អ៊ឹង ស៊ីវឈន់ Archives - Millions times

ក្រុម Pro Esports របស់សេដ្ឋីវ័យក្មេង អ៊ឹង ស៊ីវឈន់ គ្រងជើងឯក MPL KH S10

Vin Chang — Mon, 18 May 2026 05:05:48 +0000

ក្រៅពីទទួលបានជោគជ័យនៃមុខជំនួញជាច្រើន ថ្មីៗនេះសេដ្ឋីវ័យក្មេង អ៊ឹង ស៊ីវឈន់ បានបោះជំហានថ្មីនៃវិស័យ E Sprots ដោយក្រុមដែលលោកកាន់ គ្រងជើងឯក។

តាមដានជាមួយយើង៖ Million Times

ក្រុម Pro Esports របស់ CEO វ័យក្មេង អ៊ឹង ស៊ីវឈន់ ដែលគេស្គាល់គ្រប់គ្នាថាជាអគ្គនាយកទឹកពិសាបរិសុទ្ធ Pro Vidal បានគ្រងជើងឯកការប្រកួត MPL KH S10 ហើយកាលពីម្សិលមិញនេះ។ លោក អ៊ឹង ស៊ីវឈន់ ជាអ្នកស្រលាញ់កីឡាម្នាក់ ហើយកន្លងមកក៏បានបង្កើតក្រុមកីឡាអេឡិចត្រូនិកមួយឈ្មោះថា Pro Esports ដើម្បីប្រកួតប្រជែងលើវិញ្ញាសា Mobile Legends: Bang Bang.

ដោយចំណាយពេលជាច្រើនឆ្នាំ ច្រើនរដូវកាលក្នុងការប្រកួត MPL KH ពេលនេះក្រុម Pro Esports ទទួលបានជោគជ័យហើយ ដោយក្លាយជាម្ចាស់ជើងឯកក្នុងរដូវកាលទី១០នេះ។ ក្រៅពីបានពានរង្វាន់មួយនេះហើយ Pro Esports នឹងទទួលបានឱកាសតំណាងកម្ពុជាចេញទៅប្រកួត MSC 2026 ដែលធ្វើឡើងនៅប្រទេសបារាំងថែមទៀត។

MSC 2026 ជាព្រឹត្តិការណ៍ប្រកួតអន្តរជាតិធំបំផុតមួយរបស់ Mobile Legends : Bang Bang ដែលមានប្រាក់រង្វាន់សរុបរហូតដល់ទៅ ៣ លានដុល្លារសហរដ្ឋអាមេរិកឯណោះ។ ពាននេះដំបូងឡើយត្រូវធ្វើនៅប្រទេសអារ៉ាប៊ីសាអ៊ូឌីតទេ ប៉ុន្តែដោយសារសង្គ្រាមនៅអ៊ីរ៉ង់ទើបអ្នករៀបចំ ត្រៀមផ្ទេរទៅធ្វើនៅប៉ារីស ប្រទេសបារាំងវិញ។

ជាមួយការអបអរ និងយកចិត្តទុកដាក់ខ្លាំងលើក្រុម Pro Esports ប៉ុន្មានឆ្នាំមកនេះ សេដ្ឋីវ័យក្មេង អ៊ឹង ស៊ីវឈន់ បានបង្ហាញចំណាប់អារម្មណ៍នៅលើបណ្ដាញសង្គមថា៖ “ខ្ញុំមានមោទកភាពចំពោះក្រុមដែលសម្រេចបាន។ ទីបំផុតយើងឈ្នះហើយ នេះជាពាន MPL ដំបូងគេសម្រាប់ Pro Esports”៕

អត្ថបទ៖ ឆដា, រូបភាព៖ Pro Esports

The post ក្រុម Pro Esports របស់សេដ្ឋីវ័យក្មេង អ៊ឹង ស៊ីវឈន់ គ្រងជើងឯក MPL KH S10 appeared first on Millions times.

