តាមដានជាមួយយើង៖ Million Times

លោក Schwab បានប្រាប់ទៅកាន់ទីភ្នាក់ងារព័ត៌មាន Financial Times ថា វេទិកា WEF ត្រូវតែមានឆន្ទៈបំពេញនូវបេសកកម្មរបស់ខ្លួនឡើងវិញ ចំពេលកំពុងមានភាពចលាចលសេដ្ឋកិច្ច ហើយការចុះចេញរបស់លោក គឺជាការបើកផ្លូវសម្រាប់ថ្នាក់ដឹកនាំថ្មី ក្នុងការរិះរកគំនិតថ្មីៗសម្រាប់ដោះស្រាយបញ្ហាផ្សេងៗ។

ទោះជាស្ថាបនិក WEF រូបនេះបង្ហើបពីការចុះចេញពីតំណែងជាប្រធានក្រុមប្រឹក្សាភិបាលក៏ពិតមែន ប៉ុន្តែលោកមិនបានបញ្ជាក់ពីកាលបរិច្ឆេទច្បាស់លាស់នោះឡើយ។

យ៉ាងណា កាសែត FT បានអះអាងថា បច្ចុប្បន្នដំណើរការនៃការលាលែងតំណែងរបស់លោក Schwab កំពុងប្រព្រឹត្តទៅ ហើយវាទំនងនឹងបញ្ចប់សព្វគ្រប់ត្រឹមខែមករា ឆ្នាំ២០២៧។ អ្នកនាំពាក្យ WEF បញ្ជាក់ថា លោក Schwab នឹងបន្តកាន់តំណែងកំពូលនេះ រហូតដល់រកបានអ្នកបន្តវេន ទើបលោកអាចចុះចេញពីតំណែងបាន៕

អត្ថបទ៖ Luffy រូបភាព៖ WEF

The post ស្ថាបនិកវេទិកាពាណិជ្ជកម្មអន្តរជាតិ ប្រកាសលាលែងពីតំណែងជាប្រធានក្រុមប្រឹក្សាភិបាល WEF appeared first on Millions times.

តាមដានជាមួយយើង៖ Million Times

នៅក្នុងជំនួបជាមួយប្រធាន WEF លោក Borge Brende អនុប្រធានាធិបតីនីហ្សេរីយ៉ាអះអាងថា កំណើនសេដ្ឋកិច្ចប្រចាំទ្វីបអាហ្វ្រិក នឹងឈានដល់ ២៩ទ្រីលានដុល្លារ ត្រឹមឆ្នាំ២០៣០ តាមរយៈកិច្ចព្រមព្រៀងពាណិជ្ជកម្មសេរីទ្វីបអាហ្វ្រិក (AfCFTA) និងសុំឲ្យមានការអន្តរាគមន៍ ដើម្បីជំរុញការអនុវត្តពេញលេញនៃកិច្ចព្រមព្រៀងមួយនេះ។ នេះបើតាមការចុះផ្សាយពីគេហទំព័រ Arise។

លោក Kashim បានរំលឹកឡើងវិញថា ប្រទេសនីហ្សេរីយ៉ាបានត្រៀមខ្លួនរួចស្រេច ក្នុងការដឹកនាំកិច្ចព្រមព្រៀង AfCFTA និងទាញយកផលប្រយោជន៍ពីសក្តានុពលទីផ្សារ សម្រាប់ការផ្លាស់ប្តូរឌីជីថល និងសមាហរណកម្មសេដ្ឋកិច្ចនៃទ្វីបអាហ្រ្វិក។ អនុប្រធានាធិបតីនីហ្សេរីយ៉ារូបនេះអះអាងថា វិស័យបច្ចេកវិទ្យាកំពុងមានការរីកចម្រើនខ្លាំងក្នុងទ្វីបអាហ្វ្រិក ដោយគ្រាន់តែនៅប្រទេសរបស់លោក មានធនធានមនុស្សដែលមានចំណេះដឹងក្នុងវិស័យឌីជីថលរាប់លាននាក់។

