សុខ រស្មី Archives - Millions times

ម្ចាស់ក្រុមហ៊ុន Sybells Paris សុខ រស្មី ស្អាត រៀបរប ថ្លៃថ្នូរ ក្នុងឈុតប្រពៃណី ស័ក្ដិសមឋានៈ

Vin Chang — Wed, 18 Feb 2026 09:57:54 +0000

រសនិយមក្នុងការរស់នៅប្រចាំថ្ងៃលោកស្រី សុខ រស្មី ចូលចិត្តបែបសាមញ្ញៗ គ្មានភាពរញ៉េរញ៉ៃច្រើនឡើយ។ តែបើថ្ងៃពិសេស ឬមានកម្មវិធីណាមួយនោះម្ចាស់ក្រុម Sybells Paris រូបនេះ ពិតជាមិនធម្មតាឡើយ ទាំងការតុបតែងខ្លួន និងសម្ភារនិយម ធ្វើយ៉ាងណាឲ្យសមនឹងមុខមាត់ ឋានៈក្នុងសង្គម។

តាមដានជាមួយយើង៖ Million Times

ម្ចាស់ក្រុមហ៊ុន Sybells Paris ថ្មីៗនេះចូលរួមកម្មវិធីភ្ជាប់ពាក្យក្មួយប្រុសស្រី លើទឹកដីខេត្តព្រះសីហនុ និងធ្វើឡើងនៅភោជនីយដ្ឋានចាប៉ីយក្សរបស់ប្អូនប្រុសខ្លួនតែម្ដង។ ក្នុងឈុតប្រពៃណីពណ៌មាស អមដោយគ្រឿងអលង្ការពេជ្រ bulgari សេដ្ឋិនីរូបនេះពិតជាស្អាត ស័ក្តិសម នឹងឋានៈ មុខមាត់ក្នុងសង្គម ពិសេសបង្ហាញយ៉ាងច្បាស់ឥទ្ធិពលម្ចាស់ក្រុមហ៊ុន។

មិនអស់ត្រឹមប៉ុណ្ណេះឡើយ លោកស្រី សុខ រស្មី ក៏បានបន្ថែមដោយកាន់កាបូបដៃ Bottega Veneta ពណ៌មាសមួយទៀត ឲ្យសមនឹងឈុតសំពត់បត់ផាមួង អាវប៉ាក់ពណ៌មាសដូចគ្នា។ សម្រាប់កាបូបដៃ Bottega VenetaKnot Minaudiere clutch របស់លោកស្រី សុខ រស្មី កាន់មានតម្លៃជិត ៥ ពាន់ដុល្លារ។

គួរបញ្ជាក់ថាកាលពីខែមករា កន្លងទៅ បានរៀបចំឡើងភូមិគ្រឹះយ៉ាងធំស្កឹមស្កៃ ដែលមានតម្លៃរាប់លានដុល្លារ និងមានតែងគ្រឿងសង្ហារិមមានតម្លៃ ព្រមទាំងអំពូលគ្រីស្តាល់ យ៉ាងប្រណីត៕

អត្ថបទ៖ ឆដា, រូបភាព៖ Sok Reaksmey

The post ម្ចាស់ក្រុមហ៊ុន Sybells Paris សុខ រស្មី ស្អាត រៀបរប ថ្លៃថ្នូរ ក្នុងឈុតប្រពៃណី ស័ក្ដិសមឋានៈ appeared first on Millions times.

មកមើលពីទិដ្ឋភាពភូមិគ្រឹះដ៏ធំស្កឹមស្កៃរបស់សេដ្ឋិនី សុខ រស្មី ឃើញហើយពិតជាគួរឲ្យចង់រស់នៅ

Vin Chang — Thu, 05 Feb 2026 08:33:26 +0000

បើទោះជាកម្មវិធីឡើងភូមិគ្រឹះរបស់សេដ្ឋិនី សុខ រស្មី ម្ចាស់ក្រុមហ៊ុនស៊ីប៊ែលប៉ារីស និងក្រុមគ្រួសារ បានរៀបចំរួចរាល់តាំងពីថ្ងៃ ២៦ ខែមករា ឆ្នាំ ២០២៦ មកក៏ដោយ តែទិដ្ឋភាពនៃទ្រនំដ៏ធំរបស់អ្នកជំនួញរូបនេះ មិនទាន់បានឃើញឡើយ ទើបតែថ្មីៗនេះប៉ុណ្ណោះ។