ភរិយា CEO វ័យក្មេង ព្រះនាង នរោត្តម ពង្ស់សូរិយា ជួយគាំទ្រផលិតផលក្នុងស្រុក

Vin Chang — Wed, 22 Apr 2026 10:00:50 +0000

ក្នុងឈុតរ៉ូបនាពេលរាត្រី ថ្ងៃមង្គលប្អូនថ្លៃកន្លងទៅ ភរិយា CEO វ័យក្មេង អ៊ឹង ស៊ីវឈន់ គឺព្រះនាង នរោត្តម ពង្ស់សូរិយា បានជ្រើសរើហាងកាត់ដេរសម្លៀកបំពាក់ក្នុងស្រុក ក្នុងការច្នៃឈុតឲ្យ។

តាមដានជាមួយយើង៖ Million Times

ព្រះនាង សូរិយា បានគ្រងឈុតរ៉ូបសូត្រភ្លឺ អមដោយក្បាច់ស្បៃពានារបស់ខ្មែរដែលមានគ្រីស្តាល់ និងអង្កាំពណ៌មាស យ៉ាងចិញ្ចាច។ រ៉ូបពណ៌សូកូឡាព្រះនាង ពង្ស់សូរិយា បានបន្ថែមដោយស្បែកជើងម៉ាក Roger Vivier។

ស្បែកជើង Roger Vivier Gold Glitter Flower Strass Buckle Heels ដែលមានតម្លៃជាង ២ ពាន់ដុល្លារ ពិតជាស័ក្ដិសមជាមួយរូបសម្រស់ ឋានៈព្រះនាង នរោត្តម ពង្ស់សូរិយា ខ្លាំង។

កន្លងមកមិនថាកម្មវិធីមង្គលខ្លួន ក៏ព្រះនាងខ្មែរ ដែលបានស្វាមីជា អគ្គនាយក ទឹកស្ព្រីងប្រូវីដា តែងតែជ្រើសគាំទ្រផលិតផលក្នុងស្រុកជានិច្ច ហើយថែមទាំងជាអ្នកគាំទ្រ ផ្សព្វផ្សាយវប្បធម៌ខ្មែរថែមទៀតផង៕

អត្ថបទ៖ ឆដា, រូបភាព៖Soriya Norodom

The post ភរិយា CEO វ័យក្មេង ព្រះនាង នរោត្តម ពង្ស់សូរិយា ជួយគាំទ្រផលិតផលក្នុងស្រុក appeared first on Millions times.

សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត

Vin Chang — Fri, 20 Feb 2026 10:04:28 +0000

អគ្គនាយកទឹកស្ព្រីងប្រូវីដា អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ជាស្វាមីភរិយា ដែលតែងបណ្ដើរគ្នាត្រសង ចូលរួមកម្មវិធីពិសេសរបស់មិត្តសម្លាញ់ តាំងពីអ្នកទាំង ២ រៀបអាពាហ៍ពិពាហ៍មកម្ល៉េះ។

តាមដានជាមួយយើង៖ Million Times

ម្សិលមិញសេដ្ឋីវ័យក្មេង អ៊ឹង ស៊ីវឈន់ និងព្រះនាង សូរិយា បានចូលរួមកម្មវិធីចូលរោងការរបស់មិត្តសម្លាញ់នៅThe Premiere Sen Sok ដោយការបង្ហាញខ្លួនថ្ងៃទី១ ព្រះនាង សូរិយា បានរៀបចំកាយាធម្មតា តែស្អាតអស្ចារ្យក្នុងឈុតប្រពៃណីខ្មែរ។

ព្រះនាង នរោត្តម ពង្ស់សូរិយា គ្រងសំពត់បត់ច្នៃពីផាមួង និងអាវពាក់ពណ៌សាច់ គ្រប់ដោយស្បៃពណ៌ខ្មៅ សមនឹងកាបូបដៃ Hermès Mini Kelly – Mauve Sylvestre តម្លៃជាង ៣ ម៉ឺនដុល្លារ។

ភរិយាសេដ្ឋីវ័យក្មេង អ៊ឹង ស៊ីវឈន់ ព្រះនាង ពង្ស់សូរិយា តែងតែលេចធ្លោមិនថាគ្រប់ពេលចូលរួមក្នុងកម្មវិធីពិសេសណាមួយ។ ដូចនេះមង្គលការមិត្តសម្លាញ់របស់ទ្រង់ ដែលកូនកំលោះគឺជាកូនប្រុសឯកឧត្តម សុខ ចិន្តាសោភា និងកូនក្រមុំជាកូនស្រីបណ្ដូលចិត្តឧកញ៉ា សៅ សេងហាក់៕

អត្ថបទ៖ឆដា, រូបភាព៖ Mey Hoar, Soriya Norodom និង Seav Chhuon Ing

The post សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត appeared first on Millions times.

