អ្នកឧកញ៉ា គិត ម៉េង Archives - Millions times

គិត ស៊ូណាវីន កូនស្រីសេដ្ឋី គិត ម៉េង បញ្ចប់ការសិក្សានៅសាលាអន្តរជាតិសៅប្រ៊ីដកម្ពុជា របស់លោកឪពុក

Vin Chang — Tue, 09 Jun 2026 06:47:26 +0000

កញ្ញា គិត ស៊ូណាវីន ដែលជាកូនស្រីទី ៣ របស់អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន បានបញ្ចប់ការសិក្សាថ្នាក់វិទ្យាល័យហើយ នៅសាលាអន្តរជាតិសៅប្រ៊ីដកម្ពុជា ដែលជាបុត្រសម្ព័ន្ធរបស់រ៉ូយ៉ាល់ គ្រុប របស់ឪពុកផ្ទាល់តែម្ដង។

តាមដានជាមួយយើង៖ Million Times

នាថ្ងៃបញ្ចប់ការសិក្សារបស់កូនស្រីបណ្ដូលចិត្ត អ្នកឧកញ៉ា គិត ម៉េង និងគ្រួសារទាំងមូល បានទៅផ្ដល់កម្លាំងចិត្ត និងបង្ហាញការគាំទ្រដែលយុវតីរូបនេះសម្រេចបាននូវជំហានថ្មីក្នុងជីវិត។ ការអបអរសាទរការបញ្ចប់ការសិក្សាថ្នាក់វិទ្យាល័យរបស់ ស៊ូណាវីន ធ្វើឲ្យគ្រួសារសេដ្ឋីនៃរ៉ូយាល់ គ្រុប សប្បាយរីករាយមែនទែន។

ក្នុងនោះមានទាំងសមាជិកគ្រួសារទាំងអស់បានរៀបចំតុបតែងខ្លួនយ៉ាងសមសួនក្នុងនាម ចំណែកសាមីខ្លួនក៏អស្ចារ្យក្នុងទឹកមុខស្រស់ថ្លា និងសក្ដិសមជាយុវតីសម័យថ្មីក្នុងត្រកូលសេដ្ឋីប្រចាំស្រុកខ្មែរ។

គិត ស៊ូណាវីន ក៏ជាម្ចាស់សម្រង់សម្ដី “អ្នកពុំចាំបាច់ត្រូវការដឹងច្បាស់ពីអនាគតរបស់អ្នកនឹងទៅជាយ៉ាងណានោះទេ។ អ្នកគ្រាន់តែចាប់ផ្ដើមបោះជំហានទៅមុខ ហើយការបញ្ចប់ការសិក្សាថ្នាក់វិទ្យាល័យ គឺជាជំហានដំបូងរបស់អ្នកទៅកាន់ឱកាស និងបទពិសោធថ្មីៗ”៕

អត្ថបទ៖ ឆដា, រូបភាព៖ Neak Oknha Kith Meng

The post គិត ស៊ូណាវីន កូនស្រីសេដ្ឋី គិត ម៉េង បញ្ចប់ការសិក្សានៅសាលាអន្តរជាតិសៅប្រ៊ីដកម្ពុជា របស់លោកឪពុក appeared first on Millions times.

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្លែងអំណរគុណឧកញ៉ា គិត ស៊ូឡា ឧបត្ថម្ភថវិកា ១ ៥៥៥ ៥៥៥ ដុល្លារ ជូនកាកបាទក្រហមកម្ពុជា

Vin Chang — Tue, 28 Apr 2026 07:17:16 +0000

ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្លែងអំណរគុណយ៉ាងជ្រាលជ្រៅបំផុតចំពោះ ឧកញ៉ា គិត ស៊ូឡា អគ្គនាយកប្រតិបត្តិក្រុមហ៊ុន Royal Group International Company និងត្រូវជាកូនប្រុសអ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន គិតម៉េង ម្ចាស់ក្រុមហ៊ុន Royal Group ដែលបានឧបត្ថម្ភថវិកា ១ ៥៥៥ ៥៥៥ដុល្លារ ជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

តាមដានជាមួយយើង៖ Million Times

កាកបាទក្រហមកម្ពុជា បានអំពាវនាវចំពោះ សម្ដេច ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។

ការចូលរួមឧបត្ថម្ភគាំទ្រការងារមនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

កាកបាទក្រហមកម្ពុជា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួស និងពលីក្នុងសមរភូមិ៕

អត្ថបទ៖ ឆដា, រូបភាព៖ អ៊ីនធឺណេត

The post សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្លែងអំណរគុណឧកញ៉ា គិត ស៊ូឡា ឧបត្ថម្ភថវិកា ១ ៥៥៥ ៥៥៥ ដុល្លារ ជូនកាកបាទក្រហមកម្ពុជា appeared first on Millions times.

អ្នកឧកញ៉ា គិត ម៉េង ដឹកនាំកិច្ចប្រជុំវិស័យឯកជន ស្វែងរកដំណោះស្រាយបង្កើនប្រសិទ្ធភាព វិស័យថាមពលនៅកម្ពុជា ខណៈតម្លៃប្រេងឥន្ធនៈ និងឧស្ម័ន កើនឡើងជាសកល

Vin Chang — Wed, 08 Apr 2026 09:45:32 +0000

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ .ជ) បានដឹកនាំកិច្ចប្រជុំជាមួយតំណាងវិស័យឯកជន ដើម្បីពិភាក្សា «បញ្ហាប្រឈម និងដំណោះស្រាយយុទ្ធសាស្ត្រ ក្នុងការបង្កើនប្រសិទ្ធភាពវិស័យប្រេងឥន្ធនៈ ឧស្ម័ន និងថាមពលនៅកម្ពុជា» ខណៈដែលតម្លៃប្រេងឥន្ធនៈ និងឧស្ម័នកើនឡើងជាសកល។

