ប្រយោគសារដ៏ពិសេសមួយដែលឧកញ៉ា លាង ពៅ ហៅ ភីធ័រ តែងបន្លឺឡើង «Gumball ដើម្បីទេសចរណ៍»។ លោកថ្លែងថា ក្នុងការរៀបចំព្រឹត្តិការណ៍ Gumball 3000 Rally in Cambodia រយៈពេល៣ថ្ងៃកាលពីខែកញ្ញាកន្លងទៅនោះ ក្រុមហ៊ុន ជីប ម៉ុង គ្រុប ចំណាយថវិកាប្រមាណ៤០ម៉ឺនដុល្លារ។

តាមដានជាមួយយើង៖ Million Times

ព្រឹត្តិការណ៍ Gumball 3000 មានរថយន្តចូលរួមសរុប ៣៤៩គ្រឿង ក្នុងនោះរថយន្តប្រតិភូ Gumball 3000 កម្ពុជា មានចំនួន ២៤៦គ្រឿង អមដោយប្រតិភូ Gumball 3000 ប្រមាណ ៥៦៣នាក់ ខណៈប្រតិភូ Gumball 3000 កម្ពុជា ប្រមាណ៣៥០នាក់។

ក្នុងឱកាសបើកកម្មវិធី Post Gumball 3000 នារាត្រីថ្ងៃទី២៣ ខែវិច្ឆិកា ឆ្នាំ២០២៤ នៅសួនច្បារមុខព្រះរាជដំណាក់ក្រុងសៀមរាប ឧកញ៉ា លាង ពៅ អគ្គនាយកពហុពាណិជ្ជកម្មនៃក្រុមហ៊ុន ជីប ម៉ុង ក៏បានរំឭកពីភាពជោគជ័យនៃគោលបំណងចម្បងៗចំនួន៤ នៃការរៀបចំព្រឹត្តិការណ៍ Gumball 3000 Rally in Cambodia កាលពីខែកញ្ញា ឆ្នាំ២០២៤ កន្លងទៅ ហើយក៏ជាឧត្តមប្រយោជន៍គួរជាទីមោទនៈសម្រាប់ប្រជាជាតិកម្ពុជាទាំងមូលក្នុងនោះរួមមាន៖ ជាយុទ្ធនាការលើកស្ទួយវិស័យទេសចរណ៍, យុទ្ធការសប្បុរសធម៌, ជំនួបធុរកិច្ចរវាងពាណិជ្ជករជាតិ និងអន្តរជាតិ និងការបង្កើតកំណត់ត្រាពិភពលោកហ្គីណេស។

សូមជម្រាបថា កាលពីថ្ងៃទី២៣ ខែវិច្ឆិកា នៅខេត្តសៀមរាប ស្ថាប័ន Giunness World Records បានប្រគល់ផ្លូវការនូវវិញ្ញាបនបត្របញ្ជាក់ពីការបំបែកកំណត់ត្រាពិភពលោក «ការតាំងបង្ហាញរថយន្ត SUPER CARS / HYPER CARS ច្រើនជាងគេបំផុតលើពិភពលោក» ដល់ក្រសួងទេសចរណ៍កម្ពុជា៕

អត្ថបទ៖ សាងតេជៈ រូបភាព៖ Gumball 3000

The post ក្រុមហ៊ុន ជីបម៉ុង ចាយអស់ ៤០ម៉ឺនដុល្លាររៀបចំព្រឹត្តិការណ៍ Gumball 3000 appeared first on Millions times.

ការបំបែកឯតទគ្គកម្ម «ការតាំងបង្ហាញរថយន្ត SUPER CARS / HYPER CARS ច្រើនជាងគេបំផុតលើពិភពលោក» នេះ គឺសម្រេចបានក្នុងព្រឹត្តិការណ៍ Gumball 3000 Rally in Cambodia កាលពីថ្ងៃទី១៥-១៧ ខែកញ្ញា ឆ្នាំ២០២៤ កន្លងទៅ ដែលមានការចតរថយន្ត SUPER CARS / HYPER CARS សរុបចំនួន ១៧៩គ្រឿង ដែលនេះគឺជាកំណត់ត្រាច្រើនលើសជាងគេចុងក្រោយលើពិភពលោក។

តាមដានជាមួយយើង៖ Million Times

លោក ហួត ហាក់ រដ្ឋមន្ត្រីក្រសួងទេសចរណ៍ បានចាត់ទុកព្រឹត្តិការណ៍លំដាប់ថ្នាក់អន្តរជាតិនេះ ជាការចូលរួមផ្សព្វផ្សាយវិស័យទេសចរណ៍កម្ពុជា ព្រមទាំងបង្ហាញឱ្យពិភពលោកស្គាល់ច្បាស់ពីកម្ពុជាថាក្រោមការដឹកនាំដ៏ត្រឹមត្រូវរបស់សម្តេច ហ៊ុន ម៉ាណែត នាយករដ្ឋមន្ត្រី ប្រទេសកម្ពុជាជាប្រទេសមួយដែលមានសុខសន្តិភាពពេញលេញ មានស្ថិរភាពនយោបាយ សន្តិសុខ សណ្តាប់ធ្នាប់សាធារណៈល្អប្រសើរ និងមានការអភិវឌ្ឍលើគ្រប់វិស័យ ដែលបង្កបរិយាកាសអនុគ្រោះ ផ្តល់ភាពងាយស្រួលភាពកក់ក្តៅ និងស្នាមញញឹមជូនទេសចរគ្រប់រូប។

