Nimol Felix Archives - Millions times

ម្ចាស់ប្រេន Nimol Felix ទទួលបានកាដូមាស ១ គីឡូពីស្វាមីនៅថ្ងៃទិវាក្ដីស្រលាញ់

Vin Chang — Wed, 18 Feb 2026 08:11:58 +0000

តម្លៃមាសកំពុងមានសន្ទុះ និងមានឱកាសចំណេញច្រើន ដូច្នេះហើយអ្នកជំនួញល្បីៗលើវិថីអនឡាញជាច្រើន នាំគ្នាវិនិយោគលើហាងឆេងមាសនេះ។ ដោយក្នុងនោះ អ្នកខ្លះទិញជាដុំៗមានទម្ងន់១ គីឡូក្រាម ហើយខ្លះទៀតច្នៃជាកាបូបមាស ដែលមានទម្ងន់ជាង ១០ តម្លឹងឯណោះ។

តាមដានជាមួយយើង៖ Million Times

ថ្មីៗនេះថៅកែឡេ Felix បានទិញកាបូបមាសទម្ងន់ ១៣ តម្លឹង១ ហើយកុម្ម៉ង់ថែមពីហាងជាបន្តបន្ទាប់ទៀត។ មិនអស់ត្រឹមប៉ុណ្ណេះឡើយសេដ្ឋិនី និមល ទទួលបានកាដូមាស ១ គីឡូ ពីស្វាមីនៅថ្ងៃទិវាក្ដីស្រលាញ់កាលពីពេលថ្មីៗកន្លងទៅនេះ។

មិនត្រឹមកាបូបឡើយ ថៅកែស្រីល្បីឈ្មោះរូបនេះ នៅមានគ្រឿងអលង្ការធ្វើពីមាសជាច្រើនទាំងខ្សែក ខ្សែដៃ ក្រវិល ចិញ្ចៀនធំៗ។ សម្រាប់រដូវកាលចូលឆ្នាំចិននេះវិញ ម្ចាស់ប្រេន Felix ក៏បានរៀបចំសែន ចែកអាំងប៉ាវ និងទទួលអាំងប៉ាវពីមនុស្សជុំវិញខ្លួនដែរ។

គួរបញ្ជាក់ថា ហាងឆេងមាសមួយរយៈនេះ បានធ្លាក់ចុះវិញបន្តិច ក្រោយរដូវកាលចូលឆ្នាំចិនជិតចប់ ពោលនៅព្រឹកថ្ងៃ ១៨ ខែកុម្ភៈ ឆ្នាំ ២០២៦ នេះ តម្លៃចុះមកនៅក្រោម ៦ ០០០ ដុល្លារក្នុង១ តម្លឹង៕

អត្ថបទ៖ ឆដា, រូបភាព៖ Nimol Felix

The post ម្ចាស់ប្រេន Nimol Felix ទទួលបានកាដូមាស ១ គីឡូពីស្វាមីនៅថ្ងៃទិវាក្ដីស្រលាញ់ appeared first on Millions times.

គ្រាន់តែឡានទំនើបៗរបស់ម្ចាស់ប្រេន Felix បញ្ឈរចោលនៅផ្ទះ រាប់គ្រឿង

Vin Chang — Fri, 23 Jan 2026 10:07:34 +0000

សេដ្ឋិនីផ្នែកអនឡាញដ៏ល្បី គឺម្ចាស់ប្រេន Nimol Felix ទើបតែនាំសមាជិកថ្មីចូលផ្ទះគឺកំពូលរថយន្ត Porsche 911 Turbo S Mansory ដែលមានតម្លៃរាប់លានដុល្លារនោះ មិនមែនមានតែរថយន្ត១គ្រឿង ៗ២គ្រឿងប៉ុណ្ណោះទេ។

តាមដានជាមួយយើង៖ Million Times

បើតែមើលវីដេអូរបស់សេដ្ឋិនី និមល ឡានទំនើបៗជាច្រើនគ្រឿង ត្រូវបានចតនៅភូមិគ្រឹះដ៏ស្កឹមស្កៃនោះប្រមាណ ១០ គ្រឿងឯណោះ។ ក្នុងនោះមាន Brabus, Mercedes ច្រើនស៊េរី, Bentley និង Porsche ដទៃទៀតផងដែរ។ នេះបើមើលតាមវីដេអូដែលលោកស្រី និយម បានបង្ហោះឡើងនាពេលថ្មីៗនេះ មានទាំងម៉ូតូ ឡាន។