លោកសង្កត់ធ្ងន់ថា ត្រឹមឆ្នាំ២០៥០ ប្រជាជននីហ្សេរីយ៉ានឹងមានកំណើនប្រជាជនរហូតដល់ ៤៤០លាននាក់ ជាប្រទេសមានប្រជាជនរស់នៅច្រើនបំផុត។ ទ្វីបអាហ្វ្រិកគឺជាតំបន់កំពុងរីកចម្រើន តែអ្វីដែលជាបញ្ហាចោទ គឺការកង្វះខាតការងារសម្រាប់យុវជនមានទេពកោសល្យជំនាន់ក្រោយ។

គួររំលឹកបន្តិចថា កិច្ចព្រមព្រៀង AfCFTA គឺត្រូវបានបង្កើតឡើងកាលពីឆ្នាំ២០១៨ និងចុះជាធរមាននៅក្នុងឆ្នាំ២០២១ ក្នុងគោលបំណងបង្កើនការធ្វើពាណិជ្ជកម្មរវាងប្រទេសក្នុងទ្វីបអាហ្វ្រិក និងលើកកំពស់វិស័យពាណិជ្ជកម្មពិភពលោករបស់ទ្វីបមួយនេះ។

ប៉ុន្តែចាប់តាំងពីបង្កើតកិច្ចព្រមព្រៀងនេះមក ទំហំនៃការធ្វើពាណិជ្ជកម្មតាម AfCFTA ហាក់មិនសូវមានភាពរឹងមាំ ពោលកាលពីឆ្នាំ២០២៣ កិច្ចព្រមព្រៀងនេះមានទំហំត្រឹម ១៩២ពាន់លានដុល្លារប៉ុណ្ណោះ។ លោក Kashim Shettima បានអំពាវនាវឲ្យមានការអនុវត្តពេញលេញនៃកិច្ចព្រមព្រៀង AfCFTA ដ្បិតលោកយល់ថា កិច្ចព្រមព្រៀងនេះ នឹងជួយឲ្យកំណើនសេដ្ឋកិច្ចអាហ្វ្រិកកាន់តែរីកចម្រើនមួយកម្រិតទៀត៕

អត្ថបទ៖ Luffy រូបភាព៖ Arise

The post អនុប្រធានាធិបតីនីហ្សេរីយ៉ាអះអាង កំណើនសេដ្ឋកិច្ចអាហ្វ្រិកនឹងឈានដល់ ២៩ទ្រីលានដុល្លារ ត្រឹមឆ្នាំ២០៥០ appeared first on Millions times.

តាមដានជាមួយយើង៖ Million Times

នៅលើវេទិកា WEF ថ្នាក់ដឹកនាំវៀតណាមបានអំពាវនាវឲ្យសមាជិកអាស៊ានទាំងអស់ បង្កើនកិច្ចសហប្រតិបត្តិការរួមគ្នា ដើម្បីឲ្យអាស៊ានអាចចូលរួមអភិវឌ្ឍន៍ប្រទេសរៀងៗខ្លួន នៅក្នុងយុគសម័យឆ្លាតវៃ ដែលផ្ដោតសំខាន់លើវិទ្យាសាស្ត្រ បច្ចេកវិទ្យា ការច្នៃប្រឌិត និងព័ត៌មានឌីជីថល។ នេះបើតាមការចុះផ្សាយពីសារព័ត៌មានវៀតណាម VOV។

