លោក Musk បាននិយាយនៅក្នុងវីដេអូផ្សាយផ្ទាល់ជាមួយនឹងការអបអរសាទរដ៏ធំធេងដោយអ្នកគាំទ្រ AfD ប្រហែល ៤,៥០០ នាក់ដែលប្រមូលផ្តុំគ្នានៅខាងក្នុងសាលមួយក្នុងទីក្រុង Halle ភាគខាងកើតប្រទេសអាល្លឺម៉ង់កាលពីថ្ងៃសៅរ៍។

តាមដានជាមួយយើង៖ Million Times

ពេលកំពុងនិយាយជាមួយមេដឹកនាំគណបក្ស លោកស្រី Alice Weidel ដែលជាបេក្ខភាពអធិការបតីរបស់គណបក្ស AfD លោក Musk បានរំលឹកឡើងវិញនូវជំនឿរបស់លោកថា គណបក្ស AfD គឺជា “ក្តីសង្ឃឹមដ៏ល្អបំផុត” របស់ប្រទេសអាឡឺម៉ង់នៅក្នុងការបោះឆ្នោតសកលនាពេលខាងមុខនៅថ្ងៃទី២៣ ខែកុម្ភៈ។

ប្រទេសអាឡឺម៉ង់ ដែលជាសេដ្ឋកិច្ចធំបំផុតរបស់អឺរ៉ុប កំពុងឆ្ពោះទៅរកការបោះឆ្នោតនៅក្នុងខែកុម្ភៈ បន្ទាប់ពីអធិការបតី លោក Olaf Scholz បាត់បង់ទំនុកចិត្ត ហើយក្រុមចម្រុះដែលស្ថិតនៅក្រោមការគ្រប់គ្រងរបស់លោកបានដួលរលំបន្ទាប់ពីអស្ថិរភាពជាច្រើនខែ។

AfD បានឃើញការកើនឡើងនៃការគាំទ្រ ដែលថ្មីៗនេះបានក្លាយជាគណបក្សស្តាំនិយមដំបូងគេឈ្នះការបោះឆ្នោតរដ្ឋនៅប្រទេសអាឡឺម៉ង់ ចាប់តាំងពីសម័យណាស៊ី ហើយបានដំណើរការយ៉ាងល្អក្នុងការស្ទង់មតិសម្រាប់ការបោះឆ្នោតនាពេលខាងមុខ។ ទន្ទឹម​នឹង​នេះ គណបក្ស​នេះ​ត្រូវ​បាន​គេ​រិះគន់​ចំពោះ​ជំហរ​ប្រឆាំង​ជន​អន្តោប្រវេសន៍​យ៉ាង​ម៉ឺងម៉ាត់។ គណបក្សនយោបាយសំខាន់ៗរបស់ប្រទេសអាល្លឺម៉ង់ទាំងអស់បាននិយាយថា ពួកគេនឹងមិនធ្វើការជាមួយគណបក្ស AfD ទេ។

Musk ដែលជាសម្ព័ន្ធមិត្តជិតស្និទ្ធរបស់ប្រធានាធិបតីអាមេរិក Donald Trump បានសង្កត់ធ្ងន់លើសារៈសំខាន់ “ដែលប្រជាជនមានមោទនភាពនៅក្នុងប្រទេសអាល្លឺម៉ង់ និងជាជនជាតិអាឡឺម៉ង់” ជាមនោសញ្ចេតនាត្រូវបានជួបជាមួយនឹងការអបអរសាទរដ៏រំភើបនៅឯការប្រមូលផ្តុំ AfD ។

មហាសេដ្ឋីរូបនេះក៏បានលើកឡើងពីបញ្ហាអន្តោប្រវេសន៍ ដែលជាបញ្ហាសំខាន់នៅក្នុងការបោះឆ្នោត ដោយជំរុញឱ្យ លោកស្រី Wiedel និងអ្នកគាំទ្ររបស់លោកស្រីកុំឱ្យបាត់បង់មោទនភាពជាតិរបស់ពួកគេ។