លោកបន្តថា ព្រឹត្តិការណ៍ជាលក្ខណៈអន្តរជាតិនេះ ជាសក្ខីកម្មបញ្ជាក់និងបង្ហាញឱ្យពិភពលោកបានឃើញនិងស្គាល់ថាកម្ពុជាជា «ប្រទេសតូច តែមានបេះដូងធំ» ដោយមានសមត្ថភាពរៀបចំព្រឹត្តិការណ៍ដ៏អស្ចារ្យទាំងនេះ និងព្រឹត្តិការណ៍ធំៗផ្សេងទៀតជាលក្ខណៈអន្តរជាតិ។

សូមជម្រាបថា ក្រសួងទេសចរណ៍បានសហការជាមួយក្រសួង ស្ថាប័នពាក់ព័ន្ធរៀបចំព្រឹត្តិការណ៍ Gumball 3000 Rally in Cambodia កាលពីថ្ងៃទី១៥-១៧ ខែកញ្ញា ឆ្នាំ២០២៤ នៅរាជធានីភ្នំពេញ និងខេត្តសៀមរាប។ ព្រឹត្តិការណ៍ខាងលើនេះ មានរថយន្តចូលរួមសរុប ៣៤៩គ្រឿង ក្នុងនោះរថយន្តប្រតិភូ Gumball 3000 កម្ពុជា មានចំនួន២៤៦គ្រឿង អមដោយប្រតិភូ Gumball 3000 ប្រមាណ ៥៦៣នាក់ (ប្រតិភូ Gumball 3000 កម្ពុជា ប្រមាណ៣៥០នាក់)៕

អត្ថបទ៖ សាងតេជៈ រូបភាព៖ Rev Up Cambodia

The post Guinness World Records ប្រគល់ផ្លូវការវិញ្ញាបនបត្របញ្ជាក់ពីការបំបែកឯតទគ្គកម្ម «ការតាំងបង្ហាញរថយន្ត SUPER CARS / HYPER CARS ច្រើនជាងគេបំផុតលើពិភពលោក» appeared first on Millions times.

ក្នុងជំនួបជាមួយសម្ដេច ហ៊ុន ម៉ាណែត នាយករដ្ឋមន្ត្រី នាព្រឹកថ្ងៃទី ៣០ ខែកញ្ញានេះ លោកអ្នកឧកញ៉ា លាង ឃុន ម្ចាស់ក្រុមហ៊ុន ជីប ម៉ុង គ្រុប បានបញ្ជាក់អំពីជោគជ័យនៃការរៀបចំព្រឹត្តិការណ៍ Gumball 3000 នៅកម្ពុជា ដែលព្រឹត្តិការណ៍នេះទទួលបានការកោតសរសើរពីគណៈប្រតិភូ Gumball 3000 ផ្ទាល់ និងបានបញ្ជាក់ថា «កម្ពុជាជាម្ចាស់ផ្ទះរៀបចំព្រឹត្តិការណ៍Gumball 3000 ល្អបំផុតក្នុងរយ:ពេល ២៥ ឆ្នាំនៃការរៀបចំព្រឹត្តិការណ៍នេះ»។ 

តាមដានជាមួយយើង៖ Million Times

លោកថា ព្រឹត្តិការណ៍ Gumball 3000 ត្រូវបានផ្សព្វផ្សាយយ៉ាងទូលំទូលាយនៅលើបណ្ដាញសារព័ត៌មាន និងបណ្ដាញសង្គមនានា ដោយមានអ្នកចូលរួមទស្សនាសរុបប្រមាណជាង ១០០០ លាននាក់ ហើយនឹងបន្តកើនឡើងថែមទៀត។ 

លោកបានប្រាប់សម្ដេចនាយករដ្ឋមន្រ្តីបន្ថែមថា ព្រឹត្តិការណ៍នេះក៏បានរួមចំណែកដល់ការងារមនុស្សធម៌ តាមរយៈការកៀរគរថវិកាសប្បុរសធម៌ដើម្បីបរិច្ចាគជូនមន្ទីរពេទ្យកុមារអង្គរខេត្តសៀមរាប ដោយបានទទួលថវិកាសរុបចំនួន ៤៥ម៉ឺនដុល្លារអាម៉េរិក។ 

សម្ដេច ហ៊ុន ម៉ាណែត បានគូសបញ្ជាក់ថា ជោគជ័យនៃការរៀបចំព្រឹត្តិការណ៍ Gumball 3000 ផ្ដល់អត្ថប្រយោជន៍សំខាន់ ៣សម្រាប់កម្ពុជា៖ (១) ចូលរួមផ្សព្វផ្សាយពីអត្តសញ្ញាណជាតិខ្មែរ, ផ្សព្វផ្សាយពីវប្បធម៌សម្បូណ៌បែបរបស់កម្ពុជាទៅកាន់ពិភពលោក, (២)ទាក់ទាញភ្ញៀវទេសចរណ៍អន្តរជាតិកាន់តែច្រើនមកទស្សនាកម្ពុជា ជាពិសេសតំបន់រមណីយដ្ឋានអង្គរ ខេត្តសៀមរាប និង (៣) បង្ហាញដល់ពិភពលោកថា កម្ពុជាមានសមត្ថភាពខ្ពស់រៀបចំព្រឹត្តិការណ៍លំដាប់អន្តរជាតិប្រកបដោយសុវត្ថិភាព ជោគជ័យ តាមរយៈការធានាបានូវសុខសុវត្ថិភាព និងសមត្ថភាពនៃការទទួលបដិសណ្ឋារកិច្ចដ៏ល្អចំពោះភ្ញៀវអន្តរជាតិ ជាមួយការអភិវឌ្ឍដ៏ឆាប់រហ័សរបស់កម្ពុជា។ 

