លោក ស សុខា បានថ្លែងលើកទឹកចិត្តដល់មន្ត្រីពាក់ព័ន្ធក្នុងសមត្ថកិច្ចប្រឆាំងការសម្អាតប្រាក់ រួមទាំងការងារប្រយុទ្ធប្រឆាំងនឹងអំពើឆបោកតាមប្រព័ន្ធអនឡាញ និងការងារប្រយុទ្ធប្រឆាំងនូវអំពើជួញដូរមនុស្ស បន្តការខិតខំប្រឹងប្រែងធ្វើការងារតាមតួនាទីភារកិច្ចរបស់ខ្លួនឱ្យបានល្អ ជាជាងមានក្តីទោមនស្សចំពោះការវាយតម្លៃពីក្រុមអ្នកស្រាវជ្រាវ ឬការរបាយការណ៍ចេញពីស្ថាប័នណាមួយដែលមិនឆ្លុះបញ្ចាំងពីការពិតអំពីការខិតខំប្រឹងប្រែងរបស់មន្ត្រីនៃរាជរដ្ឋាភិបាលកម្ពុជា រួមទាំងក្រសួងមហាផ្ទៃ។

តាមដានជាមួយយើង៖ Million Times

ក្នុងពិធីបិទសិក្ខាសាលាស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ កាលពីថ្ងៃទី២៦ ខែឧសភា លោក ស សុខា បានរំឭកអំពីកិច្ចខិតខំប្រឹងប្រែងរបស់រាជរដ្ឋាភិបាលនីតិកាលទី៦ ក្រោមការដឹកនាំរបស់សម្តេចអ ហ៊ុន សែន អតីតនាយករដ្ឋមន្ត្រី ដែលពេលនោះ មានសម្ដេច ស ខេង អតីតឧបនាយករដ្ឋមន្ត្រី រដ្ឋមន្ត្រីមហាផ្ទៃ ជាសេនាធិការ បានបង្កើតនូវយន្តការ ទាំងយន្តការច្បាប់ និងយន្តការអនុវត្តការងារជាច្រើនរហូតឈានដល់ការរំដោះប្រទេសកម្ពុជាចេញពីបញ្ជីប្រផេះ ប្រឆាំងការសម្អាតប្រាក់ដែលដាក់ដោយអង្គការហ្វាត (FATF)។

លោកបញ្ជាក់ថា រាជរដ្ឋាភិបាលកម្ពុជាបច្ចុប្បន្ន ក្រោមការដឹកនាំរបស់សម្តេច ហ៊ុន ម៉ាណែត នាយករដ្ឋមន្ត្រី និងក្នុងនោះក៏មានក្រសួងមហាផ្ទៃជាសេនាធិការ លើការងារមួយចំណែក នៃការប្រយុទ្ធប្រឆាំងការសម្អាតប្រាក់ នៅតែបន្តមានឆន្ទៈខ្ពស់ក្នុងការធានាមិនឱ្យប្រទេសកម្ពុជា រអិលចូលទៅក្នុងបញ្ជីប្រផេះជាថ្មីទៀត និងផ្ទុយទៅវិញមានតែបន្តប្រឹងប្រែង ដើម្បីរួមចំណែកប្រយុទ្ធប្រឆាំងនឹងអំពើសម្អាតប្រាក់ រួមទាំងអំពើឆបោកតាមប្រព័ន្ធឡាយ និងជួញដូរមនុស្ស ដែលជាបទល្មើសមានការប្រឈមជាសកល។

ជាក់ស្ដែង សិក្ខាសាលាស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ នាថ្ងៃនេះ ត្រូវបានរដ្ឋមន្រ្តីក្រសួងមហាផ្ទៃ ចាត់ទុកជាសក្ខីភាពថ្មីមួយទៀតដែលឆ្លុះបញ្ចាំងឱ្យឃើញអំពីឆន្ទៈរបស់ក្រសួងមហាផ្ទៃ នៅក្នុងការផ្សព្វផ្សាយទ្រឹស្ដី និងបទពិសោធន៍នៃការអនុវត្ត ទាំងពីជុំវិញពិភពលោក រួមទាំងបទពិសោធន៍ដែលកម្ពុជាបានធ្វើ ដើម្បីឱ្យមន្ត្រីពាក់ព័ន្ធទាំងអស់មានការយល់ដឹង និងបន្តរួមគ្នាធ្វើការនានាបានល្អប្រសើរថែមទៀត លើការប្រឆាំងការសម្អាតប្រាក់៕

អត្ថបទ៖ សាងតេជៈ រូបភាព៖ ផេកសម្តេចក្រឡាហោម ស ខេង

The post លោក ស សុខា ធានាមិនឱ្យប្រទេសកម្ពុជា រអិលចូលទៅក្នុងបញ្ជីប្រផេះជាថ្មី appeared first on Millions times.

