ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ កាលពីថ្ងៃទី២១ ខែកុម្ភៈ ឆ្នាំ ២០២៦ បានអនុញ្ញាតជូនលោក Karthik Tallam កុងស៊ុលកិត្តិយសកម្ពុជាប្រចាំ ទីក្រុង Bengaluru (ឈ្មោះពីមុន Bangalore) រដ្ឋ Karnataka នៃសាធារណរដ្ឋឥណ្ឌា ចូលជួបសម្តែងការគួរសម និងពិភាក្សាការងារពាក់ព័ន្ធនឹងការពង្រឹងកិច្ចសហការក្នុងវិស័យទេសចរណ៍ និងការវិនិយោគបន្ថែមរវាងកម្ពុជា និងឥណ្ឌា នាទីស្តីការក្រសួង។

តាមដានជាមួយយើង៖ Million Times

ក្នុងឱកាសនៃជំនួបប្រកបដោយផ្លែផ្កានេះ លោក Karthik Tallam បានគោរពថ្លែងអំណរគុណយ៉ាងជ្រាលជ្រៅចំពោះការអនុញ្ញាតចូលជួបសម្តែងការគួរសម និងពិភាក្សាការងារនាពេលនេះ ដោយបានបញ្ជាក់ពីការប្តេជ្ញាចិត្តបន្តផ្សព្វផ្សាយលើកកម្ពស់សក្តានុពលទេសចរណ៍ និងកាលានុវត្តវិនិយោគរបស់កម្ពុជាជូនដល់វិនិយោគិន និងប្រជាពលរដ្ឋឥណ្ឌា ជាពិសេសអ្នករស់នៅ និងធ្វើអាជីវកម្មនៅទីក្រុង Bengaluru (Bangalore) និងបណ្តាក្រោមដែនសមត្ថកិច្ចរបស់ស្ថានកុងស៊ុល។

បន្ថែមពីលើនេះ លោកក៏បានគូសបញ្ជាក់ពការពង្រឹងពង្រីកកិច្ចសហការលើវិស័យទេសចរណ៍រវាងខេត្តសៀមរាប និងរដ្ឋ Karnataka ឱ្យកាន់តែខ្លាំងក្លាបន្ថែមទៀតក្រោមក្របខណ្ឌកិច្ចព្រមពៀងទំនាក់ទំនងសម្ព័ន្ធមេត្រីភាពរវាងខេត្តសៀមរាប និងរដ្ឋ Karnataka ដែលបានចុះហត្ថលេខាកាលពីខែកញ្ញា ឆ្នាំ2025 កន្លងមក ជាពិសេសគឺកិច្ចប្រឹងប្រែងរួមគ្នាជំរុញដល់ក្រុមហ៊ុនអាកាសចរណ៍ឥណ្ឌាដ៏ធំ Indigo Airlines ហោះហើរត្រង់រវាងខេត្តសៀមរាប និងទីក្រុង Bengaluru (ហៅពីមុន Bangalore) ដើម្បីជំរុញកំណើនភ្ញៀវទេសចរឥណ្ឌាមកកម្ពុជាឱ្យកាន់តែច្រើនឡើង។

ជាកិច្ចឆ្លើយតប ឯកឧត្តមរដ្ឋមន្ត្រី បានកោតសរសើរ វាយតម្លៃខ្ពស់ និងថ្លែងអំណរគុណចំពោះតួនាទីដ៏សកម្មរបស់លោកកុងស៊ុលកិត្តិយស ក្នុងការផ្សព្វផ្សាយសក្តានុពលទេសចរណ៍កម្ពុជា និងកាលានុវត្តភាពវិនិយោគកម្ពុជានៅប្រទេសឥណ្ឌា រួមទាំងគំនិតផ្តួចផ្តើមដ៏ល្អនាពេលនេះដែលពិតជាជួយទាក់ទាញភ្ញៀវទេសចរ និងវិនិយោគិនឥណ្ឌាមកទស្សនា និងវិនិយោគនៅកម្ពុជាកាន់តែច្រើនឡើងបន្ថែមទៀត។