សម្ដេចក៏បានគូសបញ្ជាក់ថា រាជរដ្ឋាភិបាលនឹងបន្តគាំទ្រចំពោះការរៀបចំព្រឹត្តិការណ៍អន្តរជាតិនានា និងលើកទឹកចិត្តដល់ក្រុមហ៊ុន ជីប ម៉ុង គ្រុប បន្តសហការជាមួយក្រសួង-ស្ថាប័នពាក់ព័ន្ធរបស់រាជរដ្ឋាភិបាលដើម្បីរៀបចំព្រឹត្តិការណ៍ថ្មីៗបន្ថែមទៀតនាថ្ងៃអនាគត៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post លោក លាង ឃុន នាំសារគណៈប្រតិភូ Gumball3000 ថា កម្ពុជាជាម្ចាស់ផ្ទះរៀបចំព្រឹត្តិការណ៍ល្អបំផុតក្នុងរយ:ពេល ២៥ឆ្នាំ appeared first on Millions times.

ពិធីប្រគល់-ទទួលថវិកាបានពីព្រឹត្តិការណ៍ Gumball 3000 ចំនួន ៤៥ម៉ឺនដុល្លារ ធ្វើឡើងក្រោមវត្តមានសម្តេច ហ៊ុន ម៉ាណែត នាយករដ្ឋមន្រ្តី និងថ្នាក់ដឹកនាំក្រុមហ៊ុនជីបម៉ុង មានដូចជា មហាសេដ្ឋី លាង ឃុន មហាសេដ្ឋី លាង ម់េង សេដ្ឋី លាង ពៅ (ភីធ័រ)។

តាមដានជាមួយយើង៖ Million Times

ព្រឹត្តិ​ការណ៍ Gumball 3000 នៅ​កម្ពុជា​ត្រូវ​បាន​រៀប​ចំ​ឡើង​រយៈ​ពេល​៣​ថ្ងៃ​ពី​ថ្ងៃ​ទី​១៥ ដល់​ថ្ងៃ​ទី​១៧ ​ខែកញ្ញា ឆ្នាំ២០២៤ ដែល​មាន​ការ​ចូល​រួម​ពី​មហា​សេដ្ឋី អ្នក​មាន​ឥទ្ធិពល​លើ​បណ្តាញ​សង្គម កីឡាករ និង​តារារ៉េប​ល្បីៗ​។

អ្នក​រៀប​ចំព្រឹត្តិ​ការណ៍សេដ្ឋី លាង ពៅ ធ្លាប់បាន​អះអាង​ថា Gumball 3000 មិន​មែន​ជា​ព្រឹត្តិការណ៍​ដើម្បី​បង្អួត​រថយន្ត​ទំនើប​ៗ​ពី​សំណាក់​អ្នក​មាន​នៅ​កម្ពុជា​ទេ តែ​វា​ជា​ព្រឹត្តិ​ការណ៍​ដើម្បីជំរុញ​វិស័យ​ទេសចរណ៍​នៅ​កម្ពុជា ការ​រក​មូល​និធិ​ជួយ​មន្ទីរ​ពេទ្យ​កុមារ​អង្គរ ការ​បើក​ឱកាស​ឲ្យអ្នក​វិនិយោគ​បាន​ជួប​គ្នា និង​ជាការ​បង្កើត​កំណត់​ត្រាពិភព​លោក​ហ្គីណេស​ដែល​មាន​ការ​ចត​រថយន្ត​ច្រើន​ជាង​គេ​នៅមុខ​ប្រាសាទ​អង្គរ​វត្ត​៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចធិបតី

The post ថវិកា ៤៥ម៉ឺនដុល្លារបានពីព្រឹត្តិការណ៍ Gumball 3000 មហាសេដ្ឋី លាង ឃុន ប្រគល់ជូនមន្ទីរពេទ្យកុមារអង្គរ appeared first on Millions times.

សម្តេច ហ៊ុន ម៉ាណែត នាយករដ្ឋមន្រ្តី លើបណ្តាញសង្គមបានបញ្ជាក់ប្រាប់អ្នកនាង កន្និដ្ឋា ថា ការរៀបចំទទួលក្រុមប្រតិភូ Gumball 3000 គឺជាការផ្ដួចផ្ដើមគំនិតរបស់វិស័យឯកជនកម្ពុជា ដែលចង់ទាញយកឱកាសដែលកម្មវិធី Gumball 3000 ឆ្លងកាត់ប្រទេសកម្ពុជា ដើម្បីធ្វើការបង្ហាញបន្ថែមឲ្យពិភពលោកបានឃើញ អំពីសុខសន្តិភាព ស្ថិរភាព ភាពស្រស់ស្អាតរបស់ប្រទេសកម្ពុជា ភាពរួសរាយ រាក់ទាក់ ទន់ភ្លន់របស់ប្រជាជនខ្មែរយើង ក៏ដូចជាស្គាល់វប្បធម៌ សិល្បៈ និងសម្បត្តិបេតិកភណ្ឌដែលដូនតារបស់យើងបានកសាង។ ក្រៅពីនោះ ក៏មានរៀបចំកម្មវិធីសប្បុរសធម៌តាមរយៈការកៀរគរថវិកាដើម្បីជួយដល់មន្ទីរពេទ្យកុមារអង្គរ ដែលផ្ដល់ផលប្រយោជន៍ផ្ទាល់ សម្រាប់កូនចៅប្រជាពលរដ្ឋយើងក្នុងការថែទាំ និងព្យាបាលសុខភាព។ 