តាមសេចក្ដីណែនាំ លោកឧបនាយករដ្ឋមន្ត្រី ស សុខា បានឱ្យដឹងថា រាជរដ្ឋាភិបាលកម្ពុជា បានដាក់ចេញនូវកម្មវិធីគោលនយោបាយ និង យុទ្ធសាស្ត្របញ្ចកោណ-ដំណាក់កាលទី១ ដោយផ្តោតលើមនុស្ស ទឹក ផ្លូវ ភ្លើង និងបច្ចេកវិទ្យា ដើម្បីបង្ក លក្ខណៈអំណោយផល ដល់ការអភិវឌ្ឍសេដ្ឋកិច្ចជាតិឱ្យមានការរីកចម្រើនយ៉ាងឆាប់រហ័សលើគ្រប់វិស័យ ក្នុងនោះវិស័យវិនិយោគ និងវិស័យទេសចរណ៍ បានរួមចំណែកយ៉ាងសំខាន់ក្នុងការបង្កើតការងារជូន ប្រជាពលរដ្ឋនិងបង្កើនចំណូលថវិកាជាតិយ៉ាងច្រើន។

តាមដានជាមួយយើង៖ Million Times

ដោយស្ថិតក្នុងបរិយាកាសដែលសភាពការណ៍ពិភពលោក សភាពការណ៍តំបន់មានការប្រែប្រួលស្មុគស្មាញ មួយចំនួននាពេលថ្មីៗនេះ ហើយក៏ដើម្បីពង្រឹងការទទួលខុសត្រូវចំពោះតួនាទី ភារកិច្ចរបស់ខ្លួន ក្រសួងមហាផ្ទៃ ដាក់ចេញនូវផែនការស្តីពីការពារសន្តិសុខ សុវត្ថិភាពជូនវិនិយោគិន និងអ្នកទេសចរណ៍បរទេសក្នុងនោះរួមមាន ទី១ គោលបំណង និងសំណូមពរ ទី២ វិធានការរួម ទី៣ វិធានការជាក់ស្តែង និងទី៤ ការចាត់តាំងអនុវត្តន៏ ៕

អត្ថបទ៖ មោលី រូបភាព៖ cpp.org.kh

The post ឧបនាយករដ្ឋមន្ត្រី ស សុខា ណែនាំឱ្យពង្រឹងសន្តិសុខ ជូនវិនិយោគិន និងអ្នកទេសចរណ៍បរទេស appeared first on Millions times.

តាមដានជាមួយយើង៖ Million Times

ក្នុងកិច្ចប្រជុំផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១០ នារសៀលថ្ងៃទី១២ ខែមីនា ឆ្នាំ២០២៥ នៅចំពោះមុខឧបកនាយករដ្ឋមន្ត្រី នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន លោក ស សុខា បានមានប្រសាសន៍ត្រង់ៗថា បញ្ហាគ្រឿងញៀននៅកម្ពុជា បើមិនមានការពាក់ព័ន្ធនឹងមន្ត្រីជាអ្នកអនុវត្តច្បាប់មួយចំនួននោះទេ ប្រាកដណាស់បញ្ហានេះមិនធំដុំដូចបច្ចុប្បន្នឡើយ។  

ការណ៍នេះ លោកបានព្រមានឱ្យដកខ្លួនចេញជាបន្ទាន់ និងកុំពាក់ព័ន្ធ ព្រមទាំងបានណែនាំដល់មន្ត្រីមានសមត្ថកិច្ចទាំងអស់ ខិតខំពន្លាតការស្រាវជ្រាវដោយផ្តោតទាំងមុខសញ្ញាអ្នកដែលប្រព្រឹត្ត និងមុខសញ្ញាដែលពាក់ព័ន្ធជាខ្នងបង្អែក។ 