តាមដានជាមួយយើង៖ Million Times

រូបភាពបង្ហាញយ៉ាងពេញលេញនៃភូមិគ្រឹះរបស់គ្រួសារនៃម្ចាស់អាណាចក្រស៊ីប៊ែលប៉ារីស គឺលោកស្រី សុខ រស្មី ត្រូវបើកបង្ហាញតាមរយៈក្រុមហ៊ុនថតរូបដ៏ល្បី ដែលតែងតែផ្ដិតយករូបភាពក្នុងកម្មវិធីជ័យមង្គលនៃត្រកូលអភិជនក្នុងស្រុក។

ភូមិគ្រឹះដែលទើបនឹងសាងសង់រួចក្នុងពេលថ្មីៗនៃអ្នកឧកញ៉ា អ៊ូ ឆាយ និងភរិយា ដែលគេស្គាល់យ៉ាងច្បាស់ថាជាឪពុកម្ដាយបង្កើតលោកស្រី សុខ រស្មី ត្រូវបានចំណាយអស់រាប់លានដុល្លារ ព្រមទាំងការរចនាតុបតែងផ្សេងៗនៅខាងក្នុងគេហដ្ឋានដ៏ធំស្កឹមស្កៃនោះ។

នៅខាងក្នុងភូមិគ្រឹះនោះ សេដ្ឋិនី សុខ រស្មី ក៏បានតុបតែងដោយអំពូលគ្រីស្តាល់តូចធំ វែងខ្លី ភ្លឺចិញ្ចាច រួមទាំងបង្កាន់ដៃជណ្ដើរដ៏ប្រណីតពណ៌មាសកណ្ដាលផ្ទះ។ ម្ចាស់ក្រុមហ៊ុនស៊ីប៊ែលប៉ារីសបានអនុញ្ញាតឲ្យភ្ញៀវកិត្តិយសអញ្ជើញចូលមើលតាមបន្ទប់គេងនៃសមាជិកម្នាក់ៗ រហូតដល់ភ្ញៀវលាន់មាត់ភ្ញាក់ផ្អើលពីទំហំដ៏ធំរបស់បន្ទប់នីមួយៗ។

សម្ភារទំនើបៗជាច្រើនបានតាំងលម្អ និងបើកបង្ហាញឲ្យឃើញពីប្រណីតភាពនៃការរស់នៅដ៏សម្បូរបែបរបស់សេដ្ឋិនី សុខ រស្មី ព្រមទាំងក្រុមគ្រួសារ៕

អត្ថបទ៖ ឆដា, រូបភាព៖ one memory

The post មកមើលពីទិដ្ឋភាពភូមិគ្រឹះដ៏ធំស្កឹមស្កៃរបស់សេដ្ឋិនី សុខ រស្មី ឃើញហើយពិតជាគួរឲ្យចង់រស់នៅ appeared first on Millions times.

ថៅកែក្រុមហ៊ុនស៊ីប៊ែលប៉ារីស លោកស្រី សុខ រស្មី និយមស្បែកជើង Manolo Blahnik

Vin Chang — Wed, 28 Jan 2026 07:38:33 +0000

នាថ្ងៃឡើងភូមិគ្រឹះថ្មីរបស់អ្នកឧកញ៉ា អ៊ូ ឆាយ ដែលជាឪពុករបស់ថៅកែក្រុមហ៊ុនស៊ីប៊ែលប៉ារីស ហើយលោកស្រី សុខ រស្មី ដែលជាកូន និងជាសមាជិកក្នុងក្រុមគ្រួសារ បានរៀបចំពិធីផ្សេងៗតាមបែបប្រពៃណីដ៏អធិកអធម និងតែងខ្លួនយ៉ាងប្រណីត។