សម្តេចបន្តថា រាជរដ្ឋាភិបាលតាមរយៈក្រសួងទេសចរណ៍ ក្រសួងវប្បធម៌ និងវិចិត្រសិល្បៈ រដ្ឋបាលរាជធានីភ្នំពេញ រដ្ឋបាលខេត្តសៀមរាប និងស្ថាប័នពាក់ព័ន្ធ បានផ្ដល់ការគាំទ្រចំពោះការរៀបចំកម្មវិធីនេះ ដោយគិតគូរទាំងជ្រុងផ្សព្វផ្សាយទេសចរណ៍កម្ពុជា និងការការពារតម្លៃនៃវប្បធម៌របស់យើង ជាពិសេសការគោរពនៅក្នុងតំបន់ប្រាសាទអង្គរវត្ត។ 

បើតាមសម្តេចនាយករដ្ឋមន្រ្តី ជាការពិតណាស់ មានការយល់ឃើញ និងបញ្ចេញទស្សនៈខុសគ្នាចំពោះការរៀបចំកម្មវិធីនេះ ហើយវាមិនមែនជាបញ្ហាទេចំពោះការបញ្ចេញទស្សនៈខុសគ្នានោះ។ អ្វីដែលសម្តេចសោកស្តាយ គឺថាការបញ្ចេញទស្សនៈខុសគ្នាចំពោះកម្មវិធីនេះ បានក្លាយទៅជាប្រធានបទដែលនាំឱ្យបងប្អូនខ្មែរយើងជជែកតតាំងគ្នា រហូតឡើងកំដៅខ្លាំងលើសពីការចាំបាច់។ 

សម្តេចសរសេរក្នុងន័យដើមយ៉ាងដូច្នេះថា Gumball 3000 បានឆ្លងចេញពីប្រទេសកម្ពុជាច្រើនថ្ងៃទៅហើយ នៅឡើយការជជែកតតាំងគ្នាយកចាញ់ឈ្នះមិនទាន់ចប់ពាក់ព័ន្ធប្រធានបទនេះ។ ខ្ញុំគិតថា ល្មមដល់ពេលបញ្ចប់ការជជែកតតាំងគ្នាពាក់ព័ន្ធនឹងប្រធានបទនេះហើយ ហើយយើងនាំគ្នាអបអរសាទរបុណ្យភ្ជុំបិណ្ឌប្រពៃណីជាតិខ្មែរក្នុងសម័យសន្តិភាព។ 

ទន្ទឹមនឹងនេះ សម្តេចក៏បានគូសបញ្ជាក់ចំពោះអ្នកនាង កន្និដ្ឋា ដែលបានយល់អំពីគោលបំណងនៃការរៀបចំទទួលកម្មវិធី Gumball 3000 នៅកម្ពុជា ទោះជាការរៀបចំមានទិដ្ឋភាពខ្លះមិនស្របជាមួយនឹងគំនិតរបស់ប្អូនក៏ដោយ៕

អត្ថបទ៖ សាងតេជៈ រូបភាព៖ បណ្តាញសង្គម

The post នាយករដ្ឋមន្រ្តីណែនាំឲ្យបញ្ចប់ការជជែកតតាំងគ្នាពាក់ព័ន្ធនឹង Gumball 3000 ក្រោយ The Kanitha Show ចេញមុខសុំទោស appeared first on Millions times.

នៅល្ងាចថ្ងៃអង្គារនេះ គណៈប្រតិភូ Gumball 3000 បានចាកចេញពីកម្ពុជាហើយដោយឆ្លងកាត់ច្រកទ្វារអន្តរជាតិប៉ោយប៉ែត ដើម្បីបន្តដំណើរចូលប្រទេសថៃ ក្រោមកិច្ចទទួលស្វាគមន៍ និងរៀបចំសន្តិសុខ សណ្តាប់ធ្នាប់យ៉ាងល្អប្រសើរពីសំណាក់អាជ្ញាធរ និងសមត្ថកិច្ច។

តាមដានជាមួយយើង៖ Million Times

សម្តេចនាយករដ្ឋមន្រ្តី ហ៊ុន ម៉ាណែត គូសបញ្ជាក់ថា ព្រឹត្តិការណ៍ Gumball 3000 បង្កើតបាននូវស្នាមញញឹម ភាពកក់ក្ដៅ ភាពជឿជាក់ និងអនុស្សាវរីយ៍ល្អៗរបស់អ្នកចូលរួមក្នុងព្រឹត្តិការណ៍ Gumball 3000 នៅលើទឹកដីអង្គរ របស់កម្ពុជា។ ជាមួយគ្នានេះសម្តេចនាយករដ្ឋមន្រ្តី បានប្រកាសអរគុណដែលបានជ្រើសរើសយកកម្ពុជា និងមកកាន់ប្រាសាទអង្គរវត្តទឹកដីនៃព្រះរាជាណាចក្រអច្ឆរិយ។ 

ទស្សនៈជារួមមកលើព្រឹត្តិការណ៍ Gumball 3000 ត្រូវបានមហាជនខ្មែរសម្តែងការអបអរសាទររីករាយជាខ្លាំងចំពោះព្រឹត្តិការណ៍អន្តរជាតិលើកដំបូងនេះ ជាមួយនឹងការរំពឹងទទួលបានផលចំណេញមហាសាលដែលធ្វើឲ្យពិភពលោកស្គាល់កម្ពុជាកាន់ច្បាស់នូវពេលវេលាមានសុខសន្តិភាព ភាពរីកចម្រើនរុងរឿងនៃវប្បធម៌ ប្រពៃណីរបស់ខ្លួនលើឆាកអន្តរជាតិ។

