អ៊ាន សៀវមុី Archives - Millions times

ឧកញ៉ា អ៊ាន ស៊ៀវម៊ី ឧបត្ថម្ភថវិកា ៣ លានរៀល ដល់សិស្សជាប់លេខ១ទូទាំងប្រទេស ផ្នែកគណិតវិទ្យា

Vin Chang — Mon, 18 May 2026 09:55:07 +0000

បើទោះជាពេលនេះឧកញ៉ា អ៊ាន ស៊ៀវម៊ី អគ្គនាយិកាក្រុមហ៊ុន CASTLE E DIAMOND CO.,LTD ដែលជាក្រុមហ៊ុនលក់ផលិតផលថែរក្សាសម្រស់ដ៏ល្បីលើវិថីអនឡាញ កំពុងនៅលើទឹកដីអូស្ត្រាលីក៏ដោយ ក៏មិនភ្លេចការងារសប្បុរសធម៌ដែរ។

តាមដានជាមួយយើង៖ Million Times

ថ្មីៗនេះ បន្ទាប់ពីឃើញសិស្សប្រុសម្នាក់បានខិតខំប្រឹងប្រែង រៀនសូត្រប្រលងបានជយលាភីលេខ ១ ទូទាំងប្រទេសផ្នែកគណិតវិទ្យា ឧកញ៉ា អ៊ាន ស៊ៀវម៊ី រំភើបចិត្ត និងបានប្រកាសផ្ដល់ប្រាក់ឧបត្ថម្ភដល់សិស្សប្រុសម្នាក់នៅខាងខេត្តព្រៃវែង។

កាន់តែពិសេសពេលឧកញ៉ា អ៊ាន សៀវម៊ី ដឹងថា សិស្សប្រុសឈ្មោះ ថន រិនសុភៈ ដែលជាសិស្សនៃ វិទ្យាល័យព្រៃដើមថ្នឹង មានស្រុកកំណើតដូចគ្នាជាមួយម្ចាស់ប្រេននោះតែម្ដង។ “គណៈគ្រប់គ្រង លោកគ្រូ-អ្នកគ្រូ នៃវិទ្យាល័យព្រៃដើមថ្នឹង និងក្នុងនាមអាណាព្យាបាលសិស្ស សូមសម្ដែងនូវការអរគុណយ៉ាងជ្រាលជ្រៅបំផុតចំពោះ ឧកញ៉ា អ៊ាន សៀវម៊ី ដែលបានឧបត្ថម្ភថវិកាចំនួន ៣ លានរៀល តាមរយៈលោកឪពុករបស់គាត់ លោក អ៊ាន រឿន ដល់ប្អូនប្រុស ថន រិនសុភៈ ដែលជាសិស្សឆ្នើមចំណាត់ថ្នាក់លេខ ១ ទូទាំងប្រទេសផ្នែកគណិតវិទ្យា“។

ឧកញ៉ា អ៊ាន សៀវម៊ី បើទោះជារវល់ការងារ ឬដំណើរកម្សាន្តក្រៅប្រទេសយ៉ាងណា ក៏មិនភ្លេចក្នុងការងារសប្បុរសធម៌ និងជួយដល់អ្នកដទៃដែរ៕

អត្ថបទ៖ ឆដា, រូបភាព៖ Ean Sivmey និងវិទ្យាល័យព្រៃដើមថ្នឹង

The post ឧកញ៉ា អ៊ាន ស៊ៀវម៊ី ឧបត្ថម្ភថវិកា ៣ លានរៀល ដល់សិស្សជាប់លេខ១ទូទាំងប្រទេស ផ្នែកគណិតវិទ្យា appeared first on Millions times.