នេះមិនទាន់រាប់បញ្ចូលម៉ូតូស៊េរីទំនើបផ្សេងៗទៀត ដែលសុទ្ធសឹងជាអចលនទ្រព្យមានតម្លៃខ្ពស់ និងពិបាករកទិញនៅលើទីផ្សារ។

គួរឲ្យដឹងថា Porsche 911 Turbo S Mansory របស់លោកស្រី គឺជារថយន្តគ្រឿងទី១ លើលោក ហើយស៊េរីនេះ គឺផលិតតែ ១០ គ្រឿងប៉ុណ្ណោះលើពិភពលោក។ សម្រាប់តម្លៃឡានរបស់កំពូលអ្នកជំនួញអនឡាញដែលល្បីល្បាញទិញឡានទំនើប និងសាងសង់ភូមិគ្រឹះស្កឹមស្កៃរូបនេះ គិតទាំងពន្ធ និងនាំចូលជិត ៣ លានដុល្លារ៕

អត្ថបទ៖ ឆដា, រូបភាព៖ Nimol Felix – ម៉ាក់ភូភូ

The post គ្រាន់តែឡានទំនើបៗរបស់ម្ចាស់ប្រេន Felix បញ្ឈរចោលនៅផ្ទះ រាប់គ្រឿង appeared first on Millions times.

ម្ចាស់ប្រេន Felix ឡើងទៅទិញឡាន Porsche Mansory នៅឌូប៉ៃតម្លៃជាង ១ លានដុល្លារមិនទាន់គិតពន្ធ

Vin Chang — Fri, 05 Dec 2025 08:02:19 +0000

ដូចដឹងស្រាប់ហើយថា សេដ្ឋិនីផ្នែកអនឡាញដ៏ល្បី និងតែងតែចូលចិត្តរំលែកសឹងតែគ្រប់រឿងរ៉ាវនៅលើបណ្ដាញសង្គម គឺម្ចាស់ប្រេន Nimol Felix ដែលទើបបង្ហោះវីដេអូទៅមើលឡានដល់ទីក្រុងឌូប៉ៃ កាលពីពេលថ្មីៗនេះ។

តាមដានជាមួយយើង៖ Million Times

ក្រោយឡើងទៅមើលរួចពេលនេះ សេដ្ឋិនី និមល បាននាំយកកំពូលរថយន្តដែលមានតែមួយមកដល់ស្រុកខ្មែរហើយ និងបានរៀបចំកម្មវិធីសម្ពោធយ៉ាងគគ្រឹកគគ្រេង។ សម្រាប់រថយន្តដែលមានតែមួយនៅស្រុកខ្មែរគឺ Porsche 911 Turbo S Mansory ។

ម្ចាស់ប្រេន Nimol Felix បានឲ្យដឹងក្នុងវីដេអូមុនថា Porsche ដែលនាងមើល និងបង្ហើបប្រាប់តម្លៃថា ជាង ១ លានដុល្លារ ដែលស្ថិតនៅក្នុង Showroom Mansory នៅឌូប៉ៃ តាំងពីខែ ១១ ឆ្នាំ ២០២៥។ អ្នកអនឡាញដែលល្បីរឿងទិញឡានតែ ១ លើលោកនេះ បានបញ្ជាទិញតាំងពីនៅស្រុកខ្មែរម្ល៉េះ គ្រាន់តែទៅឌូប៉ៃ ដើម្បីទទួលកូនសោ និង certificate និងរៀបចំដឹកមកខ្មែរ។

គួរឲ្យដឹងថា Porsche 911 Turbo S Mansory របស់លោកស្រី គឺជាគ្រឿងទី១ លើលោក ហើយស៊េរីនេះ គឺផលិតតែ ១០ គ្រឿងប៉ុណ្ណោះ។ សម្រាប់តម្លៃឡានរបស់កំពូលអ្នកជំនួញអនឡាញដែលល្បីល្បាញទិញឡានទំនើប និងសាងសង់ភូមិគ្រឹះស្កឹមស្កៃរូបនេះ គិតទាំងពន្ធ និងនាំចូលជិត ៣ លានដុល្លារ៕

អត្ថបទ៖ ឆដា, រូបភាព៖ Nimol Felix

The post ម្ចាស់ប្រេន Felix ឡើងទៅទិញឡាន Porsche Mansory នៅឌូប៉ៃតម្លៃជាង ១ លានដុល្លារមិនទាន់គិតពន្ធ appeared first on Millions times.