លោក លាង ពៅ ដែលជាម្ចាស់ក្រុមហ៊ុន ជីបម៉ុង គ្រុប និងជាស្ថាបនិកមួយរូបដែលជាអ្នករៀបចំ Gumball 3000 In Cambodia បានអះអាងថា តាមរយៈព្រឹត្តិការណ៍អន្តរជាតិ Gumball 3000 កម្ពុជាទទួលបានផលចំណេញយ៉ាងច្រើនក្នុងផ្សព្វផ្សាយទៅកាន់ពិភពលោក។ ទន្ទឹមនឹងលោកឧកញ៉ា លាង ពៅ បានបញ្ជាក់ថា ថវិកាប្រមាណ ៤០ម៉ឺនដុល្លារដែលប្រមូលបានពីព្រឹត្តិការណ៍ Gumball 3000 នឹងត្រូវប្រគល់ជូនមន្ទីរពេទ្យកុមារអង្គរ ខេត្តសៀមរាបផងដែរ។

លោក ខេមរា ជាអ្នកផលិតមាតិកាដ៏ល្បីរបស់កម្ពុជា បានបញ្ជាក់ថា យុវជនអាច ជួយជាតិ តាមរយៈការផ្សព្វផ្សាយរឿងល្អៗ នៅលើបណ្តាញសង្គម។ លោកអះអាងថា ព្រឹត្តិការណ៍ Gumball 3000 ពិតជានាំអោយកម្ពុជាល្បីរន្ទឺ ព្រោះមានអ្នកផលិតមាតិកាអន្តរជាតិល្បីៗជាច្រើនរូបចូលរួមផ្សព្វផ្សាយ។

លើសពីនេះទៅទៀត ឧបនាយករដ្ឋមន្រ្តី ហ៊ុន ម៉ានី រដ្ឋមន្រ្ត៏ក្រសួងមុខងារសាធារណៈ បានលើកឡើងថា កម្ពុជា មានមោទនភាពក្នុងការបើកទ្វារទទួលបណ្តាប្រិយមិត្តមកពីទូទាំងពិភពលោកឱ្យបានស្គាល់នូវសម្បត្តិវប្បធម៍ និងទេសភាពដ៏ស្រស់ត្រកាលនៃដែនដីអច្ឆរិយៈរបស់យើង។ 

លោកបន្តថា ព្រឹត្តិការណ៍ Gumball មិនត្រឹមតែបានស្រូបទាញអ្នកមកទស្សនាកម្ពុជាក្នុងអំឡុងពេលកម្មវិធីប៉ុណ្ណោះទេ តែវាក៏បានផ្ញើសារទៅកាន់ពិភពលោកនូវសក្តានុពលវិស័យទេសចរណ៍ ស្នាមញញឹមរបស់ប្រជាជន និងបរិយាកាសដ៏សែនកក់ក្តៅដែលអ្នកចូលរួមកម្មវិធីបានចែករំលែកនៅលើទំព័របណ្តាញសង្គមរបស់ពួកគេ៕

អត្ថបទ៖ សាងតេជៈ រូបភាព៖ ក្រសួងទេសចរណ៍

The post ព្រឹត្តិការណ៍ជួបជុំតាំងបង្ហាញរថយន្តទំនើប និងកម្រHypercar-Supercar បញ្ចប់ហើយដែលទទួលបានផលចំណេញយ៉ាងច្រើនសន្ធឹក appeared first on Millions times.

ការ​បង្ហាញ​វត្តមាន​របស់ YouTuber ដ៏​ល្បី​របស់​អាមេរិក IShowSpeed នៅ​កម្ពុជា​ក្នុង​កម្មវិធី Gumball 3000 ពិតជា​ធ្វើឲ្យ​អ្នក​គាំទ្រ​សប្បាយរីករាយ និង​មាន​អារម្មណ៍​រំភើប​ខ្លាំង។ កាលពី​យប់​មិញ Speed បាន Live stream ស្វែងរក subscriber គម្រប់ ៣០ លាន​នៅ​លើ​ទឹក​ដី​អង្គរ ខេត្ត​សៀមរាប ហើយ ដោយ​តារា​អ៊ីនធឺណិត​រូប​នេះ ហ៊ោកញ្ជ្រៀវ​នឹង​សមិទ្ធផល​ដែល​ទទួល​បាន អំឡុង​ពេល​មក​ស្រុក​ខ្មែរ។

តាមដានជាមួយយើង៖ Million Times

ខណៈ​ដែល IShowSpeed សប្បាយ​ជាមួយ​អ្នក​គាំទ្រ កូន​ប្រុស​ពៅ​ថៅកែ​ស្រាបៀ​ហនុមាន Eric បាន​ឡើង​ទៅ​លើ​ឡាន និង​យក​ប្រអប់​នាឡិកា Rolex ទោ​ឲ្យ YouTuber ល្បីឈ្មោះ​រូប​នោះ​តែម្ដង។ ត្បិត​ទើប​មាន​វ័យ​ត្រឹម ១៩ ឆ្នាំ តែ IShowSpeed ពិតជា​មាន​ប្រជាប្រិយភាព និង​ទាក់ទាញ​មាន​ការ​ចាប់អារម្មណ៍​ច្រើន​ពី​សំណាក់​បុគ្គល​ល្បី​ៗ​ដូចគ្នា។

