តាមដានជាមួយយើង៖ Million Times

នេះបើតាមការកត់សម្គាល់របស់ប្រតិភូគណៈកម្មាធិការវិនិយោគកម្ពុជា ដឹកនាំដោយឯកឧត្តម ជា វុទ្ធី អគ្គលេខាធិការ ដែលបានចុះទៅកំពត ចុះបំពេញបេសកកម្មត្រួតពិនិត្យការអនុវត្តគម្រោងវិនិយោគផលិតស៊ីម៉ង់ទាំង២ខាងលើ កាលពីថ្ងៃទី២៦ ខែមីនា។

ការចុះទៅពិនិត្យដែលរួមមានទាំងប្រតិភូអន្តរក្រសួង និងអាជ្ញាធរខេត្តកំពតផងនោះ មានគោលបំណងស្វែងយល់ពីការអនុវត្តគម្រោង និងបញ្ហាប្រឈមនានា ដែលជាផ្នែកមួយ នៃការផ្តល់សេវាថែទាំវិនិយោគដូចមានចែងក្នុងច្បាប់ ស្តីពី វិនិយោគ។

គណៈប្រតិភូដែលបានចុះពិនិត្យ បានសង្កេតឃើញថា ក្រុមហ៊ុនទាំង២ខាងលើ បាននិងកំពុងដំណើរការយ៉ាងសកម្ម ដោយបានផ្តល់ឱកាសការងារ និងបណ្តុះបណ្តាលជំនាញដល់ប្រជាពលរដ្ឋខ្មែររាប់ពាន់នាក់ ដែលតាមរយៈការបណ្តុះបណ្តាលទាំងនេះ បានផ្តល់លទ្ធភាពឱ្យក្រុមហ៊ុនអាចប្រើប្រាស់កម្លាំងពលកម្មក្នុងស្រុក រួមទាំងបុគ្គលិកជំនាញជាន់ខ្ពស់ផងស្ទើរ១០០%។

គណៈកម្មាធិការវិនិយោគកម្ពុជា បានលើកឡើងថា គម្រោងវិនិយោគផលិតស៊ីម៉ង់ទាំង២នេះ មិនត្រឹមតែបានចូលរួមចំណែកយ៉ាងសំខាន់ ក្នុងការធានានូវការផ្គត់ផ្គង់តម្រូវការស៊ីម៉ង់ក្នុងស្រុក សម្រាប់បម្រើដល់វិស័យសំណង់ប៉ុណ្ណោះទេ ប៉ុន្តែថែមទាំងបានចូលរួមលើកកម្ពស់ជីវភាពប្រជាពលរដ្ឋក្នុងមូលដ្ឋាន និងជំរុញកំណើនសេដ្ឋកិច្ចជាតិផងដែរ។

បើតាមគណៈកម្មាធិការវិនិយោគកម្ពុជាដដែល បច្ចុប្បន្នកម្ពុជាមានរោងចក្រផលិតស៊ីម៉ង់ចំនួន៦ ដែលអាចផ្គត់ផ្គង់តម្រូវការស៊ីម៉ង់ក្នុងស្រុក ដែលមានប្រមាណ ១០លានតោនក្នុងមួយឆ្នាំ បានគ្រប់គ្រាន់ទាំងស្រុង៕

អត្ថបទ៖ វីរៈ រូបភាព៖ គណៈកម្មាធិការវិនិយោគកម្ពុជា

second...

x

The post រោងចក្រផលិតស៊ីម៉ង់២នៅខេត្តកំពត កំពុងដំណើរការយ៉ាងសកម្មផ្គត់ផ្គង់តម្រូវការក្នុងស្រុក appeared first on Millions times.