ថៅកែឡេ Felix ឡើងយន្តហោះទៅទិញឡាននៅឌូប៉ៃ តម្លៃជាង ១លានដុល្លារទាំងមិនទាន់គិតពន្ធ

Vin Chang — Mon, 01 Dec 2025 07:02:30 +0000

លោកស្រី និលម ដែលមហាជនស្គាល់យ៉ាងច្បាស់ថាជាថៅកែប្រេនផលិតផលថែរក្សាសម្រស់ Felix ដែលមានភាពហ៊ឺហាខ្លាំង និងជាសេដ្ឋិនីមានរសនិយមប្រើសម្ភារៈតម្លៃថ្លៃៗ និងព្រមទាំងជារបស់កម្រលើលោក។

តាមដានជាមួយយើង៖ Million Times

ថ្មីៗនេះលោកស្រី និលម និងស្វាមី បានកំពុងនៅទីក្រុងឌូប៉ៃ ដើម្បីទិញឡានស៊េរីទំនើប ដែលឡានតម្លៃរាប់លានដុល្លារនោះ បានទៅដំឡើងនៅ Mansory ដែលជាក្រុមហ៊ុនកែច្នៃរថយន្តប្រណិតមួយ។

សេដ្ឋិនីរូបនេះ បានបង្ហើបឲ្យដឹងថា ឡានដែលលោកស្រីនឹងទិញពីឌូប៉ៃតែម្ដងនោះមានតម្លៃជាង ១ លានដុល្លារ ដែលមិនទាន់គិតថ្លៃពន្ធនៅឡើយទេ។ ចំពោះម៉ាកឡានអ្វីនោះ លោកស្រីនៅមិនទាន់បង្ហើបឡើយថាជាឡានប្រេនអ្វី គ្រាន់តែបង្ហើបតម្លៃជាង ១ លានដុល្លារនៅទីនោះ។

គួរបញ្ជាក់ថា កាលពីឆ្នាំ ២០២៤ លោកស្រី និមល និងស្វាមីបានឡើងទៅមើលឡាន Brubas នៅអាល្លឺម៉ង់ដូចគ្នា ដែលគ្រានោះគឺឡាន Mercedes-Benz G 63 AMG GCD 920។

ចំណែកឡានដែលទិញពីឌូប៉ៃ មិនទាន់ដឹងថាជាម៉ាកអ្វីឡើយ គ្រាន់តែម្ចាស់ហាង Mansory នៅទីនោះនិយាយថាជាឡានតែមួយគត់លើលោក ហើយក្នុងវីដេអូលោកស្រីក៏បាននិយាយពីឡានពណ៌មាសដែលជា One of One ផងដែរ។

ទៅទីក្រុងឌូប៉ៃលើកនេះ ក្រុមហ៊ុន Mansory ក៏បានផ្ដល់សោ និង certificate បញ្ជាក់ និងទទួលស្គាល់ជាផ្លូវការផងដែរ៕

អត្ថបទ៖ឆដា, រូបភាព៖ Nimol Felix

The post ថៅកែឡេ Felix ឡើងយន្តហោះទៅទិញឡាននៅឌូប៉ៃ តម្លៃជាង ១លានដុល្លារទាំងមិនទាន់គិតពន្ធ appeared first on Millions times.

ថៅកែក្រុមហ៊ុន Felix បរិច្ចាគ ៥ ម៉ឺនដុល្លារ សាងសង់សាលារៀន១អាគារ នៅខេត្តតាកែវ

Vin Chang — Fri, 28 Nov 2025 03:32:07 +0000

ថៅកែស្រីនៃក្រុមហ៊ុន Felix ដែលមានកេរ្តិ៍ឈ្មោះលើវិថីអនឡាញ បានចំណាយប្រាក់ ៥ ម៉ឺនដុល្លារ ដើម្បីសាងសង់សាលារៀនមួយខ្នងនៅខេត្តតាកែវ ជួយដល់សិស្សឱ្យមានកន្លែងរៀនសូត្របន្ថែមទៀត។

