តាមដានជាមួយយើង៖ Million Times

ក្នុងពិធីអបអរសាទរ នៃការទទួលបានក្រុមហ៊ុនវិនិយោគចំនួន២០០ ក្នុងតំបន់សេដ្ឋកិច្ចពិសេសក្រុងព្រះសីហនុ នៅព្រឹកថ្ងៃទី២២ ខែឧសភានេះ ឯកអគ្គរដ្ឋទូតចិនប្រចាំកម្ពុជា លោក វ៉ាង វិនប៊ីន បានលើកឡើងថា រហូតមកដល់សព្វថ្ងៃនេះ តំបន់សេដ្ឋកិច្ចពិសេសបានទាក់ទាញសហគ្រាស (ស្ថាប័ន) ចំនួន២០២ ដែលមកពីប្រទេស និងតំបន់នានាដូចជា ចិន អឺរ៉ុប អាមេរិក និងអាស៊ីអាគ្នេយ៍ជាដើម។

លោកបន្តថា ចំនួនសហគ្រាសក្នុងតំបន់សេដ្ឋកិច្ចពិសេស ស្មើនឹងប្រមាណ ៧០% នៃចំនួនសហគ្រាសសរុបនៅក្នុងខេត្តព្រះសីហនុ ហើយបានបង្កើតការងារចំនួន ៣២ ០០០ ហើយទំហំនាំចូល និងនាំចេញសរុប មានច្រើនជាង ៧% នៃពាណិជ្ជកម្មអន្តរជាតិសរុបរបស់ប្រទេសកម្ពុជា និងបានក្លាយជាក្បាលម៉ាស៊ីន នៃការអភិវឌ្ឍន៍សេដ្ឋកិច្ចរបស់ខេត្តព្រះសីហនុ និងក្លាយជា «ចានបាយមាស» សម្រាប់ប្រជាជនខិតខំប្រឹងប្រែង នៃខេត្តព្រះសីហនុ។

លោកបានគូសបញ្ជាក់ថា តំបន់សេដ្ឋកិច្ចពិសេសក្រុងព្រះសីហនុ ត្រូវបានប្រធានាធិបតី Xi Jinping សរសើរថាជា «គំរូ នៃកិច្ចសហប្រតិបត្តិការជាក់ស្តែងរវាងចិន និងកម្ពុជា»។ ចាប់តាំងពីការបង្កើតឡើង ពឹងផ្អែកលើការយកចិត្តទុកដាក់ផ្ទាល់ខ្លួនរបស់មេដឹកនាំចិន និងកម្ពុជា ពឹងផ្អែកលើការគាំទ្រដ៏រឹងមាំរបស់រដ្ឋាភិបាលខេត្តជាំងស៊ូ និងខេត្តព្រះសីហនុ ពឹងផ្អែកលើបរិស្ថាន ពាណិជ្ជកម្មកាន់តែប្រសើរឡើងៗជាបន្តបន្ទាប់ ដោយមានការដឹកនាំរបស់សម្តេច ហ៊ុន សែន និងសម្តេច ហ៊ុន ម៉ាណែត និងបានប្រែក្លាយពីព្រៃភ្នំមួយ ទៅជាមជ្ឈមណ្ឌលអភិវឌ្ឍន៍ដ៏រស់រវើក។

លោកឯកអគ្គរដ្ឋទូតចិន បានលើកឡើងដែរថា អំឡុងពេលប្រធានាធិបតីចិនបំពេញទស្សនកិច្ចផ្លូវរដ្ឋនៅប្រទេសកម្ពុជា បានសេចក្តីថ្លែងការណ៍រួមដែលចេញដោយភាគីទាំងពីរបានបញ្ជាក់ថា «ប្រទេសចិនមានឆន្ទៈបន្តគាំទ្រការអភិវឌ្ឍ នៃតំបន់សេដ្ឋកិច្ចពិសេសក្រុងព្រះសីហនុ ផ្តោតលើចក្ខុវិស័យរបស់កម្ពុជា ក្នុងការកសាងតំបន់គំរូសេដ្ឋកិច្ចពហុមុខងារនៅខេត្តព្រះសីហនុ និងលើកទឹកចិត្តក្រុមហ៊ុនចិនដែលមានសមត្ថភាពកាន់តែច្រើនទៀត មកដាក់ការវិនិយោគទុននៅប្រទេសកម្ពុជា»៕