បើ​និយាយ​ពី​តម្លៃ​នាឡិកា Rolex ដែល​កូន​ប្រុស​ពៅ​ថៅកែ​ហនុមាន​ជូន​ដល់ Darren Jason Watkins Jr ហៅ Speed មាន​តម្លៃ​ទៅ​ដល់ ៥ ម៉ឺន​ដុល្លារ​ឯណោះ។ Eric បាន​និយាយ​ថា នាឡិកា​ដែល​ជូន​ទៅ Speed គឺ​ជា​កាដូ​ដែល Speed ទទួល​បាន subscriber ៣០ លាន នៅ​លើ​ទឹក​ដី​អង្គរ​ខេត្ត​សៀមរាប និង​នៅ​ព្រឹត្តិការណ៍ Gumball 3000 នេះ​តែម្ដង។

IShowSpeed បាន​មក​កម្ពុជា​ក្នុង​ព្រឹត្តិការណ៍ Gumball 3000 នៅ​លើ​ទឹកដី​កម្ពុជា ហើយ​ម្ចាស់​ផ្ទះ​បាន​រៀបចំ​ទទួល​ស្វាគមន៍​តារា YouTube នោះ​យ៉ាង​ប្រណីត ហើយ​ពេល​ទៅដល់​សៀមរាប Speed ដើរ​លេង​នៅ Pub-Street បាន​ភ្លក់​នំ​អាកោ​ត្នោត​ខ្មែរស្ករទាញ ព្រម​ទាំង​បាន​ពាក់​អាវ​កីឡាករ​ជម្រើស​ជាតិ​ខ្មែរ​លេខ 7 ដែល​ជា​លេខ​របស់​កីឡាករ លឹម ពិសិដ្ឋ ថែម​ទៀត​ផង។

Speed មាន subscriber ៣០ លាន ដូចនេះ​តាមរយៈ​រូបភាព​ល្អ​ៗ​ពី​កម្ពុជា គេ​រំពឹង​ថា​តារា​អ្នក​គាំទ្រ​ YouTube រូប​នេះ​ដែល​នៅ​បរទេស អាច​មើល​ឃើញ និង​មក​ទស្សនា​កម្ពុជា​នា​ថ្ងៃ​ណា​មួយ​ជាក់​ជា​មិន​ខាន៕

The post កូនប្រុសពៅថៅកែហនុមាន Eric ជូនកាដូនាឡិកា Rolex ទៅ Speed តម្លៃជាង ៥ ម៉ឺនដុល្លារ appeared first on Millions times.

Patrice Evra បាន​មក​ដល់​កម្ពុជា​កាល​ពី​យប់មិញ​នេះ ដើម្បី​ចូល​រួម​ព្រឹត្តិការណ៍ Gumball 3000 ​ដែល​ធ្វើ​ដំណើរ​ពី​ប្រទេស​វៀតណាម​មក​រាជធានី​ភ្នំពេញ​កាលពី​ល្ងាច​ថ្ងៃ​អាទិត្យ​ទី ១៥ ម្សិលមិញ ហើយ​ថ្ងៃ ១៦ ខែ​កញ្ញា​នេះ​បន្ត​ទៅ​ខេត្ត​សៀមរាប​ទៀត។

តាមដានជាមួយយើង៖ Million Times

ព្រឹត្តិការណ៍​ The Gumball 3000 Rally ​បាន​រៀប​ចំ​កម្មវិធី​អបអរ​ខួប​លើក​ទី​២៥ របស់​ខ្លួន​ដោយ​ធ្វើ​ដំណើរ​ឆ្លង​កាត់​ប្រទេស​ជា​ច្រើន​នៅ​អាស៊ាន​នេះ​រួម​ទាំង​កម្ពុជា រួម​ទាំង​មាន​ការ​តាំង​បង្ហាញ​រថយន្ត Supercars របស់​ប្រតិភូ Gumball 3000 ទាំងអស់ ដើម្បី​បំបែក​ឯកទគ្គពិភពលោក (Guinness World Record) នៅ​បរិវេណ​ខាង​មុខ​ប្រាសាទ​អង្គរវត្ត។

ដោយ​ឡែក​កាល​ពី​ម្សិលមិញ ​ពួកគេ​បាន​ធ្វើ​ដំណើរ​មក​ដល់​កម្ពុជា​ហើយ ​អម​ជាមួយ​តារា​ល្បី​ៗ​ជា​ច្រើន​ដូចជា IshowSpeed និង Patrice Evra ​វីរបុរស​ក្លិប​បិសាច​ក្រហម Manchester United ​និង​ជម្រើស​ជាតិ​បារាំង​ជា​ដើម។ ការ​មក​ដល់​របស់ Evra និង IshowSpeed ​ត្រូវ​បាន​អ្នក​គាំទ្រ​នៅ​កម្ពុជា​ទទួល​ស្វាគមន៍​យ៉ាង​កក់ក្ដៅ​តាំង​ពី​នៅ​ព្រំដែន រហូត​ដល់​ក្រុង​ភ្នំពេញ។

Evra ដែល​ជា​មិត្ត​រួម​ក្រុម​របស់ Cristiano Ronaldo ​កាល​លេង​នៅ​ក្លិប​បិសាច​ក្រហម Manchester United ​នេះ ​បាន​សរសើរ និង​ញញឹម​បិទ​មាត់​មិន​ជិត​ទេ​ពេល​ឃើញ​ប្រជាជន​កម្ពុជា​គាំទ្រ​លោក ព្រម​ទាំង​ស្រែក​ហៅ​ឈ្មោះ​ Evra ខ្ទរខ្ទារ ហើយ​ឈរ​ចាំសុំ​ថត​រូបជាមួយ​ច្រើនកកកុញ​បែប​នេះ។