ដោយផ្តោតលើចក្ខុវិស័យសម្រាប់អនាគតរបស់អាស៊ាន លោក Chinh បានលើកឡើងពីសសរស្តម្ភសំខាន់ៗចំនួនប្រាំមួយ ដើម្បីសម្រេចភាពជោគជ័យរបស់អាស៊ានក្នុងយុគសម័យដ៏ឆ្លាតវៃ រួមមាន ការធានាស្ថិរភាពនយោបាយ និងសន្តិសុខ ការសម្រេចបាននូវកំណើនសេដ្ឋកិច្ចប្រកបដោយចីរភាព ការលើកកម្ពស់ការរួបរួមវប្បធម៌ក្នុងភាពចម្រុះ ការធានាការប្រើប្រាស់ធនធានប្រកបដោយនិរន្តរភាព និងការការពារបរិស្ថាន វឌ្ឍនភាពសង្គម និងសមធម៌ ក៏ដូចជាជំរុញការអភិវឌ្ឍន៍ប្រកបដោយបរិយាប័ន្ន ដោយមិនទុកនរណាម្នាក់ចោល។

នាយករដ្ឋមន្ត្រីវៀតណាមរូបនេះក៏បានសង្កត់ធ្ងន់ទៀតថា អាស៊ាន​មិន​ត្រឹមតែ​ជា​កត្តា​ជំរុញ​កំណើនសេដ្ឋកិច្ច​ពិភពលោក​ប៉ុណ្ណោះ​ទេ ប៉ុន្តែ​ក៏​ឈរ​លើ​កម្រិត​នៃ​ការត្រួសត្រាយ​ផ្លូវ​ទៅកាន់​សម័យកាល​ដ៏​ឆ្លាត​វៃ​ផងដែរ​។ ចំណុចពិសេសរបស់អាស៊ាន គឺស្ថិតនៅក្នុងភាពជាសហគ្រិន និងយុវជនប្រកបដោយភាពច្នៃប្រឌិត ដែលជាសូចនាករយ៉ាងសំខាន់ ក្នុងការកំណត់កំណើនសេដ្ឋកិច្ចក្នុងតំបន់ សម្រាប់យុគសម័យឌីជីថល៕

អត្ថបទ៖ Luffy រូបភាព៖ VOV

The post លើវេទិកាWEF នាយករដ្ឋមន្ត្រីវៀតណាម អំពាវនាវបង្កើនកិច្ចសហប្រតិបត្តិការបន្ថែមក្នុងអាស៊ាន appeared first on Millions times.

តាមដានជាមួយយើង៖ Million Times

យ៉ាងណាគេសង្កេតឃើញថា ក្នុងចំណោមភ្ញៀវចូលរួមវេទិកា WEF ឆ្នាំនេះ បែរជាមិនមានវត្តមានរបស់មហាសេដ្ឋីកំពូលលុយ Elon Musk ខណៈលោកបានបង្ហោះសារលើបណ្ដាញសង្គម X ថា មូលហេតុដែលលោកបដិសេធការអញ្ជើញចូលរួមកិច្ចប្រជុំក្នុងទីក្រុងដាវ៉ូស ព្រោះលោកគិតថា វាគួរឲ្យធុញទ្រាន់ខ្លាំងណាស់។

ប៉ុន្តែផ្ទុយស្រឡះពីការអះអាងរបស់មេធំ Tesla អ្នកនាំពាក្យ WEF លោក Yann Zopf បានប្រាប់ទីភ្នាក់ងារព័ត៌មាន AP ថា នាយកប្រតិបត្តិ Tesla មិនបានទទួលលិខិតអញ្ជើញពី WEF ក្នុងឆ្នាំនេះ ឬឆ្នាំមុនៗទេ ពោល WEF អញ្ជើញលោក Musk ចុងក្រោយបំផុតគឺតាំងពីឆ្នាំ២០១៥។

អ្នកនាំពាក្យរូបនេះបន្ថែមទៀតថា WEF ពិតជាធ្លាប់បានផ្ញើលិខិតអញ្ជើញលោក Elon Musk មែន តែវាកើតឡើងតាំងអំឡុងទសវត្សឆ្នាំ២០១០ ហើយចុងក្រោយបំផុតគឺឆ្នាំ២០១៥ ប៉ុន្តែមហាសេដ្ឋីរូបនេះមិនដែលចូលរួមឡើយ ទើបបានជា WEF ឈប់ផ្ញើលិខិតអញ្ជើញរូបលោកទៀត។

