តាមដានជាមួយយើង៖ Million Times

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា គិតមកដល់ពេលនេះ ការដ្ឋានសាងសង់ស្ពានអាកាសសម្តេចធិបតី ហ៊ុន ម៉ាណែត ទាំងមូលសម្រេច បានប្រមាណ៨៥ភាគរយហើយ ក្នុងនោះស្ពានអាកាសដែលមានទិសដៅពីភ្នំពេញ ទៅអាកាសយានដ្ឋានអន្តរជាតិតេជោ ខេត្តកណ្តាល នឹងរួចរាល់នៅចុងខែមិថុនានេះ។ ចំណែកស្ពានអាកាស ដែលមានទិសដៅពីអាកាសយានដ្ឋានអន្តរជាតិតេជោ មកភ្នំពេញវិញ នឹងរួចរាល់នៅចុងខែកក្កដាឆ្នាំ២០២៥ខាងមុខ។

ស្ពានអាកាសអាកាសសម្តេចធិបតី ហ៊ុន ម៉ាណែត បានបើកការដា្ឋនសាងសង់ កាលពីព្រឹកថ្ងៃទី១៧ ខែមិថុនា ឆ្នាំ២០២៤ ដោយរាជរដ្ឋាភិបាលជាម្ចាស់គម្រោង តាមរយៈរដ្ឋបាលរាជធានីភ្នំពេញ ដោយប្រើប្រាស់ថវិកាសាងសង់ ចំនួន១៦,២០០,៥០០ដុល្លារអាមេរិក សាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) ដោយប្រើប្រាស់រយៈពេលសាងសង់ចំនួន១២ខែ។

សូមជម្រាបជូនថា ស្ពានអាកាសភ្លោះនេះ ជាប្រភេទបេតុងអាមេ (ធ្នឹមរាងអក្សរ I ) មានបណ្ដោយ ស្ពាន៦២២ម៉ែត្រ ក្នុងនោះ៖ ស្ពានទី១៖ ផ្លូវឯកទិសមានទិសដៅតាមបណ្តោយមហាវិថីសម្តេចតេជោ ហ៊ុន សែន ឆ្លងកាត់ផ្លូវជាតិលេខ២ឆ្ពោះទៅកាន់អាកាសយានដ្ឋានអន្តរជាតិតេជោ។ ស្ពានទី២៖ ផ្លូវឯកទិសមានទិសដៅឆ្លងកាត់ផ្លូវជាតិលេខ២ពីអាកាសយានដ្ឋានអន្តរជាតិតេជោ ឆ្ពោះទៅកាន់ មហាវិថីសម្តេចតេជោ ហ៊ុន សែន៕

អត្ថបទ៖ សាងតេជៈ រូបភាព៖ ផេករដ្ឋបាលរាជធានីភ្នំពេញ

The post ស្ពានអាកាសភ្លោះ «សម្តេចធិបតី ហ៊ុន ម៉ាណែត» ភ្ជាប់ទៅព្រលានយន្តហោះថ្មី សម្រេចការសាងសង់បាន ៨៥% appeared first on Millions times.

លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ បានលើកឡើងថា ការដាក់សម្ពោធឲ្យប្រើប្រាស់ស្ពានអាកាស «មរតកតេជោ» មុនចូលឆ្នាំខ្មែរ គឺដើម្បីជួយសម្រួលដល់ការធ្វើដំណើររបស់ប្រជាពលរដ្ឋ ក្នុងរាជធានីភ្នំពេញ ជាពិសេសការធ្វើដំណើររបស់ប្រជាពលរដ្ឋទៅស្រុកកំណើត នាឱកាសបុណ្យចូលឆ្នាំខ្មែរផង និងដោះស្រាយការកកស្ទះចរាចរនៅទីតាំងនេះផងដែរ។

តាមដានជាមួយយើង៖ Million Times

សូមជម្រាបថា ស្ពានអាកាស «មរតកតេជោ» ដែលក្រុមហ៊ុន OCIC របស់អ្នកឧកញ៉ា ពុង ឃាវសែ ទទួលបន្ទុកសាងសង់ត្រូវបានបើកការដ្ឋានកាលពីថ្ងៃទី៣១ សីហា ឆ្នាំ២០២២ ក្រោមវត្តមានសម្តេច ហ៊ុន សែន អតីតនាយករដ្ឋមន្ត្រី ដោយគ្រោងចំណាយថវិកា ជាង ៣៦លានដុល្លារ និងចំណាយពេលវេលាសាងសង់៣៦ខែ។