តាមដានជាមួយយើង៖ Million Times

កិច្ចប្រជុំនេះ ត្រូវបានរៀបចំឡើងនៅព្រឹកថ្ងៃ ៨ ខែមេសា ឆ្នាំ២០២៦ នៅអគារវីងថាវើ មានការចូលរួមពីអនុប្រធានសភាពាណិជ្ជកម្មកម្ពុជា ប្រធានសភាពាណិជ្ជកម្មតាមបណ្ដាខេត្ត តំណាងក្រុមការងារទាំង ១៦ ផ្នែកឯកជន ក៏ដូចជាតំណាងសហគមន៍ធុរកិច្ចជាតិ និងអន្តរជាតិ និងម្ចាស់ក្រុមហ៊ុនមកពីវិស័យថាមពល ដឹកជញ្ជូន វាយនភណ្ឌ និងវិស័យពាក់ព័ន្ធផ្សេងៗទៀត។

ក្នុងកិច្ចប្រជុំនេះ វិស័យឯកជន បានលើកឡើងពីបញ្ហាប្រឈមជាចម្បង ដែលបណ្ដាលមកពីការកើនឡើងនៃតម្លៃប្រេង និងឧស្ម័ន បានប៉ះពាល់ដល់ថ្លៃដើមផលិតកម្ម និងការប្រកួតប្រជែងអាជីវកម្ម។ ពួកគេបានស្នើឲ្យសភាពាណិជ្ជកម្មកម្ពុជា ជួយស្វែងរកដំណោះស្រាយ និងនាំយកបញ្ហាទាំងនេះទៅដល់ក្រសួងស្ថាប័នពាក់ព័ន្ធ និងរាជរដ្ឋាភិបាល ដើម្បីពិចារណាដាក់ចេញវិធានការសមស្របក្នុងអំឡុងពេលមានសម្ពាធតម្លៃសកល។

តំណាងក្រុមហ៊ុនមួយចំនួន ក៏បានស្នើឲ្យរាជរដ្ឋាភិបាល តាមរយៈសភាពាណិជ្ជកម្មកម្ពុជា ពិចារណាព្យួរការយកថ្លៃសេវាប្រើប្រាស់អគ្គិសនីសម្រាប់រោងចក្រដែលប្រើប្រាស់ថាមពលពន្លឺព្រះអាទិត្យ (សូឡា) ជាបណ្ដោះអាសន្ន និងពិចារណាបង្កើនទម្ងន់ផ្ទុកទំនិញ សម្រាប់ការដឹកជញ្ជូន ដើម្បីកាត់បន្ថយចំណាយលើការដឹកជញ្ជូនទំនិញ និងកសិផល។

ក្នុងឱកាសនោះ អ្នកឧកញ៉ា គិត ម៉េង បានជំរុញឲ្យវិស័យឯកជនចូលរួមយ៉ាងសកម្មក្នុងការស្វែងរកដំណោះស្រាយ ដើម្បីពង្រឹងសន្តិសុខថាមពល និងភាពធន់សេដ្ឋកិច្ចរបស់កម្ពុជា ខណៈកម្ពុជា កំពុងប្រឈមនឹងភាពមិនប្រាកដប្រជាជាសកល និងបញ្ហាប្រឈមក្នុងតំបន់។

អ្នកឧកញ៉ា បានបញ្ជាក់ថា វិស័យថាមពល គឺជាសសរស្ដម្ភសំខាន់នៃសេដ្ឋកិច្ចកម្ពុជា ប៉ុន្តែកំពុងប្រឈមនឹងសម្ពាធពីការប្រែប្រួលតម្លៃសកល និងការរំខានខ្សែសង្វាក់ផ្គត់ផ្គង់។ ការកើនឡើងតម្លៃប្រេង និងឧស្ម័ន ដោយសារជម្លោះនៅតំបន់មជ្ឈិមបូព៌ា បានប៉ះពាល់ដោយផ្ទាល់ដល់ថ្លៃដើមផលិតកម្ម និងសកម្មភាពអាជីវកម្មនៅក្នុងប្រទេស៕

អត្ថបទ៖ ឆដា, រូបភាព៖ cnc

The post អ្នកឧកញ៉ា គិត ម៉េង ដឹកនាំកិច្ចប្រជុំវិស័យឯកជន ស្វែងរកដំណោះស្រាយបង្កើនប្រសិទ្ធភាព វិស័យថាមពលនៅកម្ពុជា ខណៈតម្លៃប្រេងឥន្ធនៈ និងឧស្ម័ន កើនឡើងជាសកល appeared first on Millions times.

២ខែដើមឆ្នាំ តំបន់សេដ្ឋកិច្ចពិសេសរ៉ូយ៉ាល់ គ្រុប នាំចេញបានជាង ៣០០លានដុល្លារ កើនឡើងជិត១៤%

Virak វីរៈ — Thu, 26 Mar 2026 06:04:25 +0000

ក្នុងរយៈពេល ២ខែ (មករា-កុម្ភៈ) ដើមឆ្នាំ២០២៦នេះ ការនាំចេញផលិតផលពីតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (RGPPSEZ) មានចំនួន ៣២៥,៣៦លានដុល្លារ កើនឡើង១៣,៨% ឬស្មើជាង ៤០លានដុល្លារ បើប្រៀបធៀបនឹងរយៈពេលដូចគ្នា កាលពីឆ្នាំ២០២៥ ដែលការនាំចេញមានចំនួន ២៨៥,៨៧ដុល្លារ។