តាមដានជាមួយយើង៖ Million Times

នៅក្នុងឱកាសនោះ អ្នកឧកញ៉ា វិញ ហួរ ប្រធានក្រុមប្រឹក្សាភិបាល បានគូសរំលេចអំពីស្ថានភាពនៃវិស័យផលិតស៊ីម៉ងត៍នៅកម្ពុជា ដែលរួមមានទំហំទុនវិនិយោគ, សមត្ថភាពផលិត និងផ្គត់ផ្គង់របស់សហគ្រាសក្នុងស្រុក, និងនិន្នាការនៃតម្រូវការក្នុងការប្រើប្រាស់ស៊ីម៉ងត៍ សម្រាប់ផ្គត់ផ្គង់ដល់ការសាងសង់អគារ ផ្ទះសម្បែង ហេដ្ឋារចនាសម្ព័ន្ធផ្លូវ ថ្នល់ជាដើម។

បន្ទាប់ពីបានស្វែងយល់អំពីស្ថានភាព នៃវិស័យផលិតស៊ីម៉ងត៍នៅកម្ពុជា, ឯកឧត្តមរដ្ឋលេខាធិការ បានលើកឡើងអំពីគោលជំហររបស់រាជរដ្ឋាភិបាល ក្នុងការជំរុញការអភិវឌ្ឍវិស័យផលិតស៊ីម៉ងត៍កម្ពុជា តាមរយៈយន្តការលើកទឹកចិត្តផ្សេងៗ។

ជាមួយគ្នានេះ, ឯកឧត្តម បានវាយតម្លៃខ្ពស់ចំពោះការចូលរួមចំណែកក្នុងការអភិវឌ្ឍសង្គម-សេដ្ឋកិច្ចជាតិ របស់ឧស្សាហកម្មស៊ីម៉ងត៍កម្ពុជា តាមរយៈការវិនិយោគ, ការបង្កើតការងារ, ការបណ្តុះបណ្តាលកម្មករជំនាញ, ការបង់ពន្ធជូនរដ្ឋ និង សកម្មភាពសង្គមជាច្រើនទៀត។

អ្នកឧកញ៉ា វិញ ហួរ បានថ្លែងអំណរគុណចំពោះឯកឧត្តមរដ្ឋលេខាធិការ និងរាជរដ្ឋាភិបាលដែលតែងបានគិតគូរ ផ្តល់ការគាំទ្រ និងការលើកទឹកចិត្តផ្សេងៗ ដល់វិស័យស៊ីម៉ងត៍កម្ពុជា ជាពិសេសក្នុងស្ថានភាពដែលពិភពលោក កំពុងប្រឈមនឹងបញ្ហាអស្ថិរភាពជាសកល។

ជាចុងក្រោយ ឯកឧត្តម ហ៊ាន សាហ៊ីប បានស្នើឱ្យសមាគមស៊ីម៉ងត៍កម្ពុជា ខិតខំពង្រឹងហេដ្ឋារចនាសម្ព័ន្ធគាំទ្រ និងខ្សែច្រវាក់ផលិតកម្មរបស់ខ្លួន សំដៅជំរុញលទ្ធភាពផលិត និងផ្គត់ផ្គង់ ដើម្បីបំពេញតម្រូវការក្នុងស្រុក និងរក្សាឱ្យបាននូវភាពប្រកួតប្រជែងជាមួយនឹងស៊ីម៉ងត៍នាំចូល៕

អត្ថបទ៖ វីរៈ រូបភាព៖ SPIN Programme  

second...

x

The post អ្នកឧកញ៉ា វិញ ហួរ បង្ហាញស្ថានភាពឧស្សាហកម្មផលិតស៊ីម៉ងត៍នៅកម្ពុជាជូ​នឯកឧត្តម ហ៊ាន សាហ៊ីប appeared first on Millions times.

តាមដានជាមួយយើង៖ Million Times

កិច្ចប្រជុំដែលបានធ្វើឡើងក្រោមអធិបតីភាពឯកឧត្តម ហ៊ាន សាហ៊ីប ប្រធានក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន) គឺដើម្បីសម្របសម្រួលការអនុវត្តការងារសាងសង់ផ្លូវក្រាលកៅស៊ូ DBST មានទទឹង ៦ម៉ែត្រ និងបណ្តោយផ្លូវប្រវែង ៨០ គ.ម ស្ថិតក្នុងខេត្តក្រចះ, និងការស្នើសុំការលើកទឹកចិត្ត និងការអនុគ្រោះនានា សម្រាប់ការអនុវត្តការងារសាងសង់ផ្លូវមួយខ្សែនេះ។

