សៀវភៅ Archives - Millions times

កាន់តែងាយស្រួលរក សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» មានលក់នៅបណ្ណាគារ

Vin Chang — Thu, 13 Mar 2025 02:23:43 +0000

ភាពល្បីល្បាញនៃសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» បានសុះសាយគ្រប់ទីកន្លែង ដោយមានអ្នកជំនួញធំៗ និងសាស្ត្រាចារ្យជាច្រើនសុទ្ធតែជាវយកទៅសិក្សាស្វែងយល់បន្ថែម។

តាមដានជាមួយយើង៖ Million Times

ថ្មីៗនេះទៀតសោតសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ដែលតែងនិពន្ធឡើងដោយផ្ទាល់ពីសំណាក់ប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP ផ្ទាល់ ក៏មានដាក់លក់នៅតាមបណ្ណាគារផងដែរ។

សម្រាប់សិស្សានុសិស្ស និងមហាជនទាំងអស់ដែលមានបំណងក្នុងការជាវសៀវភៅ «គ្រឹះនៃជីវិត អ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ពេលនេះអាចស្វែងរកបាននៅគ្រប់សាខាទាំងអស់របស់បណ្ណាគារសន្តិភាព (PBC)។

មិនត្រឹមតែដាក់លក់នៅលើទីផ្សារនៅទេ អ្នកឧកញ៉ា បណ្ឌិត សំ សុខនឿន បានយកសៀវភៅដែលតាក់តែងឡើងពីបទពិសោធន៍ក្នុងមុខជំនួញរាប់ទសវត្សរ៍របស់ខ្លួន យកទៅតម្កល់នៅដល់បណ្ណាល័យសម្តេចតេជោ ហ៊ុន សែន ថែមទៀតផង ដើម្បីអាចឲ្យមហាជនស្វ័យសិក្សា ព្រមទាំងអាចរៀនពីជំនាញផ្សេងៗក្នុងវិស័យអចលនទ្រព្យ។

អ្នកឧកញ៉ាបណ្ឌិត សំ សុខនឿន ប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP និងជាអ្នកជំនាញអចលនទ្រព្យមានកេរ្តិ៍ឈ្មោះបោះសំឡេងមួយរូបនៅកម្ពុជា ហើយជារឿយៗអ្នកឧកញ៉ាបណ្ឌិតក៏តែងតែមានបេសកកម្មទៅក្រៅប្រទេស ដើម្បីអូសទាញវិនិយោគិន មកបោះទុននៅស្រុកខ្មែរ៕

អត្ថបទ៖ មេរ៉ា, រូបភាព៖ Dr. Sam Soknoeun

The post កាន់តែងាយស្រួលរក សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» មានលក់នៅបណ្ណាគារ appeared first on Millions times.

សាស្រ្តាចារ្យបណ្ឌិត ភូ សម្បត្តិ ថា ក្រោយអានសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ហើយជីវិតកាន់តែប្រសើរឡើង

Vin Chang — Thu, 09 Jan 2025 11:49:56 +0000

សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ពិតជាល្បីល្បាញ ព្រោះមិនថាអ្នកជំនួញឡើយ ដែលបានជាវយកទៅអាន ដើម្បីជាចំណេះ គន្លឹះក្នុងការរកស៊ី និងការប្រកួតប្រជែងក្នុងមុខជំនួញ សូម្បីតែសាស្ត្រាចារ្យក៏ត្រូវការសៀវភៅនោះ ទៅសិក្សាយកបទពិសោធន៍ ដើម្បីបង្រៀនបន្តដល់និស្សិតដែរ។

ជាក់ស្ដែងដូច បណ្ឌិត ភូ សម្បត្តិ ដែលជាសាស្ត្រាចារ្យសាកលវិទ្យាល័យភូមិន្ទភ្នំពេញ និងជាប្រធានដេប៉ាតឺម៉ង់គ្រប់គ្រងពាណិជ្ជកម្មអន្តរជាតិនៃសាកលវិទ្យាល័យភូមិន្ទភ្នំពេញ បានបង្ហាញពីចំណាប់អារម្មណ៍ ក៏ដូចជាដកស្រង់បានចំណុចខ្លឹមៗពីក្នុងសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ»។

