Rithy Granite Cambodia Archives - Millions times

ក្រុមការងារ Rithy Granite ត្រឡប់ពីអ៊ីតាលីយ៉ាងជោគជ័យ ក្រោយនាំយកស្តេចថ្មក្រានីតកម្ពុជា ទៅតាំងពិព័រណ៍កម្មវិធី Marmomac

Vin Chang — Sat, 04 Oct 2025 04:47:32 +0000

ក្រុមហ៊ុន Rithy Granite Cambodia ដឹកនាំដោយថ្នាក់ដឹកនាំកំពូល លោកស្រី ឡេង ដាវី បានចូលរួមដាក់តាំងបង្ហាញផលិតផលស្ដេចថ្មក្រានីត ថ្មម៉ាបកម្ពុជា ក្នុងកម្មវិធី Marmomac ក្នុងគោលបំណង នាំយកថ្មក្រានីតធម្មជាតិរបស់កម្ពុជា អោយពិភពលោកបានស្គាល់ តាមរយពប្រទេសអ៊ីតាលី កាលពីពេលថ្មីៗនេះ។

តាមដានជាមួយយើង៖ Million Times

កម្មវិធី Marmomac រៀបចំរយៈពេល ៤ ថ្ងៃចាប់ពីថ្ងៃ ២៣ ដល់ ២៦ ខែកញ្ញា ឆ្នាំ ២០២៥ កន្លងទៅ នៅទីក្រុង Verona។ បើនិយាយពី Marmomac គឺជាព្រឹត្តិការណ៍ពិភពលោកឈានមុខគេ សម្រាប់ឧស្សាហកម្មថ្មធម្មជាតិ និងតំណាងខ្សែសង្វាក់ផ្គត់ផ្គង់ទាំងមូល ចាប់ពីវត្ថុធាតុដើមរហូតដល់ផលិតផលសម្រេច ដែលមានការចូលរួមពីប្រទេសជុំវិញទាំងអស់ជុំវិញពិភពលោក ដូចជាប្រទេស ឥណ្ឌា ប្រេស៊ីល ចិន តួគី ក្រិច -ល-។

ក្រៅពី Rithy Granite Cambodia មានក្រុមហ៊ុនប្រមាណ ១ ៤០០ ទៀត បានដាក់តាំងបង្ហាញពីថ្មម៉ាប ថ្មក្រានីត ថ្មតុបតែង និងបច្ចេកវិទ្យាកែច្នៃដទៃទៀត។ រាល់ការបង្ហាញនៅ Marmomac មានឱកាសដើម្បីរីកចម្រើន ហើយបោះជំហានឆ្ពោះទៅរកកិច្ចសហការថ្មីៗ ដូច្នេះហើយឱកាសល្អបែបនេះ ក្រុមហ៊ុន Rithy Granite ពិតជាមិនអាចខកខានបានឡើយ។

នៅទីនោះក្រុមការងារ Rithy Granite Cambodia បានជួបជាមួយម្ចាស់អាជីវកម្មជាច្រើន ព្រមទាំងបានដោះដូរការពិភាក្សាគំនិតច្នៃប្រតិដ្ឋជាមួយគ្នា។ ក្នុងអាគារតាំងពិព័រណ៍ Marmomac ផលិតផលស្ដេចថ្មក្រានីត របស់កម្ពុជា ស្ថិតក្រោមអាជីវកម្មក្រុមហ៊ុន Rithy Granite ទទួលបានការចាប់អារម្មណ៍ខ្លាំងពីអ្នកវិនិយោគ ក៏ដូចអ្នកទស្សនាដែលស្រលាញ់ថ្មធម្មជាតិ ព្រោះមើលទៅមានភាពស្រស់ស្អាត រលើបរលោង ប្លែកពីផលិតផលដទៃ។

Marmomac លើកទី ៥៩ បានប្រមូលផ្ដុំអ្នកជំនាញមកពីជុំវិញពិភពលោក ហើយក៏បង្កើតឱកាសពិតប្រាកដសម្រាប់អាជីវកម្ម និងបណ្ដាញផ្សេងៗ។ គួរបញ្ជាក់ថាក្រុមហ៊ុន Rithy Granite Cambodia ធ្លាប់នាំយកថ្មម៉ាប ថ្មក្រានីត និងថ្មធម្មជាតិ ពីកម្ពុជា ទៅដាក់តាំងបង្ហាញនៅប្រទេសជាច្រើនរួចមកហើយ៕

អត្ថបទ៖ ឆដា, រូបភាព៖ ផ្ដល់ឲ្យ

The post ក្រុមការងារ Rithy Granite ត្រឡប់ពីអ៊ីតាលីយ៉ាងជោគជ័យ ក្រោយនាំយកស្តេចថ្មក្រានីតកម្ពុជា ទៅតាំងពិព័រណ៍កម្មវិធី Marmomac appeared first on Millions times.