នៅក្នុងឱកាសនោះ ឯកឧត្តមប្រធានក្រុមការងារ បានគូសបញ្ជាក់អំពីសារសំខាន់នៃគម្រោងរបស់ក្រុមហ៊ុន ខេ.ភី ស៊ីមេន ដែលជាក្រុមហ៊ុនវិនិយោគចម្រុះវិស័យ ហើយមានឆន្ទៈចូលរួមយ៉ាងសកម្មក្នុងការកសាងហេដ្ឋារចនាសម្ព័ន្ធពាក់ព័ន្ធ ដើម្បីគាំទ្រដល់សកម្មភាពវិនិយោគរបស់ខ្លួន, តួយ៉ាងកំពង់ផែពហុបំណង និងផ្លូវដឹកជញ្ជូនប្រវែង ៨០ គ.ម ដែលក្រុមហ៊ុនជាអ្នកទទួលបន្ទុកចំណាយ។

រាជរដ្ឋាភិបាល តាមរយៈក្រុមការងារ ក.វ.ឦសាន តែងតែបានផ្តល់ការសម្របសម្រួលជាអតិបរមាជូនក្រុមហ៊ុន ដើម្បីធានាថា ការសាងសង់ផ្លូវនេះអាចដំណើរការបានដោយរលូន ស្របតាមផែនការវិនិយោគរបស់ក្រុមហ៊ុន, ទន្ទឹមនេះ ក្រុមហ៊ុនត្រូវធានាអនុលោមភាពបច្ចេកទេសនៃការសាងសង់ និងការគ្រប់គ្រងផលប៉ះពាល់លើសង្គម និងបរិស្ថាន ដែលអាចកើតមានជាយថាហេតុ។

ក្នុងនោះដែរ, ក្រុមហ៊ុនត្រូវបំពេញនីតិវិធី និង បទដ្ឋានបច្ចេកទេស នៃការសាងសង់ផ្លូវ, ធានាសុពលភាពប្រើប្រាស់ បន្ទាប់ពីបញ្ចប់ការសាងសង់, ចូលរួមសហការថែទាំផ្លូវ និង ប្រើប្រាស់កម្លាំងពលកម្មក្នុងស្រុកជាអតិបរមា ក្នុងការសាងសង់ផ្លូវ។

អង្គប្រជុំ បានគាំទ្រដល់ការផ្តល់ការលើកទឹកចិត្ត និងការអនុគ្រោះនានា សមស្របទៅតាមខ្លឹមសារ និង ស្មារតីនៃ «កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា ឆ្នាំ២០២៥-២០២៨»។

ក្នុងនោះដែរ បានសម្តែងឆន្ទៈចូលរួមគាំទ្រ ចាប់ពីដំណាក់កាលសាងសង់ រហូតដល់ដំណាក់កាលប្រគល់-ទទួល, ការត្រួតពិនិត្យគុណភាពនៃការសាងសង់ និងផ្តល់ការសម្របសម្រួល ក៏ដូចជាដោះស្រាយបញ្ហារាំងស្ទះនានា ជូនដល់ក្រុមហ៊ុនក្នុងស្មារតី “ជវភាពនៃប្រព័ន្ធតួអង្គតែមួយ” ដើម្បីបង្កើនទំនុកចិត្តវិនិយោគ និងនាំមកនូវផ្លែផ្កាជាក់ស្តែង តាមរយៈការកសាងនូវហេដ្ឋារចនាសម្ព័ន្ធរូបវ័ន្ត ដែលកើតចេញពីការវិនិយោគឯកជន ជូនដល់ប្រជាពលរដ្ឋនៅក្នុងខេត្តក្រចេះ ក៏ដូចជានៅក្នុងតំបន់ភូមិភាគឦសានទាំងមូល៕

អត្ថបទ៖ វីរៈ រូបភាព៖ ក.វ.ឦសាន

second...

x

The post គ្រោងសាងសង់ផ្លូវ ៨០គីឡូម៉ែត្រក្នុងខេត្តក្រចះ នៃគម្រោងវិនិយោគបង្កើតរោងចក្រផលិតស៊ីម៉ងត៍ appeared first on Millions times.