លោកស្រី ដោ សម្ផស្ស បានលើកឡើងថា ស្ពានអាកាសថ្មីនេះ នឹងដោះស្រាយបាននៅលំហូរចរាចរណ៍ ពីខេត្តកណ្ដាល ឆ្លងកាត់មហាវិថីតេជោ ហ៊ុន សែន ពីព្រលានយន្តហោះថ្មី «ព្រលានយន្តហោះតេជោក្រុងតាខ្មៅ» ខេត្តកណ្ដាល ចូលមករាជធានីភ្នំពេញ និងទី២ទៀត អាចកាត់បន្ថយបាន នូវការកកស្ទះចរាចរណ៍ នៅតាមបណ្ដោយផ្លូវជាតិ១ ចូលមករាជធានីភ្នំពេញផងដែរ៕

អត្ថបទ៖ ពិសិដ្ឋ រូបភាព៖ ហ្វេសប៊ុកលោក កើត ឆែ

The post នាយករដ្ឋមន្រ្តី នឹងចូលរួមសម្ពោធឲ្យប្រើប្រាស់ស្ពានអាកាស «មរតកតេជោ» តម្លៃ ៣៦លានដុល្លារ appeared first on Millions times.

ស្ពានអាកាសភ្លោះដែលបើកការដ្ឋានសាងសង់នាពេលនេះ គឺដើម្បីឆ្លើយតបទៅនឹងស្ថានភាពចរាចរណ៍ ដែលនឹងមានសភាពកាន់តែមមាញឹកអាចបណ្ដាលឱ្យមានការកកស្ទះនៅចំណុចឆ្លងកាត់ផ្លូវជាតិលេខ២ នៅពេលព្រលានយន្តហោះអន្តរជាតិតេជោ ស្ថិតក្នុងខេត្តកណ្តាល ត្រូវដាក់ឱ្យដំណើរការនៅឆ្នាំ២០២៥។ នេះបើតាមលោក ឃួង ស្រេង អភិបាលក្រុងភ្នំពេញ។

តាមដានជាមួយយើង៖ Million Times

លោក ឃួង ស្រេង បានឲ្យដឹងថា ស្ពានអាកាសភ្លោះនេះ មានទទឹងតួស្ពានទំហំ ៩,៥ម៉ែត្រ បណ្តោយតួស្ពានប្រវែង ២៨១ម៉ែត្រ និងស្ថាបនាផ្លូវតភ្ជាប់ក្បាលស្ពានផ្នែកខាងជើងប្រវែង ១៨០ម៉ែត្រ និងផ្នែកខាងត្បូងប្រវែង ១៦១ម៉ែត្រ សរុបបណ្ដោយស្ពានមានប្រវែង ៦២២ម៉ែត្រ ហើយគន្លងផ្លូវរត់របស់តួស្ពាននីមួយៗ មានចំនួន ៣គន្លង សម្រាប់ចរាចរឯកទិស ស្ពាន សាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC)ដោយគ្រោងប្រើរយៈពេលសាងសង់ចំនួន ១២ខែ និងត្រូវចំណាយថវិកាចំនួន ១៦,២០០,៥០០ដុល្លារ។

សូមបញ្ជាក់ថា ស្ពានអាកាសភ្លោះនេះ គឺជាស្ពានអាកាសទី១ ដែលត្រូវបានបើកការដ្ឋានស្ថាបនានៅក្នុងរាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំរបស់សម្ដេចនាយករដ្ឋមន្ត្រី ហ៊ុន ម៉ាណែត ហើយក៏នឹងក្លាយជាស្ពានអាកាសទី៩ ក្រោមកិច្ចសហប្រតិបត្តិការរវាងរដ្ឋបាលរាជធានីភ្នំពេញ និងវិស័យឯកជន ស្របតាមអនុសាសន៍ និងចំណាត់ការដ៏ម៉ឹងម៉ាត់ក្នុងការស្ថាបនាហេដ្ឋារចនាសម្ព័ន្ធ ដែលដាក់ចេញដោយសម្ដេច ហ៊ុន សែន គឺ “ការយកទីក្រុងចិញ្ចឹមទីក្រុង ឬ យកស្លឹកត្នោតខ្ចប់ស្ករត្នោត”៕

អត្ថបទ៖ សាង តេជៈ រូបភាព៖ ក្រុមការងារព័ត៌មានសម្តេចនាយករដ្ឋមន្រ្តី

The post លើកដំបូងអាណត្តិសម្តេច ហ៊ុន ម៉ាណែត បើកការដ្ឋានសង់ស្ពានអាកាសភ្លោះតម្លៃជាង១៦លានដុល្លារ appeared first on Millions times.