សមជាភរិយាសេដ្ឋីវ័យក្មេង អ៊ឹង ស៊ីវឈន់ ទាំងស្រស់ស្អាត ទាំងថ្លៃថ្នូរ ទាំងហាយសូ

Vin Chang — Thu, 05 Feb 2026 10:08:46 +0000

គូស្វាមីភរិយានៃត្រកូលសេដ្ឋី និងខត្តិយៈត្រកូលបានបញ្ចប់យូរហើយបន្តិចក្ដី តែអ្នកទាំង ២ នៅតែជាទីចាប់អារម្មណ៍ និងចង់ដឹងចង់ឮពីមហាជនខ្មែរ។ លោក អ៊ឹង ស៊ីវឈន់ និង ព្រះអង្គម្ចាស់ក្សត្រិយ៍ នរោត្តម ពង្ស់សូរិយា តាំងពីរៀបមង្គលការដ៏អស្ចារ្យរួច មិនសូវបានបង្ហាញវត្តមានក្នុងកម្មវិធីផ្សេងៗប៉ុន្មានឡើយ ដោយរវល់ក្នុងកិច្ចការជំនួញ។

តាមដានជាមួយយើង៖ Million Times

ទើបតែកាលពីពេលថ្មីៗគូស្វាមីភរិយាសេដ្ឋីវ័យក្មេង អ៊ឹង ស៊ីវឈន់ និងព្រះនាង បានបង្ហាញខ្លួនក្នុងកម្មវិធីមួយរួមគ្នាជាមួយសាច់ញាតិដូចគ្នា។ ក្នុងពេលបង្ហាញខ្លួន ព្រះនាង សូរិយា បានគ្រងឈុតបែបប្រពៃណី លាយបញ្ចូលភាពសហសម័យ។

ជាទូទៅ ព្រះនាង ចូលចិត្តពណ៌ស្វាយ ដោយទ្រង់ឧស្សាហ៍មានឈុត និងសម្ភារៈពណ៌ស្វាយច្រើន។ ថ្មីៗនេះ ទ្រង់បានចូលរួមមង្គលការ ដោយឈុតផាមួងពណ៌ស្វាយអមដោយគ្រឿងអលង្ការភ្លឺចិញ្ចាច។

ក្នុងដៃ ព្រះនាង សូរិយា ទ្រង់កាន់កាបូប Bottega Veneta Intrecciato Clutch ពណ៌ប្រផេះយ៉ាងអស្ចារ្យ និងលេចត្រដែត ជាមួយឈុតពណ៌ស្វាយ។ ជាភរិយាសេដ្ឋីវ័យក្មេង អ៊ឹង ស៊ីវឈន់ កាបូបនោះពិតជាស័ក្ដិសមឋានៈ មុខមាត់ក្នុងសង្គម។ Bottega Veneta ពណ៌ប្រផេះជាម៉ូដដ៏ពេញនិយម និងមានតម្លៃ ២ ៣៤៤ ដុល្លារ។

ក្រៅពីរវល់នឹងការងារគូស្វាមីភរិយាថ្មីថ្មោងនេះ ក៏សកម្មក្នុងកិច្ចការសប្បុរសធម៌ខ្លាំងមិនធម្មតាដែរ ដែលនេះកាន់តែធ្វើឲ្យជំនួញកាន់តែប្រសើរ ហើយទទួលបានការស្រលាញ់ និងចូលចិត្តខ្លាំងពីមហាជន៕

អត្ថបទ៖ឆដា, រូបភាព៖ Soriya Norodom and One Memory

The post សមជាភរិយាសេដ្ឋីវ័យក្មេង អ៊ឹង ស៊ីវឈន់ ទាំងស្រស់ស្អាត ទាំងថ្លៃថ្នូរ ទាំងហាយសូ appeared first on Millions times.

