តាមដានជាមួយយើង៖ Million Times

សារព័ត៌មាន Nairametrics បានចុះផ្សាយថា កាលពីពេលកន្លងទៅ ក្រុមម្ចាស់ភាគហ៊ុន LVMH បានបើកកិច្ចប្រជុំបន្ទាន់មួយ ដើម្បីបោះឆ្នោតដំឡើងដែនកំណត់អាយុរបស់ថ្នាក់ដឹកនាំក្រុមហ៊ុន ដើម្បីអាចឲ្យមហាសេដ្ឋីវ័យ ៧៦ឆ្នាំ មានលទ្ធភាពដឹកនាំក្រុមហ៊ុនបន្តបាន។

ក្រុមហ៊ុន LVMH បានផ្លាស់ប្ដូរគោលនយោបាយដែនកំណត់អាយុ CEO ប្រចាំក្រុមហ៊ុន ២លើករួចហើយ ដោយកាលពីឆ្នាំ២០២២ ពួកគេបានដំឡើងដល់ ៨០ឆ្នាំ ប៉ុន្តែថ្មីៗនេះ បានដំឡើងដល់ ៨៥ឆ្នាំ។

ការពន្យារពេលការដឹកនាំក្រុមហ៊ុន LVMH របស់លោក Bernard Arnault ត្រូវបានធ្វើឡើង ចំពេលទិន្នន័យលក់របស់ក្រុមហ៊ុននៅប្រទេសចិន កំពុងដាំក្បាលចុះខ្លាំង ដែលធ្វើឲ្យពួកគេខាតបង់ប៉ុន្មានឆ្នាំជាប់ៗគ្នា។

ស្ថានភាពក្រុមហ៊ុន LVMH បច្ចុប្បន្ន កំពុងរងការខូចខាតខ្លាំង ដោយសារការធ្លាក់ចុះនៃប្រភពចំណូលពីចិន ដែលជាទីផ្សារធំបំផុតរបស់ខ្លួន ហើយពួកគេទំនងចំណាយពេលយូរ ដើម្បីស្ដារស្ថានការណ៍ឲ្យប្រសើរ ដ្បិតសេដ្ឋកិច្ចពិភពលោកហាក់មិនទាន់មានភាពរឹងមាំ ចំពេលចិន និងអាមេរិក កំពុងពាក់មុខយក្សដាក់គ្នា ជុំវិញបញ្ហាពន្ធគយថែមទៀត៕

អត្ថបទ៖ Luffy រូបភាព៖ Luxurylaunches

The post ម្ចាស់ក្រុមហ៊ុន LVMH ទទួលបានការទុកចិត្តពីវិនិយោគិន បន្តកាន់តំណែងជា CEO ៩ឆ្នាំទៀត appeared first on Millions times.

តាមដានជាមួយយើង៖ Million Times

កំពូលអ្នកមានដាច់គេនៅអឺរ៉ុបរូបនេះ ចាប់ផ្ដើមចាប់អារម្មណ៍ចង់ពង្រីកអាជីវកម្មនៅលើទឹកដីអាមេរិក បន្ទាប់ពីលោក Trump អះអាងថា នឹងមានការបន្ធូរបន្ថយពន្ធជាច្រើន ខណៈលោក Arnault បានរិះគន់ខ្លាំងលើវិធានការទារពន្ធសាជីវកម្ម របស់រដ្ឋាភិបាលបារាំង។

ចំណុចមួយទៀត ដែលធ្វើឲ្យក្រុមហ៊ុន LVMH ចាប់អារម្មណ៍ជាមួយទីផ្សារអាមេរិក គឺទិន្នន័យលក់របស់ពួកគេនៅប្រទេសចិនមានការធ្លាក់ចុះខ្លាំង ដូច្នេះចាំបាច់ស្វែងរកទីផ្សារថ្មី ដែលសំបូរអភិជនចាយវាយលើសម្ភារៈប្រណីតៗ។ អាមេរិកសាកសមបំផុតនៅក្នុងរ៉ាដារបស់ LVMH ដ្បិតនៅទីនោះពោរពេញដោយក្រុមមហាសេដ្ឋី រស់នៅច្រើនបំផុតលើពិភពលោក។

ទោះជាយ៉ាងណា ក្រុមវិនិយោគិនរបស់ក្រុមហ៊ុន LVMH ហាក់មានការខ្វែងគំនិតជាមួយលោក Bernard Arnault ជុំវិញការពង្រីកអាជីវកម្មនៅអាមេរិក ដ្បិតពួកគេយល់ឃើញថា វាត្រូវការចំណាយដើមទុនច្រើន គួបផ្សំជាមួយការបោះជំហានចូលទីផ្សារប្រកួតប្រជែងថ្មីផង ដូច្នេះវាមានហានិភ័យខាតបង់ច្រើន បើសិនជាពង្រីកសាខាក្នុងពេលនេះ។

