តាមដានជាមួយយើង៖ Million Times

ក្នុង​ឱកាស​នោះ អ្នកឧកញ៉ា ឡេង ណាវ៉ាត្រា បាន​បង្ហាញ​នូវ​វឌ្ឍន​ភាព​ការ​សាងសង់​បុរី ឡេង ណាវ៉ាត្រា ដែល​ក្រុម​ការងារ​សាង​សង់​នៅតែ​បន្ត​យ៉ាង​សកម្ម ដើម្បី​ពន្លឿន​បញ្ចប់​ការ​សាងសង់​ជូន​ដល់​អតិថិជន។ អ្នកឧកញ៉ា​បាន​ឲ្យ​ដឹង​ថា ត្រឹមថ្ងៃទី១៦ ខែ​មករា ឆ្នាំ ២០២៥នេះ គម្រោង​បុរី ឡេង ណាវ៉ាត្រា 6A បាន​លក់​ផ្ទះ​សរុប ៥ ៥៦៣ ផ្ទះ និង​ផ្ទះ​ដែល​បាន​ដោះស្រាយ​បញ្ចប់ ១០០ ភាគរយ បាន​ចំនួន ២ ៥៩៩ ផ្ទះ និង​បាន​ប្រគល់​ជូន​អតិថិជន​រួចរាល់។ ចំណែក​នៅ​សល់​ជាង ២ ពាន់​ផ្ទះ​ផ្សេងទៀត កំពុង​ដំណើរ​ការសាងសង់ នឹង​បញ្ចប់​ជា​បន្តបន្ទាប់។

អ្នកឧកញ៉ាឡេង ណាវ៉ាត្រា មាន​ប្រសាសន៍ថា៖ “នៅសល់ជាង ២ ពាន់ផ្ទះផ្សេងទៀត ដែល​ផ្ទះ​ខ្លះ​កំពុង​ឡើង​ឆ្អឹង ផ្ទះ​ខ្លះ​កំពុង​បូក ផ្ទះ​ខ្លះ​ទៀត​កំពុង​បិទ​ការ៉ូ ដោយ​ប្រចាំ​ថ្ងៃនេះ យើង​បញ្ចប់​បាន​ប្រមាណ ១០ ផ្ទះ​ក្នុង១ថ្ងៃ”។

អ្នកឧកញ៉ា ឡេង ណាវ៉ាត្រា ទទួល​ស្គាល់​ថា គម្រោង​មាន​ភាព​យឺតយ៉ាវខ្លះ សម្រាប់​អតិថិជន តែ​យ៉ាង​ណា​អ្នកឧកញ៉ា ក៏​ដូចជា​ក្រុម​ការងារ​ផ្ទាល់​បាន​ព្យាយាម​ប្រឹងប្រែង​បញ្ចប់​ជូន​ដល់​អតិថិជន​ឲ្យ​បាន​គ្រប់​ៗគ្នា ហើយ​បើ​មិន​មាន​ការ​រាំងស្ទះ​ណា​មួយ​ទេ។

“ជា​រួម​គម្រោង​ទាំង​ជាង ៥ ពាន់​ផ្ទះ​នេះ យើង​នឹង​បន្ត​ធ្វើ​ជា​រៀង​រហូត ហើយ​បន្ត​ធ្វើ​ឲ្យ​បញ្ចប់​ទាំងស្រុង ១០០ ភាគរយ ទោះ​បើជា​គម្រោង​តម្លៃ​ទាប​ក៏ដោយ ចំពោះ​គុណ​ភាព​ទាំង​គ្រឹះ សំណង់ និង​សោភ័ណភាព គឺ​យើង​ពិតជា​បាន​យក​ចិត្ត​ទុក​ដាក់​ណាស់ ដោយ​យើង​ធានា​គុណភាព​រហូតដល់ ៤ ឆ្នាំ ដែល​នេះជា​ការទទួលខុសត្រូវរបស់ម្ចាស់គម្រោង”។ នេះជា​ការអះអាងបន្ថែមរបស់អ្នកឧកញ៉ា ឡេង ណាវ៉ាត្រា។

បន្ថែមពីនេះ អ្នកឧកញ៉ាឡេង ណាវ៉ាត្រា ក៏បានថ្លែងអំណរគុណដល់អតិថិន ដែល​បាន​យោគយល់​កន្លង​មក ចំពោះ​ភាព​យឺតយ៉ាវ​ខ្លះ​ក្នុង​ការ​សាងសង់ និង​បណ្ណ​កម្មសិទ្ធិ ដោយ​ក្រុមហ៊ុន​បាន​ដោះស្រាយ​ជាមួយ​ភាគី​ពាក់ព័ន្ធ ជាពិសេស​ការ​ជួយ​សម្របសម្រួល​ពី​ក្រសួងរៀបចំដែនដី ដែល​ធ្វើឲ្យ​គម្រោង​បុរី ឡេង ណាវ៉ាត្រា 6A ទាំងមូល ដំណើរ​ការ​ទៅ​មុខ​ដោយរលូន៕

រូបភាព៖ ផ្ដល់ឲ្យ

The post អ្នកសារព័ត៌មានច្រើនស្ថាប័នទស្សនកិច្ចវឌ្ឍនភាពគម្រោងបុរី ឡេង ណាវ៉ាត្រា 6A ដែលបញ្ចប់បាន ២ ៥៩៩ ផ្ទះ appeared first on Millions times.