នៅយប់ថ្ងៃទី០១ ខែមេសានេះតាមរយៈលិខិតមួយទំព័រប្រកាសលើបណ្តាញសង្គម Facebook ក្រសួងការពារជាតិ បានបញ្ជាក់ថា បុគ្គលឈ្មោះ ឈាវ មុន្និន មានឋានន្តរស័ក្តិថ្នាក់ឧត្តមសេនីយ៍ត្រី នៃក្រសួងការពារជាតិ បង្ហោះវិដេអូលើបណ្តាញ TikTok ឲ្យធ្វើឲ្យប៉ះពាល់កិត្តិយស សេចក្តីថ្លៃថ្នូរ របស់ក្រសួងការពារជាតិ និងកងយោធពលខេមរភូមិន្ទទាំងមូល។

តាមដានជាមួយយើង៖ Million Times

ដើម្បីធានាការអនុវត្តឱ្យបានម៉ឺងម៉ាត់នូវបទវិន័យ ក៏ដូចជាការរក្សាឱ្យបាននូវក្រមសីលធម៌វិជ្ជាជីវៈរបស់កងទ័ព រដ្ឋមន្តីក្រសួងការពារជាតិ លោក ទៀ សីហា បានសម្រេចចាត់តាំងឱ្យអង្គភាពជំនាញរៀបចំបង្កើតក្រុមប្រឹក្សាវិន័យ ក្នុងគោលបំណង ធ្វើការពិនិត្យ និងវាយតម្លៃនូវរាល់ទង្វើទាំងឡាយដែលបុគ្គលខាងលើនេះបានប្រព្រឹត្តខុសឆ្គង ដើម្បីដាក់ទណ្ឌកម្មឱ្យស្របទៅនឹងច្បាប់ ស្តីពីលក្ខន្តិកៈទូទៅចំពោះយោធិន នៃកងយោធពលខេមរភូមិន្ទ។

លោក ឈាវ មុន្និន ត្រូវ​បាន​គេ​ដឹង​ថា ​​ជា​ម្ចាស់​ហាង​ពេជ្រ​មួយ​កន្លែង​ឈ្មោះ​ថា ហាងមាសពេជ្រ មុន្និន ១៦៨ និងជា​អគ្គនាយក​ក្រុមហ៊ុន​អចលនទ្រព្យ មុន្និន ១៦៨។ លោក មុន្និន ទទួលបានគោរមងារឧកញ៉ា នៅថ្ងៃទី១៩ ខែធ្នូ ឆ្នាំ២០២២៕

អត្ថបទ៖ សាងតេជៈ រូបភាព៖ បណ្តាញសង្គម

The post រដ្ឋមន្រ្តី ទៀ សីហា ឲ្យដាក់ទណ្ឌកម្មឧត្តមសេនីយ៍ត្រី ឈាវ មុន្និន មានងារឧកញ៉ា លេង TikTok ធ្វើឲ្យប៉ះពាល់កិត្តិយសក្រសួងការពារជាតិ appeared first on Millions times.

នៅថ្ងៃសុក្រ ទី១៤ ខែមីនានេះ សមាគមឧកញ៉ាកម្ពុជាបានរៀបចំសន្និបាតបូកសរុបការងារឆ្នាំ២០២៤ និងលើកទិសដៅការងារ ឆ្នាំ២០២៥របស់ខ្លួន ដែលដឹកនាំដោយលោកអ្នកឧកញ៉ា លី យ៉ុងផាត់ ប្រធាន ខណៈនារសៀលថ្ងៃសុក្រនេះ សម្តេច ហ៊ុន ម៉ាណែត នាយករដ្ឋមន្ត្រី បានចូលរួមបិទសន្និបាតបូកសរុបការងារឆ្នាំ២០២៤ និងលើកទិសដៅការងារឆ្នាំ២០២៥ របស់សមាគមឧកញ៉ាកម្ពុជា។