សូមបញ្ជាក់ថា ក្នុងនីតិកាលទី៧នៃរដ្ឋសភានេះ ប្រមុខរាជរដ្ឋាភិបាលកម្ពុជា បានដាក់ចេញគោលការណ៍ដឹកនាំ«សម្អាតផ្ទះយើង» ដោយក៏បានផ្ដោតលើបញ្ហាគ្រឿងញៀននេះដែរ ពោលគឺមន្ត្រីពាក់ព័ន្ធបទល្មើសគ្រឿងញៀន ត្រូវទទួលការអនុវត្តវិធានការវះកាត់សាច់ស្អុយ ដោយបណ្ដេញចេញពីក្របខ័ណ្ឌ និងទទួលខុសត្រូវចំពោះមុខច្បាប់។ មិនត្រឹមតែអ្នកដែលជួញដូរនោះទេ មន្ត្រីស៊ីវិល និងកងកម្លាំងដែលប្រើប្រាស់គ្រឿងញៀន តួយ៉ាងក្រសួងមហាផ្ទៃ ក៏បានអនុវត្តវិធានការបណ្ដេញចេញពីក្របខ័ណ្ឌចំពោះមន្ត្រីដែលពាក់ព័ន្ធនឹងបទល្មើសគ្រឿងញៀន និងការសេពគ្រឿងញៀននេះផងដែរ៕

The post លោក ស សុខា ដាស់តឿនមន្ត្រីពាក់ព័ន្ធបទល្មើសគ្រឿងញៀន ប្រញាប់ដកខ្លួន បើមិនចង់ក្លាយជាសាច់ស្អុយ appeared first on Millions times.

ក្រសួងមហាផ្ទៃ និងសភាពាណិជ្ជកម្មកម្ពុជា នៅថ្ងៃចន្ទ ទី១០ ខែមិនា ឆ្នាំ២០២៥ បានរៀបចំកិច្ចប្រជុំក្រុមការងារ «ត» ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ នៃវេទិការាជរដ្ឋាភិបាល-ផ្នែកឯកជន ដែលមានលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាសហប្រធានក្រុមការងារ «ត» តំណាងផ្នែករដ្ឋាភិបាល និងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់វេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជាសហប្រធានក្រុមការងារ «ត» ដែលបានពិភាក្សាលើបញ្ហាជាក្តីកង្វល់របស់វិស័យឯកជន។

តាមដានជាមួយយើង៖ Million Times

សេចក្តីប្រកាសព័ត៌មានរបស់សភាពាណិជ្ជកម្មកម្ពុជា ក្រោយចប់កិច្ចប្រជុំ បានឲ្យដឹងថា គោលបំណងនៃកិច្ចប្រជុំភាពជាដៃគូនេះ បានពិភាក្សាលើបញ្ហាដែលបានលើកឡើងដោយវិស័យឯកជន រួមមាន៖ (១). គណ:អភិបាលខេត្ត/ក្រុង មួយចំនួនមិនទាន់មានការសហការល្អជាមួយ សភាពាណិជ្ជកម្មថ្នាក់ខេត្ត, (២). បញ្ហាការត្រួតពិនិត្យនៅមាត់ច្រកចេញចូលតាមព្រំដែន ពីសំណាក់ប្រធានមាត់ច្រក ដែលជាមន្ត្រីដែលចាត់តាំងពីសាលាខេត្ត, (៣). ចរាចរណ៍ផ្លូវគោក នៅពេល ក្រុមហ៊ុនជួបគ្រោះថ្នាក់ ចរាចរណ៍ (មិនដល់ជីវិត), (៤). សំបញ្ហាផ្លាកសញ្ញាចរាចរណ៍, (៥). ការត្រួតពិនិត្យអ្នកបើកបរដែលមានផ្ទុក ឬប្រើប្រាស់សារធាតុញៀន, (៦). សំណើរសុំកិច្ចសហប្រតិបត្តិការ និងចាត់វិធានការលើបទល្មើសបច្ចេកវិទ្យា (Cyber-Crime), (៧). បញ្ហាប្រឈមចំពោះបច្ចេកទេសក្នុងការប្រើប្រាស់ ដ្រូនកសិកម្ម, និង (៨). ផ្សេង។ 