តាមដានជាមួយយើង៖ Million Times

កាលពីឆ្នាំ២០២៥ តំបន់សេដ្ឋកិច្ចពិសេសមួយនេះ បានកត់ត្រាចំណូលសរុបចំនួនទឹកប្រាក់ ៤១,២ លានដុល្លារអាមេរិក និងប្រាក់ចំណេញសុទ្ធចំនួន ៨,១លានដុល្លារអាមេរិក ដែលស្មើនឹងអត្រាផលចំណេញសុទ្ធ ១៩,៧% ដ៏ល្អប្រសើរ។

ចំពោះនិន្នាការកើនឡើង នេះឆ្លុះបញ្ចាំងពីការពង្រីកសមត្ថភាពផលិតកម្មជាបន្តបន្ទាប់ និងការពង្រឹងសកម្មភាពខ្សែសង្វាក់ផ្គត់ផ្គង់នៅក្នុងតំបន់។ នេះបើតាមការបង្ហោះនៅលើហ្វេសប៊ុក Royal Group Phnom Penh SEZ កាលពីថ្ងៃទី២៤ ខែមីនាកន្លងទៅនេះ។

RGPPSEZ នៅតែជាអ្នករួមចំណែកដ៏សំខាន់មួយ ចំពោះការបង្កើតឱកាសការងារ និងការអភិវឌ្ឍសេដ្ឋកិច្ចសង្គម នៅក្នុងប្រទេសកម្ពុជា។ គិតត្រឹមខែកុម្ភៈ ឆ្នាំ២០២៦ តំបន់សេដ្ឋកិច្ចពិសេស បានផ្តល់ឱកាសការងារដល់កម្មករ-កម្មការិនីចំនួន ៥៥ ៩៣៥នាក់ ដែលគាំទ្រដល់ជីវភាពរស់នៅ និងរួមចំណែកដល់ការអភិវឌ្ឍកម្លាំងពលកម្មជំនាញ។

អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក បានមានប្រសាសន៍ថា ការរីកចម្រើនជាបន្តបន្ទាប់ និងប្រតិបត្តិការឈានទៅមុខជាលំដាប់របស់ RGPPSEZ គឺបានឆ្លុះបញ្ចាំងពីទំនុកចិត្តដែលតំបន់សេដ្ឋកិច្ចពិសេសរបស់លោក បានទទួលពីវិនិយោគិន និងការខិតខំប្រឹងប្រែងរបស់ភាគីពាក់ព័ន្ធទាំងអស់ នៅក្នុងតំបន់នេះ។

ក្នុងនាមជាអ្នកជំនួញមួយរូប អ្នកឧកញ៉ា គិត ម៉េង មោទនភាពជាខ្លាំងក្នុងការចូលរួមចំណែកដល់ការអភិវឌ្ឍសេដ្ឋកិច្ចរបស់ប្រទេសកម្ពុជា ដោយការគាំទ្រដល់ការពង្រីកវិស័យឧស្សាហកម្ម កំណើនពាណិជ្ជកម្ម និងការបង្កើតឱកាសការងារ។

ដោយសម្លឹងទៅមុខជានិច្ច អ្នកឧកញ៉ា បានប្តេជ្ញាចិត្តក្នុងការកែលម្អហេដ្ឋារចនាសម្ព័ន្ធរបស់ខ្លួនបន្ថែមទៀត ពង្រឹងគុណភាព សេវាកម្ម និងទាក់ទាញការវិនិយោគ ដែលមានតម្លៃបន្ថែមខ្ពស់៕

អត្ថបទ៖ វីរៈ រូបភាព៖ Royal Group Phnom Penh SEZ

The post ២ខែដើមឆ្នាំ តំបន់សេដ្ឋកិច្ចពិសេសរ៉ូយ៉ាល់ គ្រុប នាំចេញបានជាង ៣០០លានដុល្លារ កើនឡើងជិត១៤% appeared first on Millions times.

អ្នកឧកញ៉ា គិត ម៉េង មានមោទនភាពចំពោះវឌ្ឍនភាពទូរទស្សន៍ CTN បង្កើតឡើងកាលពី ២៣ឆ្នាំមុន

Virak វីរៈ — Tue, 03 Mar 2026 05:59:33 +0000

អ្នកឧកញ៉ា គិត ម៉េង បានបង្ហាញមោទនភាពចំពោះវឌ្ឍនភាពរបស់ស្ថានីយទូរទស្សន៍ CTN ដែលលោកបានបង្កើតឡើងកាលពីខែមីនា ឆ្នាំ២០០៣កន្លងទៅនេះ។

តាមដានជាមួយយើង៖ Million Times

តាមរយៈហ្វេសប៊ុកផ្លូវការ នៅថ្ងៃទី៣ ខែមីនានេះ អ្នកឧកញ៉ា បានសរសេរថា កាលពី ២៣ឆ្នាំមុន CTN បានចាប់ផ្តើមពីស្ថានីយទូរទស្សន៍តូចមួយក្នុងស្រុក ដោយ CTN ធ្លាប់ត្រូវបានទទួលស្គាល់ថា ជាស្ថាប័នប្រព័ន្ធផ្សព្វផ្សាយដំបូងគេបង្អស់របស់ប្រទេសកម្ពុជា ដែលផ្សាយទៅកាន់ពិភពលោក។

ដំណើរប្រតិបត្តិការដ៏វែងឆ្ងាយនេះបានរំឭកអ្នកឧកញ៉ា ពីសមិទ្ធផលដែលទូរទស្សន៍មួយនេះសម្រេចបាន មិនត្រឹមតែជាក្រុមហ៊ុនមួយប៉ុណ្ណោះទេ។ ប៉ុន្តែក៏ជាប្រទេសមួយដែលពិភពលោកបានឮ និងមើលឃើញផងដែរ។