តាមដានជាមួយយើង៖ Million Times

សមាគមឧកញ៉ាកម្ពុជា ហៅកាត់ថា ស.ឧ.ក. គឺជាស្ថាប័នឯកជនតែមួយគត់ ដែលតំណាង​ឱ្យ​រូបវន្ត​បុគ្គលដែលទទួលបានគោរមងារឧកញ៉ាទាំងអស់នៅកម្ពុជា។ សមាគមតំណាង​ឱ្យ​សំឡេងរួម សកម្មភាពសប្បុរសធម៌រួម និងគុណតម្លៃដ៏ឧត្តុង្គឧត្តម នៃគោរ​មងារ​ឧកញ៉ា​ដែលជា​សមាជិកទាំងអស់។

សមាគមឧកញ៉ាកម្ពុជា ត្រូវបានដាក់ឱ្យស្ថិតនៅក្រោមអភិបាលកិច្ចផ្នែកបច្ចេកទេសរបស់​ក្រុម​ប្រឹក្សា​អភិវឌ្ឍន៍កម្ពុជា ដែលមានសម្តេច ហ៊ុន សែន ជាប្រធានកិត្តិយស។ លើសពីនេះ សមាគមត្រូវបានទទួលស្គាល់មួយកម្រិតទៀតជាផ្លូវការរបស់​រាជរដ្ឋា​ភិបាល ដោយ​ផ្តោត​ជាសំខាន់លើភាពជាដៃគូរបស់រាជរដ្ឋាភិបាល ក្នុងការជំរុញលើក​កម្ពស់​សកម្មភាព​​ពាណិជ្ជ​កម្ម និងការវិនិយោគនៅកម្ពុជា។

សមាគមឧកញ៉ាកម្ពុជា មានទស្សនវិស័យរក្សា និងលើកកម្ពស់ឧត្តមភាពដដ៏ឧត្តុង្គឧត្តម​នៃគោរម​ងារឧកញ៉ា តាមរយៈការ ចូលរួមអភិវឌ្ឍន៍សង្គម និងសេដ្ឋកិច្ចកម្ពុជាប្រកប ដោយ​ចីរភាព និងបរិយា​ប័ន្ន បង្កើតបាននូវភាពសុខសាន្ត សុខដុមរមនា និងការរីក ចម្រើន​ខាងកម្រិតជីវភាពរបស់​ប្រជាពល​រដ្ឋបានល្អប្រសើរ​ដូចបណ្តាប្រទេស​អភិវឌ្ឍន៍នានា។

សមាគមឧកញ៉ាកម្ពុជា មានបេសកកម្មចម្បងៗដូចខាងក្រោម៖

១) ធ្វើជាតំណាងការពារផលប្រយោជន៍ស្របច្បាប់ កិត្តិយស និងសេចក្តីថ្លៃថ្នូររបស់ឧកញ៉ាដែលជាសមាជិក។

២) រួមគ្នាចូលរួមចំណែកក្នុងសកម្មភាពសង្គម និងសប្បុរសធម៌នានា ដើម្បីបង្កើនកិត្យានុភាព ឧត្តមភាព និងគុណធម៌របស់ឧកញ៉ាឱ្យកាន់តែខ្ពង់ខ្ពស់ថែមទៀត។

៣) លើកកម្ពស់ការគោរពច្បាប់ និងលិខិតបទដ្ឋានគតិយុត្តនានារបស់កម្ពុជា។

៤) បង្កើតវេទិកា សិក្ខាសាលា និងកម្មវិធីផ្សេងៗទាំងក្នុង និងក្រៅប្រទេស ដើម្បីលើកកម្ពស់ភាពជាដៃគូនៅក្នុងសកម្មភាពពាណិជ្ជកម្ម និងការវិនិយោគនៅក្នុងប្រទេសកម្ពុជា។

The post សមាគមឧកញ៉ាកម្ពុជា មានទស្សនវិស័យរក្សា និងលើកកម្ពស់ឧត្តមភាពគោរមងារឧកញ៉ា និងរកដៃគូវិនិយោគ appeared first on Millions times.