ឧកញ៉ា អ៊ាន សៀវម៊ី លេងខ្លួនមួយចាស់ដៃ ថ្ងៃខួបកំណើតកូនច្បងវ័យ ១៦ ឆ្នាំ

Vin Chang — Thu, 09 Apr 2026 04:37:57 +0000

ឧកញ៉ា អ៊ាន សៀវម៊ី ថ្មីៗនេះបានរៀបចំកម្មវិធីខួបកំណើតឲ្យកូនប្រុសច្បងយ៉ាងអធិកអធមគម្រប់ខួប១៦ ឆ្នាំ។ អ្នកម្ដាយរបស់ម្ចាស់កម្មវិធី ឧកញ៉ា អ៊ាន សៀវម៊ី បានអញ្ជើញភ្ញៀវកិត្តិយសជាច្រើនរូប ចូលរួមអបអរ ថ្ងៃពិសេសរបស់កូនសំណព្វចិត្ត។

តាមដានជាមួយយើង៖ Million Times

ទោះជាថ្ងៃកំណើតកូនប្រុសក៏ពិតមែន តែឧកញ៉ា អ៊ាន សៀវម៊ី ឯណោះបានតែងខ្លួនស្រស់ស្អាត និងបានផ្លាស់ប្ដូរឈុតជាច្រើន ហើយរ៉ូបនីមួយៗសុទ្ធតែមិនធម្មតា។ ក្នុងចំណោមឈុតទាំង ៣ នាត្រីថ្ងៃ ៧ ខែមេសានោះ ម្ចាស់ក្រុមហ៊ុន CASTLE E DIAMOND CO.,LTD មិនអាចខ្វះបានឡើយ នូវឈុតពណ៌ស្វាយ ដែលជាពណ៌ប្រចាំខ្លួន។

ក្នុងចំណោមឈុតទាំង ៣ ឧកញ៉ា អ៊ាន សៀវម៊ី ក៏បានដូរសក់ ៣ ម៉ូដផ្សេងគ្នាផងដែរ អមដោយគ្រឿងអលង្ការពេជ្រភ្លឺចិញ្ចែងចិញ្ចាចសមជាមួយសាច់សខ្ចី។

គួរបញ្ជាក់ថា ឧកញ៉ា អ៊ាន សៀវម៊ី ស្រ្តីជើងខ្លាំងក្នុងវិស័យអនឡាញ ដែលបានចាក់គ្រឹះចូលទៅយ៉ាងរឹងមាំក្នុងផលិតផលថែរក្សាសម្រស់នៅកម្ពុជា។ ថ្មីៗនេះដែរថៅកែអនឡាញរូបនេះ ក៏បានបើកជំនួញថ្មីទាក់ទងនឹងវិស័យម្ហូបអាហារ ក៏ទទួលបានការគាំទ្រមិនចាញ់ផលិតផលថែរក្សាសម្រស់ដែរ៕

អត្ថបទ៖ឆដា, រូបភាព៖ Ean Sivmey

The post ឧកញ៉ា អ៊ាន សៀវម៊ី លេងខ្លួនមួយចាស់ដៃ ថ្ងៃខួបកំណើតកូនច្បងវ័យ ១៦ ឆ្នាំ appeared first on Millions times.

ម៉ូដកាបូប និងជាប្រេនលំដាប់កំពូលៗរបស់សេដ្ឋិនី អ៊ាន សៀវម៉ី ស្អាតៗ តម្លៃកប់ពពក

Vin Chang — Wed, 22 Oct 2025 09:55:41 +0000

ថៅកែឡេ អ៊ាន សៀវម៉ី ជាសេដ្ឋិនីម្នាក់ដែលមានរសនិយមខ្ពស់ចំពោះជីវិតហ៊ឺហា និងប្រើសុទ្ធតែរបស់របរប្រេនៗ។ ក្នុងនោះអ្វីដែលសង្កេតឃើញអគ្គនាយិកាក្រុមហ៊ុន CASTLE E DIAMOND CO.,LTD ដូរម៉ូដ និងម៉ាកកាបូបឡូយៗខ្លាំង។

តាមដានជាមួយយើង៖ Million Times

អ្នកជំនួញដ៏ស្រស់ប្រិមប្រិយ និងជោគជ័យខ្លាំងលើវិថីអនឡាញ មានអចលនទ្រព្យហូរហៀរ ដោយមានទាំងនៅស្រុកខ្មែរ និងនៅក្រៅប្រទេសទាំងផ្ទះ ឡានស៊េរីទំនើប។ មិនតែប៉ុណ្ណោះថៅកែផលិតផលថែរក្សាសម្រស់រូបនេះ មានរបស់របរប្រើប្រាស់ក្នុងផ្ទះ និងជីវិតប្រចាំថ្ងៃក៏ត្រូវតែប្រេនផងដែរ។