លោក អ៊ឹង ស៊ីវឈន់ បានបន្តឧបត្ថម្ភទឹកសុទ្ធដល់ជនភៀសសឹក និងកងទ័ពរាប់ម៉ឺនកេស

Vin Chang — Fri, 19 Dec 2025 09:20:55 +0000

អគ្គនាយក ទឹកស្ព្រីងប្រូវីដា អ៊ឹង ស៊ីវឈន់ បានបន្តចុះជួយប្រជាជនភៀសសឹកតាំងពីសង្គ្រាមកាលខែ៧ និងខែ១២ នេះ ក៏លោកមិនចោលបងប្អូនប្រជាពលរដ្ឋខ្មែរដែរ។

តាមដានជាមួយយើង៖ Million Times

លោក អ៊ឹង ស៊ីវឈន់ បានបន្តបរិច្ចាគទឹកប្រូវីដារបស់ខ្លួនរាប់ម៉ឺនកេស និងដឹកជូនជនភៀសសឹកដល់ខេត្តតែម្ដង។ ដែលទង្វើបរិសុទ្ធនេះហើយធ្វើឲ្យអ្នកលេងបណ្ដាញសង្គមកាន់តែស្រលាញ់ចូលចិត្ត និងជឿជាក់។

រួមដំណើរជាមួយ CEO គឺភរិយាដែលជាព្រះនាង នរោត្តម ពង្ស់សូរិយា ដែលទាំង ២ នាក់ទើបតែរៀបការហើយថ្មីថ្មោង។ បន្ទាប់ពីរៀបចំកម្មវិធីប្រពៃណីបែបរាជវង្សហើយមក ព្រះនាង នរោត្តម ពង្ស់សូរិយា ព្រមទាំងស្វាមីលោក អ៊ឹង ស៊ីវឈន់ មិនបានឈប់សម្រាកឡើយ ដោយនៅតែបំពេញការងារ និងជួយជ្រោមជ្រែងបញ្ហាស្បៀងដល់កងទ័ព និងជនភៀសសឹកកន្លះលាន់នាក់។

មិនត្រឹមតែចុះផ្ទាល់ឡើយ អគ្គនាយក ទឹកស្ព្រីងប្រូវីដា ក៏បានចូលរួមជាមួយបុគ្គលល្បីៗជាច្រើនរូបទៀតដោយម្នាក់យ៉ាងហោចណាស់ក៏១ ពាន់កេសដែរ។ អ្វីដែលកាន់តែស្ញប់ស្ញែងអគ្គនាយក ទឹកស្ព្រីងប្រូវីដា បានជួយជញ្ជូនទឹកដោយខ្លួនឯង មិនប្រកាន់តួនាទីឡើយ។

CEO វ័យ ២៥ ឆ្នាំរូបនេះបានទៅដល់ទីតាំងប្រជាពលរដ្ឋភៀសសឹកទាំងនៅខេត្តសៀមរាប និងបណ្ដាខេត្តដទៃទៀត៕

អត្ថបទ៖ឆដា, រូបភាព៖ Seav Chhuon Ing

The post លោក អ៊ឹង ស៊ីវឈន់ បានបន្តឧបត្ថម្ភទឹកសុទ្ធដល់ជនភៀសសឹក និងកងទ័ពរាប់ម៉ឺនកេស appeared first on Millions times.

លោក អ៊ឹង ស៊ីវឈន់ ឧបត្ថម្ភទឹកប្រូវីដា ២ ពាន់កេសទៅជនភៀសសឹកនៅព្រំដែន

Vin Chang — Tue, 09 Dec 2025 06:28:51 +0000

នៅពេលទទួលបានដំណឹងអំពីស្ថានភាពដ៏តានតឹងនៅតាមព្រំដែន ដោយសារថៃបានបំបានមកលើដែនអធិបតេយ្យភាពខ្មែរម្ដងទៀតហើយនោះ ថៅកែទឹកសុទ្ធ លោក អ៊ឹង ស៊ីវឈន់ ដែលទើបរៀបមង្គលការថ្មោងថ្មីបានចេញមុខមកជួយឧបត្ថម្ភ។

តាមដានជាមួយយើង៖ Million Times

អគ្គនាយក ទឹកស្ព្រីងប្រូវីដា អ៊ឹង ស៊ីវឈន់ បានត្រៀមខ្លួនរួចជាស្រេច ដើម្បីជួយដល់វីរៈកងទ័ពកម្ពុជា និងជនភៀសសឹក ដោយបានផ្ដល់ប្រូវីដាចំណុះ 1500 mL ចំនួន 1000កេស តាមរយ:អ្នកបង្កើតមាតិកា ហេង វិសាល។