អត្ថបទ៖ លីណូ រូបភាព៖ ក្រុមព័ត៌មានសម្តេចធិបតី

The post ទូតចិនអះះអាងថា តំបន់សេដ្ឋកិច្ចពិសេសក្រុងព្រះសីហនុ ក្លាយជា «ចានបាយមាស» សម្រាប់ប្រជាជនខិតខំប្រឹងប្រែង appeared first on Millions times.

តាមដានជាមួយយើង៖ Million Times

លោក ស៊ុន ចាន់ថុល បានថ្លែងយ៉ាងដូចនេះនាថ្ងៃទី២៨ ខែមេសា ឆ្នាំ២០២៥នេះ នាឱកាសដែលលោក និងលោក Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំកម្ពុជា អញ្ជើញក្នុងពេលចូលរួមបើកការដ្ឋានសាងសង់រោងចក្រដំឡើង យានយន្តរបស់ក្រុមហ៊ុន ប៊ី វ៉ាយ ឌី ខេមបូឌា ឯ.ក BYD CAMBODIA CO., LTD. នៅខេត្តព្រះសីហនុ។

អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងថា លទ្ធផលប្រកបដោយផ្លែផ្កានៃជំនួបរវាងថ្នាក់ដឹកនាំកំពូល នៃប្រទេសទាំងពីរកម្ពុជា-ចិន នឹងបន្តរឹតចំណងមិត្តភាពទំនាក់ទំនងការទូតកម្ពុជា និងមិត្តចិន ឱ្យកាន់តែមាន ភាពល្អ ប្រសើរឡើង ក្នុងនាមជាដៃគូយុទ្ធសាស្ត្រគ្រប់ជ្រុងជ្រោយ និងជាមិត្តដែកថែប រួមទាំងសម្រេចឱ្យបាននូវការកសាងសហគមន៍វាសនារួម កម្ពុជា-ចិន ក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដាខ្ពស់ ជាមួយនឹងការបន្តពង្រឹងទំនុកចិត្តគ្នាជាយុទ្ធសាស្ត្រ កិច្ចសហប្រតិបត្តិការផ្លែផ្កា ការផ្លាស់ប្តូររវាងប្រជាជននិងប្រជាជន និងកិច្ចសហប្រតិបត្តិការពហុភាគីកាន់តែជិតស្និទ្ធ បង្កើតគំរូល្អថ្មី នៃទំនាក់ទំនងអន្តរជាតិ និងសហគមន៍វាសនារួមសម្រាប់មនុស្សជាតិ។

លោកបានថ្លែងបន្តថា ការផ្ដល់ហិរញ្ញប្បទាន និងជំនួយផ្សេងៗរបស់មិត្តចិនដល់កម្ពុជា រួមទាំងនៅក្នុងកិច្ចសហប្រតិបត្តិការ នៃគំនិតផ្តួចផ្តើមខ្សែក្រវាត់ និងផ្លូវ ដែលបានដាក់ចេញដោយប្រធានាធិបតីចិន ស៊ី ជីនពីង មិនត្រឹមតែបានជួយរួមចំណែកដល់ការអភិវឌ្ឍសេដ្ឋកិច្ច-សង្គមកម្ពុជាប៉ុណ្ណោះទេ តែថែមទាំងជួយពង្រឹងឯករាជ្យភាព ខាងនយោបាយរបស់កម្ពុជាទៀតផង។