តាមដានជាមួយយើង៖ Million Times

សម្រាប់លោកស្រី សុខ រស្មី និងស្វាមីក៏មិនខុសពីសមាជិកគ្រួសារដទៃទៀតដែរ ដោយអំឡុងពេលកម្មវិធីបែបបុរាណ ការរៀបចំតុបតែងខ្លួនផ្សេងៗក៏ស្ថិតនៅក្នុងឈុតបុរាណដូចគ្នា។ ដោយថៅកែស្រីស៊ីប៊ែលប៉ារីស រូបនេះបានជ្រើសរើសចរបាប់ និងសំពត់ក្បិន២ គឺបៃតងចាស់ និងពណ៌ក្រហម។

បើទោះជាគ្រងឈុត និងរៀបចំខ្លួនបែបបុរាណ តែលោកស្រី រស្មី បានបាក់ស្បែកជើងយ៉ាងទាន់សម័យ ពណ៌ស៊ីគ្នាជាមួយឈុតនោះតែម្ដង ដែលជាម៉ាក Manolo Blahnik ដ៏ល្បីសម្រាប់ស្ត្រីមានរសនិយមខ្ពស់ និងជោគជ័យដទៃ។

ស្បែកជើងទី ១ Green Satin Jewel Buckle Pumps ត្រូវគ្នាជាមួយឈុតបៃតង ហើយស្បែកជើងនោះគឺមានតម្លៃ ១ ៤៩១ ដុល្លារ។ ចំណែក១ គូទៀតនៅតែជាម៉ាក Manolo Blahnik របស់ពណ៌ក្រហមManolo Blahnik Burgundy Satin Maysale Buckle និងមានតម្លៃដូចពណ៌បៃតងដែរ។

គួរបញ្ជាក់ផងដែរថា លោកស្រី សុខ រស្មី គឺជាអ្នកជំនួញដ៏ល្បី និងជាបុគ្គលសាធារណៈដែលជួយដល់សង្គមជាតិជាច្រើនតាមរយៈគាំទ្រផលិតផលក្នុងស្រុករបស់កសិករខ្មែរ៕

អត្ថបទ៖ ឆដា, រូបភាព៖ Sok Reaksmey

The post ថៅកែក្រុមហ៊ុនស៊ីប៊ែលប៉ារីស លោកស្រី សុខ រស្មី និយមស្បែកជើង Manolo Blahnik appeared first on Millions times.

លោកស្រី សុខ រស្មី រៀបចំឡើងភូមិគ្រឹះថ្មីឲ្យឪពុកអ្នកឧកញ៉ា អ៊ូ ឆាយ និងខួបអាពាហ៍ពិពាហ៍ ៤៥ឆ្នាំ

Vin Chang — Tue, 27 Jan 2026 08:12:33 +0000

ថ្មីៗនេះអ្នកឧកញ៉ា អ៊ូ ឆាយ និងភរិយា គឺលោកស្រី សុខ វាសនា ដែលជាឪពុកម្ដាយរបស់លោកស្រី សុខ រស្មី បានរៀបចំកម្មវិធីឡើងភូមិគ្រឹះថ្មី ព្រមជាមួយខួបអាពាហ៍ពិពាហ៍គម្រប់ ៤៥ឆ្នាំ យ៉ាងអធិកអធម។

តាមដានជាមួយយើង៖ Million Times

អ្នកឧកញ៉ា អ៊ូ ឆាយ បានអញ្ជើញភ្ញៀវពន្លឺជាបុគ្គលមានមុខមាត់នៅក្នុងសង្គម ក៏ដូចជាមន្ត្រីរាជការអ្នកមុខអ្នកការ។ មិនត្រឹមតែអ្នកមុខអ្នកការឡើយ អ្នកនៅក្នុងវិស័យជំនួញល្បីៗ ពិសេសក្នុងវិស័យអនឡាញជាច្រើនសុទ្ធតែបានអបអរសាទរនាថ្ងៃដ៏អស្ចារ្យរបស់អ្នកឧកញ៉ា អ៊ូ ឆាយ និងភរិយា។