តាមដានជាមួយយើង៖ Million Times

សាស្ត្រាចារ្យបណ្ឌិត ភូ សម្បត្តិ បញ្ជាក់ថា សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» គឺជាសៀវភៅភាសាខ្មែរទី១ដែលសរសេរពីវិស័យអចលនទ្រព្យ លោកបានអានចប់។ កន្លងមកលោកអានសៀវភៅទាក់ទងវិស័យអចលនទ្រព្យជាភាសាបរទេស។ ក្នុងនាមជាអ្នកសិក្សាស្រាវជ្រាវលើវិស័យអចលនទ្រព្យ លោកសាស្ត្រាចារ្យបានអះអាងថា សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» មានចំណុចល្អៗជាច្រើន ដែលអ្នកអាន ហើយនិងអ្នកវិនិយោគលើវិស័យអចលនទ្រព្យអាចយកទៅពិចារណា ឬអនុវត្តន៍បាន។

ប្រធានដេប៉ាតឺម៉ង់គ្រប់គ្រងពាណិជ្ជកម្មអន្តរជាតិនៃសាកលវិទ្យាល័យភូមិន្ទភ្នំពេញ បានលើកឡើងពីចំណុចល្អ ២ធំៗ។ ទី១ គុណភាពនៃសៀវភៅជាកន្លែងទាក់ទាញអ្នកអានឲ្យចាប់អារម្មណ៍លើសៀវភៅ គឺមានគម្របក្រាស់ល្អ ហើយសន្លឹកសៀវភៅទៀតសោតរលោងល្អ និងមានពណ៌។ ចំណែកគុណភាពទី២ របស់សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ទាក់ទងនឹងមាតិកា។ ៥ ជំពូកសំខាន់ៗក្នុងសៀវភៅបណ្ឌិត សំ សុខនឿន សុទ្ធសឹងតែមានតម្លៃ ដោយបើកបង្ហាញពីទ្រឹស្ដីមួយចំនួន ព្រមជាមួយបទពិសោធន៍ជាក់ស្ដែងរបស់លោកអ្នកឧកញ៉ា ដែលប្រើប្រាស់កន្លងមក ពេលជួបបញ្ហាក្នុងវិស័យជំនួញ។

សៀវភៅ « គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» បានបរិយាយអត្ថាធិប្បាយពីការបង្កើតឱកាស ភាពស្មោះត្រង់ តម្លៃជីវិត ការបង្កើតទំនាក់ទំនង គឺជារឿងសំខាន់ ហើយសៀវភៅអ្នកប្រាជ្ញបរទេសជាច្រើន ក៏មានសរសេរចំណុចអស់ទាំងនោះ ដូចអ្នកឧកញ៉ាបណ្ឌិត សំ សុខនឿន ដែរ។ នេះជាការអ្វីដែលសាស្ដ្រាចារ្យ ភូ សម្បត្តិ បញ្ជាក់។

និយាយដល់តម្លៃសៀវភៅរបស់អ្នកឧកញ៉ាបណ្ឌិត សំ សុខនឿន សម្រាប់លោកមិនថ្លៃ ហើយក៏មិនថោក តែបើអ្នកជាវយកទៅមិនអាន គឺពិតជាថ្លៃ តែបើបានអានហើយ នឹងយល់ថា ៥០ ដុល្លារក្នុងមួយក្បាលមិនជាច្រើនឡើយ ព្រោះអាចរៀនបានអ្វីល្អៗ ដែលជួយអភិវឌ្ឍជីវិតបានមកវិញកាន់តែច្រើន ហើយជីវិតក៏ប្រសើរឡើងតាមនេះដែរ៕

អត្ថបទ៖ មេរ៉ា រូបភាព៖ ផ្តល់ឲ្យ

The post សាស្រ្តាចារ្យបណ្ឌិត ភូ សម្បត្តិ ថា ក្រោយអានសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ហើយជីវិតកាន់តែប្រសើរឡើង appeared first on Millions times.