តន្ត្រីការិនីបង្ហាញចំណាប់អារម្មណ៍បែបនេះ ពេលចូលរួមសម្ដែងក្នុងកម្មវិធីពិព័រណ៍ថ្មអន្តរជាតិនៅចិន

Vin Chang — Fri, 21 Mar 2025 09:55:45 +0000

ស្ងួន កវី សេរីរត្ន័ គឺជាតន្ត្រីការិនីដែលបានទៅសម្ដែងរបាំនៅក្នុងកម្មវិធីពិព័រណ៍ថ្មអន្តរជាតិប្រទេសនៅចិន ជាមួយក្រុមហ៊ុន Rithy Granite Cambodia ដែលដឹកនាំដោយផ្ទាល់ពីសំណាក់ឧកញ៉ា ឡេង ឫទ្ធី ស្ថាបនិក Rithy Granite Cambodia និងលោកស្រី ឡេង ដាវី អគ្គនាយិកាក្រុមហ៊ុន Rithy Granite Cambodia ។

តាមដានជាមួយយើង៖ Million Times

ក្នុងឱកាសដែលបានបង្ហាញវត្តមាននាគ្រានោះ តន្ត្រីការិនីម្នាក់ ក្នុងចំណោមតន្ត្រីការិនីទាំង ២រូប បានបង្ហោះរូបភាពជាច្រើនសន្លឹក ព្រមទាំងរៀបរាប់ពីបទពិសោធន៍ដែលបានទៅសម្ដែងរបាំបុរាណខ្មែរ និងលេងពិណបុរាណខ្មែរ ឲ្យភ្ញៀវអន្តរជាតិបានស្គាល់។

ស្ងួន កវី សេរីរត្ន័ បានរៀបរាប់ថា “ជាកិត្តិយសសម្រាប់នាងខ្ញុំទាំងពីរនាក់បានចូលរួមសម្ដែងក្នុងកម្មវិធីការតាំងពិព័រណ៍ថ្មអន្តរជាតិហ៊្សាមែន ប្រទេសចិនលើកទី២៥ (The 25th China Xiamen International Stone Fair) ដែលប្រារព្ធធ្វើឡើងនៅមជ្ឈមណ្ឌលពិព័រណ៍ និងសន្និសីទអន្តរជាតិ ទីក្រុងហ៊្សាមែន ខេត្តហ៊្វូជៀន សាធារណរដ្ឋប្រជាមានិតចិន សូមថ្លែងអំណរគុណដល់ក្រុមហ៊ុន Rithy Granite Cambodia ដែលបានអញ្ជើញនាងខ្ញុំទាំងពីរនាក់ ចូលរួមសម្ដែងឧបករណ៍ពិណខ្មែរ នៅលើទឹកដីប្រទេសចិន។សូមជូនពរឱ្យក្រុមហ៊ុនដំណើរការកាន់តែជោគជ័យទ្វេដង”។

គួរបញ្ជាក់ថា ពិព័រណ៍ថ្មអន្តរជាតិ ហ្សាមែន លើកទី២៥ (The 25th China Xiamen International Stone Fair) កាលពីថ្ងៃ ១៦-១៩ ខែមីនា ឆ្នាំ២០២៥ នៅប៊ូតរបស់ក្រុមហ៊ុន Rithy Granite Cambodia មានភ្ញៀវបរទេសជាច្រើនចូលមកទស្សនាថ្មធម្មជាតិដែលយកទៅតាំងបង្ហាញ ហើយភ្ញៀវក៏ជាប់ចិត្តជាមួយការសម្ដែង ឧបករណ៍ពិណខ្មែរនៅទីនោះផងដែរ៕

អត្ថបទ៖ មេរ៉ា, រូបភាព៖ Rithy Granite Cambodia

The post តន្ត្រីការិនីបង្ហាញចំណាប់អារម្មណ៍បែបនេះ ពេលចូលរួមសម្ដែងក្នុងកម្មវិធីពិព័រណ៍ថ្មអន្តរជាតិនៅចិន appeared first on Millions times.

ផលិតផលថ្មម៉ាបក្រុមហ៊ុន រិទ្ធី ក្រានីត មិនត្រឹមស្រស់ស្អាត ក៏ជួយលើករាសីទៀត

Vin Chang — Thu, 23 Jan 2025 08:51:11 +0000

ក្រុមហ៊ុន រិទ្ធី ក្រានីត (ខេមបូឌា) បានកំពុងតែពង្រីកខ្លួនខ្លាំងក្នុងទីផ្សារអន្តរជាតិ។ សម្រាប់ទីផ្សារក្នុងស្រុកវិញ ក្រុមហ៊ុនរបស់សេដ្ឋីនី ឡេង ដាវី ក៏មានអតិថិជនច្រើនខ្លាំង និងបានសួរនាំច្រើនពីប្រភេទ និងតម្លៃថ្មម៉ាបនៃក្រុមហ៊ុនរបស់លោកស្រី។

តាមដានជាមួយយើង៖ Million Times

ក្រុមហ៊ុន រិទ្ធី ក្រានីត កន្លងមកក៏មានការផ្គត់ផ្គង់តម្រូវការក្នុងស្រុកជាច្រើនរួចមកហើយដែរ ហើយជានិច្ចកាលក្រុមហ៊ុនដែលដឹកនាំដោយ សេដ្ឋីនី ឡេង ដាវី បានរកឃើញ Granite King stone ជាប្រភេទថ្មរកឃើញប៉ុន្មានឆ្នាំចុងក្រោយនេះ ហើយក៏បានដាក់បង្ហាញនៅក្នុងទីផ្សារ ជាប្រភេទថ្ម ដែលមានលក្ខណៈពិសេស មានតែមួយគ្មានពីរ មានបណ្ដុំនៃថ្មមានតម្លៃជាច្រើនប្រភេទ ក្នុងនោះក៏មាននូវច្បង ខ្វាត ជួយលើករាសី ត្រជាក់ត្រជំដល់អ្នកប្រើប្រាស់។