តាមដានជាមួយយើង៖ Million Times

អ្នកនៅក្នុងវិស័យលក់ផលិតផលអនឡាញច្បាស់ជាស្គាល់ច្បាស់ហើយថៅកែស្រីនៃក្រុមហ៊ុន Felix រូបនេះ ព្រោះធ្លាប់បានជួយការងារសង្គមច្រើនមែនទែន ហើយមាតិការបស់អ្នកស្រីផលិតក៏ល្អដែរ ដែលធ្វើឱ្យប្រជាជនកម្ពុជាស្គាល់គាត់ច្រើន។ ថៅកែស្រី ដែលមានឈ្មោះថា អ៊ួក និមល រូបនេះក៏ទើបតែបង្ហាញនៅលើបណ្ដាញសង្គមពីការងារសង្គមដ៏ល្អមួយទៀតដែរ គឺការជួយកសាងសាលារៀននៅខេត្តតាកែវ ដើម្បីឱ្យសិស្សានុសិស្សបានកន្លែងសិក្សាល្អគ្រប់ៗគ្នា។

នៅលើបណ្ដាញសង្គម សេដ្ឋីនី អ៊ួក និមល បានសរសេរបែបនេះថា៖ “ចូលរួមជួយសាងសង់សាលារៀន1អាគារ នៅខេត្តតាកែវ និងជូនសំភារៈសិក្សាដល់ប្អូនៗសិស្សានុសិស្ស។ សូមកុសលបុណ្យជួយឃុំគ្រងអោយពួកយើងជួបតែរឿងល្អៗ។ ជូនបុណ្យផងបងប្អូនញាតិមិត្ត”។

សូមបញ្ជាក់ថានៅកម្ពុជានាពេលបច្ចុប្បន្ននេះ ឃើញថាអ្នកមានប្រាក់កាសច្រើន ជាពិសេសក្នុងវិស័យលក់អនឡាញនេះ មានអ្នកជួយដល់សង្គមច្រើនមែនទែនទាំងការធ្វើសប្បុរសធម៏ ការកសាងសាលារៀន និងការជួយដល់វីរៈកងទ័ពកន្លងមកជាដើម។ នេះជាការបង្ហាញឱ្យឃើញពីទឹកចិត្តកូនខ្មែរដែលចេះជួយគ្នាទៅវិញទៅមក ពិតជាល្អមែនទែន៕

Screenshot

អត្ថបទ៖ ឆដា, រូបភាព៖ Nimol Felix

The post ថៅកែក្រុមហ៊ុន Felix បរិច្ចាគ ៥ ម៉ឺនដុល្លារ សាងសង់សាលារៀន១អាគារ នៅខេត្តតាកែវ appeared first on Millions times.

Collection កាបូបដៃប្រេន Dior របស់ថៅកែក្រុមហ៊ុន Felix មួយៗថ្លៃមិនធម្មតា

Vin Chang — Mon, 03 Nov 2025 09:20:11 +0000

ថៅកែស្រីនៃក្រុមហ៊ុន Felix ដែលមានកេរ្តិ៍ឈ្មោះលើវិថីអនឡាញ ហើយក៏ជាមនុស្សស្រីនិយមសម្ភារៈប្រេនៗទាន់សម័យផងដែរ។ នៅក្នុងភូមិគ្រឹះដ៏ស្កឹមស្កៃរបស់លោកស្រីពោរពេញទៅដោយគ្រឿងសង្ហារិមប្រណីត ហើយគ្រឿងតុបតែងផ្ទះភាគច្រើនជាម៉ាកយីហោល្បីៗ ដែលសេដ្ឋិនីរូបនេះបានឡើងទៅកុម្ម៉ង់ផ្ទាល់នៅអឺរ៉ុប។

តាមដានជាមួយយើង៖ Million Times

មិនត្រឹមតែផ្ទះឡើយ ដែលសុទ្ធសឹងតែជារបស់ល្អៗកម្រ សូម្បីតែកាបូប ស្បែកជើង និងសម្លៀកបំពាក់របស់ថៅកែ អ៊ួក និមល វិញឃើញថាជារបស់មានតម្លៃល្បីៗ ហើយសម្រាប់កាបូបដៃវិញមាគ្រប់ម៉ាក តែភាគច្រើនលោកស្រីចូលចិត្តប្រើបំផុត Dior។