បើតាមសភាពាណិជ្ជកម្ម អង្គប្រជុំបានឯកភាពទទួលយកដំណោះស្រាយ ក៏ដូចជាធាតុចូលពីវិស័យឯកជន ដើម្បីពិនិត្យធ្វើយ៉ាងណាសម្របសម្រួលផ្តល់ជូនឲ្យវិស័យនេះនូវបរិយាកាសធុរកិច្ច និងវិនិយោគកាន់តែប្រសើក្នុងប្រទេសកម្ពុជា៕

អត្ថបទ៖ សាងតេជៈ រូបភាព៖ សភាពាណិជ្ជកម្មកម្ពុជា

The post រកឃើញបញ្ហាគណ:អភិបាលខេត្ត/ក្រុង មួយចំនួនមិនទាន់មានការសហការល្អជាមួយសភាពាណិជ្ជកម្មកម្ពុជាថ្នាក់ខេត្ត appeared first on Millions times.

ក្នុងពេលចូលរួមបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដរបស់រដ្ឋបាលរាជធានីភ្នំពេញ កាលពីថ្ងៃទី២២ ខែមករា ឧបនាយករដ្ឋមន្ដ្រី ស សុខា រដ្ឋមន្ដ្រីក្រសួងមហាផ្ទៃ បានថ្លែងថា «ខ្ញុំសូមឲ្យរដ្ឋបាលរាជធានីភ្នំពេញ មេត្តាពិនិត្យគិតគូរវិនិយោគធ្វើផ្ទះលក់សម្រាប់មន្ដ្រីរាជការ ដើម្បីសម្របសម្រួលជីវភាព។ ខ្ញុំគិតថា យើងអាចពិនិត្យមើលនៅតាមបុរីមួយចំនួន ឲ្យគាត់ផ្ដោតទៅលើចំណុចនេះ ប៉ុន្ដែកុំឲ្យលើសពីតម្រូវការ»។

តាមដានជាមួយយើង៖ Million Times

លោកបញ្ជាក់ថា ក្នុងករណីផ្ទះដាក់លក់ត្រឹមតម្លៃចន្លោះ២ ទៅ៣ម៉ឺនដុល្លារ ដូច្នេះមន្ដ្រីរាជការដែលមានប្រាក់បៀវត្ស៍ចន្លោះ១លានកន្លះ ទៅ២លានរៀល អាចនឹងមានលទ្ធភាពក្នុងការបង់រំលស់។ ជាមួយគ្នានេះ លោកក៏បានលើកទឹកចិត្តឲ្យវិស័យឯកជន ពិនិត្យលទ្ធភាពក្នុងការសាងសង់ផ្ទះប្រភេទនេះ ហើយរដ្ឋក៏ពិនិត្យលទ្ធភាពក្នុងការអនុគ្រោះកម្រិតណាមួយ ដើម្បីឲ្យគម្រោងនេះចេញជារូបរាងឡើង។

លោករដ្ឋមន្រ្តីក្រសួងមហាផ្ទៃក៏បានណែនាំបន្ថែមឲ្យរដ្ឋបាលរាជធានី-ខេត្តទាំងអស់ ត្រូវពិនិត្យឡើងវិញចំពោះទីតាំងដីដែលផ្ដល់សិទ្ធិឲ្យក្រុមហ៊ុនឯកជនវិនិយោគហើយ ប៉ុន្ដែក្រុមហ៊ុននោះមិនទាន់កសាងហេដ្ឋារចនាសម្ព័ន្ធដើម្បីអភិវឌ្ឍន៍ទីតាំងដែលខ្លួនទទួលបានសិទ្ធិ។ លោកយល់ថា ប្រសិនបើក្រុមហ៊ុនមួយទទួលបានអាជ្ញាប័ណ្ណ ហើយទុកដីឲ្យនៅទំនេរក៏ជះឥទ្ធិពលមិនល្អសម្រាប់ការរៀបចំផែនការអភិវឌ្ឍដូចគ្នា៕

អត្ថបទ៖ សាងតេជៈ រូបភាព៖ ផេកក្រសួងមហាផ្ទៃ

The post រដ្ឋមន្ដ្រីមហាផ្ទៃ ណែនាំឲ្យអភិបាលរាជធានីពិនិត្យលទ្ធភាពរកដៃគូវិនិយោគសាងសង់ផ្ទះលក់តម្លៃសមរម្យជូនមន្រ្តីរាជការ appeared first on Millions times.