កម្មវិធីឡើងភូមិគ្រឹះដ៏ស្កឹមស្កៃ ក្នុងបរិវេណដីធំសម្បើមរបស់អ្នកឧកញ៉ា អ៊ូ ឆាយ និងភរិយា បានបញ្ចប់ទៅហើយក្ដី តែរូបភាពនៅលើបណ្ដាញសង្គមកំពុងផ្ទុះទទួលបានការចាប់អារម្មណ៍ដដែល។

ភូមិគ្រឹះនេះដែរគឺជារបស់ឪពុកម្ដាយរបស់ម្ចាស់ក្រុមហ៊ុនស៊ីប៊ែលប៉ារីស គឺលោកស្រី សុខ រស្មី ដែលល្បីខាងផលិតផលអាហារបំប៉ន និងរោងចក្រកែច្នៃផ្លែស្វាយជាដំណាប់
សម្រាប់ភូមិគ្រឹះរបស់អ្នកឧកញ៉ា អ៊ូ ឆាយ មិនត្រូវបានទម្លាយពីតម្លៃឡើយ ប៉ុន្តែទាំងការរចនា និងការដេគ័រផ្សេងៗ ចាប់ពីខ្ទង់លានដុល្លារ។

គួរបញ្ជាក់ថាអំឡុងពេលប្រទេសមានបញ្ហា អ្នកឧកញ៉ា អ៊ូ ឆាយ និងភរិយា គឺលោកស្រី សុខ វាសនា និងកូនៗទាំងអស់សស្រាក់សស្រាំក្នុងការជួយសម្រួលទុក្ខលំបាក៕

អត្ថបទ៖ ឆដា, រូបភាព៖ AlexEntertainment Agency និង Make Over

The post លោកស្រី សុខ រស្មី រៀបចំឡើងភូមិគ្រឹះថ្មីឲ្យឪពុកអ្នកឧកញ៉ា អ៊ូ ឆាយ និងខួបអាពាហ៍ពិពាហ៍ ៤៥ឆ្នាំ appeared first on Millions times.

ម្ចាស់ផលិតផល ស៊ីប៊ែលប៉ារីស សុខ រស្មី ថា អាជីវកម្ម ឬជំនួញមួយជោគជ័យ អាស្រ័យកត្តា ៥ យ៉ាងនេះ

Vin Chang — Mon, 07 Oct 2024 04:08:18 +0000

លោកស្រី សុខ រស្មី ម្ចាស់ក្រុមហ៊ុនស៊ីប៊ែលប៉ារីស កាន់តែមានភាពរីកចម្រើនខ្លាំង បើទោះជាទើបចាប់ផ្ដើមអាជីវកម្មកាលពីដើមឆ្នាំ ២០២៣ ក៏ដោយ។ សម្រាប់បង្កើនទីផ្សារទាំងផលិតផលថែរក្សាសម្រស់ និងសុខភាពរបស់សេដ្ឋីនីថ្មីថ្មោង សុខ រស្មី ផ្ដោតលើករផ្សព្វផ្សាយលើបណ្ដាញសង្គមនានា។

តាមដានជាមួយយើង៖ Million Times

ម្ចាស់អាជីវកម្មសារ៉ាយសមុទ្រស៊ីប៊ែលប៉ារីស បានឲ្យដំបូន្មានខ្លះៗទាក់ទងនឹងការប្រកបរបររកស៊ី ដើម្បីអាចឈានទៅដល់ភាពជោគជ័យ។ ស្ត្រីហាយសូសម័យថ្មីរូបនេះជាមនុស្សចូលចិត្តភាពឡូយឆាយ និងជាអ្នកជំនួញដ៏សម្បូរបែបថែមទៀតផង។

អ្នកជំនួញដ៏មានប្រជាប្រិយភាពរូបនេះ បានឲ្យដឹងថា អាជីវកម្ម ឬមុខជំនួញមួយជោគជ័យបាន អាស្រ័យលើ ការដឹកនាំល្អ, ភាពប៉ិនប្រសប់ក្នុងការប្រាស្រ័យទាក់ទងគ្នា, ទំនួលខុសត្រូវ,ស្មោះត្រង់ និងភាពមានម្ចាស់ការលើខ្លួនឯង។