អតិថិជន ដែលចង់បាន Granite king stone អាចយកទៅក្រាលជាការ៉ូផ្ទះបាយ ឡាបូលាងដៃ បិតតាមសសរ ដេគ័រផ្សេងៗជាតុ កៅអី ឬក៏ហាងកាហ្វេជាដើម។ ស្ដេចថ្មអេនតិច Granite King Stone Antique មានលក្ខណៈពិសេសមិនសូវមានភាពរលោង ស័ក្ដិសមសម្រាប់ចំណតឡាន បន្ទប់ទឹក ទីធ្លាខាងមុខក្រុមហ៊ុន និងគេហដ្ឋាន។ ថ្មប្រភេទនេះមានលក្ខណៈពិសេសៗមួយចំនួន ដោយវាមានបង្កប់ត្បូងខាងក្នុងជាច្រើន មានភាពរឹងមាំខ្លាំង មានភាពប្រណិត មានភាពត្រជាក់ ហើយអាចនិយាយបានថា មានតែមួយគ្មានពីរ។

មិនទាន់អស់ត្រឹមប៉ុណ្ណេះឡើយ ក្រុមហ៊ុន រិទ្ធី ធានាផ្គត់ផ្គង់ថ្មម៉ាបធម្មជាតិ ១០០%។ ថ្មម៉ាប មានដូចជា៖

ថ្មស្លាបសម្រាប់សំណងអាគារគ្រប់ប្រភេទ

ថ្មការ៉ូឡា សម្រាប់ក្រាលសួនច្បារ

ថ្មប្លុក សម្រាប់ឆ្លាក់ជារូបផ្សេងៗ

-ថ្មក្រានីតអាចយកទៅធ្វើផ្លាក យីហោ និងកែច្នៃធ្វើជាគ្រឿងសង្ហារឹម

ក្រុមហ៊ុន រិទ្ធីក្រានីត ជាក្រុមហ៊ុនអាជីវកម្មរ៉ែថ្មក្រានីតមុនគេនៅប្រទេសកម្ពុជា ដោយផលិត និងចែកចាយ ថ្មក្រានីត (ថ្មម៉ាប) រ៉ែថ្មល្អបំផុត ជូនសាធារណជនគ្រប់មជ្ឈដ្ឋានក្នុងសហគមន៍ លើវិស័យ វិស្វកម្ម និងសំណង់ផ្សេងៗ៕

អត្ថបទ៖ មេរ៉ា, រូបភាព៖ ផ្ដល់ឲ្យ

The post ផលិតផលថ្មម៉ាបក្រុមហ៊ុន រិទ្ធី ក្រានីត មិនត្រឹមស្រស់ស្អាត ក៏ជួយលើករាសីទៀត appeared first on Millions times.

ក្នុងបុព្វហេតុផ្សព្វផ្សាយសក្តានុពលថ្មម៉ាប សេដ្ឋីនី ឡេង ដាវី អនុប្រធានសមាគមថ្មអារកម្ពុជា ចូលរួមតាំងពិព័ណ៌ច្រើនប្រទេសឆ្នាំ២០២៤

Vin Chang — Mon, 30 Dec 2024 10:40:34 +0000

ក្រុមហ៊ុន ឬទ្ធីក្រានីត (ខេមបូឌា) ដែលជាអាជីវកម្មឈានមុខក្នុងវិស័យថ្មអារ បានចូលរួមការផ្សព្វផ្សាយពីផលិតផលថ្មម៉ាបខ្មែរទៅកាន់ប្រជាជន និងបរទេសជាច្រើនកម្មវិធីទាំងកម្រិតជាតិ តំបន់ និងពិភពលោក។

តាមការឲ្យដឹងពីក្រុមហ៊ុន ឬទ្ធីក្រានីត ក្នុងបុព្វហេតុផ្សព្វផ្សាយក្តានុពលវិស័យថ្មអារ និងផលិតផលថ្មក្រានីតខ្មែរ មិនខុសពីឆ្នាំកន្លងទៅនោះទេ គឺក្រុមហ៊ុនតែងតែចេញធ្វើសកម្មភាពផ្សព្វផ្សាយទាំងក្នុងស្រុក និងក្រៅប្រទេស។ ជាក់ស្តែងក្នុងឆ្នាំ២០២៤នេះក្រុមហ៊ុន ឬទ្ធីក្រានីត បានចូលរួមតាំងពិព័រណ៌ក្នុងកម្មវិធីធំៗជាច្រើនដើម្បីបង្ហាញវិស័យថ្មអារ និងផលិតផលថ្មអារកម្ពុជា។

សេដ្ឋីនីវ័យក្មេង ឡេង ដាវី ធ្លាប់បង្ហើបប្រាប់គេហទំព័រមីលានថាមស៍ឲ្យដឹងថា នៅឆ្នាំ២០២៤ ក្នុងខែមីនា លោកស្រីដឹកនាំក្រុមហ៊ុន ក្រានីត បានចូលរួមក្នុងពិព័រណ៍ XIAMEN Stone Fair នៅប្រទេសចិន រយៈពេល ៤ថ្ងៃ ចាប់ពីថ្ងៃទី១៦ ដល់ ១៩ ដែលមានការដាក់តាំងបង្ហាញថ្មជាច្រេីនប្រភេទ និងមានការតាំងបង្ហាញស្ដេចថ្មធម្មជាតិ។ លោកស្រីថ្លែងថា ភ្ញៀវដែលបានឃើញពីថ្មម៉ាប និងថ្មក្រានីតរបស់ក្រុមហ៊ុនលោកស្រី លាន់មាត់សរសើរពីគុណភាព និងភាពប្រណីតភ្លឺចែងចាំងរបស់រ៉ែកម្ររបស់កម្ពុជា។