CEO វ័យក្មេងក៏បានបន្ថែមការចូលរួមឧបត្ថម្ភប្រូវីដាចំណុះ 1500mL ចំនួន 1000កេស តាមរយៈតារាកំប្លែង នាយ ពាក់មី។ គួរបញ្ជាក់កាលពីអំឡុងខែ ៨ កន្លងទៅលោក អ៊ឹង ស៊ីវឈន់ បានបង្កើតមូលនិធិ ដើម្បីជួយដល់ប្រជាជនខ្មែរដែលបានភៀសខ្លួនពីតំបន់ព្រំដែន និងទាហានដូចគ្នាដែរ។

មិនតែប៉ុណ្ណោះធនាគារឯកទេស ដូនពេញ ម.ក របស់លោក អ៊ឹង ស៊ីវឈន់ ក៏បានលុបចោលបំណុលទាំងស្រុងជូនដល់យោធិនពលីជីវិត និងពិការអចិន្ត្រៃយ៍ ដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជាផងដែរ។

លោក អ៊ឹង ស៊ីវឈន់ វ័យទើប ២៥ ឆ្នាំ តែលោកបានកាន់កាប់ជំនួញ ៥ ក្នុងដៃ។ ក្នុងនោះមានដូចជា ធនាគារដូនពេញ Specialized Bank, ក្រុមហ៊ុនធានារ៉ាប់រង People & Partners ភោជនដ្ឋានអាហារជប៉ុន Hana Omakase, ក្រុមហ៊ុនគ្រឿងវិស្វកម្ម និងម៉ាស៊ីនហើយចុងក្រោយគឺជាអគ្គនាយក ទឹកស្ព្រីងប្រូវីដា។ ក្រៅពីជំនួញទាំង ៥ ធំៗនោះកូនប្រុសទី៣ របស់ប្រធានអគ្គនាយកក្រុមហ៊ុន អាយអិនជី ហូលឌីង (ING Holdings) លោក អ៊ឹង ស៊ីវឈន់ ក៏ជា Founder របស់ក្រុម Pro Esport ទៀតផង៕

អត្ថបទ៖ឆដា, រូបភាព៖ Seav Chhuon Ing

The post លោក អ៊ឹង ស៊ីវឈន់ ឧបត្ថម្ភទឹកប្រូវីដា ២ ពាន់កេសទៅជនភៀសសឹកនៅព្រំដែន appeared first on Millions times.

មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប

Vin Chang — Wed, 03 Dec 2025 09:51:31 +0000

មង្គលការរបស់កូនប្រុសសហស្ថាបនិកក្រុមហ៊ុន អាយអិនជី ហូលឌីង លោក អ៊ឹង ស៊ីវឈន់ និងព្រះនាងខ្មែរ នរោត្តម ពង្ស់សូរិយា បានល្បីសុះសាយទៅដល់សារព័ត៌មានបរទេស ព្រោះភាពអស្ចារ្យដែលកម្រ។

តាមដានជាមួយយើង៖ Million Times

ទស្សនាវដ្ដី Point de vue បានចុះផ្សាយពីមង្គលការដ៏ធំនោះថា “ពិធីរៀបអភិសេករបស់ទ្រង់ នរោត្តម ពង្ស់សូរិយា ក្មួយស្រីរបស់ព្រះមហាក្សត្រកម្ពុជា” ដែលនេះជាចំណង់ជើងច្បាស់ៗតែម្ដង។

ទស្សនាវដ្ដីបារាំងខាងលើបានសរសេររ៉ាយរ៉ាប់ទៀតថា “ព្រះអង្គម្ចាស់ក្សត្រិយ៍ នរោត្តម ព្សង់សូរិយា និងពាណិជ្ជករ អ៊ឹង ស៊ីវឈន់ បានប្រារព្ធពិធីមង្គលការ កាលពីសប្ដាហ៍មុន ដែលរួមបញ្ចូលគ្នានូវប្រពៃណី និងទំនើបកម្ម។ ពិធីជប់លៀង កម្សាន្តសប្បាយ និងការតុបតែងលំអពោរពេញទៅដោយពណ៌មាស… ប្ដីប្រពន្ធមួយគូនេះ បានរៀបចំពិធីមង្គលការយ៉ាងអធិកអធម ដោយមានការថ្វាយព្រះពរ ពីព្រះបាទ នរោត្តម សីហមុនី“។