គួររំលឹកបន្តិចថា បច្ចុប្បន្ន LVMH មានរោងចក្រផលិតមួយនៅក្នុងរដ្ឋតិចសាស់ ដែលបានបង្កើតឡើងកាលពីឆ្នាំ២០១៩ និងមានហាងលក់ទំនិញចំនួន ២នៅក្នុងទីក្រុងកាលីហ្វ័រញ៉ា ដែលបានបើកសម្ពោធកាលពីឆ្នាំ១៩៩០ និងឆ្នាំ២០១១៕

អត្ថបទ៖ Luffy រូបភាព៖ Reuters

The post មហាសេដ្ឋីម្ចាស់ក្រុមហ៊ុន LVMH ពិចារណាពង្រីកអាជីវកម្មនៅលើទឹកដីអាមេរិក appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Bloomberg បានចុះផ្សាយថា LVMH ទទួលបានម្កុដសារជាថ្មី បន្ទាប់ពីភាគហ៊ុនក្រុមហ៊ុនផលិតឱសថហូឡង់ Novo Nordisk មានការធ្លាក់ចុះប្រហែល ៤% នៅថ្ងៃសុក្រ ទី១៧ ខែមករា។

មូលធនទីផ្សាររបស់ក្រុមហ៊ុនហូឡង់ បានធ្លាក់នៅត្រឹម ៣៥៥ពាន់លានដុល្លារ ជាប់លេខរៀងទី២ ខណៈក្រុមហ៊ុន LVMH របស់មហាសេដ្ឋីបារាំងមានតម្លៃ ៣៥៧ពាន់លានដុល្លារ ជាក្រុមហ៊ុនមានតម្លៃថ្លៃបំផុតលើទីផ្សារតំបន់អឺរ៉ុប។

គួរជម្រាបដែរថា បើទោះជាបច្ចុប្បន្នក្រុមហ៊ុន LVMH កំពុងគ្រងតំណែងជាកំពូលក្រុមហ៊ុននៅអឺរ៉ុបក្ដី ក៏ប៉ុន្តែកៅអីមួយនេះកំពុងរង្គោះរង្គើ ដ្បិតស្ថានភាពទីផ្សាររបស់ LVMH នៅចិន ដែលជាប្រភពចំណូលដ៏ធំរបស់ខ្លួន ហាក់មិនមានភាពវិជ្ជមានសោះឡើយ ពោលអត្រាលក់របស់ក្រុមហ៊ុនបារាំង នៅប្រទេសមហាអំណាចសេដ្ឋកិច្ចធំបំផុតទី២ លើលោក មានការធ្លាក់ចុះខ្លាំងប៉ុន្មានឆ្នាំចុងក្រោយ៕

អត្ថបទ៖ Luffy រូបភាព៖ WWD

The post ប្រើពេលមួយឆ្នាំកន្លះ ទម្រាំ LVMH ដណ្ដើមបានងារជាក្រុមហ៊ុនមានតម្លៃថ្លៃបំផុតនៅអឺរ៉ុប appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានបង្ហាញថា រយៈពេលប៉ុន្មានឆ្នាំចុងក្រោយ ស្ថានភាពទីផ្សារសម្ភារៈនិយមនៅប្រទេសចិន មិនសូវទទួលបានការគាំទ្រខ្លាំងពីប្រជាជនឡើយ ដោយសារកត្តាសេដ្ឋកិច្ចមិនអំណោយផល គួបផ្សំនឹងកត្តាតម្លៃទំនិញទាំងនោះ មានកំណើនខ្លាំងជាងរាល់ឆ្នាំ។

ការលក់កាបូប LV សម្លៀកបំពាក់ Dior របស់ក្រុមហ៊ុន LVMH មានការធ្លាក់ចុះមិនធ្លាប់មាន រហូតដល់ ១៦% ជាចំណុចអាក្រក់បំផុត បើធៀបនឹងសាខានៅប្រទេសផ្សេងៗទៀត និងបានធ្វើឲ្យតម្លៃហ៊ុនរបស់ក្រុមហ៊ុនធ្លាក់ចុះរហូត ៧,៥% ដែលជាចំណុចទាបបំផុត ក្នុងរយៈពេល ៤ឆ្នាំចុងក្រោយ។

អត្រាលក់អាក្រក់បែបនេះ បានធ្វើឲ្យម្ចាស់ក្រុមហ៊ុន មហាសេដ្ឋីបារាំង Bernard Arnault រងការខូចខាតមិនស្ទើរផងដែរ ដោយរយៈពេល ១៨ខែចុងក្រោយ ទ្រព្យសម្បត្តិរបស់លោក បានរបូតអស់ប្រហែល ៣៧ពាន់លានដុល្លារ មកនៅត្រឹម ១៧៧ពាន់លានដុល្លារ ឈរនៅលេខរៀងទី០៥ ជាមហាសេដ្ឋីមានលុយច្រើនបំផុតលើលោក។ នេះបើតាមការបង្ហាញ ដោយគេហទំព័រ Bloomberg៕

អត្ថបទ៖ Luffy រូបភាព៖ Investopedia

The post ទីផ្សារសម្ភារៈនិយមនៅចិនធ្លាក់ចុះ ធ្វើឲ្យក្រុមហ៊ុនLVMH ខាតបង់ជាង ១៦០ពាន់លានដុល្លារ appeared first on Millions times.