ជុំវិញការបកស្រាយពីខាង WEF មហាសេដ្ឋីមានបំផុតលើលោក Elon Musk មិនទាន់ឆ្លើយតបឡើយ តែទីភ្នាក់ងារព័ត៌មាន AP បានអះអាងថា ការបន្លំ ឬផ្សាយព័ត៌មានមិនពិត ទាក់ទងនឹងស្ថាប័ន WEF នឹងបង្កភាពចលាចល ដល់សេដ្ឋកិច្ចពិភពលោក៕

អត្ថបទ៖ Luffy រូបភាព៖ WEF/ AFP

The post ហេតុអ្វីបានជាមហាសេដ្ឋីកំពូលលុយ Elon Musk គ្មានវត្តមាននៅវេទិកាសេដ្ឋកិច្ចពិភពលោក? appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Xinhua បានចុះផ្សាយថា ឆ្នាំនេះ WEF បានអូសទាញអ្នកចូលរួមជិត ៣ ០០០នាក់ មកពីគ្រប់បណ្ដាប្រទេស និងឧស្សាហកម្មធំៗ ចូលរួមរកដំណោះស្រាយចំពោះបញ្ហាប្រឈមធំៗចំនួន ៥ រួមមាន ការគិតឡើងវិញនូវការរីកចម្រើន ឧស្សាហកម្មក្នុងយុគសម័យឆ្លាតវៃ ការវិនិយោគលើមនុស្ស ការការពារភពផែនដី និងការកសាងទំនុកចិត្តឡើងវិញ។

លោក Klaus Schwab ស្ថាបនិក និងជាប្រធានក្រុមប្រឹក្សាភិបាល WEF បានមានប្រសាសន៍ថា «ទោះបីជាយើងមានទស្សនៈខុសគ្នា និងភាពមិនច្បាស់លាស់មួយចំនួនក៏ដោយ កិច្ចប្រជុំប្រចាំឆ្នាំ២០២៥ មានគោលបំណងលើកកម្ពស់ស្មារតីនៃកិច្ចសហប្រតិបត្តិការ និងសុទិដ្ឋិនិយមក្នុងន័យស្ថាបនា ដើម្បីរៀបចំយុគសម័យឆ្លាតវៃនាពេលខាងមុខប្រកបដោយនិរន្តរភាព និងភាពរីកចម្រើនរៀងៗខ្លួន»។

ទន្ទឹមនឹងនោះលោក Borges Brende ប្រធាន និងនាយកប្រតិបត្តិ WEF បានសង្កត់ធ្ងន់លើតម្រូវការបន្ទាន់សម្រាប់កិច្ចខិតខំប្រឹងប្រែងរួមគ្នា ដោយកត់សម្គាល់ថា កិច្ចប្រជុំនេះកើតឡើងក្នុងអំឡុងពេលនៃភាពមិនប្រាកដប្រជាជាសកល ដែលមិនធ្លាប់មានពីមុនមក ដែលបានកើតឡើងដោយភាពតានតឹងភូមិសាស្ត្រនយោបាយ ការបែងចែកសេដ្ឋកិច្ច និងការពន្លឿនការប្រែប្រួលអាកាសធាតុ។

លោកបានកត់សម្គាល់ថា «នៅក្នុងស្ថានការណ៍ដែលមិនមានការដោះស្រាយបែបនេះ វិធីសាស្រ្តប្រកបដោយភាពច្នៃប្រឌិត និងកិច្ចសហប្រតិបត្តិការ មានសារៈសំខាន់ណាស់ក្នុងការដោះស្រាយបញ្ហាប្រឈមជាបន្ទាន់ និងបើកឱកាសថ្មីៗ»៕

អត្ថបទ៖ Luffy រូបភាព៖ WEF

The post វេទិកាសេដ្ឋកិច្ចពិភពលោកឆ្នាំនេះ ផ្ដោតសំខាន់លើកិច្ចសហប្រតិបត្តិការយុគសម័យឆ្លាតវៃ appeared first on Millions times.