លោកបន្ថែមថា បើនិយាយតែនៅក្នុងក្របខណ្ឌនៃការកសាង និងអភិវឌ្ឍន៍ ហេដ្ឋារចនាសម្ព័ន្ធដឹកជញ្ជូននៅកម្ពុជាវិញ មិត្តចិនឈរជាប្រទេសលំដាប់ទី១ ដែលបាននិងកំពុងផ្តល់ឥណទានសម្បទាន និងជំនួយជាច្រើនសរុបប្រមាណជាង ៣ពាន់លានដុល្លារអាម៉េរិក និងសាងសង់ខ្សែផ្លូវប្រវែងសរុបប្រមាណជិត ៤ពាន់គីឡូម៉ែត្រ រួមទាំងស្ពានធំៗសរុបប្រមាណ ១៦ស្ពាន ប្រវែងសរុបប្រមាណជាង ១៤ពាន់ម៉ែត្រ។

លោកឧបនាយករដ្ឋមន្រ្តីបានបន្ថែមថា គម្រោងព្រែកជីកហ្វូណនតេជោ ដែលជាគម្រោងប្រវត្តិសាស្ត្រ ត្រូវបានចុះហត្ថលេខាជាផ្លូវការ លើកិច្ចសន្យាភាព ជាដៃគូរវាងរដ្ឋ និងឯកជន និងឯកសារពាក់ព័ន្ធមួយចំនួនទៀត នៅថ្ងៃទី១៧ ខែមេសា ឆ្នាំ២០២៥ និងទទួលបានការប្រកាសគាំទ្រពីលោក ស៊ី ជីនពីង ប្រធានាធិបតីចិន នៅក្នុងដំណើរទស្សនកិច្ចផ្លូវរដ្ឋកាលពីថ្ងៃទី១៧-១៨ ខែមេសា ឆ្នាំ២០២៥ ដែលទើបតែកន្លងទៅថ្មីៗនេះផងដែរ៕

អត្ថបទ៖ សាងតេជៈ រូបភាព៖ CDC

The post លោក ស៊ុន ចាន់ថុល៖ ជំនួយចិនឲ្យកម្ពុជា រួមចំណែកជួយដល់ការអភិវឌ្ឍសេដ្ឋកិច្ច និងពង្រឹងឯករាជ្យភាពខាងនយោបាយ appeared first on Millions times.

លោក វ៉ាង វិនពីន (WANG WENBIN) ឯកអគ្គរដ្ឋទូតចិនប្រចាំកម្ពុជា បានបញ្ជាក់ថា ប្រទេសទាំងពីរបានខិតខំប្រឹងប្រែង ដើម្បីបង្កើតឡើងនូវរោងចក្រដំឡើងរថយន្ត BYD ជាលទ្ធផលសំខាន់ ជានិមិត្តរូប និងជាគម្រោងផលិតកម្មរថយន្តក្នុងការពន្លឿនវិស័យឧស្សាហកម្ម និងកិច្ចសហប្រតិបត្តិការច្រករបៀងសេដ្ឋកិច្ចរវាងចិន កម្ពុជា។ លោកថា ក្រុមហ៊ុន BYD បាននាំយកបច្ចេកវិទ្យាទំនើប និងមានបទពិសោធន៍នៃឧស្សាហកម្មពាក់ព័ន្ធនានា និងការជួយបណ្តុះបណ្តាលកម្មករកម្ពុជា ដើម្បីជំរុញកំណើនសេដ្ឋកិច្ចនាពេលអនាគត។ 

តាមដានជាមួយយើង៖ Million Times

លោកបន្តថា នេះជាគម្រោងផលិតយានជំនិះស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងការចូលរួមកាត់បន្ថយឧស្ម័នកាបូន និងធ្វើឱ្យកាន់តែប្រសើរឡើងប្រកបដោយគុណភាពខ្ពស់។ ចំពោះមូលហេតុដែលក្រុមហ៊ុន BYD ជ្រើសរើសកម្ពុជា បង្កើតរោងចក្រដំឡើងរថយន្តនាពេលនេះ លោក វ៉ាង វិនពីន អះអាងថា ជាគំរូមិត្តភាព និងកិច្ចសហប្រតិបត្តិការមិត្តភាពដែកថែបរយៈពេល ៧០ឆ្នាំមកហើយ អាចនិយាយបានថា ជាមិត្តភាពដែកថែបមិនអាចបំបែកបាន។ 