ស្រប​ពេល​ថ្ងៃ​នេះ​កីឡាករ​អតីត​ខ្សែ​ការពារ​ឆ្វេង​រូប​នេះ នឹង​ទៅ​ទស្សនា​ប្រាសាទ​អង្គរវត្ត ជួប​ជុំ​អ្នក​គាំទ្រ​នៅ​ក្រុង​សៀមរាប​ផង​ដែរ។ នៅ​លើ Instagram តារា​បាល់ទាត់​ឆ្នើម​រូប​នេះ ក៏​បាន​បង្ហោះ​រូបភាព​ដែល​អ្នក​គាំទ្រ​រង់ចាំ​ថត​រូប​ជាមួយ​ដូចគ្នា​ដែរ។ Evra បាន​បើក​ឡាន 2024 Rolls-Royce Cullinan ពណ៌​បៃតង​តម្លៃ​ក្បែរ​លាន​ដុល្លារ។

Gumball 3000 ​នឹង​រៀប​ចំ​ព្រឹត្តិការណ៍​ជា​ច្រើន​ទៀត​នៅ​សៀមរាប ​រួម​ទាំង Gala Dinner ជុំ​គ្នា​ភ្លក់​ម្ហូប​ខ្មែរ ​និង​កម្មវិធី​សប្បុរសធម៌​មួយ​ផង​ដែរ​នៅ​ទឹក​ដី​អង្គរ​នេះ​ដើម្បី​ប្រមូល​ប្រាក់​ជួយ​ដល់​មន្ទីរពេទ្យ​កុមារ​អង្គរ។ លើស​ពី​នេះ​ទៅ​ទៀត Gumball 3000 ​នឹង​បង្កើត​កំណត់ត្រា Guinness Book Records ​មួយ​ដែល​ក្លាយ​ជា​កម្មវិធី​ពិពណ៌​ឡាន​ធំ​បំផុត​លើ​លោក​នៅ​មុខ​អង្គរវត្ត​ផង​ដែរ៕

The post ដៃគូយល់ចិត្ត CR7 កាលនៅ Man United Patrice Evra ញញឹម សប្បាយ​ចិត្ត​ពេល​មក​ដល់​កម្ពុជា ​អ្នក​គាំទ្រ​ស្វាគមន៍​ខ្លាំង​ appeared first on Millions times.

GUMBALL 3000 គឺជាព្រឹត្តិការណ៍អន្តរជាតិមួយ ដែល​ប្រមូល​ផ្តុំ​ទៅ​ដោយ​រថយន្ត Supercar Hypercar និង​កំពូល​រថយន្ត​ប្រណីត​ៗ​ពី​សំណាក់​បុគ្គល​មាន​ឥទ្ធិពល ធុរជន កីឡាករ ព្រម​ទាំង​កំពូល​តារា​លំដាប់​ពិភពលោក ដែល​ធ្វើ​ដំណើរ​ឆ្លង​កាត់​ពី​ទ្វីប​មួយ​ទៅ​ទ្វីប​មួយ​ជុំវិញ​ពិភពលោក សរុប​រយ:ចម្ងាយ​ប្រមាណ ៣០០០ ម៉ាយ៍។

តាមដានជាមួយយើង៖ Million Times

ពេលនេះ​បាន​មក​ដល់​កម្ពុជា​កាលពី​ម្សិលមិញ​ហើយ ដោយ​មាន​ការ​ស្វាគមន៍​ពី​សំណាក់​អ្នក​រៀបចំ​កម្មវិធី ព្រម​ទាំង​បុគ្គល​ល្បី​ៗ​នៅ​ខ្មែរ​ជាច្រើន។ ក្នុង​នោះ​គេ​សង្កេត​ឃើញ​អ្នក​ជំនួញ​អនឡាញ​វាល់​លាន​មួយ​ចំនួន បាន​យក​រថយន្ត​ស៊េរី​ទំនើប​ៗ​ទៅ​ចត​ចាំ ដើម្បី​ទទួល​ក្បួន​រថយន្ត Supercar និងHypercar នៅ​ម្ដុំ​វិមានឯករាជ្យ និង​ម្ដុំ​សួនវត្តបុទុមវត្តី។

នៅ​ព្រឹក​នេះ​ដែរ​ក្បួន​រថយន្ត កម្មវិធី Gumball 3000 បាន​កំពុង​ចេញ​ដំណើរ​ទៅ​ខេត្ត​សៀមរាប​ហើយ ដោយ​មាន​សេដ្ឋីនី​អនឡាញ​ដូចជា ស្រីណៃ, អ្នកនាង និមល Filex , អ្នកនាង តែ ស៊ូអេង, ឡុង ម៉ានីន, ផន សុផារី និងស្វាមី ព្រម​ទាំង​បុគ្គល​ល្បី​ៗ​ជាច្រើន​ទៀត ក៏​កំពុង​ត្រៀបត្រា​ទៅ​កន្លែង​កម្មវិធី​ធំ​នៅ​អង្គរ​វត្ត​ត​ទៅ​ទៀត​ដែរ។

មិន​ត្រឹម​តែ​អ្នក​ជំនួញ​អនឡាញ​ប៉ុណ្ណោះ​ទេ កូនចៅ​ក្រុម​គ្រួសារ​មហាសេដ្ឋី ជីប ម៉ុង និង​អ្នក​ជំនាញលំដាប់​ជួរ​មុខ​នៅ​កម្ពុជា​ដទៃ​ទៀត ក៏​មាន​វត្តមាន​ចូលរួម​កម្មវិធី​នោះ​ដែរ។ កាន់តែពិសេស​ គឺ​តារា​កម្ពុជា​ល្បី​ៗ​ដែល​ជា​លំដាប់​អ្នក​មាន​ហាយសូ​ក្នុង​សង្គម ក៏យក Supercar ទៅ​ចត​ចាំ​រង់ចាំ​ក្រុម​ក្បួន ​​Gumball 3000 ដូច​គ្នា​ដែរ។