តាមដានជាមួយយើង៖ Million Times

នៅថ្ងៃទី២ ខែមេសា ឬទ្ធីក្រានីត ចូលរួមការដាក់តាំងបង្ហាញផលិតផលិរ៉ែថ្មក្រានីតធម្មជាតិកម្ពុជា ក្នុងកម្មវិធី Cambodia-asian business summit 2024 ស្ថិតនៅសណ្ឋាគារ សូហ្វីតែលភ្នំពេញ ដែលទទួលការចាប់អារម្មណ៍យ៉ាងខ្លាំងពីភ្ញៀវក្រោយបានទស្សនា។

នៅខែកញ្ញា ក្រុមហ៊ុន ឫទ្ធី ក្រានីត (ខេមបូឌា) និងក្រុមហ៊ុន ឫទ្ធី2ធ្នូ អ៊ិនវេសមេន ឯ.ក ត្រូវបានអញ្ជើញចូលរួមតាំងពិព័រណ៍ចិន-អាស៊ាន លើកទី21 “The 21th China-ASEAN Expo” ដែលប្រព្រឹត្តរយៈពេល ៤ថ្ងៃ ចាប់ពីថ្ងៃទី២៤ ដល់ថ្ងៃទី២៧ នៅមជ្ឈមណ្ឌលសន្និសិទ្ធ និងពិព័រណអន្តរជាតិ នាទីក្រុងណា និងតំបន់ស្វ័យ័តក្វាងស៊ី ប្រទេសចិន។

ក្នុងព្រឹត្តិការណ៍លោកស្រី ឡេង ដាវី នាយិកា និងជាអនុប្រធានសមាគមថ្មអារកម្ពុជា បានបង្ហាញទៅកាន់វិនិយោគិនអាស៊ាន និងចិន ព្រមទាំងអ្នកវិនិយោគទូទាំងពិភពលោកអោយបានស្គាល់ ពីវត្ថុធាតុដើមរហូតដល់ផលិតផលសំរេចក្នុងវិស័យថ្មអារ។

នៅខែកញ្ញាដដែល អ្នកស្រី ដាវី ក៏បានដឹកនាំគណៈប្រតិភូក្រុមហ៊ុន ឫទ្ធី2ធ្នូ អ៊ិនវេសមេន ឯ.ក អញ្ជើញចូលរួមព្រឹត្តិការណ៍តាំងបង្ហាញថ្មម៉ាប Marmomac នៅ Verona Stone Fiere ដែលមានទីតាំងស្ដិតនៅប្រទេសអុីតាលី ក្នុងគោលបំណងផ្សព្វផ្សាយផលិតផលថ្មក្រានីតខ្មែរ និងឱកាសពាណិជ្ជកម្មផងដែរ។

ក្នុងខែធ្នូឆ្នាំនេះ ឬទ្ធីក្រានីត និងក្រុមហ៊ុន ឬទ្ធី២ធ្នូ អិនវេសមិន ឯ.ក ត្រូវបានអញ្ជើញចូលរួមតាំងពិព័រណ៍ឧស្សាហកម្មសំណង់កម្ពុជា អន្តរជាតិ ឆ្នាំ២០២៤ Cambodia International Construction Industry Expo 2024 នាថ្ងៃទី៥ ដល់ថ្ងៃទី៧ ស្ថិតនៅសាលពិពរណ៍កោះពេជ្យ ដែលមានការចូលរួមជាមួយក្រុមហ៊ុនសំណង់ អចលនទ្រព្យ ធនាគារ និងគ្រឿងចក្រ សំណង់ជាច្រេីនប្រភេទទៀត។

លើសពីនេះទៅ ក្រោយចប់បេសកម្មនៅភ្នំពេញ លោកស្រី ឡេង ដាវី ក៏ត្រូវបានអញ្ជើញចូលរួមក្នុងពិព័រណ៌ Asean Stone Exhibition នៅនៅមជ្ឈមណ្ឌលពិព័រណ៍ និងសន្និបាតសៃហ្គន (SECC) នៅទីក្រុងហូជីមិញ ប្រទេសវៀតណាម រយៈពេល ៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែធ្នូ ឆ្នាំ២០២៤។

បន្ថែមពីលើនេះទៅទៀត ក្នុងនាមជាអ្នកវិនិយោគមុខជំនួញថ្មអារ លោកស្រី ឡេង ដាវី អនុប្រធានសមាគមថ្មអារកម្ពុជា និងនាយិកាប្រតិបត្តិ ក្រុមហ៊ុន ឫទ្ធី ក្រានីត (ខាមបូឌា) បានឡើងថ្លែងសុន្ទរកថា និងកម្មវិធីជជែកពិភាក្សាក្នុងពិធីពិព័រណ៌ថ្មសេរ៉ាមិច និងថ្មអាស៊ាន ក្នុងពិព័រណ៌ Asean Stone Exhibition ផងដែរ។

ក្នុងពេលធ្វើបង្ហាញនោះ លោកស្រី ឡេង ដាវី បញ្ជាក់ថា លោកស្រីបានចែករំលែកព័ត៌មាន សក្តានុពល កាលានុវត្តភាពថ្មីលើវិស័យថ្មអារ និងឪកាសវិនិយោគមកកាន់ប្រទេសកម្ពុជាទៅកាន់ក្រុមវិនិយោគិនមកពីបណ្តាប្រទេសអាស៊ាន និងអឺរ៉ុប។

អត្ថបទ៖ សាងតេជៈ រូបភាព៖ ផ្តល់ឲ្យ

The post ក្នុងបុព្វហេតុផ្សព្វផ្សាយសក្តានុពលថ្មម៉ាប សេដ្ឋីនី ឡេង ដាវី អនុប្រធានសមាគមថ្មអារកម្ពុជា ចូលរួមតាំងពិព័ណ៌ច្រើនប្រទេសឆ្នាំ២០២៤ appeared first on Millions times.