សមាគមមានលទ្ធភាពផលិត និងចែកចាយស៊ីម៉ង់ត៍ ដើម្បីបំពេញតម្រូវការនៅក្នុងស្រុកផង និងសម្រាប់នាំចេញទៅតាមបណ្ដាប្រទេសជិតខាងមួយចំនួនផង ហើយថ្មីៗនេះ សមាគមក៏បានក្លាយជាសមាជិកសហព័ន្ធក្រុមហ៊ុនផលិតស៊ីម៉ងត៍អាស៊ាន (AFCM) ផងដែរ។ នេះបើតាមការឲ្យដឹងនៅក្នុងជំនួបសម្ដេច ហ៊ុន ម៉ាណែត នាយករដ្ឋមន្ត្រី ជាមួយប្រតិភូសមាគមឧស្សាហកម្មស៊ីម៉ង់ត៍កម្ពុជា នាវិមានសន្តិភាព កាលរសៀលថ្ងៃទី១៨ ខែធ្នូ ឆ្នាំ២០២៤។

តាមដានជាមួយយើង៖ Million Times

ក្នុងជំនួបនោះសម្ដេច ហ៊ុន ម៉ាណែត បានវាយតម្លៃខ្ពស់ចំពោះសមាគមឧស្សាហកម្មស៊ីម៉ង់ត៍កម្ពុជា ដែលបានរួមចំណែកក្នុងការអភិវឌ្ឍសង្គម-សេដ្ឋកិច្ចកម្ពុជា តាមរយៈការបង្កើតការងារសម្រាប់ប្រជាពលរដ្ឋ និងលទ្ធភាពក្នុងការផ្គត់ផ្គង់ស៊ីម៉ង់ត៍ប្រកបដោយគុណភាព និងតម្លៃសមរម្យ។ ជាមួយគ្នានេះសម្ដេចក៏បានគូសបញ្ជាក់អំពីការដាក់ចេញនូវគោលនយោបាយ វិធានការ និងការលើកទឹកចិត្តនានារបស់រាជរដ្ឋាភិបាល ដើម្បីធានាដល់ភាពជោគជ័យ បរិយាកាសវិនិយោគ និងភាពប្រកួតប្រជែងរបស់បណ្ដាក្រុមហ៊ុន ដែលកំពុងមានប្រតិបត្តិការអាជីវកម្មនៅកម្ពុជាផងដែរ។ 

​តប​តាម​សំណូមពរ​របស់​សមាគមឧស្សាហកម្មស៊ីម៉ង់ត៍កម្ពុជា សម្តេច​នាយករដ្ឋមន្ត្រី​បាន​សម្រេច​បន្តផ្តល់ការលើកទឹកចិត្តផ្នែកពន្ធដារ ដល់ក្រុមហ៊ុន​ផលិត​សុីម៉ង់ត៍ក្នុងស្រុក ព្រមទាំងប្រគល់ភារកិច្ចឱ្យក្រសួងសេដ្ឋកិច្ច និងហិរញ្ញវត្ថុ សហការជាមួយក្រសួងរ៉ែ និងថាមពល ធ្វើការសិក្សាលើវិធានការមួយចំនួនបន្ថែមទៀត ដើម្បីលើកយោបល់សុំការសម្រេចពីសម្តេចក្នុងគោលដៅបង្កើនភាពប្រកួតប្រជែង និងការរីកចម្រើននៃឧស្សាហកម្មស៊ីម៉ង់ត៍ ក្នុង​ការផលិត​សុីម៉ង់ត៍ក្នុងស្រុកដែល​មាន​គុណភាព​ខ្ពស់​ និង​តម្លៃ​សមសមរម្យ ដើម្បីជួយជា​ប្រយោជន៍បន្ថែមដល់ប្រជាពលរដ្ឋ​កម្ពុជា​ដែល​ជា​អ្នក​ប្រេីប្រាស់៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

second...

x

The post ក្រុមហ៊ុន​សមាជិកសមាគមឧស្សាហកម្មស៊ីម៉ង់ត៍កម្ពុជាបាននិងកំពុងបោះទុនវិនិយោគសរុបជាង ១.២ប៊ីលានដុល្លារ appeared first on Millions times.