ការ​ចាប់​ខ្លួន​អតីត​អ្នកឧកញ៉ា ហេង សិទ្ធី ធ្វើ​ឡើង​នៅ​ក្រោយ​ពេលដែល​ក្រសួង​ការបរទេស និង​សហប្រតិបត្តិការ​អន្តរជាតិ​កម្ពុជា កាលពី​ថ្ងៃ​ទី៨ ខែមករា បាន​ជូន​ដំណឹង​ទៅ​បណ្ដា​តំណាង​ទូត​ខ្មែរ​នៅ​ក្រៅ​ប្រទេស​ពី​ការ​ប្រកាស​មោឃភាព​លិខិត​ឆ្លង​ដែន​របស់​លោក ហេង សិទ្ធី ទៅ​តាម​ការសម្រេច​លុបចោល​លិខិត​ឆ្លងដែន ចេញ​ដោយ​ក្រសួង​មហាផ្ទៃ។ ស្របគ្នា​នោះ​ដែរ សមត្ថកិច្ច​កម្ពុជា​ក៏​អះអាង​ថា បាន​សហការ​ជាមួយ​ប៉ូលិស​អន្តរជាតិ Interpol ដើម្បី​តាម​ចាប់​ខ្លួន​លោក ហេង សិទ្ធី ផង​ដែរ។

តាមដានជាមួយយើង៖ Million Times

សមត្ថកិច្ចកម្ពុជាបានឲ្យដឹងថា អតីតអ្នកឧកញ៉ា ហេង សិទ្ធី ប្រធាន​ក្រុមហ៊ុន Maritime Group បាន​ប្រើ​បណ្ដាញ​សង្គម​របស់ខ្លួនដើម្បីប្រឌិតរឿងវាយប្រហារមកលើថ្នាក់ដឹកនាំក្រសួងមហាផ្ទៃ និងអ្នកជំនួញមានឥទ្ធិពលម្នាក់នៅកម្ពុជា ដែលក្រសួងមហាផ្ទៃថា ទង្វើរបស់លោក ហេង សិទ្ធី ធ្វើប៉ះពាល់ធ្ងន់ធ្ងរដល់កិត្តិយសប្រទេសជាតិ។

លោក ហេង សិទ្ធី ត្រូវ​បាន​ព្រះមហាក្សត្រ​ខ្មែរ បញ្ចប់​គោរមងារ​អ្នក​ឧកញ៉ា កាលពី​ថ្ងៃ​ទី២ ខែធ្នូ ឆ្នាំ២០២៤ តាម​សំណើ​របស់​​សម្តេច ហ៊ុន ម៉ាណែត នាយក​រដ្ឋមន្ត្រី។ ការ​បញ្ចប់​គោរមងារ​អ្នក​ឧកញ៉ា​ពីលោក ហេង សិទ្ធី ធ្វើ​ឡើង​តែ​ប៉ុន្មាន​ថ្ងៃ បន្ទាប់​ពី​ជនជាតិ​សិង្ហបុរី​ម្នាក់ ឈ្មោះ Phua Gek Seng ​ដាក់​ពាក្យ​ប្ដឹង​ទៅ​កាន់​ស្នងការដ្ឋាន​នគរបាល​រាជធានី​ភ្នំពេញ កាល​ពី​ថ្ងៃ​ទី២២ ខែវិច្ឆិកា ឆ្នាំ២០២៤ ដោយ​ចោទ​ប្រកាន់លោក ហេង សិទ្ធី អំពី​បទ​បរិហារកេរ្តិ៍ និង​គំរាម​កំហែង​ទារ​ប្រាក់​ចំនួន ២លាន​ដុល្លារ៕

The post ម្ចាស់ក្រុមហ៊ុន Maritime Group ដែលអាជ្ញាធរចាប់ខ្លួននៅព្រំដែនប្រទេសរុស្សុី ត្រៀមបញ្ជូនមកកម្ពុជា appeared first on Millions times.