លោកថ្លែងថា ចិន និងកម្ពុជា បានជម្រុញមិត្តភាពដែកថែប និងកសាងសហគមន៍ជោគវាសនារួមចិន កម្ពុជា ដោយពន្លឿនច្រករបៀងឧស្សាហកម្មរវាងភាគីទាំងពីរ ហើយការបើកការដ្ឋានសាងសង់រោងចក្រដំឡើងរថយន្ត BYD នាពេលនេះ ស្របពេលដែល ប្រធានាធិបតីចិន អញ្ជើញមកបំពេញទស្សនៈកិច្ចផ្លូវរដ្ឋមកកាន់កម្ពុជា កាលពីថ្ងៃទី១៧-១៨ ខែមេសាកន្លងមកនេះ នាំមកនូវអ្នកវិនិយោគចិនមកកាន់កម្ពុជា ជាពិសេសមកកាន់ខេត្តព្រះសីហនុ៕

អត្ថបទ៖ សាងតេជៈ រូបភាព៖ CDC 

The post ទូតចិន៖ BYD បង្កើតរោងចក្រដំឡើងរថយន្តនៅកម្ពុជា ជាលទ្ធផលសំខាន់ ជានិមិត្តរូបមិត្តភាពដែកថែប appeared first on Millions times.

បន្ថែមពីលើនេះ ប្រធានាធិបតីចិន Xi Jinping អំឡុងពេលបំពេញទស្សនកិច្ចផ្លូវរដ្ឋរយៈពេល ២ថ្ងៃនៅរាជធានីភ្នំពេញ បានលើកទឹកចិត្តវិនិយោគិនមកវិនិយោគនៅកម្ពុជា និងបើកទីផ្សារចិនឲ្យកម្ពុជា ដើម្បីមានឱកាសអភិវឌ្ឍន៍ប្រទេស។ នេះបើតាមលោក Wang Wenbin ឯកអគ្គរដ្ឋទូតចិនប្រចាំនៅកម្ពុជា។

តាមដានជាមួយយើង៖ Million Times

ក្នុងសន្និសីទសារព័ត៌មាន ស្តីពីលទ្ធផលដំណើរទស្សនកិច្ចផ្លូវរដ្ឋមកកម្ពុជារបស់មេដឹកនាំចិន នៅស្ថានទូតចិនប្រចាំកម្ពុជា កាលថ្ងៃទី១៩ ខែមេសា លោក Wang Wenbin បានថ្លែងស្រង់សម្តីលោក Xi Jinping ដោយលើកឡើងថា ប្រទេសចិនយើងនឹងលើកទឹកចិត្តឲ្យវិនិយោគិនកាន់តែច្រើន មកវិនិយោគនៅកម្ពុជា បើកទីផ្សារប្រទេសចិនយើងឲ្យកម្ពុជា យើងនឹងនាំចូលនូវកសិផល ឲ្យបានកាន់តែច្រើន ធ្វើឲ្យកម្ពុជាមានឱកាសអភិវឌ្ឍប្រទេសកម្ពុជា ជួយកម្ពុជាសម្រេចបាននូវចក្ខុវិស័យឆ្នាំ២០២៣០ ក្លាយជាប្រទេសមានចំណូលមធ្យមកម្រិតខ្ពស់ និងឆ្នាំ២០៥០ ក្លាយជាប្រទេសមានចំណូលកម្រិតខ្ពស់។

បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា CDC នៅពេញមួយឆ្នាំ២០២៤ កន្លងទៅ បានអនុម័តគម្រោងវិនិយោគរហូតដល់ ៤១៤គម្រោង ក្នុងនោះគម្រោងវិនិយោគថ្មីចំនួន ៣៨៧គម្រោង និងគម្រោងពង្រីកផលិតកម្មចំនួន២៧គម្រោង ដែលមានទុនវិនិយោគសរុបប្រមាណ៦,៩ពាន់លានដុល្លារអាមេរិក និងបានបង្កើតការងារជិត៣២ម៉ឺនកន្លែង។ ក្នុងចំណោមវិនិយោគិនដែលបានបោះទុនវិនិយោគនៅកម្ពុជា វិនិយោគិនចិន ជាអ្នកបោះទុនវិនិយោគច្រើនជាងគេ ដែលបានរួមចំណែករហូតដល់ប្រមាណ ៥០% នៃទំហំវិនិយោគសរុបរបស់កម្ពុជា នៅឆ្នាំ២០២៤ ដែលតាមពីក្រោយដោយវិនិយោគិនកម្ពុជា មានចំណែក៣៤% និងវិនិយោគិនវៀតណាម មាន៨%៕

អត្ថបទ៖ ពិសិដ្ឋ រូបភាព៖ AKP

The post ប្រធានាធិបតីចិន សន្យានាំអ្នកវិនិយោគមកបណ្តាក់ទុន និងបើកទីផ្សារចិនឲ្យកម្ពុជា appeared first on Millions times.

លោក Wang Wenbin ឯកអគ្គរដ្ឋទូតចិន ប្រចាំនៅកម្ពុជា បានបញ្ជាក់នៅលើគណនីហ្វេសប៊ុកផ្ទាល់ខ្លួនកាលពីយប់ថ្ងៃទី១៧ ខែធ្នូថា ជំនួយរបស់ចិនមកកាន់កម្ពុជាទទួលបានសមិទ្ធផលផ្លែផ្កាជាច្រើនអនេក ហើយគម្រោងជំនួយថ្មីៗក៏កំពុងតែដំណើរការ។

លោកបញ្ជាក់ថា «ភាគីចិននឹងបន្តគាំទ្រយ៉ាងមុតមាំដល់ភាគីកម្ពុជាក្នុងការកសាងគម្រោងហេដ្ឋារចនាសម្ព័ន្ធពាក់ព័ន្ធនឹងផែនការជីវភាពរស់នៅរបស់ប្រជាជន»។ លោកបានសង្កត់ធ្ងន់ថា រាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិន និងកម្ពុជា គឺមិនអាចទៅរួចបានឡើយ។

តាមដានជាមួយយើង៖ Million Times

ពាក់ព័ន្ធនឹងរឿងនេះដែល លោក មាស សុខសេនសាន អ្នក​នាំពាក្យ​ក្រសួង​សេដ្ឋកិច្ច និង​ហិរញ្ញវត្ថុ បានបដិសេធ​រឿង​ដែល​ថា​រដ្ឋាភិបាល​ចិន ឈប់​ឲ្យ​ប្រទេស​កម្ពុជា​ខ្ចី​តទៅទៀត​នោះ ថា​ជា​ព័ត៌មាន​មិន​ពិត ខណៈ​រដ្ឋាភិបាល​នៃ​ប្រទេស​ទាំង​ពីរ​គ្រោង​នឹង​ធ្វើ​ការ​ចុះហត្ថលេខា​លើ​គម្រោង​អភិវឌ្ឍន៍​ជាច្រើន​នា​ពេល​ខាង​មុខ​នេះ។

លោក​ថា ទំនាក់ទំនង​ទាំងពីរ គឺជា​ទំនាក់ទំនង​ដែល​បន្ត​មាន​ការ​ស្អិតល្មួត មាន​ការ​ពង្រឹង​តាមរយៈ​ការ​វិនិយោគ និង​កិច្ចសហប្រតិបត្តិការ​នានា​ដែល​មាន​នៅ​ជា​ធរមាន។