ឆ្លៀតក្នុងឱកាសនេះ ឯកឧត្តមរដ្ឋមន្ត្រី ក៏បានស្នើលោកកុងស៊ុលកិត្តិយស បន្តជួយផ្សព្វផ្សាយព័ត៌មានពិតអំពីស្ថានភាពនយោបាយ សន្តិសុខ និងការអភិវឌ្ឍសេដ្ឋកិច្ច-សង្គមយ៉ាងឆាប់រហ័សរបស់កម្ពុជា ដល់ប្រជាពលរដ្ឋនិងវិនិយោគិនឥណ្ឌា ព្រមទាំងចូលរួមប្រឆាំងព័ត៌មានក្លែងក្លាយពីកម្ពុជា ដែលការពិត កម្ពជាជាគោលដៅទេសចរណ៍មានសុវត្ថិភាព និងសន្តិសុខ៕

អត្ថបទ៖ ប៊ី

The post កម្ពុជា-ឥណ្ឌា ជំរុញការតភ្ជាប់ជើងហោះហើរត្រង់រវាងខេត្តសៀមរាប និងទីក្រុង Bengaluru appeared first on Millions times.

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ក្នុងសន្និបាតបូកសរុបលទ្ធផលការងារអាកាសចរណ៍ស៊ីវិល ឆ្នាំ២០២៤ និងលើកទិសដៅបន្តអនុវត្តសម្រាប់ឆ្នាំ២០២៥ របស់រដ្ឋលេខាធិការដ្ឋានអាកាសចរណ៍ស៊ីវិល នៅថ្ងៃទី១២ ខែមីនានេះ បានដាក់ចេញទិសដៅជំរុញ និងសម្រេចឱ្យបាននូវការដឹកជញ្ជូនអ្នកដំណើរតាមផ្លូវអាកាស ចំនួន ៧.៥លាននាក់ និងទំនិញចំនួន ៨០ពាន់តោននៅក្នុងឆ្នាំ២០២៥។

តាមដានជាមួយយើង៖ Million Times

លោកបានដាក់ផែនការឲ្យបន្តជំរុញការចរចា កែសម្រួល និងចុះហត្ថលេខាកិច្ចព្រមព្រៀងស្តីពីសេវាកម្មដឹកជញ្ជូនតាមផ្លូវអាកាសជាទ្វេភាគី ជាមួយប្រទេសហ្វ៊ីលីពីន ជប៉ុន ឥណ្ឌូណេស៊ី ចក្រភពអង់គ្លេស និងប៉ាគីស្ថាន ព្រមទាំងពហុភាគីអាស៊ានរវាងអាស៊ាន និងនូវែលសេឡង់។

បន្ថែមទៀតនោះ លោកក៏បន្តជំរុញឱ្យមានការហោះហើរជាតិ និងអន្តរជាតិ ជាលក្ខណៈជួល (Charter Flights) កាន់តែច្រើនឡើងថែមទៀត ទៅកាន់អាកាសយានដ្ឋានអន្តរជាតិតារាសាគរផងដែរ។

បើតាមលោក ម៉ៅ ហាវណ្ណាល់ រដ្ឋលេខាធិការដ្ឋានអាកាសចរណ៍ស៊ីវិល ក៏បានដាក់ផែនការបន្តជួយគាំទ្រដល់ក្រុមហ៊ុនអាកាសចរណ៍របស់កម្ពុជាអាចមានលទ្ធភាព កាន់តែទូលំទូលាយថែមទៀត ដើម្បីបើកដំណើរការជើងហោះហើរអន្តរជាតិ។ 