អគ្គនាយករូបនេះ បានបន្ថែមថា CTN បានក្លាយជាសមាជិកនៃសម្ព័ន្ធទូរទស្សន៍កម្ពុជា និងក្រុមហ៊ុនបណ្តាញផ្សព្វផ្សាយកម្ពុជា (CBS) ហើយមានកម្មវិធីអប់រំ បំផុសគំនិត និងបានក្លាយជាផ្នែកមួយនៃជីវិតប្រចាំថ្ងៃរបស់គ្រួសារខ្មែររាប់លាននាក់។

អ្នកឧកញ៉ា គិត ម៉េង បានបន្ថែមទៀតថា សមិទ្ធផលទាំងនេះមិនមែនសម្រេចបានដោយសារតែមនុស្សម្នាក់នោះទេ ប៉ុន្តែដោយសារការខិតខំទាំងកម្លាំងកាយ កម្លាំងចិត្តរបស់ក្រុមការងារទាំងអស់ ប្រកបដោយភាពស្ងប់ស្ងាត់ ដោយទំនុកចិត្តពីដៃគូ និងភក្តីភាពរបស់ទស្សនិកជន ដោយអ្នកឧកញ៉ាពិតជាដឹងគុណយ៉ាងជ្រាលជ្រៅ។

ជាមួយគ្នានេះ ក្នុងនាមជាអគ្គនាយក អ្នកឧកញ៉ា គិត ម៉េង មានមោទនភាពចំពោះវឌ្ឍនភាពរបស់ស្ថានីយទូរទស្សន៍ CTN ភាពឱនលំទោនក្នុងការទទួលខុសត្រូវ ហើយអ្នកឧកញ៉ាមានទំនុកចិត្តលើភាពរីកចម្រើននៃប្រព័ន្ធផ្សព្វផ្សាយកម្ពុជា។

អគ្គនាយកស្ថានីយទូរទស្សន៍ CTN បានលើកឡើងថា «គោលដៅអនាគតរបស់យើង គឺបន្តភាពរីកចម្រើនប្រកបដោយអត្ថន័យ ភាពច្នៃប្រឌិតចេញពីបេះដូង និងចែករំលែករឿងរ៉ាវដែលលើកតម្កើងប្រជាជនយើង និងបង្ហាញពីអត្តសញ្ញាណរបស់យើង»។

អ្នកឧកញ៉ា គិត ម៉េង លើកឡើងទៀតថា ស្ថានីយទូរទស្សន៍ CTN សម្រេចបានសមិទ្ធផលជាច្រើនក្នុងដំណើរកន្លងមក ហើយ CTN រក្សាការខិតខំប្រឹងប្រែងដ៏មានអត្ថន័យទៅថ្ងៃអនាគតបន្តទៀត៕

អត្ថបទ៖ វីរៈ រូបភាព៖ ហ្វេសប៊ុកអ្នកឧកញ៉ា គិត ម៉េង

The post អ្នកឧកញ៉ា គិត ម៉េង មានមោទនភាពចំពោះវឌ្ឍនភាពទូរទស្សន៍ CTN បង្កើតឡើងកាលពី ២៣ឆ្នាំមុន appeared first on Millions times.

មហាសេដ្ឋី គិត ម៉េង បង្ហោះសារផ្អែមល្ហែមជូនពរភរិយាក្នុងឱកាសខួបកំណើត

Virak វីរៈ — Sat, 21 Feb 2026 03:51:18 +0000

អ្នកឧកញ៉ា គិត ម៉េង ដែលជាមហាសេដ្ឋីក្ដោបក្ដាប់មុខជំនួញធំៗនៅកម្ពុជា នៅព្រឹកថ្ងៃទី២១ ខែកុម្ភៈ ឆ្នាំ២០២៦នេះ បានបង្ហោះសារផ្អែមល្ហែមមួយ ដើម្បីជូនពរភរិយារបស់ខ្លួនគឺអ្នកឧកញ៉ា ម៉ៅ ចំណាន ក្នុងឱកាសខួបកំណើត។

តាមដានជាមួយយើង៖ Million Times

តាមរយៈទំព័រហ្វេសប៊ុករបស់ខ្លួន អ្នកឧកញ៉ា គិត ម៉េង អគ្គនាយកក្រុមហ៊ុនរ៉ូយ៉ាល់គ្រុប បានសរសេរថា «រីករាយថ្ងៃកំណើតអូន ចំណាន ភរិយាជាទីស្រទ្បាញ់របស់បងដែលជាអ្នកផ្តល់ភាពរីករាយបំផុត និងភាពកក់ក្តៅដល់បង! ប្រសិនបើបងត្រូវជ្រើសរើសម្តងទៀត បងនៅតែជ្រើសរើសអូន ចំណាន នៅគ្រប់ជីវិតបង និងគ្រប់កាលៈទេសៈ»។

អ្នកឧកញ៉ា បានសរសេរបន្តថា «អូនបានធ្វើឱ្យជីវិតបងមានផាសុក សុវត្ថិភាពផ្លូវចិត្ត ធ្វើឱ្យសកម្មភាពប្រចាំថ្ងៃរបស់បងមានអត្ថន័យ និងផ្តល់ការយកចិត្តទុក និងក្តីស្រទ្បាញ់ដ៏ជ្រាលជ្រៅលើសពីការគិតរបស់បង។ អូនបានផ្តល់ឱ្យបងនូវកូនដ៏ល្អបួននាក់ ហើយអូននៅតែមានចិត្តសប្បុរស និងក្តីស្រទ្បាញ់ចំពោះអ្នកដទៃក្រៅពីគ្រួសារផងដែរ»។