ក្នុងកម្មវិធីសិក្ខាសាលាផ្សព្វផ្សាយអំពីការប្រើប្រាស់ប្រព័ន្ធអេឡិចត្រូនិកសលាកបត្រចូលកម្ពុជា Cambodia e-Arrival នារសៀលថ្ងៃទី៩ ខែសីហា លោក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ បានឱ្យដឹងថា ប្រព័ន្ធ Cambodia e-Arrival នឹងជួយកាត់បន្ថយពេលវេលាបំពេញបែបបទចូល-ចេញពីប្រទេស ធានាថាអ្នកដំណើរអាចឆ្លងកាត់បានយ៉ាងឆាប់រហ័ស មានភាពងាយស្រួល ដោយអ្នកដំណើរចូលកម្ពុជាតាមអាកាសយានដ្ឋានអន្តរជាតិនានា គ្រាន់តែបំពេញព័ត៌មានតាមទម្រង់ដែលបានកំណត់តាមតំណភ្ជាប់ទៅគេហទំព័រ www.arrival.gov.kh ឬកម្មវិធី Cambodia e-Arrival រួមមាន៖ ទម្រង់សលាកបត្រអន្តោប្រវេសន៍ រួមទាំងពាក្យស្នើសុំទិដ្ឋាការពេលមកដល់ទម្រង់លិខិតរាយការណ៍គយ និងទម្រង់លិខិតប្រកាសសុខភាពរបស់អ្នកដំណើរ ខណៈបណ្ដាប្រទេសជឿលឿនកាន់តែច្រើនបាននិងកំពុងប្រើប្រាស់ប្រព័ន្ធនេះ។

តាមដានជាមួយយើង៖ Million Times

លោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានលើកឡើងថា Cambodia e-Arrival រៀបចំដោយកូនខ្មែរ ក្រោមកិច្ចសហការរវាងអគ្គនាយកដ្ឋានអន្តោប្រវេសន៍ ជាមួយអគ្គនាយកដ្ឋានគយ និងរដ្ឋាករកម្ពុជា និងអគ្គនាយកដ្ឋានបច្ចេកទេសសុខាភិបាល ដោយបង្កើតបានជាប្រព័ន្ធជាតិតែមួយ ដែលអាចឆ្លើយតបបានទៅនឹងការវិវឌ្ឍផ្នែកបច្ចេកវិទ្យា និងវឌ្ឍនភាពជាតិ ជាពិសេសក្នុងដំណាក់កាល ដែលរាជរដ្ឋាភិបាល បាននិងកំពុងផ្តោតការយកចិត្តទុកដាក់ទាក់ទាញភ្ញៀវទេសចរ វិនិយោគិន ក៏ដូចជាធុរជនបរទេស ឱ្យចូលមកទស្សនា និងធ្វើធុរកិច្ចស្របតាមការគោលនយោបាយទេសចរណ៍ និងវិនិយោគ និងក៏ផ្តល់ភាពងាយស្រួលសម្រាប់ការគ្រប់គ្រងកិច្ចការសន្តិសុខ និងការគ្រប់គ្រងទិន្នន័យជនបរទេសនៅកម្ពុជាផងដែរ។

ក្រសួងមហាផ្ទៃ បានដាក់ឱ្យអនុវត្តសាកល្បងនូវប្រព័ន្ធ Cambodia e-Arrival ជាបណ្ដើរៗនៅអាកាសយានដ្ឋានអន្តរជាតិភ្នំពេញ សៀមរាបអង្គរ និងខេត្តព្រះសីហនុ ចាប់ពីថ្ងៃទី១ ខែមករា ដល់ថ្ងៃទី៣០ ខែមិថុនា ឆ្នាំ២០២៤ និងគ្រោងដាក់ឱ្យដំណើរការជាផ្លូវការនៅតាមបណ្ដាច្រកទ្វារអាកាសយានដ្ឋានទាំង៣នេះ នៅអំឡុងខែកកញ្ញា ឆ្នាំ២០២៤ មុននឹងបន្តពន្លាតទៅអនុវត្តនៅតាមបណ្ដាច្រកទ្វារព្រំដែនអន្តរជាតិ និងច្រកទ្វារទ្វេភាគីផ្សេងទៀតជាបន្តបន្ទាប់។ ក្នុងក្របខណ្ឌក្រសួងមហាផ្ទៃ ការផ្ដួចផ្ដើម និងដឹកនាំឈានទៅសម្រេចបាននូវប្រព័ន្ធ Cambodia e-Arrival នេះ គឺជាការបញ្ជាក់ច្បាស់នូវលទ្ធផលជាក់ស្ដែងថ្មីមួយទៀត នៃទិសដៅការងារអាទិភាពទាំង៦ ដែលលោក ស សុខា បានប្រកាសអនុវត្តចាប់ពីដើមនីតិកាលទី៧៕