ងាកមកមើលម៉ូដកាបូបដៃដែលម្ចាស់ផលិតផលគ្រឿងថែរក្សាសម្រស់មានងារជាឧកញ៉ារូបនេះប្រើ ឃើញថាជាម៉ាកយីហោរបស់ពួកអឺរ៉ុបទាំងអស់។ តស់មកស្គាល់ពីតម្លៃកាបូប និងម៉ាកយីហោដែលថៅកែឡេ អ៊ាន សៀវម៉ី ចូលចិត្តប្រើ៖

១. Mini Lady Dior Bag តម្លៃ ៥ ៩៣១ ដុល្លារ

២. Louis Vuitton Amethyste Ostrich Capucines Mini Bag តម្លៃ ៨ ២៦២ ដុល្លារ

៣. GUCCI – Gg Marmont Shoulder Bag តម្លៃ ២ ៥៥០ ដុល្លារ

៤. Louis Vuitton Monogram Mini Bumbag តម្លៃ ២ ៧១០ ដុល្លារ

អត្ថបទ៖ ឆដា, រូបភាព៖ ម៉ី ព្រះនាងតូច

The post ម៉ូដកាបូប និងជាប្រេនលំដាប់កំពូលៗរបស់សេដ្ឋិនី អ៊ាន សៀវម៉ី ស្អាតៗ តម្លៃកប់ពពក appeared first on Millions times.

សេដ្ឋិនី អ៊ាន សៀវម៉ី ឧបត្ថម្ភយុវជនជនជាតិចារ៉ាយដើរពីភ្នំពេញទៅរតនាគិរី ៤ លានរៀល

Vin Chang — Wed, 08 Oct 2025 07:18:43 +0000

អ៊ាន សៀវម៉ី ថៅកែស្រីអាជីវកម្មអនឡាញដ៏ល្បីដែលបានប្រកាសចេញមុខឧបត្ថម្ភដល់យុវជនម្នាក់ដែលបានធ្វើដំណើរថ្មើរជើងពីរាជធានីភ្នំពេញ ឆ្ពោះទៅកាន់ខេត្តរតនគិរី ចំនួន ៤ លានរៀល។

តាមដានជាមួយយើង៖ Million Times

សេដ្ឋិនីដែលរកស៊ីផ្នែកគ្រឿងសម្អាង អ៊ាន សៀវម៉ី ជាមនុស្សចិត្តបុណ្យចូលចិត្តជួយដល់អ្នកដទៃ ហើយក្រោយល្បីទឹកចិត្តប្រពៃរបស់យុវជន រម៉ាស់ គ្វេន ដែលធ្វើដំណើរថ្មើរជើង ពីរាជធានីភ្នំពេញ ទៅខេត្តរតនគិរី ដើម្បីផ្សព្វផ្សាយពីទេសចរណ៍ស្រុកកំណើតខ្លួន។

មុននេះបន្តិចយុវជន រម៉ាស់ គ្វេន បានធ្វើដំណើរដោយជោគជ័យហើយ ដោយប្រើរយៈពេល ១២ ថ្ងៃ ក្រោមការទទួលស្វាគមន៍ពីប្រជាជនក្នុងខេត្តយ៉ាងកក់ក្ដៅ។ គួរបញ្ជាក់ថាយុវជន រម៉ាស់ គ្វេន ដែលមានឆន្ទៈធ្វើដំណើរ ដោយថ្មើរជើងពីរាជធានីភ្នំពេញ ទៅកាន់ទឹកដីឦសាននៃប្រទេស ខេត្តរតនគិរី ក្នុងចម្ងាយ ៥៨៨ គីឡូម៉ែត្រ គោលបំណង ផ្សព្វផ្សាយវិស័យទេសចរណ៍ខេត្តរតនគិរី ពិសេស រមណីយដ្ឋានបឹងយក្សឡោម។

យុវជន រម៉ាស់ គ្វេន ជនជាតិចារ៉ាយ បច្ចុប្បន្ន រស់នៅភូមិតេនង៉ាល ឃុំយ៉ាទុង ស្រុកអូរយ៉ាដាវ
ខេត្តរតនគិរី៕

អត្ថបទ៖ ឆដា, រូបភាព, Ean Sivmey និងអ៊ីនធឺណេត

The post សេដ្ឋិនី អ៊ាន សៀវម៉ី ឧបត្ថម្ភយុវជនជនជាតិចារ៉ាយដើរពីភ្នំពេញទៅរតនាគិរី ៤ លានរៀល appeared first on Millions times.