គ្រាន់តែសៀវភៅអ្នកជំនួញល្បីឈ្មោះ សំ សុខនឿន ចេញភ្លាម ទទួលបានការគាំទ្រខ្លាំងទាំងអ្នករកស៊ី បុគ្គលល្បីឈ្មោះ និងឧកញ៉ារកស៊ីជំនួញធំៗ

Vin Chang — Sat, 23 Nov 2024 05:40:20 +0000

ក្រោយបញ្ចេញសៀវភៅ ១ម៉ឺនច្បាប់ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ជាផ្លូវការរួចមក ឃើញថាកំពុងទទួលបានការគាំទ្រយ៉ាងខ្លាំងពីអ្នកជំនួញ បុគ្គលល្បីៗ និងឧកញ៉ាលំដាប់កំពូលៗក្នុងស្រុក។

សៀវភៅរបស់អ្នកឧកញ៉ាបណ្ឌិត សំ សុខនឿន ប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP បានបោះពុម្ពសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» កាលពីអំឡុងដើមខែវិច្ឆិកា កន្លងទៅ។

តាមដានជាមួយយើង៖ Million Times

គ្រាន់តែសៀវភៅអ្នកជំនួញល្បីឈ្មោះរូបនេះចេញភ្លាម ទទួលបានការគាំទ្រយ៉ាងខ្លាំងមិនថា អ្នកធ្វើការធម្មតាៗក្នុងក្រុមហ៊ុន អ្នករកស៊ី បុគ្គលល្បីឈ្មោះ ព្រមជាមួយឧកញ៉ាដែលរកស៊ីជំនួញធំៗដូចគ្នា ក៏ចាប់អារម្មណ៍ជាវសៀវភៅនោះដែរ។ ក្នុងនោះរួមមានលោក នៅ ស៊ីនិត ដែលមហាជនបានស្គាល់ហើយថា ជាវិស្វករ និងជាអ្នកម៉ៅការសំណង់ដ៏ល្បីល្បាញ និងជោគជ័យលើវិថីស្ថាបត្យកម្មនៅកម្ពុជាក៏បានជាវសៀវភៅដល់ទៅ ៥ក្បាលឯណោះ។

លោក នៅ ស៊ីនិត មានប្រសាសន៍ថា៖ «ខ្ញុំជាអ្នកគ្រាំទ្រម្នាក់របស់អ្នកឧកញ៉ាជាយូរមកហើយ នៅពេលដែលខ្ញុំដឹងថាអ្នកឧកញ៉ានិពន្ធសៀវភៅនេះ ខ្ញុំពិតជាចាប់អារម្មណ៍យ៉ាងខ្លាំងមែនទែន ដោយសារតែខ្ញុំចង់ដឹងនិងស្វែងយល់បន្ថែមអំពីគ្រឹះនៃជីវិតរបស់អ្នកឧកញ៉ា និងចង់រៀនសូត្រពីការវិនិយោគអចលនទ្រព្យ»។

ក្រុមការងារសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» និងអ្នកឧកញ៉ា គឹម សុខអេង

មិនទាន់អស់ឡើយ នៅមានលោក ហួន លីហួរ ដែលជាបុគ្គលជោគជ័យប្រឡូកក្នុងវិស័យសំណង់ និងអចលនទ្រព្យដែរនោះ បានចាប់អារម្មណ៍ ហើយបានបញ្ជាក់ពីការគោរព កោតសរសើរការខិតខំតស៊ូរបស់អ្នកឧកញ៉ា ទាល់តែទទួលបានជោគជ័យក្លាយជាអ្នកជំនាញល្បីល្បាញម្នាក់ក្នុងវិស័យអចលនទ្រព្យ។ លោក ហួន លីហួរ បានជាវសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» មកសិក្សាស្វែងយល់បន្ថែម និងរៀនអំពីគន្លឹះជោគជ័យពីអ្នកឧកញ៉ា បន្ថែមទៀត ហើយក៏ជាការចូលរួមចំណែកសើកស្ទួយស្នាដៃតាក់តែងដោយកូនខ្មែរ ក៏ដូចលើកកម្ពស់ការអាននៅកម្ពុជា។

លោក ហួន លីហួរ និងក្រុមការងារសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ»

រីឯអ្នកឧកញ៉ា គឹម សុខអេង ម្ចាស់បុរី KK The Residence 598 និងបុរី KC ព្រែកព្នៅ ក៏បានជាវសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ដោយថ្លែងបញ្ជាក់ថា អ្នកឧកញ៉ាចូលចិត្តអាននៅពេលទំនេរ ហើយជាពិសេសចូលចិត្តសិក្សាស្វែងយល់អំពីអចលនទ្រព្យ ដូចដែលមានក្នុងសៀវភៅនេះ ដូច្នេះហើយទើបអ្នកឧកញ៉ាសម្រេចជាវសៀវភៅដ៏ពិសិដ្ឋនេះ។

