តើមខ្សែក្រវាត់ និងផ្លូវសម្រាប់ វិស័យវាយនភណ្ឌ» នៅសិង្ហបុរី

Ravy Try — Fri, 21 Nov 2025 08:10:48 +0000

រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក ហេង សួរ បានចូលរួមសន្និសីទស្ដីពី «គំនិតផ្ដួចផ្ដើមខ្សែក្រវាត់ និងផ្លូវសម្រាប់វិស័យវាយនភណ្ឌ» លើកទី៧ ក្រោមប្រធានបទ «ការជំរុញឧស្សាហកម្មវាយនភណ្ឌ និងកាត់ដេរសកល សម្រាប់អនាគតប្រកបដោយកិច្ចសហប្រតិបត្តិការ និងនវានុវត្តន៍» ដែលធ្វើឡើងចាប់ពីថ្ងៃ១៩ ដល់ ២១ ខែវិច្ឆិកា ឆ្នាំ ២០២៥ នៅសិង្ហបុរី។

តាមដានជាមួយយើង៖ Million Times

កម្មវិធីដែលមានអ្នកចូលរួមប្រមាណជាង ៣០០ នាក់ មានតំណាងរដ្ឋាភិបាល អង្គទូត អ្នកបញ្ជាទិញ អ្នកផលិតវត្ថុធាតុដើម អ្នកផ្គត់ផ្គង់ អ្នកគាំទ្រផ្នែកបច្ចេកទេស អ្នកសិក្សាស្រាវជ្រាវ និងអ្នកពាក់ព័ន្ធផ្សេងទៀត ក្នុងខ្សែច្រវាក់ផ្គត់ផ្គង់សកល នៃឧស្សាហកម្មវាយនភណ្ឌ និងកាត់ដេរ។

សន្និសីទនេះ បានផ្ដល់ឱកាសឲ្យអ្នកចូលរួមទាំងអស់ពិភាក្សាលើប្រធានបទសំខាន់ៗពាក់ព័ន្ធនឹងការពង្រឹងកិច្ចសហប្រតិបត្តិការក្នុងវិស័យវាយនភណ្ឌ ក្រោមក្របខ័ណ្ឌគំនិតផ្ដួចផ្ដើម ខ្សែក្រវាត់ និងផ្លូវ តាមរយៈកិច្ចសហប្រតិបត្តិការចិន-អាស៊ាន, សមាហរណកម្មខ្សែច្រវាក់ផ្គត់ផ្គង់សកល, ឱកាសភាពជាដៃគូ និងទស្សនវិស័យនៃការវិនិយោគក្នុងតំបន់។

នៅក្នុងវេទិកាដ៏មានសារៈសំខាន់នេះ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក ហេង សួរ បានចែករំលែកពី «គំរូកំណើន ឈ្នះ-ឈ្នះ សម្រាប់ចិន និងអាស៊ាន ក្នុងវិស័យវាយនភណ្ឌ ក្រោមក្របខ័ណ្ឌគំនិតផ្ដួចផ្ដើមខ្សែក្រវាត់ និងផ្លូវ» ដោយបានបង្ហាញពីការផ្លាស់ប្ដូររបស់កម្ពុជាក្រោមគំនិតផ្ដួចផ្ដើមខ្សែក្រវាត់ និងផ្លូវ ដោយសង្កត់ធ្ងន់លើការធ្វើឲ្យប្រសើរឡើងហេដ្ឋារចនាសម្ព័ន្ធ កម្លាំងពលកម្ម ដែលមានភាពប្រកួតប្រជែង ការរីកចម្រើនច្រវាក់ផលិតកម្មប្រកបដោយចីរភាព និងការពង្រីកលទ្ធភាពចាប់យកឱកាសវិនិយោគ ក្នុងវិស័យវាយនភណ្ឌ និងកាត់ដេរ សម្រាប់កំណើនរួមគ្នារវាងកម្ពុជា និងចិនផងដែរ។

រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ កម្ពុជាក៏មានជំនួបដាច់ដោយឡែកជាមួយ អ្នកបញ្ជាទិញ អ្នកផលិតវត្ថុធាតុដើម អ្នកផ្គត់ផ្គង់ អ្នកគាំទ្រផ្នែកបច្ចេកទេសក្នុងវិស័យវាយនភណ្ឌ ក្នុងគោលបំណងបង្ហាញពីសក្ដានុពល និងឱកាសវិនិយោគ និងគោលនយោបាយគាំទ្រនានា របស់រាជរដ្ឋាភិបាលកម្ពុជាសម្រាប់វិស័យនេះ។

លោក ហេង សួរ ក៏បានជួបពិភាក្សាជាមួយ សាស្ត្រាចារ្យ Shen Bin ព្រឹទ្ធបុរសរង និងជាសាស្ត្រាចារ្យនៅសកលវិទ្យាល័យ Donghau ប្រទេសចិន ដើម្បីពិភាក្សាលទ្ធភាពក្នុងការសហការជាមួយគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់កម្ពុជាផងដែរ៕

អត្ថបទ៖ ឆដា, រូបភាព៖ ក្រសួងការងារ និងបណ្តុះបណ្តាលវិជ្ជាជីវៈ

The post រដ្ឋមន្ត្រីក្រសួងការងារ ចូលរួមសន្និសីទ «គំនិតផ្តួចផ្តើមខ្សែក្រវាត់ និងផ្លូវសម្រាប់ វិស័យវាយនភណ្ឌ» នៅសិង្ហបុរី appeared first on Millions times.