អ៊ាន សៀវម៉ី មិនខ្វល់ពាក្យវាយប្រហារ បន្តចាយជីវិតហ៊ឺហាដូចធម្មតា កុម្ម៉ង់នាឡិកា Rolex ជាង ១០ ម៉ឺនដុល្លារ

Vin Chang — Mon, 24 Mar 2025 06:59:53 +0000

ទោះជាមានការរិះគន់ផ្សេងៗលើបណ្ដាញសង្គមមកលើជីវិតថៅកែអនឡាញស្រីល្បីឈ្មោះ អ៊ាន សៀវម៉ី ព្រមទាំងរឿងអាស្រូវស្នេហាយ៉ាងណា តែសេដ្ឋីនីរូបនេះនៅមិនខ្វល់ខ្វាយឡើយ ដោយបន្តចាយភាពហ៊ឺហាតាមធម្មតា។

តាមដានជាមួយយើង៖ Million Times

ថ្មីៗនេះថៅកែគ្រឿងសម្អាងអនឡាញរូបនេះ បានកុម្ម៉ង់នាឡិកា Rolex ១ គ្រឿងតម្លៃខ្ពស់ខ្លាំង ដើម្បីបន្ថែមរសជាតិនៃជីវិត។ Rolex Yacht-master មានតម្លៃចាប់ពី ១៥ ម៉ឺនដុល្លារឡើងទៅជាង ២០ ម៉ឺនដុល្លារ ជានាឡិកាដែល អ៊ាន សៀវម៉ី បាន order តាមរយៈភ្នាក់ងារក្នុងស្រុក និងរង់ចាំ ២ ខែទើបមកដល់ ហើយថៅកែអនឡាញរូបនោះ កំពុងរស់នៅទឹកដីអូស្ត្រាលី។

ថៅកែស្រីដែលមានគោរមងារឧកញ៉ារូបនេះបានកុម្ម៉ង់ Rolex Yacht-master cotton candyមានដាំពេជ្រ និងត្បូងកម្រជាច្រើនគ្រាប់ ធ្វើឲ្យតម្លៃនៃនាឡិកា Rolex មួយនោះកាន់តែខ្ពស់កប់ពពក។

គួរបញ្ជាក់ថា អ៊ាន សៀវម៉ី គឺជាអ្នកជំនួញអនឡាញស្រីដែលពូកែ ព្រមទាំងមានទ្រព្យស្ដុកស្ដម្ភ ហើយមានអចលនទ្រព្យទាំងក្នុង និងស្រុក។ ទោះមានឈ្មោះជាស្ត្រីមេម៉ាយ តែអគ្គនាយិកាក្រុមហ៊ុន CASTLE E DIAMOND CO.,LTD រូបនេះមិនបានទម្លាក់ដៃក្នុងមុខរបរឡើយ ហើយផលិតផលបែរជាផ្ទុះការគាំទ្រខ្លាំងវិញ។

ជីវិតប្រចាំថ្ងៃដែលពោរពេញដោតសម្ភារៈថ្លៃៗ និងលុយចាយពេញដៃ ធ្វើឲ្យនរណាៗក៏ចង់បានដូចជីវិតរបស់ម្ចាស់ផលិតផល Ei Ei រូបនេះដែរ។

មួយរយៈនេះអ្នកជំនួញអនឡាញស្រីរូបនេះជួបប្រទះព័ត៌មានមិនល្អជាច្រើនទាំងរឿងរកស៊ី និងជីវិតស្នេហា ដែលមានអ្នកខ្លះលើកឡើង ធ្វើឲ្យប៉ះពាល់ដល់កេរ្តិ៍ឈ្មោះ ដែលខំសាងមកអស់ជាច្រើនឆ្នាំ៕

អត្ថបទ៖ មេរ៉ា, រូបភាព៖ Ean Sivmeyអ្នកជំនួញអនឡាញស្រី

The post អ៊ាន សៀវម៉ី មិនខ្វល់ពាក្យវាយប្រហារ បន្តចាយជីវិតហ៊ឺហាដូចធម្មតា កុម្ម៉ង់នាឡិកា Rolex ជាង ១០ ម៉ឺនដុល្លារ appeared first on Millions times.