Point de vue បានបន្តទៀតថា “ពិធីមង្គលការអ្នកទាំង២ នេះបានប្រព្រឹត្តទៅក្នុងរយៈពេលជាច្រើនថ្ងៃរួមបញ្ចូលទាំងពិធីផ្សេងៗគ្នា។ ទី១ ពិធីជប់លៀងមុនអាពាហ៍ពិពាហ៍ បន្ទាប់មកពិធីមង្គលការតាមប្រពៃណីខ្មែរ ព្រះរាជពិធីថ្វាយព្រះពរពីព្រះមហាក្សត្រ និងចុងក្រោយ ពិធីជប់លៀងបែបបស្ចិមប្រទេស រួមមានការច្រៀងរាំកម្សាន្ត”។

ក្រៅពីកម្មវិធីអាពាហ៍ពិពាហ៍ Point de vue ក៏បានចុះផ្សាយពីជីវប្រវត្តិសិក្សារបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា ដែលបានបញ្ចប់ការសិក្សានៅមហាវិទ្យាល័យនៅសាធារណរដ្ឋប្រជាមានិតចិន។

ក្រៅពី ទស្សនាវដ្ដី Point de vue បារាំង ក៏មានឆាណែល YouTube អេស្ប៉ាញ Royals al Dí បានផ្សាយពីមង្គលការកូនប្រុសអ្នកឧកញ៉ា អ៊ឹង ប៊ុនហ៊ូវ សហស្ថាបនិកក្រុមហ៊ុន អាយអិនជី ហូលឌីង គឺលោក អ៊ឹង ស៊ីវឈន់ ដែលជាសហគ្រិនវ័យក្មេងកាន់ក្រុមហ៊ុនច្រើន និងព្រះនាង សូរិយា ក្មួយស្រីមហាក្សត្រខ្មែរនាពេលបច្ចុប្បន្ន ដែលបានរៀបមង្គលការធំអស្ចារ្យ កាលពីពេលថ្មីៗនេះ។

Royals al Dí បានចុះផ្សាយដែលមានន័យសង្ខេបថា “ពិធីរៀបអភិសេករបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានក្លាយជាចំណុចរបត់មួយសម្រាប់រាជវង្សកម្ពុជា។ ប្រពៃណី ភាពប្រណិត រចនាបថ និងភាពអស្ចារ្យជាច្រើនទៀត បានមករួមគ្នា ដើម្បីបង្កើតពិធីមង្គលការមួយដែលត្រូវបានចាត់ទុកថាជានិមិត្តរូបបំផុតប្រចាំឆ្នាំនៅអាស៊ី៕

អត្ថបទ៖ ឆដា, រូបភាព៖ Soriya Norodom និង Seav Chhuon Ing

The post មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប appeared first on Millions times.

ថ្ងៃមង្គលការ CEO អ៊ឹង ស៊ីវឈន់ ប្អូនស្រីពៅគ្រងឈុតជាង ៤ ពាន់ដុល្លារ

Vin Chang — Mon, 01 Dec 2025 09:46:04 +0000

នាថ្ងៃមង្គលការ CEO រូបសង្ហា អ៊ឹង ស៊ីវឈន់ ក្រុមគ្រួសារទាំងមូលគ្មានមួយរូបណាអវត្តមានឡើយ ហើយក្នុងនោះក៏សង្កេតឃើញកូនស្រីពៅសេដ្ឋី អ៊ឹង ប៊ុនហ៊ូវ ដែលមានគណនី Instagram Seav Meng Seu Ing ឬ អ៊ឹង ស៊ាវម៉េងស៊ឺ។

តាមដានជាមួយយើង៖ Million Times

ស្ថិតក្នុងវ័យ ២០ ឆ្នាំ កូនស្រីពៅរបស់ជាសហស្ថាបនិកក្រុមហ៊ុន អាយអិនជី ហូលឌីង បានគ្រងឈុតប្រពៃណីជាច្រើនឈុតក្នុងកម្មវិធីព្រះវិវាហមង្គលអាពាហ៍ពិពាហ៍ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និងលោក អ៊ង ស៊ីវឈន់ ដែលជាបងប្រុសសម្លាញ់ចិត្ត។