ស្ពានអាកាសភ្លោះនេះ ត្រូវបានគេរំពឹងទុកថា ជាហេដ្ឋារចនាសម្ព័ន្ធមួយដ៏សំខាន់ ដែលតភ្ជាប់ពីចរាចរណ៍ពីរាជធានីភ្នំពេញ ទៅកាន់អាកាសយានដ្ឋានអន្តរជាតិតេជោ ស្ថិតនៅស្រុកកណ្តាលស្ទឹង ខេត្តកណ្ដាល ហើយបើតាមគម្រោង​អាកាសភ្លោះនេះ គឺក្រុមហ៊ុន Cambodia Airport Investment (CAIC) របស់អ្នកឧកញ៉ា ពុង ឃាវសែ ជាអ្នកចេញថវិកាសាងសង់ទាំងស្រុង។

ដើម្បីឲ្យការបើកការដ្ឋានសាងសង់ស្ពានអាកាសភ្លោះនេះ ដំណើរការទៅដោយរលូន និងមានសណ្ដាប់ធ្នាប់នោះ, មន្ទីរសាធារណការ និងដឹកជញ្ជូន ខេត្តកណ្ដាល កាលពីថ្ងៃទី ១៤ ខែមិថុនា បានចេញសេចក្ដីជូនដំណឹងមួយ ស្តីពី ការបិទចរាចរយានជំនិះគ្រប់ប្រភេទ នៅលើកំណាត់ផ្លូវជាតិលេខ ២ និងមហាវិថីសម្តេចតេជោ ហ៊ុនសែន ស្ថិតក្នុងក្រុងតាខ្មៅ ខេត្តកណ្តាល នៅថ្ងៃបើកការដ្ឋាននោះ ចាប់ពីម៉ោង ០ និង០០នាទីរំលងអាធ្រាត្រ រហូតដល់ម៉ោង ១៣ និង ០០នាទីរសៀលថ្ងៃដដែល។

ចំពោះយាន្តជំនិះគ្រប់ប្រភេទ ដែលមានបំណងធ្វើដំណើរទៅមកតាមទីតាំង បើកការដ្ឋានសាងសង់ស្ពានអាកាសភ្លោះនេះ ត្រូវធ្វើដំណើរវាងតាមផ្លូវក្រវ៉ាត់ក្រុងទី ៣ ផ្លូវក្រវ៉ាត់ក្រុងទី ២ និងផ្លូវជាតិលេខ ២១។ នេះបើតាមការគូសបញ្ជាក់របស់មន្ទីរសាធារណការ និងដឹកជញ្ជូន ខេត្តកណ្ដាល៕

អត្ថបទ៖ វីរៈ រូបភាព៖ មន្ទីរសាធារណការ និងដឹកជញ្ជូន ខេត្តកណ្ដាល

The post ដឹងថ្ងៃបើកការដ្ឋានសាងសង់ស្ពានអាកាសភ្លោះ ត្រង់ចំណុចផ្លូវប្រសព្វមហាវិថី ៦០ម៉ែត្រ និងផ្លូវជាតិលេខ ២ហើយ   appeared first on Millions times.

តាមដានជាមួយយើង៖ Million Times

ប្រភពដដែលនេះ បានឲ្យដឹងថា លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំលោកស្នងការរង លោកនាយការិយាល័យ លោកអធិការនគរបាលក្រុងតាខ្មៅ និងមន្ត្រីក្រោមឱវាទពាក់ព័ន្ធ ចូលរួមកិច្ចប្រជុំត្រៀមរៀបចំ ពិធីពិនិត្យការដ្ឋានសាងសង់ប្រឡាយរំដោះទឹក និងពិធីបើកការដ្ឋានសាងសង់ស្ពានអាកាសភ្លោះ ត្រង់ចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ ២ ស្ថិតនៅព្រំប្រទល់រាជធានីភ្នំពេញ និងខេត្តកណ្តាល នៅសាលប្រជុំសាលាខេត្តកណ្តាល ក្រោមអធិបតីភាពលោកនាយឧត្តមសេនីយ៍ យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី។

ចំណែកកាលពីព្រឹកថ្ងៃទី ១៣ ខែមិថុនានេះដែរ អាជ្ញាធរខេត្តកណ្ដាល ដឹកនាំដោយលោក ណុប ដារ៉ា អភិបាលរងខេត្ត ក៏បានដឹកនាំមន្ត្រីរាជការសាលាខេត្ត និងកងកម្លាំងប្រដាប់អាវុធ ចុះត្រួតពិនិត្យទីតាំងស្ពានដើមលាភ និងទីតាំងបើកការដ្ឋានសាងសង់ស្ពានអាកាសភ្លោះ នៅ​ចំណុច​ប្រសព្វ​មហាវិថី​សម្តេច​តេជោ និង​ផ្លូវជាតិ​លេខ ២ ត​ភ្ជាប់​ទៅ​ផ្លូវ​​ព្រលាន​យន្តហោះ​អន្តរជាតិតេជោ ផងដែរ។