លើសពីនេះ អាកាសចរណ៍ស៊ីវិលក៏បានជំរុញ និងសម្រួលនីតិវិធី ដើម្បីគាំទ្រដល់ការរៀបចំជើងហោះហើរថ្មី របស់ក្រុមហ៊ុនអាកាសចរណ៍ Turkish Airlines ពីទីក្រុងអ៊ីស្តង់ប៊ុល មកកាន់រាជធានីភ្នំពេញ ក្រុមហ៊ុន អាកាសចរណ៍ Etihad Airways ពីទីក្រុងអាប៊ូដាប៊ី មកកាន់រាជធានីភ្នំពេញ និងក្រុមហ៊ុន អាកាសចរណ៍ Emirates Airlines ពីទីក្រុងឌូបៃ មកកាន់ខេត្តសៀមរាប៕

អត្ថបទ៖ សាងតេជៈ រូបភាព៖ ផេកអាកាសចរណ៍ស៊ីវិល

The post អាកាសចរណ៍ស៊ីវិល ដាក់ទិសដៅជំរុញការហោះហើរដឹកអ្នកដំណើរឲ្យបានជាង ៧លាននាក់ និងទំនិញ ៨០ពាន់តោនឆ្នាំ២០២៥ appeared first on Millions times.

ការបើកជើងហោះហើរលើកទី១នាពេលនេះ ត្រូវបានរៀបចំពិធីស្វាគមន៍ដោយមានការលេងឆៃយាំង និងជូនកាដូក្រមាខ្មែរពីរដ្ឋមន្រ្តីក្រសួងទេសចរណ៍, រដ្ឋលេខាធិការដ្ឋានអាកាសចរស៊ីវិល និងឯកអគ្គរដ្ឋទូតចិនប្រចាំកម្ពុជា។

តាមដានជាមួយយើង៖ Million Times

សម្រាប់អ្នកដំណើរអន្តរជាតិ តាមជើងហោះហើរទី១នេះ លោក Wang Wenbin ឯកអគ្គរដ្ឋទូតចិន បានបង្ហាញនូវការសប្បាយរីករាយ ដែលបានសហការ ជាមួយរដ្ឋលេខាធិការដ្ឋានអាកាសចរណ៍ស៊ីវិល និងក្រសួងទេសចរណ៍ ក្នុងការទទួលភ្ញៀវទេសចរចិន ដែលបានបង្កើនជើងយន្ដហោះ ពីទីក្រុងស៊ីអាន មកកាន់ទីក្រុងភ្នំពេញ»។ លោកគូសបញ្ជាក់ថា វិស័យទេសចរណ៍ គឺជាសសរស្ដម្ភសេដ្ឋកិច្ច របស់ប្រទេសកម្ពុជា ក៏ជាស្បៀងសំខាន់ សម្រាប់ការតភ្ជាប់រវាងប្រជាជន និងប្រជាជន។

សូមជម្រាបថា មុនវិបត្តិកូវីដ១៩នៅក្នុងឆ្នាំ២០១៩ ក្រុមហ៊ុនអាកាសចរណ៍ Spring Airlines ធ្លាប់បានហោះហើរ ចេញ-ចូល ប្រទេសកម្ពុជា បានចំនួន៦២ជើង ក្នុងមួយសប្ដាហ៍។

បច្ចុប្បន្ន ក្រុមហ៊ុនអាកាសចរណ៍ Spring Airlines បានចាប់ផ្តើមហោះហើរឡើងវិញ នៅក្នុងប្រទេសកម្ពុជា ចាប់ពីថ្ងៃទី៣១ ខែធ្នូ ជើងហោះហើរ នឹងដំណើរការ៣ជើង ក្នុងមួយសប្តាហ៍ នៅថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍៕

អត្ថបទ៖ សាងតេជៈ រូបភាព៖ ក្រសួងទេសចរណ៍

The post ក្រុមហ៊ុន Spring Airlines ចាប់ផ្តើមហោះហើរឡើងវិញមកកម្ពុជា ដោយជើងដំបូងមានភ្ញៀវទេសចរណ៍ ១២២នាក់ appeared first on Millions times.