យោងព្រះរាជក្រឹត្យតាមសេចក្តីក្រាបបង្គំទូលថ្វាយរបស់សម្តេច ហ៊ុន ម៉ាណែត នាយករដ្ឋមន្រ្តី ត្រាស់បង្គាប់ផ្តល់គោរមងារ៖ ១- លោក ហោ សេរីវឌ្ឍន៍ ២- លោក សន សៀប ៣- លោក ជា មុនី ៤- លោកស្រី តាំង លីផេង ជា«ឧកញ៉ា»។ 

តាមដានជាមួយយើង៖ Million Times

លោក ហោ សេរីវឌ្ឍន៍

លោក ហោ សេរីវឌ្ឍន៍ ជាប្រធានក្រុមប្រឹក្សាភិបាល សមាគមវិនិយោគិន នវានុវត្តន៍និងអភិវឌ្ឍន៍ (IDI) ហើយក៏ជាសមាជិកគណៈកម្មាធិការកណ្តាលគណបក្សប្រជាជនកម្ពុជា សមាជិកគណៈអចិន្រ្តៃយ៍យុវជនគណបក្សថ្នាក់កណ្តាល និងជាប្រធានផ្នែកក្រៅប្រព័ន្ធនៃយុវជនគណបក្សថ្នាក់កណ្តាល។

រីឯលោក សន សៀប ជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ហើយក៏ជាប្រធានក្រុមប្រឹក្សា ភិបាលក្រុមហ៊ុនអចលនទ្រព្យចំនួន ២ទៀត។  ដោយឡែក លោក ជា មុនី មិនមានព័ត៌មានបញ្ជាក់ថាលោកកំពុងរកស៊ី និងដឹកនាំអាជីវកម្មឈ្មោះអ្វីមួយនោះទេ។

លោក សន សៀប

ចំណែកលោកស្រី តាំង លីផេង ជាអគ្គនាយិកាប្រតិបត្តិក្រុមហ៊ុន Advanced Glory Logistics (Cambodia) Co., Ltd. ស្វាមីលោកស្រីគឺឧកញ៉ា គួច ផេង អនុប្រធានសភាពាណិជ្ជកម្មកម្ពុជា និងនាយកប្រតិបត្តិក្រុមហ៊ុន ត្រាយអាំ លីង ឡូជីស្ទីក-ខេមបូឌា ព្រមទាំងស្ថាបនិក និងជាប្រធាន ក្រុមប្រឹក្សាភិបាលក្រុមហ៊ុន Advanced Glory Logistics Group (AGL) ៕

លោកស្រីតាំង លីផេង

អត្ថបទ៖ សាងតេជៈ រូបភាព៖ បណ្តាញសង្គម

The post ព្រះរាជក្រឹត្យមួយសន្លឹកអ្នកជំនួញ ៤រូប ត្រូវបានព្រះមហាក្សត្រ ត្រាស់បង្គាប់ជា«ឧកញ៉ា» appeared first on Millions times.

ក្នុង​ព្រះរាជក្រឹត្យ​ស្ដី​ពី​គោរមងារ​ឧកញ៉ា ដែល​ព្រះមហាក្សត្រ ព្រះ​ករុណា​ ព្រះបាទ​សម្ដេច​ព្រះ​បរមនាថ នរោត្តម សីហមុនី ឡាយ​ព្រះហស្តលេខា​លើ​ជំពូក​ទាំង ៩ ដែល​មាន​បទ​បញ្ញត្តិ​ទូទៅ​ជាច្រើន ក្នុង​នោះ នា​ជំពូកទី ៨ ក៏​បាន​ចែង​ពី​សិទ្ធិ និង​កាតព្វកិច្ច​របស់​លោក​អ្នក​ឧកញ៉ា អ្នក​ឧកញ៉ា និង​ឧកញ៉ា មានសិទ្ធិស្នើសុំឲ្យរាជរដ្ឋាភិបាលជួយដោះស្រាយបញ្ហាផ្សេងៗ។