យ៉ាងណាក៏ដោយ មិនទាន់មានការបញ្ជាក់ថា ពិធីបើកការដ្ឋានសាងសង់ប្រឡាយរំដោះទឹក និងពិធីបើកការដ្ឋានសាងសង់ស្ពានអាកាសភ្លោះនោះ នឹងត្រូវធ្វើឡើងនៅថ្ងៃណានៅឡើយទេ។

សូមជម្រាបថា រដ្ឋាភិបាល ត្រៀមបើកការដ្ឋានសាងសង់ស្ពានអាកាសភ្លោះ ចំណុចប្រសព្វមហាវិថីសម្តេចតេជោ ៦០ម៉ែត្រ និងផ្លូវជាតិលេខ ២ ដែលជាផ្លូវយុទ្ធសាស្រ្តដ៏សំខាន់តភ្ជាប់ពីចរាចរណ៍ពីរាជធានីភ្នំពេញ ទៅកាន់អាកាសយានដ្ឋានអន្តរជាតិតេជោ ស្ថិតនៅស្រុកកណ្តាលស្ទឹង។

គម្រោងសាងសង់ស្ពានអាកាសភ្លោះចំណុចប្រសព្វរវាងផ្លូវ ៦០ម៉ែត្រ និងផ្លូវជាតិលេខ ២នេះ គឺក្រុមហ៊ុន Cambodia Airport Investment (CAIC) របស់លោក ពុង ឃាវសែ ដែលជាម្ចាស់គម្រោងអភិវឌ្ឍព្រលានយន្តហោះតេជោ ជាអ្នកចេញថវិកាសាងសង់ទាំងស្រុង៕

អត្ថបទ៖ វីរៈ រូបភាព៖ ស្នងការនគរបាលខេត្តកណ្តាល

The post ប្រជុំត្រៀមបើកការដ្ឋានសាងសង់ស្ពានអាកាសភ្លោះ ត្រង់ចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ ២ appeared first on Millions times.

កាលពីថ្ងៃទី៨ ខែមិថុនា ឆ្នាំ២០២៤ នាយឧត្តមសេនីយ៍ យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី បានចុះត្រួតពិនិត្យភូមិសាស្ត្រនៅតំបន់នោះដើម្បីត្រៀមបើកការដ្ឋានស្ពានអាកាសភ្លោះដំបូងនេះនាពេលឆាប់ៗខាងមុខ ក្រោមវត្តមានសម្តេច ហ៊ុន ម៉ាណែត នាយករដ្ឋមន្រ្តី។

តាមដានជាមួយយើង៖ Million Times

គម្រោងសាងសង់ស្ពានអាកាសភ្លោះចំណុចប្រសព្វរវាងផ្លូវ៦០ម៉ែត្រ និងផ្លូវជាតិលេខ២នេះ ត្រូវបានប្រភពខាងលើបញ្ជាក់ថា ក្រុមហ៊ុន Cambodia Airport Investment (CAIC) របស់លោក ពុង ឃាវសែ ដែលជាម្ចាស់គម្រោងអភិវឌ្ឍព្រលានយន្តហោះតេជោជាអ្នកចេញថវិកាសាងសង់ទាំងស្រុង។

សូមជម្រាបថា គម្រោងសាងសង់អាកាសយានដ្ឋានអន្តរជាតិតេជោ សម្រេចបានប្រមាណ ៧៥.៨ភាគរយគិតត្រឹមថ្ងៃទី៥ ខែមិថុនា ឆ្នាំ២០២៤ ហើយនៅឆមាសទី១ ឆ្នាំ២០២៥ខាងមុខត្រៀមធ្វើការប្រតិបត្តិការហោះហើរ។

គម្រោងព្រលានយន្តហោះថ្មីនេះ លាតសន្ធឹងលើផ្ទៃដីទំហំ ២,៦០០ ហិកតា នៅទូទាំងស្រុកកណ្តាលស្ទឹង ខេត្តកណ្តាល និងស្រុកបាទី ខេត្តតាកែវ គ្រោងប្រើប្រាស់ទុនវិនិយោគសរុបប្រមាណ ១,៥០០ លានដុល្លារអាមេរិកដែលមានចម្ងាយ ប្រមាណ ២០ គីឡូពីរាជធានីភ្នំពេញ៕

អត្ថបទ៖ ផល កុសល រូបភាព៖ រដ្ឋបាលខេត្តកណ្តាល

The post លោក ពុង ឃាវសែ សម្រេចសង់ស្ពានអាកាសភ្លោះចំណុចប្រសព្វផ្លូវ៦០ម៉ែត្រនិងផ្លូវជាតិលេខ២ appeared first on Millions times.