ក្រៅពីជំនួញផលិតផលថែរក្សាសម្រស់ និងសុខភាព ស្រ្តីនិយមសម្ភារៈប្រេនៗរូបនេះក៏នៅមានជំនួញធំៗជាច្រើនទៀតដូចជាសណ្ឋាគារខេត្តព្រះសីហនុ និងភោជនីយដ្ឋានចំប៉ីយក្ស ,រីសតនៅខេត្តប៉ៃលិន។ សម្រាប់សុភាសិតខ្មែរដែលលោកស្រីស្រលាញ់ និងយកមកអនុវត្តន៍ជានិច្ច គឺ“ងើយស្កក ឱនដាក់គ្រាប់”។

ហេតុដូចនេះហើយមហាជនសង្កេតឃើញថាអ្នកជំនួញប្រាក់វាល់លានរូបនេះ ទៅណាមកណាមិនចេះប្រកាន់ខ្លួនមហាជនស្រលាញ់ចូលចិត្ត មិនចេះឆ្មើងឆ្មៃ មិនតបត គឺគិតតែខិតខំប្រឹងប្រែង ដើម្បីធ្វើយ៉ាងណាឲ្យក្រុមហ៊ុនជោគជ័យដូចសព្វថ្ងៃនេះ។

ម្ចាស់ផលិតផល ស៊ីប៊ែលប៉ារីស សុខ រស្មី និងស្វាមីសុទ្ធសឹងជាមនុស្សមានការចេះដឹងជ្រៅជ្រះ ដោយបន្តការសិក្សានៅបរទេសទាំង ២ នាក់តែម្ដង។ លោកស្រីក៏ជាមនុស្សចិត្តបុណ្យទ្រទ្រង់ទាំងផ្នែកពុទ្ធសាសនា និងជួយអ្នកដទៃទាំងផ្ទាល់ ព្រមទាំងកម្មវិធីសប្បុរសធម៌ផ្សេងៗ ហើយដឹងគុណព្រះរស់ជានិច្ច៕

រូបភាព៖ Sok Reaksmey

The post ម្ចាស់ផលិតផល ស៊ីប៊ែលប៉ារីស សុខ រស្មី ថា អាជីវកម្ម ឬជំនួញមួយជោគជ័យ អាស្រ័យកត្តា ៥ យ៉ាងនេះ appeared first on Millions times.

សុខ រស្មី Archives - Millions times

ម្ចាស់ក្រុមហ៊ុន Sybells Paris សុខ រស្មី ស្អាត រៀបរប ថ្លៃថ្នូរ ក្នុងឈុតប្រពៃណី ស័ក្ដិសមឋានៈ

មកមើលពីទិដ្ឋភាពភូមិគ្រឹះដ៏ធំស្កឹមស្កៃរបស់សេដ្ឋិនី សុខ រស្មី ឃើញហើយពិតជាគួរឲ្យចង់រស់នៅ

ថៅកែក្រុមហ៊ុនស៊ីប៊ែលប៉ារីស លោកស្រី សុខ រស្មី និយមស្បែកជើង Manolo Blahnik

លោកស្រី សុខ រស្មី រៀបចំឡើងភូមិគ្រឹះថ្មីឲ្យឪពុកអ្នកឧកញ៉ា អ៊ូ ឆាយ និងខួបអាពាហ៍ពិពាហ៍ ៤៥ឆ្នាំ

ម្ចាស់ផលិតផល ស៊ីប៊ែល​ប៉ារីស សុខ រស្មី ថា អាជីវកម្ម ឬជំនួញមួយជោគជ័យ អាស្រ័យកត្តា ៥ យ៉ាងនេះ

ម្ចាស់ផលិតផល ស៊ីប៊ែលប៉ារីស សុខ រស្មី ថា អាជីវកម្ម ឬជំនួញមួយជោគជ័យ អាស្រ័យកត្តា ៥ យ៉ាងនេះ