អគ្គនាយកក្រុមហ៊ុនរ៉ូយ៉ាល់គ្រុប បានបន្ថែមថា អ្នកឧកញ៉ា ឃើញភរិយារបស់ខ្លួនដឹកនាំសមាគមសិល្បករខ្មែរ គឺដូចជាឃើញនូវសេចក្តីសប្បុរសដែលបង្ហាញផ្លូវដល់មនុស្សគ្រប់រូប។ អ្នកឧកញ៉ាថា «អូនលើកតម្កើងសិល្បករ ការពារវប្បធម៌ និងធ្វើឱ្យវប្បធម៌ និងសិល្បៈខ្មែរដ៏ល្អផូរផង់នៅតែរស់រវើកសម្រាប់មនុស្សជំនាន់ក្រោយ។ អូនដឹកនាំ និងសម្រេចបានសមិទ្ធផលនេះដោយភាពថ្លៃថ្នូរ និងស្ងប់ស្ងាត់។ និយាយដោយត្រង់ទៅ បងពិតជាកោតស្ញប់ស្ញែងចំពោះគុណសម្បត្តិរបស់អូន»។

មហាសេដ្ឋីរូបនេះ បានបន្ថែមទៀតថា «នៅថ្ងៃខួបកំណើតរបស់អូន បងសូមអរគុណអូនចំពោះក្តីស្នេហ៍ ភាពអត់ធ្មត់ ចិត្តសប្បុរសរបស់អូនចំពោះបង និងអ្វីៗគ្រប់យ៉ាងដែលអូនធ្វើដើម្បីបង។ ប្រតិព័ទ្ធរបស់អូនចំពោះបងគឺជាកិត្តិយស និងព្រេងសំណាងដ៏អស្ចារ្យដែលបងទទួលបាន»។

ជាចុងក្រោយ អ្នកឧកញ៉ា គិត ម៉េង បានសរសេរជូនពរភរិយារបស់ខ្លួនក្នុងឱកាសខួបកំណើតថា «សូមឱ្យឆ្នាំនេះនាំមកនូវក្តីស្រទ្បាញ់ ភាពរីករាយឱ្យកាន់តែច្រើនដល់អូន ដូចដែលអូនបានផ្តល់មកឱ្យយើងទាំងអស់គ្នា»៕

អត្ថបទ៖ វីរៈ រូបភាព៖ ហ្វេសប៊ុកអ្នកឧកញ៉ា គិត ម៉េង

The post មហាសេដ្ឋី គិត ម៉េង បង្ហោះសារផ្អែមល្ហែមជូនពរភរិយាក្នុងឱកាសខួបកំណើត appeared first on Millions times.

អ្នកឧកញ៉ា គិត ម៉េង អំពាវនាវឱ្យផ្នែកឯកជនទាំងអស់ ត្រូវអនុវត្តកាតព្វកិច្ចបង់ពន្ធស្របតាមច្បាប់ឱ្យបានត្រឹមត្រូវ

Virak វីរៈ — Fri, 06 Feb 2026 02:10:15 +0000

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន បានអំពាវនាវឱ្យផ្នែកឯកជនទាំងអស់ ត្រូវអនុវត្តកាតព្វកិច្ចបង់ពន្ធស្របតាមច្បាប់ឱ្យបានត្រឹមត្រូវ។

តាមដានជាមួយយើង៖ Million Times

ការអំពាវនាវនេះ បានធ្វើឡើងក្នុងកម្មវិធីពន្ធដារកម្ពុជាឆ្នាំ២០២៦ ក្រោមប្រធានបទ “ការលើកកម្ពស់អនុលោមភាពសារពើពន្ធសម្រាប់ការអភិវឌ្ឍន៍សេដ្ឋកិច្ចកម្ពុជា” កាលពីថ្ងៃទី៥ ខែកុម្ភៈ ឆ្នាំ២០២៦ នៅអាគារពន្ធដារ (GDT Tower)។

នៅក្នុងកម្មវិធីនេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានលើកឡើងថា សភាពាណិជ្ជកម្មកម្ពុជា បានប្តេជ្ញាចិត្តយ៉ាងមុតមាំ ក្នុងការធ្វើការយ៉ាងជិតស្និទ្ធជាមួយរាជរដ្ឋាភិបាល អគ្គនាយកដ្ឋានពន្ធដារ និងអ្នកពាក់ព័ន្ធទាំងអស់ ដើម្បីលើកកម្ពស់ការប្រព្រឹត្តិអាជីវកម្មប្រកបដោយការទទួលខុសត្រូវ ការប្រកួតប្រជែងដោយយុត្តិធម៌ អភិបាលកិច្ចសាជីវកម្មល្អ និងការអភិវឌ្ឍសេដ្ឋកិច្ចប្រកបដោយចីរភាព។

អ្នកឧកញ៉ា បានបន្តថា ការអនុវត្តតាមកាតព្វកិច្ចពន្ធ មិនអាចកើតមានឡើងតាមរយៈការអនុវត្តច្បាប់តែប៉ុណ្ណោះទេ។ វាត្រូវបានកសាងឡើងតាមរយៈការជឿជាក់ និងការជឿជាក់នោះត្រូវបានបង្កើតឡើងនៅពេលដែលច្បាប់មានភាពច្បាស់លាស់ អនុវត្តយ៉ាងស្មើភាព និងមានប្រព័ន្ធគាំទ្រដែលដំណើរការបានប្រសើរ។

បន្ថែមលើនេះ អ្នកឧកញ៉ា បានអំពាវនាវឱ្យផ្នែកឯកជនទាំងអស់ ត្រូវអនុវត្តកាតព្វកិច្ចបង់ពន្ធស្របតាមច្បាប់ឱ្យបានត្រឹមត្រូវ ដោយចាត់ទុកថា ពន្ធជាធនធានរួមដ៏សំខាន់ ដែលផ្តល់អំណាចដល់រដ្ឋក្នុងការជំរុញការអភិវឌ្ឍសេដ្ឋកិច្ច-សង្គម និងការរក្សាស្ថិរភាពជាតិរបស់ប្រទេសកម្ពុជា។