ទីបំផុតអ្នកជំនួញអនឡាញ អ៊ាន សៀវម៉ី បង្ហើបតម្លៃភូមិគ្រឹះស្កឹមស្កៃទើបសាងសង់រួចថ្មីៗ

Vin Chang — Sat, 01 Feb 2025 07:28:15 +0000

អ្នកជំនួញអនឡាញដ៏ល្បី អ្នកស្រី អ៊ាន សៀវម៉ី ដែលទើបសាងសង់ភូមិគ្រឹះដ៏ធំស្កឹមស្កៃហើយកាលពីពេលថ្មីៗ បានដាច់ចិត្តបង្ហើបពីតម្លៃគេហដ្ឋានដ៏ប្រណីតនោះហើយ។ អ្នកតាមដានស្រ្តីអ្នកមាន រូបនេះប្រាកដជាធ្លាប់បានឃើញភូមិគ្រឹះនោះហើយ មិនមែនធំតែផ្ទះឡើយ ក្បាលដីទាំងធំ ហើយវែងថែមទៀត។

តាមដានជាមួយយើង៖ Million Times

កន្លងមកសេដ្ឋីនីផ្នែកជំនួញអនឡាញ ដែលលក់ផលិតផលថែរក្សាសម្រស់ មិនដែលបានបង្ហើបប្រាប់ពីការចំណាយ ក្នុងការសាងសង់ភូមិគ្រឹះដ៏ធំល្វឹងល្វើយឡើយ។ តែថ្មីៗនេះនៅក្នុងវីដេអូ Live លក់ផលិតផល ក៏ដូចជាការជជែកគ្នាជាមួយអតិថិជន អ្នកស្រី អ៊ាន សៀវម៉ី បាននិយាយខ្លះៗហើយទាក់ទងនឹងចំណាយយ៉ាងសន្ធឹកលើការកសាង។

អ្នកស្រី អ៊ាន សៀវម៉ី បានឲ្យដឹងថា ភូមិគ្រឹះដ៏ធំសម្បើមដែលទើបបញ្ចប់ការសាងសង់នោះ ចំណាយអស់ជិត ១០ លានដុល្លារឯណោះ។ មិនត្រឹមតែបង្ហើបពីតម្លៃភូមិគ្រឹះប៉ុណ្ណោះទេ ស្ត្រីជោគជ័យក្នុងវិស័យអនឡាញរូបនេះ ក៏និយាយដល់រោងចក្រដែលជាកន្លែងផលិតគ្រឿងថែរក្សាសម្រស់ ៤-៥ កន្លែង។

មិនអស់ត្រឹមប៉ុណ្ណេះឡើយ មេមាយចាយសម្រស់សាច់សខ្ចី ថែមទាំងនិយាយដល់អចលនទ្រព្យផ្សេងៗបន្ថែមទៀតដូចជាផ្ទះជូល បន្ទប់ជួល ជាកម្មសិទ្ធិផ្ដាច់មុខ។ ក្រៅពីមានផ្ទះនៅស្រុកខ្មែរហើយ ស្រ្តីហាយសូ អ៊ាន សៀវម៉ី ក៏មានផ្ទះ និងឡាន ព្រមទាំងមុខរបរនៅប្រទេសអូស្រ្តាលីថែមទៀតផង៕

អត្ថបទ៖ មេរ៉ា, រូបភាព៖ Ean Sivmey

The post ទីបំផុតអ្នកជំនួញអនឡាញ អ៊ាន សៀវម៉ី បង្ហើបតម្លៃភូមិគ្រឹះស្កឹមស្កៃទើបសាងសង់រួចថ្មីៗ appeared first on Millions times.