អត្ថបទ៖ សាង តេជៈ រូបភាព៖ ក្រសួងមហាផ្ទៃ

The post គោលដៅទាក់ទាញភ្ញៀវទេសចរ វិនិយោគិន និងសន្តិសុខឌីជីថល ក្រសួងមហាផ្ទៃប្រកាសឲ្យប្រើប្រាស់ប្រព័ន្ធ Cambodia e-Arrival appeared first on Millions times.

អគារថ្មីនេះ សាងសង់ឡើងសម្រាប់រក្សាទុករថយន្តនាំក្បួន ម៉ូតូស ហែរអមការពារគណៈប្រតិភូជាន់ខ្ពស់ជាតិ និងអន្តរជាតិ និងជាការិយាល័យបម្រើការងាររបស់កងកម្លាំងនគរបាលជាតិនៃនាយកដ្ឋានអង្គរក្ស ដែលបានបើកការដ្ឋានសាងសង់កាលពីថ្ងៃទី២០ ខែកុម្ភៈ ឆ្នាំ២០២២ មានបណ្តោយ ១០៨ម៉ែត្រ ទទឹង ១៦ម៉ែត្រ កម្ពស់ ៩,២ម៉ែត្រ។

តាមដានជាមួយយើង៖ Million Times

អគារថ្មីនេះ ត្រូវបានរដ្ឋមន្រ្តីក្រសួងមហាផ្ទៃចាត់ទុកជាមរតកសមិទ្ធផលកើតឡើងក្នុងអន្តរកាល នៃការបន្តវេន រវាងរាជរដ្ឋាភិបាលនីតិកាលទី៦ និងនីតិកាលទី៧ នៃរដ្ឋសភា ក្នុងចំណោមសមិទ្ធផលជាច្រើនទៀត។ លោកថ្លែងថា សមិទ្ធផលអគារថ្មីដែលសម្ពោធនេះ ជាការបញ្ជាក់ច្បាស់ថា រាជរដ្ឋាភិបាលកម្ពុជា បានយក​ចិត្តទុកដាក់គិតគូរ ប្រកបដោយការទទួលខុសត្រូវខ្ពស់ ក្នុងការបង្កលក្ខណៈឱ្យមន្រ្តីរាជការស៊ីវិល និងកងកម្លាំង មានកន្លែងបំពេញការងារសមរម្យ មានសម្ភារៈ និងបរិក្ខាប្រើប្រាស់គ្រប់គ្រាន់ សម្រាប់ការបំពេញតួនាទី និងភារកិច្ច ស្របតាមច្បាប់ និងគោលនយោបាយរាជរដ្ឋាភិបាល ដើម្បីរួមចំណែកសម្រេចឱ្យបានជោគជ័យនូវយុទ្ធសាស្រ្តបញ្ចកោណ ក្រោមការដឹកនាំប្រកបដោយភាពឈ្លាសវៃ និងទស្សនវិស័យជឿនលឿន របស់សម្ដេចធិបតី ហ៊ុន ម៉ាណែត​ នាយករដ្ឋមន្រ្តី។