ក្នុងនោះដែរ អ្នកឧកញ៉ា ប្រធានសភាពាណិជ្ជកម្មកម្ពុជា ក៏បានអំពាវនាវដល់អ្នកផ្តល់សេវាផ្នែកពន្ធ ក៏ត្រូវបន្តលើកកម្ពស់ភាពងាយស្រួល តម្លាភាព និងភាពជឿទុកចិត្ត ដល់វិស័យឯកជន ក្នុងដំណើរការបំពេញកាតព្វកិច្ចបង់ពន្ធផងដែរ។

នៅក្នុងឱកាសនោះដេរ ឯកឧត្តម គង់ វិបុល ជាប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ មានប្រសាសន៍ថា វេទិកាពន្ធដារកម្ពុជា ដែលជាយន្តការថ្មីដើម្បីបំពេញបន្ថែមទៀតពីលើយន្តការ នៃកិច្ចសហការជាមួយវិស័យឯកជនដែលកំពុងអនុវត្តស្រាប់ គឺជាឱកាសល្អសម្រាប់ការបញ្ចេញមតិ និងផ្លាស់ប្តូរយោបល់ពីភាគីពាក់ព័ន្ធទាំងអស់ ជាពិសេសក្នុងឱកាសដែលមានការចូលរួមពីភាគី ពាក់ព័ន្ធទាំងអស់ ទាំងស្ថាប័នរដ្ឋ, ទាំងវិស័យឯកជន, ទាំងតំណាងស្ថានទូតនិងកុងស៊ុល, និងទាំងដៃគូអភិវឌ្ឍនានា។

ឯកឧត្តម បានលើកឡើងថា ធាតុចូលដែលទទួលបានក្នុងកម្មវិធីនេះ មានតួនាទីយ៉ាងសំខាន់សម្រាប់រាជរដ្ឋាភិបាលក្នុងការគិតគូររៀបចំគោលនយោបាយ សារពើពន្ធ និងជាមូលដ្ឋានសំខាន់ក្នុងការកំណត់ទិសដៅអនុវត្តបន្ត ជាពិសេសការបន្តខិតខំកែទម្រង់ ទាំងផ្នែករដ្ឋាភិបាល ដើម្បីបម្រើដល់ឧត្តមប្រយោជន៍ និងបុព្វហេតុជាតិទាំងមូល៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

The post អ្នកឧកញ៉ា គិត ម៉េង អំពាវនាវឱ្យផ្នែកឯកជនទាំងអស់ ត្រូវអនុវត្តកាតព្វកិច្ចបង់ពន្ធស្របតាមច្បាប់ឱ្យបានត្រឹមត្រូវ appeared first on Millions times.

អ្នកឧកញ៉ា គិត ម៉េង៖ បរិយាកាសសេដ្ឋកិច្ចកម្ពុជាបច្ចុប្បន្ន គឺជាឱកាសដ៏សមស្របសម្រាប់កិច្ចសហប្រតិបត្តិការធុរកិច្ច

Virak វីរៈ — Mon, 26 Jan 2026 12:05:40 +0000

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានលើកឡើងថា បរិយាកាសសេដ្ឋកិច្ចកម្ពុជានាពេលបច្ចុប្បន្ន គឺជាឱកាសដ៏សមស្របសម្រាប់កិច្ចសហប្រតិបត្តិការធុរកិច្ច។

តាមដានជាមួយយើង៖ Million Times

ការលើកឡើងនេះ ស្របពេលដែលអ្នកឧកញ៉ា គិត ម៉េង បានទទួលជួបពិភាក្សាការងារជាមួយ គណៈប្រតិភូធុរកិច្ចកាណាដា ដែលដឹកនាំដោយ លោក ម៉ូ ខេវិន ប្រធានការិយាល័យតំណាងសភាពាណិជ្ជកម្មកម្ពុជាប្រចាំទីក្រុងម៉ុងរ៉េអាល់ ប្រទេសកាណាដា នាថ្ងៃទី២៦ ខែមករានេះ។

នៅក្នុងជំនួបនេះ លោកប្រធានការិយាល័យតំណាងសភាពាណិជ្ជកម្មកម្ពុជាប្រចាំទីក្រុងម៉ុងរ៉េអាល់ បាន អំណរគុណយ៉ាងជ្រាលជ្រៅចំពោះអ្នកឧកញ៉ា គិត ម៉េង ដែលបានអនុញ្ញាតឱ្យគណៈប្រតិភូធុរកិច្ចកាណាដា ចូលជួបពិភាក្សាការងារ។

លោក បានបញ្ជាក់ថា ការិយាល័យតំណាងតែងតែដើរតួនាទីយ៉ាងសកម្ម ក្នុងការសម្របសម្រួល និងជំរុញក្រុមហ៊ុនកាណាដាមកស្វែងរកកាលានុវត្តភាពធុរកិច្ច និងដៃគូសហការនៅកម្ពុជា។ សម្រាប់ដំណើរបេសកកម្មនាពេលនេះ គឺផ្តោតសំខាន់លើវិស័យអចលនទ្រព្យ ធនាគារ និងការវិនិយោគ។