ប្រធានក្រុមប្រឹក្សាភិបាលនៃក្រុមហ៊ុនអាកាសចរណ៍វៀតណាម លោក Dang Ngoc Hoa បានថ្លែងថា​ ការហោះហើរត្រង់រវាងរដ្ឋធានីទាំងពីរ​ជាផ្លូវការនឹងរួមចំណែកបង្កើនបណ្តាញតភ្ជាប់រវាងប្រទេសទាំងពីរ។

តាមដានជាមួយយើង៖ Million Times

លោកបានប្រកាសថា ក្រៅពីតួនាទីជាស្ពានដឹកជញ្ជូនអ្នកដំណើរ ឬទំនិញ ការហោះហើរត្រង់ក៏ជាឯកអគ្គរដ្ឋទូតផងដែរ ដែលចូលរួមក្នុងការលើកកម្ពស់ទំនាក់ទំនងទ្វេភាគីរវាងប្រទេសទាំងពីរកាន់តែរឹងមាំ និងជួយពង្រឹងទំនាក់ទំនងមិត្តភាពរវាងវៀតណាម និងកម្ពុជា។

លោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានលើកឡើងថា ជើង​ហោះ​ហើរដឹក​អ្នកដំណើរតាមផ្លូវអាកាសរវាងប្រទេសទាំងពីរ ជាលក្ខណៈ​ហោះ​ហើរ​ត្រង់​ (Direct Scheduled Flight) ជាការបន្ថែមលើជើងហោះហើរជាប្រវត្តិសាស្ត្រ ហាណូយ-វៀងចន្ទន៍-ភ្នំពេញ-ហូជីមិញ ដែលបានចាប់ផ្តើមដំណើរការអស់ជាង២០ឆ្នាំកន្លងមក។

​លោកថ្លែងថា៖ «ខ្ញុំសង្ឃឹមយ៉ាងមុតមាំនិងជឿជាក់ថា ការបើកដំណើរការជើងហោះហើរត្រង់ចាប់ពី​ថ្ងៃនេះ នឹងចូលរួមចំណែកសម្រួលការធ្វើដំណើរតាមផ្លូវអាកាសរវាងប្រទេសទាំងពីរ តាមរយៈការផ្តល់​នូវជម្រើសកាន់តែប្រសើរឡើងថែមទៀតជូនអ្នកដំណើរតាមផ្លូវអាកាស ជាពិសេសធុរៈជន និងភ្ញៀវទេសចរណ៍ជាតិ និងអន្តរជាតិ ព្រមជាមួយការជម្រុញពីព្រឹត្តកម្មសេវាកម្មកញ្ចប់ទេសចរណ៍រវាងប្រទេសយើងទាំងពីរផងដែរ»។

លោកបន្ថែមថា ការសម្ពោធជើងហោះហើរត្រង់នាថ្ងៃនេះ នឹងក្លាយជានិមិត្តរូបនៃភាពជោគជ័យផ្លែផ្កាដល់ចំណងមិត្ត​ភាព​កាន់តែជិតស្និទ្ធនិងកិច្ចសហប្រតិបត្តិការគ្រប់វិស័យ នៃប្រទេសយើងទាំងពីរផងដែរ។

របាយការណ៍របស់រដ្ឋលេខាធិការដ្ឋានអាកាសចរណ៍ស៊ីវិល ចាប់ពីពេលនេះតទៅ កម្ពុជាបានសម្រេចរៀបចំឱ្យមានការហោះហើរត្រង់ផ្សារភ្ជាប់ពីរាជធានីនិងរដ្ឋធានីនៃបណ្តាប្រទេសអាស៊ានចំនួន៨ គឺបាងកក កូឡាឡាំពួ សិង្ហបូរី ហ្សាការតា ម៉ានីល វៀងចន្ទន៍ រ៉ងហ្គូន និងហាណូយ ដោយនៅខ្វះតែរាជធានីបានដាស៊េរីបេហ្កាវ៉ាន់ ប្រទេសព្រុយណេ។