តាមដានជាមួយយើង៖ Million Times

សិទ្ធិ និងកាតព្វកិច្ច ​របស់​លោក​អ្នក​ឧកញ៉ា អ្នក​ឧកញ៉ា និង​ឧកញ៉ា មាន​ដូច​ខាងក្រោម៖

១. ទទួល​បាន​នូវ​ការ​ផ្ដល់​ងារ​ជា​កិត្តិយស ការ​លើក​ទឹក​ចិត្ត និង​ឯកសណ្ឋាន​ផ្លូវការ ឬ​ការ​ចាត់តាំង​ក្នុង​មុខ​ងារ​ដែល​មិន​ត្រូវ​បាន​ហាមឃាត់​ក្នុង​ព្រះរាជក្រឹត្យ​នេះ និង​លិខិត​បទដ្ឋាន​គតិយុត្ត​ជា​ធរមាន

២. អាច​លើក​សំណូមពរ ឬ​សំណើ​ផ្សេង​ៗ​តាម​រយៈ​សមាគម​ឧកញ៉ា​កម្ពុជា មក​រាជរដ្ឋាភិបាល ដើម្បី​ពិនិត្យ និង​ដោះស្រាយ

៣. ចូល​រួម​ថែរក្សា ការពារ​វប្បធម៌ ប្រពៃណី និង​ទំនៀមទម្លាប់​ដ៏​ល្អ​របស់​ជាតិ

៤. ចូលរួម​លើក​កម្ពស់ កិច្ចការ​សង្គម និង​ការងារ​មនុស្ស​ធម៌​ផ្សេង​ៗ

៥. ចូលរួម​ផ្ដល់​ព័ត៌មាន​ដល់​សមាគម​ឧកញ៉ា​កម្ពុជា​ក្នុង​ការ​ធ្វើ​បច្ចុប្បន្នភាព​បញ្ជី​ឈ្មោះ​គោរមវន្ត។

ក្នុង​ជំពូក​ទី ៨ មាត្រា ១៧ ក៏​បាន​ចែង​យ៉ាង​ច្បាស់​ថា លោក​អ្នក​ឧកញ៉ា អ្នក​ឧកញ៉ា និង​ឧកញ៉ា ត្រូវ​គោរព​រដ្ឋធម្មនុញ្ញ ច្បាប់ និង​លិខិត​បទដ្ឋានគតិយុត្ត​នានា​របស់​ព្រះរាជាណាចក្រកម្ពុជា ប្រកាន់​ខ្ជាប់​នូវ​សីលធម៌​ល្អ ប្រកប​មុខរបរ​ស្របច្បាប់ និង​ចៀសវាង​សកម្មភាព​ណា​ដែល​ធ្វើ​ឲ្យ​ប៉ះពាល់​ដល់​កិត្តិយស និង​សេចក្ដី​ថ្លៃថ្នូរ​របស់​គោរមងារ​ឧកញ៉ា។

សូម​អាន​ព្រះរាជក្រឹត្យ ដូច​ខាងក្រោម ដើម្បី​ឲ្យ​យល់​កាន់តែ​ច្បាស់៖

The post លោកអ្នកឧកញ៉ា អ្នកឧកញ៉ា ឧកញ៉ា មានសិទ្ធិស្នើសុំឲ្យរាជរដ្ឋាភិបាលជួយដោះស្រាយបញ្ហាផ្សេងៗ appeared first on Millions times.