បរទេសលាន់មាត់សរសើរគុណភាពថ្មអារក្រុមហ៊ុន Rithy Granite Cambodia ដែលយកទៅពិព័រណ៍នៅវៀតណាម

Vin Chang — Sat, 14 Dec 2024 09:42:28 +0000

នៅកម្មវិធីសន្និសីទ ASEAN STONE ប្រទេសវៀតណាមកាលពីថ្ងៃទី១៣ ខែធ្នូ ដែល CEO ឡេង ដាវី អគ្គនាយិកាក្រុមហ៊ុន Rithy Granite Cambodia បានឡើងធ្វើជាវាគ្មិនចែករំលែកបទពិសោធន៍នៃអាជីវកម្មរុករករ៉ែនៅកម្ពុជា ព្រមទាំងបង្ហាញពីសមិទ្ធផលប្រភេទថ្មខ្មែរ រហូតទទួលបានការសាទរ និងអ្នកចាប់អារម្មណ៍ច្រើនខ្លាំង។

អគ្គនាយិវ័យក្មេង តែពោរពេញដោយសមត្ថភាព ឡេង ដាវី បានផ្ដល់បទសម្ភាសន៍ពីវៀតណាម មកកាន់គេហទំព័រ Million Times ថា ស្ដង់តាំងពិព័រណ៍ថ្មអារបស់ក្រុមហ៊ុន Rithy Granite Cambodia ទទួលបានការចូលទស្សនាច្រើន ពីសំណាក់ភ្ញៀវចូលរួមក្នុងកម្មវិធីសន្និសីទ ជាពិសេសជនជាតិអឺរ៉ុបតែម្ដង។ ភ្ញៀវដែលបានឃើញពីថ្មម៉ាប និងថ្មក្រានីតរបស់ក្រុមហ៊ុនលោកស្រីហើយនោះ លាន់មាត់សរសើរពីគុណភាព និងភាពប្រណីតភ្លឺចែងចាំងរបស់រ៉ែកម្ររបស់កម្ពុជាតែម្ដង។

តាមដានជាមួយយើង៖ Million Times

ក្នុងចំណោមអ្នកចូលទស្សនាស្ដង់ក្រុមហ៊ុន Rithy Granite Cambodia មានទាំងអ្នកជំនួញផ្នែករ៉ែថ្មនេះស្រាប់ អ្នកវិនិយោគ និងអ្នកចូលរួមដែលចង់ដឹង និងសិក្សាស្រាវជ្រាវ។ ភ្ញៀវដែលបានឃើញរ៉ែថ្មដ៏ធំនៃកម្ពុជានេះ ហើយមិនត្រឹមលាន់មាត់សរសើរទេ ថែមទាំងបានយកដៃទៅគោះ ស្ទាប និងអង្អែល ដោយយកចិត្តទុកដាក់។

ស្ដង់តាំងពិព័រណ៍ថ្មរបស់សេដ្ឋីវ័យក្មេង ឡេង ដាវី នៅទីក្រុងហូជីមិញ ប្រទេសវៀតណាម ក៏បានដាក់បង្ហាញវីដេអូ នៃដំណើររករុក កន្លែងផលិត ព្រមទាំងខ្សែសង្វាក់ផលិតកម្មទម្រាំ ច្នៃចេញជាថ្មមួយផ្ទាំងៗដែលជាផលិតផលសម្រេច ពិតជាមិនងាយស្រួលឡើយ។

សន្និសីទ ASEAN STONE ធ្វើឡើងនាប្រទេសវៀតណាម បានជួយធ្វើឲ្យក្រុមហ៊ុនរបស់សេដ្ឋីស្រុកខ្មែរ ឡេង ឬទ្ធី កាន់តែមានឈ្មោះបោះសំឡេងថែមមួយកម្រិតទៀត ទៅកាន់ពិភពលោក និងធ្វើឲ្យវិនិយោគិនបរទេសច្រើនឡើង មើលឃើញពីភាពសម្បូរបែបនៃធនធានសំខាន់ៗ ហើយក៏មានប្រទេសដែលមិនទាន់បានស្គាល់ពីសម្បត្តិធម្មជាតិខ្មែរ ងាកមកចាបអារម្មណ៍ចង់សហការជាមួយ ព្រមទាំងជាវយកទៅតុបតែងកន្លែងផ្សេងៗ។

ស្រ្តីខ្មែរក្នុងវិស័យរករុករ៉ែរូបនេះ បញ្ជាក់ថា ជនបរទេសដែលបានចូលទៅក្នុងស្ដង់ និងឃើញពីថ្ម ពិតជាភ្ញាក់ផ្អើល មិននឹកស្មានថាប្រទេសកម្ពុជាមានថ្មកម្រ ប្រណីតបែបនេះឡើយ ក្រោយចប់ពិព័រណ៍ភ្លាម មានការបញ្ជាទិញកើនឡើងច្រើនដូចជា អូស្រ្តាលី អ៊ីតាលី ពិសេសប្រទេសវៀតណាមតែម្ដង។ ចំណែកប្រទេសដែលនៅឆ្ងាយៗ គេបញ្ជាទិញមួយទូរៗសិន ដើម្បីពិនិត្យមើលពីគុណភាពថ្ម និងសាកល្បងក្នុងការទំនាក់ទំនងមកខាងក្រុមហ៊ុន Rithy Granite Cambodia។