សូមជម្រាបជូនថា ក្នុងរយៈពេល៩ខែឆ្នាំនេះ នៅកម្ពុជាមានក្រុមហ៊ុនអាកាសចរណ៍ក្នុងស្រុក និងបរទេសចំនួន៣១ ដែលកំពុងតភ្ជាប់ជើងហោះហើរក្នុងតំបន់និងសកលលោកដោយក្នុងនោះ ពី៨ប្រទេសក្នុងតំបន់អាស៊ាន ចិន កូរ៉េខាងត្បូង ហុងកុង កោះតៃវ៉ាន់ ឥណ្ឌា រដ្ឋកាតា និង​អេមីរ៉ាតអារ៉ាប់រួមជាដើម៕

អត្ថបទ៖ ផល កុសល រូបភាព៖ ក្រសួងទេសចរណ៍

The post ការបើកជើងហោះហើរត្រង់រវាងភ្នំពេញ-ហាណូយ ផ្តល់ជម្រើសកាន់តែច្រើនដល់ធុរជន និងភ្ញៀវទេសចរណ៍ appeared first on Millions times.

ក្នុងពេលប្រកាសជាផ្លូវការហោះហើរត្រង់ភ្នំពេញ-ញ៉ូដេលី លោក នេត សាវឿន ឧបនាយករដ្ឋមន្ត្រី និងជាប្រធានគណៈកម្មាធិការជាតិសន្តិសុខអាកាសចរណ៍ស៊ីវិល បានគូសបញ្ជាក់ថា ការបើកជើងហោះហើរត្រង់នេះ នឹងពង្រឹងទំនាក់ទំនង សង្គមវប្បធម៌ និងសេដ្ឋកិច្ចយ៉ាងសំខាន់រវាងកម្ពុជានិងឥណ្ឌា។

តាមដានជាមួយយើង៖ Million Times

ការតភ្ជាប់នេះ នឹងធ្វើឲ្យភ្ញៀវទេសចរឥណ្ឌា អាចចូលទស្សនាប្រាសាទអង្គរវត្តបានកាន់តែច្រើន និងបានបង្កើនប្រជាប្រិយភាពនៃទេសចរផងដែរ។ លើសពីនេះ ជើងហោះហើរនេះផ្តល់ឲ្យអ្នកជំងឺកម្ពុជា នូវលទ្ធភាពទទួលបានការព្យាបាលប្រកបដោយគុណភាពខ្ពស់ និងតម្លៃសមរម្យនៅប្រទេសឥណ្ឌា។ នាពេលខាងមុខ ក៏មានផែនការពង្រីកបណ្តាញជាមួយនឹងជើងហោះហើរបន្ថែមទៀត ដើម្បីគាំទ្រសកម្មភាពសេដ្ឋកិច្ច និងការផ្លាស់ប្តូរវប្បធម៌។

ជម្រាបថា ក្រុមហ៊ុន ខេមបូឌា អង្គរអ៊ែរ នឹងចាប់ផ្តើមប្រតិបត្តិការពីថ្ងៃទី១៦ ខែមិថុនា ឆ្នាំ២០២៤តទៅ ហើយជើងហោះហើរពីភ្នំពេញ ទៅញ៉ូដេលី នឹងដំណើរការចំនួន ៤ជើងក្នុងមួយសប្តាហ៍ គឺនៅថ្ងៃច័ន្ទ ពុធ សុក្រ និងថ្ងៃអាទិត្យ។

ក្រៅពីនេះក្រុមហ៊ុន អាកាសចរណ៍ជាតិ កម្ពុជា អង្គរ អ៊ែរ ក៏មានជើងហោះហើរក្នុងនិងក្រៅប្រទេសជាច្រើនទៀតដូចជា ភ្នំពេញ-សៀមរាប ភ្នំពេញ-ក្រុងព្រះសីហនុ សៀមរាប-ក្រុងព្រះសីហនុ ភ្នំពេញ-ហាណូយ ភ្នំពេញ-ហូជីមិញ ភ្នំពេញ-ដាណាង ភ្នំពេញ-ដាណាងនិងទៅកាន់គោលដៅសំខាន់ៗជាច្រើនទៀត៕