ភូមិគ្រឹះធំស្កឹមស្កៃអ្នកជំនួញអនឡាញ អ៊ាន សៀវម៉ី មើលពីចម្ងាយល្វឹងល្វើយហើយ

Vin Chang — Mon, 30 Dec 2024 04:41:37 +0000

ទីបំផុតភូមិគ្រឹះថ្មីរបស់អ្នកជំនួញអនឡាញស្រីល្បីឈ្មោះ អ៊ាន សៀវម៉ី បានបញ្ចប់ការសាងសងជាស្ថាពរហើយ ដោយបង្ហាញចេញជារូបរាងពេញលេញយ៉ាងស្រស់ស្អាត មើលទៅទាន់សម័យ និងប្រណីតទាក់ភ្នែកតែម្ដង។

តាមដានជាមួយយើង៖ Million Times

អ្នកជំនួញអនឡាញដ៏ស្រស់ប្រិមប្រិយ និងជោគជ័យខ្លាំង អ៊ាន សៀវម៉ី បើទោះក្លាយជាស្រ្តីមេម៉ាយ ក៏នៅតែដឹកនាំអាជីវកម្មផលិតផលថែរក្សាសម្រស់ដើរទៅមុខ ហើយនៅតែបន្តភាពហ៊ឺហាជាសេដ្ឋីនីដូចដើម។ ទោះជាមានបញ្ហាមិនឈប់ឈរទាំងចោរប្លន់ក្នុងផ្ទះ បញ្ហាគ្រួសារចាក់ស្រេះក្នុងជីវិត និងរឿងបោកប្រាស់ក្នុងមុខជំនួញ តែស្ត្រីរឹងមាំរូបនេះ មិនបោះបង់ ឬចុះចាញ់ឡើយ មានតែជម្នះរហូតដល់ទីបញ្ចប់។

ភូមិគ្រឹះថ្មីដែលទើបបញ្ចប់ការសាងសង់តម្លៃរាប់លាន ហើយនោះមិនមែនជាផ្ទះដំបូងរបស់អ្នកជំនួញស្រីមានគោរមងារជាឧកញ៉ារូបនេះឡើយ។ បរិវេណភូមិគ្រឹះថ្មីរបស់ អ៊ាន សៀវម៉ី មានទីធ្លាធំខ្លាំង គ្រាន់តែពីរបងខាងមុខដល់តួផ្ទះក៏ឃើញថា ទូលាយអាចឲ្យកូនៗម្ចាស់អាជីវកម្មអនឡាញរូបនេះ រត់លេងយ៉ាងសប្បាយ។

អ្នកអនឡាញ អ៊ាន សៀវម៉ី កំពុងសោយសុខក្នុងជីវិតជាស្ត្រីមេម៉ាយ និងតែងតែងហោះហើរទៅដើរកម្សាន្តនៅក្រៅប្រទេស ព្រមទាំង shopping សម្ភារៈប្រេនៗ ដើម្បីសេចក្ដីសុខខ្លួនឯង និងកូនៗ។ មិនតែប៉ុណ្ណោះ មួយរយៈនេះ អ៊ាន សៀវម៉ី កំពុងមានសុភមង្គលជាមួយស្នេហាថ្មី ដែលខាងប្រុសជាតារាសម្ដែង។

ក្រៅពីមានផ្ទះនៅស្រុកខ្មែរហើយ ឧកញ៉ា អ៊ាន សៀវម៉ី ក៏មានផ្ទះ និងឡាននៅប្រទេសអូស្រ្តាលីថែមទៀតផង៕

អត្ថបទ៖ មេរ៉ា, រូបភាព៖ Ean Sivmey

The post ភូមិគ្រឹះធំស្កឹមស្កៃអ្នកជំនួញអនឡាញ អ៊ាន សៀវម៉ី មើលពីចម្ងាយល្វឹងល្វើយហើយ appeared first on Millions times.

សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង

Vin Chang — Mon, 26 Aug 2024 06:23:04 +0000

ការខិតខំប្រឹងប្រែង បានធ្វើឲ្យស្ត្រីជាច្រើនបានជោគជ័យក្នុងមុខជំនួញ ជាពិសេសគឺជំនួញតាមអនឡាញនេះតែម្ដង ដែលជារបរពេញនិយមមួយ។ អ្នកជំនួញអនឡាញធំៗនាបច្ចុប្បន្ននេះ ភាគច្រើនមិនជាអ្នកមានធម្មតាទេ តែក៏មានគោរមងារផងដែរ។

