ការទិញយកក្រុមហ៊ុនដែកថែបពីវិនិយោគិនអាមេរិក ក្រុមហ៊ុន Nippon Steel បាននិយាយថា កិច្ចព្រមព្រៀងនេះមិនបង្កឱ្យមានក្តីព្រួយបារម្ភ អំពីការប្រកួតប្រជែងទេ ទោះបីជាមានការប្រឆាំងពីសហរដ្ឋអាមេរិកក៏ដោយ។

ការទិញយកក្រុមហ៊ុន US Steel ពីក្រុមហ៊ុន Nippon របស់ជប៉ុន ត្រូវបានជំទាស់ពីប្រធានាធិបតីសហរដ្ឋអាមេរិក លោក Joe Biden ដែលចង់ឱ្យក្រុមហ៊ុន US Steel នៅតែស្ថិតក្រោមការគ្រប់គ្រងរបស់ពលរដ្ឋអាមេរិក ខណៈសហជីពសម្តែងការព្រួយបារម្ភអំពីឪកាសនៃការបាត់បង់ការងារ។

តាមដានជាមួយយើង៖ Million Times

បន្ថែមទៀតនោះ សមាជិកសភាអាមេរិកជាច្រើនក៏បានចេញមុខប្រឆាំងនឹងកិច្ចព្រមព្រៀងនេះដែរ ដោយលើកឡើងពីកង្វល់សន្តិសុខជាតិ។ ប៉ុន្តែម្ចាស់ភាគហ៊ុនភាគច្រើនលើសលុបរបស់ក្រុមហ៊ុន US Steel បានបោះឆ្នោតគាំទ្រកិច្ចព្រមព្រៀងទិញលក់នេះ កាលពីខែមេសាកន្លងទៅ។

សារព័ត៌មាន Reuters បាននិយាយថា ការទិញយកក្រុមហ៊ុនផលិតដែកថែបរបស់អាមេរិកនេះ នឹងជួយឱ្យក្រុមហ៊ុន Nippon Steel ដែលជាក្រុមហ៊ុនផលិតដែកថែបធំជាងគេទី៤ ក្នុងពិភពលោកមួយនេះមានសមត្ថភាពផលិតដែកថែបឆៅចំនួន ១០០លានតោន៕

អត្ថបទ៖ សារ៉ាយ រូបភាព៖ Reuters

The post តាមរយៈEU ក្រុមហ៊ុនជប៉ុនសម្រេច​ទិញ​ក្រុមហ៊ុនដែកថែប​អាមេរិកតម្លៃ ១៤,៩ ពាន់​លាន​ដុល្លារ​ appeared first on Millions times.