បើនិយាយពីថ្ងៃជប់លៀងពេលល្ងាចវិញកូនស្រីពៅសេដ្ឋី អ៊ឹង ប៊ុនហ៊ូវ ដែលទើបបញ្ចប់ការសិក្សានៅអង់គ្លេសកាលពីពេលថ្មីនេះ បានគ្រងឈុតដ៏ប្រណីតតម្លៃជាង ៤ ពាន់ដុល្លារ ដែលជាម៉ាករបស់ Jenny Packham របស់អ្នកឌីហ្សាញអង់គ្លេស។

រ៉ូបពណ៌ទឹកមាសរបស់ Jenny Packham ដែល អ៊ឹង ស៊ាវម៉េងស៊ឺ ពាក់ជារ៉ូបដ៏ប្រណីត ភ្លឺចែងចាំង និងជារ៉ូបចោមពុង ហើយផ្នែកខាងក្រោមជាសំពត់កន្ទុយត្រី មានតម្លៃពេញ ៤ ៣៥៥ ដុល្លារ ដែលមិនទាន់គិតការដឹកជញ្ជូនមកក្រៅប្រទេស។

ជាកូនស្រីសេដ្ឋីដ៏ល្បី និងមានជំនួញច្រើនក្នុងដៃកញ្ញាគ្រងឈុតដ៏ថ្លៃប្រេនៗបែបនេះ គឺជារឿងធម្មតាទៅហើយ ដ្បិតគ្រួសារក៏ធូរធារស្រាប់៕

អត្ថបទ៖ឆដា, រូបភាព៖ Ahyi Hairstyles និង One Memory

The post ថ្ងៃមង្គលការ CEO អ៊ឹង ស៊ីវឈន់ ប្អូនស្រីពៅគ្រងឈុតជាង ៤ ពាន់ដុល្លារ appeared first on Millions times.

ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់

Vin Chang — Thu, 27 Nov 2025 06:03:52 +0000

មកដល់ថ្ងៃនេះជាថ្ងៃទី ២ នៃមង្គលការគូស្នេហ៍បុព្វេសន្និវាស ដែលកូនកំលោះគឺជាកូនប្រុសសេដ្ឋីប្រចាំស្រុកខ្មែរអ្នកឧកញ៉ា អ៊ឹង ប៊ុនហ៊ូវ មាននាមថា អ៊ឹង ស៊ីវឈន់ ចំណែកកូនក្រមុំជាសែរាជវង្ស និងជាបុត្រីពៅសម្ដេចក្រុមព្រះ នរោត្តម ច័ក្រពង្ស់ ព្រះនាម ព្រះអង្គម្ចាស់ក្សត្រិយ៍ នរោត្តម ពង្ស់សូរិយា។

តាមដានជាមួយយើង៖ Million Times

មង្គលការនៃសែរាជវង្ស និងត្រកូលអភិជន និងជាអ្នកជំនួញធំកក្រើកអស់បណ្ដាញសង្គម ក៏ព្រោះតែកម្មវិធីបានរៀបចំឡើងយ៉ាងគគ្រឹកគគ្រេង មានការចូលរួមពីញាតិវង្សានុវង្ស និងមន្ត្រីរាជការ អ្នកមុខអ្នកការ អ្នកជំនួញធំៗទាំងក្រៅ និងក្នុងប្រទេស។

គូស្នេហ៍ដែលសមគ្នាទាំងព្រមមិនថាជារូបសម្បត្តិ ទ្រព្យធន ចំណេះវិជ្ជា និងឋានៈមុខមាត់ឡើយ ដោយម្នាក់ជាកូនអ្នកជំនួញមានក្រុមហ៊ុន និងបុត្រសម្ពន្ធច្រើន ហើយម្នាក់ទៀតគឺជាចៅស្រីបង្កើតព្រះមហាវីរក្សត្រ ព្រះបរមរតនៈកោដ្ឋ ព្រះករុណា ព្រះបាទ នរោត្តម សីហនុ។

ក្នុងពិធីជយកូនប្រុសសេដ្ឋី អ៊ឹង ប៊ុនហ៊ូវ ព្រមទាំងបុត្រីពៅ សម្ដេចក្រុមព្រះ នរោត្តម ច័ក្រពង្ស់ បានរៀបចំតុបតែងឡើងយ៉ាងប្រណីត។ ផ្កាស្រស់ អំពូលគ្រីស្ដាល់ និងគ្រឿងលម្អផ្សេងៗបានបញ្ចេញសោភណភាពស្រស់បំព្រងគ្រប់ជ្រុងជ្រោយនៃកន្លែងប្រារព្ធកម្មវិធី។