ក្នុងនោះ លោក ម៉ូ ខេវិន ក៏បានជម្រាបអំពីក្រុមហ៊ុន Brivia Group ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំ និងជោគជ័យមួយនៅកាណាដា ដែលមានបំណងឈ្វេងយល់ពីទីផ្សារកម្ពុជា និងស្វែងរកកិច្ចសហការលើការវិនិយោគអចលនទ្រព្យរវាងកម្ពុជា កាណាដា និងសហរដ្ឋអាមេរិក។ បន្ថែមលើនេះ លោកថា ការិយាល័យតំណាងនឹងសហការជាមួយស្ថាប័នហិរញ្ញវត្ថុកាណាដា ដើម្បីជំរុញតំណភ្ជាប់ហិរញ្ញវត្ថុធនាគារប្រកបដោយសុវត្ថិភាព និងតម្លាភាព។

ចំណែក អ្នកឧកញ៉ា គិត ម៉េង បានស្វាគមន៍យ៉ាងកក់ក្តៅចំពោះចំណាប់អារម្មណ៍របស់វិនិយោគិនកាណាដា ក្នុងការស្វែងរកឱកាសវិនិយោគនៅកម្ពុជា។ អ្នកឧកញ៉ា បានសង្កត់ធ្ងន់ថា បរិយាកាសសេដ្ឋកិច្ចកម្ពុជានាពេលបច្ចុប្បន្ន គឺជាកាលានុវត្តភាពដ៏សមស្របសម្រាប់កិច្ចសហប្រតិបត្តិការធុរកិច្ច។

ក្នុងន័យនេះ អ្នកឧកញ៉ា បានលើកឡើងថា ការជំរុញពាណិជ្ជកម្ម និងការវិនិយោគទ្វេភាគី ពិសេសការជំរុញ ‘ការតភ្ជាប់ផ្នែកធនាគារ’ (Banking Connectivity) គឺជាកិច្ចការអាទិភាពដ៏សំខាន់ ដើម្បីបង្កើនទំនុកចិត្តដល់វិនិយោគិន និងពង្រឹងភាពជាដៃគូយូរអង្វែងដែលផ្តល់ផលប្រយោជន៍ឱ្យគ្នាទៅវិញទៅមក។

ជាចុងក្រោយ អ្នកឧកញ៉ាប្រធានសភាពាណិជ្ជកម្មកម្ពុជា បានលើកទឹកចិត្តឱ្យធុរជននៃប្រទេសទាំងពីរ បន្តពិភាក្សាផ្លាស់ប្តូរយោបល់ឱ្យបានស៊ីជម្រៅ ដើម្បីទាញយកប្រយោជន៍ជាអតិបរមាពីក្របខណ្ឌកិច្ចសហប្រតិបត្តិការទ្វេភាគី និងពហុភាគីដែលមានស្រាប់៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

The post អ្នកឧកញ៉ា គិត ម៉េង៖ បរិយាកាសសេដ្ឋកិច្ចកម្ពុជាបច្ចុប្បន្ន គឺជាឱកាសដ៏សមស្របសម្រាប់កិច្ចសហប្រតិបត្តិការធុរកិច្ច appeared first on Millions times.

ក្រុមហ៊ុនអ្នកឧកញ៉ា គិត ម៉េង នាំចូលក្បាលម៉ាស៊ីនរថភ្លើង ៣គ្រឿងទៀត ដើម្បីបង្កើនសមត្ថភាពបម្រើសេវាកម្ម

Virak វីរៈ — Thu, 01 Jan 2026 05:56:34 +0000

ក្រុមហ៊ុន រ៉ូយ៉ាល់ រេលវេ របស់អ្នកឧកញ៉ា គិត ម៉េង បាននាំចូលក្បាលម៉ាស៊ីនរថភ្លើង ៣គ្រឿងបន្ថែមទៀតពីប្រទេសម៉ាឡេស៊ី ដើម្បីបង្កើនសមត្ថភាពបម្រើសេវាកម្មឱ្យកាន់តែល្អប្រសើរឡើង។ នេះបើតាមការប្រកាសឱ្យដឹងពីក្រុមហ៊ុនដែលផ្តល់សេវាដឹកជញ្ជូនផ្លូវដែកតែមួយគត់នៅកម្ពុជា។

តាមដានជាមួយយើង៖ Million Times

រ៉ូយ៉ាល់ រេលវេ បានឱ្យដឹងថា ក្បាលម៉ាស៊ីនទាំងនេះបានមកដល់ និងដាក់ចុះពីកាប៉ាល់ដោយជោគជ័យនៅថ្ងៃទី៣០ ខែធ្នូ ឆ្នាំ២០២៥ ហើយការនាំចូលបន្ថែមនេះ នឹងជួយជាផ្នែកមួយយ៉ាងធំដើម្បីជំរុញបន្ថែមនូវសមត្ថភាពសេវាកម្មរបស់ក្រុមហ៊ុន ក្នុងការបំពេញតម្រូវការសេវាកម្មផ្នែកដឹកជញ្ជូន និងសេវាកម្មអ្នកដំណើរដែលកំពុងកើនឡើង ក៏ដូចជាសម្រួលដល់ការដឹកជញ្ជូនទំនិញឱ្យកាន់តែរលូន និងមានប្រសិទ្ធភាពខ្ពស់សម្រាប់អាជីវកម្មទូទាំងប្រទេស។

បើតាមក្រុមហ៊ុននេះ មុននឹងដាក់ឱ្យដំណើរការសេវាកម្ម ក្បាលម៉ាស៊ីនទាំងនេះចាំបាច់ត្រូវឆ្លងកាត់ការត្រួតពិនិត្យយ៉ាងជាក់លាក់ និងល្អិតល្អន់ទៅលើប្រព័ន្ធហ្រ្វាំង និងប្រព័ន្ធសុវត្ថិភាពផ្សេងៗ ដើម្បីធានាជូននូវសុវត្ថិភាព និងប្រសិទ្ធភាពមុននឹងបម្រើសេវាកម្មជូនដល់អតិថិជន។