ចំណែកឧកញ៉ា អ៉ឹង លីហួត ដែលជាអ្នកជំនួញជោគជ័យ និងចាស់វស្សាម្នាក់នៅកម្ពុជា បានចូលរួមអំពាវនាវឲ្យមហាជនចូលរួមគាំទ្រស្នាដៃនិពន្ធរបស់កូនខ្មែរ ដ៏ឆ្នើមរូបនេះមកអាន ដើម្បីស្វែងយល់ពីបន្ថែម ជួយឲ្យមានគំនិតថ្មីៗក្នុងកិច្ចការងារប្រចាំថ្ងៃ។

ឧកញ៉ា អ៉ឹង លីហួត

សេដ្ឋីនីវ័យក្មេង ឡេង ដាវី ប្រធានក្រុមហ៊ុន Rithy Granite Cambodia ដែលជាកូនស្រីឧកញ៉ា ឡេង ឬទ្ធី អគ្គនាយកក្រុមហ៊ុន ឡេង ឬទ្ធី គ្រុប ក៏បានជាវសៀវភៅរបស់អ្នកឧកញ៉ាបណ្ឌិត សំ សុខនឿន ផងដែរ។ CEO ស្រីរូបនេះបញ្ជាទិញរហូតទៅដល់៥ ក្បាល ដាក់តាមសាខា និងក្រុមហ៊ុនរបស់លោកស្រី មិត្តភ័ក្តិ និងបុគ្គលិកបានអាន ដើម្បីកាន់តែច្បាស់ពីវិស័យជំនួញ។ បើទោះជាប្រឡូកក្នុងវិស័យជំនួញច្រើនឆ្នាំ តែសេដ្ឋីនី ឡេង ដាវី នៅតែត្រូវការអានសៀវភៅ ដើម្បីច្បិចយកចំណុចល្អមានក្នុងនោះ មកបង្គ្រប់បន្ថែមការអាជីពឲ្យកាន់តែប្រសើរ។

ក្រុមការងារសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» និងសេដ្ឋីនី ឡេង ដាវី

អ្នកជំនាញ និងអ្នកវិនិយោគក្នុងវិស័យអប់រំ ឧកញ៉ា ជា ដាណា អគ្គនាយកសាលាអន្តរជាតិ Westland International School និងអគ្គនាយកនៃក្រុមហ៊ុន Ritaro D&P Capital ក៏បានជាវសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ»។ លោកឧកញ៉ាចាប់អារម្មណ៍លេីវិស័យអចលនទ្រព្យ ក៏ព្រោះថា បើទោះបីលោកបើកសាលាជាច្រើនសាខាក៏ពិតមែន ប៉ុន្តែភាពមានបានពិតប្រាកដកើតចេញពីអចលនទ្រព្យ។

សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ជាសៀវភៅដែលយើងគួរតែអាន ដើម្បីបង្កើនចំណេះដឹងផ្នែកអចលនទ្រព្យ ហើយសៀវភៅនោះប្រៀបដូចជាទុនសំខាន់ ដែលអាចឲ្យមនុស្សម្នាក់ៗស្វែងយល់យ៉ាងត្រឹមត្រូវលើការវិនិយោគផ្សេងៗ៕

ឧកញ៉ា ជា ដាណា

The post គ្រាន់តែសៀវភៅអ្នកជំនួញល្បីឈ្មោះ សំ សុខនឿន ចេញភ្លាម ទទួលបានការគាំទ្រខ្លាំងទាំងអ្នករកស៊ី បុគ្គលល្បីឈ្មោះ និងឧកញ៉ារកស៊ីជំនួញធំៗ appeared first on Millions times.