បុគ្គលឆ្នើមខាងជំនួញអនឡាញភាគច្រើនជាស្ត្រី និងស្ថិតនៅវ័យក្មេងថែមទៀតផង។ ក្រោយក្លាយជាសេដ្ឋីប្រាក់វាល់លានហើយនោះ អ្នកជំនួញដែលជាស្ត្រីទាំងនោះបានប្រើជីវិតរស់នៅក្នុងភូមិគ្រឹះធំៗរបស់របរប្រើប្រាស់សុទ្ធតែជាប្រេនល្បីៗលំដាប់ពិភពលោក និងឡានទំនើបជាច្រើនគ្រឿង។ ប៉ុន្តែបើទោះជាមុខរបរដើរទៅមុខយ៉ាងរលូន ជីវិតស្នេហា អ្នកជំនួញអនឡាញខ្លះ បែរជាមិនសមប្រកបទៅវិញ។

តាមដានជាមួយយើង៖ Million Times

សម្រាប់អ្នកជំនាញស្ត្រីល្បីៗប៉ុន្មានរូបនេះ គឺអ្នកឧកញ៉ា អ៊ាន សៀវម៉ី, ម៉ាដាម ដា និងសេដ្ឋីគ្រឿងអលង្ការ ទ្រី ដាណា។ សេដ្ឋីនី ព្រមទាំងមានងារជាឧកញ៉ា ទ្រី ដាណា ក្រោយលែងលះជាមួយស្វាមី ដែលត្រូវគេហៅថា ពូ ម៉ៅ មានហ្វេនជាច្រើនផ្គូផ្គងជាមួយតារាសម្ដែង សេង មង្គល អស់រយៈពេល ២ ឆ្នាំ។ ទីបំផុតកូនកំលោះ គឺតារាម៉ូដែល និងជាអ្នកធ្លាប់ធ្វើការលើយន្តហោះ រស់ រាជ្ជសាល ទៅវិញសោះ។ គិតមកទល់ពេលនេះជិត១ឆ្នាំហើយ ដែលថៅកែពេជ្រ ទ្រី ដាណា បានបញ្ចប់ឈ្មោះជាស្ត្រីមេម៉ាយរៀបការនឹងកំលោះសង្ហា រស់ រាជ្ជសាល កាលពីថ្ងៃទី ៣ ខែធ្នូ ឆ្នាំ ២០២៣ កន្លងទៅ។ បន្ទាប់ពីរៀបការយ៉ាងអធិកអធម អ្នកទាំង២ បានរស់នៅយ៉ាងមានសុភមង្គលក្រោមទ្រនំធស្កឹមស្កៃ។

គូបន្ទាប់គឺអ្នកជំនួញរាងតូចច្រឡឹង ម៉ាដាម ដា។ ក្រោយបែកគ្នាពីគូស្នេហ៍ភេទដូចគ្នាដែលខំតស៊ូតាំងពីបាតដៃទទេជាមួយគ្នាជាង ៨ ឆ្នាំ ថៅកែគ្រឿងថែរក្សាសម្រស់រូបនេះ បានប្រកាសទីពីទំនាក់ទំនងជាមួយតារាសម្ដែងប្រុសរូបសង្ហា ប៊ឺរី ហើយក៏កំពុងរកមើលវីឡា ដើម្បីរស់នៅជាមួយគ្នា ក្រោយរៀបការ។

ងាកមកគូសេដ្ឋីនី ជាមួយតារាសម្ដែងសាច់ដុំធំៗ រាងខ្ពស់ស្រឡះ អ៊ាន សៀវម៉ី និង ប៉ែន ភក្ត្រសុធារិទ្ធ បានបើកចំហចំណងស្នេហ៍ក្រោយទាក់ទងគ្នាមួយរយៈ ហើយក៏ត្រៀមរៀបការឆាប់ៗនេះដូចគូ ម៉ាដាម ដា និង ប៊ឺរី ផងដែរ ដោយគេសង្កេតឃើញថា ភក្ត្រសុធារិទ្ធ និងអ្នកអនឡាញល្បីឈ្មោះ សៀវម៉ី តែងតែបង្ហាញភាពផ្អែមល្ហែមលើបណ្ដាញសង្គមជាញឹកញាប់ ហើយខាងស្រីក៏តែងតែចេញមុខការពារអ្នករិះគន់ខ្លួន និងគូស្នេហ៍ផងដែរ។ ឧកញ៉ា សៀវម៉ី ក្រោយមានពាក្យចចាមអារាមស្នេហា ក៏បានចេញមកមកប្រកាសថា ប៉ែន ភក្ត្រសុធារិទ្ធ មិនមែនជា BA ឬថតបទចម្រៀងជាមួយគ្នាឡើយ ពោលគឺជាគូស្នេហ៍តែម្ដង។