ដោយមានស្វាមីជាមនុស្សយល់ចិត្ត គឺលោក ដួង ផេង មិនដែលជំទាស់អ្វីដែលភរិយាចង់បានឡើយ មិនថារថយន្តស៊េរីទំនើប និងរបស់របរប្រើប្រាស់ផ្សេងៗ បំពេញបំណងភរិយាគ្រប់យ៉ាង។ ដោយការខិតខំប្រឹងប្រែងរកទុកដាក់នៃអ្នកទាំង ២ បានពួតដៃគ្នាយ៉ាងសស្រាក់សស្រាំ កសាងអាណាចក្រផ្ទាល់ខ្លួនបាន ធ្វើឲ្យនរណាក៏លាន់មាត់សរសើរដែរ។ មុនការវិវឌ្ឍន៍ខ្លួនក្លាយជាអ្នកជំនួញអនឡាញ ដែលក្រសោបបានការពេញនិយមប្រើពីសំណាក់អតិថិជនលោកស្រី គឺជានារីអាកាសចរណ៍មួយរូប។

ដូចនេះហើយសម្រាប់ការប្រើប្រាស់សម្ភារៈនិយមជារបស់ប្រេនៗ សេដ្ឋិនី និមល ពិតជាមិនញញើតដៃក្នុងការចំណាយឡើយ។ ជាពិសេសកាបូបម៉ូដល្បីៗ ថ្លៃៗនៃប្រេន Dior លោកស្រីមានសឹងតែគ្រប់ម៉ូដទៅហើយ។ខាងក្រោមជា Collection កាបូបដៃយីហោ Dior របស់ថៅកែក្រុមហ៊ុន Felix៖

១. Dior Or Lady D-Joy Micro Bag តម្លៃ ៧ ០៥២ ដុល្លារ

២. Dior Small Lady D-Joy Bag តម្លៃ ៧ ១០០ ដុល្លារ

៣. Dior Lady micro តម្លៃ ៥ ០៦៦ ដុល្លារ

៤. Dior Mini Lady Dior Bag Python Leather Pinkish Purple តម្លៃជាង ៤ ០០០ ដុល្លារ

គួរបញ្ជាក់ថាថៅកែស្រីក្រុមហ៊ុន Felix មិនមែនមានតែកាបូបដៃមួយម៉ាកខាងលើឡើយ ដោយសេដ្ឋិនីរូបនេះមានម៉ាកជាច្រើនផ្សេងទៀតមិនថា Hermès, LV, Fendy និង Gucci មានគ្រប់សព្វបែបយ៉ាង គ្រាន់តែពេលចូលរួមកម្មវិធីផ្សេងៗ លោកស្រីចូលចិត្តកាន់ម៉ាក Dior ជាងគេ៕

អត្ថបទ៖ ឆដា, រូបភាព៖ Nimol Felix

The post Collection កាបូបដៃប្រេន Dior របស់ថៅកែក្រុមហ៊ុន Felix មួយៗថ្លៃមិនធម្មតា appeared first on Millions times.

មកដឹងពីតម្លៃឡានម្ចាស់ប្រេន Felix កុម្ម៉ង់ពីអាល្លឺម៉ង់ជាគ្រឿងដំបូងបំផុតលើពិភពលោក

Vin Chang — Mon, 09 Sep 2024 06:15:04 +0000

អ្នកនាង និមល ដែលជាម្ចាស់ប្រេន Felix គឺកំពុងស្ថិតក្នុងបញ្ជីជាមនុស្សទីមួយ ព្រមទាំងកូនខ្មែរដំបូងគេដែលកុម្ម៉ង់បាន Mercedes-Benz G 63 AMG GCD 920។ សេដ្ឋីឡេអនឡាញរូបនេះ កំពុងធ្វើឲ្យអ្នកក្នុងស្រុកចំហមាត់ ព្រោះតែជីវិតរស់នៅបែបអភិជន មានទាំងភូមិគ្រឹះ មានទាំងរថយន្តស៊េរីទំនើប។