បុគ្គល​ឆ្នើម​ខាង​ជំនួញ​អនឡាញ​ភាគច្រើន​ជា​ស្ត្រី និង​ស្ថិត​នៅ​វ័យ​ក្មេង​ថែម​ទៀត​ផង។ ក្រោយ​ក្លាយជា​សេដ្ឋី​ប្រាក់​វាល់​លាន​ហើយ​នោះ អ្នក​ជំនួញ​ដែល​ជា​ស្ត្រី​ទាំង​នោះ​បាន​ប្រើ​ជីវិត​រស់នៅ​ក្នុង​ភូមិគ្រឹះ​ធំ​ៗ​របស់​របរ​ប្រើប្រាស់​សុទ្ធតែ​ជា​ប្រេន​ល្បី​ៗ​​លំដាប់​ពិភពលោក និង​ឡាន​ទំនើប​ជាច្រើន​គ្រឿង។ ប៉ុន្តែ​បើ​ទោះ​ជា​មុខ​របរ​ដើរ​ទៅ​មុខ​យ៉ាង​រលូន ជីវិត​ស្នេហា អ្នក​ជំនួញ​អនឡាញ​ខ្លះ បែរជា​មិន​សមប្រកប​ទៅវិញ។

តាមដានជាមួយយើង៖ Million Times

សម្រាប់​អ្នក​ជំនាញ​ស្ត្រី​ល្បី​ៗ​ប៉ុន្មាន​រូប​នេះ គឺ​អ្នក​ឧកញ៉ា អ៊ាន សៀវម៉ី, ម៉ាដាម ដា និង​សេដ្ឋី​គ្រឿង​អលង្ការ ទ្រី ដាណា។ សេដ្ឋី​នី ព្រម​ទាំង​មាន​ងារ​ជា​ឧកញ៉ា ទ្រី ដាណា ក្រោយ​លែងលះ​ជា​មួយ​ស្វាមី ដែល​ត្រូវ​គេ​ហៅ​ថា ពូ ម៉ៅ  មាន​​ហ្វេន​ជាច្រើន​ផ្គូផ្គង​ជាមួយ​តារា​សម្ដែង សេង មង្គល អស់​រយៈពេល ២ ឆ្នាំ។ ទី​បំផុត​កូន​កំលោះ គឺ​តារា​ម៉ូដែល និង​ជា​អ្នក​ធ្លាប់​ធ្វើការ​លើ​យន្តហោះ  រស់ រាជ្ជសាល ទៅ​វិញ​សោះ។ គិត​មក​ទល់​​ពេល​នេះ​ជិត​១​ឆ្នាំ​ហើយ ដែល​ថៅកែ​ពេជ្រ ទ្រី ដាណា បាន​បញ្ចប់​ឈ្មោះ​ជា​ស្ត្រី​មេម៉ាយ​រៀប​ការ​នឹង​កំលោះ​សង្ហា រស់ រាជ្ជសាល កាល​ពីថ្ងៃទី ៣ ខែ​ធ្នូ ឆ្នាំ ២០២៣ កន្លងទៅ។ បន្ទាប់​ពី​រៀបការ​យ៉ាង​អធិកអធម អ្នក​ទាំង​២ បាន​រស់នៅ​យ៉ាង​មាន​សុភមង្គល​ក្រោម​ទ្រនំ​ធ​ស្កឹមស្កៃ។   

គូ​បន្ទាប់​គឺ​អ្នក​ជំនួញ​រាង​តូច​ច្រឡឹង ម៉ាដាម ដា។ ក្រោយ​បែក​គ្នា​ពី​គូស្នេហ៍​ភេទ​ដូចគ្នា​ដែល​ខំ​តស៊ូ​តាំងពី​បាតដៃ​ទទេ​ជាមួយ​គ្នា​ជាង ៨ ឆ្នាំ ថៅកែ​គ្រឿង​ថែរក្សា​សម្រស់​រូប​នេះ បាន​ប្រកាស​ទី​ពី​ទំនាក់​ទំនង​ជា​មួយ​តារា​សម្ដែង​ប្រុស​រូប​សង្ហា ប៊ឺរី ហើយ​ក៏​កំពុង​រក​មើល​វីឡា ដើម្បី​រស់នៅ​ជាមួយ​គ្នា ក្រោយ​រៀបការ។ 