អ្នកឧកញ៉ា សំ សុខនឿន បោះពុម្ពសៀវភៅ១ម៉ឺនច្បាប់ «គ្រឹះនៃជីវិតក្នុងមាគ៌ាអចលនទ្រព្យ» ជាផ្លូវការ

Vin Chang — Thu, 07 Nov 2024 10:29:47 +0000

អ្នកឧកញ៉ាបណ្ឌិត សំ សុខនឿន ប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP បានប្រកាសបោះពុម្ពសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ចំនួន ១ម៉ឺនច្បាប់ ដែលនិយាយពីជីវិតផ្ទាល់ខ្លួនរបស់លោកក្នុងវិស័យជំនួញកន្លងមក ធ្លាប់ជាកូនកសិករប្រែក្លាយជាអ្នកដឹកនាំសាជីវកម្មជាច្រើនក្នុងពហុវិស័យ។

អ្នកឧកញ៉ាបណ្ឌិត សំ សុខនឿន បានបង្ហើបឲ្យដឹងថា សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» លោកសម្រេចបោះពុម្ពផ្សាយប្រមាណ១ម៉ឺនច្បាប់ គឺជាការចែករំលែកនូវបទពិសោធន៍ ចំណេះដឹង ជំនាញ និងព័ត៌មានក្នុងវិស័យអចលនទ្រព្យជូនដល់ពលរដ្ឋដែលមានបំណងចង់បានពុទ្ធិបន្ថែមទុកជាទុនជីវិត។

តាមដានជាមួយយើង៖ Million Times

អ្នកឧកញ៉ាបន្តថា វិស័យអចលនទ្រព្យនេះហើយបានកែប្រែជោគវាសនារបស់លោកឲ្យស្គាល់ពន្លឺច្បាស់នៃជីវិត។ ដូច្នេះទើបលោកសម្រេចចិត្តសរសេរចងក្រងបទពិសោធន៍ជីវិត ទាំងការសិក្សា ការងារ ជំនួញ ទំនាក់ទំនង ពិសេសនោះ គឺគន្លឹះក្នុងមាគ៌ាអចលនទ្រព្យ ដែលជាវិស័យធ្វើឲ្យមានអ្វីៗដូចសព្វថ្ងៃដើម្បីឲ្យបងប្អូនប្រជាពលរដ្ឋសិក្សាឈ្វេងយល់ដើរលើវិថីអចលនទ្រព្យឲ្យបានជោគជ័យគ្រប់គ្នា។

អ្នកឧកញ៉ាថ្លែងថា «នៅក្នុងសៀវភៅនេះ ខ្ញុំបានរកឃើញតម្លៃពិតនៃជីវិតដ៏ឧដុង្គឧត្តមរបស់មនុស្សគ្រប់គ្នា។ មែនទែនទៅសំណេរនេះ ខ្ញុំបានសង្កត់ធ្ងន់ថា បើចង់មានតម្លៃ ត្រូវខំប្រឹងកែច្នៃខ្លួនឯងឲ្យមានតម្លៃ គ្មាននរណាអាចជួយឲ្យយើងមានតម្លៃក្រៅពីខ្លួនយើងឡើយ»។

ម្ចាស់ស្នាដៃសៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ»បានសង្កត់ធ្ងន់ថា សៀវភៅដ៏មានតម្លៃនេះ ក៏បានផ្តោតទៅលើពាណិជ្ជករជោគជ័យ រមែងជាមនុស្សមានទំនុកចិត្ត និងជឿជាក់លើខ្លួនឯង ចេះឆក់ឱកាស និងមានផ្នត់គំនិតវិជ្ជមានច្រើនជាងអវិជ្ជមាន។អ្នកជំនួញជោគជ័យ និងយូរអង្វែង ត្រូវតែប្រកាន់ភ្ជាប់លើភាពត្រឹមត្រូវ និងស្របច្បាប់ជាប់ជានិច្ច ពោលគឺមិនមែនលេងផ្លូវកាត់ណាមួយនោះទេ។

សូមជម្រាបថា អ្នកឧកញ៉ាបណ្ឌិត សំ សុខនឿន ជាប្រធានក្រុមប្រឹក្សាភិបាលនៃសម្ព័ន្ធក្រុមហ៊ុន SAM SN GROUP និងជាអ្នកជំនាញអចលនទ្រព្យមួយរូបនៅកម្ពុជា ជាសមាជិកសកម្មនៃសមាគមឧកញ៉ាកម្ពុជា និងសមាជិកសភាពាណិជ្ជកម្មកម្ពុជា ដែលបញ្ចប់ថ្នាក់បណ្ឌិតពីក្រៅប្រទេស៕

The post អ្នកឧកញ៉ា សំ សុខនឿន បោះពុម្ពសៀវភៅ១ម៉ឺនច្បាប់ «គ្រឹះនៃជីវិតក្នុងមាគ៌ាអចលនទ្រព្យ» ជាផ្លូវការ appeared first on Millions times.