តាមដានជាមួយយើង៖ Million Times

GCD 920 តម្លៃអាចឡើងដល់ ១ លានដុល្លារ ឬ ១ លានជាង ពេលនាំចូលមកដល់ស្រុកខ្មែរ ហើយ G920 Specs គឺមានតែ ១ គត់លើលោក ព្រោះជាគ្រឿងដំបូងដែលក្រុមហ៊ុនអាល្លឺម៉ង់ទើបផលិតបាន ហើយគ្រួសារលំដាប់សេដ្ឋីនេះ ឡើងទៅដល់អឺរ៉ុប ដើម្បីមើលឡាននេះផ្ទាល់កាលពីខែមុនទៀតផង។ នេះក៏ជាមោទនភាពដែលនៅស្រុកខ្មែរ ដែលសម្បូរអ្នកមានទ្រព្យធន និងលទ្ធភាពប្រើប្រាស់រថយន្តប្រណីតៗមិនឲ្យចាញ់សាសន៍គេ។ ចំណែក ១ គ្រឿងទៀត ដែលមានអតិថិជនកុម្ម៉ង់បាន គឺជាតារារ៉េបរបស់អាមេរិក Tyga។

សម្រាប់រូបរាងរបស់ GCD 920 ដែលមានកម្លាំង 920 សេះ បង្ហាញពីអំណាចហើយក៏បង្ហាញពីភាពធន់ផងដែរ។ គ្រួសារសេដ្ឋីអនឡាញនៅខ្មែររូបនេះក៏សម្បូររថយន្តទំនើបៗបញ្ឈរនៅមុខភូមិគ្រឹះតម្លៃជិត១០ លានដុល្លារផងដែរ ហើយសុទ្ធតែលំដាប់កប់ក្ដោងតែម្ដង។

មិនត្រឹមសម្បូរឡានទំនើបឡើយម្ចាស់ផលិតផលថែរក្សាសម្រស់ប្រេន Felix រូបនេះ ក៏មានអចលទ្រព្យច្រើនកន្លែងទាំងផ្ទះ ដី ព្រមជាមួយស្វាមីដែលមានជំនួញក្នុងដៃ ៥-៦ ជំនួញថែមទៀត។ អភិជនវ័យក្មេងទាំងគូនេះ ក៏និយមប្រើប្រាស់គ្រឿងពេជ្រជារបស់លំអខ្លួន ហើយនឹងចូលអាហារជប៉ុនជាកន្លែងញ៉ាំសឹងតែប្រចាំ។

កាងកសាងប្រេនតាំងពីឆ្នាំ ២០១៥ ធ្វើឲ្យអ្នកនាង និងគ្រួសារខ្លាចជាអ្នកមានដ៏ស្ដុកស្ដម្ភមួយ ប្រចាំបរទេសបាត់ទៅហើយ ដោយកម្រមានរបស់ល្អណារំលងបានណាស់៕

The post មកដឹងពីតម្លៃឡានម្ចាស់ប្រេន Felix កុម្ម៉ង់ពីអាល្លឺម៉ង់ជាគ្រឿងដំបូងបំផុតលើពិភពលោក appeared first on Millions times.

Nimol Felix Archives - Millions times

ម្ចាស់ប្រេន Nimol Felix ទទួលបានកាដូមាស ១ គីឡូពីស្វាមីនៅថ្ងៃទិវាក្ដីស្រលាញ់

គ្រាន់តែឡានទំនើបៗរបស់ម្ចាស់ប្រេន Felix បញ្ឈរចោលនៅផ្ទះ រាប់គ្រឿង

ម្ចាស់ប្រេន Felix ឡើងទៅទិញឡាន Porsche Mansory នៅឌូប៉ៃតម្លៃជាង ១ លានដុល្លារមិនទាន់គិតពន្ធ

ថៅកែឡេ Felix ឡើងយន្តហោះទៅទិញឡាននៅឌូប៉ៃ តម្លៃជាង ១លានដុល្លារទាំងមិនទាន់គិតពន្ធ

ថៅកែក្រុមហ៊ុន​ Felix បរិច្ចាគ​ ៥ ​ម៉ឺនដុល្លារ​ សាងសង់​សាលារៀន​១អាគារ ​នៅខេត្តតាកែវ​

Collection កាបូបដៃប្រេន Dior របស់ថៅកែក្រុមហ៊ុន Felix មួយៗថ្លៃមិនធម្មតា

មកដឹងពីតម្លៃឡានម្ចាស់ប្រេន Felix កុម្ម៉ង់ពីអាល្លឺម៉ង់ជាគ្រឿងដំបូងបំផុតលើពិភពលោក

ថៅកែក្រុមហ៊ុន Felix បរិច្ចាគ ៥ ម៉ឺនដុល្លារ សាងសង់សាលារៀន១អាគារ នៅខេត្តតាកែវ