ការចូលរួមក្នុងពិព័រណ៍ ASEAN STONE លើកនេះ CEO ដាវី បង្ហាញយ៉ាងមុតមាំថា ពិតជាទទួលបានភាពជោគជ័យខ្លាំង ព្រោះអ្នកវិនិយោគមកពីអឺរ៉ុប មានបំណងចង់ទិញថ្មពីអាស៊ីទៅលក់បន្តមែន។ ជាពិសេសថ្មខ្មែរ ដែលបានដាក់តាំង រៀបចំស្អាតផ្លឹង ដែលមានសម្រស់ចែងចាំង ទាក់ចិត្តអ្នកឃើញហើយ មិនអាចរំលងបាន។

នៅក្នុងកម្មវិធីពិព័រណ៍ ASEAN STONE បានបង្ហាញឲ្យឃើញកាន់តែច្បាស់ពីថ្មអារខ្មែរ ដែលនាំចេញទៅដោយក្រុមហ៊ុន ឬទ្ធី ក្រានីត នោះ មានភាពលេចធ្លោខ្លាំង ទាំងពណ៌ថ្ម និងការរៀបចំបន្ថែមមានភាពខុសប្លែកពីថ្មប្រទេសដទៃ គ្រាន់តែក្រឡេកទៅភ្លាមឃើញនូវភាព Unique រំលេចចេញនូវអត្តសញ្ញាណខ្មែរ មើលទៅមានភាពថ្លៃថ្នូរជាពិសេស។

ការទៅចូលរួមពិព័រណ៍លើកនេះ គឺលក្ខណៈជាសមាគមដូចច្នេះហើយមានពណ៌ជាច្រើន ដែលអាចឲ្យអ្នកវិនិយោគទាក់ចិត្ត និងចង់សហការជាមួយក្រុមហ៊ុនរបស់លោកឧកញ៉ា ឡេង ឬទ្ធី។ នេះបើតាមការឲ្យដឹងពីស្រ្តីអ្នកជំនួញឆ្នើម ឡេង ដាវី។

CEO ឡេង ដាវី បានឡើងថ្លែងបទបង្ហាញកាលពីព្រឹកថ្ងៃ១២ ខែធ្នូ លើប្រធានបទស្ដី៖ «ពីការចែករំលែក និងការអភិវឌ្ឍន៍ថ្មនៃកម្ពុជា» ស្ថិតនៅក្នុង Hall2 Saigon មជ្ឈមណ្ឌលពិព័រណ៍ និងសន្និបាត ទីក្រុងហូជីមិញ ប្រទេសវៀតណាម៕

The post បរទេសលាន់មាត់សរសើរគុណភាពថ្មអារក្រុមហ៊ុន Rithy Granite Cambodia ដែលយកទៅពិព័រណ៍នៅវៀតណាម appeared first on Millions times.

ពិតជាមិនធម្មតា ក្រុមហ៊ុន Rithy Granite Cambodia របស់សេដ្ឋីនី ឡេង ដាវី នាំថ្មម៉ាបចេញទៅច្រើនប្រទេសថ្នាក់នេះ

Vin Chang — Thu, 05 Dec 2024 10:39:57 +0000

ក្រុមហ៊ុនថ្មម៉ាប Rithy Granite Cambodia ដែលស្ថិតក្រោមការគ្រប់គ្រងរបស់ឧកញ៉ា ឡេង ឬទ្ធី និងត្រូវបានកូនស្រីរបស់លោក គឺសេដ្ឋីនី ឡេង ដាវី ជាអគ្គនាយិកាមើលការខុសត្រូវក្នុងមុខជំនួញ បាននាំផលិតផលថ្មក្រានីតដែលផលិតចេញពីរោងចក្រផ្ទាល់មកចូលរួមពិព័រណ៍ឧស្សាហកម្មសំណង់កម្ពុជា-អន្តរជាតិ ឆ្នាំ២០២៤ លើកទី១៤ រយៈពេល ៣ថ្ងៃ ចាប់ពីថ្ងៃទី៥ ដល់ថ្ងៃទី៧ ខែធ្នូ ឆ្នាំ២០២៤។

ការតាំងពិព័រណ៍ឧស្សាហកម្មសំណង់កម្ពុជា-អន្តរជាតិ ឆ្នាំ២០២៤ ត្រូវបានបើកសម្ពោធក្រោមអធិបតីភាពលោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគរូបនីយកម្ម និងសំណង់, លោកអ្នកឧកញ៉ា ពុង ឃាវសែ ប្រធានសមាគមអ្នកសាងសង់កម្ពុជា និងលោក ឃួង ស្រេង អភិបាលរាជធានីភ្នំពេញ ស្ថិតមជ្ឈមណ្ឌលសន្និបាត និងពិព័រណ៍កោះពេជ្រ។

តាមដានជាមួយយើង៖ Million Times

ក្រុមហ៊ុន Rithy Granite Cambodia ដែលបានឈរជើងលើវិស័យអាជីវកម្មថ្មអាជាង២៥ ឆ្នាំមកហើយ និងជាក្រុមហ៊ុននាំមុខ ដែលនាំចេញប្រភេទថ្មម៉ាប និងថ្មក្រានីតយកទៅក្រៅប្រទេស។ ក្នុងបទសម្ភាសន៍ជាមួយ Million Times អគ្គនាយិកាវ័យក្មេង ឡេង ដាវី បានឲ្យដឹងថា ក្រុមហ៊ុនអ្នកស្រីបានរុករករ៉ែថ្មនេះ នៅកម្ពុជា១០ ខេត្តឯណោះ ហើយខេត្តដែលសម្បូរជាងគេ គឺក្រចេះ កំពង់ស្ពឺ បាត់ដំបង ព្រះវិហារ ស្ទឹងត្រែង កំពង់ឆ្នាំង តាកែវ និងខេត្តកំពត។