ណែនាំសៀវភៅដំណើររឿងជីវិតកូនកសិករតស៊ូក្នុងមាគ៌ាអចលនទ្រព្យទទួលបានជោគជ័យ

Vin Chang — Thu, 19 Sep 2024 07:52:23 +0000

វិស័យអចលនទ្រព្យនៅលើពិភពលោកនិយាយដោយឡែក និយាយជារួមក្នុងប្រទេសកម្ពុជាបានបង្កើតឪកាសឲ្យបុគ្គលអ្នកប្រឡូកចូលកាន់អាជីពលើវិថីមួយនេះទទួលបានជោគជ័យបង្កើតទ្រព្យយ៉ាងឆាប់រហ័ស ហើយរហូតបុគ្គលមានចំនួនក៏ទទួលបានគោរមងារលោកអ្នកឧកញ៉ា អ្នកឧកញ៉ា និងឧកញ៉ា ខណៈបុគ្គលដទៃទៀតក៏បានរស់នៅក្នុងជីវិតស៊ីវិល័យទាន់សម័យមានអ្វីគ្រប់បែបយ៉ាងក្នុងសង្គមរាប់ចាប់ពីភូមិគ្រឹះ ឡានទំនើបប្រណិត ដើរលេងក្រៅប្រទេស និងសម្ភារសំខាន់ជាច្រើនទៀត ពិសេសពួកគេទាំងនោះបានចូលរួមយ៉ាងសកម្មជាមួយរាជរដ្ឋាភិបាលទាំងកិច្ចការសង្គមកិច្ច និងសុខាភិបាល។

ជាក់ស្តែង កូនអ្នកកសិករម្នាក់មកពីស្រុកត្បូងឃ្មុំ បានឈានជើងចូលក្នុងវិថីអចលនទ្រព្យត្រឹមរយៈពេលខ្លីប៉ុណ្ណោះទទួលបានជោគជ័យទាំងជីវិតនៅវ័យក្មេង។ កូនកសិកររូបនោះគឺគ្មាននរណាក្រៅពីអ្នកឧកញ៉ា សំ សុខនឿន ឡើយដែលបានប្រែក្លាយជីវិតនៅផ្ទះជួលមកជាអ្នកវិនិយោគអចលនទ្រព្យដ៏លេចធ្លោមួយរូបក្នុងប្រទេសកម្ពុជា។

តាមដានជាមួយយើង៖ Million Times

អ្នកឧកញ៉ា សំ សុខនឿន ចាប់ដៃគោរពស្វាគមន៍វត្តមានសម្តេច ហ៊ុន ម៉ាណែត នៅប្រទេសសិង្ហបុរី ក្នុងពេលអមដំណើរគោះទ្វារវិនិយោគនាពេលកន្លងទៅ

យ៉ាងណា មុនទទួលកាកកបក្នុងវិថីអចលនទ្រព្យលោកទទួលបានការអប់រំយ៉ាងពេញលេញចាប់ពីថ្នាក់វិទ្យាល័យរហូតដល់ថ្នាក់បណ្ឌិតនៅបរទេសលើជំនាញគ្រប់គ្រងពាណិជ្ជកម្ម។ អ្នកឧកញ៉ា សុខនឿន ហៅ SAM បានបោះជំហានដោយភាពជឿជាក់ និងទំនុកចិត្តខ្ពស់ក្នុងវិស័យអចលនទ្រព្យចាប់ផ្តើមជាអ្នកភ្នាក់ងារលក់ វិវត្តន៍មកជាអ្នកវាយតម្លៃទិញលក់អចលនទ្រព្យ និងបច្ចុប្បន្នជាអ្នកវិនិយោគ ជាម្ចាស់សាជីវកម្មពហុវិស័យ សេម អេសអិន គ្រុប (SAM SN Group)។

ដើម្បីចែករំលែករាល់បទពិសោធន៍ ចំណេះ ជំនាញ ក្បួន និងសិល្បៈដើរលើវិស័យអចលនទ្រព្យអស់រយៈពេល ១០ឆ្នាំជាងមកនេះដល់អ្នកដែលមានចំណាប់អារម្មណ៍ចង់ប្រែក្លាយជីវិតជោគជ័យក្នុងវិថីអចលនទ្រព្យ អ្នកឧកញ៉ា សំ សុខនឿន ឆ្លៀតពេលមមាញឹកដ៏មានតម្លៃរបស់ខ្លួនដែលកំពុងដឹកនាំសាជីវកម្ម និងកិច្ចការពាណិជ្ជកម្មជាច្រើនមុខទៀត ចម្រាញ់មាគ៌ាជោគជ័យរបស់លោកចេញជាសំណៅឯកសារគ្រឹះបំណិនជីវិតក្នុងមាគ៌ាអចលនទ្រព្យ។