គួរឲ្យដឹងថា ប្រទេស​កម្ពុជា​ មាន​បំណុល​សាធារណៈ​សរុប​ចំនួន ១១៧៨​ប៊ី​លាន​ដុល្លារ គិត​ត្រឹម​ត្រីមាស​ទី​៣ ឆ្នាំ​២០២៤ ក្នុង​នោះ​ ចិន គឺជា​ប្រទេស​ដែល​ឲ្យ​ខ្ចី​ច្រើន​ជាងគេ គឺ​មាន​ចំនួន​ជាង ៤​ពាន់​លាន​ដុល្លារ។ បំណុល​ទាំងនេះ​ត្រូវ​បាន​រដ្ឋាភិបាល​យក​មក​វិនិយោគ​លើ​ការ​សាងសង់​ហេដ្ឋារចនាសម្ព័ន្ធ​នានា ដើម្បី​ជំរុញ​កំណើន​សេដ្ឋកិច្ច និង​កាត់បន្ថយ​ភាព​ក្រីក្រ៕

អត្ថបទ៖ សាងតេជៈ រូបភាព៖ បណ្តាញសង្គម

The post ចិនអះអាថា នឹងបន្តគាំទ្រយ៉ាងមុតមាំដល់ភាគីកម្ពុជាក្នុងការអភិវឌ្ឍន៍ appeared first on Millions times.

ការចុះត្រួតពិនិត្យវឌ្ឍននៃការភាពសាងសង់នាពេលនេះ ត្រូវបានស្វាគមន៍និងធ្វើបទបង្ហាញដោយលោកអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាល CAIC និងអគ្គនាយកក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក(CAIC) ដែលជាអ្នកទទួលបន្ទុកសាងសង់អាកាសយានដ្ឋានថ្មីនេះ ខណៈអាកាសយានដ្ឋានបានចាប់ផ្តើមធ្វើការការហោះហើរសាកល្បងកាលពីខែកញ្ញាកន្លងទៅដើម្បីធ្វើតេស្តឧបករណ៍បច្ចេកទេស។

តាមដានជាមួយយើង៖ Million Times

បើតាមអ្នកគ្រប់គ្រងគម្រោងសាងសង់បានឲ្យដឹងថា គិតត្រឹមដំណាច់ខែសីហា ឆ្នាំ២០២៤ អាកាសយាន្តដ្ឋានអន្តរជាតិតេជោ សម្រេចបានជិត ៨៤% ដោយចំណាយទឹកប្រាក់សរុបអស់ចំនួនប្រមាណ ១២២០លានដុល្លារ ដោយគ្រោងនឹងបញ្ចប់ការសាងសង់ទាំងស្រុងនៅចុងឆ្នាំនេះ ហើយបើគ្មានអ្វីប្រែប្រួលទេនោះ អាកាសយាន្តដ្ឋាននឹងដាក់សម្ពោធជាផ្លូវការនៅក្នុងពាក់កណ្តាលឆ្នាំ២០២៥ខាងមុខ។

ក្រុមហ៊ុនមេ OCIC បញ្ជាក់ថា អាកាសយានដ្ឋានអន្តរជាតិតេជោ​(TIA) កំពុងស្ថិតក្នុងដំណើរការតភ្ជាប់រវាងប្រទេសកម្ពុជាទៅកាន់សហគមន៍អន្តរជាតិ ដោយបានសហការមួយនឹងដៃគូអន្តរជាតិដូចជា Changi Airport International, Heerim Architects & Planners Co., Ltd, និង Lagardère Travel Retail ជាមួយនឹងការរចនាដោយ Foster + Partners។