បើតាមអ្នកស្រី អំឡុងឆ្នាំ ២០១៥-២០១៩ Rithy Granite Cambodia បានទាក់ទាញអ្នកវិនិយោគបានជាង ៦០ គម្រោង។ អ្នកស្រីបានបន្តថា ក្រោមការជួយជ្រោមជ្រែងពីសំណាក់ប្រមុខដឹកនាំប្រទេសសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងការកាត់បន្ថយពន្ធនាំចេញ និងសម្រួលបែបបទ វិស័យថ្មអាកាន់តែរីកចម្រើនខ្លាំងថែមទៀត ដោយសារតែអ្នកវិនិយោគមានទឹកចិត្តកាន់តែខ្លាំង។

សេដ្ឋីនីវ័យក្មេងរូបនេះបានបន្តទៀតថា ការលក់ចេញថ្មអាឆ្នាំ ២០២៣-២០២៤ នេះ មានការកើនឡើងដល់ទៅ ៤ ដងឯណោះ ស្មើពី ២ ទៅ ៣ ម៉ឺនកុងតឺន័រ/ខែ) ហើយមួយឆ្នាំអាចចន្លោះពី ២០ ទៅ ៣០ ម៉ឺនកុងតឺន័រ។ និយាយដល់គុណសម្បត្តិនៃថ្មអារ គឺធន់ រឹង មិនឆ្ងួត ហើយ ក្រុមហ៊ុន Rithy Granite Cambodia និងក្រុមហ៊ុន ឫទ្ធី 2ធ្នូ អ៊ិនវេសមេន មិនត្រឹមចែកចាយផលិតផលនៅក្នុងស្រុកឡើយ ប្រទេសជាច្រើនក៏បានទំនាក់ទំនងនាំចូលថ្មពីក្រុមហ៊ុនអ្នកស្រីដូចគ្នា។

ក្នុងនោះប្រទេសនៅអាស៊ីមានដូចជាវៀតណាម ចិន តៃវ៉ាន់ ចំណែកប៉ែកអឺរ៉ុបមាន អ៊ីតាលី អាល្លឺម៉ង់ ប្រទេសតួគី និងប្រទេសជាច្រើនទៀតជុំវិញពិភពលោក។ រីឯតម្លៃថ្មរបស់ក្រុមហ៊ុន ឬទ្ធី ក្រានីត វិញមានចាប់ពី ១០ ដុល្លារ រហូតដល់ ១០០០ ដុល្លារ/ម៉ែត្រការ៉េ។ ចក្ខុវិស័យបន្តនៃក្រុមហ៊ុន Rithy Granite Cambodia គឺបន្តការចូលរួមតាំងពិព័រណ៌ និងធ្វើបទបង្ហាញផ្សេងៗ ដើម្បីចាប់យកការវិនិយោគ និងការនាំចេញបន្ថែមទៅទ្វីបអឺរ៉ុប៕

អត្ថបទ៖ មេរ៉ា រូបភាព៖ ជេកម៉ា

The post ពិតជាមិនធម្មតា ក្រុមហ៊ុន Rithy Granite Cambodia របស់សេដ្ឋីនី ឡេង ដាវី នាំថ្មម៉ាបចេញទៅច្រើនប្រទេសថ្នាក់នេះ appeared first on Millions times.

ទោះជាស្រ្តីក៏ ឡេង ដាវី ចាប់យកអាជីវកម្មរុករករ៉ែថ្ម ដូចសេដ្ឋី ឡេង ឬទ្ធី ជាឪពុក

Vin Chang — Thu, 21 Nov 2024 04:54:30 +0000

លោកស្រី ឡេង ដាវី ជាប្រធានក្រុមហ៊ុន Rithy Granite Cambodia ដែលរកស៊ី និងផ្គត់ផ្គង់ថ្មក្រានីត ថ្មម៉ាប ដ៏ធំមួយក្នុងប្រទេសកម្ពុជា។ ថ្វីដ្បតិតែជាស្ត្រី តែ CEO រូបនេះមិនដែលរុញរាក្នុងការប្រឡូកចូលក្នុងវិស័យជំនួញថ្ម ដែលជាអាជីវកម្មរុករករ៉ែ ដែលចុះទៅតាមការដ្ឋានក្នុងព្រៃផ្លូវឆ្ងាយ និងចេញទៅជួបអតិថិជននោះឡើយ។

ថ្លែងប្រាប់គេហទំព័រ Million Times អគ្គនាយិការូបនេះ បានសិក្សារៀនសូត្របន្តពីឪពុក គឺលោកឧកញ៉ា ឡេង ឬទ្ធី ដែលជាអគ្គនាយកក្រុមហ៊ុន ឡេង ឬទ្ធី គ្រុប ពីអាជីវកម្មរុករករ៉ែនេះ ដោយចេះចាំបានយ៉ាងល្អ រហូតធ្វើឲ្យលោកស្រីមានឱកាសជាតំណាងក្រុមហ៊ុនចូលរួមកម្មវិធីជាច្រើនទាក់ទងនឹងការតាំងបង្ហាញថ្មក្រានីត និងថ្មម៉ាប មិនថាក្នុង ឬក្រៅប្រទេសឡើយ។