ជាមួយគ្នានេះ ក្រុមហ៊ុន រ៉ូយ៉ាល់ រេលវេ បានអះអាងថា ខ្លួនមានចក្ខុវិស័យខ្ពស់ក្នុងការធ្វើទំនើបកម្មជាច្រើនទៀត ដើម្បីផ្តល់ជូននូវការកែលម្អគុណភាពសេវាកម្ម និងដើម្បីជួយជំរុញដល់ការអភិវឌ្ឍរចនាសម្ពន្ធ័កំណើនសេដ្ឋកិច្ចនៃវិស័យដឹកជញ្ជូនរបស់កម្ពុជា ព្រមទាំងស្របតាមចក្ខុវិស័យរបស់រាជរដ្ឋាភិបាល ក្នុងការអភិវឌ្ឍផ្លូវដែកកម្ពុជា ឱ្យកាន់តែប្រសើរឡើងនាពេលអនាគត។

បន្ថែមលើនេះ រ៉ូយ៉ាល់ រេលវេ ក៏បានអំណរគុណដល់អតិថិជនទាំងអស់ ក៏ដូចជាដៃគូសហការ និងកិច្ចសហប្រតិបត្តិការ ដែលតែងតែជឿជាក់គាំទ្រសេវាកម្មរបស់ខ្លួន ហើយក្រុមហ៊ុននឹងនៅតែបន្តប្តេជ្ញាចិត្តក្នុងការផ្តល់នូវសេវាកម្មឱ្យកាន់តែល្អ ជូនដល់អតិថិជនទាំងអស់ និងចូលរួមចំណែកក្នុងការអភិវឌ្ឍហេដ្ឋារចនាសម្ព័ន្ធ និងសេដ្ឋកិច្ចរបស់ប្រទេសកម្ពុជា៕

អត្ថបទ៖ វីរៈ រូបភាព៖ រ៉ូយ៉ាល់ រេលវេ

The post ក្រុមហ៊ុនអ្នកឧកញ៉ា គិត ម៉េង នាំចូលក្បាលម៉ាស៊ីនរថភ្លើង ៣គ្រឿងទៀត ដើម្បីបង្កើនសមត្ថភាពបម្រើសេវាកម្ម appeared first on Millions times.

ខួបកំណើតកូនប្រុសពៅអ្នកឧកញ៉ា គិត ម៉េង រៀបចំឡើងយ៉ាងស្ងៀមស្ងាត់

Vin Chang — Wed, 31 Dec 2025 07:15:34 +0000

អ្នកឧកញ៉ា គិត ម៉េង ប្រធាន និងជាអគ្គនាយកប្រតិបត្តិនៃក្រុមហ៊ុន រ៉ូយ៉ាល់ គ្រុប បានរៀបចំកម្មវិធីខួបកំណើតឲ្យកូនប្រុសពៅ គិត ស៊ូឡុង យ៉ាងស្ងៀមស្ងាត់។ ដោយអ្នកចូលរួមសុទ្ធសឹងជាមិត្តជិតស្និទ្ធក្នុងពិភពជំនួញតែប៉ុណ្ណោះ។

តាមដានជាមួយយើង៖ Million Times

អ្នកឧកញ៉ា គិត ម៉េង បើទោះជាមមាញឹកការងារ ក៏ដូចជាឈឺឆ្អាលរឿងប្រទេសជាតិយ៉ាងណាក៏ដោយ តែក៏មិនភ្លេចខួបកំណើតរបស់កូនប្រុសពៅរបស់ខ្លួនដែរ។ យុវជន គិត ស៊ូឡុង ក្នុងវ័យ ១៣ ឆ្នាំទទួលបានការជូនពរយ៉ាងមានន័យពីឪពុក គឺ អ្នកឧកញ៉ា គិត ម៉េង។

អ្នកឧកញ៉ាបានលើកឡើងថា នៅក្នុងគ្រួសារលោក បុណ្យចូលឆ្នាំសកលមានអត្ថន័យលើសពីការប្រារព្ធអបអរថ្ងៃឆ្លងឆ្នាំថ្មីទៅទៀត។ ព្រឹត្តិការណ៍សំខាន់ ២ កើតឡើងចំពោះគ្រួសារ នោះគឺការស្វាគមន៍ឆ្នាំថ្មីសម្រាប់ពិភពលោក និងមួយទៀត គឺភាពរីកចម្រើនថ្មីនៃដំណើរជីវិតរបស់ គិត ស៊ូទ្បុង។

ក្នុងសារជូនពរកូនប្រុសពៅ អគ្គនាយកប្រតិបត្តិនៃក្រុមហ៊ុន រ៉ូយ៉ាល់ គ្រុប ក៏សង្ឃឹមថា គិត ស៊ូទ្បុង គឺជាធនធានជំនាន់ក្រោយដែលមានគុណភាព និងជូនដល់ប្រទេសឲ្យកាន់តែមានភាពរីកចម្រើន។

គួរបញ្ជាក់ថា គិត ស៊ូទ្បុង កើតនៅថ្ងៃ ១ ខែមករា ឆ្នាំ ២០១៣ ហើយយុវជនរូបនេះទើបបញ្ចប់ការសិក្សាថ្នាក់បឋមសិក្សានៅប្រទេសសិង្ហបុរី កាលថ្ងៃ៤ ខែវិច្ឆិកា ឆ្នាំ២០២៥ និងគ្រោងបន្តការសិក្សាថ្នាក់អនុវិទ្យាល័យ នៅឆ្នាំក្រោយ៕

អត្ថបទ៖ ឆដា, រូបភាព៖ Neak Oknha Kith Meng

The post ខួបកំណើតកូនប្រុសពៅអ្នកឧកញ៉ា គិត ម៉េង រៀបចំឡើងយ៉ាងស្ងៀមស្ងាត់ appeared first on Millions times.