សម្រាប់​ក្រុម​សេដ្ឋី​អនឡាញ​ទាំង​នោះ សកម្ម​ខ្លាំង និង​ស្វះស្វែង​យក​រថយន្ត​ទៅ​ចូលរួម​ក្នុង​កម្មវិធី Gumball 3000 ព្រោះ​ជា​ឱកាស​កម្រ​មាន ក៏​ដូចជា​ចូលរួម​ចំណែក​ក្នុង​ការ​ទាក់ទាញ​ទេសចរ​ពី​បរទេស តាម​រយៈ​ព្រឹត្តិការណ៍​លំដាប់​កំពូល​មួយ​នេះ។

ព្រឹត្តិការណ៍ Gumball 3000 រៀបចំ​ឡើង​នៅ​ព្រះរាជា​ណាចក្រកម្ពុជា ៣ ថ្ងៃ ចាប់ពី​ថ្ងៃទី​១៥ ដល់ថ្ងៃ​ទី១៧ ខែ​កញ្ញា ឆ្នាំ ២០២៤។ រថយន្ត​ទំនើប​ៗ​ធ្វើ​ដំណើរ​ជា​ក្បួន​ចូល​មក​កម្ពុជា​តាម​ច្រក​ទ្វារ​ព្រំដែន​អន្តរជាតិ​បាវិត កាលពី​ថ្ងៃ ១៥ ខែ​កញ្ញា ដោយ​ស្នាក់​នៅ​រាជធានី​ភ្នំពេញ ១ យប់ និង​ថ្ងៃ ១៦ ខែ​កញ្ញា​នេះ ចេញ​ដំណើរ និង​ស្នាក់នៅ​ខេត្ត​សៀមរាប ១ យប់ រួច​ត្រឡប់​ទៅ​វិញ​តាម​ច្រក​ទ្វារ​ព្រំដែន​អន្តរជាតិ​ប៉ោយប៉ែត នា​ថ្ងៃ ១៧ ខែ​កញ្ញា​ស្អែក​នេះ។

ព្រឹត្តិការណ៍ Gumball 3000 រៀបចំ​ដោយ​ក្រុមហ៊ុន ជីប ម៉ុង សហការ​ជាមួយ​ក្រសួង​ទេសចរណ៍ និង​ស្ថាបនិក Gumball 3000 គឺ​លោក Maximillion Cooper៕

The post សេដ្ឋីនីអនឡាញកំពូលៗ បង្ហាញវត្តមាននៅកម្មវិធី Gumball 3000 appeared first on Millions times.

លោក គុជ បញ្ជាសារ បានឲ្យដឹងថា បើតាមការគណនា និងការឯកភាពជាមួយរដ្ឋបាលរាជធានីភ្នំពេញ និងកងកម្លាំងសមត្ថកិច្ច គឺក្នុងពិធីបើកព្រឹត្តិការណ៍ Gumball 3000 Rally នៅកម្ពុជា ដែលធ្វើឡើងនៅរាជធានីភ្នំពេញ នារាត្រីថ្ងៃទី១៥ ខែកញ្ញា ឆ្នាំ២០២៤ បានទាក់ទាញការចូលរួមពីមហាជន ប្រជាជន យុវជនចន្លោះពី៨-១០ម៉ឺននាក់។

តាមដានជាមួយយើង៖ Million Times

ព្រឹត្តិការណ៍ជួបជុំរថយន្តទំនើបៗប្រណិតដ៏ធំនេះ សម្តេច ហ៊ុន ម៉ាណែត នាយករដ្ឋមន្រ្តី បានប្រកាសស្វាគមន៍រថយន្តទំនើបប្រណីតៗ ជាច្រើនរយគ្រឿង នៃកម្មវិធី Gumball 3000 បានមកដល់កម្ពុជា ក៏ដូចជាម្ចាស់រថយន្ត ភ្ញៀវកិត្តិយសជាតិ និងអន្តរជាតិ ដែលបានជ្រើសរើសកម្ពុជា ក្នុងការរៀបចំកម្មវិធីនេះ នៅទឹកដីនៃព្រះរាជាណាចក្រកម្ពុជា។ 

គួរឲ្យដឹងថា ក្រុមហ៊ុន ជីប ម៉ុង គ្រុប ជាដៃគូសហការផ្ដាច់មុខរបស់ GUMBALL3000 ក្នុងការរៀបចំព្រឹត្តិការណ៍នេះនៅកម្ពុជាដែលមានការគាំទ្រពី ក្រសួងទេសចរណ៍ និងស្ថាប័នពាក់ព័ន្ធនានា ចំពោះថវិកាដែលទទួលបានពីការបរិច្ចាគ នឹងជូនទៅកាន់ មន្ទីរពេទ្យកុមារអង្គរ ខេត្តសៀមរាប ក្នុងគោលបំណងដើម្បីស្នាមញញឹម និងជួយសង្គ្រោះជីវិតកុមារនៅកម្ពុជា៕

អត្ថបទ៖ សេដ្ឋានី រូបភាព៖ បណ្តាញសង្គម

The post អ្នកគាំទ្រប្រមាណ ១០ម៉ឺននាក់ចូលរួមព្រឹត្តិការណ៍ Gumball 3000 Rally នៅភ្នំពេញ appeared first on Millions times.