ទន្ទឹមនឹងនេះ ជនជាតិអាល្លឺម៉ង់រាប់ម៉ឺននាក់បានតវ៉ានៅទីក្រុងប៊ែរឡាំង និងទីក្រុងផ្សេងទៀត កាលពីថ្ងៃសៅរ៍ប្រឆាំងនឹងគណបក្សស្តាំនិយមជ្រុល។

សារព័ត៌មាន Associated Press បានឱ្យដឹងថា នៅក្នុងទីក្រុង Cologne ភាគខាងលិចប្រទេសអាល្លឺម៉ង់ ប៉ូលីសបានប៉ាន់ប្រមាណថា មានក្រុមមនុស្សចំនួន ៤០,០០០ នាក់កំពុងធ្វើបាតុកម្ម។

សារព័ត៌មានដដែលរាយការណ៍ថា បាតុករប្រហែល ៣៥,០០០ នាក់បានប្រមូលផ្តុំគ្នានៅច្រកទ្វារ Brandenburg ដែលជានិមិត្តរូបនៃទីក្រុងប៊ែកឡាំង ជាកន្លែងពួកគេបានច្រៀងចម្រៀងប្រឆាំងហ្វាស៊ីសនិយម កាន់បដាបរិហារអំពី AfD និងបង្ហាញអក្សរបំភ្លឺដែលប្រកបក្តីសង្ឃឹម និងការតស៊ូ។

មហាសេដ្ឋី Musk បាន​ចូល​រួម​កាន់​តែ​ខ្លាំង​ឡើង​ក្នុង​ទិដ្ឋភាព​នយោបាយ​អឺរ៉ុប។ ក្នុងប៉ុន្មានសប្តាហ៍ថ្មីៗនេះ លោកបានបង្កើតសម្ព័ន្ធភាពជាមួយមេដឹកនាំគណបក្ស AfD លោកស្រី Wiedel ។ កាលពីដើមខែមករា អ្នកទាំងពីរបានពិភាក្សាអំពីការបោះឆ្នោត សេដ្ឋកិច្ច និងបញ្ហានយោបាយរបស់ប្រទេសអាល្លឺម៉ង់។ ប៉ុន្តែការចូលរួមរបស់ Musk ដែលជាបុរសមានជាងគេបំផុតរបស់ពិភពលោក និងជាម្ចាស់ប្រព័ន្ធផ្សព្វផ្សាយសង្គម X ត្រូវបានគូសបញ្ជាក់ផងដែរជាមួយនឹងការភ័យខ្លាចក្នុងចំណោមមេដឹកនាំរដ្ឋាភិបាលនៅអឺរ៉ុប។

នៅ​ចក្រភព​អង់គ្លេស នាយក​រដ្ឋមន្ត្រី​បាន​ចោទ​លោក Musk ថា​ បាន​ផ្សាយ​កុហក បន្ទាប់​ពី​មហាសេដ្ឋី​រូប​នេះ​បង្ក​ប្រតិកម្ម​តាម​ប្រព័ន្ធ​ផ្សព្វផ្សាយ​សង្គម​ប្រឆាំង​នឹង​រដ្ឋាភិបាល​អង់គ្លេស។ លោក Musk ក៏បានជំរុញឱ្យមានការដោះលែងសកម្មជននយោបាយស្តាំនិយម Tommy Robinson និងបានធ្វើឲ្យរីករាលដាលភាពចលាចលតាមប្រព័ន្ធផ្សព្វផ្សាយសង្គមដែលជំរុញឱ្យមានកុប្បកម្មប្រឆាំងអន្តោប្រវេសន៍។

អត្ថបទ៖ សារ៉ាយ រូបភាព៖ AP/ Reuters / Getting Impact

The post មហាសេដ្ឋី Elon Musk ចូលរួមឃោសនាបោះឆ្នោតអធិការបតី កំពុងធ្វើឲ្យភ្ញាក់ផ្អើលនៅអាល្លឺម៉ង់ appeared first on Millions times.