ជាមួយគ្នានេះដែរ លោក ស សុខា ក៏បានណែនាំអគ្គស្នងការដ្ឋាននគរបាលជាតិ នាយកដ្ឋានអង្គរក្ស ខិតខំអភិវឌ្ឍសមត្ថភាព និងចំណេះដឹងដល់មន្រ្តីគ្រប់ថ្នាក់ លើកិច្ចការស្នូល ដើម្បីឆ្លើយតបនឹងបរិបទនៃការ​វិវត្តប្រែប្រួល និងបទពិសោធ ដែលបានកើតឡើងទាំងក្នុង និងក្រៅប្រទេស ពាក់ព័ន្ធនឹងបញ្ហាសន្តិសុខ និងកិច្ចការពារសុវត្ថិភាព យកចិត្តទុកដាក់ពង្រឹងការអនុវត្តវិន័យ និងក្រមសីលធម៌ ដើម្បីថែរក្សា និងលើកតម្កើងសេចក្ដីថ្លៃថ្នូរ របស់កងកម្លាំងនគរបាលជាតិ និងដើម្បីទទួលបាននូវការស្រឡាញ់គាំទ្រចូលចិត្តពីសាធារជន។

សូមជម្រាបថា បច្ចុប្បន្ននាយកដ្ឋានអង្គរក្ស នៃអគ្គស្នងការដ្ឋាននគរបាលជាតិ ដឹកនាំដោយឧត្តមសេនីយ៍ឯក យឹម លាង អគ្គស្នងការរងនគរបាលជាតិ ជាកូនប្រុសបង្កើតលោក យឹម ឆៃលី និងជាកូនប្រសារលោក ជា សុផារ៉ា អតីតរដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់៕

អត្ថបទ៖ សាង តេជៈ រូបភាព៖ ស សុខា

The post អគារថ្មីរបស់នាយកដ្ឋានអង្គរក្ស ដាក់ឲ្យប្រើប្រាស់ផ្លូវការ appeared first on Millions times.

ការប្រតិកម្មនេះបន្ទាប់ពីសារព័ត៌មានបានចុះផ្សាយថា អ្នកទទួលការចំនួន៧២ក្រុមហ៊ុនបានដាក់ពាក្យស្នើសុំទៅទីចាត់ការផែនការនិងវិនិយោគខេត្ត ប៉ុន្តែលទ្ធផលជាប់ឈ្មោះជាអ្នកទទួលការឆ្នាំ២០២៤ តែ១៥ក្រុមហ៊ុនប៉ុណ្ណោះ។ ដូច្នេះហើយតំណាងក្រុមហ៊ុនទាំងនោះមានចម្ងល់ថា តើមូលហេតុអ្វីបានជានាយកទីចាត់ការផែនការនិងវិនិយោគខេត្តលុបឈ្មោះក្រុមហ៊ុនពួកគាត់ចេញពីបញ្ជីឈ្មោះអ្នកទទួលការយ៉ាងអយុត្តិធម៍ ដោយពួកគាត់ពុំដែលមានកំហុសសោះ។ ចំណែកឯបទពិសោធនិងគ្រឿងចក្រក៏ពួកគាត់មានប្រហាក់ប្រហែលនឹងក្រុមហ៊ុនដែលជាប់ឈ្មោះជាអ្នកទទួលការនោះផងដែរ។

ម្យ៉ាងវិញទៀតបើផ្អែកតាមបញ្ជីឈ្មោះអ្នកទទួលការប្រចាំឆ្នាំដែលរដ្ឋបាលខេត្តកំពតបានរៀបចំនិងផ្ញើមកក្រសួងមហាផ្ទៃរយៈពេល៣ឆ្នាំចុងក្រោយនេះឃើញថាចំនួនអ្នកទទួលការនៅរដ្ឋបាលខេត្តកំពតមានការប្រែប្រួលថយចុះគួរឲ្យកត់សម្គាល់។

ពាក់ព័ន្ធនឹងរឿងនេះ ក្រសួងមហាផ្ទៃបានស្នើឲ្យលោក ម៉ៅ ធនិន អភិបាលខេត្តកំពតត្រូវបញ្ជាក់ឲ្យបានច្បាស់លាស់អំពីមូលហេតុដែលក្រុមហ៊ុនទាំង១៨មិនមានឈ្មោះក្នុងបញ្ជីអ្នកទទួលការឆ្នាំ២០២៤នៃខេត្តកំពត៕

អត្ថបទ៖ នារតី

The post លោក ស សុខា ស្នើអភិបាលខេត្តកំពតរៀបចំបញ្ជីឈ្មោះក្រុមហ៊ុនទទួលការម៉ៅការសាងសង់ឆ្នាំ២០២៤ឲ្យមានតម្លាភាព appeared first on Millions times.