អត្ថបទ៖ សេដ្ឋានី រូបភាព៖ ផេកឧបនាយករដ្ឋមន្រ្តី នេត សាវឿន

The post ក្រុមហ៊ុនកម្ពុជាអង្គរអ៊ែរ តភ្ជាប់ជើងហោះហើរត្រង់ភ្នំពេញ-ញ៉ូដេលី appeared first on Millions times.

តាមដានជាមួយយើង៖ Million Times

កម្មវិធីនេះ ធ្វើឡើងនៅទីក្រុងញូវដែលី កាលពីថ្ងៃទី ១៤ ខែឧសភា ដោយមានការចូលរួមថ្លែងបើកសុន្ទរកថា ដោយលោក កុយ គួង ឯកអគ្គរាជទូតកម្ពុជាប្រចាំប្រទេសឥណ្ឌា និងមានការចូលរួមពីតំណាងក្រសួងទេសចរណ៍កម្ពុជា, សមាគមទេសចរណ៍កម្ពុជា និងសមាគមទេសចរណ៍ឥណ្ឌា ផងដែរ។

ក្នុងឱកាសបើកកម្មវិធីនេះដែរ លោក កុយ គួង ក៏បានផ្តល់បទសម្ភាស៍ជាមួយអ្នកសារព័ត៌មានឥណ្ឌាជាច្រើននាក់ អំពីសក្តានុពលផ្នែកវិស័យទេសចរណ៍ នៃប្រទេសទាំងពីរ ផងដែរ។

ក្រុមហ៊ុនអាកាសចរណ៍​​ Cambodia Angkor Air នឹងចាប់ផ្តើមបើកការហោះហើរត្រង់ពីប្រទេសកម្ពុជា ទៅប្រទេសឥណ្ឌា នៅថ្ងៃទី ១៦ ខែមិថុនា ឆ្នាំ ២០២៤ ខាងមុខនេះ។ ជើងហោះហើរត្រង់នេះ នឹងធ្វើឲ្យអ្នកដំណើរចំណេញពេល ចំណាយតិចជាងមុន។

អ្នកនាំពាក្យអាកាសចរណ៍ស៊ីវិល លោក ស៊ិន ចាន់សិរីវុត្ថា បានប្រាប់អ្នកសារព័ត៌មានថា ​ក្រុមហ៊ុនអាកាសចរណ៍ជាតិ Cambodia Angkor Air ​បានត្រៀមខ្លួនរួចស្រេច ក្នុងការបើកជើងហោះហើររបស់ខ្លួន ទៅកាន់ប្រទេស ឥណ្ឌា​ ចាប់ពីថ្ងៃទី ១៦ ខែមិថុនា ឆ្នាំ ២០២៤ ដោយធ្វើឡើង ៣ជើងក្នុងមួយសប្តាហ៍។ រីឯក្រុមហ៊ុនអាកាសចរណ៍ឥណ្ឌា IndiGo ត្រូវបានរដ្ឋាភិបាលប្រទេសទាំងពីរ អនុញ្ញាតឲ្យបើកជើងហោះហើរត្រង់មកកម្ពុជា ចាប់ពីខែតុលា ឆ្នាំ ២០២៤ខាងមុខ៕

អត្ថបទ៖ វីរៈ រូបភាព៖ ហ្វេសប៊ុកទូតកម្ពុជាប្រចាំប្រទេសឥណ្ឌា

The post ផ្សព្វផ្សាយការភ្ជាប់ជើងហោះហើរត្រង់លើកដំបូងភ្នំពេញ-ញូវដែលី ដែលនឹងចាប់ផ្ដើមនៅថ្ងៃទី ១៦ មិថុនា appeared first on Millions times.