ចំណែកសាមីខ្លួនទាំង ២ ត្រូវបានសម្អិតសម្អាងដោយផ្ចិតផ្ចង់ ព្រោះទ្រង់ជាសែរាជវង្ស និងជាបុគ្គលសំខាន់ដែលថែរក្សាមរតកដូនតាខ្មែរ។ ទាំងភ្ញៀវម្ចាស់ដើមការ បានគ្រងឈុតបុរាណមានហូលផាមួង អាវប៉ាក់ បូករួមគ្រឿងអលង្ការភ្លឺចិញ្ចែងចិញ្ចាច៕

អត្ថបទ៖ ឆដា, រូបភាព៖ The ring wedding cambodia

The post ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់ appeared first on Millions times.

CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ

Vin Chang — Wed, 26 Nov 2025 06:23:55 +0000

ថ្ងៃមង្គលជ័យនៃត្រកូលអភិជនទាំងទ្វេ គឺ CEO អ៊ឹង ស៊ីវឈន់ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានមកដល់ហើយ តាមព្រះរាជបវេណីក្នុងព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខសិរីមង្គល។

តាមដានជាមួយយើង៖ Million Times

ថ្ងៃវិវាហមង្គល ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង CEO អ៊ឹង ស៊ីវឈន់ ក្រោមព្រះរាជាធិបតីភាពព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។

មង្គលការនៃគ្រួសារខ្ពង់ខ្ពស់ទាំង ២ ចាត់ទុកជាមង្គលការធំប្រចាំចុងឆ្នាំ ២០២៥ នេះ ដោយខាងកូនកំលោះគឺជាអ្នកជំនួញ ហើយខាងស្រីគឺសែរាជវង្ស។ ទិដ្ឋភាពនាព្រឹកនេះ បានបង្ហាញចេញមកខ្លះៗតាមរយៈអ្នកផ្នួង និងក្រុមការងារមួយចំនួនតែប៉ុណ្ណោះ៕

អត្ថបទ៖ ឆដា, រូបភាព៖ ស៊ីនឌី សំអាងការ

The post CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ appeared first on Millions times.

​អ៊ឹង ស៊ីវឈន់ Archives - Millions times

ក្រុម Pro Esports របស់​សេដ្ឋីវ័យក្មេង អ៊ឹង ស៊ីវឈន់ ​គ្រង​ជើង​ឯក MPL KH S10

ភរិយា CEO វ័យក្មេង ព្រះនាង នរោត្តម ពង្ស់សូរិយា ជួយគាំទ្រផលិតផលក្នុងស្រុក

សេដ្ឋីវ័យក្មេង អ៊ឹង ស៊ីវឈន់ ថៅកែទឹកសុទ្ធប្រូវីដា បណ្ដើរព្រះនាង សូរិយា ចូលរួមមង្គលការមិត្ត

សមជាភរិយាសេដ្ឋីវ័យក្មេង អ៊ឹង ស៊ីវឈន់ ទាំងស្រស់ស្អាត ទាំងថ្លៃថ្នូរ ទាំងហាយសូ

លោក អ៊ឹង ស៊ីវឈន់ បានបន្តឧបត្ថម្ភទឹកសុទ្ធដល់ជនភៀសសឹក និងកងទ័ពរាប់ម៉ឺនកេស

លោក អ៊ឹង ស៊ីវឈន់ ឧបត្ថម្ភទឹក​​ប្រូវីដា ២ ពាន់កេសទៅជនភៀសសឹកនៅព្រំដែន​

មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប

ថ្ងៃមង្គលការ CEO អ៊ឹង ស៊ីវឈន់ ប្អូនស្រីពៅគ្រងឈុតជាង ៤ ពាន់ដុល្លារ

ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់

CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ

អ៊ឹង ស៊ីវឈន់ Archives - Millions times

ក្រុម Pro Esports របស់សេដ្ឋីវ័យក្មេង អ៊ឹង ស៊ីវឈន់ គ្រងជើងឯក MPL KH S10

លោក អ៊ឹង ស៊ីវឈន់ ឧបត្ថម្ភទឹកប្រូវីដា ២ ពាន់កេសទៅជនភៀសសឹកនៅព្រំដែន