ថ្លែងប្រាប់គេហទំព័រមីលានថាមស៍ (Million Times) អ្នកឧកញ៉ាបណ្ឌិត សំ សុខនឿន បានឲ្យដឹងថា សំណៅឯកសារដែលជាដំណើររឿងដ៏ចាប់អារម្មណ៍របស់លោកក្នុងមាគ៌ាអចលនទ្រព្យ គឺជាវណ្ណកម្មថ្មីបរិយាយអំពីថាមពលជីវិត បទពិសោធ ការតស៊ូក្រាញននាលទម្រាំស្វែងរកគោលដៅជីវិតឃើញ សម្របខ្លួនក្នុងបរិយាយកាសដ៏ក្តៅគគុកលើសង្វៀនក្នុងនាមជាយុវជន អ្នកលក់ ភ្នាក់ងារ អ្នកវាយតម្លៃទិញលក់ និងអ្នកវិនិយោគជាដើម រហូតបង្កើតឪកាសឲ្យលោកឈានមកដល់ចំណុចកំពូលមួយក្នុងពិភពជំនួញនៅប្រទេសកម្ពុជា។

អ្នកឧកញ៉ាថ្លែងថា៖ ឯកសារបំណិតជីវិតដែលត្រៀមសម្ពោធជាផ្លូវការនាពេលខាងមុខ ខ្ញុំប្រសិទ្ធនាមថា «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ដើម្បីចែករំលែកឱ្យសាធារណៈជនបានសិក្សាស្វែងយល់ជាប្រយោជន៍។

អ្នកឧកញ៉ាបន្តថា ខ្លឹមសារសៀវភៅខ្ញុំបានរៀបរាប់ទាំងស្រុងពីដំណើរឿងពិតនៃជីវិត ការតស៊ូ ភាពក្លាហាន ការជឿជាក់ ភាពស្មោះត្រង់ ការកសាងសមត្ថភាព គន្លឹះដឹកនាំអាជីវកម្ម និងប្រមូលផ្តុំទស្សនៈផ្នត់គំនិតវិជ្ជមាន ពិសេស យុទ្ធសាស្ត្រក្នុងការធ្វើជំនួញលើវិស័យអចលនទ្រព្យតែម្តង ដែលជាវិស័យធ្វើឲ្យលោកមានអ្វីគ្រប់យ៉ាងដូចសព្វថ្ងៃនេះ។

បើតាមអ្នកឧកញ៉ាម្ចាស់វណ្ណកម្មស្នាដៃ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ត្រៀមសម្ពោធនាពេលដ៏ខ្លីខាងមុខ ហើយសម្រាប់សាធារណជនដែលមានបំណងចាប់អារម្មណ៍ចង់សៀវភៅដ៏ពិសិដ្ឋមួយសូមទាក់ទងទៅកាន់ក្រុមការងារផេកទំព័រហ្វេសប៊ុកឈ្មោះ Dr. Sam Soknoeun បណ្ឌិត សុខ នឿន (https://web.facebook.com/PropertyForSaleInPhnomPenh) ។

សូមជម្រាបថា អ្នកឧកញ៉ាបណ្ឌិត សំ សុខនឿន បច្ចុប្បន្នជាប្រធានក្រុមប្រឹក្សាក្រុមហ៊ុន SAM SN Group ជាសមាជិកសកម្មនៃសមាគមឧកញ៉ាកម្ពុជា សមាជិកសភាពាិជ្ជកម្មកម្ពុជា និងជាទីប្រឹក្សាផ្ទាល់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភាជាតិ៕

អត្ថបទ៖ សាងតេជៈ រូបភាព៖ ផ្តល់ឲ្យ

The post ណែនាំសៀវភៅដំណើររឿងជីវិតកូនកសិករតស៊ូក្នុងមាគ៌ាអចលនទ្រព្យទទួលបានជោគជ័យ appeared first on Millions times.