តាមដានជាមួយយើង៖ Million Times

លោកស្រីថ្លែងថា ដូចកាលពីប៉ុន្មានខែមុនលោកស្រីបានតំណាងក្រុមហ៊ុន ឫទ្ធី ក្រានីត (ខេមបូឌា) និងក្រុមហ៊ុន ឫទ្ធី2ធ្នូ អ៊ិនវេសមេន ចូលរួមតាំងពិព័រណ៍ចិន-អាស៊ាន លើកទី២១ “The 21th China-ASEAN Expo”ធ្វើឡើងកាលពីថ្ងៃ ២៤-២៧ ខែកញ្ញា ឆ្នាំ ២០២៤ នៅមជ្ឈមណ្ឌលសន្និសីទ និងពិព័រណ៍អន្តរជាតិ នាទីក្រុងណានីង តំបន់ស្វយ័តក្វាងស៊ី ប្រទេសចិន។ ដោយក្រុមហ៊ុនបានដាក់បង្ហាញទៅកាន់អាស៊ាន និងចិន ព្រមទាំងអ្នកវិនិយោគទូទាំងពិភពលោកឲ្យបានស្គាល់ ពីវត្ថុធាតុដើមរហូតដល់ផលិតផលសម្រេច។ មិនត្រឹមទៅតាំងបង្ហាញថ្មប្រណីតរបស់ខ្មែរនៅចិនប៉ុណ្ណោះទេ CEO ដាវី ក៏បានទៅចូលរួមព្រឹត្តិការណ៍តាំងបង្ហាញថ្មម៉ាប Marmomac នៅ Verona Stone Fiere ដែលមានទីតាំងនៅប្រទេសអ៊ីតាលីទៀតផង។

ស្ត្រី CEO វ័យក្មេងរូបនេះ បានរៀបរាប់ពីប្រវត្តិកសាងក្រុមហ៊ុនរបស់ឪពុកសេដ្ឋី ឡេង ឬទ្ធី ដែលលោកមានអាជីវកម្មជាច្រើនក្នុងដៃ ហើយអាជីវកម្មល្បីល្បាញបំផុតនោះ ការរុករករ៉ែថ្មនេះឯង ដោយចាប់ផ្ដើមពីឆ្នាំ ១៩៩៦ ហើយតំបន់រុករកដំបូងគឺស្ថិតនៅស្រុកស្នួល ខេត្តក្រចេះ ពីក្នុងព្រៃ ដើម្បីស្វែងរកថ្មសំណង់កែច្នៃ ហើយពេលនោះក៏កែច្នៃបានទៅជាថ្មក្រានីត។ នៅឆ្នាំ ២០០៤ ទើបបានបង្កើតរោងចក្រអាថ្មនោះបាន រហូតមកដល់ឆ្នាំ ២០០៦-២០០៧ ទើបរោងចក្រអាចអាថ្មបាន ២ ទៅ ៣ ពាន់ការ៉េ/ខែ។

មកដល់ឆ្នាំ ២០០៩ ទើបក្រុមហ៊ុន Rithy Granite Cambodia ទាក់ទាញបានវិនិយោគិនពីចិន ព្រមមកជាមួយអ្នកជំនាញផងដែរ។ ការចូលរួមអភិវឌ្ឍន៍វិស័យរុករករ៉ែនោះបានរីកចម្រើនម្ដងបន្តិចៗនៅឆ្នាំ ២០១២ ហើយខ្លាំងបំផុតនាឆ្នាំ ២០២៦ ដល់ ២០១៩ រហូតមកដល់បច្ចុប្បន្ន Rithy Granite មានរោងចក្ររហូតទៅដល់ ៣០ ជាងរោងចក្រ។

ក្រុមហ៊ុន Rithy Granite Cambodia បានចែកចាយថ្មក្រានីត និងម៉ាបពីធម្មជាតិជាច្រើនពណ៌ ទៅកាន់ប្រទេសជាច្រើនជុំវិញពិភពលោក។ បើនិយាយពីប្រភេទថ្មធម្មជាតិដែលក្រុមហ៊ុន Rithy Granite Cambodia រុករកឃើញមាននៅខេត្តក្រចេះ កំពង់ស្ពឺ បាត់ដំបង ព្រះវិហារ ស្ទឹងត្រែង ។ ចំណុចពិសេសដែលថ្មធម្មជាតិរបស់កម្ពុជារកឃើញ គឺនៅក្រោមដី មិនដូចថ្មប្រទេសដទៃនៅក្នុងភ្នំ។

គួរបញ្ជាក់ផងដែរថា លោកស្រី ឡេង ដាវី មិនត្រឹមតែជា CEO Rithy Granite Cambodia ឡើយ ស្រ្តីខ្លាំងរូបនេះ ក៏បានរួមចំណែកយ៉ាងសកម្មក្នុងជំនួញកៅស៊ូ និងស្រូវអង្ករ របស់ឪពុកខ្លួន គឺឧកញ៉ា ឡេង ឬទ្ធី ឲ្យទទួលបានជោគជ័យជាបន្តបន្ទាប់៕

អត្ថបទ៖ មេរ៉ា រូបភាព៖ ផ្តល់ឲ្យ

The post ទោះជាស្រ្តីក៏ ឡេង ដាវី ចាប់យកអាជីវកម្មរុករករ៉ែថ្ម ដូចសេដ្ឋី ឡេង ឬទ្ធី ជាឪពុក appeared first on Millions times.