អ្វីដែលកាន់តែធ្វើឲ្យអ្នកតាមដានជីវិតហាយសូរបស់អ្នកជំនួញអនឡាននៅកម្ពុជា គឺថ្មីៗនេះឧកញ៉ា Loveriya ដែលមានឈ្មោះពិតថា ឆេង ស្រីរ័ត្ន បានលែងលះស្វាមីដាច់ស្រេច ហើយខាងប្រុសក៏បានរើចេញពីវីឡាផងដែរ។ អ្នកលេងបណ្ដាញសង្គមបានចាំសង្កេតមើលថា តើឧកញ៉ា ដែលទើបសម្ញែងរថយន្តស៊េរីទំនើប ៨ គ្រឿង មានតម្លៃជាង ៣ លានដុល្លារអាមេរិក នោះដើរតាមគន្លងអ្នកជំនួញអនឡានស្រ្តីល្បីឈ្មោះដូចគ្នា ៣ រូបខាងលើ ឬក៏ស្រុះស្រួលត្រូវរ៉ូវគ្នាវិញជាមួយស្វាមី លោកហេង គឹមហៀង ដែលមានតួនាទីជាប៉ូលិស ឬយ៉ាងណានោះទេ៕

អត្ថបទ៖ នារ៉ាវី រូបភាព៖ បណ្តាញសង្គម

The post សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង appeared first on Millions times.

អ៊ាន សៀវមុី Archives - Millions times

ឧកញ៉ា អ៊ាន ស៊ៀវម៊ី ឧបត្ថម្ភ​ថវិកា ៣ លានរៀល ដល់សិស្សជាប់លេខ១ទូទាំង​ប្រទេស ​ផ្នែក​គណិតវិទ្យា

ឧកញ៉ា អ៊ាន សៀវម៊ី លេងខ្លួនមួយចាស់ដៃ ថ្ងៃខួបកំណើតកូនច្បងវ័យ ១៦ ឆ្នាំ

ម៉ូដកាបូប និងជាប្រេនលំដាប់កំពូលៗរបស់សេដ្ឋិនី អ៊ាន សៀវម៉ី ស្អាតៗ តម្លៃកប់ពពក

សេដ្ឋិនី អ៊ាន សៀវម៉ី ឧបត្ថម្ភយុវជនជនជាតិចារ៉ាយដើរពី​ភ្នំពេញទៅរតនាគិរី ៤ លានរៀល

អ៊ាន សៀវម៉ី មិនខ្វល់ពាក្យវាយប្រហារ បន្តចាយជីវិត​ហ៊ឺហា​ដូចធម្មតា កុម្ម៉ង់នាឡិកា Rolex ជាង ១០ ម៉ឺនដុល្លារ

ទីបំផុតអ្នកជំនួញអនឡាញ អ៊ាន សៀវម៉ី បង្ហើបតម្លៃភូមិគ្រឹះស្កឹមស្កៃទើបសាងសង់រួចថ្មីៗ

ភូមិគ្រឹះធំស្កឹមស្កៃអ្នកជំនួញអនឡាញ អ៊ាន សៀវម៉ី មើលពីចម្ងាយល្វឹងល្វើយហើយ

សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង

ឧកញ៉ា អ៊ាន ស៊ៀវម៊ី ឧបត្ថម្ភថវិកា ៣ លានរៀល ដល់សិស្សជាប់លេខ១ទូទាំងប្រទេស ផ្នែកគណិតវិទ្យា

សេដ្ឋិនី អ៊ាន សៀវម៉ី ឧបត្ថម្ភយុវជនជនជាតិចារ៉ាយដើរពីភ្នំពេញទៅរតនាគិរី ៤ លានរៀល

អ៊ាន សៀវម៉ី មិនខ្វល់ពាក្យវាយប្រហារ បន្តចាយជីវិតហ៊ឺហាដូចធម្មតា កុម្ម៉ង់នាឡិកា Rolex ជាង ១០ ម៉ឺនដុល្លារ