គួរឲ្យដឹងដែរថា គម្រោងសាងសង់អាកាសយានដ្ឋានអន្តរជាតិតេជោ ក្រោមទឹកប្រាក់វិនិយោគ ១៥០០ លានដុល្លារ ជាគម្រោងចម្រុះរដ្ឋ និងឯកជន ដែលរដ្ឋលេខាធិការដ្ឋានអាកាសចរណ៍ស៊ីវិល មានភាគហ៊ុនវិនិយោគ១០% នៅក្នុងភាគហ៊ុន ១០០%។ អាកាសយានដ្ឋានអន្តរជាតិថ្មីនេះជាប្រភេទ 4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឲ្យធំ និងទំនើបជាងគេនៅតំបន់អាស៊ី៕

អត្ថបទ៖ សេដ្ឋានី រូបភាព៖ OCIC

The post អ្នកចម្បាំងចចក Wang Wenbin ចុះពិនិត្យគម្រោងសាងសង់អាកាសយានដ្ឋានអន្តរជាតិតាខ្មៅ appeared first on Millions times.

លោក វ៉ាង វិនធៀង ឯកអគ្គរដ្ឋទូតចិន និងលោក ផាទ្រីក មើហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានចប់អាណត្តិរៀងៗខ្លួនក្នុងខែឧសភា ហើយមុនចាកចេញលោកទូតទាំងពីរសុទ្ធតែមានជំនួបលាថ្នាក់នាំជាន់ខ្ពស់ និងមន្ដ្រីកម្ពុជា។

ដើម្បីពង្រីក និងពង្រីងការទូតរបស់ខ្លួនក្នុងតំបន់ ប្រទេសចិនបានបញ្ជូនអតីត​អ្នក​នាំពាក្យ​ក្រសួង​ការ​បទេស​លោក​ Wang Wenbin​ មកកាន់តំណែងឯកអគ្គ​រដ្ឋទូត​ចិន​ថ្មី​ប្រចាំ​កម្ពុជា ​ស្របពេល​ដែល​សហ​រដ្ឋ​អាមេរិក​ក៏​នឹង​ត្រៀម​ចាត់តាំង​ឯកអគ្គ​រដ្ឋទូត​ថ្មី​គឺលោក Robert Forden ក្នុង​ពេល​ដ៏​ឆាប់​ខាង​មុខ​នេះ។

តាមដានជាមួយយើង៖ Million Times

លោក Wang Wenbin មានវ័យ ៥៣ឆ្នាំបានបម្រើការក្នុងបេសកកម្មការទូតអស់រយៈពេលជាង ៣០ឆ្នាំមកហើយក្នុងផ្នែកផែនការគោលនយោបាយ និងកិច្ចការនៃប្រទេសអាហ្វ្រិក។ លោក Wang បានបម្រើការជាអ្នកនាំពាក្យទី ៣២ នៃក្រសួងការបរទេសចិន ពីខែកក្កដា ឆ្នាំ២០២០ ដល់ខែឧសភា ឆ្នាំ២០២៤។

ចំណែកប្រមុខទូតថ្មីឯណេះវិញ លោក Robert Forden ​ជា​សមាជិក​នៃ​ផ្នែក​កិច្ចការ​បរទេស​ជាន់​ខ្ពស់​ដែល​មាន​ឋានៈ​ជា​ទីប្រឹក្សា​យោបល់​របស់​រដ្ឋមន្ត្រី។​ បច្ចុប្បន្ន​នេះ លោក​កំពុង​បំពេញ​តួនាទី​ជា​ទីប្រឹក្សា​ជាន់​ខ្ពស់​នៅ​ការិយាល័យ​ កិច្ចការ​អាស៊ី​ខាង​កើត និង​ប៉ាស៊ី​ហ្វិក​នៃ​ក្រសួង​ការបរទេស​អាមេរិក។

 អត្ថបទ៖ សាង តេជៈ រូបភាព៖ បណ្តាញសង្គម

The post ប្រទេសមហាអំណាចពីរ តែងតាំងទូតថ្មីនៅកម្ពុជាសុទ្ធតែជើងខ្លាំងថ្វីមាត់ appeared first on Millions times.