ងាក​មក​គូ​សេដ្ឋី​នី ជាមួយ​តារា​សម្ដែង​សាច់​ដុំ​ធំ​ៗ រាង​ខ្ពស់​ស្រឡះ អ៊ាន សៀវម៉ី និង ប៉ែន ភក្ត្រសុធារិទ្ធ បាន​បើក​ចំហ​ចំណង​ស្នេហ៍​ក្រោយ​ទាក់ទង​គ្នា​មួយ​រយៈ ហើយ​ក៏​ត្រៀម​រៀបការ​ឆាប់​ៗ​នេះ​ដូច​គូ ម៉ាដាម ដា និង ប៊ឺរី ផងដែរ ដោយ​គេ​សង្កេត​ឃើញ​ថា ភក្ត្រសុធារិទ្ធ និង​អ្នក​អនឡាញ​ល្បី​ឈ្មោះ សៀវម៉ី តែង​តែ​បង្ហាញ​ភាព​ផ្អែមល្ហែម​លើ​បណ្ដាញ​សង្គម​ជា​ញឹកញាប់ ហើយ​ខាង​ស្រី​ក៏​តែងតែ​ចេញ​មុខ​ការពារ​អ្នក​រិះគន់​ខ្លួន និង​គូស្នេហ៍​ផង​ដែរ។ ឧកញ៉ា សៀវម៉ី ក្រោយ​មាន​ពាក្យ​ចចាមអារាម​ស្នេហា ​ក៏បាន​ចេញ​មក​មក​ប្រកាស​ថា  ប៉ែន ភក្ត្រសុធារិទ្ធ មិនមែន​ជា BA ឬ​ថត​បទ​ចម្រៀង​ជាមួយ​គ្នា​ឡើយ ពោល​គឺ​ជា​គូស្នេហ៍​តែម្ដង។

អ្វី​ដែល​កាន់តែ​ធ្វើឲ្យ​អ្នក​តាមដាន​ជីវិត​ហាយសូ​របស់​អ្នក​ជំនួញ​អនឡាន​នៅ​កម្ពុជា គឺ​ថ្មី​ៗ​នេះ​ឧកញ៉ា Loveriya  ដែល​មានឈ្មោះ​ពិត​ថា ឆេង ស្រីរ័ត្ន បាន​លែងលះ​ស្វាមី​ដាច់ស្រេច ហើយ​ខាង​ប្រុស​ក៏​បាន​រើ​ចេញ​ពី​វីឡា​ផង​ដែរ។ អ្នក​លេង​បណ្ដាញ​សង្គម​បាន​ចាំ​សង្កេត​មើល​ថា តើ​ឧកញ៉ា ដែល​ទើប​សម្ញែង​​រថយន្ត​ស៊េរី​ទំនើប ៨ គ្រឿង មាន​តម្លៃ​ជាង ៣ លានដុល្លារ​អាមេរិក នោះ​ដើរ​តាម​គន្លង​អ្នក​ជំនួញ​អនឡាន​ស្រ្តី​ល្បី​ឈ្មោះ​ដូច​គ្នា ៣ រូប​ខាង​លើ ឬ​ក៏​ស្រុះស្រួល​ត្រូវរ៉ូវ​គ្នា​វិញ​ជា​មួយ​ស្វាមី លោកហេង គឹមហៀង ដែល​មាន​តួនាទី​ជា​ប៉ូលិស ឬ​យ៉ាង​ណា​នោះ​ទេ៕

អត្ថបទ៖ នារ៉ាវី រូបភាព៖ បណ្តាញសង្គម

The post សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង appeared first on Millions times.